Gloppen kommune. Møtebok. Utval Formannskapet Møtestad På Søreide Dato Tid Kl. 14:00-17:10. Følgjande medlemar møtte

Transkript

1 Gloppen kommune Utval Formannskapet Møtestad På Søreide Dato Tid Kl. 14:00-17:10 Møtebok Følgjande medlemar møtte Leidulf Gloppestad Magni Aa Berge Bernt Reed Svein-Ottar Sandal Venke Kollbotn Arnfinn Jørgen Brekke Arnar Hans Kvernevik Gunnvor Sunde Bjarte Gangeskar Frå SP SP SP KRF KRF KRF AP SD V Andre som møtte Hege Lothe, for SV under drøftinga av årsbudsjettet og gebyr- og batalingssatsane (sakene 119/17 og 120/17) Kristian Aamand Petersen i KA Bygg (sak 114/17) Ann Mari Bjørlo, einingsleiar/juridisk rådgjevar (sak 114/17) Jan Kåre Fure, rådmann Møteleiar: Leidulf Gloppestad Underskrift: Leidulf Gloppestad

2 Sakliste Sak nr. Sakstittel 113/17 Godkjenning av møteprotokoll, innkalling og sakliste 114/17 Referat og orienteringssaker 115/17 Møteplan for /17 Oppstart av planarbeid - omregulering av friområde/leikeplassar i Åsen 117/17 Nye vedtekter for IKT Nordfjord 118/17 Plan for samordning av tenester og opplæring til barn og unge 119/17 Vedtak om gebyr og betalingssatsar for /17 Årsbudsjettet for utlegging til offenleg gjennomsyn Side 2

3 Gloppen kommune Arkiv: FE JournalpostID: 17/14592 Saksbehandlar: Anvor Hauge Saksnr. Utval Møtedato 113/17 Formannskapet Godkjenning av møteprotokoll, innkalling og sakliste Vedlegg i saka: Protokoll - Formannskapet Ordføraren si tilråding: 1. Formannskapet godkjenner møteboka frå sitt møte den 20. november Formannskapet godkjenner innkallinga og saklista til møtet den 27. november Møteprotokollen frå siste møtet blir lagt fram til godkjenning. Samstundes ber ordføraren om godkjenning av innkallinga og saklista til dette møtet. Formannskapet FOR- 113/17 Vedtak 1. Formannskapet godkjenner møteboka frå sitt møte den 20. november Formannskapet godkjenner innkallinga og saklista til møtet den 27. november Vedtaket var samrøystes. Side 3

4 Gloppen kommune Arkiv: FE JournalpostID: 17/14635 Saksbehandlar: Jan Kåre Fure Saksnr. Utval Møtedato 114/17 Formannskapet Referat og orienteringssaker Rådmannen legg ikkje fram tilråding i saka. Referatsaker Tittel Helfo legger fram anbefaling til ny kontorstruktur Status for utgreiingar i SFE Avsendar/mottakar Anita LotheHelfo Leidulf GloppestadSogn og Fjordane Energi AS Orienteringssaker: Ordet fritt... Formannskapet Før møtet vart sett orienterte Kristian Aamand Petersen i KA Bygg om planen for utbygging av Elvaneset, og svarte på spørsmål om avtalen som no er til politisk behandling. Planleggingsmidlar på fv 615 Ordføraren gav ros for det politiske arbeidet for å få på plass planlegging av prosjekta. Overskjønn i Selvgane Rådmannen orienterte kort om overskjønnet som er 27. og 28. november i år. Dialogmøte med Helse Førde Arnfinn Brekke orienterte kort frå dialogmøtet med Helse Førde den 24. november i år. Under ordet fritt... Arnar Kvernevik tok opp spørsmålet om å danne eit utbyggingsselskap som kan stå for utbygging av aktuelle prosjekt, i første omgang 'blålysbygget' og bygget til Strukturplast AS m.fl. Han bad ordføraren ta initiativ til å greie ut dette. FOR- 114/17 Vedtak Det vart ikkje gjort vedtak i saka. Side 4

5 Gloppen kommune Arkiv: HIST - 15/1046 JournalpostID: 17/14614 Saksbehandlar: Jan Kåre Fure Saksnr. Utval Møtedato 115/17 Formannskapet Møteplan for 2018 Vedlegg i saka: Utkast til møteplan for 2018 Rådmannen si tilråding Formannskapet godkjenner rådmannen sitt framlegg til møteplan for Saksutgreiing Bakgrunn for saka Rådmannen legg som vanleg fram eit forslag til møteplan for Kort om framlegget Onsdag er no møtedag også for kommunestyret og formannskapet, slik at det berre er MULTEKutvalet og administrasjonsutvalet som ikkje har onsdag som møtedag. Planen seier ikkje noko om møtetidspunkt, men det er lagt opp til at møta som hovudregel startar kl 09:00. Møteplanen tar omsyn til skuleferiane og fylkeskommunen sin møteplan. Talet på møte er om lag det same som tidlegare, og i samsvar med det som er budsjettert i møtegodtgjersle og tapt arbeidsforteneste. Planen legg til grunn at revidert 2018-budsjett skal vedtakast 28. februar, med utlegging som ved den ordinære budsjettbehandlinga. Det betyr at det praktiske arbeidet med å balansere 2018-budsjettet må vere klart til formannskapsmøtet den 7. februar Det er teke omsyn til framskunda behandling av 2019-budsjettet slik det har vore snakka om under årets budsjettbehandling. Erfaringane tilseier at møteplanen ikkje er «hoggen i stein». Vi må derfor vere budde på endringar, men vi bør prøve å avgrense dette sidan mange har ein stram timeplan også elles. --- Tradisjonelt har det vore formannskapet som har vedteke møteplanen, og så har denne vore referert for kommunestyret. Rådmannen reknar med at denne praksisen framleis gjeld sjølv om vi ikkje har noko kommunestyrevedtak på at det skal vere slik. Formannskapet Side 5

6 FOR- 115/17 Vedtak Formannskapet godkjenner rådmannen sitt framlegg til møteplan for Vedtaket var samrøystes. Side 6

7 Gloppen kommune Arkiv: FA - L13, PLANID , PLANNAVN - Detaljreguleringsplan for tidlegare friområde i Åsen JournalpostID: 17/14526 Saksbehandlar: Bjørn Aurlien Saksnr. Utval Møtedato 116/17 Formannskapet Oppstart av planarbeid - omregulering av friområde/leikeplassar i Åsen Vedlegg i saka: Kart planområde Rådmannen si tilråding Gloppen formannskap vedtek i samsvar med plan- og bygningslova 12-1 og 12-3 oppstart av arbeid med detaljreguleringsplan for tidlegare friområde i Åsen. Planområdet er vist på kart datert Saksutgreiing Bakgrunn for saka Med ujamne mellomrom har kommunen gjennom mange år fått spørsmål om to leikeområde i Åsen på Sandane som anten ikkje er brukt i det heile eller er svært lite brukt. Rådmannen foreslår nå å sette i gang eit kommunalt detaljreguleringsarbeid for å vurdere framtida til desse områda, samt den tidlegare barneparken i same området. Fakta i saka Dei to regulerte leikeområda ligg inntil Furelia og mellom Kreklingen og Furelia. Samla kommunalt areal er om lag 4 dekar. Leikeplassane har ikkje vore opparbeidd og tilrettelagt av kommunen, og i følgje naboar som har kontakta kommunen nesten aldri vore brukt etter intensjonen. Attgroing er eit problem, og kontakten som har vore mellom kommunen og naboar går på ønskje om tilleggsareal og omregulering til bustadtomt. I det same området ligg det også ein regulert gangveg som ikkje er bygd. Den tidlegare leikeparken er om lag 1 dekar, og vil vere ei flott einebustadtomt. Det vart vurdert å omregulere området også i 2009 rett etter at parken var nedlagt, men det vart ikkje gått vidare med arbeidet då. Økonomiske konsekvensar for kommunen Det ligg eit ikkje ubetydeleg inntektspotensiale i sal av tomteareal i dette området, men kor stort det kan vere er ikkje vurdert i detalj. Intektene vil sjølvsagt vere avhengig av tal tomter, utnyttingsgrad og liknande. Rådmannen reknar med at det kan kome krav om å vidareføre i alle fall delar av leikeområda. Dette må vi i så fall ta stilling til seinare. Her er som nemnt også ein regulert gangveg mellom Kreklingen og Orevegen som anten bør opparbeidast som del av dette prosjektet, eller utgå frå planane. Rådmannen si vurdering Rådmannen foreslår å starte reguleringsarbeid for området markert på vedlagt kart. Formålet med planarbeidet vil vere å redusere arealet friområde slik at kommunen skal kunne selje tilleggsareal til Side 7

8 eksisterande tomter og 3-4 nye bustadtomter. Rådmannen meiner i utgangspunktet at gangvegen bør etablerast, då det manglar ein snarveg for gåande og syklande her. Dette vil bli nærare vurdert i planarbeidet. Rådmannen sitt inntrykk er at Åsen Vel legg all sin energi i det store sentrale friområdet rundt Myra, og at behovet for leikeplassar i tillegg til dette området er svært begrensa. Det er ikkje observer ein aktiv bruk av den tidlegare barneparken som tilseier at denne bør takast vare på, men dette vil sjølvsagt bli nærare drøfta i planarbeidet. Formannskapet Arnar Kvernevik stilte spørsmål om lovheimelen for oppstart av omreguleringsplanen sidan det i delegasjonsreglementet er vist til andre paragrafar for dette enn i denne saka. FOR- 116/17 Vedtak Gloppen formannskap vedtek i samsvar med plan- og bygningslova 12-1 og 12-3 oppstart av arbeid med detaljreguleringsplan for tidlegare friområde i Åsen. Planområdet er vist på kart datert Vedtaket var samrøystes. Side 8

9 Gloppen kommune Arkiv: FE - 026, HIST - 12/742 JournalpostID: 17/14508 Saksbehandlar: Jan Kåre Fure Saksnr. Utval Møtedato 117/17 Formannskapet Kommunestyret Nye vedtekter for IKT Nordfjord Vedlegg i saka: Vedtekter for IKT Nordfjord Vedtekter for fellles IKT-driftssenter i Nordfjordkommunane Rådmannen si tilråding Gloppen kommunestyre godkjenner for sin del vedlagde vedtekter for interkommunalt IKTsamarbeid i Nordfjordkommunane. IKT Nordfjord blir oppretta så snart alle kommunestyra i samarbeidet har godkjent vedtektene. Frå same tidspunkt blir «vedtekter for felles IKT-driftssenter i Nordfjordkommunane», vedtekne av kommunestyret i Gloppen den 17. desember 2012 oppheva. Saksutgreiing Bakgrunn for saka Rådmannsgruppa har i lengre tid arbeidd med å endre organiseringa av IKT-samarbeidet i Nordfjord. Arbeidet er no kome så langt at nye vedtekter for samarbeidet er klar til politisk behandling. Fakta i saka Kort historisk oppsummering Kommunane i Nordfjord, her inkludert Bremanger kommune, har i lang tid hatt eit godt og omfattande samarbeid på nær sagt alle område som har med IKT å gjere. I 2013 vart dette samarbeidet formalisert ved etableringa av Nordfjordnett, der kommunane sine IKT-ressursar på driftssida vart samla. Etter ein konkurranse kommunane i mellom vart driftssenteret plassert i Måløy, med eit backup-senter på Eid. Fellestilbodet frå Vågsøy og Eid kommunar, som vart valt, gjaldt for ein 5-årsperiode, som går ut i I samband med etableringa av Nordfjordnett vart det utarbeidd vedtekter for samarbeidet. Det var rådmannsgruppa som skreiv desse. Etter at førsteutkastet var sendt ut til kommunane vart rådmannsgruppa samde om eit nytt framlegg, som vart ettersendt. Dessverre resulterte dette i at kommunestyra fekk seg førelagt ulike utkast til vedteker. Kommunestyra i Stryn og Vågsøy behandla det første framlegget til vedteker, medan dei andre kommunestyra behandla det nye framlegget. Det er ulike oppfatningar om kvifor det vart slik. Uansett vart resultatet at vi har hatt to ulike vedtekter for Nordfjordnett. Hovudskilnaden på dei to variantane er rolla til vertskommunen for Nordfjordnett. Arbeidet med nye vedtekter Då Nordfjordnett vart etablert, hadde i alle fall rådmennene i samarbeidet, store ambisjonar for kva Side 9

10 driftssenteret skulle ta seg av. Det var ikkje unaturleg sidan alt driftspersonalet rundt om i kommunane skulle flyttast til driftssenteret og ha Måløy som ny arbeidsstad. I tida etter at Nordfjordnett vart etablert, har det vore stor utskifting i rådmannsgruppa i Nordfjord. Gruppa har vore sentral i styringa av IKT-samarbeidet, og er samde om at organiseringa av IKTsamarbeidet kan bli betre. Vi må sjølvsagt først og fremst ha like vedtekter for Nordfjordnett. I arbeidet med å samordne dei to variantane av vedtektene, viste det seg med ein gong at ulike vedtekter berre var ein del av utfordringa som må løysast. IKT-samarbeidet er mykje meir omfattande enn eit reint driftssamarbeid. I tillegg kjem strategidelen av samarbeidet, eigarskapen og drift av Nordfjordfiberen som bind kommunane i hop og ulike ordningar der enkeltkommunar handterer løysingane for fellesskapet. Dette har vore eit eit system med mange aktørar, som kvar for seg har gjort sitt beste for samarbeidet. Rådmennene er likevel samde om at summen ikkje har blitt god nok. Rådmannsgruppa har konkludert med at alt IKT-samarbeidet må samlast under eitt styre og ein leiar, og kallast IKT Nordfjord. Nye vedtekter er utarbeidd med dette som utgangspunkt og føresetnad. Spørsmålet om å organisere samarbeidet som eit IKS har vore drøfta, men rådmennene ønskjer ikkje ei slik organisering i dag. Det er fleire årsaker til dette, m.a. er lovgjevinga for IKS under revisjon. Vi står også mykje friare i å organisere samarbeidet viss vi ikkje gjer dette til eit IKS. Truleg blir det også billigare for alle. Vedtektene legg derfor til grunn at samarbeidet skal vere etter 27 i kommunelova, med to kontorkommunar: Eid for dagleg leiar og strategidelen av samarbeidet og Vågsøy for driftsdelen av samarbeidet, som framleis blir heitande Nordfjordnett. Kontorkommunane skal likevel ikkje ha noko med styringa og administreringa av IKT Nordfjord å gjere. Arbeidet med å få på plass ei ny organisering har teke si tid. Rådmannsgruppa har prøvd å involvere alle som i dag har roller og funksjonar i IKT-samarbeidet. Med så mange aktørar skal det sjølvsagt godt gjerast at alle er samde. Slik rådmannsgruppa har oppfatta det, er alle samde om at ei ny organisering må på plass, og ingen er avvisande til det framlegget som no ligg føre. Rådmannsgruppa er samde om å vere styre for IKT Nordfjord saman med ein representant for dei tilsette. Etter kvart som den nye organisasjonen kjem i godt gjenge, kan det naturlegvis bli aktuelt å ha andre i styret enn rådmennene sjølve. Eit 27-samarbeid føreset at alle kommunane er representerte i det øvste organet for samarbeidet. Endringar i kommunestrukturen Frå 1. januar 2020 vil kommunestrukturen i Nordfjord bli endra. Dette vedkjem sjølvsagt også IKT Nordfjord, og nye vedtekter må på plass når det er klart korleis vi då skal organisere oss på dette området. Kort om dei nye vedtektene Dei nye vedtektene er korta ned og kan seiast å vere minimumsvedtekter. Det nærare innhaldet i samarbeidet vil bli regulert gjennom ein samarbeidsavtale og ein tenesteavtale. Meininga er at rådmennene inngår desse avtalane. Vedtektene er tydelege på styringa av IKT Nordfjord. Det er styret og dagleg leiar som styrer og administrerer samarbeidet. Kontorkommunane Eid og Vågsøy si rolle er av formell karakter. Personellmessig er desse kommunane formell arbeidsgjevar, men arbeidsgjevarrolla blir utøvd av styret (overfor dagleg leiar) og av dagleg leiar (overfor dei andre i samarbeidet). Det er på dette Side 10

11 punktet dagens to vedtektsvariantar er ulike. Reglane om oppseiing og utmelding følgjer kommunelova sine reglar. Som sagt ovanfor må vedtektene endrast når ny kommunestruktur er iverksett. Økonomiske konsekvensar for kommunen Dei nye vedtektene har i seg sjølv ingen økonomiske konsekvensar for kommunen. Målet er at ei strammare og ryddigare organisering og styring av samarbeidet vil gje både betre tenester og føre til at vi får meir ut av IKT-samarbeidet. Særleg er det viktig å følgje med på digitaliseringa av offentleg sektor. Det er ei klar målsetting frå rådmennene si side at vi skal hente større gevinstar ut av IKTbruken vår enn det vi får til i dag. Alle kommunane har sett av midlar i sine 2017-budsjett til to nye stillingar i IKT-samarbeidet i Nordfjord. Ei av desse blir ny dagleg leiar for IKT Nordfjord. Rådmannen si vurdering Rådmannsgruppa har brukt mykje tid både på å drøfte IKT-samarbeidet og på å ta stilling i konkrete saker som vi samarbeider om på fagområdet. Behovet for å forenkle og strukturere samarbeidet er udiskutabelt. Samstundes er det viktig at vi i lag er med på og førebur oss til den utviklinga i bruk av teknologi og smarte løysingar som kjem. Rådmannsgruppa står samla bak dei endringane som det no blir gjort framlegg om. Formannskapet FOR- 117/17 Vedtak Rådmannen si tilråding vart samrøystes innstilt. Side 11

12 Gloppen kommune Arkiv: HIST - 15/48 JournalpostID: 17/13869 Saksbehandlar: Åslaug Haugset Saksnr. Utval Møtedato 045/17 Helse- og omsorgsutvalet /17 Oppvekstutvalet Kommunestyret 030/17 Rådet for menneske med nedsett funksjonsevne /17 Formannskapet Plan for samordning av tenester og opplæring til barn og unge Vedlegg i saka: Plan for samordning av tenester og opplæring til barn og unge Rådmannen si tilråding Kommunestyret godkjenner vedlagde «Plan for samordning av tenester og opplæring til barn og unge». Saksutgreiing Bakgrunn for saka Bakgrunn for «Plan for samordning av tenester og opplæring til barn og unge» er at det i fagmiljøa har vore peika på behovet for ein slik heilskapleg plan, både i høve barn og unge med nedsett funksjonsevne og i høve barn, unge, foreldre og familiar det er knytt bekymring til. Auka tverrsektorielt samarbeid og meir heilskaplege tenester er òg eit mål i kommunen sin planstrategi for Det vart lagt ut eit høyringsutkast i november På grunn av manglande brukarmedverknad i planprosessen, og særs mange høyringsinnspel vart det sett ned ei ny arbeidsgruppe som omarbeidde delar av planen. Før det nye utkastet vart lagt ut på høyring på nytt, vart det sendt ut til dei aktuelle tenestene, slik at dei fekk høve til å kome med innspel. Fakta i saka Målet med planen er å sikre eit individuelt tilpassa tilbod til den enkelte, med god kvalitet og kontinuitet, og å skape føreseielege rammer for barn og unge, familiane deira og tilsette i tenestene. Det er òg eit mål å styrke det tverrsektorielle samarbeidet, og å auke kompetansen blant tilsette. Planen består av to delar. Del 1 er retta mot barn og unge med nedsett funksjonsevne. Her er hovudpunkta: Ei god og systematisk koordinatoropplæring. For å styrke den tverrsektorielle samordninga skal det byggjast vidare på erfaringane frå prosjektet tverrsektorielle team, med fokus på individuell tilpassing. Auka fokus på kvalitet og inkludering i barnehage og skule Tidleg planlegging av eigen bustad God planlegging av arbeid eller aktivitetstilbod etter avslutta skulegong. Side 12

13 Meiningsfull aktivitet på dagtid for dei som ikkje har høve til eit arbeidsretta tilbod Del 2 er retta mot barn, unge, foreldre og familiar det er knytt bekymring til. Planen viser viktige satsingsområde for å etablere ei betre tverrfagleg samordning, for å sikre at barnet/familien sine behov står i fokus. Kompetanse til å oppdage og handle når barn eller familiar strever, handlar om både fagkompetanse og systemkompetanse: Tenestene må sikre at ein unngår brot i oppfølging av det enkelte barn/familie. Gode tverrsektorielle samarbeidsmodellar skal implementerast i organisasjonen. Vi skal halde fram arbeidet med prosjektet Betre tverrfagleg innsats (BTI) og vurdere å søkje nye prosjektmiddel til arbeid med område som BTI har avdekkja at vi treng å setje fokus på. Samarbeidsarenaer skal vidareutviklast. Spreie informasjon om dei ulike tenestene, både internt i kommunen og ut til brukarane. Kommunale tilbod innan foreldrerettleiing i dei ulike tenestane skal samordnast, og det skal vidareutviklast kompetanse på feltet. I denne høyringsperioden har det kome inn ei høyringsuttale frå Fellesorganisasjonen Gloppen (FO). FO peikar på at koordinatorane må få sett av arbeidstid til å utøva rolla, og at det bør vurderast lønskompensasjon som funksjonstillegg. Punktet om arbeidstida er teke inn i planen, men løn er ikkje eit tema i denne planen. Videre ynskja FO ei omformulering i kap som presiserer likeverd mellom ulike faggruppe i skulen. Denne endringa er gjort. Dei ynskjer og eit betre logopedtilbod. Planen legg ikkje opp til ei styrking av logopedtilbodet, men logoped er teke inn på line med andre faggrupper i kap Det har no gått eit år sidan planen vart handsama første gong, og prosjektet Betre tverrfagleg innsats (BTI) har kome mykje lenger enn det som var beskreve i del to av planen. Det som står om BTI i vedlagte plan er difor oppdatert i høve det som stod i høyringsutkastet. Økonomiske konsekvensar for kommunen Planen legg opp til eit arbeid på systemnivå som vil krevje ressursar i form av arbeidstid. Utviklingsarbeid knytt til prosjekt som er omtala i planen er delfinansiert gjennom tilskot. Planen tydeleggjer rettar for brukarar, og ansvar som kommunen allereie har. Den gir ikkje nye rettar som gir økonomiske konsekvensar vi kan talfeste. Auka ressursbruk som følgje av endring i korleis kommunen utfører pliktane sine inn mot målgruppene i planen må innarbeidast i økonomiplanen. Rådmannen si vurdering Arbeidet med denne planen har teke lang tid, men det samarbeidet med brukarrepresentantane som kom i stand i etterkant av den første høyringsperioden har vore positivt. Planen som no vert lagt fram vil vere ein god reiskap for samordning av tenester til barn og unge. Planen går langt i å omtale arbeidsfordeling og organisering av tenestene som kommunen yter til barn og unge. For ordens skuld gjer rådmannen merksam på at mykje av dette ligg til rådmannen og resten av adminitrasjonen å gjere vedtak om, ikkje til kommunestyret. Når planen er så pass konkret og detaljert, skuldast dette sjølvsagt at vi må ha ein plan som både viser korleis tenesteytinga er i dag og korleis vi ser føre oss denne skal bli framover. Planen endrar sjølvsagt ikkje det faktum at folkevalde organ berre kan delegere oppgåver og mynde til rådmannen, ikkje direkte til andre stillingar og funksjonar i kommunen. Rådet for menneske med nedsett funksjonsevne Side 13

14 RAD- 030/17 Vedtak Rådet for menneske med nedsett funksjonsevne rår kommunestyret til å godkjenne planen. Vedtaket var samrøystes. Helse- og omsorgsutvalet HOU- 045/17 Vedtak Helse- og omsorgsutvalet er samd i tilrådingsa. Vedtaket var samrøystes. Oppvekstutvalet OPP- 043/17 Vedtak Oppvekstutvalet er samd i tilrådinga. Vedtaket var samrøystes. Formannskapet FOR- 118/17 Vedtak Rådmannen si tilråding vart samrøystes innstilt. Side 14

15 Gloppen kommune Arkiv: FE - 231, HIST - 15/139 JournalpostID: 17/14435 Saksbehandlar: Jan Kåre Fure Saksnr. Utval Møtedato 046/17 Helse- og omsorgsutvalet /17 Oppvekstutvalet /17 MULTEK-utvalet /17 Formannskapet Vedtak om gebyr og betalingssatsar for 2018 Vedlegg i saka: Gebyr og betalingssatsar for Sak Renovasjonsgebyr ,5 prosent Gebyr for tenester etter plan- og bygningslova og lov om eigarseksjonar Gebyrregulativ for arbeid etter matrikkellova og eigarseksjoneringslova Rådmannen si tilråding Formannskapet legg rådmannen sitt framlegg til gebyr og betalingssatsar for 2018 ut til offentleg gjennomsyn fram til 12. desember Saksutgreiing Bakgrunn for saka Som ein del av budsjettet for 2018 legg rådmannen fram forslag til gebyr og betalingssatsar i Fakta i saka I rådmannen sitt framlegg til årsbudsjett for 2018 er det lagt til grunn ein lønnsauke frå 2017 på om lag 3 % Dei fleste av betalingsområda i kommunen er lønnstunge. Det betyr at utgiftsveksten i all hovudsak vil følgje lønnsveksten. Dette ligg også til grunn for rådmannen sitt framlegg til gebyr og betalingssatsar. VAR-områda (Vatn, Avløp og Renovasjon) skal gå i balanse, altså skal brukarane betale det desse områda kostar. Husleigesatsane er auka i samsvar med auken i konsumprisindeksen frå september 2016 til september Dette gje ein auke på 1,6 %. I fjor gav tilsvarande indeksar ein husleigeauke på 3,6 % (september 2016 september 2017). Renovasjonsgebyret er i framlegget frå styret i Nordfjord Miljøverk auka med 6,5 % på grunn av auka kostnader utover rein lønns- og prisvekst. Frå 1. mars 2018 tek NoMil over slamtømminga i Gloppen. Dette vil gje endringar i gebyra for slam. Eiga sak om dette blir lagt fram tidleg i Fellesrådet i Gloppen ber om at avgifta for gravfeste blir auka frå 100,- til kr 150,- per år. Dette er med i gebyrheftet. I kap 3.2 under avsnittet om «Middag, tørrmat og opphald på dagsenter» er tidlegare «Råvarepris» på middag m/dessert tildelt etter helse- og omsorgstenestelova for dei med inntekt under 2G endra til «Sjølvkostpris». Prisen er auka med 20 kroner i tillegg til det generelle påslaget. Desse 20 kronene dekkjer i tillegg til at prisen på matvarer har auka meir enn gjennomsnittleg prisvekst også embalasje, utstyr og straum, men ikkje arbeidet med å lage maten til. Side 15

16 Det er ikkje nye gebyr- og betalingsområde i 2017, men framlegget frå fellesrådet om å auke avgifta for gravfeste er altså teke med i regulativet. Reguleringsdato for alle endringar er 1. januar Økonomiske konsekvensar for kommunen Betalingssatsane er ein viktig del av kommunen sine inntekter, og avgjerande for å halde oppe tenestene på fleire område. I tillegg er kommunen pålagt å krevje inn dekking av utgiftene på avgiftsområda (kap 3.1 i regulativet). Rådmannen si vurdering Rådmannen håpar det vedlagde regulativet er oversiktleg og opplysande, og legg derfor ikkje opp til å kommentere framlegget særskilt. To forhold må likevel omtalast:: 1. Effekten av å endre «råkost» til «sjølvkost» på middagsserveringa gjev kommunen ei årleg meirinntekt på om lag Denne meirinntekta er ikkje lagt inn i rådmannen sitt budsjettframlegg. 2. Rådmannen har fått spørsmål om kor mykje 1 % ekstra i påplussing på betalingsområda vil utgjere i meirinntekter samla. Det er ikkje råd å seie dette nøyaktig. I budsjettframlegget ligg det inne om lag 68,6 mill på alle betalingsområde. Trekkjer vi frå dei områda der betalingssatsane på ein eller annan måte er regulerte (VAR-områda, husleigene, barnehagesatsane og brukarbetalinga på helse og omsorg) kjem beløpet ned i om lag 18,7 mill. 1 % blir då knapt ,-. Helse- og omsorgsutvalet HOU- 046/17 Vedtak Helse- og omsorgsutvalet er samd i tilrådinga. Vedtaket var samrøystes. Oppvekstutvalet OPP- 045/17 Vedtak Oppvekstutvalet er samd i tilrådinga. Vedtaket var samrøystes. MULTEK-utvalet Tillegg til vedtaket, framlegg frå Mariel Eikeset Koren, Miljøpartiet dei Grøne Formannskapet legg rådmannen sitt framlegg til gebyr og betalingssatsar for 2018 ut til offentleg Side 16

17 gjennomsyn fram til 12. desember MULTEK-utvalet bed samstundes om at det vert utgreidd for parkeringsavgift i Sandane sentrum, og at dette vert teke med som ein del av rådmannen sitt framlegg til gebyr og betalingssatsar for Auke i renovasjonsgebyret 2018, framlegg frå Kent Øystein Hjelle, Senterpartiet Multek-utvalet registrerar at NOMIL legg opp til ei auke i renovasjonsgebyret for 2018 som ligg vesentleg over forventa lønns og prisvekst, dette var og tilfelle for Multek ynsjer derfor at Gloppen kommune signaliserer ei forventning til Nomil om at auken i renovasjonsgebyret for 2019 ikkje blir så stor. Framlegg frå Dagfnn Nyhammer (H): Til pkt 3.2 Utleige av Trivselshagen, bruk av hallane og klatreveggen: Leiga for heil hall (storhall) blir redusert til kr 6.345,- per dag (3 x enkelthall) Framlegget fekk tre røyster og fall. Det vart ikkje røysta over framlegget frå Mariel Eikeset Koren. Framlegget frå Kent Øystein Hjelle vart samrøystes vedteke. KULT- 096/17 Vedtak MULTEK-utvalet er samd i tilrådinga, med slikt tillegg: MULLTEK-utvalet registrerer at NoMil legg opp til ein auke i renovasjonsgebyret for 2018 som ligg vesentleg over forventa lønns- og prisvekst, dette var òg tilfelle for MULTEK-utvalet ynskjer derfor at Gloppen kommune signaliserer ei forventning til NoMil om at auken i renovasjonsgebyret for 2019 ikkje blir så stor. Vedtaket var samrøystes. Formannskapet Gruppeleiarane i Høgre, Venstre og Miljøpartiet Dei Grøne var inviterte till å drøfte saka i finansutvalet. Hege Lothe møtte for SV. FOR- 119/17 Vedtak Formannskapet legg rådmannen sitt framlegg til gebyr og betalingssatsar for 2018 ut til offentleg gjennomsyn fram til 12. desember Vedtaket var samrøystes. Side 17

18 Gloppen kommune Arkiv: FE - 151, HIST - 16/971 JournalpostID: 17/14765 Saksbehandlar: Jan Kåre Fure Saksnr. Utval Møtedato 120/17 Formannskapet Årsbudsjettet for utlegging til offenleg gjennomsyn Vedlegg i saka: Rådmannen sitt framlegg til årsbudsjett for 2018 Kort samandrag av saka Denne saka er ei oppsummering av behandlinga av rådmannen sitt budsjettframlegg for 2018 fram til formannskapet skal gjere vedtak om utlegging av sitt framlegg til offentleg gjennomsyn. Høyringsfristen skal vere minst 14 dagar. Etter arbeidsplanen er høyringsperioden frå 28. november til 12. desember. Rådmannen si tilråding Formannskapet legg rådmannen sitt framlegg til årsbudsjett for 2018 ut til offentleg gjennomsyn med følgjande endringar:.... Høyringsperioden er frå 28. november til 12. desember Formannskapet sluttar seg til rådmannen sin for å plan for gjennomgang av drifta og ny behandling av 2018-budsjettet. Saksutgreiing Bakgrunn for saka Rådmannen presenterte sitt framlegg til årsbudsjett for 2018 for kommunestyret den 13. november i år. Det er formannskapet som kjem med framlegg til kommunestyret om årsbudsjett for neste år. Som vanleg er det lagt opp til at råda og hovudutvala kjem med uttale til budsjettframlegget før formannskapet gjer vedtak om utlegging til offentleg gjennomsyn. Fakta i saka Rådmannen skriv dette i samandraget i budsjettdokumentet: Rådmannen sitt framlegg til årsbudsjett for 2018 er balansert ved å bruke 7,9 millionar av disposisjonsfondet. Det er likevel ei klar målsetting at det ikkje skal vere nødvendig å bruke dette beløpet til neste år. Dette føreset at rådmannen med sine leiarar, i fellesskap med dei folkevalde, i løpet av vinteren tar ein totalgjennomgang av kommunen si drift. Målsettinga må vere i første omgang å balansere 2018-budsjettet utan å bruke disposisjonsfondet til ordinær drift, og i tillegg sjå på ytterlegare tiltak som kan gje rom for dei investeringane som no er utsette. Tiltaka som skal balansere 2018-budsjettet må vere klare før påske. Side 18

19 Det er fleire årsaker til at rådmannen ikkje har greidd å legge fram eit framlegg til årsbudsjett utan å legge inn bruk av disposisjonsfondet: Tilskotet/refusjonen for mottak og busetting av flyktningar går vesentleg ned i høve til 2017, både som følgje av at flyktningane våre no har budd her så lenge at tilskotet tar slutt, og som følgje av omlegginga av tilskotet til mindreårige asylsøkjarar. Vi har ikkje greidd å ta ned utgiftene så mykje som inntektsnedgangen på til saman 8,5 mill. tilseier. I 2017 kom det såkalla Myklebusttunet på Kleivedammen i drift. Føresetnaden som vart lagt til grunn både i budsjettet for 2017 og i sist vedtekne økonomiplan om drift av tilbodet har ikkje vore råd å gjennomføre. Drifta av det nye tilbodet kostar rundt 5 mill. i året. Vi har i ei årrekkje lagt alt for lavt tilskot til private barnehagar inn i budsjettet. I 2017 er feilbudsjetteringa rundt 6 mill. I framlegget for 2018 er dette korrekt budsjettert. Tenestene kommunane yter på oppvekstområdet og helse- og omsorgsområdet er i all hovudsak styrde av lovfesta rettar og sentrale reglar. Tilboda kan ikkje takast vekk eller reduserast med grunngjeving i manglande budsjettmidlar. Det er eit faktum at vi ikkje kan drive desse tenestene utan meir ressursar når talet på barn og elevar og behovet for kommunal omsorg aukar. Dette er hovudårsaka til at kommunebudsjetta landet rundt ikkje går i hop når løyvingane ikkje aukar meir enn lønns- og prisveksten og knapt nok det. Tiltak og forutsetningar i rådmannen sitt framlegg I budsjettframlegget er det gjort tiltak og lagt inn fleire forutsetningar for å kome ned på den bruken av disposisjonsfondet som ligg no inne: Skatteveksten ut over det budsjetterte i 2017 (på 5,5 mill. per oktober) er vidareført til 2018 Tilbodet og tiltaka til tidlegare mottekne flyktningar er redusert noko, men ikkje så mykje som inntektsnedgangen tilseier Det er budsjettert optimistisk for lønnsveksten i % auke er lagt inn frå 1. mai Lønnskostnadene til nokre tilsette som jobbar mykje med prosjekt er ført på prosjekta. Samanlikna med 2017 er dette auka med 1,5 mill. Styret i Trivselshagen har lagt inn ein kraftig auke i husleiga i høve til For kommunen utgjer auken 1,3 mill. Berre auke for lønns- og prisvekst er lagt inn. Det betyr at styret for Trivselshagen må ta igjen sitt budsjett På grunn av seinare framdrift på nokre av investeringsprosjekta er det lagt inn seinare låneopptak og 1 mill. mindre i avdrag Det er budsjettert optimist på utbytte og på sal av konsesjonskraft Auken i eigedomsskatten på bustader og fritidseigedomar er lagt inn som forutsett i økonomiplanen. Utover dette er 2018-budsjettet i all hovudsak ei vidareføring av drifta frå 2. halvår Mottak av flyktningar Det er lagt til grunn at vi tar imot 15 nye flyktningar i 2018 slik staten har bede om. To av desse er mindreårige asylsøkjarar. I tillegg til dette kan kome familie til flyktningar som alt er busette her. Dette er ikkje lagt inn i budsjettet, verken på inntekts- eller utgiftssida. Gjennomgangen som Gloppen kommune har vore med på som ein del av berekningsutvalet sitt arbeid med å kartlegge kommunane sine inntekter og kostnader med mottak og busetting av flyktningar, viser at vi går om lag i balanse så lenge staten betalar tilskot. Med god intergering og sysselsetting bør vi då ikkje har ekstrautgifter på mottak av flyktningar. Vi er ikkje der i budsjettet, men målsettinga må vere å kome dit i den gjennomgangen som rådmannen varsla innleiingsvis. Nye stillingar I budsjettet for 2017 la vi for første gong inn ei oversikt over kor mange årsverk som ligg i budsjett- Side 19

20 framlegget og samanlikna dette med talet på årsverk i budsjettet frå året før. I årets budsjett ligg det vel 497 årsverk. Tilsvarande for 2017-budsjettet var vel 486 årsverk. Auken er altså nesten 11 årsverk. Mesteparten av dette er i helse og omsorg. I kap. 6 er endringane i årsverk kommentert og forklart. Auken i årsverk har i stor grad skjedd i løpet av budsjettåret Investeringsbudsjettet Sjølv om rådmannen gjer framlegg om å utsette rehabiliteringa av skuleanlegget i Hyen og bygginga av nytt omsorgsbygg, kjem framlegget til investeringsbudsjett for 2018 på nesten 116 mill. Oppsummert ser framlegget slik ut: Sum Finansiering investering Momskomp. Tilskot/ref. Fond Gamle lån Nye lån Sum finansiering Bustader og bustadfelt VAR-området Andre investeringar SUM Samla låneopptak er 85,4 mill. Av dette beløpet er vel 25 millionar investeringar som ikkje gjev inntekter som dekkjer renter og avdrag. Dei største prosjekta er i 2018: Prosjekt Budsjettert Beløp i Merknad kostnad 2018 Nytt industribygg 26 mill 26 mill Leigeinntektene skal dekke alle utgiftene Renseanlegget på 27,4 mill 23,4 mill Gebyret skal dekke alle utgiftene Byrkjelo Heradshuset 27,8 mill 14 mill Forsikringa dekkjer 40% av totalsummen (27,8 mill) Ombygging av dagsenteret 12,5 mill 9,2 mill Gjev husleige for 4 nye husvære Oppdatert kostnadsoverslag for nytt omsorgsbygg er i underkant av 81,3 mill. Vi har ikkje oppdaterte tal for skuleanlegget i Hyen. I økonomiplanen er kostnaden lagt inn med knapt 53,8 mill. Oppsummering av den politiske behandlinga av årsbudsjettet så langt Rådmannen sitt budsjettframlegg har no vore behandla i hovudutvala (unnateke administrasjonsutvalet) to gonger, i eldrerådet og i rådet for menneske med nedsett funksjonsevne og i formannskapet ein gong. Alle vedtaka så langt har vore samrøystes til slutt. Rådet for menneske med nedsett funksjonsevne (sak 28/17): Rådet for menneske med nedsett funksjonsevne er opptekne av at utsette grupper blir skjerma i nedskjæringar og gebyrauke. Eldrerådet (sak 19/17): Eldrerådet tek saka til orientering. Eldrerådet føresett at framdriftplan for nytt omsorgsbygg vert oppretthalde. Helse- og omsorgsutvalet (sak 47/17): Helse- og omsorgsutvalet legg til grunn at rådmannen legg fram ei sak, revidert budsjett 2018 som er Side 20

21 i balanse. Til dette arbeidet kjem utvalet med følgjande innspel: 1. Prosjektering av rehabilitering av Hyen skule/ idrett og nytt omsorgsbygg skal halde fram slik at ein ved revisjon budsjett 2018 har eit tilstrekkeleg beslutningsgrunnlag 2. Rådmannen blir beden om å gå gjennom alle investeringsprosjekta med det siktemål å sjå på reduksjonar/ innsparingar 3. For 2018 vert det innført full stillingsstopp. Rådmannen må i revidert budsjett legge fram budsjettvirkningane av eit slikt vedtak og korleis dette skal gjennomførast 4. Rådmannen skal fram til handsaminga av revidert budsjett gå gjennom inntektsidene i budsjettet og særleg vurdere auke i gebyr og betalingssatsane 5. Rådmannen skal i samband med revidert budsjett legge fram eit forslag om å auke driftstilskotet til Firda fysikalsk-medisinsk senter i samsvar med alternativ 1 i budsjettdokumentet. I tilfelle formannskapet legg ut budsjettet med redusert bruk av disposisjonsfondet vil helse- og omsorgsutvalet ha eit ekstramøte på budsjettet. Oppvekstutvalet og MULTEK-utvalet har ikkje gjort formelle vedtak i budsjettsaka, men i oppvekstutvalet (sak 46/17) reiste Hege Lothe (SV) dette framlegget, som det ikkje vart røysta over: Oppvekstutvalet ynskjer å halde fast på orninga med 2 timar ekstra i veka til minoritetsspråklege barn dei to første åra i barnehagen, også etter sommaren Formannskapet har ikkje gjort formelt vedtak i budsjettsaka, men under behandling av saka (sak 109/17) vart desse framlegga reiste utan at dei vart røysta over: Framlegg frå Magni Aa Berge på vegner av Senterpartiet, Arbeidarpartiet, Venstre og Sosialistisk Venstreparti: Arbeidet med Hyen skule skal leggast inn i budsjettet med oppstart i 2018 Formannskapet ber, på bakgrunn av det rådmannen skriv i årsbudsjettet 2018, styret i Trivselshagen IKS sjå på den varsla auken i husleige på nytt Formannskapet ber rådmannen arbeide vidare med innsparingar og kome med framlegg slik at budsjett for 2018 vert gjort opp med eit underskot på maksimalt kr 6,5 mill. ved endeleg vedtak på kommunestyremøte i desember Formannskapet legg til grunn at rådmann kjem attende innan utgongen av februar 2018 med eit budsjett som er gjort opp med 1,0 % i overskot, som vedteke i økonomiplan for I prosess med å få klart budsjett for 2018 vert det innført full stillingsstopp. Administrasjonsutvalet skal haldast fortløpande orientert om stillingar som vert ledige og om desse eventuelt kan haldast vakante Til formannskapsmøte 13. desember skal rådmannen/etatsleiarar orientere formannskap og økonomiutval om den pågåande prosessen med årsbudsjett for Vidare legg formannskapet til grunn at rådmannen orienterer kommunestyret 18. desember om arbeidet, i samband med behandling av årsbudsjett for Framlegg frå Svein-Ottar Sandal (Krf): Vi legg til grunn at rådmannen legg fram ei sak, revidert budsjett 2018 som er i balanse. Til dette Side 21

22 arbeidet kjem Krf med følgjande innspel: 1. Prosjektering av rehabilitering av Hyen skule/ idrett og nytt omsorgsbygg skal halde fram slik at ein ved revisjon budsjett 2018 har eit tilstrekkeleg beslutningsgrunnlag 2. Rådmannen blir beden om å gå gjennom alle investeringsprosjekta med det siktemål å sjå på reduksjonar/ innsparingar 3. For 2018 vert det innført full stillingsstopp. Rådmannen må i revidert budsjett legge fram budsjettvirkningane av eit slikt vedtak og korleis dette skal gjennomførast 4. Rådmannen skal fram til handsaminga av revidert budsjett gå gjennom inntektsidene i budsjettet og særleg vurdere auke i gebyr og betalingssatsane. --- Rådmannen sin plan for gjennomgang av drifta og ny behandling av 2018-budsjettet Målsetting På kort sikt: Ta ned drifta/auke inntektene med 10 millionar på 2018-budsjettet På lang sikt: Ta ned drifta/auke inntektene med ytterlegare 10 mill. Lang sikt er Grupper Vi tar utgangspunkt i kvart hovudutval, men deler MULTEK-utvalet to grupper: kultur og teknisk/landbruk. Formannskapet sitt budsjettområde Ordførar og varaordførar, pluss ein til frå formannskapet Organisasjonssjefen og rådmannen Ein frå Fagforbundet og ein frå Delta. Oppvekstutvalet sitt budsjettområde Leiar og nestleiar, pluss ein til frå utvalet Oppvekstsjefen og ein til frå sektoren/administrasjonen Ein frå Utdanningsforbundet og ein frå Fagforbundet. Helse- og omsorgsutvalet sitt budsjettområde Leiar og nestleiar. Utvalet har i tillegg plukka ut Vidar Sandal Helse- og omsorgssjefen og ein til frå sektoren/administrasjonen Ein frå sjukepleiarforbundet, ein frå FO og ein frå Fagforbundet. MULTEK-utvalet sitt budsjettområde landbruk og teknisk Leiar, Edgar Kvernevik og Solveig Lien Gusdal (plukka ut av utvalet) Teknisk sjef og ein til frå sektoren Ein frå NITO. MULTEK-utvalet sitt budsjettområde kultur Nestleiar, Kent Øystein Hjelle, Jan Asle Rustøen og Mariel Eikeset Koren (plukka ut av utvalet) Kultursjefen og ein til frå sektoren Ein frå organisasjonane. --- Økonomisjefen og personalsjefen blir trekt inn i arbeidet etter behov. Side 22

23 Finansområdet Økonomisjefen og rådmannen. Timeplan Revidert 2018-busjett skal vedtakast av kommunestyret 28. februar I møteplanen er det lagt opp til at formannskapet sitt framlegg ligg ute til gjennomsyn frå 8. til 22. februar. Dette gjev slik timeplan: Innan 13. desember 2017: arbeidsgruppene skal vere etablerte Før årsskiftet: talmaterialet som skal gjennomgåast skal vere klart Innan 12. januar 2018: ein første gjennomgang av talmaterialet skal vere unnagjort i arbeidsgruppene 17. og 18. januar 2018: første utvalsbehandling av gjennomgangen så langt 24. januar 2018: formannskapet gjev kvart utval ramme for si kuttliste 29. januar 2018: Råda behandlar kuttforslaga 31. januar og 1. februar 2018: utvala «vedtek» sine budsjett 7. februar 2018: Formannskapet «vedtek» sitt utvalsbudsjett og legg eit samla framlegg ut på høyring 8. til 22. februar 2018: Høyringsperiode 28. februar: Formannskapet oppsummerer innkomne merknader og kjem med endleg innstilling til kommunestyret, som behandlar budsjettet seinare på dag. Strakstitak Fram til revidert budsjett er vedteke, gjeld følgjande: Ein «betinga» tilsettingsstopp blir innført Vedlikehald blir ikkje utført berre reine reparasjonar. Gjeld ikkje nødvendig snøbrøyting og strøing Løyvingane til tilskot blir ikkje «opna» (vedtak om tilskot blir ikkje fatta og tilskot som det ikkje alt er gjort vedtak om blir ikkje utbetalt) Ingen nye tiltak som ligg inn i førebels driftsbudsjett blir iverksett eller bestilt. Formannskapet Gruppeleiarane i Høgre, Venstre og Miljøpartiet Dei Grøne var inviterte til å drøfte saka i finansutvalet. Hege Lothe møtte for SV. Framlegg frå Svein-Ottar Sandal på vegner av Sp og Krf: 1. Gloppen kommunestyre ber rådmannen legge inn rehabilitering av Hyen skule/idrett i revidert budsjett (januar 2018). Prosjektering av nytt omsorgsbygg skal halde fram slik at ein ved revidert budsjett budsjett (januar 2018) har eit tilstrekkeleg beslutningsgrunnlag 2. Gloppen kommunestyre ber, på bakgrunn av det rådmannen skriv i førebels årsbudsjett 2018, representantskapen i Trivselshagen IKS sjå på den varsla auken i husleiga på nytt 3. Rådmannen blir beden om å gå gjennom alle planlagde investeringar med det formål å sjå på reduksjon og innsparingar 4. For 2018 vert det innført stillingsstopp. Rådmannen må i revidert budsjett 2018 legge fram budsjettverknadene av eit slikt vedtak og korleis dette skal gjennomførast. Administrasjonsutvalet skal haldast løpande orientert om stillingar som vert ledige og om desse ev. kan haldast vakante 5. Rådmannen skal fram til handsaming av revidert budsjett 2018 gå gjennom inntektssidene i budsjettet og særleg vurdere auke i gebyr/betalingssatsane Side 23

24 6. Til formannskapsmøte 13. desember skal rådmannen/etatsleiarar orientere formannskapet som økonomiutval om den pågåande prosessen med revidert budsjett for Vidare legg formannskapet til grunn at rådmannen orienterer kommunestyret 18. desember om arbeidet, i samband med behandlinga av årsbudsjettet for Formannskapet ber rådmannen vurdere om nokon av innsparingstiltaka som vert arbeidd med kan leggast fram på neste formannskapsmøte (13. desember) slik at desse kan innarbeidast i formannskapet si endelege innstilling til kommunestyret 8. Rådmannen skal i samband med revidert budsjett 2018 legge fram eit forslag om å auke driftstilskotet til Firda fysikalsk-medisinske senter i samsvar med alternativ 1 i budsjettdokumentet (jfr. budsjettvedtaket for 2017). Framlegg frå Magni Aa Berge (Sp): Gloppen kommunestyre tek til etterretning at vi har fått framlagt eit budsjettframlegg med ein underbalanse på 7,8 mill. Kommunestyret ber rådmannen legge fram eit revidert budsjettframlegg med minimum 1 % overskot til ny handsaming i kommunestyret 28. februar Det vart røysta slik: - Pkt 1-6 i framlegget frå Svein-Ottar Sandal m.fl. vart samrøystes vedtekne - Pkt 7 fekk ingen røyster - Pkt 8 vart vedteke mot fire røyster - Framlegget frå Magni Aa Berge vart vedteke mot fire røyster. FOR- 120/17 Vedtak Formannskapet legg rådmannen sitt framlegg til årsbudsjett for 2018 ut til offentleg gjennomsyn med følgjande endringar: Gloppen kommunestyre tek til etterretning at vi har fått framlagt eit budsjettframlegg med ein underbalanse på 7,8 mill. Kommunestyret ber rådmannen legge fram eit revidert budsjettframlegg med minimum 1 % overskot til ny handsaming i kommunestyret 28. februar 2018, og vidare 1. Gloppen kommunestyre ber rådmannen legge inn rehabilitering av Hyen skule/idrett i revidert budsjett (januar 2018). Prosjektering av nytt omsorgsbygg skal halde fram slik at ein ved revidert budsjett budsjett (januar 2018) har eit tilstrekkeleg beslutningsgrunnlag 2. Gloppen kommunestyre ber, på bakgrunn av det rådmannen skriv i førebels årsbudsjett 2018, representantskapen i Trivselshagen IKS sjå på den varsla auken i husleiga på nytt 3. Rådmannen blir beden om å gå gjennom alle planlagde investeringar med det formål å sjå på reduksjon og innsparingar 4. For 2018 vert det innført stillingsstopp. Rådmannen må i revidert budsjett 2018 legge fram budsjettverknadene av eit slikt vedtak og korleis dette skal gjennomførast. Administrasjonsutvalet skal haldast løpande orientert om stillingar som vert ledige og om desse ev. kan haldast vakante 5. Rådmannen skal fram til handsaming av revidert budsjett 2018 gå gjennom inntektssidene i budsjettet og særleg vurdere auke i gebyr/betalingssatsane 6. Til formannskapsmøte 13. desember skal rådmannen/etatsleiarar orientere formannskapet som økonomiutval om den pågåande prosessen med revidert budsjett for Vidare legg formannskapet til grunn at rådmannen orienterer kommunestyret 18. desember om arbeidet, i samband med behandlinga av årsbudsjettet for Rådmannen skal i samband med revidert budsjett 2018 legge fram eit forslag om å auke driftstilskotet til Firda fysikalsk-medisinske senter i samsvar med alternativ 1 i budsjettdokumentet (jfr. budsjettvedtaket for 2017). Høyringsperioden er frå 28. november til 12. desember Side 24

25 Formannskapet sluttar seg til rådmannen sin for å plan for gjennomgang av drifta og ny behandling av 2018-budsjettet, med unnatak av målsettinga for gjennomgangen, som blir endra i samsvar med vedtaket om 1 % overskot på drifta i 2018 og punktet om 'betinga' tilsettingsstopp som blir erstatta med pkt 4 i vedtaket. Formannskapet vil kome tilbake til den politiske deltakinga i arbeidsgruppene. Vedtaket var samrøystes. Side 25