SAKSPAPIR. Styre, utval, komite m.m. Møtedato Saksnr Forvaltningsstyret - Planutval /18

Transkript

1 SUND KOMMUNE SAKSPAPIR Styre, utval, komite m.m. Møtedato Saksnr Forvaltningsstyret - Planutval /18 Saksansvarleg Arkiv Arkivsaknr Mona Rabben N / Reguleringsplan for FV 555 Kolltveit - Vorland Samandrag av saka: Fjell og Sund kommune har i nært samarbeid med Statens vegvesen utarbeida framlegg til detaljreguleringsplan for ny fylkesveg 555 mellom Kolltveit i Fjell og Vorland i Sund. Denne saka omhandlar den delen av strekninga som ligg i Sund kommune. Reguleringsplanen inngår i delprosjekt 2 i Sotrasambandet; fastlandssambandet Sotra Bergen og det nord-sørgåande sambandet på Sotra. Kommunedelplan med konsekvensutgreiing for strekninga Kolltveit - Austefjorden vart vedteken i Fjell og i Sund kommune. Framlegget til detaljregulering tek utgangspunkt i trasévalet i kommunedelplanen med føresegner og retningslinjer. Planframlegget legg opp til ei fullverdig trafikkløysning på strekninga. Planen legg til rette for etablering av ny trasé for fylkesvegen, der gamal trasé vert omgjort til lokalveg/ avlastingsveg. Vegen er om lag 15 kilometer lang og har 4 tunnelar og 7 bruer. Av dette ligg omlag 9 km i Fjell kommune og om lag 6 km i Sund kommune. Planen vert lagt fram som detaljreguleringsplan utan krav om konsekvensutgreiing. Utover veg- og trafikkmål for køyrande tek planen omsyn til gang- og sykkeltrafikk, samt legg til rette for samfunnsøkonomisk god arealbruk, bustad- og næringsutvikling. Planarbeidet har vore omfattande og tildels komplisert. Dokumentasjonen av planarbeidet er også omfattande, og inneheld ei rekkje rapportar, grunnlagsdokument av ulikt slag, eit omfattande kartmateriale, lengdeprofil m.v. Dette har vore grunnlaget for dei tre hovuddokumenta som den politiske handsaminga primært er knytt til; reguleringskarta, planføresegnene og planskildringa. Hovudmålet med planframlegget er å få ei rask, effektiv og trafikksikker trafikkåre frå Sund til Kolltveit, vidare nordover og til Bergen. Rådmannen vurderer at dei samfunnsmessige fordelane ved å få ein ny veg av god standard, med dei positive ringverknadene det kan få for næringsaktivitet og attraktivitet for busetting, vil være større enn dei negative konsekvensane av planframlegget. Ein har lagt vinn på at større negative konsekvensar vert avgrensa ved avbøtande tiltak. Rådmannen har utover dette ingen vesentlege merknader til planen slik den ligg føre. Den vart det fatta vedtak om utlegging til offentleg ettersyn for den del av planforslaget som gjeld Kolltveit fram til Sund kommune si grense, i komité for plan og utvikling i Fjell kommune. Rådmannen rår til at den del av planforslag for ny fylkesveg 555 som går frå Sund kommune si kommunegrense og fram til Vorland, vert lagt ut til offentleg ettersyn i samsvar med i plan- og bygningsloven.

2 Saksutgreiing: Fjell og Sund kommunar har i nært samarbeid med Statens vegvesen utarbeida framlegg til detaljreguleringsplan for ny fylkesveg 555 mellom Kolltveit og Vorland i Sund. Det er Asplan Viak AS som har vore konsulent for arbeidet med reguleringsplanen for den nye vegen. Denne saka handlar om den delen av planen som ligg i Sund kommune, med plankart nr 7 (vertikalnivå 1, under grunnen) og plankarta (vertikalnivå 2, på grunnen). Plankarta 11, 12 og 13 gjeld primært Fjell kommune, men omfattar også Sund i ein viss grad. Reguleringsplanen inngår i delprosjekt 2 i Sotrasambandet; fastlandssambandet Sotra Bergen og det nord-sørgåande sambandet på Sotra. Bakgrunn for planarbeidet: Rask næringsutvikling og stor folkevekst på Sotra og i Øygarden har gjeve auka trafikk mellom Sotra og Bergen dei siste åra. Dette er bakgrunnen for at ein gjekk i gang med «Sotrasambandet» - planlegging av nytt fastlandssamband mellom Sotra og Bergen og nordsørgåande trafikk på Sotra. Prosjektet er delt i 3 delprosjekt, der det for kvar av dei er vedteke kommunedelplan med konsekvensutgreiing. Reguleringsplanen for fylkesveg 555 mellom Kolltveit og Vorland er delprosjekt 2. Strekninga mellom Vorland og Austefjorden vart trekt ut som eit eige prosjekt. Planframlegget skal legge til rette for etablering av ny fylkesveg 555 mellom Kolltveit og Vorland i Sund kommune. Sund kommune sin del av Kommunedelplan for Sotrasambandet, delprosjekt 2, Fv. 555 Kolltveit Austefjorden vart vedteken av kommunestyret i april Detaljreguleringsplanen er utarbeidd med grunnlag i det traséval som vart gjort og dei mål som vart vedteke i denne kommunedelplanen. Målsettinga for planarbeidet har vore følgjande: Hovudmål: Det skal utviklast eit nytt samband mellom Kolltveitskiftet og Austefjorden som skal sikra gode og effektive kommunikasjonstilhøve for område på søre Sotra og til transportknutepunkt for sentralt hovudvegnett, stamvegnett, jernbane, sjø- og lufttransport. Det nye sambandet skal sikre langsiktige gode kommunikasjonstilhøve som legg eit godt grunnlag for vidare vekst og verdiskaping lokalt og som sikrar langsiktige og gode kommunikasjonstilhøve mellom kommunane Sund, Fjell og Øygarden samstundes som det sikrar god tilknyting til fastlandsambandet mot Bergen. Delmål: Sparte transportkostnader for busette og næringsliv God linjeføring Minst mogleg negative konsekvensar for natur og miljø (forts.) Færre trafikkulykker Størst mogleg avlasting av eksisterande veg Betra nærmiljø langs eksisterande veg (luft/støy) Tryggare gang- og sykkeltrafikk Leggja til rette for samfunnsøkonomisk god arealbruk, bustad- og næringsutvikling Ei anna viktig målsetting for Sund har vore å få leggje om vegen slik at den ikkje lenger går gjennom nedslagsfeltet til hovuddrikkevasskjelda Kørelen. No vert Kørelen også

3 drikkevasskjelde til Fjell kommune og den nye vegtraseen er eit viktig tiltak for å førebyggje mot uønska hendigar og forureining av drikkevasskjelda. Eigedommar som vert råka i Sund: Gardsnummer 30/fleire bruk, gnr. 43/fleire bruk, gnr. 44/fleire bruk, gnr. 45/fleire bruk og gnr. 50/fleire bruk. Grunneigarar som vert direkte råka av planarbeidet vert varsla direkte ved brev om konsekvensane av planforslaget. Det er ingen hus som må rivast som følgje av vegbygginga i Sund kommune. Føringar for planlegginga og skildring av framtidig trasé: Framtidig vegtrasé for ny fv. 555 er tidlegare konsekvensutgreidd og vart teke inn i arealdelen til kommuneplanen for både Fjell og Sund kommunar. Den nye fylkesvegen var planlagt å ledast utanfor Skogsskiftet sentrum via tunnel. Dette har ein gått vekk frå i detaljplanlegginga med hovudgrunngjeving i at ei slik løysing vert svært dyr. Som det går fram av kartutsnittet nedafor vil den nye fylkesvegen følgje traséen til dagens veg forbi Skogsskiftet, men den vert skyvd noko inn i fjellskjeringa i sørvest, slik at dagens veg kan nyttast til sykkelveg med fortau og eventuell utviding av sentrumsområda. Elles vert ny trasé lagt aust for Hammarsland og Eide. Her er det ubygd og ope utmarkslandskap. Aust for Hammarsland vil ny veg ligge aust for Steinafjellet, og deretter gå i tunnel gjennom Tveitafjellet. I draget mellom Eidespollen og Djupeskar/Langavatnet går traséen i to høge bruer over terrenget. Lengst sør på Vorland møter traséen dagens veg. Grunngjeving for å trekke traséen lenger aust enn vist i kommuneplanen er omsyn til landskapet. Grunngjeving for å velje to bruer over terrenget er mellom anna av omsyn til naturmangfald.

4

5 Figur 2. Raud strek viser planlagt ny veg. Stipla blå strek viser tunnellar. Grøn strek viser bruer. Planprosess:

6 Oppstart av planarbeidet vart varsla hausten Grunneigarar, naboar som er part i saka og offentlege mynde vart varsla per brev. Varslinga vart gjort for heile delprosjekt 2 samstundes. Det er seinare varsla utviding av planområdet i to omgangar. Totalt er det motteken 26 innspel, kor 5 er frå offentlege mynde og 21 frå private. Av dei private merknadene er det 7 som omhandlar den delen av planen som ligg i Sund. Det er ikkje varsla motsegn til planen. Innkomne merknader til varsel om oppstart er summert opp og kommentert i eige vedlegg og rådmannen viser til dette dokumentet for utfyllande opplysningar. Planarbeidet har også vore presentert for politikarane ved fleire høve. Det har også halde møte med politisk leiing for prinsipielle avklaringar. Val av vegstandard: Vegstandarden er basert på framskriving/berekna trafikkmengde på strekninga for år 2050, etter nytt Sotrasamband (delprosjekt 1 ny Sotrabru) har vore på plass i fleire år. Vegane er i hovudsak prosjektert etter Statens Vegvesen sine handbøker N100 Veg- og gateutforming og N500 Tunneler med fleire. Det er søkt å gje mest mogleg eins utforming av dei ulike vegkomponentane langs strekninga for å unngå for mange skifte undervegs. I Sund kommune vert veg i dagen planlagd med tverrprofil (bredder) frå H5 standard med fysiks midtdeler, men med geometrikrav frå H4 standard. I Skogsskiftet tek ein omsyn til sentrum sine behov og går over til gatestandard med tre kjørefelt med feltbredde på 3,5 meter og midtdelar: - Skogsvåg Vorland (ÅDT ), tverrprofil (bredder) frå H5 standard med fysisk midtdeler og geometrikrav frå H4 standard. - Trengereid Skogsvåg, Skogsskiftet (ÅDT 7800), gatestandard med tre kjørefelt (feltbredde 3,5 m) og trafikkdelar. Trengereid Skogsvåg, Skogsskiftet Delstrekninga er planlagd med gateutforming, tre køyrefelt og fartsgrense 50 km/t mellom rundkøyringa ved Trengereid og rundkøyringa ved Skogsvåg. Alle rundkøyringane her er planlagde med ytre diameter 50 m, for å sikre framkome med vogntog. Rundkøyring ved Trengereid har lokal arm til Trengereid / Kallestad og rundkøyring ved Skogsvåg har lokale armer til Hammarsland og Klokkarvik. Det er to felt inn mot rundkøyringa til Sund senter både frå nord og sør. Dette er gjort for å sikre god avvikling både for lokaltrafikken og gjennomgangstrafikken. Det er to felt frå sør inn mot rundkøyringa ved Kallestad. Det er to felt frå nord inn mot rundkøyringa ved Hammarsland. Ved Matbutikk / bensinstasjon og brannstasjon er det lagt inn T-kryss. Desse kryssa vert regulert slik at trafikken berre kan svinge til høgre (høgre av, høgre på). Rundkøyringane kan brukast til å snu dersom trafikken skal andre vegen. Skogsvåg - Vorland Ny veg med H5 profil og rundkøyring ved Vorland. Rundkøyring ved Vorland er planlagd med ytre diameter 45 meter og har armar som koplar på dagens fv. 555 vidare sørover, veg frå Eide og arm mot framtidig næringsområde. Byggjetrinn: Gjennom arbeidet med planen har prosjektgruppa sett behov for å sjå på moglegheita for å

7 setje utbygginga opp i fleire byggjetrinn. Prosjektgruppa har gjort ei førebels vurdering og kome fram til følgjande forslag til byggjetrinn: 1. Kolltveit avkj. Fjell festning 2. Avkj. Fjell festning Tellnes 3. Tellnes Skogsskiftet sør (Skogsvåg) 4. Skogsskiftet sør Vorland Rådmannen gjer merksam på at planen er uavhengig av desse byggetrinna, og at rekkefølgje og inndeling av byggjetrinn vert gjort på eit seinare tidspunkt når finansiering ligg føre. Konsekvensutgreiing: Utgreiingsplikta er ivareteken gjennom konsekvensutgreiing utført i samband med kommundelplan for Sotrasambandet, Delprosjekt 2, Rv 555 Kolltveitskiftet Austefjorden i Vedtaket av KDP har vore førande for reguleringsplanarbeidet. Reguleringsplanen er i all hovudsak i samsvar med overordna plan og er difor ikkje konsekvensutgreidd etter plan- og bygningsloven 4-2 og forskrift om konsekvensutgreiing. For nokre fagtema har det vore naudsynt med ei supplering av kunnskap, og vurdering om der har skjedd ei endring av konsekvensar. Dette gjeld særleg natur- og kulturtema. Det er likevel avvik mellom overordna plan i Sund kommune og reguleringsplanen som ikkje er konsekvensutgreidd. I kommunedelplan for Skogsskiftet er eigedommane gnr. 50, del av bnr. 3 og 6 avsett til framtidig areal for erverv. I planforslaget har ein vald å avgrensa utbyggingsområda til å liggja aust for planlagt framtidig veg og heller utvida dette noko sørover. Sund kommune har valgt å regulere eit større areal sør for rundkøyringa ved Skogsvåg som skal disponerast til tomt for ny brannstasjon, næringsområde (i samsvar med kommunedelplan for Skogsskiftet), og tomt for parkering av bussar. Området til parkering av bussar skal vera til erstatning for dagens parkering for bussar knytt til kollektivterminalen i Skogsskiftet. Området er ikkje planlagt i detalj, men det er gjort ei vurdering på vegtilkomst til dei enkelte tomtane, planeringshøgder, byggjehøgder og utnyttingsgrad. Føresegnene til reguleringsplanen set krav til at det skal utarbeidast ein samla situasjonsplan før utbygging. Dagens brannstasjon tilfredsstiller ikkje dagens krav, og området er valgt gjennom dialog med Øygarden brann- og redning. Det er også viktig for sentrumsutviklinga at brannstasjon og

8 bussparkering vert flytta ut av sentrumskjerna. Naturmangfald: Det ligg føre kunnskap av naturtypelokalitetar frå arbeidet med konsekvensutgreiinga. Det er henta informasjon frå nettkjelder (Naturbase, Artskart og Geoarv), rapportar (mellom anna konsekvensutgreiinga frå 2008) og frå Fylkesmannen i Hordaland (ved Olav Overvoll og Magnus Johan Steinsvåg). Mykje av kunnskapen er av eldre dato og det meste av dette er oppdatert her, mellom anna med eige feltarbeid i 2015, og med nokre suppleringar av avgrensingar av naturtypelokalitetar i Kunnskapen er vurdert som tilstrekkeleg. Det har ikkje vore gjennomført eige feltarbeid for kartlegging av vilt og fugl fordi eksisterande kunnskap blir vurdert som tilstrekkeleg. Likevel kan det vera behov for kartlegging av moglege hekkelokaliteter for hubro. Det er heller ikkje føreteke eiga kartlegging av vassmiljø og fisk, anna enn synfaringar og fotodokumentasjon av elvelaupa. Kunnskapsgrunnlaget er likevel vurdert som godt. I tillegg til feltarbeid, er det og henta informasjon frå andre nettkjelder, rapportar og frå Fylkesmannen i Hordaland. Rådmannen støttar seg til dei vurderingar som er gjort i konsekvensutrgeiinga om konsekvensar for naturmangfald. Det er lagt opp til avbøtande tiltak som skal gå fram av YM-planen for prosjektet for å unngå negativ verknad på naturmangfaldet. Kulturminne: Kulturmiljø 8 Årvika-Djupskaret Den kulturhistoriske verdien for kulturmiljø 8 Årvika Djupskaret er vurdert som middels til stor. I dette daldraget sør for Tveitafjellet vil ny veg komme ut av tunnel og ligge på høge bruer og fyllingar. To av torvhusa vil ligge like inn under ei 123 meter lang bru. Desse vert regulert til omsynssone H579_1 med krav i føresegnene om tidleg avklaring med regional kulturminnemynde. Tiltak skal halde god avstand til torvhusa. Den visuelle verknaden på kulturmiljøet er vurdert til middels til stor. For utfyllande informasjon om konsekvensar for kulturmiljø vert det vist til planomtala. Vurdering: Planframlegget legg til rette for utbygging av ny fylkesveg mellom Kolltveit og Vorland i Sund kommune. Den nye vegen vil vere eit heilt nytt samferdsleanlegg med langt betre kvalitetar enn dagens veganlegg, noko som vil kome alle innbyggjarar og næringslivet i Sund og søre Fjell til gode. Den nye fylkesveg 555 mellom Kolltveit og Vorland inngår som ein del av Sotrasambandet, som skal sikre langsiktig gode kommunikasjonstilhøve og transportkorridor mellom kommunane Sund, Fjell og Øygarden, samstundes som det sikrar god tilknyting til fastlandssambandet mot Bergen. Vidare skal det nye vegsambandet bidra til eit tryggare og meir effektiv transport i søre delen av Sotra. Den nye vegen vil avlaste dagens fylkesveg, som i framtida vert ein del av lokalvegsystemet til skule- og bustadområde. Samla vurdering av veganlegga: Planframlegget legg til rette for å for å kunne etablere ei rask, effektiv og trafikksikker trafikkåre frå Sund til Kolltveit og vidare til Bergen. Det er eit av måla med det nye vegsystemet. Med ein ny og betre veg vil lokaltrafikk og næringstrafikk vert skilt. Det vert god kapasitet på vegane og tilhøva for næringstrafikken vert monaleg betre.

9 Det er særleg person- og næringstrafikken frå søre deler av Sotra krev en ny veg av god standard. Dei samfunnsmessige fordelane ved å få ein ny veg av god standard, samt ringverknadene det kan få for næringsaktivitet og attraktivitet for busetting vert vurdert som større enn dei negative konsekvensane av planframlegget. Dei største negative verknadene av tiltaket er knytt til kulturminner, naturmangfald og inngrep i kystlandskap. Dei negative verknadene er forsøkt imøtegått med kompenserande tiltak som registrering og dokumentasjon samt krav i YM-skildringa til prosjektet og føresegner til planen. Økonomiske konsekvensar: Det er store kostnader knytt til realisering av det planlagde veganlegget og rådmannen vil peika på at sør nord vegane på Sotra, Fv. 555 og Fv. 561 har fått prioritet 1 i investeringsprogrammet for fylkesvegnettet som fylkeskommunen ser det som særskilt viktig å ruste opp i neste 12 årsperiode. Etter rådmannen sitt syn vil desse vegane vil vere særs viktige samanbindingsvegar i den nye store kommunen vest for Bergen. Det vil truleg vere naudsynt med ei oppdeling av dette vegsambandet i utbyggingsetappar, slik at ein kan får realisert dei deler av prosjektet som det er viktigast å få gjennomført på kort sikt. Rådmannen vil tru at t.d. realisering av den lange tunnelen bak Fjell Gard ligg langt fram i tid. Kostnadsmessigt utgjer denne delen av prosjektet store deler av dei samla kostnadene. For å få på plass ei finansieringsløysing for opprusting/bygging av veganlegget vil ein måtte gå saman med Fjell kommune og vidareføre dette arbeidet inn i den nye stor-kommunen. Kostnadene til utbetring/bygging av desse vegprosjekta vil som sagt verte høge og rådmannen reknar med at tiltaka truleg må delfinansierast med bompengar. Tilråding til vedtak: Rådmannen rår til at planutvalet godkjenner at framlegg til detaljreguleringsplan for ny fylkesveg 555 frå Sund kommune si kommunegrense i nordvest, fram til Vorland, vert sendt på høyring og lagt ut til offentleg ettersyn, med heimel i plan- og bygningsloven Forvaltningsstyret - Planutval: Tilrådinga vart samrøystes vedteken. PU- 106/18 Vedtak: Planutvalet godkjenner at framlegg til detaljreguleringsplan for ny fylkesveg 555 frå Sund kommune si kommunegrense i nordvest, fram til Vorland, vert sendt på høyring og lagt ut til offentleg ettersyn, med heimel i plan- og bygningsloven