Vågsøy kommune Arkiv: FA - L13, GBNR - 109/102, PLANNAVN - Mindre endring av Reguleringsplan for Tennebø, Måløy vgs JournalpostID: 18/6571 Saksbehandlar: Janne Midtbø Dato: 05.06.2018 Saksframlegg Saksnr. Utval Møtedato 138/18 Formannskap 07.06.2018 Vedtak av Mindre endring av reguleringsplan for Tennebø, tilkomst til Måløy vidaregåande skule Rådmannen sitt framlegg til vedtak: Vågsøy kommune vedtek, i medhald 12-12 og 12-14 i Plan og bygningslova (pbl), Mindre endring av Reguleringsplan for Tennebø, tilkomst til Måløy vgs (planid 201803), datert 30.04.2018 og reviderte føresegner datert 05.06.2018 Vedlegg A i planomtalen, føresegner vert erstatta med reviderte føresegner datert 05.06.2018. Formannskap 07.06.2018: Handsaming: Votering Rådmannen si innstilling samrøystes vedtatt. F- 138/18 Vedtak: Vågsøy kommune vedtek, i medhald 12-12 og 12-14 i Plan og bygningslova (pbl), Mindre endring av Reguleringsplan for Tennebø, tilkomst til Måløy vgs (planid 201803), datert 30.04.2018 og reviderte føresegner datert 05.06.2018 Vedlegg A i planomtalen, føresegner vert erstatta med reviderte føresegner datert 05.06.2018. Bakgrunn for saka: I samsvar med Plan- og bygningslova (pbl) 12-10 og 12-14 har forslag om reguleringsendring av Reguleringsplan for Tennebø(planID 199303), lagt ute på høyring. Planen har namnet Mindre endring av Reguleringsplan for Tennebø, tilkomst til Måløy vgs (planid 201803). I tråd med ny pbl 12-14 og delegasjonsreglementet vert den mindre planendringa lagt fram for formannskapet for godkjenning. Saksopplysningar:
Tiltakshavar: Sogn og Fjordane fylkeskommune Utarbeiding av plan: Norconsult As og Arkitektkontoret A38 Planen omfattar: tilkomst- og parkeringsområde ved Måløy vidaregåande skule» Gjeldande planar for området Gjeldande reguleringsplan i området er Reguleringsplan for Tennebø, ikraft 7.6.1993. Framlegg til ny regulering av området Arkitektkontoret A38 og Norconsult AS har på vegner av Sogn & Fjordane fylkeskommune utarbeidd eit framlegg til reguleringsendring av Reguleringsplan for Tennebø, planid 199303. Formålet med planen er: 1. Å lovheimle eksisterande avkøyrsle/kryss i ein detaljreguleringsplan med geometri utforma i tråd med Statens vegvesen sine retningslinjer 2. Flytte dagens busslomme ut av sikttrekanten til krysset Reguleringsplanen er ein del av ombyggings- og moderniseringsarbeidet ved Måløy vidaregåande skule, som det vart søkt rammeløyve om hausten 2017. Statens vegvesen kom med ein merknad om at geometrien i dagens avkøyrsle ikkje tilfredsstiller geometrikrava, og det vart i møte semje om at det måtte utarbeidast ein detaljregulering for ny avkøyrsle og ny busslomme. Gjeldande reguleringsplan opnar ikkje opp for etablering av avkøyrsla som ligg der i dag, og plasseringa av busslomma i avkøyrsla skapar eit faremoment i trafikken. Det er derfor naudsynt å
utbetre denne avkøyrsla, samt flytte busslomma slik at ein oppnår ei betre og sikrare trafikkavvikling. Den nye planen legg også til rette for ei utbetring av parkerings- og oppstillingsplassen ved skulen, med eit tydlegare skilje mellom buss, annan biltrafikk og mjuke trafikkantar. Området vil også skilje buss og personbilar, og ha ei eiga «kiss and ride-sone» for på- og avstiging, slik at ein oppnår betre flyt i trafikken. Forholdet til gjeldande plan og eksisterande situasjon Skilnaden mellom eksisterande plan og nytt planframlegg er at begge kryssa no er med i planen og at dei er plassert der avkøyrslene ligg i dag og med riktig utforming i høve til vegnormalane. Trafikkarealet inne på skuleområdet er noko endra for å gjere trafikkforholda meir tydlege og sikrare. Busslomma er flytta ut av siktsona til avkøyrsla i vest og er no plassert midt mellom kryssa. Det er laga ein snarveg (trapper) opp til skulen dersom elevar kjem med rutebuss. Universelt utforma tilkomst frå busshaldeplassen er via gangvegnettet. I aust er det valt å regulere internvegen mot aust i tråd med eksisterande situasjon. Ved ei framtidig regulering av områda aust for skulen er det mange forhold som må rettast opp. Formålsgrenser er vist med blå farge på både gjeldande plankart og på ortofoto og viser tydleg avviket mellom gjeldande reguleringsplan og eksisterande situasjon. Høyring av planframlegget Planframlegget har lagt ute til høyring og er nabovarsla og sendt til regionale høyringspartar med
frist for merknader sett til 31.05.2018. Det er kome inn to merknader frå regionale høyringsinstansar. Merknad frå Fylkesmannen i Sogn og Fjordane, datert 28.05.2018 Kommunen må ta stilling til om planføresegnene har endringar som er av ein slik art at dei påverkar gjennomføring av reguleringsplanen i vesentleg grad, bryt med hovudrammene i planen eller er i konflikt med viktige natur- og friluftsområde. Fylkesmannen peikar på at ein plan bør ha eit sett med føresegner og rår kommunen til å samle føresegnene og/eller tilpasse dei kvarandre slik at ein har eit sett føresegner å halde seg til. Vurdering av merknad frå Fylkesmannen i Sogn og Fjordane Det vert vist til kapittelet vurdering i forhold til om planframlegget er innanfor rammene til mindre endring av reguleringsplan i samsvar med 12-14 i pbl. Kommunen seier seg samd i at føresegnene bør vere i eit dokument og har lagt føresegner knytt til Mindre endring av Reguleringsplan for Tennebø, tilkomst til Måløy vgs inn sist i føresegnene til Reguleringsplan for Tennebø. Merknad frå Statens vegvesen, datert 30.05.2018 Vegvesenet påpeikar at det er kort frist for uttale og dei kan ikkje sjå at dei har vert varsla tidlegare. Handbok N100 skal leggast til grunn. Dei ber om at planframlegget sikrar at prinsippa som vist i illustrasjonsplan (fig. 12 i planomtalen) vert gjennomført samstundes med annan utbygging etter planframlegget. Dei ber og om at det vert innarbeidd rekkefølgjekrav som sikrar at busslomma vert flytta samstundes som andre tiltak i planen vert realisert. Vurdering av merknad frå Statens vegvesen Planframlegget stettar krava i N100. Det er ikkje planlagt etablering av nye kryss eller utviding av trafikkmengde knytt til eksisterande kryss. Kryssa har lagt der i over 20 år og det er no aktuelt å stramme opp køyremønsteret og utforme og regulere kryssa i tråd med denne utbetringa. Det er ikkje registrert ulukker i samband med eksisterande situasjon, men ein vel likevel å betre trafikktryggleiken ved å separere buss og biltrafikk og lage betre og samanhengande gangsamband. Innspelet om å legge inn rekkefølgjekrav knytt til samtidig opparbeiding av busslomme og krav om å legge situasjonsplanen til grunn vert teken til følgje og føresegnene får følgjande tillegg: 4 Samferdselanlegg og teknisk infrastruktur a. Samferdsleanlegg, køyrevegar, fortau, gang- og sykkelvegar, gangveg, annan veggrunn og busslomme er offentlege, og skal opparbeidast med ei inndeling som vist på plankartet. Mindre tilpassingar mellom dei ulike områda er tillate for å optimalisere løysingane. Ved utbygging skal hovudtrekk i illustrasjonsplanen følgjast. Større avvik eller endringar kan gjerast ved samtykke frå statens vegvesen. 7 Rekkefølgjeføresegner 7.1 Før tiltak på o_skv2 og o_s1 vert teke i bruk a. Før utbetringstiltak på områda o_skv2 og o_s1 vert teke i bruk skal busslomme o_skh 1ha ferdigattest. Dokument som får juridisk verknad gjennom tilvising i føresegnene Illustrasjonsplan, Mindre endring av reguleringsplan for Tennebø, tilkomst til Måløy VGS, datert 30.04.2018.
Naturmangfaldlova Det er ikkje registrert naturverdiar i Naturbasen til Miljødirektoratet innanfor planområdet. Det er registrert ein svartelista art på nordsida av riksvegen, ved austleg avkøyrsle, dette er Parkslirekne. Parkslirekne utgjer ein svært høg risiko for stadeige biologisk mangfald. Parkslirekne er oppført på ISSG (Invasive Species Specialist Group) si liste over verdas 100 verste invaderande framande artar. Dei tre artane parkslirekne, kjempeslirekne og hybridslirekne er nokså like og kan forvekslast, men det har lite å seie sidan alle skal handsamast på same måte. Alle er lista i Forskrift om framande organismar, Vedlegg I, Organismar som det er forbode å innføre, sette ut og omsette, jf. 5 og 9. Forskrifta er heimla i Naturmangfaldslova og trer i kraft 1.1.2016. Parkslirekne har ingen skadelege eller helsemessige verknader for menneske. Det utarbeidd føresegner til planen som sikrar forsvarleg handtering av svartlistearten. Ein vurderer, med bakgrunn i dette at det er tilstrekkeleg kunnskapsgrunnlag i samsvar med 8. Ein vurderer også at planendringa lite truleg vil føre til irreversibel skade på naturmangfaldet, jf. 9. Omfanget av tiltaket er lite og utgjer ikkje ei stor belastning jf. 10, og ein ser ikkje på det som større gevinst for naturmangfaldet å lokalisere tiltaket ein annan plass. Ein vurderer 11 om at tiltakshavar skal dekke kostnadar ved å hindre eller avgrense skade på naturmangfaldet som relevant i dette planvedtaket. Det er med bakgrunn i svartelista art i nærleiken sett krav i føresegnene til forsvarleg handtering av parkslirekne. Kostnader knytt til dette vert å dekke av tiltakshaver. Kartlagde interesser i området Det er ikkje registrert spesielle verdiar knytt til interesser som kulturminne og bevaringsverdige kulturmiljø, natur- og/eller kulturlandskapsområde, friluftsliv eller landbruk i planområdet. Det vert vist til vedlagte dokument for detaljar og innhald i planhefte, plankart og føresegner. Vurderingar: Planen er vurdert til å vere ei mindre endring av gjeldande reguleringsplan for området. Kommunestyret kan delegere myndigheita til å treffe vedtak om endringar i reguleringsplan, når endringane i liten grad vil påverke gjennomføring av planen, ikkje går ut over planen si hovudramme og ikkje går ut over omsynet til viktige natur- og friluftsområder jf. pbl 12-14. Dette er eit område som allereie er prega av trafikktiltak, og avkøyrsla som er etablert er naudsynt i området for å oppnå ei effektiv trafikkavvikling for skulebussane som går der. Tiltaket vil ikkje føre til store endringar som kan påverke hovudrammene i planen, men vil gi området ei naudsynt forbetring og betre trafikksikkerheit for dei som ferdast der. Føresegnene vert endra i tråd med innspel frå fylkesmannen slik at det er eit sett med føresegner for Reguleringsplan for Tennebø. Føresegner knytt til denne mindre endringa vert lagt til sist i desse føresegnene. I tråd med innspel frå statens vegvesen vert det kravd opparbeiding av busslomme som rekkefølgjekrav i samband med utbetringstiltak og krav om at illustrasjonsplanen skal følgjast. Vedlegg i saka: 1439199303 Reguleringsbestemmelser Illustrasjonsplan Reguleringsplan Skredfarevurdering ROS Måløy vidaregåande Planprogram med føresegner Måløy vidaregåande