2011 2012 Litjtausa -to feler kan lyfte tak Marie Forr Klåpbakken- fele Julie Alapnes Normann -fele Foto: Anne Marit Jota Konsert for 1. - 7. årstrinn
: Litjtausa PROGRAMMET Litjtausa består av Julie og Marie, som er to jenter med kraft og vilje. Dei spelar så busta fyk og sjarmerer alle publikum med sitt nærvær og sin naturlege scenesjarm. Dei er frå kvar sin kant av landet, Nord-Noreg og Gudbrandsdalen, og blandar overtydande dei sterke røtene sine saman. Julie og Marie fall for spelestilen til kvarandre under ein spelekonferanse i Göteborg, og dei blei overraska over kor likt det høyrdest ut når dei sette felene mot kvarandre og spela saman. Klangen, djupna, kjenslene, ornamentikken og fraseringa utfylte kvarandre på ein ny og spennande måte som pirra dei begge. Hausten 2008 spela dei sin første konsert saman. Konserten enda med ståande applaus, og dermed blei det bestemt at den vesle nordlendingen og den høge gudbrandsdølen skulle satse som duo. Litjtausa har samla eit spennande låtmateriale med eigenskrivne låtar og tekster i tillegg til tradisjonsstoffet som ligg i botnen. Julie og Maria er glade i å fi nne gamle tekster, og dei bruker inspirasjon frå kvardagslivet til å tonesetje dei. Begge har beina godt planta i sin tradisjon, men er samstundes opne for nye vinklingar og impulsar til å utvikle seg. Litjtausa vil syne ålmenta at to feler kan lyfte tak. Saman er dei to dyktige musikarar som blandar nye impulsar og gammal tradisjon, dette gjer at uttrykket deira blir unikt og spennande. MUSIKARANE Julie Alapnes Normann Marie Forr Klåpbakken Julie Alapnes Normann Julie er fødd og oppvaksen i Tromsø i Nord-Noreg. Ho er ein formidlar og vidareførar av den nordnorske folkemusikken, men ho skriv òg eigen musikk. For tida jobbar ho som frilans musikar med base i Oslo. Julie har halde konsertar mellom anna i Noreg, Sverige, Egypt, Russland, Tyskland, Estland, Ungarn og på Shetland. Her i ulike konstellasjonar: som soloartist og med ulike grupper. Ho har turnert med band som Bruvoll/Halvorsen og Boknakaran. I 2007 spela ho saman med Roy Lønhøiden Band på festivalen Norwegian Wood. Julie deltok på sin første landskappleik i 2008. Her hamna ho på tredjeplass med 128 poeng. I 2009 fekk ho sitt andre napp og er no A-klassing på vanleg fele. Marie Forr Klåpbakken Marie er frå Vinstra i Gudbrandsdalen. Ho er ein artist med ein brei musikalsk horisont. I tillegg til å studere siste året master i utøvande musikk på Noregs musikkhøgskole jobbar Marie som frilansmusikar i Oslo. Ho har reist rundt i heile verda med musikken sin, mellom anna Kina, Nepal, USA, Danmark, Estland, Skottland, Sveits og Tyskland. Marie blei nummer éin i vanleg fele klasse B på Landskappleiken 2008. Neste året fekk ho sitt andre napp og er no A-klassing på vanleg fele. Marie spelar òg i gruppa Bergtatt, som har gjort stor suksess det siste året. 2 2011-2012
: Litjtausa PRAKTISKE KONSERTFØREBUINGAR Elevene sitter på matter, benker og stoler, se illustrasjon under. Spilleplassen må være 5 x 7 meter Musikarane treng hjelp av seks sterke elevar til å bere utstyr når dei kjem, og etter konserten. Musikarane kjem ca. 45 minutt før første konsert. Musikarane treng tilgang til straumuttak, éin gonger 16 ampere. Driftsansvarleg og involverte lærarar må få ein kopi av denne konsertinformasjonen. Konserten vil vare cirka førti minutt. Vi ber om at kulturkontakten er tilgjengeleg under besøket, og hugs, det er alltid hyggjeleg å bli møtt med ein kopp kaffi når ein kjem til ein ny stad. KORLEIS STYRKJE KONSERTOPPLEVINGA Vi ber om at lærarane set seg saman med elevane og er publikum og opplever konserten på lik line med elevane. Bruk konsertinformasjonen og informer elevar, skoleleiinga og lærarar om innhald og praktiske opplysningar. Dei førebudde møta er ofte dei beste. Rikskonsertane har god erfaring frå skolar som bruker elevvertar og elevarrangørar. Sjå www.rikskonsertene. no/eleversomarrangorer for meir informasjon. Sjå òg www.myspace.com/litjtausa for musikkdøme. Bruk òg det vedlagde «Bruk konserten»-materiellet. Eigarskapen til, og effekten av, konserten aukar der besøket blir forankra i skolen si undervisning og læringsmål. Sjå òg boka «Bruk konserten» for fl eire idear til undervisningsopplegg: www.rikskonsertene.no/brukkonserten. Opplegg/idé: Musikarane i samarbeid med produsent Åshild S. Nygaard, 2010 Omlegging av produksjon i 2011: produsent Hallgeir Frydenlund, Rikskonsertane Visuell utforming: Tharan Revfem, koreograf «Bruk konserten»-opplegg: etter ein idé av Kristin Falck og Isabel Falck Pena Velkommen til konsert! 3 2011-2012
: Litjtausa Produksjonsnummer: 111V056 SPØRSMÅL OM TURNEPLANEN Turnélegger Hanne Brakstad Møre og Romsdal fylkekommune tlf: 71 25 88 38 e-post: kultursekken@mrfylke.no SPØRSMÅL OM PROGRAMMET Produsent Hallgeir Frydenlund Rikskonsertene, Tlf. 22 02 59 13 E-post: hf@rikskonsertene.no FAKTA Skulekonsertordninga til Rikskonsertane er ein del av Den kulturelle skolesekken og blir gjennomført som eit samarbeidsprosjekt mellom Rikskonsertane og fylkeskommunane. Skulekonsertane utgjer det hovudsaklege musikktilbodet innanfor Den kulturelle skolesekken. Rikskonsertane har det heilskaplege ansvaret for skulekonsertordninga og legg dei faglege rammene for verksemda. Skulekonsertane er statleg fi nansierte gjennom budsjettet til Kultur- og kyrkjedepartementet. Fylkeskommunane har ansvar for turnéplanlegging og delar av konsertproduksjonen i sine respektive fylke. Kommunane abonnerer på skulekonsertane til Rikskonsertane, ei ordning som i dag omfattar 99,7 % av alle grunnskolane i landet. 600 000 barn får to årlege besøk av profesjonelle musikarar på skulane sine. Det er skulane sjølve som står som arrangør av skulekonsertane. Kvart år gjennomfører rundt 800 musikarar 10 000 skulekonsertar i Noreg. Du fi nn meir informasjon på www.rikskonsertene.no 4 2011-2012
ELEVANE SITT EIGE «BRUK KONSERTEN»-MATERIELL Ved å la elevane lage sitt eige «Bruk konserten»-materiell vil kreative og nye opplegg knytte til opplevingar i skolen bli utarbeidde. Elevane blir gjennom dette arbeidet bevisste sine eigne opplevingar og ser relevansen opplevingane har for andre fag og emne. FAG EMNE MÅLGRUPPE TIDSRAMME RESSURSAR Valfritt Oppleving, etterarbeid 1. 7. årstrinn ca. 1 time Penn, papir, ev. PC, konsertinformasjon MÅL LK06 «Elevane skal kunne delta i planlegging, gjennomføring og vurdering av opplæringa innanfor ramma av lov og forskrift, medrekna læreplanverket. Kor omfattande medverknaden er, og korleis elevane medverkar, vil variere blant anna med alder og utviklingsnivå. Elevmedverknad føreset kjennskap til ulike valalternativ og moglege konsekvensar av dei.» («Prinsipp for opplæringa») FRAMGANGSMÅTE Snakk med elevane i plenum i etterkant av konserten med Litjtausa. Den einskilde elev kan òg drodle på eiga hand over desse spørsmåla: Kva opplevde dei? Kva slags knaggar kan opplevinga hengjast på? Korleis kan opplevinga føre til inspirasjon og ettertanke? Kva kan dei lære av opplevinga? Korleis er opplevinga relevant for andre tema elevane jobbar med akkurat no? Korleis kan opplevinga inspirere andre? Korleis kan ein skape bevisste tankar, kritisk sans og debatt gjennom kunst- og kulturopplevingar? La elevane få i oppgåve å utforme sitt eige framlegg til etterarbeid. Gi dei gjerne konsertinformasjonen og MySpace-sida som inspirasjon. Vel om arbeidet skal knytast til eit spesielt fag, eller om elevane skal velje fritt kva for eit fag dei ønskjer å jobbe med. Opplegga blir så presenterte i plenum, slik at elevane deler ideane sine med kvarandre. Døme på elevoppgåver utarbeidde av ein elev frå niande klasse: Valmoglegheiter for 1. 4. årstrinn: Lag eit rollespel om opplevinga. Teikn ei teikning av kva som gjorde størst inntrykk. Valmoglegheiter for 5. 7. årstrinn: Skriv eit dikt om kva du har opplevd. Teikn ei teikning av kva som gjorde størst inntrykk. Skriv om kva som gjorde størst inntrykk. 5
Forklar kva du opplevde (kjensler, lukt, det du såg, kva du høyrde). Snakk i grupper om korleis opplevinga påverka dykk. Andre valmoglegheiter: Skriv eit haikudikt om kva du har opplevd. Teikn ein teikneserie som beskriv kva du har gjort. Skriv ein artikkel om kva du har opplevd. Lag eit tankekart med ord som beskriv det du opplevde (kjensle, lukt, det du høyrde, det du såg). Snakk med sidemannen eller i grupper om korleis opplevinga påverka dykk, og kan hende korleis det påverka framtida dykkar. Skriv om du blei nøgd eller ikkje nøgd med opplevinga. Forklar kvifor. KVIFOR Elevane vil ved sjølve å utarbeide «Bruk konserten»-materiell få eit meir aktivt forhold til opplevinga og sjå kva moglegheiter som ligg i møtet med kunst og kultur. Elevane blir bevisste på at det fi nst varierte uttrykksmåtar å bearbeide og refl ektere rundt i samband med ei oppleving. Elevane vil bli bevisste på eigne interesser, talent og kunnskapar innanfor dei ulike faga. Elevane blir bevisste på eigen medverknad og øver på å ta konkrete val. TIPS FOR VIDARE- FØRING Til slutt kan elevane få ei eller fl eire av oppgåvene som etterarbeid til konserten. Oppgåvene kan òg delast på tvers av klassene eller alderstrinn. Til dømes kan elevar i småskolen lage oppgåver til seg sjølve, mellomtrinnet kan lage oppgåver tilrettelagde for høvesvis småskolen og mellomtrinnet, og ungdomsskolen kan lage oppgåver tilrettelagde for høvesvis småskolen, mellomtrinnet og ungdomstrinnet. www.rikskonsertene.no/brukkonserten 6