Protokoll frå styremøte i Helse Fonna HF

Transkript

1 Protokoll frå styremøte i Helse Fonna HF Tid: kl til Møtestad: Rica Maritim Haugesund Styremøtet var ope for publikum og presse. Deltakarar frå styret Inge Reidar Kallevåg Tove Martha Hovda Callaghan Harry Herstad Gunnar Birkeland Pål Osjord Midbøe Helge Espelid Nina Budal Lilliann Høyvang Andreassen Hilde Christiansen Nestleiar Deltakarar frå administrasjonen Olav Klausen Administrerande direktør Stina Steingildra Fungerande kommunikasjonssjef Ingebjørg Kismul Administrasjonssjef Jan Håvard Frøyland Økonomisjef Forfall frå styremøte Kjell Arvid Svendsen Styreleiar

2 Sakliste Underlag 106/13 A Godkjenning av innkalling og dagsorden 107/13 A Protokoll frå styremøte i Helse Fonna /13 O 109/13 A 110/13 O Administrerande direktør si orientering Rapport frå verksemda Leiingas gjennomgang av internkontroll 111/13 O Oppfølging av Plan for somatiske spesialisthelsetenester i Helse Fonna HF /13 O Oppfølging av Plan for psykisk helsevern Oppmoding om sletting av hefte 113/13 A 114/13 A Endring Odda Sjukehus 115/13 Eventuelt Skriv og meldingar Lukka del 116/13 A Lukka jf.helseføretaksloven 26a Styrets eigenevaluering og evaluering av administrerande direktør 106/13 A Godkjenning av innkalling og dagsorden for styremøte Det var ingen merknader til innkalling og dagsorden 107/13 A Protokoll frå styremøte i Helse Fonna HF Styret godkjente og signerte protokollen. 108/13 O Administrerande direktør si orientering

3 1. Rapport «Nettverk for forsking på behandlingsliner og samhandling, Helse Fonna HF» Eva Biringer, Leiar i Nettverk for forsking på behandlingsliner og samhandling, Helse Fonna HF presenterte rapporten og orienterte om bakgrunn, struktur og resultat av forsking. Det ble informert om særskilte utfordringar og argumentert for vidareføring. 2. Endring BUP Stord/Kvinnherad Administrerande direktør orienterte om at «Omstilling BUP/Stord Kvinnherad» har følgt plan og den formelle endringsprosessen er sluttført. 3. Jonatunet Administrerande direktør orienterte om dialog med ordførar i Jondal angåande sal av Jonatunet og tilhøyrande eigedommar. Styret ønskjer samla sal av eigedommane påført eit hefte om videresal. Administrerande direktør tar kontakt med ordførar i Jondal og kjem tilbake til styret i Helse Fonna HF med endelig sak. 4. Idéfase Haugesund sjukehus Administrerande direktør orienterte styret om «Plan for gjennomføring av idèfasen Haugesund sjukehus» Styret ønskte at fagleg representasjon i styrings og prosjektgruppen blei styrka. 5. Oversikt over tilsyns-, kontroll- og klagesaker 6. Oversikt over høyringar Administrerande direktør orienterte i tillegg om styrevedtak i Helse Vest Sak 149/13 A Tilbod til gravide og fødande i Hardanger/Odda Forslag til vedtak: 1. Fødestova i Odda blir omgjort til eit tilbod i tråd med «God start» modellen med tilbod om svangerskapskontrollar, følgjeteneste og barselavdeling 2. Det skal vera ein trygg situasjon for kvinner i fødsel med tilgjengeleg jordmorteneste, følgjeteneste og det skal vere høve til å føde i Odda dersom kvinna ikkje rekk fram til planlagt fødestad. 3. Helse Vest RHF legg til grunn at saka blir sluttbehandla i føretaksmøte i Helse Vest RHF. Forslag til vedtak ble samrøystes vedteke. Styret tok meldingane til orientering 109/13 A Rapport frå verksemda Økonomidirektør Jan Håvard Frøyland orienterte om økonomidelen i rapporten. Økonomi Resultat pr. november er eit overskot på 3,3 millionar kroner. Resultatet er 0,5 millionar kroner betre enn budsjett. Akkumulert er budsjettet 3,4 millionar kroner lågare enn budsjett. Prognosen for 2013 er uendra på 34 millionar kroner. Inntektene syner eit positivt budsjettavvik på 2,2 millionar kroner i november, som akkumulert gir positivt budsjettavvik på 26,5 millionar kroner. Personalkostnadene innklusiv innleige frå byrå gir i november månad eit avvik på negative 5,8 millionar kroner. Rekneskapet for november syner at kostnadane til kjøp av varer og tenester gir eit samla budsjettmessig positivt avvik

4 på 6,262 millionar kroner. Akkumulert per november er det eit positivt budsjettavvik på 15,557 millionar kroner. Andre driftskostnader viser et negativt avvik på 2,0 millionar kroner i november, akkumulert negativt avvik på 3,2 millionar kroner. Per november månad synar rekneskapen at det er gjennomført investeringar på totalt 77,024 millionar kroner. Det er 67,6 % av totalt budsjett for året 2013 (eksklusiv apotekprosjektet). Behandlingsaktivitet og kvalitet, somatikk Aktiviteten i månaden var høgare enn plan men lågare enn for same månad i fjor målt i DRG-poeng. Talet på polikliniske konsultasjonar var høgare enn plan og høgare enn for same månad i fjor. Målt i talet på sjukehusopphald var aktiviteten lågare enn plan og lågare enn for same månad i fjor. Ventetid Gjennomsnittleg ventetid for alle behandla pasientar innan alle fagområde (somatikk og psykisk helsevern), uavhengig av rettighetstatus var 66 dagar. Målkravet er ventetid under 65 dagar. For behandla pasientar med rett til prioritert helsehjelp (somatikk og psykisk helsevern), var ventetida 56 dagar, for behandla pasientar med rett til helsehjelp var ventetida 89 dagar. I somatikken var gjennomsnittleg ventetid for behandla pasientar innan alle fagområde uavhengig av rettighetstatus 67 dagar. For pasientar med rett til prioritert helsehjelp var ventetida 56 dagar, for pasientar med rett til helsehjelp utan prioritet var ventetida 90 dagar. Fristbrot Talet på fristbrot på behandla pasientar i somatikken var 53 pasientar, det vil seie 3 prosent av alle pasientar som hadde rett til prioritert helsehjelp. Korridorpasientar Talet på korridorpasientar var 133 i månaden, og 1,6 prosent av liggedøgna. Epikrisetid Samla tal på epkriser sende innan ei veke etter utskriving var 83 prosent for somatikken. Utskrivingsklare pasientar Det var 37 registrerte utskrivningsklare pasientar i månaden med eit samla tal på 108 liggedøgn. Behandlingsaktivitet og kvalitet, psykisk helsevern Aktiviteten målt i polikliniske konsultasjonar innan psykisk helsevern for vaksne (VOP) var i månaden lågare enn planlagd, og lågare enn året før. Det har vore fleire innlagde pasientar i vaksenpsykiatrien i forhold til plan, men færre enn i fjor. I barne- og ungdomspsykiatrien var det færre polikliniske konsultasjonar og innleggingarar enn i fjor, og i høve til plan. Ventetid Gjennomsnittleg ventetid for alle behandla pasientar innan vaksenpsykiatrien (VOP) uavhengig av rettighetstatus var 48 dagar. For pasientar med rett til nødvendig helsehjelp (med prioritet) var ventetida 47 dagar, for pasientar med rett til helsehjelp var ventetida 58 dagar. Gjennomsnittleg ventetid for alle behandla pasientar innan barne- og ungdomspsykiatrien uavhengig av rettighetstatus var 50 dagar. For pasientar med rett til nødvendig helsehjelp (med prioritet) var ventetida 50 dagar, for pasientar med rett til helsehjelp var ventetida 42 dagar. Fristbrot Psykisk helsevern for vaksne hadde sju fristbrot for behandla pasientar i månaden. Rusfeltet hadde eitt fristbrot for behandla pasientar i månaden. Barne- og ungdomspsykiatrien hadde tre fristbrot for behandla pasientar i månaden. Epikrisetid Samla epikrisetid for psykisk helsevern var 83 prosent i perioden. Månadsverk Brutto månadsverk har frå oktober 2013 til november 2013 auka med 12 månadsverk, netto månadsverk er for same periode redusert med 5 månadsverk. Sjukefråvær I november 2013 var det totale sjukefråværet 6,2 prosent, som er høgare enn oktober 2013, men lågare enn november ,5 prosent. Sjukemeldt fråvær i november 2013 var 5,1 prosent. Styret tek saka til etterretning 110/13 O Leiingas gjennomgang av internkontroll

5 Forskrift om internkontroll i sosial- og helsetenesta pålegg tenesta å ha eit system for internkontroll for å sikre at verksemda er organisert i tråd med krava. Det følgjer av Helsedirektoratets rettleiar til forskrifta, IS-1183, at det er øvste leiar som har ansvaret for internkontrollen. Administrerande direktør la i juni 2013 fram ein mal for leiingas gjennomgang av internkontroll i føretaket for styret i Helse Fonna HF i sak 60/13 O. I malen er det valt områder som føretaket vurderer som kritiske for drift og pasientbehandling, og områder ut i frå den løypande risikovurderinga føretaket gjer. I tillegg er sentrale element frå styringsdokumentet samt lover og forskrifter ivareteke. Administrerande direktør la i styremøte fram leiingas gjennomgang av internkontroll. Ein gjennomgang av internkontroll i føretaket vil bli gjort årleg og denne gjennomgangen vil bli lagt fram for styret i Helse Fonna HF. Styret ga innspill om viktigheten av kort behandlingstid på meldingane og at meldekultur for avvik stimulerast i organisasjonen. 1. Styret tek saka til orientering 111/13 O Oppfølging av Plan for somatiske spesialisthelsetenester i Helse Fonna HF Plan for somatiske spesialithelsetenester i Helse Fonna HF (Plan somatikk) strekk seg fram i tid til Målet med planen er å sikre trygge og nære spesialisthelsetenester for alle som bur i regionen. Planen blei vedteken av styret i september 2010 i sak 66/10 B. Administrerande direktør orienterer styret to gangar årleg om status og framdrift for dei enkelte måla og tiltaka i planen. Endringane frå sist gjennomgang i juni er merka med raud tekstfarge. Styret tek saka til orientering 112/13 O Oppfølging av Plan for psykisk helsevern Plan for psykisk helsevern blei vedteken i styremøte i Helse Fonna i sak 71/12. Administrerande direktør rapporterte på gjennomføringa av planen til styret i Helse Fonna HF juni 2013 i sak 52/13 og legg no fram ei oppdatering av gjennomføringa av planen. Endringane frå førre rapportering i juni 2013 på oppfølginga av planen er markerte i raudt. Vedtak (samrøystes) Styret tek saka til orientering. 113/13 A Oppmoding om sletting av hefte

6 Hordaland fylkeskommune har i skriv datert 18. september 2013 opplyst at dei har skild frå og seld to parseller på om lag eit halvt mål kvar, med eigne matrikkelnummer, den eine gnr.185 bnr.205, og den andre gnr.185 bnr.214. Begge parsellar er skild frå gnr.185 bnr.1 Ved frådelinga av eigedomane har det fylgt med eit pengehefte til føremon for Helse Fonna HF. Pengeheftet inneber i dette tilfellet ein leigekontrakt tinglyst 14. juni 2004 med dagboknummer Leigekontrakten gjeld rettigheitar til bruk av tre fritidsbustader for tilsette og pasientar ved Valen sjukehus. I skrivet datert den 18. september 2013 ber Hordaland fylkeskommune om at denne rettigheita slettas frå dei utskilde parsella. 1. Styret i Helse Fonna HF ber administrerande direktør slette hefte på gnr.185, bnr.205 og bnr.214 i Kvinnherad kommune. 114/13 A Endring Odda sjukehus Nestleiar Inge Reidar Kallevåg delte ut brev mottatt i administrasjonen via mail med kommentarar frå overlege Halvard Dahle og medisinsk overlege Nick Pujani ved Odda sjukehus. 1. Administrerande direktør orienterte om saka og presiserte at ein ved Odda sjukehus nyttar 2 av 3 eksisterande sjukehussenger i dag. Omdisponering av ressursar vil styrke omlegging frå døgn til auka dag og poliklinisk behandling. 2. Ingen faste tilsette mister jobben. 3. Endringane rører ikkje akutt tilbodet ved Odda sjukehus. Administrerande direktør viste til protokoll frå AMU møte og protokoll frå drøftingsmøte med tillitsvalde og verneombod angåande saka. Protokolltilførsel ble lest opp. «Plan for somatiske spesialisthelsetenester i Helse Fonna HF » blei vedteken av styret i Helse Fonna HF Endringar innan demografi, sjukdomsmønster, utviklinga innan medisinsk diagnostikk og behandling gjev behov for endringar og tilpassing i helsetenestene. Odda sjukehus har eit opptaksområde på om lag innbuarar. For å leggje til rette for eit godt og nært tilbod til befolkninga rundt Odda sjukehus, og for å nytte ressursane på best mogleg måte blei det etablert eit prosjekt som har arbeidd med framtidig tenestetilbod ved Odda sjukehus. Styret i Helse Fonna HF blei informert om prosjektet i styremøte i sak 67/13 (administrerande direktør orienterar). Prosjektet er basert på gjeldande overordna strategi i Helse Fonna, føringar i Plan somatikk samt nasjonale og regionale føringar. I arbeidet har det og vore innhenta erfaring frå prosjekt knytt til utvikling av Nordfjord sjukehus. Overordna mål i prosjektet har vore å sikre eit godt helsetenestetilbod til pasientane, god ressursbruk tilpassa overordna føringar og rammer og skape føreseielege arbeidsplassar for medarbeidarane. Målet har òg vore at prosjektet skal vise og tydeleggjere retninga for framtidas sjukehus i Odda i nær samhandling med kommunane i Hardanger og dei andre sjukehusa i føretaket. Styret diskuterte innspela frå legane i Odda.

7 1. Styret i Helse Fonna HF ber administrasjonen setje i verk endringane ved Odda sjukehus basert på styringsgruppas si tilråding i dialog og samarbeid med medarbeidarar, tillitsvalde og vernetenesta, på ein slik måte at arbeidsmiljø og krav til kvalitet blir ivaretatt. 2. Styret i Helse Fonna HF ber om å bli informert om framdrifta i saka. 115/13 Eventuelt Skriv og meldingar 1) Protokoll frå styremøte i Helse Vest ) Omdømmeundersøking 2013 Styresak 141/13 O Helse Vest ) Riksrevisjonens kontroll med forvaltningen av statlige selskaper for 2012 Dokument 3:2 ( ) Deles ut i møte. Følgjande skriv blei delt ut i møte Kommentarar frå overlege Halvard Dahle og medisinsk overlege Nick Pujan til sak 114/13A Endring i Odda Riksrevisjonens kontroll med forvaltningen av statlige selskaper for 2012 Dokument 3:2 ( ) Deles ut i møte. Skriv og meldingar blei tatt til orientering Lukka del 105/13 O Helseforetaksloven 26a Styrets eigenevaluering av administrerande direktør Saka blei utsett. Ref.: Ingebjørg Kismul

8 Sett: Kjell Arvid Svendsen Styreleiar Inge Reidar Kallevåg Nestleiar Nina Budal Harry Herstad Pål Osjord Midbøe Hilde Christiansen Tove Martha Hovda Callaghan Gunnar Birkeland Helge Espelid Lilliann Høyvang Andreassen