STANDARD AVTALEVILKÅR TENESTEKJØP

Transkript

1 STANDARD AVTALEVILKÅR TENESTEKJØP 1.0 UTFØRING 1.1 Tenesteytar pliktar å utføra oppdraget slik avtalen tilseier, og kjøpar pliktar å dekke sitt behov for tenesta som avtalen omfattar frå avtaleleverandør. 1.2 Tenesteytar skal følgja dei til ei kvar tid gjeldande lovreglar og avgjersler som er viktige for utføring av oppdraget. Tenesteytar skal også henta inn og oppretthalda løyver som er naudsynte i samband med utføring av oppdraget. 1.3 Tenesteytar skal utføra oppdraget i samsvar med godkjent teknikk, og slik dei til ei kvar tid gjeldande bransjenormer tilseier. 1.4 Dersom kjøpar, etter å ha inngått avtale, set krav til materiale, utstyr, konstruksjonsval, metode, retningsliner eller liknande, som tenesteytar må ta atterhald for, skal kjøpar straks ha skriftleg melding om dette. 1.5 Utan kjøpar sitt skriftlege samtykkje, kan ikkje tenesteytar overgi oppdraget, eller deler av det, til underleverandørar. 1.6 Dersom det syner seg at oppdraget ikkje kan starta opp, verta gjennomført eller verta avslutta i samsvar med kontrakten, skal tenesteytar straks varsla kjøpar. 2.0 PERSONELL 2.1 Kjøpar er ikkje å sjå på som arbeidsgjevar for tenesteytar sitt personell, sjølv om dette personellet skal utføra oppdraget, eller deler av det, i samarbeid med kjøpar sin organisasjon. 2.2 Tenesteytar skal med det same varsla kjøpar om ein kvar eksisterande eller mogleg interessekonflikt i samband med oppdraget. 3.0 KVALITETSSIKRING 3.1 Tenesteytar skal ha eit tilfredsstillande system for kvalitetssikring som er tilpassa tenesta. Dersom kjøpar ber om det, pliktar tenesteytar å hjelpa til med å kontrollera systemet. Kjøpar kan forlanga at det vert lagt fram prøveprotokoll, materialsertifikat, utrekningar og liknande. Tenesteytar skal syta for at kjøpar har dei same rettar ovanfor alle underleverandørar. 3.2 Årleg og elles på førespurnad skal leverandør utan omkostningar leggja fram statistikk for den einskilde, avdeling etc REVISJON 4.1 Kjøpar, eller den kjøpar har oppnemnt som revisor, har rett til å føreta revisjon av tenesteytar sine rekneskap i den grad dette er naudsynt for å kontrollera tenesteytar si fakturering. Tenesteytar skal utan vederlag yta rimeleg assistanse ved ein slik revisjon. Kjøpar sin rett til å føreta revisjon gjeld i 2 år etter utløp av det året då kjøpar mottok sluttfaktura for oppdraget. 4.2 Det same som i pkt. 4.1 gjelde for kjøpar sin ret til å føreta revisjon / kontroll av tenesteytar sine tilsettingsvilkår, arbeidsavtalar og lønsslippar. Side 1 av 5

2 5.0 BETALINGSVILKÅR / PRISREGULERING 5.1 Kjøpar skal betala tenesteytar i samsvar med dei vilkår som går fram av tinginga. Prisane skal vera faste i 24 månader og kan deretter regulerast i tråd med prisutviklinga i marknaden dokumentert gjennom SSB sin prisindeks. Krav om prisendringar må setjast fram skriftleg og ikkje setjast i verk før kunden har akseptert desse. Dersom det er avtala ei total kostnadsramme for oppdraget, representerer ramma tenesteytar sitt maksimale, samla krav på vederlag. For å ha krav på vederlag ut over kostnadsramma, må det føreligga ei skriftleg godkjenning frå kjøpar. 5.2 Innan 30 dagar etter at oppdraget er avslutta, skal tenesteytar sende faktura for sluttoppgjer. Sluttfaktura skal dekke alle krava som tenesteytar har overfor kjøpar i samband med oppdraget. 5.3 Betalingsfrist er 30 dagar etter mottak av rett faktura. 5.4 Dersom beløp som er forfalle ikkje vert betalt i rett tid, vert den morarenta som gjeld betalt etter Lov om renter ved forsinka betaling mv. av (p.t. 8,75 % p.a.). 5.5 Purregebyr og/eller andre kostnader i samband med for sein betaling skal vera dekka i gjeldande morarente. 5.6 Handsamingsgebyr/fakturagebyr og liknande vert ikkje godtekne. 5.7 Tenesteytar som overdreg faktura til tredjemann for innkrevjing er framleis ansvarleg overfor kjøpar med omsyn til reklamasjonar eller regresskrav. 5.8 Alle fakturaene skal vera merka med t.d. brukareining, avdeling og namn til kontaktperson, samt andre referansar kjøpar krev (t.d. kontostreng/ref.nr). Det skal koma tydeleg fram på fakturaen kva beløpet gjeld. Kjøpar har rett til å returnera fakturaer som ikkje er i samsvar med krava. 5.9 Kjøpar kan halde tilbake beløp som er udokumenterte eller som det er tvist om. I slike tilfelle skal kjøpar gje melding til tenesteytar om kva beløp som vert halde tilbake og om årsaka til dette Kjøpar har rett til å halde tilbake utbetaling inntil tenesteytar anten har dokumentert at pliktig skatteinnbetaling har funne stad, eller har stilt fullgod trygd for slik innbetaling. Kjøpar kan alltid krevja regress hjå tenesteytar for det ansvar han vert påført som følgje av at tenesteytar ikkje har føreteke pliktig skatteinnbetaling. 6.0 REKLAME 6.1 Dersom det ikkje føreligg eit særleg skriftleg samtykke frå kjøpar, skal ikkje tenesteytar senda ut pressemeldingar, annonsera eller føreta anna form for reklame vedkomande oppdrag som er avtala. 7.0 RETTAR TIL RESULTAT 7.1 Dersom ikkje anna er avtala har kjøpar, som den einaste, eigedomsrett til resultat av oppdraget etter kvart som det vert utført. Alle rapportar, teikningar, spesifikasjonar og liknande dokument, samt dataprogram som vert utarbeidd som følgje av tenesteytar sitt arbeid under avtalen, er å rekna som ein del av resultatet av oppdraget. Side 2 av 5

3 8.0 ENDRINGAR 8.1 Kjøpar har rett til å setja krav om endringar av alle slag i tenesteytar sine ytingar. Kjøpar har likevel ikkje rett til å krevja utført endringar som går ut over det som er rimeleg at partane kunne forventa då avtalen vart inngått. 8.2 Dersom tenesteytar oppdagar behov for slike endringar som er nemnt over, skal kjøpar snarast ha skriftleg melding om dette. Eventuelle endringar skal vera godkjende skriftleg av kjøpar før dei vert utførde. 8.3 Tenesteytar skal godskrivast for det meirarbeid som iverksetjing av slike endringar medfører. Dersom ikkje anna er avtala, skal godskrivinga vera i samsvar med det kostnad- og fortenestenivå som det tidlegare avtala arbeidsomfang er basert på. Dersom det tidlegare avtala arbeidsomfanget ikkje er relevant for vurdering av tillegg for meirarbeidet, skal vurderinga byggja på kva som er rimeleg verdi for tilsvarande ytingar. Dersom endringane medfører reduksjon i tenesteytar sine ytingar, skal kjøpar ha dette godskrive på same måte. 8.4 Kjøpar kan utan varsling til ei kvar tid utsetja heile oppdraget, eller deler av oppdraget. I slike tilfelle skal tenesteytar med det same gje kjøpar skriftleg melding om kva verknader slik utsetjing medfører for gjennomføring av oppdraget. Dersom utsetjingsperioden går ut over 90 dagar, har tenesteytar rett til å sei opp kontrakten ved å gje kjøpar skriftleg melding. 8.5 I utsetjingsperioden kan tenesteytar krevja å få dekka sine dokumenterte og naudsynte kostnader i samband med eventuell demobilisering og mobilisering av arbeidskrafta. 9.0 AVBESTILLING 9.1 Kjøpar har til ei kvar tid rett til å sei opp kontrakten. Tenesteytar har ikkje rett på noko vederlag på grunn av slik oppseiing. Dersom varselet er kortare enn 30 dagar, skal kjøpar dekkja dokumenterte og naudsynte utgifter som har oppstått i samband med ei føremålstenleg avvikling av oppdraget KONTRAKTSBROT 10.1 Tenesteytar pliktar for eiga rekning å rette påviste feil ved tenesteytar si utføring av oppdraget eller ved feil i resultata. Tenesteytar må rette slike manglar i inntil 24 månader etter at kjøpar skriftleg har akseptert oppdraget som avslutta. Dersom tenesteytar ikkje rettar påviste feil innan rimeleg tid etter at kjøpar har gitt melding om feilen, kan kjøpar anten krevja avslag i pris, sjølv føreta naudsynte utbetringar eller engasjera ein tredje part. Dersom kjøpar handsamar utbetringa på ein rimeleg måte, skal tenesteytar dekka kostnadane ved utbetringa Dersom ein avtala tidsfrist ikkje vert halden, skal tenesteytar for kvar kalenderdag fristen vert overskriden, betala 0,5 % av det totale vederlaget for oppdraget som er avtala. Den samla øvre grensa er likevel 10 % av det totale vederlag, og avgrensa nedåt til kr. 300,- pr. dag. Konvensjonalbota kan trekkast frå det beløpet som tenesteytar har til gode hjå kjøpar. Har resultata slike manglar at dei ikkje er eigna til formålet, vert dette likestilt med for sein levering Dersom tenesteytar ikkje har vist aktsemd, kan kjøpar, i staden for konvensjonalbot, krevja skadebot for tap kjøpar vert påført som følgje av mangelen. Side 3 av 5

4 10.4 Dersom tenesteytar mislegheld plikter i samband med oppdraget, kan kjøpar krevja at tenesteytar straks set i verk naudsynt handling for å oppfylla pliktene sine. Dersom dette ikkje vert gjort innan ein rimeleg frist som er fastsett av kjøpar, kan kjøpar sei opp avtalen. Kjøpar kan i begge tilfelle krevja skadebot for alle meirkostnader som kjøpar vert påført som følgje av kontraktsbrotet Om tenesteytar mislegheld sine plikter i vesentleg grad, kan kjøpar sei opp avtalen med straksverknad og krevja skadebot som i FORSIKRING 11.1 Tenesteytar skal for eiga rekning teikne og oppretthalda ein ansvarsforsikring som er tilpassa tenesteytar si verksemd. Forsikringa skal dekkje tap eller skade på person eller gode som tenesteytar kan påføre kjøpar eller person og ting til tredjemann ved utføring av tenesta. Med mindre anna er avtala, skal ansvarsbeløpet vera følgjande: Transporttenester: Ansvarsforsikring skal minimum vera slik bilansvarslova seier. Bygg- og anleggsverksemd: Ansvarsforsikring på minimum 150 G. Anna verksemd: Ansvarsforsikring på minimum NOK 3 mill. pr. skadetilfelle Forsikringsbeviset skal ikkje innehalde bestemmingar som reduserer kjøpar sin rett til å krevje skadebot direkte frå forsikringsselskapet, eller som kan redusere kjøpar sine krav på grunn av forhold hjå tenesteytar etter at forsikringstilfellet har skjedd Tenesteytar skal syte for at kjøpar får direkte melding frå forsikringsselskapet dersom vilkår vert endra eller forsikringa vert sagt opp eller går ut. Vidare skal tenesteytar syte for at forsikringa er slik at den gjeld i minst ein månad etter at kjøpar har fått slik melding som er skildra over Etter oppmoding frå kjøpar skal tenesteytar leggja fram kopi av forsikringspolisen eller attest om forsikringsdekking for oppdraget. Etter oppmoding skal tenesteytar også leggja fram fråsegn frå forsikringsselskapet der det kjem fram at vilkåra i pkt er oppfylt Å HALDE KJØPAR FRI FOR SKADE 12.1 I samband med utføring av oppdraget skal tenesteytar halde kjøpar fri for skade mot eitkvart krav som måtte følgje av personskade eller død på tenesteytar sine eigne tilsette og/eller tap av eller skade på eigedomen til tilsette Ingen av partane skal kunne setja fram noko krav mot den andre part som følgje av tap på eiga, forventa forteneste eller liknande indirekte tap i samband med oppdraget TEIEPLIKT 13.1 I samband med utføring av oppdraget skal reglane i Forvaltningslova følgjast Tenesteytar har teieplikt vedkomande forhold i samband med oppdraget. Alle opplysningar om kjøpar som tenesteytar tileigner seg i samband med utføring av oppdraget skal haldast hemmeleg og må ikkje mangfaldast eller nyttast til anna formål enn utføring av oppdraget. Tenesteytar har teieplikt i høve til opplysningar om personlege forhold som tenesteytar måtte kome over eller verte kjent med i samband med utføring av oppdraget. Side 4 av 5

5 13.3 Om nokon del av leveringa er av slikt slag at den kjem inn under lov eller forskrift som krev hemmeleghald, skal tenesteytar/leverandør opptre slik det er bestemt gjennom gjeldande reglar om vern av opplysningar DOKUMENT 14.1 Om det er tilhøve som ikkje er regulert i dette dokumentet gjeld Kjøpslova ( Lov om kjøp av 13. mai nr ) Dersom tingingsdokumenta inneheld vilkår som er gjensidig motseiande, og ingenting anna er avtala, skal dokumenta gjelde i denne rekkjefølgje: Konkurransegrunnlaget med vedlegg Anbodet / tilbodet 15.0 TVISTAR 15.1 Dersom det oppstår tvistar med avtalen, skal partane søkja å løyse tvistane ved forhandlingar. Om forhandlingar ikkje fører fram, skal saka bestemmast gjennom ordinære domstolar. I tilfelle søksmål er Hardanger tingrett verneting for partane i kontrakten. Side 5 av 5