Fjell kommune Arkiv: 501 Saksmappe: 2008/ /2009 Sakshandsamar: Alv Terje Fotland Dato: SAKSDOKUMENT

Transkript

1 Fjell kommune Arkiv: 501 Saksmappe: 2008/ /2009 Sakshandsamar: Alv Terje Fotland Dato: SAKSDOKUMENT Utvalsaksnr Utval Møtedato 31/09 Formannskapet Framlegg til planprogram for kommunedelplan Bildøyna Samandrag av saka: Eit større område på Nordre Bildøyna er i gjeldande kommuneplan satt av som kvitt område, dvs. utan føremål og rettsverknad. Fylkesmannen har kravd utarbeiding av ein kommunedelplan for området, noko som og er nedfelt i kommuneplanen sin arealdel, , punkt 3.2: Generelle føresegner. Vedtak om oppstart av arbeidet med kommunedelplanen vart gjort i komité for plan og utvikling Ein viktig årsak til at ein tok til med arbeidet er også Lie-gruppen sin Visjon kystby for det kvite området Det er ikkje eit formelt vedtak på at delar av Nordre Bildøyna bør vere eit byggjeområde. Rådmannen nytter dette planprogrammet til å føre ein slik diskusjon slik at arbeidet med kommunedelplanen kan konsentrere seg om avgrensing og innhald i byggjeområdet, og ikkje om området er egna for og ønskeleg til utbygging. Utbygging på Bildøyna må sjåast på som ein integrert del av tettstaden Straume Bildøyna. Tiltak på Bildøyna må supplere og ikkje konkurrere med regionsenteret på Straume. Bildøyna er samstundes det einaste området i den nye tettstaden der det vil vere mogleg å etablere eit større samanhengande kystnært område med god tilgjenge for ålmenta. Samspelet mellom byggjeområde og tilliggjande grøne og kystnære område vil stå heilt sentralt i arbeidet med kommunedelplanen. Fjell kommune har også mottatt eit framlegg til utbygging for eit område mot Straumsundet som inngår i rådmannen sitt framlegg til planområde. Dette området er prioritert av jordbruksinteresser, og utforming av området vil også verte sterkt påverka av arbeidet med nytt Fastlandsamband. Sjølv om området kan syne seg å vere eit godt byggjeområde, er rådmannen i tvil om det er rett å prioritere ein planprosess for dette området på kort sikt. Planområdet er foreslått å vere midtre og nordre Bildøyna og øya Råna. For Søre Bildøyna er arealbruken godt nok sikra i gjeldande kommuneplan. Kommunedelplanen skal gje gode og tenlege rammer for vidare planlegging og bygging og må koordinerast med planane for nytt Fastlandsambandet, landbruksinteressene og tettstadsutvikling på

2 Straume. I samsvar med ny planlov er områderegulering den beste reguleringsforma når kommunedelplanen har avgrensa byggjeområdet. Rådmannen ser føre seg ei framdrift der kommunedelplan og områderegulering er vedtekne innan sumaren Endeleg planprogram skal vedtakast i kommunestyret. Innstilling: Rådmannen rår formannskapet til å gjere følgjande vedtak: 1. Formannskapet godkjenner at Framlegg til planprogram for kommunedelplan Bildøyna datert oktober 2009, vert lagt ut til offentleg ettersyn i 8 veker frå kunngjeringsdato. 2. Planprogrammet har som utgangspunkt at delar av planområdet nord for riksveg 555 skal planleggjast for utbyggingsføremål. Straume, den Steinar Nesse Rådmann Willy Sørensen Plan- og utbyggingssjef Handsama i Formannskapet : Gerd O Lie seier seg ugild i denne saka grunna nært slektskap med utbyggjar. Formannskapet slutta seg til dette. Det møtte ikkje vara for Lie. Rådmannen v/hans Jacob Roald gav ei grundig presentasjon av framlegg til planprogram for kommunedelplan for Bildøyna og gjorde greie for premissane i saka. Framlegg frå Marianne Sandahl Bjorøy (AP) nytt pkt 3: Planen skal vurderast opp mot Straumssundet for å sjå samanhengen mellom Straume og Bildøy Nord og korleis dette kan utviklast heilskapeleg. Framlegg frå Kjartan Algrøy (AP)om nytt pkt 4: Område D vert endra slik at område for offentlege føremål vert lagt over til område C i områdereguleringsarbeidet. Område D vert endra slik at området vert utvikla med omsyn til framtidig byggjeområde. Rådmannen sitt framlegg til punkt 1 vart samrøystes vedteke. Rådmannen sitt framlegg til punkt 2 vart samrøystes vedteke. Framlegg til nytt punkt 3 frå Marianne S Bjorøy (AP) vart samrøystes vedteke Framlegg til nytt punkt 4 frå Kjartan Algrøy (AP) vart samrøystes vedteke.

3 Vedtak i Formannskapet : Rådmannen rår formannskapet til å gjere følgjande vedtak: 3. Formannskapet godkjenner at Framlegg til planprogram for kommunedelplan Bildøyna datert oktober 2009, vert lagt ut til offentleg ettersyn i 8 veker frå kunngjeringsdato. 4. Planprogrammet har som utgangspunkt at delar av planområdet nord for riksveg 555 skal planleggjast for utbyggingsføremål. 5. Planen skal vurderast opp mot Straumssundet for å sjå samanhengen mellom Straume og Bildøy Nord og korleis dette kan utviklast heilskapeleg. 6. Område D vert endra slik at område for offentlege føremål vert lagt over til område C i områdereguleringsarbeidet. Område D vert endra slik at området vert utvikla med omsyn til framtidig byggjeområde Dokument vedlagt saka: 1. Framlegg til planprogram for kommunedelplan Bildøyna , oktober Innspel frå Liegruppen AS vedr vidare planstrategi for Nordre Bildøyna ( ) 3. Innspel frå Altus Eiendom AS, Skisseprosjekt Straumssundet/Bildøy ( ) Saksopplysningar: Eit større område på Nordre Bildøyna er i gjeldande kommuneplan sett av som kvitt område, dvs. utan føremål og rettsverknad. Bildøyna vart i kommuneplanen sin tekstdel peika på som eit framtidig utbyggingsområde og som ei supplering til det regionale senteret på Straume. Fylkesmannen har kravd utarbeiding av ein kommunedelplan for området, noko som er nedfelt i kommuneplanen sin arealdel, , punkt 3.2: Generelle føresegner. Kommuneplankartet syner og eit større influensområde med tanke på at det kvite område skal vurderast i ein større samanheng. Komité for plan og utvikling vedtok oppstart av kommunedelplan for Bildøyna (sak 224/08) Her vart det og skissert kva som skulle vere innhaldet i planprogram. Lie-gruppen har fremja Visjon kystby for det kvite området, med ein strategi for utarbeiding av reguleringsplan. Konseptet Visjon kystby er bakgrunnen for at området er satt av som kvitt i kommuneplanen sin arealdel. Visjon kystby ligg ved denne saka som trykt vedlegg. Det har vore møter mellom tiltakshavar for Visjon kystby i samband med utarbeiding av dette planprogrammet med tanke på koordinering av innhald og framdrift. Ei utbygginga av Bildøyna vil verte påverka av nytt Fastlandsamband. Konseptet for dette, ny to- eller fire-felts veg, samt val av trase, er enno ikkje fastlagt. Dette arbeidet vil skje i tett dialog med Statens vegvesen og Bergen kommune hausten 2009, parallelt med høyringa av dette planprogrammet. Framlegg til strategisk landbruksplan for Fjell, Sund og Øygarden har nett vore til høyring. Ein større del av Bildøyna er her synt som kjerneområde for landbruk. Høyringa av landsbruksplanen vil gå parallelt med høyringa av dette planprogrammet.

4 Fjell kommune har motteke eit innspel frå Altus Eiendom AS til utbygging mot Straumsundet. Innspelet kjem etter vedtak om oppstart av kommunedelplan Bildøyna. Området ligg innanfor område avsett til LNF-område i dagens kommuneplan og innanfor kjerneområde for landbruk i framlegg til strategisk landbruksplan. I framlegg til revidert kommuneplan, som og er på høyring, er området synt som LNF-område. Planarbeidet vil gå etter ny planlov som trådde i kraft 1. juli Denne syner til 3 nivå for planarbeidet: Kommunedelplan Dette er ein arealplan der kommunen har ansvaret for å leggje overordna og langsiktige føringar. Ved sidan av planskildring, skal det lagast eit plankart med føreseger som er juridisk bindande etter plan- og bygningslova. Regionale styresmakter kan kome med motsegn, men vedtak i kommunestyret kan ikkje påklagast. Planen skal gje føringar for komande reguleringsplanar. Områderegulering (ny) Dette er ein overordna og grovmaska reguleringsplan som høver godt for større områder, spesielt der utbygginga skal skje etappevis. Det er kommunen sitt ansvar å fremje slik plan, men kommunen kan be tiltakshavar utarbeide framlegg til plan på vegne av kommunen. Planen har tyngre rettsverknad enn kommunedelplanen med omsyn til gjennomføring og kan mellom anna syne seg nyttig som grunnlag for utbyggingsavtalar. Endeleg vedtak kan påklagast til Fylkesmannen. Detaljregulering Denne planforma er eintydig knytt til gjennomføring og er velegna for mindre område. Rammene bør vere avklara i kommune(del) plan og / eller områderegulering. Dette er planen til tiltakshavar. Planen har ei tidsramme for rettsverknad på 5 år. Vedtak kan påklagast, men ikkje vedtak som allereie ligg i ei ev. områderegulering. Vurdering: Arbeidet med kommunedelplan for Bildøyna må sjåast i samanheng med planarbeidet med nytt Fastlandssamband, eksisterande kommunedelplan for Straume og kommuneplanen sin arealdel. Hovudmålet med kommunedelplan for Bildøyna er å få avklart i kva omfang ein ynskjer ei utvikling på øya, grenser mellom framtidig byggjeområde og overordna grønstruktur, samt hovudlinene for infrastruktur som m.a. lokalvegsystem og gang- og sykkelvegar. Føresegner knytt til kvalitetar ved ei utbygging vil også inngå i planarbeidet. Det er ein stor fordel for arbeidet med kommunedelplanen at arbeidet med nytt Fastlandsamband og landbruksplan vil gå parallelt. Planprogrammet legg opp til ei avgrensing av planområdet som inkluder det meste av Bildøyna samt øya Råna. Dette fordi utvikling på Nordre Bildøyna må sjåast i ein større samanheng. Sentralt på Bildøyna ligg eit større skule- og idrettsområde som kan vidareutviklast. Tilgjenge mellom nye byggjeområde og skulesenteret, samt mot det regionale senterområdet på Straume, vil vere eit sentralt tema i kommunedelplanen. I kva grad og på kva måte øya Råna skal gjerast tilgjengeleg frå land vil vere eit anna sentralt tema. Regulert område på Søre Bildøyna vert halde utanfor planen sidan arealbruken i gjeldande kommuneplan er godt nok avklara.

5 Det er ikkje gjort eit formelt politisk vedtak knytt til utbygging av Nordre Bildøy. Det at området er synt som kvitt i kommuneplanen inneber strengt tatt at det kan vere aktuelt at området framleis skal vere LNF-område. Rådmannen ønskjer å leggje denne diskusjonen bak seg før ein tar fatt på arbeidet med kommunedelplanen, slik at arbeidet med kommunedelplanen skal dreie seg om grenser for utbygging og ikkje ja eller nei til utbygging. Rådmannen nytter difor dette planprogrammet til denne diskusjonen. Rådmannen syner her til hovudmåla i gjeldande kommuneplan og argumenterer for at ei utbygging på Nordre Bildøyna i stor grad er i samsvar med desse måla. Rådmannen finn dette so viktig at han tilrår dette som eit eige vedtakspunkt (pkt 2). Når det gjeld moglege utbyggingsområde syner planprogrammet til ulike delområde innanfor planområdet. For Nordre Bildøyna vil tilhøvet mellom byggjeområde og tilliggjande grøntområde stå sentral. Ei utbygging på Nordre Bildøyna vil uansett få store konsekvensar for tilliggjande område og arbeidet med kommunedelplanen må ta opp i seg desse utfordringane gjennom ei konsekvensutgreiing. Rådmannen har satt overskriftene Verknadar på miljø og Verknad på samfunn for dei konsekvensutgreiingane som skal gjennomførast. Rådmannen har og merka seg at dersom byggjeområdet for Kystbyen vert avgrensa til det kvite området, vil den reelle tilgangen for ålmenta til kystlina verte særs avgrensa. Når det gjeld området mot Straumsundet og innspelet frå Altus Eiendom er rådmannen i tvil. Planstudiet syner at området utan tvil har potensiale til å kunne verte eit positivt tilskot til det framtidige bustadmiljøet på Straume/ Bildøy. Samstundes er endring av arealbruk ikkje utan konfliktar. Rådmannen peiker her på framlegg til landbruksplan og til arbeidet med nytt Fastlandsamband. Rådmannen vil og peike på alle dei store områda som er og vil kome under planlegging i området Straume Bildøy i åra som kjem. Utan å ha tatt endeleg stilling er rådmannen si haldning at kanskje dette er eit område som med fordel kan ligge på vent. Rådmannen vil vente med si innstilling til etter høyringa av dette planprogrammet. Utarbeiding av kommunedelplanen er eit kommunalt ansvar. Kommunedelplanen skal avgrense seg til dei overordna føringane og ikkje gå i detalj. Rådmannen er av den oppfatning at dersom arbeidet med kommuneplanen syner eit klårt og konfliktfritt alternativ, kan arbeidet med ei områderegulering starte opp før endeleg vedtak. Framlegget til planprogram gjev eit godt grunnlag for utarbeiding av ein ny kommunedelplan med utgangspunkt i dei føringar som ligg. Framlegg til planprogram vil verte revidert etter den offentlege høyringa. Ein vil da kunne få tydelegare fram forventningar til og retning på det komande planarbeidet. Rådmannen tilrår at framlegg til planprogram for kommunedelplan Bildøyna vert lagt ut på høyring.