BILAG 1 KRAVSPESIFIKASJON INNSAMLING OG TRANSPORT AV SLAM

Transkript

1 BILAG 1 KRAVSPESIFIKASJON INNSAMLING OG TRANSPORT AV SLAM Innhald 1 GENERELT OM OPPDRAGET OPPDRAGET OG KONTRAKTSOMRÅDET OMFANG AV ARBEIDET AVGRENSINGAR VED GJENNOMFØRING AV ANDRE OPPDRAG VEGNETT OG TILPASSING AV KJØRETØY MILJØKRAV OG LIKNANDE PROFILERING PÅ KJØRETØY, UTSTYR OG PERSONELL RAPPORTERING LEVERING TIL MOTTAKS- / BEHANDLINGSANLEGG ENDRING AV MOTTAKS-/BEHANDLINGSANLEGG KRAV TIL AVVATNING SPESIELL OMTALE AV OPPDRAGET TØMEUTSTYR, TØMEOPERASJON TØMEFREKVENS ABONNEMENTSREGISTER REGISTRERING AV TØMMING OG GPS-SYSTEM VARSLING OG DOKUMENTASJON AV TØMING TØMING HJÅ ABONNENT REGISTRERING AV FEIL NAUDTØMING EKSTRATØMING TENESTER SOM SKAL PRISAST SOM OPSJONAR GENERELT OPSJON SLAMTØMING I HØYANGER SØR FRIVILLIG OPSJON TILBOD PÅ KOMPLETT SLAMBEHANDLING OPSJON TIMEPRISAR SLAMTØMING INFORMASJON OM BILAG BILAG 3A GRUNNLAGSDATA BILAG 3B UTFYLLING AV PRISSKJEMA MV BILAG 3B INKLUDERT I EININGSPRISANE I PRISSKJEMA VEDLEGG DØME PÅ KVITTERING PÅ NAUDTØMING OG EKSTRATØMING Albaran AS Side 1 av 14

2 1 GENERELT OM OPPDRAGET 1.1 Oppdraget og kontraktsområdet Oppdraget omfattar innsamling av slam frå SIMAS-kommunane Aurland, Balestrand, Høyanger Nord, Leikanger, Luster, Lærdal, Sogndal, Vik og Årdal. Kommunane utgjer eitt felles kontraktsområde. «Høyanger Nord» er den delen av Høyanger kommune som er nord for Sognefjorden. Tabell 1: Demografi og geografi i SIMAS-kommunane (pr. 2013) Kommune Innbygg. Areal, km2 Andel busett i tettstad Aurland % Balestrand % Høyanger* % Leikanger % Luster % Lærdal % Sogndal % Vik % Årdal % SUM / gj.snitt % * Tal for heile kommunen, Høyanger Sør inngår ikkje i oppdraget Innbyggjartal og demografiske data er henta frå SSB, oppdatert pr Innsamling av slam skal som hovudregel skje på virkedagar, og skal ikkje startast opp før kl. 0700, og skal vere avslutta seinast kl. 2100, dersom ikkje oppdragsgjevar gjev pålegg om anna. 1.2 Omfang av arbeidet Leverandøren tek på seg ansvaret for at ytingane hans er komplette i høve til føremåla og spesifikasjonane i kontrakten, og arbeidet vil såleis omfatte alle aktivitetar som er nødvendige for å oppfylle krava i kontrakten, sjølv om alle ikkje er nemnt spesielt i kontrakten. Det er såleis leverandøren sitt ansvar å gjere seg kjent med alle tilhøve som er relevante for oppdraget, som t.d. vegstandard, lokalisering av standplasser, transportavstandar osv. Leverandøren kan seinare ikkje krevje rett til kontraktsendringar eller ekstra kompensasjon av noko slag ut frå tilhøve som har vore reelle, eller kunne ha vore registrert før innlevering av tilbodet, eller som kunne eller burde vore oppdaga av leverandøren eller nokon leverandøren svarar for, men som ikkje er blitt særskilt regulert i kontrakten. At oppdragsgjevar ikkje har merknader til eller godkjenner/samtykkjer i leverandøren sitt arbeidsopplegg, fritek ikkje leverandøren for ansvaret hans etter kontrakten. 1.3 Avgrensingar ved gjennomføring av andre oppdrag Leverandøren har på same kjøretøy og rute ikkje høve til å samle inn slam frå andre enn oppdragsgjevaren sine kundar/abonnentar. Albaran AS Side 2 av 14

3 1.4 Vegnett og tilpassing av kjøretøy Generelt må leverandøren forvente å utføre innsamling frå dei same renseeiningane som det vart utført innsamling i perioden fram til tilbodsfrist, dvs. at leverandøren må rekne med å nytte vegnettet som er naudsynt for å oppfylle dette. Vegnettet som skal nyttast kan vere både Europa-, riks-, fylkes-, kommunale eller private vegar. Leverandøren må sjølv gjere seg kjent med standplassar, vegnettet og kjøreavstandar, og ut frå dette tilpasse kjøretøya til dei lokale tilhøva. For renseeiningar som ikkje er tilgjengelege for avvatningsbil grunna dårleg bæreevne/framkomst, må leverandøren nytte lettare utstyr for slamsuging, med påfølgjande overføring til avvatningsbil eller anna avvatningseining, jf. punkt 2.1, eller at leverandøren kan ha fordel av bilar med firehjulstrekk. Leverandøren står fritt til å velje type kjøretøy og utstyr, men kan i ettertid ikkje hevde at det valte utstyret ikkje kan nyttast på vegnettet nytta i perioden før tilbodsfrist. Etter tilbodsfrist kan oppdragsgjevar fritt utvide eller redusere total kjøreavstand i kontraktområdet omtala i kontrakten utan at dette gjev endringar i einingsprisane. Dei av desse vegane som ikkje er nytta i tida før tilbodsfrist skal vere tilpassa leverandøren sitt utstyr. Kjøretøya må også tilpassast tipplassen på leveringsstaden (mottaks-/behandlingsanlegget). 1.5 Miljøkrav og liknande Alle bilar > 3,5 t skal oppfylle utsleppskravnivå B2 (Euro 5) i 25-11A i forskrift 4. oktober 1994 nr. 918 om tekniske krav og godkjenning av kjøretøy, deler og utstyr (kjøretøyforskriften). Dersom det må nyttast reservemateriell > 3,5 t skal desse minimum oppfylle utsleppskravnivå B1 (Euro 4). Bruken av Euro 4 bilane skal rapporterast årleg, innan kvart år, og årleg bruk skal ikkje overskride 10 % av totalt utkøyrde kilometer. Alle bilar > 3,5 t som nyttast skal ha dekktrykksindikator, eller det skal være rutinar for manuell måling av dekktrykk. Alle bilar i ordinær drift ved oppdraget skal ha alkolås. 1.6 Profilering på kjøretøy, utstyr og personell Leverandøren må innrette seg etter oppdragsgjevaren sine ønskje når det gjeld profilering (dekor/merking) av bilar, personell og utstyr. Eventuelle meirkostnader til profilering som følgje av oppdragsgjevar sine ønskje, vil bli kompensert. Alle avvatningsbilar nytta i kontrakten skal ha lik profil / farge / dekor, og skal som minimum profilerast med leverandøren, eventuelt underleverandøren sitt firmanamn, logo og telefonnummer. Så snart kontrakten vert avslutta, eller ved sal av utstyret, pliktar leverandøren å fjerne eventuelle profilelement frå oppdragsgjevar frå utstyret. Albaran AS Side 3 av 14

4 1.7 Rapportering Følgjande rapportering/dokumentasjon skal leverast: Tabell 2: Oppsummering av rapportering Frekvens rapportering Månadsrapport (12 gonger/år): Årsrapport for kalenderåret. Vedlagt faktura (12 gonger / år) Oppsummering av tal / type / volum renseeiningar som er tømt i kvar kommune Mengderapport med leveringsstad. Dokumentasjon på utførte ekstratømingar eller naudtømingar, jf. punkta 2.8 og 2.9. Elektronisk sendt (innan den femte i påfølgjande månad) Journal for utført tøming med følgjande oppsummering: - Avvik i høve til gjennomføringa av tømminga, t.d. eventuelle bomturar. - Oppsummering av registrerte tekniske manglar. Månadleg oppsummering av tal / type / volum renseeiningar som er tømt i kvar kommune. - Mengderapport (tonn avvatna slam/ månad) med leveringsstad. - Oppsummering av månadleg journal (sjå over) Statistikken for årsrapporteringa skal kvar fakturaperiode, i tillegg til akkumulerte summar frå starten på kalendaråret leggjast inn i excel rekneark av leverandøren. Eit oppdatert rekneark skal kunne gjerast tilgjengeleg for oppdragsgjevar på 3 virkedagars varsel når som helst på året. 1.8 Levering til mottaks- / behandlingsanlegg Leverandøren skal syte for innsamling og levering til det mottaks-/behandlingsanlegg som oppdragsgjevar bestemmer, og innanfor den normale opningstida dersom anna ikkje er bestemt for dei spesifikke leveringsstadane. Alt slam som vert levert skal vegast, med mindre oppdragsgjevar gjev skriftleg melding om noko anna. Avfallet skal tippast/lossast på den staden som mottaks- /behandlingsanlegget bestemmer. Eventuell omlasting skal skje utan ekstra kostnadar for oppdragsgjevar. Alle omlastingsstasjonar skal på førehand godkjennast av oppdragsgjevar. Det er følgjande aktuelle mottaksanlegg: Tabell 3: Mottaks-/behandlingsanlegg Mottaks-/behandlingsanlegg Opningstider Festingdalen, Sogndal: Måndag - fredag: Kl. 08:00 15:00. Albaran AS Side 4 av 14

5 Leverandøren vil få utlevert kort for automatisk veging utanom opningstidene i Festingdalen. Utanom opningstidene skjer likevel all kjøring inne på området på leverandørens eige ansvar, også med omsyn til brøyting og strøing. Oppdragsgjevar har rett til å nekte levering utanom opningstidene dersom leveringa ikkje skjer i samsvar med retningslinene frå oppdragsgjevar. 1.9 Endring av mottaks-/behandlingsanlegg Dersom det aktuelle mottaks-/behandlingsanlegget vert stengt for levering, eller oppdragsgjevar endrar leveringssted, medfører dette endringar i leveringsrutinane. Leverandøren må såleis rekne med mellombels eller permanent transport til eit anna mottaksanlegg. Ved permanent endring av leveringsstad (det vil seie at leveringa skal skje i minimum 3 månader), skal dette varslast 2 månader på førehand. Elles gjeld inga varslingstid. Permanent eller mellombels omdirigering gjev rett til pristillegg-/frådrag, men berre dersom transportavstanden endrar seg meir enn +/- 3,1 km (ein veg), og det i kontrakten ikkje er einingsprisar for levering til det aktuelle anlegget. Transportkostnadene vert då justert opp eller ned etter kr. pr. km (Kr/ km). Avrekninga skjer på grunnlag av endra transportavstand ein veg rekna frå «tyngdepunkt» i kvar kommune for kvar leveranse. Dokumenterte meirkostnader til eventuelle bompengar eller ferjer som følgje av endra lokalisering skal derimot godtgjerast i tillegg til justeringsfaktoren. Justering av transport skal reknast ut frå følgjande tyngdepunkt i kvar kommune: Kommune Aurland Balestrand Høyanger Nord Leikanger Luster Lærdal Sogndal Vik Årdal Tyngdepunkt Aurland sentrum Balestrand sentrum Høyanger sentrum Hermansverk Gaupne sentrum Lærdal sentrum Sogndal sentrum. Vik sentrum Årdalstangen sentrum Albaran AS Side 5 av 14

6 1.10 Krav til avvatning Generelt skal slammet som vert levert mottaks-/behandlingsanlegget ha eit tørrstoffinnhald på minimum 18 %. Oppdragsgjevar kan krevje at leverandøren tek ut stikkprøvar av levert slam som skal analyserast på tørrstoffinnhald. Opptil fire gonger årleg dersom kvar analyse viser eit tørrstoffinnhald over 18 %. Det er oppdragsgjevar som tilfeldig plukkar ut kva lass det skal takast stikkprøve av. Dersom ein prøve viser tørrstoffinnhald mindre enn 18 %, skal det innan ei veke takast ei ny prøve. Dersom også denne viser mindre enn 18 %, kan oppdragsgjevar krevje at leverandøren betaler ei teknisk bot til oppdragsgjevar på kr ,- eks. mva. Same prosedyre held fram heilt til prøva viser tørrstoffinnhald over 18 %. Det er leverandøren som kostar og utfører prøvetaking og analysar av tørrstoffinnhald. Dersom det kan dokumenterast slam med lågare tørrstoffinnhald enn kravet skuldast tankar som t.d. inneheld industrivatn eller anna som ikkje reagerer med avvatningskjemikaliane, vert det teke omsyn til dette ved vurdering av prøveresultata, alternativt at slike slamleveransar vert halde utanfor stikkprøvekontrollen. Polymerprodukt nytt til felling skal vere førehandsdeklarerte, og ikkje vere miljø- eller helsefarlege. Leverandøren er ansvarleg for dokumentasjon og bruk av polymeret mot eigaren av renseeininga. Dersom eigaren av renseeininga kan påvise feilfunksjon som skuldast leverandøren sitt polymer, eller feil bruk av dette, skal leverandøren straks syte for å reparere skaden. Dokumentasjonen av polymeret som vert nytta skal også vere ein del av kvalitetssystemet til leverandøren og visast oppdragsgjevar på førespurnad. 2 SPESIELL OMTALE AV OPPDRAGET 2.1 Tømeutstyr, tømeoperasjon All tøming og transport skal utførast med spesialbilar og på ein slik måte at ingen blir påført hygieniske ulemper. I separate slamavskiljarar skal alt avløpsvatn/slam sugast opp og avvatnast, og alle kammer skal tømast. Tette tankar skal også tømast fullstendig. Oppsamla rejektvatn frå avvatningsutstyret på bilen skal tømast i slamavskiljar etter at denne er tømt for slam. Slamavskiljaren må ikkje overfyllast slik at rejektvatnet vert ført inn i utsleppsrøyret. Det lyt takast særskilte omsyn ved tilbakefylling av slamavskiljarar som er tilknytt sandfiltergrøfter eller infiltrasjonsanlegg. Det skal ikkje tømast rejektvatn i tette tankar. Det kan gjevast løyve til å sleppe rejektvatn på kommunalt avløpsnett oppstrøms mekanisk reinseanlegg dersom leverandøren har fått skriftleg godkjenning frå kommunen, og viser denne godkjenninga til oppdragsgjevar minst to veker før utsleppet skjer. Leverandøren skal disponere utstyr som gjer det mogeleg å tøme renseeiningar som ligg inntil 100 m frå køyreveg, og maksimalt 25 m lågare enn der det kan køyrast med traktor og tankvogn. Albaran AS Side 6 av 14

7 Leverandøren sitt utstyr skal også kunne tøme minireinseanlegg. Dette er anlegg som kan vere plassert innomhus, og som har behov for meir fleksibelt slangeopplegg for å suge tanken heilt tom. Minireinseanlegg skal tømast etter retningslinjene som gjeld for dei ulike anleggstypane, og leverandøren har dermed ansvaret for å gjere seg kjent med type anlegg i bruk og tømeteknikk. Tøming av kommunale renseeiningar over 50 m3 vert avrekna etter særskilte einingsprisar i prisskjema. 2.2 Tømefrekvens Generelle tømefrekvensar er vist i tabell 4 nedanfor: Tabell 4: Generell tømefrekvens. Type renseeining / abonnent Slamavskiljar på eigedom med fast busetnad og vassklosett: Slamavskiljar frå fritidseigedom eller eigedom med fast busetnad utan vassklosett: Tette oppsamlingstankar: Slamavskiljar / tank <= 10 m3 Kvart 2.år Kvart 4.år Etter behov, men i utgangspunktet årleg. Privat eller kommunal slamavskiljar / tank > 10 m3 I utgangspunkt årleg, men fleire må tømast oftare, eller sjeldnare (følgjer spesiell tømeplan). Tømeplanen frå leverandøren, jf. NS 9430, punkt 6, skal i tillegg til tabellen over tilfredsstille følgjande krav : Årleg innsamla og levert slammengde skal fordelast over minimum 7 kalendermånader. Alle private tankar skal vere tømt innan 1.november. Tidsrommet mellom kvar ordinære tøming av tette tankar skal ikkje vere kortare enn 11 månader, men ikkje lengre enn 13 månader. Tidsrommet mellom kvar ordinære tøming av slamavskiljarar <= 10 m3 frå eigedom med fast busetnad med vassklosett, skal ikkje vere kortare enn 22 månader, men ikkje lengre enn 26 månader. Tidsrommet mellom kvar ordinære tøming av slamavskiljarar <= 10 m3 frå eigedom med fritidsbustad, eller fast busetnad utan vassklosett, skal ikkje vere kortare enn 46 månader, men ikkje lengre enn 50 månader. Alle renseeiningar tilhøyrande private skal tømast i området der tøminga pågår dersom tømefrekvensen tilseier dette. Dette sjølv om det er behov for spesialutstyr for å tøme enkelte renseeiningar. Det må takast omsyn til at tømebehovet for slamavskiljarar > 10 m3 ikkje alltid følgjer jamne periodiske syklusar slik at det vert mindre avvik frå avtalt tømeveke. Dersom dette berre Albaran AS Side 7 av 14

8 medfører ei forskyving av tømetidspunktet, og leverandøren likevel utfører tøming i nærområdet, vert tøminga godtgjort etter vanleg einingspris, ikkje naudtøming. Bestemte tankar/slamavskiljarar har eit kjent behov for fleire tømingar årleg. Informasjon om dette ekstrabehovet er inkludert i grunnlaget, og vert nærare spesifisert etter kontraktsinngåing som grunnlag for leverandøren sin tømeplan. Sidan dette ekstrabehovet er tilpassa i den årlege tømeplanen vert det føresett at tøminga vert godtgjort etter vanleg einingspris, og ikkje ekstratøming. Tømeplanen for 2015 skal leverast i samsvar med fristane gjeve i punkt 1.9 i konkurransegrunnlaget. Tømeplanen for 2016, og påfølgjande år skal leverast oppdragsgjevar for godkjenning innan 1.desembar kvart år, første gong Det vert rekna med at mannskapa til leverandøren er godt kjent med tømeplanen før arbeidet startar opp. 2.3 Abonnementsregister Følgjande opplysningar kan reknast som nokolunde komplett / oppdatert for kvar renseeining: Namn og adresse på eigar av renseeininga. Gards-/bruksnr der renseeininga ligg. Storleik / volum. Tømefrekvens. Dato for siste tøming. Registra har også nokre tekniske opplysningar om renseeiningane som t.d. volum, materialtype, tal kammer, utsleppstilhøve. Desse opplysningane er ikkje komplette. Oppdragsgjevar syter for oppdatering av registeret og sender dette til leverandøren etter avtalt frekvens. Leverandøren skal registrere alle nye renseeiningar som kjem til undervegs i kontraktsperioden, med dei same opplysningane som nemnt over, inkludert dei tekniske opplysningane. Det same gjeld eventuelle renseeiningar som enno ikkje er registrert. Leverandøren skal tøme og registrere slike renseeiningar, noko som er inkludert i einingsprisane for tøming. Registreringa skal utførast på eige skjema utforma av oppdragsgjevar. 2.4 Registrering av tømming og GPS-system Oppdragsgjevar vil før oppstart av denne kontrakten ha registrert alle standplasser med GPS-posisjon og knytt opp mot oppdragsgjevaren sin kundedatabase. Leverandøren sine bilar skal ha hardware levert av Norsk Navigasjon AS, eller tilsvarande, som til ein kvar tid tilfredsstiller funksjonskrava nedanfor. Dette inkluderer eventuelle nødvendige oppgraderingar av utstyret på bilane. For kvar tøming skal systemet / renovatøren registrere følgjande: ID, inkludert kunde-id, fraksjon, i tillegg til volum for oppsamlingseining. Dato og klokkeslett. Albaran AS Side 8 av 14

9 Geografisk posisjon i form av GPS-koordinat. Avviksmeldingar i form av førehandsdefinerte avvik og eventuell fritekst. Dokumentasjon av avvik med bilde som skal overførast via systemet til Komtek. Registrerte data skal overførast trådlaust minimum 1 gang pr. dag til oppdragsgjevar. Det vert føresett at registrerte data kan lesast inn i Komtek direkte utan behov for mellomsystem frå oppdragsgjevaren si side. Ved endringar, eller ved tilgang på nye abonnentar / næringskundar / oppsamlingseiningar skal leverandøren registrere disse og overføre de til oppdragsgjevar via Komtek, jf. også punkt Varsling og dokumentasjon av tøming Leverandøren skal varsle abonnentane om tøming. Varslinga skal gjerast to 2 veker før tøming. Eigarar med bustadadresse utanom kommunen der slammet skal tømast skal varslast 4 veker på førehand. I varselet til abonnentane skal det opplysast om kva veker (maksimalt innanfor ein tovekers periode) som tanken vert tømt, og om abonnenten sin plikt til å klargjere tilkomst til kumlokk, og retten som leverandøren har til å plassere utstyret sitt på eigedommen under tøming. I tillegg skal det opplysast om andre plikter og rettar som følgjer av dei kommunale slamforskriftene, t.d. at abonnenten skal betale for eventuell bomtur. 2.6 Tøming hjå abonnent Der renseeininga ikkje er gravd fram, eller andre tilhøve hjå abonnenten som gjer slamtøming umogeleg, skal leverandøren leggje att avviksmelding til abonnenten i/på postkasse/dør. I denne avviksmeldinga skal abonnenten med tilvising til lokal kommunal slamforskrift, gjerast merksam på avviket, og plikta abonnenten har til å varsle om når eininga er klar før tøming. Utforming av avvikslappen skal godkjennast av oppdragsgjevar før bruk. Kopi av varsel om manglande framgraving eller liknande, skal sendast oppdragsgjevar pr e-post eller på annan avtalt måte, t.d. via GPSsystemet. Den første turen skal fakturerast som «bomtur», medan den nye tøming skal fakturerast som vanleg tøming. På vegar med bom må leverandøren låse bommen både ved innkjøring og utkjøring. Leverandøren lyt kontakte abonnenten eller vegeigar for å få tak i nøklar. Tøminga skal utførast slik at abonnenten eller grannar vert minst mogeleg sjenert av støy og lukt. Eventuelle uhell med søl av kloakkvatn må fjernast / reingjerast omgåande, eventuelt spylast med reint vatn og eigna desinfeksjonsmiddel. Leverandøren har rett til å plassere nødvendig utstyr på abonnenten sin eigedom for å utføre tøminga. Leverandøren handterer bil og utstyr på eige ansvar for skade på tredjemann sin eigedom. Dette gjeld t.d. planter, busker, plenar, vegar, gjerder eller andre delar av abonnentane sine eigedommar. Skade på materiell eller eigedom skal varslast til oppdragsgjevar, i tillegg til abonnent der dette er relevant, seinast same dag som dette vart oppdaga. Alle materielle skadar (på gjerde, hagar mv.) skal Albaran AS Side 9 av 14

10 innan 3 veker utbetrast til same standard som før skaden oppstod, eller erstattast på annan måte etter avtale med eigar. Etter at tøminga er utført skal renseeininga stengjast og både anlegget og abonnenten sin eigedom skal etterlatast i like gode stand som før tøminga. Dersom leverandøren oppdagar tilhøve som utgjer ein fare eller risiko (t.d. eit øydelagt lok, skal han straks melde i frå til abonnenten, enten som eige brev/lapp, eller direkte på tømekvitteringa. Feilen skal dokumenterast fotografisk. Kopi av varsel med bildedokumentasjon skal sendast oppdragsgjevar. Som grunnlag for eventuelle diskusjonar med abonnent, skal leverandøren etter kvar tøming ta bilete av renseeininga som er tømt slik at det frå omkringliggjande terreng/hage er mogeleg å sjå kvar renseeininga ligg. Det skal visast dato og årstal på kvart bilete. Dette for å dokumentere at tøminga er utført i samsvar med kontrakt. Dersom fotografi i enkelte tilfelle ikkje er føremålstenleg, skal tøminga kunne dokumenterast på annan måte avtalt med oppdragsgjevar. Dokumentasjonen skal lagrast hjå leverandøren, men skal innan ein virkedag sendast elektronisk til oppdragsgjevar dersom han ber om dette. For kvart tilfelle der det manglar dokumentasjon, vert leverandøren ilagt eit gebyr på NOK Registrering av feil Dersom det vert avdekka feil ved røyr, dykkarar, tettleik mv., som er relevant for framtidig tøming, eller kan medføre lokale miljøulemper eller liknande, skal det leverast ei avviksmelding til eigaren / abonnenten om dette. Oppdragsgjevar skal ha elektronisk kopi av avviksrapporten, inkludert fotografisk dokumentasjon av mangelen. Dersom det vert avdekka akutt ureiningsfare, skal det straks gjevast melding til tankeigar og oppdragsgjevar, med påfølgjande elektronisk rapportering. 2.8 Naudtøming Naudtøming er tøming av enkelteiningar (renseeiningar) som må utførast på kort varsel utanom vanleg tømeplan grunna akutte uhell eller andre hendingar. Varsel om behov for naudtøming kan gå direkte frå abonnent, eller via oppdragsgjevar. Uavhengig av kven som varslar, skal leverandøren sende kvittering for motteke varsel pr. e-post til oppdragsgjevar. Dersom anna ikkje er avtalt skal naudtøming utførast snarast mogeleg, og innan 24 timar etter varsel frå abonnent eller oppdragsgjevar. Leverandøren kan ikkje nekte å utføre naudtøming, og må ha beredskapsordning for dette. Dersom det er klart at leverandøren ikkje kan utføre naudtøming innan fristen, kan oppdragsgjevar leige andre til dette på leverandøren si rekning, jf. punkt 19.2, NS Naudtøming skal utførast etter særskilte einingsprisar i prisskjema, og leverandøren må syte for abonnenten kvitterer for utført naudtøming på eige skjema, sjå vedlegg, punkt 5.1. Signert kvittering frå abonnent skal leggjast ved faktura. 2.9 Ekstratøming Ekstratøming er ikkje like akutt som naudtøming, og skal oppfylle følgjande kriteriar: Tøminga er utanom vanleg tømefrekvens. Albaran AS Side 10 av 14

11 Næraste renseeining er maksimalt 5 km frå området der det vert utført vanleg tøming. - Dersom fleire abonnentar ynskjer å samordne ei ekstratømming må det vere minimum 10 renseeiningar, alternativt totalt minst 40 m3 tankvolum Varsel om ekstratøming skal alltid skje frå oppdragsgjevar, og leverandøren må syte for at abonnenten kvitterer for utført ekstratøming på eige skjema, sjå vedlegg, punkt 5.1. Signert kvittering frå abonnent og tinginga frå oppdragsgjevar skal leggjast ved faktura. 3 TENESTER SOM SKAL PRISAST SOM OPSJONAR 3.1 Generelt Ved bestilling eller avbestilling av opsjon(ar) skal leverandøren innordne seg dette. Dersom ikkje anna er spesifisert, skal leverandøren varslast skriftleg med minst 4 veker før opsjonen kan startast opp eller avsluttast. Oppdragsgjevar står fritt til å bestille tenester prisa som opsjon frå andre leverandørar utanom kontrakten. Ein kontrakt på grunnlag av denne tilbodskonkurransen kan ikkje berre omfatte opsjonstenester, men må følgje oppdraget. Prisskjema er i vedlagte regneark. 3.2 Opsjon Slamtøming i Høyanger Sør Dette vil seie slamtøming i den delen av Høyanger kommune som er sør for Sognefjorden. Tenesta omfattar dei same vilkåra som for hovudoppdraget, der det avvatna slammet skal leverast Festingdalen. Opsjonen skal varslast seinast 3 månader før den vert innført eller avslutta. 3.3 Frivillig opsjon Tilbod på komplett slambehandling Denne aktiviteten gjeld komplett slambehandling, dvs. ei løysing som omfattar både slamtøming frå same geografiske område som hovudoppdraget, og transport til behandlingsanlegg, i tillegg til slambehandling og endeleg disponering av alt slam som er samla inn. Opsjonen er frivillig, dvs. at tilbydarane står fritt til å prise denne. Opsjonen er såleis eit alternativ til hovudoppdraget, der alle relevante vilkår ved hovudoppdraget framleis er gjeldande. Dersom opsjonen vert nytta skal den varslast seinast 6 månader før oppstart. I tilbodet kan tilbydaren opplyse om eventuelle vilkår for minimum tidsrom som aktiviteten skal gjelde. Ved eventuelt tilbod på opsjonen, skal tilbydar stadfeste at det/dei aktuelle behandlingsanlegget/-a har gyldig løyve, og skal leggje ved ei eventuell stadfesting frå den som har løyvet til at slammet frå oppdragsgjevar kan behandlast der. Leverandøren er sjølv ansvarleg for å anslå mengda avvatna slam til behandling, og tenesta vert som for hovudoppdraget avrekna etter talet på tømingar. Opsjonen vert såleis prissett gjennom å gje eit fast påslag på tømeprisen for kvar kommune som skal dekkje heile arbeidsomfanget. Albaran AS Side 11 av 14

12 3.4 Opsjon Timeprisar slamtøming Oppdragsgjevar har rett til å krevje at delar av kontraktarbeidet vert utført som rekningsarbeid avrekna pr. time. Dette kan t.d. vere aktuelt ved tøming av store kommunale slamavskiljarar, omfattande naudtøming mv. Tilbydar skal difor oppgje timepris på bil med sjåfør og sidemann, og timeprisar utan bil. Einingsprisane skal inkludera alle kostnader, og gjelde uavhengig kva vekedag og tid på døgnet arbeidet vert utført. Det vert likevel bedt om ulike timeprisar etter om det er tøming utført i samband med anna tøming i same området (vanleg tøming), eller om det er ekstratøming eller naudtøming, jf. varslingsfristane for dette. Timeprisane kan også vere aktuelle å nytte ved aktivitetar som ikkje er omfatta av hovudoppdraget, og der timeprisane er relevante. Ved bruk av denne opsjonen vil oppdragsgjevar i tillegg til timeprisen dekkje ferjebillettar og bompengar etter satsar med full rabatt, dersom dette ikkje er dekka inn av andre einingsprisar i kontrakten. Bruk av timepris vert ved vanleg tøming gjeve med minimum 5 virkedagars varsel. Ved ekstratøming og naudtøming gjeld varslingsfristane for desse, jf. punkta 2.8 og INFORMASJON OM BILAG Bilag 3a Grunnlagsdata Under fliken "bilag3a" er samla relevante grunnlagsdata. Det vert presisert at slammengdene kan variere både over året og frå år til år. 4.2 Bilag 3b Utfylling av prisskjema mv Skjema i vedlagte excel-ark kan fylles ut manuelt eller i excel. Det er berre dei gule felta som skal fyllast ut. Utskrift av skjema skal leggjast ved tilbodet. Det vert teke atterhald om feil i formlar / referansar i pristabellane. Ved eventuelle feil er det dei gjevne einingsprisane som vert lagt til grunn. Tall, verdiar og annen informasjon utfylt av oppdragsgjevar, skal ikkje endrast av tilbydaren. For opsjonar er nokre av mengdene grovt stipulert for å kunne få fram ein stipulert årskostnad. Desse mengdene er generelt usikre, og representerer ikkje det forventa nivået. Skjema B12 B15 gjeld grunnlaget for vurdering av tildelingskriteria om kvalitet. Der skal gule felt fyllas ut, i tillegg til at det på eigne dokument skal gjevast ein utfyllande omtale knytt til kvart punkt som der er lista opp. Det vert likevel presisert at punkta i skjema B12 B15 ikkje er utømmande, slik at tilbyder gjerne kan supplere med fleire opplysningar som er relevante i forhold til tildelingskriteria. 4.3 Bilag 3b Inkludert i einingsprisane i prisskjema Der det ikkje er nemnt noko anna, skal alle prisar, summar og einingsprisar inkludere alle kostnader til leverandøren i samband med utføring av arbeidet, inkludert men ikkje avgrensa til - delar og Albaran AS Side 12 av 14

13 materiell/utstyr (halde av leverandør), forbruksmateriell, generalkostnader (inklusive administrasjon og arbeidsleiing) sentralt og for oppdraget, skattar og avgifter og forteneste. Dvs. at tilbydar må inkludere alle sine påreknelege kostnader ved utfylling av skjema, sjølv om ikkje alle kostnadselement og arbeid / ytingar er nemnde i detalj i konkurransegrunnlaget. Dersom det viser seg å vere behov for auka ressursinnsats for å gjennomføre oppdraget, skal leverandøren auke ressursbruken utan ekstra kompensasjon. Dette gjeld t.d. ekstra ressursinnsats ved eventuelt plunder og heft i oppstartsfasen. Dersom tilbydar meiner at nokre av kostnadene ikkje naturleg kan knytast til skjema, må kostnadene tydeleg kvantifiserast og spesifiserast i tilbodsbrevet. Tilbyder skal fylle ut alle postar i tilbodet. Prisene skal vere i kroner (NOK) eksklusive meirverdiavgift. Det er alltid einingsprisane i avtalen som vert lagt til grunn ved avrekning. Einingsprisane gjeld (lista er ikkje uttømmande): uansett når på døgnet arbeida vert utført, uansett vekedag arbeida vert utført, uansett når på året arbeida vert utført, uansett mengde arbeid pr. arbeidsoperasjon. Albaran AS Side 13 av 14

14 5 VEDLEGG 5.1 Døme på kvittering på naudtøming og ekstratøming Albaran AS Side 14 av 14