MØTEINNKALLING Tysnes kommune

Transkript

1 Utval : FORMANNSKAPET Møtestad : Rådhuset Møtedato : Tid : MØTEINNKALLING Tysnes kommune SAKLISTE: Utvalsaknr. Arkivsaknr. Tittel PS 35/10 10/158 MINSTEAREAL FOR TILDELING AV FELLINGSLØYVE PÅ HJORT I TYSNES KOMMUNE

2 91 MØTEBOK Tysnes kommune Utval Møtedato FORMANNSKAPET Arkivsak : Arkivkode: 10/ Sakshandsamar: Audun Hovland/Nils Flakke/Turid Verdal Handsamingar: Utval Møtedato Saksnummer FORMANNSKAPET PS 35/10 MINSTEAREAL FOR TILDELING AV FELLINGSLØYVE PÅ HJORT I TYSNES KOMMUNE Vedlegg: 1. Søknad frå mjølkeprodusentane i Uggdalsområdet om nedsetjing av minstearealet for tildeling av fellingsløyve for hjort, Innspel til forvaltningsplan for hjort, Heggland- Vadla- Myrdal vald, Høyring om minstearealet for hjort. Vald 4 v/marta Flatråker, Endring av minsteareal for hjlort i Tysnes kommune. Vald 3 v/olav Teigland Merknad til endring av minsteareal for fellesingsløyve på hjort, Robert Dalland Tilsvar på utkast til forskrift om endring av minsteareal. Tysnes Jakt- og fiskelag v/bjarte Erstad Kommentar til utkast til forskrift av minsteareal hjort. Vald 10 v/jarle Myklebust, Uprenta vedlegg: SAKSUTGREIING: Bakgrunn 1. Forskrift 22. mars 2002 nr. 314 om forvaltning av hjortevilt og bever 2. Forvaltningsplan for hjort i Tysnes, Utval for landbruk/teknisk, PS 91/08 4. Utval for landbruk/teknisk, PS 67/09 5. Utval for landbruk/teknisk, PS 68/09 6. Utval for landbruk/teknisk, PS 32/10 7. Kommunestyret, PS 12/10

3 92 Landbruk/teknisk vedtok i møte , å starta opp prosessen med å redusera minstearealet for tildeling av fellingsløyve på hjort i Tysnes kommune frå 600 da til 400 da per dyr frå og med hjortejakta hausten Framlegget har vore på høyring og det har vore arrangert ope møte for å få innspel til framlegget. Prosessen starta opp i 2008, då seks mjølkebønder i Uggdalsområdet la fram ønskje om nedsetjing av minstearealet for tildeling av fellingsløyve på hjort. Sidan framlegget kom for seint til å gjera ei endring for jakta i 2008, vart saka teke opp att i landbruk/teknisk i Prosessen har i etterkant stoppa opp, før det igjen vart aktuelt i samband med godkjenning av forvaltningsplan, samt at saka har vore etterspurt frå politisk hald. Rundskrivet til forskrift om forvaltning av hjortevilt og bever (hjorteviltforskrifta 2002) legg følgjande vurderingar til grunn for endring av minsteareal: Beitetilhøve og levekår Skadesituasjonen i landbruket, både på jord-, hage- og skogbruk Viltpåkjørsler langs veg og jernbane, samt anna irregulær avgang siste tre år Bestanden sin tettleik/storleik og samansetning, hovudsakleg basert på jaktstatistikk, setthjort, vårteljing og andre tilgjengelege opplysningar om bestandsutvikling for vedkomande art i kommunen Offentleg ettersyn Framlegget vart sendt på høyring til nabokommunar, fylkesmannen i Hordaland, organisasjonar og til alle valda i kommunen. Samstundes har framlegget vore kunngjort i Bladet Tysnes og det er halde informasjonsmøte den 13.april Følgjande har gjeve innspel/merknadar til framlegget: 1. Vald 4 Kaastad/Flatråker v/marta Flatråker Det har vore eit internt møte i valdet der dei oppmøtte var positive til framlegget. Konklusjonen frå dette valder er at Flatråkergardane er nøgde med 400 da, medan O. Kaastad ønskjer ytterlegare nedsett minsteareal. Kommentar frå kommunen: Det er lagt opp til same minsteareal for heile kommunen, og ikkje ei differensiering som forskrifta også opnar for. Dersom det er ønskjeleg med fleire dyr enn minstearealet opnar for, må ein søkja om fråvik i dokumentert søknad. 2. Vald 35 Teigland v/olav Teigland Olav Teigland sin uttale gjeld generelt for kommunen og ikkje med utgangspunkt i eige vald åleine. Teigland syner til at dei tala som er lagt til grunn for framlegget er usikre og ikkje indikerar ein auke i hjortestamma i Tysnes (sett-hjort, vårteljingar, jaktresultat mm.). Det vert synt til at det er ikkje noko som tyder på at beitetrykket er større no enn før, og at det er manglande registreringar.

4 93 Det vert nemnt at det har vore ein uvanleg hard vinter for hjorten på Tysnes og fleiere dyr enn vanleg har truleg bukka under. Teigland konkluderar med at det kan sjå ut som at hjortebestanden, som er relativt stor, har slutta å veksa. Kan henda at bestanden også er i ferd med å snu - altså verta redusert. Dette vil i tilfelle medføra at den avskytinga som er no, vil redusera bestanden. Ein auke i tildeling av dyr vil difor vera uheldig og kan redusera bestanden meir enn ønskjeleg. Vidare vert det skrive at dei som er utsett for skade på skog og innmark, får i dag fråvik frå minstearealet med 50%, noko som gjer at det reelle arealet som ligg til grunn for avskyting er ned mot 300 da pr. dyr. Dette er ei ordning som fungerar, og denne avskytinga fungerar tilfredstillande for dei som er utsett for skade. Teigland ønskjer ikkje at minstearealet skal reduserast. Kommentar frå kommunen: For å vurdera endring av minsteareal skal me ta utgangspunkt i m.a. eksisterande datamateriale som sett-hjort, slaktevekter, irregulæravgang og jaktstatistikk. Samstundes har me med oss at mange søkjer om fråvik og om skadeløyve. Dette gjev ein indikasjon på at det er reell trong for ytterlegare fleksibilitet i område med stor lokal hjortestamme og skadeproblematikk. Tysnes kommune har teke for seg alle tilgjengeleg data, sjølv om deler av datagrunnlaget er tynt. Det er ei heilskapleg vurdering som må leggjast til grunn, der sjølvsagt feilkjelder og andre usikre tilhøve er ein del av grunnlaget. Korrekt fellingsresultat for 2009 er 484 felte dyr og fellingsprosent på om lag 90 %. Ut frå desse opplysningane er det ikkje grunn til å tru at stamma er stabilisert/redusert, då det er teke ut fleire dyr i 2009 enn 2008, samstundes som det er høg fellingsprosent. Vinteren sin påverknad på hjortestamma er det vanskeleg å gje eksakte tal på, men det er stor grunn til å tru at vinteren har vore hard med ein del svake og mindre dyr. Det syner også innrapporteringar om funn i terrenget. Historisk sett er det jakta som regulerar hjortestamma i Tysnes, då me ikkje har rovdyr og heller ikkje normalt har hatt strenge vintrar. Ein streng vinter vil vera med å påverka stamma og luka ut svake og små dyr-, som kanskje ikkje ville ha overlevd likevel. Eit minsteareal på 400 da/dyr vil gje same tal løyve som tildelt i 2009, om lag 530 dyr. For å kunna søka om fråvik frå minsteareal må ein ha dokumentasjon på skadesituasjonen. Dette vil føra til at tildeling av løyve totalt i Tysnes kommune vert under god kontroll og basert på den reelle skadesituasjonen. Tysnes kommune har motteke signal både for og mot å redusera minstearealet. Det at ein del bønder, som driv aktivt, ser trong for ytterlegare tildeling av løyve for å redusera skadeomfanget, er noko me må ta på alvor. For desse valda vil endring av minsteareal vera eit verktøy som opnar for meir fleksibilitet. For område med skadeproblematikk er tildeling av skadeløyve ikkje den rette vegen å gå, då dette verktøyet er basert på akutt skade og ikkje bestandsregulering. Ved å løysa situasjonen gjennom ordinær jakt vil ein få eit godt verkemiddel for å regulera hjortestamma på ein berekraftig måte. Me må og ha med oss i heilskapen det meirarbeidet som ligg i skadeløyvetildelingar. 3. Robert Dalland

5 94 Dalland stiller spørsmål ved delar av datagrunnlaget som vert nytta i argumentasjonen for å setja ned minstearealet, om det er godt nok gjennomarbeidd og om systema er nok utprøvd over tid. Det vert poengtert at jaktåret 2009 er første gong det er ein reduksjon av felte hjort på Tysnes, jf. registreringar i Hjorteviltregistreret. Kommunen har dei siste åra hatt eit stort uttak av hjort, sett i høve kommunen sitt totale areal (ca. 1.9 hjort pr. km2 for 2009). Det er lite truleg at det er eit uttak som er berekraftig over lengre tid, og ein vil truleg med dagens minsteareal oppnå reduksjon av hjortestamma på Tysnes. Dalland syner også til årets vinter som også kan ha vore med å påverka bestanden. Å redusera minstearealet pr. tildelt hjort til 400 da inneber eit stort forvaltningsansvar for kommunen, grunneigarar og jegrar, meiner Dalland. Det vert synt til desse moment i den samanheng: Målretta avskyting: Forslag til å utvida tildelinga med ei årsgruppe 1 ½ handyr/hodyr, dette for å sikra at ein del av kapitaldyra vert spart til framtidig produksjon. Kontroll: Innrapportering frå valda under jakta for å gje betre føresetnadar for å gjera forvaltningsgrep. Fråvik frå minstearealet: Det må vera særs gode grunnar for å fråvike minstearealet nedover. Evaluering: Denne må skje fortløpande, og ikkje etter to år. Dalland poengterar at det er viktig at forvaltninga av hjort vert gjort på ein ansvarsmedviten måte. Dersom det er eit uttalt mål at hjortestamma skal reduserast, er det viktig at det vert teke ut rett type dyr i forhold til vidare produksjon (kapital). Kommentar frå kommunen: For å vurdera endring av minsteareal skal me ta utgangspunkt i m.a. eksisterande datamateriale som sett-hjort, slaktevekter, irregulær avgang og jaktstatistikk. Samstundes har me med oss at mange søkjer om fråvik og om skadeløyve. Dette gjev ein indikasjon på at det er reell trong for ytterlegare fleksibilitet i område med stor lokal hjortestamme og skadeproblematikk. Tysnes kommune har teke for seg alle tilgjengeleg data, sjølv om delar av datagrunnlaget er tynt. Det er ei heilskapleg vurdering som må leggjast til grunn, der sjølvklart feilkjelder og andre usikre fohold er ein del av grunnlaget. Korrekt fellingsresultat for 2009 er 484 felte dyr og fellingsprosent på om lag 90 %. Ut frå desse opplysningane er det ikkje grunn til å tru at stamma er stabilisert/redusert, då det er teke ut fleire dyr i 2009 enn 2008, samstundes som det er høg fellingsprosent. Vinteren sin påverknad på hjortestamma er vanskeleg å gje eksakte tal på, men det er stor grunn til å tru at vinteren har vore hard med ein del svake og små dyr. Det syner også innrapporteringar om funn i terrenget. Historisk sett er det jakta som regulerar stamma i Tysnes, då me ikkje har rovdyr og heller ikkjetil vanleg har hatt strenge vintrar. Ein streng vinter vil vera med å påverka stamma og luka ut svake og små dyr som kanskje ikkje ville ha overlevd likevel.

6 95 Tysnes kommune er heilt samd med Dalland, i at det er eit stort forvaltningsansvar å redusera minstearealet. Dette tek Tysnes kommune alvorleg og har difor m.a. sett krav til dokumentasjon ved tildeling av dyr utover 400 da/dyr. Det er klart trong for evaluering av situasjonen kontinuerleg, samstundes må me sjå situasjonen over tid, og det er difor sett som mål å ha ei større evaluering etter 2 år. Tysnes kommune har ikkje låst seg til 400 da/dyr for alltid, og kan, dersom ein ser det er trong for det, både redusera ytterlegare, men også auka i høve 400da/dyr, jf. hjorteviltforskrifta 6- fråvik frå minstearealet, samt gjennomføra ei ny endring av minsteareal, jamfør hjorteviltforskrifta 5, fastsetjing av minsteareal og fellingskvoter. Tysnes kommune har målretta avskyting i dag og tildeler løyva slik som forskrifta opnar for, dvs. kalv, handyr og hodyr. Kommunen har ikkje juridisk høve til å tildela løyve på 1 ½ åringar slik forskrifta ligg i dag, jf. hjorteviltforskrifta 15, målretta avskyting. Det Tysnes kommune har gjort og framleis vil gjera, er å tilrå at me har prosentvis avskyting i høve kjønn og alder. Tidlegare sesongar har ho vore på 20 % per aldersklasse. Me vil ta ei vurdering i høve prosentvis tildeling for jakta 2010 ut frå forvaltningsplanen sine premissar. Forvaltningsplanen legg også føringar for uttak av type dyr, og oppmodar m.a. om ikkje å skyta kolle frå kalv, prioritera å ta ut små og skada dyr (skrapdyr) og spara store og gode avlsdyr. 4. Tysnes Jakt- og Fiskelag v/bjarte Erstad Tysnes Jakt- og Fiskelag (TJF) syner til hjorteviltforskrifta 5 som seier at forslag til minsteareal skal fremjast innan 1. april og fastsetjast innan 1. mai. Slik TJF tolkar lova er prossessen med endring av minsteareal ikkje gjennomførbar med dei fristane forskrifta gjev. FJT meiner at saka ikkje er fremja, berre eit utkast, samt at politisk vedtak vert gjort etter 1. mai i følgje møtekalender på Tysnes kommune si nettsida. På bakgrunn av dette mein TJF at ein såleis ikkje er innanfor tidsramma forskrifta set til framlegg og vedtak, og at kommunen først kan gjennomføra endringa frå og med jakta hausten Det vert peika på at tidsfristane i saka er for korte til ei så viktig sak som dette, og at ei endring av minsteareal bør ha ei brei handsaming. På generelt grunnlag vil TJF peika på at det i saksutgreiinga vert framsett påstandar som er lite dokumenterte, og som truleg ikkje finest tilstrekkeleg og påliteleg grunnlag for å kunna byggja på for ei slik endring. Det vert synt til at data over m.a. slaktevektene er av dårleg kvalitet, og at dei ikkje kan nyttast som grunnlag for avgjerd. Beitetilhøve og levevilkår er viktige vurderingstema, men kommunen har lite eller ingen dokumentasjon på dette. TJF ser det som avgjerande at me kjenner til slik dokumentasjon når me skal vurdera om det skal jaktast hardare i eit område. Det vert trekt fram den strenge vinteren i år. TJF har hatt medlemer gåande i terrenget for å sjå på kondisjon til gjenlevande dyr, samt leita etter kadaver i terrenget som kan gi ein indikasjon på korleis stamma er påverka. Det er ikkje lagt til grunn data som underbygger at det er store skader der det er høgt beitepress av hjort. TJF stiller spørsmål til kva skadeomfang beitepresset har gjort der dette skal vera størst. Vert alle område der det er framlagt å vera beitepress faktisk hausta i ein slik grad at me kan sei at bøndene har eit økonomisk tap som følgje av dette. Har kommunen eit estimat på kva tid det er eit problem at hjorten beitar på innmark/innmark etablert i utmark? TFJ syner til at tal påkjørt hjort har gått ned, noko som kan ha mange årsaker. TJF er av den oppfatning at dette har liten relevans for handsaming av minsteareal.

7 96 Det vert synt til tal i saksutgreiinga i høve bestandsstorleik, og vist til at desse er sett for å blåsa tala opp. Eit estimat vil aldri verta 100 % korrekt, og det er vanskeleg å estimera stamma i Tysnes. TJF syner til at tildelte og felte dyr frå 2008 til 2009 har gått ned. Dette kan vera, etter TJF sitt syn, eit signal på at me har nådd målet og at bestanden har nådd til sin topp. Slik TJF ser at det, bør det på bakgrunn av dokumentert søknad frå grunneigarar vera grunn til å gje avvik frå minsteareal, men at det bør handsamast individuelt i kvar enkelt vald. TJF meiner at det bør utarbeidast betre grunnlag for avgjerd, samt ha ei brei høyring slik at dette kan verta bestemt evt. frå jakta hausten TJF meiner at bestanden har stagnert og passert toppen, og såleis er bestandsmålet nådd. Slik det ser ut i dag vil me med naturlege svingingar og den avskytinga me har i dag, halda bestanden på eit akseptabelt nivå. Det er ikkje framlagt noko som skulle tilsei at bestanden har auka dei siste par åra. Når me får betre datagrunnlag slik at me har dokumentert grunnlag for dei påstandane som er framsette, bør det setjast ned ei arbeidsgruppe med representantar frå dei med interesse for feltet, som så utarbeidar ei instilling til kommunen. Kommentar frå kommunen: Saksgangen for endring av minsteareal starta opp i 2008, og Tysnes kommune har vedtak på oppstart både frå 2009 og frå mars I rundskriv til hjorteviltforskrifta finn me m.a. at kommunen kan etter eige initiativ, endra minstearealet uavhengig av fristen 1. april. Utgangspunktet for handsaminga av saka var at det skulle vera politisk møte 27. april, men dette er utsett med ei veke (4. mai). Grunna forskrifta seier at endringa skal vera vedteken innan 1. mai, er det no sett opp ekstraordinært møte i formannsskapet. Ut frå dette vil Tysnes kommune vera innanfor tidsramma som forskrifta set til prosessen. jf. og kommunestyret sitt vedtak i sak 12/10. I hjorteviltforskrifta med tilhøyrande rundskriv er det ikkje sett krav til korleis prosessen skal gjennomførast i høve høyringa, bortsett frå at berørte interesser må førhandsvarslast anten gjennom informasjonsmøte, brev eller kunngjering på annan måte. Tysnes kommune har hatt kunngjering i Bladet Tysnes, og informasjonsmøte 13. april. Høyringsnotat til alle valdansvarlege, organisasjonar og fylkesmannen er sendt ut. Prosessen har vore open og alle har hatt høve til å gje sin uttale til saka. For å vurdera endring av minstearealet skal me ta utgangspunkt i m.a. eksisterande datamateriale som sett-hjort, slaktevekter, irregulær avgang og jaktstatistikk. Samstundes har me med oss at mange søkjer om fråvik og om skadeløyve. Dette gjev ein indikasjon på at det er reell trong for ytterlegare fleksibilitet i område med stor lokal hjortestamme og skadeproblematikk. Tysnes kommune har teke for seg alle tilgjengeleg data, sjølv om delar av datagrunnlaget er i tynnaste laget. Det er ei heilskapleg vurdering som må liggja til grunn, der moglege feilkjelder og andre usikre forhold er ein del av grunnlaget. Korrekt fellesresultat for 2009 er 484 felte dyr og fellingsprosent på om lag 90 %. Ut frå desse opplysningane er det ikkje grunn til å tru at stamma er stabilisert/redusert, då det er teke ut fleire dyr i 2009 enn i 2008, samstundes som det er høg fellingsprosent.

8 97 Hjorteviltforskrifta set krav til individuell vurdering i høve tildeling av fellingsløyve (enkelt vedtak). Tysnes kommune vil sjølvsagt halda fram med dette, også med krav til dokumentasjon ved søknad om fråvik. Vinteren sin påverknad på hjortestamma er vanskeleg å gje eksakte tal på, men det er god grunn til å tru at vinteren har vore hard med ein del svake og mindre dyr. Det syner også innrapporteringar om funn i terrenget. Historisk sett er det jakta som regulerer stamma i Tysnes, då me ikkje har rovdyr og heller ikkje normalt har så strenge vintrar som i 2009/2010. Ein streng vinter vil vera med å påverka stamma og luka ut svake og små dyr, som kanskje ikkje ville ha overlevd likevel. 5. Vald 10 Hålandsnes v/jarle Myklebust Vald nr. 10 er positive til forslaget, men dei meiner også at ei høg hjortestamme har ein verdi for grunneigarar, og at dette må takast med i regnestykket. Kommentar frå kommunen: Hjortestamma må sjølvsagt også vektast opp mot verdien jakta og ei høg hjortestamme innehar, samstundes som me óg må ha med oss kostnadene/ulempene ved ei høg stamme. Vurdering: Minstearealet for tildeling av fellingsløyve på hjort i Tysnes kommune er i dag 600 dekar. I takt med aukande hjortestamme har det vorte gjeve mange dispensasjonar opp gjennom åra, og meir tydeleg dei siste åra. Dette har resultert i at mange av valda i praksis har fått redusert tildelingsgrunnlaget ned mot 300 da per dyr. Gjennomsnittleg var bakgrunnsarealet for tildeling i 2005 ca. 475 da, 2007 ca. 430 da og 2009 ca. 400 da. I 2009 hadde 35 av 50 vald bakgrunnsareal for tildeling under minstearealet (50 %-regelen). Tysnes kommune har valt å fremja sak om reduksjon av minsteareal basert på tilgjengelege data, samstundes som me har hatt med oss at det er ein del aktive og viktige bønder som har skadeproblematikk. Det er fleire av desse bøndene som har reell skade, (dokumentert skadeomfang på 6 bruk i Uggdalsområdet frå kr til kr ) og som har søkt om maksimalt fråvik dei siste åra, utan at det kan sjå ut som om situasjonen har betra seg. Nedsetjing av minstearealet vil skapa ein fleksibilitet for desse valda, som då kan søkja om ytterlegare løyve. Det er eit politisk val om me ønskjer at landbruksnæringa i Tysnes skal vera berekraftig og kor mykje av kostnaden bøndene skal bera av m.a. dei negative følgjene som ei stor hjortestamme i Tysnes medfører. Internt i Tysnes kommune er det fleire område med lågare tettleik av hjort enn i andre område, heile eller delar av året. Beitetilhøve, skjul, topografi, høgde over havet, lokalklima og mange andre faktorar spelar inn. Hjorten flyttar på seg og fleire stadar vert det større konsentrasjonar i visse periodar. På bakgrunn av dette er det viktig å tenka ei heilskapleg hjorteforvaltning. I forhold til dette, er det også viktig at hjortevalda er ansvarsmedvitne, og sjølv vurderar om og i kva grad dei skal søkja om fråvik frå minstearealet. Det kan vera grunn til å tru at fellingsprosenten kan gå ned første året etter endring av minstearealet, då ein del vald med ei mindre hjortestamme vil få tildelt fleire løyve enn tidlegare, samt at vald med fleire tildelte dyr får ei stor utfordring med å skyta og behandla dyra i etterkant.

9 98 Det er ønskjeleg at me kontinuerleg vurderer konsekvensane av å setja ned minstearealet (ved tildeling av løyve og rapportering av felte dyr). Samstundes er det naudsynt å ta ein heilskapleg gjennomgang av kva effekt nedsetjinga har ført til og om me bør endra minstearealet på nytt, innan to år etter vedtak (dvs i 2012). INNSTILLING FRÅ RÅDMANNEN: Med tilvising til kommunestyret sitt delegasjonsvedtak i sak 12/10, gjev formannskapet følgjande vedtak: Formannskapet viser til ovanståande premissar, saks- og høyringsprosessen med innkomne merknader og kommentarar, og godkjenner å redusera minstearealet for tildeling av fellingsløyve på hjort i Tysnes kommune frå 600 da til 400 da per dyr. Forskrifta vert gjeldande frå og med hjortejakta hausten Tysnes kommune vil setja krav til dokumentasjon, rapport frå forsøksringen eller at Tysnes kommune sjekkar i skadefelt, for vald som søkjer om fråvik frå minstearealet på bakgrunn av avlingstap eller annan reell skade. Forskriftsteksten med heimelsgrunnlag vert som følgjer: Tysnes kommune har den fastsett følgjande forskrift med heimel i lov nr. 38 om viltet 16 og forskrift 22. mars 2002 nr. 314 om forvaltning av hjortevilt og bever 5: 1 Minstearealet for tildeling av fellingsløyve på hjort i Tysnes kommune er 400 dekar. 2 Forskrifta gjeld frå og med 1. mai Det som gjeld Tysnes kommune i forskrift om minsteareal for hjort, Tysnes kommune, Hordaland (FOR ) vert oppheva frå og med 1. mai HANDSAMING I FORMANNSKAPET : Ingrid Tysnes Stue la fram følgjande framlegg til vedtak: " Med tilvising til kommunestyret sitt delegasjonsvedtak i sak 12/10, gjer formannskapet følgjande vedtak: Formannskapet viser til ovanståande premissar, saks- og høyringsprosessen med innkomne merknader og kommentarar, og går ikkje inn for å redusera minstearealet for tildeling av fellingsløyve på hjort i Tysnes kommune frå 600 da til 400 da pr. dyr. Dette grunna at det i saksframlegget var lagt fram tynt tallgrunnlag. Tysnes Kommune vil setja ned ei breitt samansett utval beståande av interesseorganisasjonar innanfor jakt og jaktforvaltning som kan følgja jakta 2010 nøye og samle data nok til å ta ei grundig evaluering av bestanden. Tysnes kommune vil gjennomføra vårteljing i 2011 før ein på ny tek opp til vurdering å redusera minstearealet før jakta startar hausten 2011."

10 99 Ved prøverøysting fekk framlegget frå Ingrid Tysnes Stue tre røyster (I.T.S, A.K, T.A.H) mot fire røyster ( H.H, B.G, L.L, M.I.F) for rådmannen si innstilling. Ved endeleg avrøysing fall framlegget frå Ingrid Tysnes Stue med 2 røyster ( I.T.S, A.K) mot 5 røyster (H.H, B.G, L.L, M.I.F, T.A.H). Etter dette ligg det føre slikt VEDTAK I FORMANNSKAPET MOT 2 RØYSTER (I.T.S, A.K): I samsvar med innstilling.