ÅRSPLAN 2006-2007
Overordna mål for Varaldsøy barnehage: «Skapa eit miljø som er prega av trivsel, varme og omsorg. Ein kvardag med gode vilkår for leik og læring.» Velkommen til barnehageåret 2006-2007! Me er godt i gang med eit nytt barnehageår. Det er dette barnehageåret 13 barn og fire vaksne i barnehagen. Saman skal me gjera barnehagen til ein god stad å vera. Ein stad der me har tid og rom til omsorg, leik og læring. Barna sin medverknad i barnehagen vert eit av innsatsområda våre dette barnehageåret. Barna skal vera deltakande i sin eigen kvardag. Ein viktig føresetnad for å lukkast med dette er at me har vaksne som viser interesse for barnet sine meiningar og har tid til å lytta! Me ynskjer å betra oss her, og det skal visa igjen i månadsplanar og i spontane aktivitetar i barnehagen. Vidare vil me halda fram med samarbeidet med skulen. Me er to små einingar som er viktige for kvarandre. Barna i barnehagen og elevane på skulen vert gjennom samarbeidet godt kjende med kvarandre. Dette er med på å letta overgangen mellom barnehagen og skulen. Aktive tilsette som i ein travel kvardag tek seg tid til å reflektera over si eiga rolle er viktig for at barnehagen skal vera i utvikling. Me skal saman få fram det beste i kvarandre! Saman med barna og foreldra skal me skapa ein stad der det er trygt og godt å vera, der alle skal få oppleva gleda ved meistring og gryande venskap. Me ynskjer foreldre som er deltakande i barnehagelivet og som kjem med innspel og tilbakemeldingar. Varaldsøy 26.09.06 Grunnlagsdokument for årsplan Lov om barnehagar Rammeplan for barnehagar Hilde Helland Handlingsplan 2006-2009 barnehagane styrar
Satsingsområde 2006-2007 1 Brukarar BARN Innsatsområde: Barn som er glade i naturen Barn: *som kjenner gleda over å vera ute *som tileignar seg kunnskap om naturen *som får oppleva fysiske utfordringar og meistring *som utforskar *Korte/ lengre turar i nærområdet *Laga mat på bål *Lage uteleikeplass rundt lavvoen vår *Bruka naturen i matlaging *Turar i all slags vêr Fysisk aktivitet og uteliv skal visa tydleg igjen i kvardagen vår. Me har eit flott nærområde som gjennom dei ulike årstidene gjev rom for varierte aktivitetar og turar. Me ynskjer barn som kan undre seg over naturen og endringar i vêr og årstider, og som utforskar omgjevnadane rundt seg. Personalmøte Samtale i samlingstund Praksisforteljingar Innsatsområde: Samarbeid mellom barnehage og skule *Skapa ein trygg overgang mellom barnehage og skule *Skapa venskap på tvers av alder *Jamlege felles turar og aktivitetar saman med 1.- 3. kl for dei eldste i barnehagen. *Felles arrangement; teatertur, fjelltur, deltek i grunnskuleveka, luciatog, lysmesse og sommarfest *Overleveringsamtale mellom barnehage og skule Me ynskjer å ha eit nært og godt samarbeid med skulen for å skapa ein god og trygg overgang frå barnehage til skule. Me har felles uteområde med skulen og det vert difor mykje felles leik utanom planlagde aktivitetar, dette er med på å styrkja kjensla av fellesskap. På overleveringsamtalen vert foreldra inviterte til å vera med. Informasjonen som vert utveksla om det einskilde barnet skal vera i samråd med foreldra. Samarbeidet mellom barnehagen og skulen skal drøftast jamleg Oppsummering og vurdering på slutten av året
Innsatsområde: Barns medverknad Barn som er med og formar eigen kvardag *Vaksne som er intressert i barnet sine ynskje og meiningar *Barn som får tid og rom *Barnemøter; samlingstund Barna skal ha medbestemmelsesrett over eigen kvardag, og få koma med innspel i dagleglivet i barnehagen. Barna sin medverknad skal visa igjen i planlegging, gjennomføring og vurdering. Me som vaksne må vera lyttande og merksame på det barna uttrykkjer og ta det med når me planlegg aktivitetar. Refleksjon over eigen veremåte i kvardagen Vurdering og refleksjon på personalmøte Barnemøte; samlingstund Bruka praksisforteljingar 2 Brukarar FORELDRE/ FØRESETTE Innsatsområde: Eit nært og godt foreldresamarbeid Foreldra: *skal kjenna seg trygge *skal verta møtt med respekt og fleksibilitet *god og tydeleg informasjon *møta foreldre i bringe- og hentesituasjon *brukarmedverknad *månadsplan Me ynskjer at foreldra skal kjenna seg trygge på at me ivaretek barna deira sine behov og at me gjer det beste for at barna skal verta møtt med respekt og omsorg av positive vaksne som er interesserte i dei. Det vil også vera viktig at utveksling av informasjon begge vegar er god, og at foreldra kjenner dei har medverkand i barna sin kvardag. På foreldremøter/ samtalar Dagleg kommunikasjon Vurderingsarbeid på personalmøte Anna foreldresamarbeid dette året: Foreldremøte: haust og vår Foreldresamtale: haust: innan utgangen av november vår: etter ynskje frå foreldre/ føresette Førjulsfrukost, sommarfest
3 TILSETTE Innsatsområde: Kommunikasjon Resultatmål Tiltak / prosess *Trygge vaksne med tydlege grenser *Gode rettleiarar for kvarandre *Bedre på konfliktløysing *Refleksjon over eigen veremåte *Tileigning av fagleg stoff på området *Personalmøte med tema som går på kommunikasjon *Kompetanseplan I Varaldsøy barnehage ynskjer me tilsette som har ein god tone med kvarandre og som vågar å prøva og feila. Me ynskjer positive tilsette som er gode rollemodellar for barna og kvarandre. Tema i medarbeidersamtalar Nytta praksisforteljingar til refleksjon og samtale på personalmøte