KULTURSKULEPLAN. Forsand kommune. - Kulturskulen for alle!

Transkript

1 KULTURSKULEPLAN Forsand kommune Kulturskulen for alle!

2 Innleiing Mange har som born eller unge stått framføre spegelen med ein hårbørste som mikrofon og vaskekost som gitar, og drøymd om ei framtid som pop- eller rockestjerne. Eller kanskje drøymde ein om ei karriere som skodespelar i sjølve Hollywood? I Forsand kulturskule får lærarane lov til å hjelpe elevane på vegen mot å realisere desse draumane, og kanskje ein dag.. Planen du no les vil ligge til grunn for drifta av kulturskulen i åra som kjem. Den inneheld litt om Forsand kulturskule sin historie, om samfunnsoppdraget og strategiar, mål og tiltak som forhåpentleg med tida skal gjere skulen og undervisninga her enda betre.

3 Forsand kulturskule Forsand kulturskule vart formelt oppretta i Kulturskulen driv opplæring av born, unge og vaksne i ulike kunstfag. Hovudmålgruppa er born og unge i alderen 0-19 år. Skulen har per i dag ca 90 elevar fordelt på instrumental- og vokalopplæring, Den Grøne Grisen, KorKult (kor for vaksne mellom år), musikkproduksjon, drama og bandundervisning. Kulturskulen gjer seg synleg i kommunen ved å produsere eigne konsertar/førestillingar, og ved å delta/opptre på arrangement i regi av kommunen eller lokale bedrifter og foreiningar. Nokre av dei utfordringane kulturskulen står overfor i dag er mangelen på kontorplassar, øvingsrom for tilsette, tilstrekkeleg med lydtette undervisningsrom og lagringsplass for utstyr og instrumenter. I Forsand kulturskule sine (reviderte) vedtekter står det: «Føremål: Forsand kulturskule er eit kommunalt opplæringssenter der alle barn, unge og vaksne kan få undervisning i ulike estetiske fag og høve til å møte ulike kunstformer og kulturuttrykk. Kulturskulen skal gi opplæring av høg fagleg og pedagogisk kvalitet til alle born og unge som ønskjer det. Formålet med opplæringa er å lære, oppleve, skape og formidle kulturelle og kunstnariske uttrykk (jmf. rammeplan for kulturskulen). Alle elevar skal få ei tilrettelagt opplæring i samsvar med evner og føresetnader. Kulturskulen har Rammeplan for kulturskulen «Mangfald og fordjuping» som retningsgjevande fundament, og/eller dei retningslinjene som til ei kvar tid gjeld for kulturskuledrifta.» Kulturskulen sitt samfunnsoppdrag Opplæringslova, Musikk- og kulturskoletilbod: «Alle kommunar skal aleine eller i samarbeid med andre kommunar ha eit musikk- og kulturskoletilbod til barn og unge, organisert i tilknyting til skoleverket og kulturlivet elles.»

4 Ny rammeplan «Mangfald og fordjuping» På landsmøtet til Norsk Kulturskuleråd i 2012 vart det vedtatt at det skulle lagast ein ny rammeplan for kulturskulane i Noreg. Kulturskulerådet er kulturskulene sin «paraplyorganisasjon», og så godt som alle kulturskulene er medlemmar her. Del 1 og 2 av planen er no ferdig skrive og vedtatt. Del 3 (fagplanar) og del 4 (kvalitet) har vore ute på høyring og skal skrivast ferdig i 2016/2017. Det er ønskjeleg at rammeplanen vert implementert i Forsand kulturskule, slik at den kan være eit styrande planverk for utvikling og drift av skulen og undervisning av elevane der. Rammeplanen skal bidra til å sikre felles nasjonale normer for mål, innhald og kvalitet i kulturskulane. Utfordringar Den nye rammeplanen seier noko om kulturskulen sine utfordringar på nasjonalt plan: «Visjonen til Norsk kulturskoleråd er «Kulturskule for alle». Dette er ein sentral ambisjon i oppbygginga av kulturskulane. Kulturskulen skal vere kjenneteikna av høg kvalitet og rikt mangfald, og skal ta vare på både breidde og talent. Kulturutgreiinga 2014 peikar på utfordringa som ligg i å løyse det samansette samfunnsoppdraget til kulturskulen. Kulturskulen må også vidareutvikle eit større mangfald i tilbodet for å betre rekrutteringa av barn og unge med ulik kulturell bakgrunn.»

5 Strategiplan MÅL Kulturskulen skal gi opplæring av høg fagleg og pedagogisk kvalitet til alle born og unge som ønskjer det. Vere eit lokalt ressurssenter Eigna kontorplassar, fleire lydtette øvingsrom og meir lagerplass Implementering av ny, nasjonal rammeplan Kulturskulen skal utvikle seg innanfor kvalitet, mangfald og tverrfaglig samarbeid STRATEGI Oppretthalde og vidareutvikle tilboda som eksisterer i dag. Legge til rette for at dei tilsette har høve til å utvikle seg vidare på sine fagfelt og drive fagleg-pedagogisk utviklingsarbeid. Styrke samarbeidet og dialogen med grunnskulen. Vurdere i saman med grunnskulen om kulturskulen skal bidra meir i organiseringa av DKS lokalt. Ha dialog/samarbeid med barnehage og Forsandheimen om aktuelle førestillingar/konsertar og/eller undervisningsopplegg. Vidareutvikle samarbeidet med kulturseksjonen (UKM, flyktningtenesta, biblioteket). Ved høve søkje samarbeid med det lokale kulturlivet elles og evt lokale musikarar/kunstnarar. Arbeide for, saman med teknisk og/eller grunnskulen, at det kan byggast eigna øvingsrom og kontorplassar gjerne i sambruk med grunnskulen. Arbeide for å løyse utfordringane knytt til lagerplass for instrumenter, lydutstyr og rekvisitter. Arbeide med lokal tilpassing av rammeplanen sine 4 deler, slik at planen kan bli eit godt fundament for drift av kulturskulen og undervisninga der. Innføre system for kvalitetssikring i kulturskulen. Interkommunalt samarbeid. Vidareutvikle samarbeidet mellom dei einskilde faga i kulturskulen. Auka fokus på samspel. Utarbeide gode løysingar for talentutvikling - gjerne interkommunalt.

6 Handlingsplan TILTAK ÅR KOSTNAD KOMMENTARAR Innkjøp og montering av (3) lydisolerande dører mot undervisningsrom. Lydisolering av 1 undervisningsrom. Fjerning av 1 dør og blending av opning. Kulturskulen har behov for kontorplassar til lærarane og fleire eigna øvings- og undervisningsrom. Kulturskulen 35 år! Leige inn profesjonelle utøvarar/artistar/kurshaldarar til å halde master class/workshop for elevar, og evt lage ein førestilling saman med desse. Innkjøp/oppgradering av utstyr/instrument Innkjøp/oppgradering av utstyr/instrument Dette er det som står att av arbeid slik at kulturskulen får gode nok rom til å undervise i. Tidvis er det utfordringar med for dårleg lydisolasjon på dagar der fleire lærarar underviser samstundes. (Overslag ifrå TS Byggtjenester AS) 2017/18 Vil bli utgreia Slik det er i dag har ikkje lærarane og elevane i kulturskulen gode nok rammevilkår. Tenker derfor sambruk med skulen. Viss skulen treng fleire kontorplassar etc., så bør ein kunne samkøyre planlegginga og gjennomføringa av desse tiltaka.