SKREDFAREVURDERING I ØVRE GRANVIN

Transkript

1 ADRESSE COWI AS 5600 Norheimsund Sandvenvegen 40 TLF GRANVIN MASKINSTASJON AS SKREDFAREVURDERING I ØVRE GRANVIN PROJEKTNR. DOKUMENTNR. A VERSION UDGIVELSESDATO BESKRIVELSE UDARBEJDET KONTROLLERET GODKENDT SKREDFAREVURDERING HÅVARD F. FIKSEN OG JOSTEIN SOLDAL

2

3 SKREDFAREVURDERING I ØVRE GRANVIN 3 INNHALD 1 Samandrag 5 2 Innleiing Klassifisering av skred 7 3 Grunnlag 8 4 Områdeskildring Grunntilhøve Spor etter tidlegare skredhendingar Dreneringstilhøve 13 5 Skredfarevurderingar Snøskred Steinsprang Lausmasseskred og flaum 23 6 Oppsummering 24 7 Konklusjon og tiltak 25 8 Vedlegg 26

4

5 SKREDFAREVURDERING I ØVRE GRANVIN 5 1 Samandrag Granvin Maskinstasjon har engasjert COWI AS til å vurdere skredfaren i samband eit reguleringsplanarbeid for eit område med uttak av naturstein, samt tilhøyrande tilkomstveg i Øvre Granvin i Granvin kommune. I reguleringsområdet skal det etablerast brakkeriggar. Det planlagde tiltaket tilfredsstiller krava i TEK 10, 7.23 (S1) for lausmasse- og snøskred. Faren for steinsprang frå fjellparti, samt remobilisering av blokker i skråninga dannar risiko for steinsprang både i reguleringsområde og langs tilkomstvegen. Sikringstiltak bør gjennomførast ved steinbrotet.vi tilrår reinsk av lause blokker i ei sone på 5 meter frå øvre kant av uttaksområdet. Det vert også tilrådd å etablera ein skredvoll ovanfor brakkeområdet. For tilkomstvegen vurderer vi sannsynet for steinsprang som høgare enn 1:100. Etter at vegen er ferdig bør det gjerast vurdering av fjellskjæringar og lause blokker ovafor.

6 6 SKREDVURDERING I ØVRE GRANVIN 2 Innleiing COWI AS er engasjert av Granvin Maskinstasjon AS til å utføre ei skredfare-vurdering i samband med eit planlagd uttak av naturstein kjend som Nesbø hellegneissone, samt tilhøyrande anleggsveg i Granvin kommune. Det skal i etablerast brakkeriggar i steinbrotet. Dette vil vera brakker for toalett, garderobe og spiseplass (Figur 1). Figur 1. Oversiktskart er vist øvst. Det planlagde reguleringsområdet nedst i figuren er skravert, der brakkeriggen er markert med i brunt. Raud line viser tilkomstvegen, denne fortset i tunnel mot nordvest i kartet.

7 SKREDFAREVURDERING I ØVRE GRANVIN 7 Planreguleringa, herunder drift og infrastruktur omfattar eit totalareal på 260 daa, der sjølve driftsområdet er 188 daa. Det totale årlege uttaksvolumet er i planane sett til å omfatte m³. Drifta av uttaket av naturstein vil føregår ved dagbrot som etterkvar i uttaksprosessen vert tilpassa dei topografiske- og geologiske tilhøva. Uttaket vert delt i to driftstrinn, der ein starar øvst i hellegneisformasjon og jobbar seg nedover topografisk. Etablering av "driftstrinn 1" startar øvst i formasjonen ved 187,5 mo.h., medan "driftstrinn 2" startar ved 137,5 mo.h. Pallehøgd for uttak er vil vera 12,5 m og pallebredda vert 10 m, dette utgjer ein vinkel tilsvarande Klassifisering av skred Skred vert klassifisert ut frå materialinnhaldet som inngår. Lausmasseskred omfattar skred i lausmassar (jordskred, flaumskred og leirskred). Skred i lausmassar er avhengig av fleire faktorar, der vatn er ein avgjerande faktor. Jordskred oppstår normalt der terrenghellinga overstig Flaumskred oppstår vanlegvis ved store/ekstreme nedbørshendingar i samband med til dømes erosjon og materialtransport, eller som sekundærverknader knytt til andre skredhendingar. Skred i fast fjell vert namngjeve basert voluma som inngår i skredet. Primære steinsprang (utløyst direkte frå kjeldeområde) kan generelt verta utløyst ved brattare helling enn Steinsprang inneber massar opptil nokre frå hundre kubikkmeter, steinskred omfattar opptil fleire hundretusen kubikkmeter. Fjellskred omfattar større fjellparti med volum opptil fleire millionar kubikkmeter. Ein kan skilje mellom fleire typar snøskred. Flaksskred som utgjer største faren vert normalt utløyst i terreng brattare enn 30. Over 45 vil terrenget vere for bratt til at store snømengder vil kunne akkumulerast. Flakskred vert utløyst langs svake soner/glidesjikt i snøen si lagdeling. Store skred vil danna kraftige fonnvindar med krefter til å knekke tre med meir. Typiske spor i terrenget etter snøskred vil ofte vere i vegetasjonen der ortofotografi ofte kan vise typiske skredrenner.

8 8 SKREDVURDERING I ØVRE GRANVIN 3 Grunnlag Teknisk forskrift til plan- og byggingslova (TEK 10), 7.23 (Tabell 1). Tabell 1. Utdrag frå byggteknisk forskrift (TEK10) syner tryggleiksklassar for plassering av byggverk i skredfarlege områder. Brakkeriggar der det ikkje er permanent personopphald omfattar tryggleiksklasse 1 (S1), dette vil seie at sannsynet for at skred inntreff ikkje skal overstige 1 per 100 år. Vidare byggjer skredfarevurderinga på følgjande punkt: Observasjonar gjort under feltbefaring Berggrunnskart og lausmassekart frå NGU ( Simulering av steinsprang i modelleringsprogrammet RocFall ( Aktsemdskart og informasjon frå tidlegare skredhendingar frå NVE ( Tilsendt grunnlagsmateriale (driftsplan) frå Granvin maskinstasjon AS Ortofoto og digitalt kartmateriale frå Statens kartverk ( Klimadata frå

9 SKREDFAREVURDERING I ØVRE GRANVIN 9 4 Områdeskildring Området ligg om lag 10 km nord frå Granvin sentrum, sør for Nesbø. Det fins i dag ingen bygningar i planområdet (Figur 2). Den nedlagde jernbanetraséen går rett forbi planlagd driftsområde og er tenkt å nyttast som anleggsveg med tilknytingspunkt mot nordvest. Figur 2. Oversiktsbilete av reguleringsområdet frå motsett side av dalen. Det aktuelle området er markert i raudt. Driftsområdet og anleggsvegen er lokalisert i austvendt dalside med nokså tett granskog, øvre dalsider er markert med vertikale fjellskrentar (Figur 3) som omfattar blant anna fjellpartia "Nova, Nos og Vetlenos". Fjellskrentane dannar her klippeparti med høgder på opptil meter. I øvre delar av skråningane nedanfor vekslar gradienten mellom 25-30, der nedre delar over reguleringsområdet gjennomgåande er noko slakare. Terrengprofil for skråninga ovanfor reguleringsområde i søraust vert vist i Figur 4.Terrengprofil for skråninga i søraust. Terrenget her vekslar mellom konkave og konvekse parti og dannar såleis eit ujamnt terreng.

10 10 SKREDVURDERING I ØVRE GRANVIN Figur 3. Bilete er teke i skogsvegen i dalsida og viser den tette granskogen og fjellpartiet i bakkant.

11 SKREDFAREVURDERING I ØVRE GRANVIN 11 Figur 4.Terrengprofil for skråninga i søraust 4.1 Grunntilhøve NGU har kartlagd berggrunnen i området og beskriv bergarten som "udiffereniserte båndete gneiser dominert av kvartsofeltspatiske skifre/gneiser". Våre observasjonar stemmer overeins med skildringane, der gneisen i området vekslar i skifrigheit (lagning). Fjellblottingar er hovudsakleg til stades i uttaksområdet og ved fjellpartia øvst langs dalsida. Våre observasjonar på staden viser at strøkretninga av bergarten si lagflate er orientert parallelt med dalen. Fallretninga til lagflatene som vert målt vinkelrett på strøket har vekslande orientering (både mot NØ og SV) og låg fallvinkel. Lausmassane i området består av tynt morenedekke (<0,5m) over berggrunn med stadvis ur-avsettingar og enkeltblokker i skråninga (Figur 5).

12 12 SKREDVURDERING I ØVRE GRANVIN Figur 5. Kart over lausmassar i området. Henta frå Spor etter tidlegare skredhendingar Det er i øvre delar av fjellsida observert avsettingar etter tidlegare skredhendingar knytt til steinsprang (Figur 6). Under fjellskrentane sør-austover frå fjellet " Nos" er det stadvis blokkrike avsettingar. Det er ikkje observert nyleg avsett skredmateriale i desse områda. Det er ikkje teikn til skredhendingar i lausmassar (jord- og flaumskred) området.

13 SKREDFAREVURDERING I ØVRE GRANVIN 13 Figur 6. Ur danna av steinsprang frå fjellpartiet ovanfor. Bilete teke under fjellpartiet søraust for fjellet "Nos". 4.3 Dreneringstilhøve Det er to dreneringsløp som renn inn gjennom planlagd uttaksområde. Ved store nedbørstilfeller vil desse frakte større mengder vatn. Det er ingen teikn til mykje erosjon langs bekkeløpa. Bekkane renn i område med skredmateriale med generelt stor blokkstorleik.

14 14 SKREDVURDERING I ØVRE GRANVIN 5 Skredfarevurderingar Aktsemdskarta ( vert framstilt på grunnlag av ein digital høgdemodell der områder med terrenghelling 45 automatisk blir klassifisert som utløysningsområder for steinsprang og områder med terrenghelling > 30 som utløysningsområder for snøskred. Påfølgjande datamodellering gjev utløpsdistanser (rekkevidde) frå utløysingsområda. Effekten av lokale faktorar som skog, ujamnheiter i terrenget, grunntilhøve og klima vert det ikkje teke omsyn til i modelleringa. Ein skal vere klar over at aktsemdskarta baserer seg på grove terrengmodellar og vil ikkje i alle i områder gje eit like godt bilete på skredfaren i eit område. Jordskred vert normalt utløyst i terreng der gradienten er brattare enn 25-30ᵒ. Aktsemdskart kan gje indikasjonar på fareområder, men vil ikkje gje informasjon om fare- eller risikonivå for skred. Til fastsetting av skredfaren i eit område må difor faglige vurderingar basert på feltobservasjonar, samt eventuelt simuleringsmodellar liggja til grunn. Ved befaring er det gjort observasjonar på avrenningstilhøve, vegetasjonsdekke, grunntilhøve/mektigheiter, også tidligare skredhendingar og spor i terreng/vegetasjon er viktige faktorar som dannar grunnlag for vurderinga som vert gjort. Terrenghellingskart vert vist i Figur 7. Skredfarevurderingane vert oppsummert vedlagd faresonekart. hel- Figur 7. Terrenghellingskart av Øvre Granvin. Skalaen nede til venstre i figuren viser linga i grader for dei skraverte områda. Reguleringsområde er omrissa i raudt. Henta frå

15 SKREDFAREVURDERING I ØVRE GRANVIN Snøskred Aktsemdskartet (Figur 8) syner at området for planlagt plassering av brakkeriggar ligg innanfor aktsemdsområda for snøskred. Rosa, skraverte områda markerer potensielle løsneområder medan dei lyse områda viser rekkevidde (utløpssoner). Store deler av områda som dannar utløsningsområde i figuren nedanfor er vertikale fjellparti. Over 45 helling vil ikkje tilstrekkeleg snømengde kunne akkumulerast, då hellinga er for bratt. Dette tek ikkje modelleringa i aktsemdskarta høgde for.vår vurdering er derfor at reelle akkumulasjons- og utløysingsområde er mindre enn det som er vist i fig. 8. Potensiell akkumulasjonsområde vil difor berre vere øvst i dalsida ved foten av fjellpartiet. Figur 8. Aktsemdskart for snøskred markerer sleppområder ved mørk skravur, utløpssoner er markert med svak skravur. Kartet syner at planområdet ligg innanfor aktsemdsområde. Reguleringsområdet er vist med blå skravur, omtrentleg plassering av brakkerigg er vist i med brun farge og raud line viser tilkomstvegen. Flakskred vil normalt oppstå ved gradientar mellom Le-område for dominerande vindretning vil danne akkumulasjonsområde om vinteren. Dette skjer ved at vind transporterer og avsett snøen i terrengformer som ligg i le for vindretninga (Figur 9). Ved naturleg utløyste skred vil svake sjikt/lag i snøen føre til kollaps i snøbindingane når gravitasjonskreftene vert for store. Skråninga i område er dekka av tett granskog (som vist i Figur 3). Skog reduserer faren for utløysing av snøskred ved forankringseffekten dette har på snølaga. I tillegg vil grov ur i mange tilfelle også redusere faren for skred, då det må store snømengder til for å danne eit kontinuerleg snødekke som dannar utløysingssoner.

16 16 SKREDVURDERING I ØVRE GRANVIN Figur 9. Prinsippskisse for akkumulasjon av snø i le-områder. Basert på verdata under normalperioden frå målestasjonen i Granvin, har området ein gjennomsnittstemperatur på under 0ᵒC i vintermånadane (Figur 10). Figur 10. Temperatur- og nedbørsnormal for den klimatiske perioden ved Granvin målestasjon. Skråningane i området er aust-, søraust- og nord-austvendt. Den fremherskande vindretninga er mot nord-nordvest. Vindretning vil kunne bidra med noko inntransportert snø i akkmulasjonsområda som er ved foten av fjellpartia øvst i dalsida. Over dette fjellpartiet er gradienten for slak for at snøskred kan utløysast (som vist i

17 SKREDFAREVURDERING I ØVRE GRANVIN 17 Figur 8). Heile det potensielle akkumulasjonsområdet er prega av tett vegetasjon (Figur 11) og grov ur (Figur 12). For å dekka ura med snø for å danna kontinuerlege snølag i skråninga skal det svært store snømengder til. Vegetasjonen er også tett, noko som forankrar snølaga. Ut frå desse faktorane, vurderer vi at sannsynet for at tilstrekkeleg snøakkumlasjon og utløysing dermed er svært lågt. Med dette anser vi at sannsynet for utløysing av snøskred er lågare enn 1/100 for planlagd tiltak. Figur 11. Bilete teke like under foten av fjellpartiet og syner den tette vegetasjonen. Øvre del er prega av relativt tett bjørkeskog, medan heile nedre dalside er prega av svært tett granskog.

18 18 SKREDVURDERING I ØVRE GRANVIN Figur 12. Bilete viser foten ved fjellparitet øvst i dalsida. Grov ur og tett vegetasjon pregar dette området. 5.2 Steinsprang Den nord-vestlige delen av reguleringsområdet er innanfor teoretisk utløpsområdet for steinsprang (Feil! Fant ikke referansekilden.). Det potensielle kjeldeområdet for steinsprang til heile reguleringsområde vil vere frå fjellpartia søraust og nordvest frå fjellet "Vetlenos". Dette er det framtredande partiet i aktsemdskartet.

19 SKREDFAREVURDERING I ØVRE GRANVIN 19 Figur 13. Aktsemdskart for steinsprang. Mørk skravur markerer kjeldeområder og lys skravur viser utløpsområder (rekkevidde). Reguleringsområdet er vist med blå skravur, omtrentleg plassering av brakkerigg er vist i med brun farge. Raud line viser tilkomstvegen. Fjellpartia dannar vertikale til sub-vertikale sider og er på det meste lokalisert 600 meter over planlagt reguleringsområde i søraust. Fjellpartiet dannar nokre utstikkande og ustabile hamrar (Figur 14). Her er det observert fleire sprekkesett/svakheitssoner langs berget. Sprekkesetta dannar blokkvolum opptil fleire titals kubikkmeter. I ei sone på 60 meter nedanfor foten av fjellpartiet er det observert grov ur danna av steinsprang truleg utløyst frå desse svakheitssonene (Figur 15). Avsettingane har her eit ferskare preg ved mindre mosevekst enn andre observerte avsettingar lengre nede i skråninga. Sona skil seg ut ved at den delvis er prega av ung bjørkeskog noko som forsterkar teorien om både nyligare, samt hyppigare steinsprangaktivitet. Dei store svakheitssonene i fjellpartiet vil i framtida rase ut større blokkvolumer. Grunna skifrigheita i gneisen vil truleg store utraste blokker knusast når den treff skråninga eller fragmentere i transporten. Dette vil truleg også føre til redusert utløpslengd, samanlikna med dersom det initielle volumet er intakt i transportetappen. Denne teorien kan underbyggast ved at det ikkje er blokkstorleik av dette omfanget observert i ura nedanfor. I sona på om lag 60 frå foten av fjellpartiet vurderer vi difor at faren for steinsprang er høgare enn 1/100.

20 20 SKREDVURDERING I ØVRE GRANVIN Frå våre observasjonar med auka blokkhyppighet og ferskare overflate på blokkene, vurderer vi også skredfaren som høgare enn 1/100 i nordre deler reguleringsområdet, samt tilkomstvegen i nordvest. Mindre vegetasjon og brattare gradient vil her føra til høgare energi og mindre dempingseffekt på utløyste blokker (Figur 16 og 17). Vurderingane av skredfaren knytt til steinsprang vert oppsummert i faresonekartet som er vedlagd. Faresonegrenser for steinsprang er gjeven for frekvensane 1:1000 og 1:100. Bakgrunnen for faresonegrensene byggjer på observasjonane som er gjort i terrenget, der steinsprangavsettingar, vegetasjon, brattleik og strukturar i fjellet er lagt vekt på. Steinsprangsimleringar er også medrekna i grunnlaget for fastsetting av faresonegrensene. Figur 14. Bilete syner eit ustabil fjellparti indikert med raud pil. Tydelege sprekkar/svakheitssoner er observert i bakkant.

21 SKREDFAREVURDERING I ØVRE GRANVIN 21 Figur 15. Ur-avsettingar frå steinsprang truleg knytt til svakheitsoner i fjellpartiet i bakkant. Figur 16. Bilete viser den nordlige delen av reguleringsområdet, samt delar av området over anleggsvegen.

22 22 SKREDVURDERING I ØVRE GRANVIN Figur 17. Området like over anleggvegen. Fjellpartiet "Nova" ligg like i venstrekant av bilete. Ved den gamle jernbanetrasèen, søraust i planlagd uttaksområde er nokre få, mindre bergblottingar observert (Figur 18). Orientering av bergartens lagflate (strøk) går parallelt med dalen med stadvis varierande fallvinkel og fallretning. Orientering er her målt til 080/10 med fall mot aust. Blottingane er prega av vertikale sprekkesett med om lag ein meters avstand. Stadvis dannar sprekkesystema også større blokkvolum. Skifrigheita i gneisen dannar hyller med varierande høgde i området. Det er svært få blottingar oppover i terrenget før ein når fjellpartiet heilt øvst i skråninga. Figur 18. Bergskjering rett ovanfor anleggsvegen/gamal jernbanetrasè.

23 SKREDFAREVURDERING I ØVRE GRANVIN 23 I skråninga i overkant av reguleringsområde er det stadvis observert ur-avsettingar, samt enkeltblokker. I nokre stadar av terrenget det teikn til aktivitet i desse blokkene. Ved til dømes rystelsar frå sprenging eller gjentekne fryse- og tiningsprosessar vil dette kunne føre til remobilisering av desse. Andre utløysingsmekanismar som er observert under befaring er rotveltingar. I samband med faren for remobilisering, samt rotvelter anbefaler vi difor reinsk av blokker på ei sone på 5 meter over øvre uttakskant, samt tiltak i form av ein skredvoll over deler av uttaksområde som fangar opp eventuelle skredblokker og skjermar såleis brakkeriggen. Til supplement i vurderinga av utløpsdistansar for steinsprang er det utført dynamiske/statiske datasimuleringar av steinsprang ved hjelp av programmet Rocfall 5.0 frå Rockscience.inc. Simuleringane er gjort ved terrengprofila vist i Vedlegg 2. Terrengprofila er henta ut frå digitale kart med koteavstand på 5 meter. Simuleringa er i stor grad avhengig av restitusjonskoeffisientar som beskriv dempinga blokkene vert utsett for både vinkelrett og langsmed skråninga/terrengprofilet. Dempingsverdiane er fastsatt på grunnlag av observerte grunntilhøve i området som vidare er relatert til testa verdiar for denne materialtypen, utgjeve av Rocscience.inc. Terrengprofila er delt opp i segment basert på datainnsamlinga langs skråninga, vidare vert dempingsparametrar tildelt kvart av segmenta. Simuleringane er i utgangspunktet noko konservative, då dei til dømes tek lite omsyn til bremseeffekten av tre og fragmentering av skredblokker langs skredløpet. Det er simulert 100 blokker langs kvart av profila. Desse er angjeve ein kubisk form basert på observasjonar i området. Simulerte steinsprang har ein storleik på 1 m³, tilsvarande om lag 2700 kg, då gneisen har ei eigenvekt på 2,7 g/cm 3. Resultatet frå simuleringane er vist i Vedlegg Lausmasseskred og flaum Faren for jordskred vert sett på som låg. Sjølv om gradienten i øvre delar er bratt nok til at jordskred kan utløysast (normalt >25 ) er jorddekket tynt, terrengoverflata og gradient svært ujamn, i tillegg vil den tette skogen og ura ha god armeringseffekt på lausmassane. Det er ikkje observert teikn til tidlegare jordskred i området. Det er to store bekkar som drener ned i reguleringsområde. Ved store nedbørsmengder og høg snøsmelting vil vassavrenninga her vere høg. Det er langs bekkefara observert teikn til noko mindre erosjon i bekkekantane. Vi anbefaler driftsstans ved ekstreme nedbørssituasjonar ved meldt nedbør meir enn 100 mm/døgn. Likevel på grunnlag av terrenget, urer og vegetasjon vurderer vi faren for flaumskred også som liten, då desse faktorane vil båe ha god bremseeffekt på ein slik massestraum, samt gunstig effekt ved evna dei har til å ta til seg større vassmengder. Det er ikkje observert indikasjonar på tidlegare flaumskred i området.

24 24 SKREDVURDERING I ØVRE GRANVIN 6 Oppsummering Det er gjort vurdering av skredfaren for reguleringsområde i Øvre Granvin på vegne av Granvin maskinstasjon AS. Steinsprangfaren som er vurdert til å utgjera ein risiko vert oppsummert i faresonekartet (Vedlegg 1). Grunnlaget for faresonene for steinsprang byggjer i hovudsak på feltobservasjonar av eldre avsettingar, terreng/hellingsgrad, vegetasjon, bergstrukturar og simuleringsmodellen RocFall. Frekvensane i faresonekartet tek utgangspunkt i utløysing av steinsprang frå primær-kjeldeområda frå fjellpartia. Ovanfor reguleringsområde i sørvest er 1:1000- årsgrensa trekt ned basert hovudsakleg på avsettingane i området. Avsettingane i dette område kan også vere relaterte til hendingar då vegetasjonsdekket ikkje hadde det omfang som dagens situasjon har. Simuleringane viser her at lina kunne ha vore trekt noko lengre opp i dalsida. I reguleringsområder er observert teikn til bevegelse i nokre blokker som ligg i skråninga. Rotvelt har også utløyst blokker med korte utløpslengder her. 1:100-årsgrensa ovanfor dette området er teikna inn ved hjelp av den grove ura som er observert øvst i dalsida. Frekvensen er sett på grunnlag av ferskare preg på avsettingane her. Grensa er sett like i nedkant av urfoten i området her. Vidare nord-austover dannar fjellpartia ved "Nova" steinsprang med høgare utløpslengde. Oppsprekkinga i fjellsida har her potensiale til utløysing av steinsprang som er vurdert til å ha rekkevidde som kan passere tilkomstvegen. Grunnlaget for 1:1000-årsgrensa baserer seg på at steinsprang her har eit friare leide for lengre transport, då skogen i dette område er tynnare, samt at også gradienten i desse områda er betydeleg brattare. Avsettingar observert her tydar på hyppigare frekvens av steinsprang, samt også antydingar til ferskare flater på blokker i skråninga. Simuleringane utført i RocFall samsvarar også med desse antakingane/observasjonane. Denne situasjonen er vedvarande til tilkomstvegen går i tunnel mot vest. Situasjonen kan også skildrast som lik for 1:100-årsgrensa i dette området. Faren for remobilisering dannar også ein tilleggsrisiko i dette området.

25 SKREDFAREVURDERING I ØVRE GRANVIN 25 7 Konklusjon og tiltak Faren for remobilisering av blokker inn i reguleringsområdet er til stades. Vi anbefaler difor reinsk av desse innan ei sone på 5 meter, samt etablering av ein skredvoll ovanfor planlagd område for brakkerigg. Faren for snøskred og lausmasseskred vert sett på som låg og tilfredsstiller krava (S1) angjeve i TEK 10, Anleggvegen vert ikkje angjeve tryggleiksklasse. Denne er utsett for steinsprang, etter våre vurderingar med eit sannsyn høgare enn 1:100. Her er sikringsbehov til stades.

26 26 SKREDVURDERING I ØVRE GRANVIN 8 Vedlegg Vedlegg 1. Faresonekart for steinsprang. Frekvensar er høvesvis teikna inn for sannsyna 1:1000 og 1:100. Anleggvegen er teikna inn med raud line. Grunnlaget for faresonegrensene baserer seg

27 SKREDFAREVURDERING I ØVRE GRANVIN 27 på befaring gjort i terrenget med vekt på eldre avsettingar som er observert, terrenghelling, terrengformer, svakheitsstruktur i bergart, i tillegg til dette er også steinsprangsimuleringar ein del av grunnlaget. Vedlegg 2. Profilkart for simuleringar av steinsprang, namngjeve frå 1-3. Anleggvegen er teikna inn med raud line

28 28 SKREDVURDERING I ØVRE GRANVIN

29 SKREDFAREVURDERING I ØVRE GRANVIN 29 Vedlegg 3/Profil 1. Simuleringsresultat basert på 100 utløyste blokker frå potensielt kjeldeområde. Modellerte skredblokker (raude liner) passerer anleggsvegen. Sannsynet for steinsprang vert vurdert som høgare enn 1/100

30 30 SKREDVURDERING I ØVRE GRANVIN Vedlegg 4/Profil 2. Simuleringsresultat basert på 100 utløyste blokker frå potensielt kjeldeområde. Simulerte skredblokker frå dette terrengprofilet stoggar like ved anleggsvegen.

31 SKREDFAREVURDERING I ØVRE GRANVIN 31

32 32 SKREDVURDERING I ØVRE GRANVIN Vedlegg 5/Profil 3. Simuleringsresultat basert på 100 utløyste blokker frå potensielt kjeldeområde. Simulerte skredblokker stoggar i slakare parti ovanfor reguleringsgrensa.