Vinje kommune Økonomi, plan og utvikling Arkiv saknr: 2013/1446 Løpenr.: 7009/2018 Arkivkode: 151/5 Utval Møtedato Utval Saksnr Plan- og miljøutvalet 30.05.2018 18/79 Kommunestyret 28.06.2018 18/62 Sakshandsamar: Lotte Næss Framlegg til detaljregulering for Strandbekkli PlanID 20130014, 151/5-2 gongs handsaming og endeleg vedtak Vedlegg: 1 Plankart lagt ut til offentleg ettersyn 2 Planomtale og føresegner lagt ut til off entleg ettersyn 3 Notat flaumfare Stærk & Co 4 Plankart revidert etter offentleg ettersyn Dokument i saka: Plm sak 17/85 Vinje kommune, brev om offentleg ettersyn 15.06.17 Merknader : Fylkesmannen i Telemark 30.08.17 Telemark fylkeskommune 24.10.17 Strandbekkli Hytteeierforening 05.09.17 Rolf Omsland 01.09.17 Øystein Østenå 05.09.17 Nils Tore Breiby 06.09.17 Geir Kåsa 06.09.17 Hansen Helge Wiese Hansen 08.09.17 Bakgrunn: Plan- og miljøutvalet vedtok 19.04.17, sak 17/85, å leggje framlegg til detaljregulering for Strandbekklii ut til offentleg ettersyn i samsvar med plan- og bygningslova 12-10. Brev om dette blei sendt ut 15.06.17, med frist for merknader 08.09.17.
Vedlegg 1 og 2 er plankart og planomtale med føresegner som var lagt ut til offentleg ettersyn. Etter offentleg ettersyn er plankartet revidert for å kome merknader i møte, sjå vedlegg 4. Merknadene er referert og kommentert nedanfor under vurdering. Vurdering: Fylkesmannen i Telemark Saknar vurdering av potensialet for naturmangfald. I ei særs enkel ros-analyse (pkt. 5.3),, er «Flaumfare» mangelfullt utgreidd. NVE sitt råd om å setje av soner på minimum 20 meter på kvar side av bekkar er ikkje følgt opp i føresegnene, og det er heller ikkje merka av for omsynssoner i plankartet. Slik me les planframlegget er det heilt i grenseland for motsegn. «I vårt innspel til varslet for planen dagsett 09.08.2013, gjorde vi klart kva for krav lova sett til dokumentasjon i høve til samfunnstryggleik og beredskap. Desse krava har vi òg understreke ei rekkje gonger i samband med fråsegn. På dette grunnlag ber vi kommunen som planmynde ha ekstra fokus på samfunnstryggleik og beredskap framover.» Naturmangfald Etter offentleg ettersyn er det er lagt til ein tekst i planomtala pkt. 5.4 s. 18, sjå vedlegg 4. Det er noko tynt, men ein legg til grunn at det er tilstrekkeleg. Det kan leggjast til at hyttefeltet ligg i reiselivssona i regional plan for Hardangervidda. Flaumfare - Etter råd frå administrasjonen blei det utarbeidd eit notat om flaumfare (sjå vedlegg 6). Dei rår til nye stikkrenner i feltet og under Fv 37. På tre av tomtene rår dei til tiltak mot flaumfare heving av tomtenivå og sikring av skråning med mur (tomtene 4, 13, og 73). Forslagsstiller har revidert plankart og andre dokument etter dette, og gjer framlegg om voll for å sikre mot flaum, sjå vedlegg 3 og 4. Det kan aksepterast. I tillegg bør det inn slike føresegner : Kryssing av eksisterande bekkar og vassdrag må utformast på ein slik måte at ein unngår skade på bygg og viktige installasjonar. Takvatn og lokal drenering av fritidsbustader mm skal skje på eksisterande eigedom eller i angitt overvassystem om dette finns. Vegar, biloppstillingsplassar mm skal ikkje ha topp dekke som hindrar naturleg infiltrasjon. Telemark fylkeskommune Ved registreringar i 2013 vart det funne 10 kolgroper. Det har i tillegg vorte innrapportert to kolgroper ID 213631 og 213632. I føresegnene pkt 7.3 er lista opp 7 kolgroper som ein ynskjer blir frigitt. Kolgrop ID 172231 bør ein òg søke om at blir frigitt. Føresegner om meldeplikta bør inn, med tekst som i merknaden: «Om det viser seg først medan arbeidet er i gang at det kan virke inn på eit automatisk freda kulturminne, skal Telemark fylkeskommune kontaktast og arbeidet stansast i den utstrekkinga det kan røre kulturminnet. Kulturminnemyndigheitene avgjer snarast mogleg og seinst innan 3 veker om arbeidet kan fortsetje og vilkåra for det. Fristen kan forlengast når særlege grunnar tilseier det (jf. kulturminneloven 8 andre ledd).»
Merknaden vert teken omsyn til. I tillegg til ID 213631 og 213632 skal ID 172231 visast på plankartet som «føresegnsområde», dvs dei er ynskt frigitt. Då blir det ikkje nokon igjen som skal regulerast med omsynssone. Strandbekkli Hytteeierforening - Dei ynskjer ikkje utleigeeiningar, som ein kan forvente at ikkje vil ha same fokus på fellesskap og utvikling i feltet. Det vil bli ein annan type felt. Dei ber kommune kome grunneigar i møte når han tilbyr parkeringsplassar som kompensasjon for utleigeeiningar. Dersom det skal regulerast til utleige, ber dei om at grad av utnytting, høgder etc blir dei same som i resten av feltet. - Det bør ikkje etablerast kunstige fyllingar, som inneber at tomta får ein annan kotehøgde enn opphaveleg terreng. - Tilkomst til feltet skal berre vere frå vest. - Avfallsconteinarar skal vere på p-plassen i vest, ikkje på den i aust. - Det må ikkje vere tillete å overnatte på p-plassane. - Utleigeeiningar : Ein skjønar innvendingane, men står fast ved at det må vere areal til utleige her. Ein kan likevel rå til at SK1 blir tilkomst til utleigeeiningane, og at det blir sett av eit grøntbelte. Høgde : stor høgdeforskjell 4-5 m få midt til midt, og for å få 2 fulle etasjar bør det kunne vere 7,5 m mønehøgde. - Fyllingar : For nokre tomter er det gjort framlegg om heving eller senking ifht opphavleg terreng. Dette vi ein halde fast ved. - Conteinerar er regulert inn på p-plassen i vest. - Det kan vere føresegner om skilt på p-plassane som forbyr overnatting. Rolf Omsland I føresegnene står at tomt 76 skal ha fyllingshøgde kote 1002,5 m.o.h. Tomt 76 bør ha fyllingshøgde kote 1002 m.o.h., som er den same som dei har på nabotomta tomt 27 (151/111). Fyllingshøgde kote 1002,5 m.o.h. vil innebere ei veldig høg fylling. Ein fylgjer forslagsstiller sin vurdering. Tilhøvet til vegen, som ligg fleire meter høgare, må ein òg ha i tankane. Ein vil ikkje rå til å ta omsyn til merknaden. Øystein Østenå Det er mest naturleg at tomt 30 (151/417) får tilkomst frå vest. Dette seier ikkje planen noko om, så det kan sikkert ordnast når vegen skal byggast. Helge Wiese Hansen Tomt 37 bør ut, fordi den vil innebere ei urimeleg stor belastning for deira hytta nedanfor. Ny hytte vil ruve over deira hytte, og skygge for sola. Tomt 37 ligg 2-3 m høgare, og ny hytte kan byggast med 6 m mønehøgde.
Det er vanskeleg å rå til å ta denne merknaden til fylgje, fordi det kan vere mange andre i same situasjon. Nils Tore Breiby Tomtene 71 73 stenger for kontakten og tilgangen til tur-området sti-systemet og Silkedalsløypa. Bekken har vore eit naturleg fysisk skilje, og det er ikkje mange stader som eignar seg for passering. Rår til at tomt 73 går ut, evt at det kan setjast av plass mellom tomtene 72 og 73. Merknaden vert teken til fylgje, sjå kommentar til Geir Kåsa. Geir Kåsa Er skeptiske til regulering til utleige. Sjå merknad frå hyttevelforeininga. Dersom dette kravet blir ståande, ynskjer dei at veg SK1 blir tilkomst til utleigeeiningane og maks mønehøgde blir den sama som i resten av feltet, 6,5 m, ikkje 7,5 m. Dei ynskjer òg at det blir sett av ein korridor til vinterleik mm i den vestlege delen av tomtene 64 og 65. Her er VAleidningar i grunnen. Sjå kommentarar til merknad frå hytteeigarforeinga. SK1 kan bli tilkomst til utleigeeiningane. Korridorar : Planframlegget er revidert for på kome merknadene i møte på dette punktet. Areal til utleige skal tilsvare 10 % av tal nye tomter. I tråd med dette vedtok plan- og miljøutvalet ved 1. gongs handsaming at areal tilsvarande 4 tomter skulle regulerast til utleige (tomtene 60, 61, 63, og 64). P-plass : Planframlegget viser to p-plassar. Desse er for hyttefeltet, dei er ikkje ment å vere opne for ålmenta. Areal for utleige BUH : Her vil ein rå til at grad av utnytting vert auka til 800 m2 inkl. parkering, og at ein kan byggje fleire leilegheitsbygg for utleige. VA-plan mm vert handert tilfredstillande i dialog mellom TDV og grunneigar. Rekkjefylgjekrav : Ein rår til å leggje inn krav om at areal til gsveg skal vere avstått før fyrste ny tomt vert delt frå.
Oppsummering av rådmannens framlegg til endringar, sett i høve til plandokumenta som vart lagt ut til offentleg ettersyn : Plankart : - Flaumvoll/støttemur på tomtene 4, 13 og 73 må visast i plankartet, inkl. sosifil. - Kolgropene ID 213631, 213632 og ID 172231 skal visast som føresegnsområde. Då blir det ikkje nokon igjen som skal regulerast med omsynssone. - SK1 blir tilkomst til utleigeeiningane. - Korridorar blir lagt inn, jfr vedlegg 4. Føresegnene : - Kryssing av eksisterande bekkar og vassdrag må utformast på ein slik måte at ein unngår skade på bygg og viktige installasjonar. Takvatn og lokal drenering av fritidsbustader mm skal skje på eksisterande eigedom eller i angitt overvassystem om dette finns. Vegar, biloppstillingsplassar mm skal ikkje ha topp dekke som hindrar naturleg infiltrasjon. - Føresegner om meldeplikta: «Om det viser seg først medan arbeidet er i gang at det kan virke inn på eit automatisk freda kulturminne, skal Telemark fylkeskommune kontaktast og arbeidet stansast i den utstrekkinga det kan røre kulturminnet. Kulturminnemyndigheitene avgjer snarast mogleg og seinst innan 3 veker om arbeidet kan fortsetje og vilkåra for det. Fristen kan forlengast når særlege grunnar tilseier det (jf. kulturminneloven 8 andre ledd).» - Rekkjefylgjekrav om arbeidet med støttemur/flaumvoll på tomtene 4,13 og 73 skal vere ferdigstilt før ferdigattest vert utskriva. - Rekkjefylgjekrav om at areal til gsveg skal vere avstått før fyrste ny tomt vert delt frå. - Føresegner 7.2. : Under a) og b) kan det stå rammeløyve/ igangsettingsløyve og under c) og d) mellombels bruksløyve/ferdigattest. - I føresegnsområde skal ein føye til kolgroper ID 172223, 172231, 172232, 213631 og 213632. slik at dei blir søkt om å bli frigitt. - På tomtene 4, 13 og 73 skal det byggast regulert støttemur/flaumvoll. - Føresegner 7.5.3 BUH : På tomta kan det byggjast fleire leilegheitsbygg for utleige. Samla utnytting skal ikkje overstige 800 m2 BYA inkl. areal til parkering. - Føresegner om skilt på p-plassane som forbyr overnatting. Planomtala : Pkt. 5.4 s. 18 : Som i tekst revidert 20.02.18. Pluss : Hyttefeltet ligg i reiselivssona i regional plan for Hardangervidda. Tilhøvet til villreinen er såleis avklart. Tilpassing til endringar i plankart og føresegner. Endringane ein rår til er ikkje så vesentlege at det er nødvendig med ny høyring. Det er semje om ei utbyggingsavtale, som vert handsama i eiga sak. Saka går til kommunestyret.
Rådmannens framlegg til vedtak: Vedtak Framlegg til detaljregulering for Strandbekklii PlanID 20130014, 151/5, vert vedteken i medhald av pbl 12 12, med endringar som er nemnde under rådmannens vurdering. Rådmannen, 18.05.18 Jan Myrekrok, rådmann /s/ Handsaming i Plan- og miljøutvalet 30.05.2018: Framlegg frå rådmannen: Tillegg: Areal til utleigeeiningar blir redusert tilsvarande to hyttetomter. Plankart og føresegner blir tilpassa dette. Framlegget frå rådmannen med tilleggsframlegg blei samrøystes vedteke. Framlegg til detaljregulering for Strandbekklii PlanID 20130014, 151/5, vert vedteken i medhald av pbl 12 12, med endringar som er nemnde under rådmannens vurdering. Areal til utleigeeiningar blir redusert tilsvarande to hyttetomter. Plankart og føresegner blir tilpassa dette. Saksordførar: Arne Skogheim Handsaming i Kommunestyret 28.06.2018: I spørsmålet om Halvor Lognvik var inhabil, blei det samrøystes vedtatt at han var habil. Framlegget frå plan- og miljøutvalet blei samrøystes vedteke. Framlegg til detaljregulering for Strandbekklii PlanID 20130014, 151/5, vert vedteken i medhald av pbl 12 12, med endringar som er nemnde under rådmannens vurdering. Areal til utleigeeiningar blir redusert tilsvarande to hyttetomter. Plankart og føresegner blir tilpassa dette.