Mellombels komité - Utgreiing av kulturskuletilbodet i Luster

Transkript

1 Mellombels komité - Utgreiing av kulturskuletilbodet i Luster Notat etter høyringrunde Komiteen ser positivt på at fleire har levert innspel til komiteen sitt arbeid. Det viser at det er engasjement rundt kulturskulen. Det har ikkje kome innspel frå Leikanger, men saka var til handsaming i kommunestyret Vedtaket der blir lagt ved saka. Komiteen meiner det ikkje har kome vesentleg informasjon i høyringsrunden som ikkje komiteen alt var kjent med under arbeidet med rapporten. Komiteen står på sitt opprinnelege forslag til vedtak med eitt tillegg (punkt 2). Framlegg til vedtak i kommunestyret 1 Luster kommune seier opp sin avtale med Sogn kulturskule innan Etter gjeldande avtale er fristen for oppseiing eitt år. Det må etablerast ein organisasjon for utvikling av ein ny kommunal kulturskule med oppstart Denne rapporten samt vedtak i kommunestyret dannar utgangspunkt for arbeidet. 2 Luster kommune må leggje opp til ei ny administrativ organisering ved oppstart av Luster kulturskule. I tråd med rapporten «kulturskuletilbodet i Luster kommune» må det opprettast ei felles eining med felles leiar som får ansvaret for både kulturskule og øvrige kulturaktivitetar i Luster kommune. Me har valt å spesifisere vårt alternative framlegg. Forslag til alternativt framlegg 1 Luster kommune vel å fortsetje samarbeidet om Sogn kulturskule under føresetnad av at det lukkast å forhandle fram ein avtale med Sogndal kommune og Leikanger kommune der Luster kommune overtek som vertskommune for samarbeidet. Avtalen må utarbeidast slik at den kan leggjast fram for kommunestyret Ved negativt svar frå dei andre kommunane må saka om utmelding leggjast fram på ny innan fristen for utmelding Luster kommune må leggje opp til ei ny administrativ organisering av Sogn kulturskule. I tråd med rapporten «kulturskuletilbodet i Luster kommune» må det opprettast ei felles eining med felles leiar som får ansvaret for både kulturskule og øvrige kulturaktivitetar i Luster kommune. 3 Luster må ta initiativ til finansiering av eitt utviklingsprosjekt i Sogn kulturskule. Prosjektet skal vidareutvikle og ferdigstille Status og utviklingsplan for Sogn kulturskule. Arbeidet skal ta utgangspunkt i framlagt Status og utviklingsplan for Sogn kulturskule, rapport frå mellombels komité i Luster kommune og eventuelle andre innspel frå medlemskommunane. Det må vurderast å leige inn ekstern hjelp.

2 Komiteen har ikkje teke stilling til korleis budsjettet vil sjå ut om ein skal innarbeide tiltaka frå Luster i eitt fortsatt samarbeid. Kommentarar til innspel i høyringsrunden Me gir her våre kommentarar til innkomne innspel i andre runde. For dei innspela me ikkje har kommentert spesielt, viser me til generell del og til hovudrapporten. Generelt Breidda på tilbod og mogelegheit for spesialisering Me ser at fleire av innspela framhevar breidda i Sogn kulturskule og mogelegheita for spesialisering. Komiteen tek til etterretning at mange er fornøgde med tilbodet og samstundes fryktar at ei utmelding frå Luster si side vil verka negativt. Spesielt går ungdomskoret Røyst og dirigent til kor att. Dette er eit tilbod som distriktsmusikar Bjørn Gisle Sæter står for. Komiteen har tilrådd at Luster fortsatt skal vere med å finansiere ei gruppe med distriktsmusikarar i Sogn. Dette vil bidra til å halde på tilbod som til dømes ungdomskoret Røyst. Når det gjeld breidda i Sogn kulturskule meinar komiteen at dette kan diskuterast. Rådmannen skriv fylgjande: Kulturskulemodellen / «Mangfald og fordjuping: Rammeplan for kulturskulen» har som mål å ha tilbod om undervisning i fem kunstuttrykk: dans, musikk, skapande skriving, teater og visuell kunst. Sogn kulturskule tilbyd i dag stort sett berre musikk. Med dette som bakteppe meiner me at alle innspela og mediaoppslaga som framhevar breidda til Sogn kulturskule er noko misvisande. Innanfor musikk har fylgjande kategoriar meir enn fem elevar og fast tilsett lærar. Aspirantopplæring / Messing (trombone / kornett) Treblås (fløyte, klarinett, saksofon) Fiolin Gitar Tangentar (keyboard, piano) Pop-rockeband Slagverk Song (Krudlalaget, individuell, kor) Luster har elevar i seks av desse kategoriane. Når det gjeld distriktsmusikarane har komiteen kommentert at desse må utnyttast betre av Luster kommune. Me har sett nærare på statistikk og ynskjer å understreke fylgjande: Distriktsmusikarane gir undervisning til i overkant av 90 elevplassar. Kun omlag 16 % av desse er frå Luster kommune. Berre fire stk får individuell opplæring av ein distriktsmusikar. Av undervisning utført i Luster er det berre fem stk som får dette (aspirant i Gaupne).

3 Dette er ei såpass skeiv fordeling at Luster må krevje endring rundt dette eller vurdere si deltaking k disktriksmusikarane. Sogndal kommune - saksutgreiing Rådmann Jostein Aanestad i Sogndal si beskriving av den politiske handsaminga av utviklingsplanen til Sogn kulturskule er svært mangelfull. Sogn kulturskule sin utviklingsplan var til handsaming i Luster kommune i september Planen vart då sendt i retur med følgjande vedtak: «Kommunestyret ber om at planen vert arbeidd vidare med, der ein sikrar følgjande: god brukarmedverknad, inkludert brukarundersøkingar at ein innanfor budsjetta fordelar ressursane slik at kompetansen samsvarar med behova eit desentralisert tilbod i Luster opplæring i tradisjonsmusikk i Luster betrar dei administrative rutinane og vurderer organiseringa i Sogn kulturskule.» Sogndal kommune og Leikanger kommune vedtok planen høvesvis i oktober og november i Ingen av saksutgreiingane eller protokollane seier noko om Luster kommune sitt vedtak. Arbeidsgruppa arbeidde eitt ekstra år med planen før kommunestyret i Luster i september 2015 sa endeleg nei og etterkvart sette ned ein komité. Når Aanestad beskriv kva tilbod som er tilgjengelege, er me litt usikre på om dette gjeld Sogndal eller heile kulturskulen. Me finn grunn til å påpeike at relativt mange av desse tilboda er det ikkje elevar på i Sogndal kommune i følgje vår statestikk. Arve Bjørn Røneid Kommunestyret bør merka seg innspela til Arve Bjørn. Han er tidligare politikar som ivra for Sogn kulturkule, kulturprisvinnar og ein respektert musikar frå Luster. Han bekreftar komiteen sine påstandar om at Sogn kulturskule ikkje har levert det produktet som låg til grunn for vedtaket. Maria Molland Komiteen meiner at å gje lustraelevane det tilbodet dei har i dag samt vidareutvikle dette er fullt mogeleg. Det er ikkje eitt alternativ å gå attende til Luster musikkskule. Krava har endra seg, og det er no kun aktuelt med ein kulturskule med ei anna organisering enn den Luster musikkskule hadde. Tilsette i Sogn Kulturskule (MFO) Dei leverer eitt langt og fyldig innlegg med mange gode innspel som kommunestyret bør leggje merke til. Dei spør om komiteen har teke utgangspunkt i dagens tilbod i vurderinga. Det har komiteen sjølvsagt, men med eitt spesielt fokus på det tilbodet som blir gitt i Luster kommune. Dette ligg i mandatet til komiteen.

4 Me har og sett nøye på korleis dei gjer dette i Lærdal kommune. I Lærdal er det etter vår vurdering eitt svært godt tilbod med ein enkel og effektiv organisering. I innspelet blir det teke for gitt at ein vil rive ned eksisterande tilbod og at det blir færre tilsette med lågare kompetanse. Det ser ut til at MFO gløymer at Luster også skal bidra i framtida. Det vil totalt sett vere like mange elevar og totalt sett behov for like mange tilsette. Me framhevar også satsing på distriktsmusikarar som viktig i tillegg til samarbeid. Ein må kunne anta at lærarar tilsett i ein kulturskule i Luster óg kan vere attraktiv for elevar i Sogndal og Leikanger, og ikkje berre motsett. Punkt 1 Rammeplan for kulturskulen Sogn kulturskule oppfyller ikkje formålet som her blir skissert. Ventelista er for lang. Komiteen trur at ein kommunal løysing vil gi ein kortare veg til å bli ein samarbeidande aktør i grunnopplæringa og kulturlivet elles. Punkt 3 Samarbeid mellom Luster, Sogndal og Leikanger Komiteen er einig i at det er avgjerande med eitt godt samarbeid. Koret Røyst er eitt eksempel på dette. Vidare satsing på distriktsmusikar vil langt på veg sikre dette. I innlegget ser det ut som ein heilt har gløymt at Luster også i framtida ynskjer å bruke betydelege midlar på kultur som også kjem nabokommunane til gode. Punkt 4 stillingstorleikar Det blir hevda at komiteen foreslår auka bruk av deltidstillingar. Dette er ei feil tolking. Det som står er at ein ser på mindre deltidsstillingar som eitt viktig supplement i tillegg til ein base av fast tilsette i heile eller større stillingsprosentar. Punkt 5 om innspel frå lokale brukarar i Luster Det er viktig å påpeika at resultatet av komitéarbeidet og dei vedtaka som er gjort i kommunestyret ikkje baserer seg kun på desse innspela. Politikarane er ombodsmenn og tek med seg alle innspel både skriftlege og munnlege inn i debatten. Me vil elles påpeika at komiteen fyrst vart sett ned etter at Sogn kulturskule hadde jobba eitt ekstra år med utviklingsplanen etter nokre konkrete innspel frå Luster kommune. Me er bekymra for at det er lite interesse og engasjement rundt Sogn kulturskule i Luster. Utifrå dei økonomiske ressursane kommunen legg inn i skulen er det lite positivt. Punkt 6 betre tilbod innan folkemusikken i Sogn kulturskule og Luster Komiteen set pris på at dei tilsette tek behovet for satsing på folkemusikk på alvor. Om det er realistisk å tilsetje ein distriktsmusikar innan folkemusikk vil dette vere eitt godt tiltak.

5 Punkt 7 samanfatning Komiteen er følgjeleg usamd i konklusjonen til dei tilsette. Me meiner ein vil få eitt betre tilbod med godt samarbeid framfor felles kulturskule. Komiteen er kjent med at tilsette har visse rettar om Luster vel å starte opp eige tilbod. Me føreset at dette blir følgt opp. Det er viktig å påpeika at Luster kommune har komme med mange innspel til Sogn kulturskule, seinast i handsaminga rundt utviklingsplanen der ein utsette vedtaket i eitt år med konkret bestilling om vidare utgreiing av fem konkrete punkt.