FRAMLEGG TIL DETALJREGULERING FOR SNIPSØYR HYTTETOMTER, GNR 61 BNR 1, 9, 10, 11 HAREID KOMMUNE

Transkript

1 FRAMLEGG TIL DETALJREGULERING FOR SNIPSØYR HYTTETOMTER, GNR 61 BNR 1, 9, 10, 11 HAREID KOMMUNE PLAN-ID: PLANOMTALE DATO: FLATAKER LANDSKAP PB 5109, 6021 ÅLESUND

2 Innhald 1 Føreord Grunnlag og målsetting for planarbeidet Bakgrunn Planstatus for området Vurdering av krav til konsekvensutgreiing (KU) Oppstartmøte med Hareid kommune Planområdet Lokalisering og avgrensing Eigedomstilhøve Terreng, landskap og vegetasjon Merknader etter varsel om oppstart Omtale av planforslaget Arealbruk Reguleringsføremål Fritidsbustader Naust Byggegrenser Tilkomst Parkering Vatn, avløp og straum Verknader av planen Landbruk og jordvern Kulturlandskap og kulturminne Naturmangfaldet, vurdering etter naturmangfaldlova Barn og unge Konsekvensar for risiko- og sårbarheit, ROS Økonomiske konsekvensar for kommunen ROS-analyse Innleiing Analyse Utfyllande kommentar Oppsummering Flataker Landskap, Postboks 5109, 6021 Ålesund side 2

3 1 Føreord Planframlegget er utført av Flataker Landskap på vegne av grunneigarane Ragnhild Mork Topphol og Harald Topphol. Kontaktperson og sakshandsamar i Hareid kommune har vore Signe Rønnestad Kanstad. Planarbeidet vart avslutta i september Grunnlag og målsetting for planarbeidet 2.1 Bakgrunn Detaljreguleringa omfattar del av gbnr 61/1 og bnr 9, 10 og 11 vest for Snipsøyrvatnet. Føremålet med planarbeidet er å regulere tre hyttetomter som frå før er skilde ut som eigne tomter, samt regulere inn tilkomstveg over gbnr 61/1. Sak om oppstart av detaljregulering var handsama i formannskapet (PS FSK 138/14). 2.2 Planstatus for området Dei tre utskilte hyttetomtene ligg i eit større LNFområde i arealdelen til kommuneplanen vedteken , jf figur 1. Eit område F2 like nord for dei tre tomtene vart lagt inn ved rullering, med føremål fritidsbebyggelse - framtidig. F2 er nærare omtalt i rapporten Konsekvensar for natur, miljø og samfunn som er vedlegg til planomtalen i kommuneplanen, og datert Figur 1: Planområdet i høve overordna plan Hovudtrekka for F2 er som følgjer: Ingen konflikt knytt til miljø og naturressurs, helse og trivsel eller samfunnstryggleik. Ein føreset tilknyting av kloakk til eksisterande avløpsledning, utslepp til vatn ikkje aktuelt. Avløpsløysing må avklarast i reguleringsplansamanheng / ved utarbeiding av detaljplan/ rekkjefølgjeføresegner. Samla karakteristikk er «Området er attraktivt for hyttebygging» Planområdet for detaljreguleringa, vist med raud ring i figur 1, er ikkje tidlegare regulert. 2.3 Vurdering av krav til konsekvensutgreiing (KU) Detaljreguleringa vil avvike frå overordna plan, då byggeområde for hytter er lokalisert til område avsett til landbruk, natur- og friluftsformål i kommunedelplanen. I samsvar med 3, ledd d) i forskrift om konsekvensutgreiing, skal detaljregulering som inneber endring av kommuneplan eller områderegulering, vurderast etter kriteria i 4 i same forskrift. Ein har i Grunnlagsdokumentasjon for varsling, sist revidert vurdert planarbeidet i høve 4 og konkludert med at planarbeidet ikkje har vesentleg verknad på miljø og samfunn, og såleis ikkje utløyser krav om konsekvensutgreiing (KU). Dette vart lagt til grunn ved varsling av planarbeidet. Då ein ikkje har motteke innvendingar frå anna mynde, legg ein til grunn at detaljreguleringa kan gjennomførast utan konsekvensutgreiing. Flataker Landskap, Postboks 5109, 6021 Ålesund side 3

4 2.4 Oppstartmøte med Hareid kommune Det vart halde oppstartmøte med Hareid kommune, Plan- og utviklingsavdelinga, Følgjande moment vart vektlagde for vidare planarbeid: Vegtilkomst frå Snipsøyrdalsvegen, via eksisterande gardsveg Vassforsyning via eigen brunn Tett tank for avløp, reinsing av gråvatn Viktige vurderingar er knytt til: - strandsone til sjø og vassdrag - jordvern- og landbruksfagleg - miljøfagleg (ROS) - kulturlandskap og kulturminne - barn, unge, ungdom, funksjonshemma og eldre sine interesser - veg og vegteknisk, trafikktryggleik, støy - økonomiske konsekvensar for kommunen - naturmangfaldlova Ein gjennomførte felles synfaring (administrasjonen, tiltakshavar og plankonsulent) i etterkant av møtet der ein mellom anna såg på trasé for tilkomstveg, stigningstilhøve og påkopling til dagens gardsveg. 3 Planområdet 3.1 Lokalisering og avgrensing Planområdet er lokalisert til vestsida av Snipsøyrvatnet, om lag 750 meter frå Holesanden i sørenden av vatnet. Det er om lag 265 meter til Snipsøyrdalsvegen i vest, ca 130 meter til næraste veg, og ca 6,3 km i luftline til Hareid sentrum, sjå oversiktsfoto figur 2. Ein har teke initiativ til felles reguleringsplan med F2-området i kommunedelplanen, men to av tre grunneigarar innanfor F2 ønskjer ikkje hyttetomter på sin grunn. Plangrense for detaljreguleringa er difor avgrensa som vist på figur 3. Figur 2: Lokalisering av planområdet. Figur 3: Detaljreguleringa er avgrensa som vist med stipla linje på kartet. 3.2 Eigedomstilhøve Det er følgjande eigarar innanfor planområdet: Gbnr 61/1: Steinar Snipsøyr, Gamle Emblemsveg 66 B 6013 Ålesund Gbnr 61/9, 10 og 11: Ragnhild Mork Topphol og Harald Topphol, Haslevegen 26, 6102 Volda Flataker Landskap, Postboks 5109, 6021 Ålesund side 4

5 3.3 Terreng, landskap og vegetasjon Planområdet strekk seg frå Snipsøyrvatnet som ligg om lag 21,5 m.o.h. og vestover til privat veg på gbnr 61/1. Dei utskilde tomtene ligg i nokolunde slakt terreng nede ved vatnet, medan terrenget elles skrår oppover mot vegen i vest. Gjennomsnittleg helling er om lag 1:8. Der er tett med vegetasjon i området, i hovudsak lauvtre som foto figur 7 og 8 syner. Figur 4: Snipsøyrdalsvegen (Fv 35) med avkøyrsle til planområdet til høgre. Foto: Google Maps, Street View Figur 5: Gardstunet ved sørvestre hjørne av planområdet. Figur 6: Frå stien ved tomtene, hytte på 61/8 i bakgrunnen. Figur 7 og 8: Snipsøyrvatnet i bukta ved dei aktuelle tomtene, synfaring med fylkesmannen, kommunen m.fl. 30. juni Flataker Landskap, Postboks 5109, 6021 Ålesund side 5

6 4 Merknader etter varsel om oppstart Melding om oppstart av planarbeidet vart gitt Informasjon om dette vart gitt ved brev til grunneigarar og naboar i området, til offentlege instansar og ved annonsering i Vikebladet og på heimesida til kommunen. Ein har motteke merknader frå 5 offentlege høyringsinstansar og frå 1 privatperson. Utdrag frå merknadane med kommentar følgjer nedanfor. Fylkesmannen i Møre og Romsdal, brev av Genererelt: Sjølv om hyttetomtene er delt frå gir ikkje dette noko automatisk grunnlag for å få bygge på tomtene. Natur- og miljøvern: Vika framfor hyttene er del av eit større rasteområde for andefugl av lokal verdi. Det er ei fin vik der hyttetomtene er tenkt plassert, ein har ikkje opplysning om kvaliteten på denne. Landbruk: Området er kartlagt som dyrkbart. Slik det framstår på kartet utgjer det ein stor, potensiell ressurs for matproduksjon, og etablering av fritidsbustader kan redusere denne ressursen. Ut frå dette må det gjerast ei vurdering av kva tiltaket vil kunne bety for landbruksnæring og matproduksjon, særleg på lang sikt. Ut frå at tomtene inngår i eit stort, samanhengande område dyrka og dyrkbar jord, er ein i utgangspunktet skeptiske til etablering av fritidsbustader her. Samstundes er det alt lagt inn i kommuneplanen eit område for fritidsbustader like nord for omsøkte reguleringsplan, og det er betre å samle fritidsbustadane enn å spreie dei utover. Dersom kommunen finn å ville legge til rette for fleire fritidsbustader i området bør tilkomstvegen til hyttene leggast i eigedomsgrense, slik at den i minst mogleg grad skaper hindringar for drift av jorda dersom den blir oppdyrka. Konklusjon: Fylkesmannen rår frå at det blir regulert eit hytteområde med denne utforminga. Hyttene vil kome for nær vatnet og medføre ei total privatisering av området. Planområdet ligg også inne i eit landbruksområde der det aktuelle arealet er rekna som dyrkbar jord. Ein meiner kommunen bør utsette å ta stilling til dette til kommuneplanen skal rullerast. Synfaring i planområdet 30. juni 2015 Det vart avhalde synfaring i planområdet 30. juni 2015 der representantar for Fylkesmannen, kommunen, grunneigar, tiltakshavar og plankonsulent møttest for å vurdere planutforming i høve innkomne merknader. Ein såg mellom anna på høve for makebytte av område lenger vekke frå vatnet, men gjekk vekk frå dette då grunneigar ikkje ønska slik oppdeling av eigedomen. Veg i tomtegrensa i nord vart vurdert som aktuelt dersom eigar av bnr 8 ønska å vere med på felles vegtilkomst, noko som seinare viste seg å ikkje vere aktuelt. Fylkesmannen ga i etterkant av synfaringa følgjande tilbakemelding: Området er mindre attraktivt for ferdsle og opphald frå landsida pga at det er forsumpa og tett skog. Blir det opna meir opp (tynning av skog) og drenert kan dette endre seg. Ei sone langs vatnet har landskapsmessige kvalitetar og kan vere ein plass å gå i land frå båt/kajakk m.v. For å skjerme strandsona langs vatnet for å unngå privatisering og få hyttene til å ligge betre skjult i terrenget, er det naudsynt at hyttene blir plassert så langt vest mot tomtegrensa som mogleg. Å ta inn naust i planen var teke opp under synfaringa. Vi meiner det er greit å få avklara dette no, då det er betre å få ei god avklaring gjennom reguleringsplan enn dispensasjonar seinare. I utgangspunktet meiner vi det berre må vere snakk om små naust for å lagre mindre båtar, kajakkar, o.l. Det vil vere lite ønskelig å legge dette midt i bukta, men få til ei løysing inn mot grensa i sør eller nord. Nausta må samlast i rekke, eventuelt som eit felles bygg, med 3 seksjonar. Vi har ikkje merknader til vegen. Dersom våre faglege råd blir fulgt, vil det ikkje vere grunnlag for å reise motsegn til reguleringsplanen.. Kommentar: Ein har lagt inn byggegrense minimum 10 meter frå vatnet, i samsvar med det som ligg inne i arealdelen til kommuneplanen for F2-området. Byggeområde for naust er samla og lagt på bnr 11 sidan dette er største tomta og ein har kort avstand til veg. Kvart naust er avgrensa til BYA 20 m2. Flataker Landskap, Postboks 5109, 6021 Ålesund side 6

7 Møre og Romsdal fylkeskommune, brev av Det kan bli stilt krav om arkeologisk registrering, brev vil i så fall bli ettersendt. Frådeling av hyttetomter i 1964 kan ikkje sjåast som aksept for bygging i dag. Tomtene ligg heilt ned til vatnet og nyttebygging vil uvilkårleg avgrense høvet til ferdsel forbi. Det er også registrert friluftskvalitetar i området, om enn berre av lokal verdi. Fylkeskommunen vil ikkje tilrå plassering av nye hytter så nær strandkanten som det no er teke til orde for, og rår til at planen vert avvist, eventuelt at tomter vert frådelt noko lenger unna vatnet. Kommentar: Det er avklart med kulturavdelinga at det ikkje blir stilt krav om arkeologisk registrering. På synfaring såg ein på høve for å flytte tomtene lenger vekk frå vatnet ved makebytte av areal. Grunneigar ønskjer imidlertid ikkje ei slik løysing sidan dette vil stykke opp eigedomen og vere uheldig i høve landbruksdrifta. Det er sett av eit område langs vatnet med ei breidde på rundt 10 meter, tilsvarande som for byggeområdet F2 i nord. Kvalitetar knytt til friluftsliv er nærare omtalt i kapittel 7.3. NVE, brev av Planområdet grensar opp mot Snipsøyrvatnet. Kantsona langs vassdrag er verdifull for friluftsliv og miljø. Vassressurslova 11 stiller krav om at det skal oppretthaldast eit naturleg vegetasjonsbelte langs alle vassdrag. Kommentar: Byggegrense på minimum 10 meter frå vatnet gjer at ein unngår bygging i strandsona. Det er lagt inn punkt i føresegnene om at det ikkje er tillate med utfylling eller utgraving i strandsona med unntak av område avsett til naust. Ein skal søke å oppretthalde naturlig vegetasjonsbelte langs vatnet for å ivareta levestad for planter og dyr. Statens vegvesen, brev av Statens vegvesen har ingen merknad til oppstartsmeldinga. Kommentar: Merknaden er teken til vitande. Søre Sunnmøre Landbrukskontor, brev av Landbrukskontoret syner til 9 i jordlova som m.a. seier at dyrkbar jord ikkje må disponerast slik at ho ikkje vert eigna til jordbruksproduksjon i framtida. Ein vil rå i frå utbygging av området til fritidsføremål. Arealet er del av eit større samanhengane område med dyrkbar mark og det er uheldig at området vert oppstykka med hyttebygging ut over det som alt er lagt inn i kommuneplanen. Det må takast omsyn til landbruksdrifta i området og jordvernet. Kommentar: Landbrukskontoret var invitert til synfaring, men møtte av ukjent årsak ikkje fram, så ein fekk ikkje drøfta merknaden med dei på staden. Sett ut frå eit landbruksomsyn meiner ein tiltaket kan forsvarast, området er i dag kun nytta til uttak av ved og ein tilrettelagt veg som supplement til den stien som er i området i dag, vil vere positivt også for grunneigar av skogen. Verknader for landbruk er elles omtalt i kapittel 6.1. Eigar av gbnr 61/8, brev at Eigar av gbnr 61/8 (med bygd hytte) ber om at det vert regulert inn veg vidare frå det omtalte området til bytet mellom 61/1 og 61/8. 61/8 vart etablert tidleg på 50-talet og der er såleis brukshevd på gangvegen/ råsa som går frå garden på 61/1 og til 61/8. Kommentar: Tiltakshavar har i løpet av planprosessen vore i dialog med eigar av gbnr 61/8 med tanke på felles tilkomstveg. Eit alternativ har vore etablering av tilkomst parallelt med tomtegrensa mellom 61/1 og 61/2, noko som grunneigar av 61/1 har vore positiv til. I ei eventuell utvida varsling ville ein då innlemme eksisterande hytte på bnr 8 for å regulere denne til byggeområde. Eigar av bnr 8 ønska imidlertid likevel ikkje å vere med, så ein har halde fast ved plangrense og tilkomstveg som ved oppstartvarselet i februar Utsagnet om brukshevd på gangvegen/råsa er av privatrettsleg karakter og er såleis ikkje ei sak for detaljreguleringa. Flataker Landskap, Postboks 5109, 6021 Ålesund side 7

8 Snipsøyr hyttetomter detaljreglering, planomtale sist revidert Omtale av planforslaget 5.1 Arealbruk Planområdet har eit totalt areal på ca 7,3 dekar. Arealet er fordelt på dei ulike reguleringsføremåla slik figur 9 viser. Reguleringsføremål Byggeområde fritidsbustader Byggeområde naust, felles Køyreveg, felles Anna veggrunn grøntområde, felles Parkering, felles Naturområde i sjø og vassdrag Totalt: Plannemning BFR f_bun f_skv f_svg f_spa F_VNV Areal, totalt 2506 m2 177 m2 892 m2 682 m2 112 m m m2 Figur 9: Arealoppstilling 5.2 Reguleringsføremål Reguleringsplanen omfattar bygge- og anleggsområde i form av fritidsbustader og naust på land, samt eit mindre område i sjø og vassdrag. Nedanfor følgjer ein gjennomgang av dei ulike føremåla i planen. Figur 10: Planforslag framlagt til offentleg ettersyn, september 2015 Flataker Landskap, Postboks 5109, 6021 Ålesund side 8

9 5.3 Fritidsbustader Dei tre fråskilde tomtene er regulert til byggeområde fritidsbustader (BFR). Det er regulert inn tomtegrenser mellom tomtene i samsvar med eigedomsgrenser i kartet. Tomteutnytting er vist som prosent bebygd areal (%-BYA). Dette angir forholdet mellom bebygd areal og tomtearealet. Rettleiar H-2300B Grad av utnytting viser kva som skal reknast med i BYA, jf figur 11. Figur 11: Bebygd areal (BYA) etter rettleiar H-2300B Grad av utnytting Tomteutnytting Figur 12 viser arealrekning som grunnlag for tomteutnytting på %-BYA=20%. Parkeringsareal er lagt inn som eige føremål på plankartet og skal difor ikkje reknast med i BYA for byggeområdet. Bruksnummer Bygg inkl overbygd terrasse (m2) Utebod (m2) BYA totalt (m2) Regulert byggeområde i BFR (m2) 715,7 950,2 839,8 %-BYA 19,8 14,9 16,9 %-BYA runda opp Figur 12: Tomteutnytting lagt til grunn i planforslag framlagt til offentleg ettersyn, september Naust Det er regulert inn eit område for inntil tre naust som er felles for dei tre eigedomane. Nausta er meint for mindre båtar og storleik er i føresegnene avgrensa til BYA maks 20 m2 pr eining. Ein har valt å legge naustområdet på bnr 11 då dette er største tomta og ein har kortast avstand til veg. 5.5 Byggegrenser Byggegrenser er sett slik at hyttene vert plassert så langt vest som mogleg på tomtene i tråd med merknad frå Fylkesmannen. Avstand til vatnet er 10 meter på det minste, noko meir i den nordlege delen av planområdet. Byggegrenser i vest og nord er lagt med 2 meters avstand frå eigedomsgrensene mot bnr 1, for best mogleg fleksibilitet i den vestre delen av byggeområdet. Byggegrenser mellom dei tre tomtene er sett til 2 meter for bnr 9 og 6 meter for bnr 10 og 11. Dette ut frå grunneigar si vurdering av tomtene. Avstand 8 meter mellom bygningane er ivaretake i planen. Flataker Landskap, Postboks 5109, 6021 Ålesund side 9

10 5.6 Tilkomst Tilkomst vil skje via eksisterande gardsveg. Ny vegtrasé er teikna med utgangspunkt i terrenget og i dialog med grunneigar av gbnr 61/1. Vegen er prosjektert med breidde 3,5 meter, maks stigning på 1:8 og det er lagt inn ei utflating ved påkopling til dagens veg i vest. Dimensjoneringsgrunnlag er liten lastebil, mellom anna for tømming av avløpstankar. Hytterenovasjon er plassert langs kommunal veg og bossbil treng difor ikkje tilkomst til hytteområdet. Gardsvegen har fartsgrense 50 km/t i vegdatabank. ÅDT både for eksisterande gardsveg og ny hytteveg vil vere mindre enn 50. Siktsone i avkøyrsla blir då ifølgje handbok V121, avsnitt 3.13 på 4x45 meter. Siktsoner er innteikna på plankartet. 5.7 Parkering Det er lagt til grunn 1,5 p-plass per tomt, noko som gir 5 plassar totalt. Ein har valt å samle desse ved tilkomstvegen, dels på bnr 11 og dels på bnr Vatn, avløp og straum Det er ikkje kommunal vassforsyning eller avløpsordning i området. Administrasjonen viser i saksutgreiing PS FSK 138/14 til intensjonen i kommuneplanen når det gjeld målsetjinga om å bevare Snipsøyrvatnet som framtidig drikkevasskjelde, og at dette skal leggast til grunn ved vurdering av VA-løysingar for dei 3 hyttene / reguleringsområdet. For vatn er det gjort avtale om opparbeiding av brønn på bruk nr 1. Som alternativ kan ein reinse vatn henta frå Snipsøyrvatnet. For avløp ser tiltakshavar føre seg bruk av småskala reinseanlegg for grå- og svartvatn. Dette kan i følgje kommunen vere ei mogleg løysing, der svartvatnet går til tett tank og gråvatnet blir reinsa og sleppt ut. Konkret løysing for avløp vert å avklare nærare i byggesaka, eige punkt om dette er lagt inn i føresegnene. Ein ser føre seg framføring av straum langs ny tilkomstveg, detaljane i dette må finne si avklaring i byggeprosjektet, i dialog med netteigar. 6 Verknader av planen 6.1 Landbruk og jordvern Tiltaket inneber omdisponering av ca 2,8 dekar LNF-område til byggeområde fritidsbustader og naust. I tillegg kjem vegtilkomst. Området er ikkje av stor betydning for landbruket og lokalisering av hyttene nær eksisterande hytte på bnr 8 og framtidig hyttefelt F2 inneber ei samling av tomtene og i liten grad oppstykking av den dyrkbare jorda. Vegtilkomst vil kome landbruket til gode til dømes i samband med uttak av skog, og inngå som eit supplement til dagens sti/rås gjennom skogen. Ein meiner såleis tiltaket kan forsvarast ut i frå omsynet til landbruk og jordvern. 6.2 Kulturlandskap og kulturminne Kulturavdelinga i fylket skriv i e-post av følgjande: Vi er ikkje kjent med at der er kulturminne som vert påverka av planlagt tiltak. Det er ikkje gjort funn som vi kjenner til i området, og vi krev ikkje arkeologisk registrering. Vi vil likevel fortelje at der både på Nesset og Røyset er gjort funn frå tidleg jordbruksbusetjing, utan relasjon til historiske tunområde. Dersom ein gjer funn under arbeid, pliktar ein uansett å stogge arbeidet og ta kontakt for avklaring, jfr kulturminnelova 8 andre ledd. Det vil vere tilrådeleg slik mange gjer og setje dette inn som ei påminning i føresegnene.. Der er elles fleire steingardar i området men desse ligg i hovudsak i tomtegrenser, så tiltaka i planen medfører ikkje inngrep i desse. Punkt om kulturminne er lagt inn i føresegnene slik Kulturavdelinga tilrår. Flataker Landskap, Postboks 5109, 6021 Ålesund side 10

11 6.3 Naturmangfaldet, vurdering etter naturmangfaldlova Kunnskapsgrunnlaget 8 Området er registrert i naturbase og artsdatabanken. Føre-var prinsippet 9 Føre- var prinsippet skal leggast til grunn slik at ein unngår vesentleg skade på naturmangfaldet. Ein meiner med dette at kunnskapsgrunnlaget er tilstrekkeleg, og at føre- var prinsippet ikkje treng nyttast i dette tilfellet. Prinsipp om samla belastning 10 Ein viser til omtale av registrerte natur- og miljøtilhøve i kapittel 7.3, herunder solblom, andefugl, verneområde og friluftsområde. Ein vurderer det slik at planforslaget ikkje får vesentleg verknad for naturmangfaldet, og at tiltaka i planen kan gjennomførast som planlagt utan avbøtande tiltak. 6.4 Barn og unge Området er ikkje nytta til opphald og leik for barn og unge i dag, så tiltaka i planen vil ikkje ha negative verknader for denne gruppa. Det er kort avstand til friluftsområdet ved Holeneset, og Holesanden leirstad som er aktivt i bruk til arrangement for barn og unge. Vatnet er ideelt for kano og kajakk og årleg vert det arrangert kanopadling for barn og unge på Holesanden. Tiltaka i planen vil kunne gjere bukta ved planområdet meir tilgjengeleg med høve for å gå i land langs strandsona. 6.5 Konsekvensar for risiko- og sårbarheit, ROS Planforslaget er vurdert opp mot aktuelle risikofaktorar i ROS-analysen i kapittel 7. Ein har funne ei hending i raud kategori, det vil seie hending der tiltak er nødvendig, eller i utgangspunktet ikkje akseptabelt. Dette gjeld VA-system. Fire hendingar ligg i gul kategori der tiltak må vurderast. Dei viktigaste; overvatn og kraftforsyning blir omtalt i kapittel 7.3. Ein vurderer det slik at med gjennomføring av avbøtande tiltak som skildra i ROS-analysen, vil planområdet kunne takast i bruk som utbyggingsområde utan auka risiko for tryggleik eller sårbarheit. 6.6 Økonomiske konsekvensar for kommunen Tiltaka i planen vil ikkje ha økonomiske konsekvensar for kommunen. Det er ikkje behov for ytterlegare infrastrukturtiltak utover det planen regulerer. Flataker Landskap, Postboks 5109, 6021 Ålesund side 11

12 7 ROS-analyse Plannamn og -id.: SNIPSØYR HYTTETOMTER DETALJREGULERING PLAN-ID: Utført av: FLATAKER LANDSKAP v/ Kari Johanne Flataker Dato: Innleiing Kommunen har ansvar for å sikre forsvarleg bruk og vern av areal og bygningar i kommunen, jf 4-3 i plan- og bygningslova. Ved endring av arealbruk skal aktuelle risikofaktorar bli vurderte, og tema som treng nærare utgreiing bli omtalt. Alle tilhøve knytt til risiko- og sårbarheit som har innverknad på om området er eigna til utbyggingsføremål, er vurderte i eigen tabell. Vidare er det synleggjort kva eventuelle tiltak som må gjennomførast for å oppnå akseptabel risiko. Det er ein føresetnad at det skal gjennomførast avbøtande tiltak for alle tilhøve der det er påvist ein reell risiko for liv, helse og materielle verdiar. 1. I omtalen av sannsyn skal følgjande inndelingar nyttast: a) For flaum-/flaumskredfare skal gjentaksintervalla i 7-2 i byggteknisk forskrift leggjast til grunn (største nominelle årlege sannsyn 1/20, 1/200 eller 1/1000) b) For skredfare skal gjentaksintervalla i 7-3 i byggteknisk forskrift leggjast til grunn (største nominelle årlege sannsyn 1/100, 1/1000 eller 1/5000) c) For annan type risiko skal det i omtalen nyttast omgrepa Lite sannsynleg, Mindre sannsynleg, Ganske sannsynleg, Svært sannsynleg 2. I omtalen av konsekvensar skal følgjande inndeling nyttast: Ufarleg, Ein viss fare, Farleg, Kritisk og Katastrofalt 3. Klimaendringar med auka temperatur, auka totalnedbør, hyppigare ekstremvêr m.v., kan påverke framtidige risiko knytt til hendingane nemnt i tabellen nedanfor. Denne moglege endringa i risiko skal omtalast i dei deler av tabellen der dette er naturleg 4. Det må gå fram kva ekspertise/kompetanseorgan som er brukt i analysearbeidet 5. Alle aktuelle referansar må gå fram (kart, fagrapportar, notat m.v.) 6. Tilrådde tiltak for å følgje opp funn må gå fram t.d. bruk av arealføremål (pbl. 12-5), omsynssoner (pbl og 12-6), føresegner til planen (pbl. 12-7) Konsekvens: 1 Ufarleg 2 Ein viss fare 3 Farleg 4 Kritisk 5 Katastrofalt Sannsyn: 4 Svært sannsynleg 3 Ganske sannsynleg 2 Mindre sannsynleg 1 Lite sannsynleg Raude felt: Tiltak nødvendig, i utgangspunktet ikkje akseptabelt Gule felt: Tiltak må vurderast Grøne felt: Ikkje signifikant risiko, men risikoreduserande tiltak kan vurderast Tiltak som reduserer sannsyn vert vurdert først. Hvis dette ikkje gir effekt eller er mogleg, skal ein vurdere tiltak som begrensar konsekvensane. Flataker Landskap, Postboks 5109, 6021 Ålesund side 12

13 7.2 Analyse Uønska hendingar er lista opp i tabellen med nummerering frå Nye tiltak som er grunnlag for analysen er endring av arealbruk frå LNF til byggeområde fritidsbustader (hytter). Uønska hending Aktuelt? Sannsyn (1-4) Konsekvens (1-5) Samla risiko Kommentar/tiltak Natur- og miljøforhold Er området utsett for, eller kan planen/tiltaket medføre risiko eller auka påkjenningar for: 1. Snø- eller steinskred/- sprang 2. Flodbølgjer som følgje av skred 3. Kvikkleire eller anna ustabilitet 4. Flaum/flaumskred 5. Overvatn Ja 3 2 Punkt i føresegnene om dimensjonering av rør der nye vegar kryssar bekk. 6. Radon 7. Skog-/lyngbrann 8. Stormflo 9. Vind 10. Sårbar flora Ja 2 1 Naturbase og artsdatabanken viser sårbar flora like ved planområdet, sjå kapittel Verneområde Ja 2 1 Området inngår i Snipsøyrvatnet / Grimstadvatnet naturreservat, sjå kapittel Vassdragsområde Ja 2 1 Sjå pkt 11over. 13. Kulturminne/-miljø Avklart med kulturavdelinga at det ikkje er krav til ark.reg. Punkt knytt til kulturminnelova lagt inn i føresegnene. Verksemdsrisiko Er det i området: 14. Anlegg/verksemder som kan utgjere ein risiko Flataker Landskap, Postboks 5109, 6021 Ålesund side 13

14 15. Lager med farlege stoff (væsker, gassar, eksplosiv mv) Medfører planen/tiltaket: 16. Anlegg/verksemder som kan utgjere ein risiko 17. Lagring av farlege stoff (væsker, gassar, eksplosiv mv) 18. Auka risiko eller andre påkjenningar for sårbare bygg, infrastruktur, aktivitetar Forureining Er det i området: 19. Fare for akutt forureining 20. Permanent forureining 21. Støy og støv (industri, trafikk m.v.) 22. Forureina grunn 23. Høgspentlinjer 24. Anlegg for avfallsbehandling Medfører planen/tiltaket: 25. Fare for akutt forureining 26. Fare for permanent forureining 27. Støy og støv 28. Høgspentlinjer 29. Anlegg for avfallsbehandling Beredskap Er det i området: 30. God tilkomst for utrykkingskøyretøy 31. Tilstrekkeleg sløkkevasskapasitet Medfører planen/tiltaket: Ja Ja Ein vil få køyrbar veg fram til hyttene slik at utrykkingskøyrety vil kunne ta seg fram. Brannvesenet har tankbil i beredskap og i tillegg pumper dei kan bruke ved brann nær vatnet, i følgje brannsjefen. Flataker Landskap, Postboks 5109, 6021 Ålesund side 14

15 32. Behov for nye/auka beredskapstilt. (brann, helse) Infrastruktur Er området utsett for, eller kan planen/tiltaket medføre auka risiko for: 33. Trafikkulykker Ja 1 2 Planen medfører ein svært liten auke i trafikken i området og dermed kun ein liten auke i risiko for ulykker. Ein ser ikkje behov for avbøtande tiltak knytt til trafikk. 34. Manglande kapasitet i kraftforsyninga 35. Manglande kapasitet i tele-/ dataforsyninga 36. Manglande kapasitet i VAsystem Andre forhold 37. Fare for sabotasje/terror 38. Fare for annan kriminalitet Ja 3 2 Mørenett har nettstasjon vest for kommunal veg, må truleg etablere linje/kabel frå kraftline langs kommunal veg. Under avklaring med Mørenett. Ja 3 2 Mobildekning i området, men ikkje utbygd fibernett. Fritidsbustader ikkje avhengig av tele-/data. Ja 4 2 Ikkje offentleg VA-system i området. 39. Vatn med fare for usikker is Ja 3 2 Snipsøyrvatnet er heva med dam i enden. Vatnet er djupt og usikker is kan forkomme i vinterhalvåret. 40. Terrengformasjonar som utgjer spesiell fare (stup, skrentar m.v.) 41. Gruver, opne sjakter, steintippar m.v. Figur 13: ROS-skjema Flataker Landskap, Postboks 5109, 6021 Ålesund side 15

16 7.3 Utfyllande kommentar Nedanfor følgjer utfyllande omtale av, og forslag til tiltak for, dei mest sentrale punkta i kapittel 7.2. Natur- og miljøforhold: Pkt 10. Sårbar flora I strandsona like sør for dei tre hyttetomtene viser naturbase leveområde for solblom (artspunkt). Solblom har i følgje artsdatabanken status som sårbar (VU) i Norsk raudliste for artar 2010, men er ikkje med i liste over prioriterte artar per juni Sidan den registrerte lokaliteten ligg heilt i strandsona og utanfor planområdet legg ein til grunn at planen ikkje får negativ verknad for denne forekomsten. Pkt 11. Verneområde I naturbase er det funne at planområdet er ein del av verneområde Grimstadvatn. Dette verneområdet er eit område med dyrelivsfredning. Den einaste restriksjonen som gjeld for området er at alle fugle- og pattedyrartar er freda mot jakt og fangst. Ein legg difor til grunn at planen ikkje får verknad for verneområdet. Friluftsområde Friluftsområdet ved Holeneset er i gis-link markert opp til planområdet. Strandsona ved planområdet er sumpig og gjengrodd med tett skog, og ein kjenner ikkje til at dette området er nytta til friluftsliv i dag. Ein legg til grunn at tiltaka i planen ikkje får negativ verknad for friluftslivet. Derimot kan området ved utbygging bli meir tilgjengeleg for dei som ønskjer å gå i land frå kano/kajakk. Det er lagt inn i føresegnene punkt om at det i planområdet ikkje er tillate å føre opp gjerde som hindrar fri ferdsel langs strandsona. Vidare at det ikkje er tillate å nytte kjemikalier på båtar eller utstyr som kan ureine vatnet. Andefugl Det er i naturbase registrert eit rasteområde for andefugl i sona mellom Holeneset, Snipsøyrdalsvegen og bukta ved planområdet. Det registrerte området er av lokal verdi og planområdet ligg heilt i utkanten av dette. Andefugl er i følgje naturbase ikkje ein prioritert art og ikkje raudlista. Ein meiner difor at tiltaka i planen ikkje vil påverke tilhøva for denne arten nemneverdig. Ein legg til grunn at det ikkje er behov for avbøtande tiltak knytt til andefug. Infrastruktur: Pkt 34: Kraftforsyning Aktuell løysing er under avklaring med Mørenett. Straum vil truleg bli henta frå kraftlinje som går langs kommunal veg, og ført i jordkabel ned til byggeområdet, det meste av strekninga i trase for ny veg. Pkt 36. Vatn og avløp Ikkje offentleg VA-system i området, så ikkje krav om påkopling til eksisterande. Vassforsyning er planlagt frå privat brønn på bruk nr 1, eller ved reinsing av vatn henta frå Snipsøyrvatnet. Det er lagt inn eige punkt i føresegnene om krav til tett tank for svartvatn og reinsing av gråvatn, og at konkret løysing må finne si avklaring i byggesak. Klimaendring: Klimaendringar vil gi auka temperatur, meir nedbør, hyppigare episodar med styrtregn og hyppigare og større flaumar i små vassdrag over heile landet. I delar av landet vil ein og få auka hyppigheit av skred i bratt terreng knytt til regnskyll, flaum og snøfall. I tillegg vil klimaendring påverke havnivå og nivå for stormflo. Byggeområde i planområdet ligg om lag på kote +22 til +24 og langt frå sjø, så havnivåstigning og stormflo vil såleis ikkje påverke dette området. Relevant problemstilling for denne detaljreguleringa er knytt til auka nedbør og hyppigare episodar med styrtregn som kan føre til større mengde overflatevatn og større vassføring i bekkane gjennom planområdet. Krav i føresegnene Det er lagt inn krav i føresegnene om at stikkrenner der veg kryssar bekkefar skal vere dimensjonerte for flaum og framtidig auka nedbørsmengde. Med dette meiner ein at framtidige klimaendringar er teke omsyn til i prosjektet. Flataker Landskap, Postboks 5109, 6021 Ålesund side 16

17 7.4 Oppsummering Tabellen i figur 14 gir ei samla oversikt over uønska hendingar plassert i raude, gule og grøne felt. Konsekvens: 1 Ufarleg 2 Ein viss fare 3 Farleg 4 Kritisk 5 Katastrofalt Sannsyn: 4 Svært sannsynleg 36 3 Ganske sannsynleg 5, 34, 35, 39 2 Mindre sannsynleg 10,11,12,33 1 Lite sannsynleg Figur 14: Tabell over uønska hendingar i planområdet. Hendingar i raude felt: Pkt 36: VA-system Tiltak: Det er planlagt vatn frå privat brønn, eller reinsing av vatn frå Snipsøyrvatnet Eige punkt i føresegnene med krav til tett tank for svartvatn og reinsing av gråvatn. Hendingar i gule felt: Pkt 5: Overvatn Tiltak: Stikkrenner der veg kryssar bekkefar skal vere dimensjonerte for flaum. Pkt 34: Kraftforsyning Tiltak: Aktuell løysing under avklaring med Mørenett. Pkt 35: Tele-/dataforsyning Tiltak: Ikkje trong for spesielle tiltak. Pkt 39: Vatn med usikker is Tiltak: Ikkje trong for spesielle tiltak. Hendingar i grøne felt: Pkt 10: Sårbar flora Tiltak: Ikkje trong for spesielle tiltak. Pkt 11: Verneområde Tiltak: Ikkje trong for spesielle tiltak. Pkt 12: Vassdragsområde Tiltak: Ikkje trong for spesielle tiltak. Pkt 33: Trafikkulykker Tiltak: Ikkje trong for spesielle tiltak. Flataker Landskap, Postboks 5109, 6021 Ålesund side 17