REGULERINGSPLAN Saksutgreiing Ruthild Oertel Utbetring av sikt i kryssa mellom rv. 55 og Leitevegen-Henjavegen Rv. 55 Sognefjordvegen Leikanger kommune Region vest Leikanger, R.vegktr 11.november 2014
Utbetring av sikt i kryssa mellom rv. 55 og Leitevegen - Henjavegen Forord Etter avtale med Leikanger kommune varsla Statens vegvesen i juli 2013 om oppstart av arbeid med reguleringsplan for utbetring av krysset mellom rv. 55 og Leitevegen, i Leikanger kommune. Tiltaka i reguleringsplanen fører til betre sikt i krysset. Etter avtale med Leikanger kommune varsla Statens vegvesen i november 2013 om utvida planområde for også å ta med tiltak for å betre sikt i krysset mellom rv. 55 og Henjavegen. Statens vegvesen har i dialog med Leikanger kommune utarbeidd forslag til reguleringsplan. Dette dokumentet er Statens vegvesen si oppsummering av merknader som har kome inn til offentleg høyring av planforslaget. Statens vegvesen sine vurderingar av desse merknadane går også fram i dette dokumentet. Det kom inn 6 merknader til høyring av planen. Desse ligg ved. Sist i dette dokumentet ligg kopi av alle brev i saka. Denne saksutgreiinga vert sendt til Leikanger kommune saman med forslag til reguleringsplan, som grunnlag for politisk handsaming. Innhold Forord... 1 1. Generelt... 2 2. Varsel om offentleg ettersyn... 2 3. Referat av merknadane med Statens vegvesen sine innstillingar... 2 4. Oppsummering og konklusjon... 5 Vedlegg 1
Utbetring av sikt i kryssa mellom rv. 55 og Leitevegen - Henjavegen 1. Generelt I Statens vegvesen sitt arkivsystem har denne saka dokument nr. 2012059494. Under denne saka ligg alle dokument vedrørande arbeidet med reguleringsplanen, inkludert utgåande og inngåande brev. Bakerst i dette dokumentet ligg kopiar av breva med merknader til offentleg ettersyn av planen, nummererte i høve til dokumentnr. dei har i Statens vegvesen sitt arkiv. Varsle om planoppstart og innspel til dette går fram av planomtalen til reguleringsplanen. 2. Varsel om offentleg ettersyn Etter semje med Leikanger kommune er handsaming av reguleringsplanen overført til Statens vegvesen etter 3-7. Det betyr at Statens vegvesen har organisert planarbeidet, utarbeida og fremja planforslaget. I tråd med 3-7 la Statens vegvesen planen ute til offentleg ettersyn frå 4.april til 16.mai 2014. Dette vart annonsert i Sogn avis. Det vart sendt ut brev til alle kjende grunneigarar og offentlege instansar. 3. Referat av merknadane med Statens vegvesen sine innstillingar Dokument nr. 62, frå ABO Plan & Arkitektur AS Som forvaltar av Opplysningsvesens fond (OVF) melder dei at OVF ikkje har merknader til planen. Dokument nr. 64, frå NVE NVE har ingen merknader til planen. Dokument nr. 65, frå Sigurd Molvik 1. Molvik ynskjer at overskot av matjord skal vere att som ressurs på garden og at eventuell naudsynt godkjenning for dette skal hentast inn av Statens vegvesen. 2. Dersom det vert behov for sprøyting nær anleggsområdet må restriksjonar ligge på anleggsarbeidet, der dei må trekke seg ut av området. Molvik meiner dette er 0,5-1,5 timar kvar gong. 3. Molvik ynskjer at muren vert bygt høgare slik at terrenget slakar ut før muren. Molvik meiner nytt terreng vert brattare enn eksisterande terreng og at faren for velt vert større når høgda på muren aukar. Han meiner auking av murhøgde reduserer kor mykje massar som må transporterast vekk. 4. Molvik ber om melding så snart framdrift på veganlegget er klarlagt slik at han kan få bestilt nye fruktre, da slik leveranse kan ta lang tid. 2
Statens vegvesen sine innstillingar: Utbetring av sikt i kryssa mellom rv. 55 og Leitevegen - Henjavegen 1. Etter 7 i forureiningslova er det forbudt å forureine. Det er ikkje lov å flytte forureina masser til ein del av eigedomen som ikkje er forureina eller som ikkje er råka av det aktuelle tiltaket. Forureina matjord må difor handsamast i tråd med lovverket og tiltaksplan avklara med kommunen. Statens vegvesen finn såleis at massane ikkje kan vere att på garden. 2. Korleis sprøyting skal gjennomførast vert avtala før veganlegget startar. 3. Muren vert bygt så høg at helling på terrenget ikkje vert endra. Det er ikkje funne at flytting av mur inn i terrenget aukar faren for velt. Dersom grunneigar ynskjer å bygge muren høgare må han sjølv koste dette. 4. Løyvingar til veganlegg blir gitt året før anlegget vert starta, slik at tidlegare melding ikkje er mogeleg. Dokument nr. 66, frå Rolf Rosenlund 1. Rosenlund motset seg at huset på deira eigedom vert rive. Han meiner det fins metodar for å bygge gang- og sykkelveg forbi huset utan å rive det. Han meiner breidda på gang- og sykkelvegen ikkje treng aukast da trafikken på vegen ikkje er stor. Han ber om at det vert vurdert på nytt om huset kan stå, da Statens vegvesen har uttala at «det er plass til huset, men det er vanskeleg å bygge seg forbi huset, sjølv med redusert bredde på ferdig veganlegg». 2. Rosenlund proteseterer mot at jordbruksveg til naboeigedom er lagt over deira eigedom. Han krev at denne vert lagt slik at den kun ligg på eigen grunn. Han spør om det er omsynet til denne vegen som gjer at huset må rivast. 3. Han ber om at areal til anleggsområde vert mest mogeleg avgrensa av omsyn til frukttrea som står her og køyreveg til traktor for naudsynt drift av frukthagen. Han ber om dialog med byggherre i god tid før anleggsstart for å unngå unødig skade. 4. Han krev at hagen skal plantast til igjen etter at anlegget er avslutta slik at den framstår i same stand som før anleggsstart. Rosenlund krev å få godkjenne tilbakeføringa. 5. Rosenlund stiller spørsmål til å bruke så mykje pengar på å oppgradere 300 meter med eksisterande gang- og sykkelveg i staden for å nytte pengar på nye gang- og sykkelvegar og vedlikehalde andre vegar. Statens vegvesen sine innstillingar: 1. Trafikkgrunnlaget er slik at smalast mogeleg gang- og sykkelveg kan byggast, 3, 5 meter brei. Riksvegen har fartsgrense 60 km/t. Det er krav til sikkerhetssone mellom køyreveg og gang- og sykkelveg for å redusere risiko for ulukker mellom mjuke trafikantar og biltrafikk. For gang- og sykkelveg langs veg med fart 60 km/t skal denne sikkerhetssona være minst 1,5 meter brei. Minste krav til avstand frå eksisterande vegkant til botn av ny 3
Utbetring av sikt i kryssa mellom rv. 55 og Leitevegen - Henjavegen mur vert dermed 5,0 meter. I tillegg skal det være 0,5 meter grøft og det skal byggast ein mur. Ut frå grunntilhøva må graveskråninga til muren være 1:1. Med 3 meter høg mur og byggegrop for denne går inngrepet inn under huset. Det er vurdert ei løysing med betongvegg armert i jord, der huset ikkje treng å rivast. Dette vil føre til at jordnaglane må borast under huset. I tillegg viser geotekniske vurderingar at huset må omfundamenterast på betongvegger som fører ned til nivå med eller under utgraving for gang- og sykkelvegen. Dette vart funne så kostbart og usikkert at løysinga vart å tilrå å rive huset. 2. Årsaken til plasseringa til jordbruksvegen var å nå i eksisterande jordbruksveg på denne eigedomen. Dersom huset på Rosenlund sin eigedom kunne stå, ville vegen hatt ei anna løysing. Når huset vart tilrådd rive, gir denne løysinga best tilkomst. Statens vegvesen held difor fast på denne løysinga. 3. Avbøtande tiltak vert avtala med grunneigarane i samband med anleggsstart, inkludert kva stand hagen skal ha når veganlegget vert avslutta. 4. Målet med desse tiltaka er primært ikkje å utbetre gang- og sykkelvegen, men å betre kryssa. Ved å flytte gang- og sykkelvegen inn i terrenget og senke den ned til same nivå som riksvegen vert sikttilhøva i kryssa betra. Dokument nr. 67, frå Fylkesmannen Fylkesmannen peikar på at matjorda er forureina. Det er difor aktuelt å levere eventuelle overskotsmassar til godkjent mottak eller til bruk på grøntareal på andre veganlegg. Dokument nr. 68, frå Sogn og Fjordane fylkeskommune Fylkeskommunen viser til at dei ikkje har gjennomført arkeologiske registreringar for planområdet. Dei minner om at planen ikkje kan vedtakast i kommunen før slike undersøkingar er gjort og rapport for dette er skrive. Dokument nr. 70, frå Sogn og Fjordane fylkeskommune Fylkeskommunen informerer om at det er registrert eit automatisk freda kulturminne i form av eit dyrkingslag innanfor planområdet. Dei vurderer at reguleringsplanen kan vedtakast utan vilkår om ytterlegare arkeologisk undersøking av dyrkingslaget. 4
4. Oppsummering og konklusjon Utbetring av sikt i kryssa mellom rv. 55 og Leitevegen - Henjavegen Det kom inn merknader frå grunneigarane der dei bad om andre løysingar på planen. Molvik ynskjer å behalde overskot av matjord som ressurs på sin eigedom. Dette let seg ikkje gjere fordi matjorda er forureina og må handsamast i tråd med regelverket. Molvik meiner terrenget er brattare der ny mur kjem. I kombinasjon med høgare mur meinar han det vert større fare for at traktor veltar ved topp mur. Han ynskjer at muren skal byggast høgare for å flate ut terrenget nedst. Ny mur vil byggast til høgde for eksisterande terreng, slik at terrenget i hagen ikkje vert endra. Dersom Molvik ynskjer å auke murhøgda, står han fritt til å utføre dette. Dette vert ikkje kosta av veganlegget. Rosenlund ber om ny vurdering av løysingar slik at det ikkje vert naudsynt å rive huset. På grunn av breidde på gang- og sykkelveg og bygging av mur forbi huset vert dette ikkje imøtekomme. Rosenlund seier seg usamd i plassering til jordbruksveg til naboeigedom delvis på hans eigedom og krev at denne vegen vert justert. Løysinga gir best mogeleg tilkomst. Kravet vert difor ikkje imøtekomme. Konklusjon: Statens vegvesen ynskjer ikkje at planen vert endra på bakgrunn av innspel til høyring av reguleringsplanen. 5
Dokument nr. 62, frå Abo Arkitekter Utbetring av sikt i kryssa mellom rv. 55 og Leitevegen - Henjavegen 6
Utbetring av sikt i kryssa mellom rv. 55 og Leitevegen - Henjavegen Dokument nr. 64, frå NVE 7
Utbetring av sikt i kryssa mellom rv. 55 og Leitevegen - Henjavegen Dokument nr. 65, frå Sigurd Molvik 8
Dokument nr. 66, frå Rolf Rosenlund Utbetring av sikt i kryssa mellom rv. 55 og Leitevegen - Henjavegen 9
Fortset dokument nr.66, frå Rolf Rosenlund Utbetring av sikt i kryssa mellom rv. 55 og Leitevegen - Henjavegen 10
Dokument nr. 67, frå Fylkesmannen Utbetring av sikt i kryssa mellom rv. 55 og Leitevegen - Henjavegen 11
Utbetring av sikt i kryssa mellom rv. 55 og Leitevegen - Henjavegen Dokument nr. 68, frå Sogn og Fjordane fylkeskommune, Kulturavdelinga 12
Utbetring av sikt i kryssa mellom rv. 55 og Leitevegen - Henjavegen Dokument nr. 70, frå Sogn og Fjordane fylkeskommune, Kulturavdelinga 13
Statens vegvesen Region vest Ressursavdelinga Askedalen 4 6863 LEIKANGER Tlf: (+47 915) 02030 firmapost-vest@vegvesen.no vegvesen.no Trygt fram sammen