årsmelding 2008 Senter for kunstfag, kultur og kommunikasjon høgskolen i bergen

Transkript

1 1 årsmelding 2008 Senter for kunstfag, kultur og kommunikasjon høgskolen i bergen

2 2

3 3 Senter for kunstfag, kultur og kommunikasjon Senter for kunstfag, kultur og kommunikasjon (SEKKK) er eitt av fire senter ved Høgskolen i Bergen. SEKKK er finansiert av HiB (strategiske og lokale middel) og ulike eksterne finansieringskjelder. Senteret initierer, driftar og støttar prosjekt innan forsking, formidling og utviklingsarbeid. Studentar og tilsette ved Høgskolen i Bergen (HiB) arbeider med aktuelle tema og problemstillingar saman med barnehage- og skolesektoren, kultur og næringsliv og andre aktørar. Kunstnarisk og pedagogisk utviklingsarbeid er sentralt i SEKKK sitt arbeid - fagområde der HiB har lange og stolte tradisjonar. I tillegg til ulike prosjekt arrangerer SEKKK også ei rekkje seminar blant anna retta mot barnehagar og skolar. SEKKK er knytt til Avdeling for lærarutdanning ved Høgskolen i Bergen. Ved avdelinga er det stor aktivitet innan forsking og utviklingsarbeid (FoU). Meir informasjon om dette finn du på

4 Prosjekt Kunstfagdidaktikk blir vidareført som ei av berebjelkane i det planlagde strategiske forskingsprogrammet Didaktikk på kunstfagas premissar som SEKKK utviklar i tida framover. Foto: Bjørg Tronshart 4

5 5 Prosjekt Kunstfagdidaktikk Prosjektet er finansiert av Noregs forskingsråd (NFR) og Høgskolen i Bergen (HiB). Prosjektleiar var professor Aslaug Nyrnes. Prosjektet utforska ulike aspekt ved kunstfaga drama, musikk, kunst- og handverk og litteratur, og såg på sider ved desse faga sine didaktiske register. Formålet var å utvikle eit bidrag til ein kunstfagdidaktikk på faga sine eigne premissar. Gjennom ulike delprosjekt vart konkrete kunstfaglege praksisar og kombinasjonar av slike praksisar utforska. Sentralt i denne utforskinga var følgjande spørsmål: Kva for didaktiske former og potensial finn ein i desse praksisane? Følgjande forskarar frå HiB deltok i prosjektet: Aslaug Nyrnes (norsk), Liv Marit Aksnes (norsk), Bjørg Tronshart (kunst og handverk), Kari Mjaaland Heggstad (drama), Njål Vindenes (musikk), Stig A. Eriksson (drama). Niels Lehmann, leiar for Institut for Æstetiske fag ved Aarhus universitet, var gjesteforskar. Nina Goga var stipendiat i prosjektet. Ho disputerte 6. juni 2008 for ph.d.-graden med avhandlinga Kunnskap og kuriosa. Merkverdige lesninger av tre norske tekstmontasjer for barn og unge ved Universitet i Bergen. Antologien Ut frå det konkrete. Bidrag til ein retorisk kunstfagdidaktikk (red. Nyrnes/ Lehmann) er gitt ut på Universitetsforlaget Prosjektet vart avslutta med ein nordisk forskingskonferanse i Bergen juni Ei samla oversikt over produksjonen finst her

6 Sangbøker kan betraktast som både instrument og indikatorar for idear og ideologier, på same måte som lesebøkene. 6

7 7 Ideoskosa Prosjektet er finansiert av Noregs forskingsråd og UH-nett Vest. Fred Ola Bjørnstad, Høgskolen Stord/Haugesund, var prosjektleiar. Prosjektet tek for seg norske skolesangbøker og korleis desse reflekterer samfunnsoppfatningar og danningideal mellom 1814 og fram til vår eiga tid. Gjennom å undersøke tilhøvet mellom innhaldet i dei ulike utgivingane og den praktiske bruken av songane i bestemte tidsperiodar, kan vi få kunnskap om moglege interessekonfliktar. Ideoskosa vil undersøkje nærmare tilhøvet mellom dei politiske og estetiske intensjonane til utgjevarane, og dei ulike preferansane hos formidlarane og brukarane. Kort sagt: forholdet mellom intendert og reell kulturarv. Prosjektet er eit samarbeid mellom fleire utdanningsinstitusjonar: Fred Ola Bjørnstad (Høgskolen Stord/Haugesund), Øyvind Norheim (Nasjonalbiblioteket), Stipendiat Silje Valde Onsrud (HiB), Thorolf Krüger (HiB), Karl Egil Johansen (HiB) og Egil Ertresvåg (HiB). I desember 2008 vart det arrangert ein nordisk konferanse i samband med prosjektet. Hva synger vi og hvorfor? hadde bidrag frå prosjektgruppa og frå forskarar ved Lunds Universitet, Uppsala Universitet og Aarhus Universitet.

8 Den kulturelle bæremeisen er barnehagane sitt svar på Den kulturelle skolesekken. Foto: Mauricio Pavez, Høgskolen i Bergen 8

9 9 Den kulturelle bæremeisen Prosjektet er finansiert av Bergen kommune og Høgskolen i Bergen. Harald Eikaas (HiB) var prosjektleiar i forskingsstudien saman med Greta Evjen frå Bergen kommune. Kva skjer i møte mellom dei minste barna og den profesjonelle kunstnaren? Dette er eitt av spørsmåla ei prosjektgruppe ved Høgskolen i Bergen (HiB) har sett nærmare på i Arbeidet leier fram til fleire artiklar i løpet av Bakgrunnen er at Bergen kommune har sett i gang eit fleirårig kunstformidlingsprosjekt for små barn i Bergen. Prosjektet Den kulturelle bæremeisen vil gjere det mogleg å få til møte mellom barn under grunnskolealder og profesjonelle kunstnarar. Målet er at kunstnarane stimulerer og utfordrar dei skapande evnene og talenta til barna. Den kulturelle bæremeisen er dessutan eit etterutdanningstiltak for personalet i barnehagane som er knytte til prosjektet. Å forske på kunstnariske prosessar i barnehagar er krevjande og eit nybrottsarbeid for Høgskolen i Bergen. I 2008 arbeidde difor prosjektgruppa med ein pilotstudie for å kunne nærme seg feltet på ein utforskande og produktiv måte. Prosjektgruppa er samansett av Harald Eikaas (HiB), Aslaug Nyrnes (kunstfagdidaktikk), Elin Eriksen Ødegaard (pedagogikk), Kari Thorkildsen (drama), Aslaug Furholt (musikk) og Synneva Heradstveit (kunst og handverk). Greta Evjen, prosjektleiar for Den kulturelle bæremeisen, deltek frå Bergen kommune.

10 kom ikkje med heile sanningi Kom ikkje med heile sanningi, kom ikkje med havet for min torste, kom ikkje med himmelen når eg bed om ljos, men kom med ein glimt, ei dogg, eit fjom, slik fuglane ber med seg vassdropar frå lauget og vinden eit korn av salt. - Olav H. Hauge Akvarell: Synneva Heradstveit Musikk: Jostein Stalheim Opplesning: Liv Marit Aksnes Juni

11 11 Kom ikkje med heile sanningi DVD-produksjon til HaugeTveitt 08 Prosjektet er finansiert av HaugeTveitt 08 og Høgskolen i Bergen. I det poetiske og musikalske universet til Olav H. Hauge og Geirr Tveitt har kunstnarane Synneva Heradstveit, Liv Marit Aksnes og Jostein Stalheim, henta inspirasjon til eit felles kunstprosjekt. Ved å smelte saman akvarellar, diktopplesing og elektroakustisk musikk vil dei skape eit uttrykk der dei tre kunstartane vekslar mellom å ha fokus eller er likeverdige, der dei underbyggjer kvarandre eller går på tvers av kvarandre, er lågmælte eller utfordrar. Eit uttrykk som står godt til viktige dimensjonar i Olav H. Hauge og Geirr Tveit sin kunstnariske verksemd. Prosjektet har også ein formidlingsdel, der målgruppa er elevar frå 15 til 18 år. Eit undervisningsopplegg skal gi elevane kunnskap om arbeidsprosessen mellom dei tre kunstnarane. Formålet er å hjelpe elevane til sjølv å utvikle eigne kunstnariske uttrykk. DVD-en Kom ikkje med heile sanningi var ferdig i mai 2008.

12 Styrking av digital kompetanse har vore eit viktig mål i lokalhistorieprosjektet ved Skranevatnet skole. Foto: Mauricio Pavez, Mediesenteret 12

13 13 Vestlandets historie ut i skolene pilotprosjekt Prosjektet er finansiert av Sparebanken Vest/Visjon Vest, Høgskolen i Sogn og Fjordane, Høgskolen Stord/Haugesund, Universitetet i Bergen og Høgskolen i Bergen. Sparebanken Vest/Visjon Vest har også gitt bokverket Vestlandets historie i gåve til alle skulane på Vestlandet. Prosjektgruppa har vore samansett av Harald Eikaas (HiB), Bente Brathetland (HiB), Jostein Saakvitne (HiB) og Kjell Fossen (Universitetet i Bergen). Prosjektet skal utvikle samfunns- og kulturhistoriske undervisningsopplegg og læremiddel i samarbeid mellom lærarutdanningsinstitusjonar og eit utval skoler og lærarar på Vestlandet. Saman med lærarar og medelevar oppsøkjer og utforskar elevane fysiske spor av fortida, lokale samlingar og ressurspersonar i lokalsamfunnet sitt. Dei lokale funna vert deretter sette opp mot den regionale bakgrunnen dei er ein del av. Nettstaden er ein digital læringsressurs som er utvikla for å møte behovet for informasjon, kommunikasjon og læringsaktivitetar. På denne bloggen kan elevane publisere prosjekta sine på Internett med tekst, bilete, video, animasjonar og lyd. Nettstaden er også meint å vere til nytte for andre interesserte utanfor skoleverda.

14 14 Tilsette Harald Eikaas Senterleiar Harald Eikaas er leiar for Senter for kunstfag, kultur og kommunikasjon. Han er utdanna ved Det kgl. Danske Musikkonservatorium i København og har solistdiplom som orkesterdirigent. Han har også musikkpedagogisk eksamen frå same sted og har i ei årrekkje fungert som lærar ved Høgskolen i Volda og Griegakademiet, Universitet i Bergen. Aslaug Nyrnes Professor Aslaug Nyrnes er professor i kunstfagdidaktikk ved HiB, Senter for kunstfag, kultur og kommunikasjon, der ho frå 2008 er leiar for forskingsprogrammet Didaktikk på kunstfagas premissar. Frå var Nyrnes leiar for prosjekt Kunstfagdidaktikk, NFR/HiB. Nyrnes er dr. art. frå Universitetet i Bergen (2002) på ei avhandling om Holbergs essayistikk. I 2006 fekk Nyrnes Høgskolen i Bergen sin forskingspris. Nina Goga Stipendiat Nina Goga er førsteamanuensis i norsk ved HiB. Goga var stipendiat i prosjekt Kunstfagdidaktikk og disputerte den 6. juni 2008 for ph.d.-graden med avhandlinga Kunnskap og kuriosa. Merkverdige lesninger av tre norske tekstmontasjer for barn og unge ved Universitetet i Bergen. I etterkant har Goga i sitt FoU-arbeid gitt bidrag til utvikling av forskingsprogrammet Didaktikk på kunstfagas premissar. Anne Gro Dalland Administrativt ansatt Anne Gro Dalland var administrativt tilsett i Senter for kunstfag, kultur og kommunikasjon som seniorkonsulent fram til juli 2008.

15 15 Desse arbeider med prosjekt i regi av SEKKK: Liv Marit Aksnes Norskseksjonen Bente Brathetland Førstelektor Samfunnsfagseksjonen Stig A. Eriksson Dramaseksjonen Egil Ertresvaag Seniorrådgjevar Sentraladministrasjonen HiB Aslaug Furholt Høgskolelektor Musikkseksjonen Nina Goga Norskseksjonen Egil Haugland Musikkseksjonen Kari Mjaaland Heggstad Dramaseksjonen Synneva Heradstveit Førstelektor Seksjon for kunst og handverk Karl Egil Johansen Professor Samfunnsfagseksjonen Thorolf Krüger Professor Senter for utdanningsforsking Jostein Stalheim Musikkseksjonen Trygve Tollefsen Høgskolelektor Norskseksjonen Kari Thorkildsen Høgskolelektor Dramaseksjonen Bjørg Tronshart Seksjon for kunst og handverk Njål Vindenes Musikkseksjonen Elin Eriksen Ødegaard Pedagogikkseksjonen

16 16 Kort om Senter for kunstfag, kultur og kommunikasjon tilsette ved Avdeling for lærarutdanning har medverka i senterprosjekt Omsetning på vel 3 mill. kroner Disputas for ph.d.-graden i barnelitteratur Nordisk forskingskonferanse og -seminar Bokutgjeving og DVD-produksjon Prosjektleiing av større regionalt didaktisk utviklingsprosjekt Utvikling av strategisk forskingsprogram Besøksadresse Senter for kunstfag, kultur og kommunikasjon (SEKKK) Landåssvingen Bergen Kontaktpersoner: Senterleiar Harald Eikaas: Seniorkonsulent Dag Ove Vareberg: e-post: sekkk@hib.no Meir informasjon finn du på: Høgskolen i Bergen Mediesenteret Trykk: Grafisk trykk AS Forsidefoto: Eirik Brekke/Bergens Tidende Avdeling for lærarutdanning har elles stor FoU-aktivitet (forsking og utvikling), sjå for meir informasjon.