Fjell kommune Arkiv: 710 Saksmappe: 2017/ /2017 Sakshandsamar: Hanna Gjesdal Dato: SAKSDOKUMENT

Transkript

1 Fjell kommune Arkiv: 710 Saksmappe: 2017/ /2017 Sakshandsamar: Hanna Gjesdal Dato: SAKSDOKUMENT Utvalsaksnr Utval Møtedato 24/17 Komité for plan og utvikling Høyringsframlegg: Lokal fartsforskrift i sjø Samandrag av saka: I møte i komité for plan og utvikling (KPU) , vart det under Ymse teke opp eit spørsmål om å få nedsett fartsgrense til sjøs ved Solsvika. Omtrent på same tid fekk kommunen ei førespurnad frå Kystverket om kartfesting av lokale fartsforskrifter i digitale kart. Fjell har ei lokal fartsforskrift i sjø. Det finst elles omlag 125 lokale fartsforskrifter i Noreg i dag. Fjell kommune har ein skjergard som vert nytta til eit mangfald av aktivitetar, noko som kan skapa interessekonfliktar. Trygge tilhøve for utøving av ulike aktivitetar er viktig. Dette danna bakgrunn for at rådmannen i august 2015 la fram sak om utarbeiding av lokal fartsforskrift i sjø i Fjell kommune (PS 122/15). KPU ga si tilslutning framlegget. Utarbeidinga av framlegg til lokal fartsforskrift i sjøs har vore ein open prosess med innspel, folkemøte og god dialog med Bergen og Omland Havnevesen og Kystvakta. Rådmannen legg med dette fram høyringsframlegg til offentleg ettersyn. Innstilling: Komité for plan og utvikling vedtek: Komité for plan og utvikling legg høyringsframlegg om lokal fartsforskrift i sjø ut til høyring og offentleg ettersyn i åtte veker. Straume, den Steinar Nesse Rådmann Berit Karin Rystad Plan- og utbyggingssjef

2 Handsama i Komité for plan og utvikling : Framlegg frå Kjell Rune Garlid, SL: Området med fartsgrense i Misjesundet / Solsviksundet / Solsvika vert utvida mot vest slik at avgrensinga vert trekt i ei rett line frå Misjeneset til sønste enden av Bålholmen. Innstillinga og framlegget frå Kjell Rune Garlid vart samrøystes vedteke Vedtak i Komité for plan og utvikling : Komité for plan og utvikling vedtek: 1. Komité for plan og utvikling legg høyringsframlegg om lokal fartsforskrift i sjø ut til høyring og offentleg ettersyn i åtte veker. 2. Området med fartsgrense i Misjesundet / Solsviksundet / Solsvika vert utvida mot vest slik at avgrensinga vert trekt i ei rett line frå Misjeneset til sønste enden av Bålholmen. Dokument vedlagt saka: Lokal fartsforskrift i sjø i Fjell kommune Kart med forskriftssoner Koordinatliste for forskriftssoner og skilt Rapport frå synfaring med Bergen og Omland Havnevesen Saksopplysningar: Innleiing Fjell kommune er ein typisk kystkommune med om lag 500 øyer, og der det er busetnad på 10 av øyene. Vidare har kommunen 31 småbåthamner og 4 industrihamnar. Skjergarden er lokalitet for eit mangfald av aktivitetar og eit ynda rekreasjonsområdet for både innbyggjarar og tilreisande. Mangfaldet av aktivitetar er knytt til både fritids- og næringsaktivitetar, t.d. dykking, fisking og kajakkpadling, fiskeoppdrett, og tung skipsfart. Motorisert ferdsel i høg fart kan i nokre område skapa konfliktar, farlege situasjonar og ulykker. I møte i komité for plan og utvikling (KPU) , vart det under Ymse teke opp eit spørsmål om å få nedsett fartsgrense til sjøs ved Solsvika. Oppsitjar i Solsvik har vore i kontakt med Kystverket for å få nedsett fartsgrense i sjøen frå Trettevika, forbi Solsvika og til Solsviksundet. Kystverket rådde oppsitjar til å ta spørsmålet opp med kommunen, slik at ein eventuell søknad kom gjennom kommunen. Nedsett fartsgrense for eit område krev ei lokal fartsforskrift. Det finst i dag om lag 125 lokale fartsforskrifter i sjø i Noreg. I Fjell kommune er det registrert ei lokal fartsforskrift. Denne gjeld for Straumssundet og trådde i kraft (FOR ). Det står eit skilt med maks 6 knop i nordenden av Solsviksundet, men det er ingen forskrift knytt til dette skiltet og det er uklart kven som har sett det opp. I Ekrenosen er det sett opp skilt om «sakte fart». Det er ikkje knytt ei farts-forskrift eller fartsavgrensing til skiltet.

3 Rettleiar frå Kystverket tilrår at alle fartsavgrensingane som gjeld innanfor ein kommune vert samla i ei forskrift. Slik blir det lettare å finna fram og få oversyn over regelverket. Ved fastsetting av nye fartsavgrensingar bør ein derfor vurdera å samla eventuelt eksisterande og nye fartsforskrifter i ei felles forskrift. Arbeid knytt til regulering av fart i farvatnet ved Solsvik bør derfor inkludera eksisterande forskrift for Straumssundet og ei vurdering av heile kommunen sitt sjøområde. Dette dannar bakgrunn for at rådmannen i august 2015 la fram sak om utarbeiding av lokal fartsforskrift til sjøs i Fjell kommune. Framlegget fekk tilslutning frå KPU, som gjorde følgjande vedtak i møte : 1. Komité for plan og utvikling ber rådmannen utarbeida lokal fartsforskrift til sjøs for Fjell kommune. 2. Komité for plan og utvikling ber rådmannen ta initiativ til å utarbeida felles lokal forskrift til sjøs med Sund og Øygarden. Juridiske rammer Fri fart finst i prinsippet ikkje. Forskrift om fartsbegrensninger i sjø, elv og innsjø (FOR / Fartsforskrifta), 2 Generell fartsbegrensning lyder som følgjande: «Fartøyer skal utvise forsiktighet og avpasse farten etter fartøyets størrelse, konstruksjon, manøvreringsevne og farvannsforholdene, slik at det ikke ved bølgeslag eller på annen måte oppstår skade eller fare for skade på personer, herunder badende, andre fartøyer, farvannets strandlinjer, kaier, akvakulturanlegg eller omgivelsene for øvrig». Regulering av fart i sjø vert altså gjort for å unngå at det oppstår skade eller fare for skade på personar, fartøy, materiell og naturverdiar. Fartsforskrifta gir også reglar for passering av badande, i tillegg til ferdselsforbod innanfor merka badeområde, jf. 3. Etableringa av lokal fartsforskrift i sjø er heimla i den sentrale fartsforskrifta 4, der kommunestyra vert gjeve høve til å treffa einskildvedtak og fastsetja lokale forskrifter om avgrensing av fart innan for kommunen sine sjøområde, elvar og innsjøar. Kystverket sitt hovudkontor skal godkjenne slike forskrifter. Lokale fartsavgrensingar skal kunngjerast og skiltast. Kystverket sitt hovudkontor fastsett utforming og godkjenner plassering av skilt. Kommunen har ansvar for oppsetting og vedlikehald av skilt innafor eiget sjøområdet. Det er også høve til å søkja Kystverket om å få setja opp «sakte fart» skilt. Dette er ikkje ei forskrift, det vert ikkje angitt regel om fart, og det er ikkje knytt kontroll og handheving til desse skilta. Skilta er kunn ei oppmoding om å avpasse fart til forholda. Delegering av mynde Kommunestyret i Fjell har i sak delegert ansvar og mynde etter Lov om hamner og farvatn (LOV ) og avgjerd gitt i medhald av lova til Bergen og Omland Hamnevesen (BOH) v/ hamnestyret. Dette er gjort i medhald av kommunelova kap. 5 (interkommunalt samarbeid) og hamne- og farvasslova 10. Det betyr at enten må BOH v/hamnestyret vedta den lokale forskrifta før ho vert sendt til Kystverket for godkjenning, eller så må kommunestyret trekkja tilbake delegert mynd knytt med lokal fartsforskrift i sjø, elv og innsjø i Fjell kommune. Spørsmålet om mynde må vera avgjort før lokal forskrift vert sendt til Kystverket for endeleg godkjenning. Kommunestyret i

4 Fjell har tidlegare trekt den delegerte mynda tilbake i samband med utfyllinga i Straumssundet. I høve til lokal fartsforskrift i sjø i Fjell kommune er det føremålstenleg at vedtak om tilbaketrekking av mynde vert gjort av kommunestyret i samband med slutthandsaminga av framlegg til lokal fartsforskrift før sommaren Handheving av lokal forskrift Det er sjøtenesta til politiet i Hordaland som har mynde til å handheva lokal fartsforskrift i sjø. På grunn av dei store sjøområda som skal dekkast av sjøtenesta vil handhevinga i hovudsak vera knytt til kontrollar gjennomført etter registrerte klager i eit område. Brot på fartsforskrifta vert straffa med bøter etter lov om hamner og farvatn (LOV ) 62 for så vidt lovbrotet ikkje vert ramma av strengare straffeavgjersle. Arbeidet med lokal fartsforskrift i sjø Arbeidet med lokal fartsforskrift har vore leia av Plan- og utbyggingssjefen v/miljø, geodata og oppmåling. Eigedomssjefen har også delteke i planlegginga av skilting av forskriftssoner. Utarbeidinga av framlegg har elles vore ein open prosess med innspelrunde, folkemøte og god dialog med BOH og Kystvakta. Det er også gjennomført synfaring av innspela saman med BOH. Som oppfølging av vedtaket i KPU starta arbeidet med at det vart sendt brev ( ) til Sund og Øygarden kommunar med førespurnad om å utarbeida ei felles fartsforskrift i sjø. Frist for å gi tilbakemelding vart sett til 1. desember Dei to kommunane valte å ikkje delta i arbeidet. Det vart også teke kontakt med Kystverket og Bergen og Omland Havnevesen (BOH) vedkomande deira rolle og deltaking i arbeidet. I mars 2016 vart det sendt ut informasjon og oppmoding om å koma med innspel til område for fartsavgrensing. Det vart samstundes invitert til ope møte i kultursal 27. april Innspelrunda og møtet vart annonsert i lokalpressa. På sjølve møtet deltok Fjell kommune, Kystverket og Bergen og Omland Hamnevesen. Frist for å gi innspel var sett til 1. mai, men på grunn av få innspel og få deltakarar på møtet vart denne fristen utvida til 1. juni. Etter omtale av forskriftsarbeidet i Vestnytt fekk kommunen meir 22 innspel til lokal fartsforskrift. Nokre av innspela omhandla utfordringar og konkrete lokalitetar der det var ønskje om regulering av fart til sjøs, medan andre talte i mot regulering i eit bestemt området. Innspela kom frå m.a. gendelag, småbåthamnar, næringsaktørar og privatpersonar. Den 15. september 2016 vart det gjennomført synfaring i båt med BOH. I løpet av dagen vart lokalitetar frå innspela besøkt og drøfta. Framlegget til lokal fartsforskrift i sjø byggjar i stor grad på drøfting og tilråding frå BOH under synfaringa. Rapport frå synfaringa ligg ved saka. Hovudtrekk i framlegget På bakgrunn av innspel og synfaring vert det gjort framlegg om å regulera farten til sjøs i åtte område i kommunen sitt farvatn. Nøyaktige grenser for forskriftssonene går fram av vedlagt kart. Sonene er koordinatfesta i sjølve forskriftsdokumentet. Det er lagt vekt på at områda vert nytta av ålmenta, at trafikken er stor og skapar fare for ulykke og skade på både folk og materielle verdiar. Grunngjeving for kvar sone går fram av vedlagt rapport frå synfaringa.

5 1. Arefjordspollen 2. Kobbavågen (Geitanger) 3. Spjeld / Fjæreidepollen 4. Misjesundet / Solsviksundet / Solsvika 5. Langøy/Skålvikosen 6. Ekren /Fjellspollen /Trengereidpollen 7. Bjorøyvågen 8. Straumsundet Fartsgrensa vert sett til maks 5 knop i desse områda. Dette er gjort på bakgrunn av definerte fartskategoriar i rettleiaren frå Kystverket der det vert tilrådd ei avgrensing av fart på 5 knop i farvatn som vert kjenneteikna ved: typiske skjerma miljø innaskjers med høg attraksjonsverdi for rekreasjon, opphald, naturopplevingar, fortøying og ankring, t.d. tronge sund, bukter, viker og samling av øyer som tiltrekker seg stor menneskelig aktivitet. Det omfattar også badeplassar, akvakulturanlegg, marinaer, bryggeanlegg og farvatn med særskilt sårbart miljø eller dyreliv. Avstanden mellom land kan variere frå om lag 100 meter og opptil om lag 500 meter. Koordinatar for skilting går fram av dokumentet Koordinatliste for forskriftssoner og skilt (skiltplan). Fjell kommune v/eigedomssjefen har ansvar for skilting av forskriftssonene. Kostnad til skilting er lagt inn i budsjett for Eigedomssjefen vil også ha ansvaret for eventuelt naudsynte avtalar med grunneigarar der skilta skal stå. Høyring Kystverket krev at framlegg til lokal fartsforskrift i sjø vert sendt på høyring. Gjennom høyringa skal offentleg og private organisasjonar som vert berørt av forskrifta få høve til å uttala seg om framlegget. Kommunen inviterte ei lang rekkje offentlege og private aktørar til å gi innspel under utarbeidinga av framlegg til forskrift. Det er naturleg at høyringsframlegget vert sendt til desse. I tillegg vil kommunen annonsera høyringa i lokalavisa og leggja framlegget ut til offentleg ettersyn på Fjell folkeboksamling, i rådhuset og på kommunen sine heimesider. Kommunen har høvet til å senda forskriftsutkast til ein førehandsvurdering hos Kystverket. Som del av høyringa vil det vera føremålstenleg å senda høyringsutkastet til Kystverket og be om ein førehandsvurdering. Førehandsvurderinga vil kunne gi gode innspel til sjølve høyringsutkastet og til korleis vi bør vurdera eventuelle høyringsinnspel. Vurdering: Arbeidet med lokal fartsforskrift i sjø har teke lengre tid enn planlagt, m.a. på grunn av samordninga av eksterne aktørar. Det er også klart at ei raskare løysing for Solsvika kunne vore å søkja Kystverket om å setja opp «sakte fart» skilt. Slike skilt gir kunn ei oppmoding om å avpasse farta i høve forholda. Det er ikkje knytt handheving til skilta, og rådmannen vurderer det som lite føremålstenleg i denne samanhengen. Vidare har det vore svært nyttig for kommunen å få dialog med ulike brukarar av sjøen og strandkanten. Gjennom innføringa av ei lokal fartsforskrift i sjø vil både kommunen, lag og organisasjonar få ei god moglegheit til å arbeida med «båtfolket» sine haldningar til ferdsel og tryggleik på sjøen. Ved fastsetting av regler for fart må behovet for avgrensing av fart vegast opp mot moglegheita til å handheva reglane. På denne bakgrunn tilrår rådmannen at det ikkje vert nytta mange ulike fartskategoriar i kommunen sitt sjøområde. Vidare vert det ikkje tilrådd å

6 setja ein generell øvre fartsgrense eller ei generell fartsgrense i bestemt avstand frå land. Vurderinga er gjort i samråd med Sotra og Øygarden lensmannskontor. I samband med høyringa er det særleg av interesse å få innspel knytt til desse punkta: Om det er føremålstenleg med generell fartsavgrensing i Fjell kommune, til dømes 5 el 8 kop innafor 50 eller 100 meter frå land Om det er føremålstenleg med særskilt regulering av bruk av vass-scooterar. Dette særleg på bakgrunn av at Klima- og miljødepartementet har send framlegg om oppheving av gjeldande Forskrift om bruk av vass-scooter og liknande (FOR ) på høyring. Om det er føremålstenleg å etablera forskriftssone med maks 5 knop i heile Fjellspollen/Trengeridpollen, eller avgrense den til Straumshalsen. Om det er føremålstenleg å etablera forskriftssone med maks 5 knop utanfor Snekkevika (Skrubbholmen via Vonfluholmen til Knaggen/Siggjo). Her har det komme inn eit innspel som ikkje vart drøfta på synfaringa. Rådmannen tilrår å senda framlegg til Lokal fartsforskrift i sjø ut på høyring og offentleg ettersyn i 8 veker. Det er føremålstenleg å senda framlegget til Kystverket til førehandsvurdering samtidig.