Kontrakt. Orienteringsdesign. Kontrakten gjeld: Kontrakt mellom: SKYSS (heretter kalla oppdragsgjevar) (heretter kalla leverandør) Bergen den.

Transkript

1 Kontrakt Kontrakten gjeld: Orienteringsdesign Kontrakt mellom: SKYSS (heretter kalla oppdragsgjevar) og (heretter kalla leverandør) For oppdragsgjevaren: Bergen den. / 2012 For leverandøren: Bergen den. / 2012 Versjon 3.0

2 Det er skriven ut 2 eksemplar av denne kontrakten. Oppdragsgjevar og Leverandør har kvar motteke 1 eksemplar. GENERELT Kontrakten er dette avtaledokumentet og dei Alminnelege innkjøpsvilkår for tenester. FORMÅLET MED KONTRAKTEN Kontrakten skal dekkje det oppdragsgjevaren treng av tenester som omtalt i førespurnaden. Formålet med kontrakten er å regulere rettar og plikter til partane i samband med kjøp av tenestene. AVTALEN GJELD I TIDSROMMET Avtalen gjeld frå 16/04/2012 til innhaldet i kontrakten er levert. OMFANG Leveransen skal vere i samsvar med kontrakten og Vedlegg 1: Oppdragsgjevar sin kravspesifikasjon i førespurnaden Vedlegg 2: Prismatrise Vedlegg 3: Leverandør sitt tilbod Vedlegg 4: Eventuelle endringar etter at kontrakt er signert Dokumenta er lista opp i prioritert rekkefølgje. PRIS- OG BETALINGSVILKÅR Det er avtalt følgjande prisar for oppdraget: Sjå vedlegg 2 Betalingsvilkår går fram av dei Alminnelege innkjøpsvilkår for tenester punkt 2. Dette utgjer oppdragsgjevar sine fulle og heile pris- og betalingsvilkår etter denne kontrakten. Side 2 av 6

3 KONTAKTPERSONAR Oppdragsgjevar sin kontaktperson for kontrakten er: Namn: Bjørn Erik Linde e-post: Telefon: Postadresse: PB 7910, 5020 BERGEN Leverandør sin kontaktperson for kontrakten er: Namn: e-post: Telefon: Postadresse: FAKTURERING 1. Faktura skal sendast til sentralt fakturamottak: Hordaland fylkeskommune Fakturamottak PB BERGEN Faktura skal innehalde opplysningar om: a. Oppdragsgjevar sitt Ordre- eller ressursnummer b. Namn på bestillar c. Namn på avdeling / seksjon Ved avvik mellom ordrebeløp og mottatt faktura, skal oppdragsgjevar varsle leverandøren om avviket innan betalingsfrist for faktura. Leverandøren skal utan ugrunna opphald rette opp avviket og sende kreditnota til oppdragsgjevaren. Side 3 av 6

4 Alminnelege innkjøpsvilkår for tenester 1 Bruk 1.1 Desse alminnelege innkjøpsvilkåra gjeld for kjøp av tenester til Hordaland fylkeskommune. 1.2 Leverandøren er den adressaten som bestillinga er stila til og/eller det er inngått avtale med. 1.3 Eventuelle avvikande kontrakts-/leveringsvilkår er utan verknad for leveransen med mindre oppdragsgjevaren skriftleg har godteke dei. 1.4 Dei alminnelege føresegnene i lov om kjøp av 13. mai 1988 nr. 27 (kjøpslova) gjeld så langt anna ikkje er avtalt. 2 Pris og betalingsvilkår 2.1 Prisen skal vere avtalt på førehand mellom partane. Prisen inkluderer alle kostnader. Prisen skal vere avtalt eksklusive meirverdiavgift. 2.2 Fakturering skal skje etterskotsvis med betaling per 30 dagar. Betalingsfristen startar ikkje å løpa før levering har skjedd og godkjend faktura er motteken. 2.3 Godkjend faktura skal vere spesifisert slik at oppdragsgjevaren kan kontrollere at det som er fakturert, er levert i samsvar med kontrakten. Det blir ikkje akseptert fakturagebyr, purregebyr eller andre gebyr. For fakturering etter tidsbruk skal tidsbruken spesifiserast. 2.4 Ved forseinka betaling kan leverandøren krevje forseinkingsrenter i samsvar med lov 17. desember 1976 nr. 100 om renter ved forsinket betaling mv. 2.5 Leverandøren kan ikkje overdra fakturaer til tredjemann for innkrevjing utan samtykke frå oppdragsgjevaren på førehand. 3 Levering 3.1 Levering blir rekna som utført når tenesteytinga er gjennomført i samsvar med det som er avtalt, og oppdragsgjevaren har godkjent leveransen. 3.2 Dersom tenesteytinga består av utgreiings- eller utviklingsoppdrag, reknar ein leveringa som utført først når aktuelle dokument o.l. er overleverte, og oppdragsgjevaren har godkjent dei. 4 Risikoovergang Risikoen går over frå leverandøren til oppdragsgjevaren ved levering. 5 Leverandøren sine kontraktsplikter 5.1 Alminnelege plikter Tenesteytinga skal gjennomførast etter avtalen og skal utførast profesjonelt, effektivt og med høg fagleg standard Leverandøren skal samarbeide lojalt med oppdragsgjevaren og ivareta oppdragsgjevaren sine interesser. 5.2 Tenesteytinga sine eigenskapar Leverandøren skal utføre tenesteytingar i samsvar med kontrakten. Tenesteytinga skal elles vere eigna for det tiltenkte formålet Leverandøren er ansvarleg for at utføringa av tenesteytinga skjer i samsvar med gjeldande lovgiving og i samsvar med relevant bransjeregelverk og eventuelle andre reglar som kan ha innverknad på utføringa av tenesteytinga. Leverandøren skal innhente og vidareføre alle nødvendige løyve for utføring av tenesteytingar og på oppmoding frå oppdragsgjevaren leggje fram dokumentasjon på at nødvendige løyve finst. 5.3 Garanti Leverandøren tek på seg ansvar for feil og manglar som måtte bli påviste i dei første 24 månadene etter levering. For deloppdrag reknar ein fristen frå heile tenesteytinga er levert. Garantitida skal likevel ikkje vere kortare enn alminneleg praksis for den aktuelle bransjen. Leverandøren skal i garantitida snarast råd og for eiga rekning rette feil og manglar ved leveransen, slik at han er utan feil og manglar av noko slag Føresegna her avgrensar ikkje retten oppdragsgjevaren har til å fremje alminnelege mangelsanksjonar. 5.4 Overføring av rettar, rettsmanglar Eigedomsrett, opphavsrett og andre relevante materielle og immaterielle rettar til tenesteytinga tilkjem oppdragsgjevaren når betaling har skjedd, med mindre anna er skriftleg avtalt, og med dei avgrensingar som følgjer av annan avtale eller ufråvikeleg lov Leverandøren skal levere varene frie for tredjemannskrav som ikkje er omtalte i avtalen, og skal halde oppdragsgjevaren skadefri for alle former for tredjemannskrav Leverandøren har rettane til eigne verktøy og metodegrunnlag. Begge partane kan òg utnytte generell kunnskap (knowhow) som ikkje er underlagd teieplikt, og som dei har tileigna seg i samband med tenesteytinga. 5.5 Overføring av dokument Der tenesteytinga er representert ved dokument, skal desse dokumenta leverast saman med tenesteytinga. 5.6 Underleverandørar Med mindre anna er avtalt mellom partane, kan leverandøren nytte underleverandørar til å oppfylle pliktene sine etter kontrakten. Leverandøren er likevel ansvarleg for å oppfylle heile leveransen. Oppdragsgjevaren har rett til å underkjenne valet av underleverandør dersom det er sakleg grunn til det. 5.7 Forsikringar Leverandør har ansvar for aktuelle forsikringar fram til risikoen går over på oppdragsgjevaren. 5.8 Varslingsplikt Blir leverandøren hindra i å oppfylle pliktene sine til rett tid, skal han utan ugrunna opphald melde frå til oppdragsgjevaren om hindringa og kva følgjer det får. Leverandøren skal kunne dokumentere når og korleis slik melding blei gjeven. 6 Oppdragsgjevaren sine sanksjoner ved misleghald 6.1 Reklamasjonsperiode Side 4 av 6

5 6.1.1 Dersom oppdragsgjevaren ønskjer å gjere gjeldande misleghaldsverknader, må han gi skriftleg melding til leverandøren om mangelen innan rimeleg tid etter at han oppdaga eller burde ha oppdaga han Reklamerer ikkje oppdragsgjevaren innan tre 3 år etter levering, kan han ikkje seinare gjere mangelen gjeldande. Det gjeld ikkje dersom leverandøren ved garanti eller annan avtale har teke på seg ansvar for manglar i lengre tid Oppdragsgjevaren kan uansett gjere mangelen gjeldande dersom leverandøren har opptredd forsettleg, grovt aktlaust eller i strid med ærleg framferd og god tru. 6.2 Brot på varslingsplikta Dersom oppdragsgjevaren ikkje får slikt varsel som bestemt i pkt. 5.8 innan rimeleg tid etter at leverandøren fekk eller burde ha fått kjennskap til hindringa, kan han krevje erstatta tap som kunne vore unngått om han hadde fått meldinga i tide. 6.3 Tilbakehalding av betaling Har oppdragsgjevaren krav som følgje av misleghald frå leverandørens side, kan han halde tilbake så mykje av vederlaget som misleghaldet utgjer av det samla vederlaget. 6.4 Dagbot Dersom leverandøren ikkje held fristar som avtalt, ligg det føre forseinking, som gir grunnlag for dagbot. Ved forseinking begynner dagbot å gå automatisk Dagbota utgjer 1 prosent av vederlaget for den delen av leveransen som blir påverka av forseinkinga, per kvardag forseinkinga varer, avgrensa til tjue 20 kvardagar. Dagbota utgjer uansett minimum 1000 kroner per kvardag Så lenge dagbota går, kan oppdragsgjevaren ikkje heve avtalen. Det gjeld ikkje dersom leverandøren eller nokon han svarer for, har opptredd forsettleg, grovt aktlaust eller i strid med ærleg framferd og god tru Dersom dagbota ikkje dekkjer oppdragsgjevarens dokumenterte direkte tap som følgje av forseinkinga, kan oppdragsgjevaren søkje erstatning for det overskytande beløpet. 6.5 Dekningskjøp ved heving Ved heving har oppdragsgjevaren rett til å gjennomføre dekningskjøp på rimeleg måte og innan rimeleg tid etter hevinga. Oppdragsgjevaren har ved krav om erstatning rett på differansen mellom kontraktsprisen og prisen på dekningstransaksjonen. 6.6 Andre sanksjonar ved misleghald Andre sanksjonar ved misleghald følgjer av dei alminnelege reglane i lov om kjøp av 13. mai 1988 nr. 27 (kjøpslova). 7 Oppdragsgjevaren sine kontraktsplikter 7.1 Generelle plikter Oppdragsgjevaren skal lojalt medverke til at kontrakten blir gjennomført. 7.2 Varslingsplikt Blir oppdragsgjevaren hindra i å oppfylle pliktene sine til rett tid, skal han utan ugrunna opphald gi melding til leverandøren om hindringa og kva følgjer det får. Oppdragsgjevaren skal kunne dokumentere når og korleis slik melding blei gitt. 8 Leverandøren sine sanksjonar ved misleghald 8.1 Brot på varslingsplikta Dersom leverandøren ikkje får slikt varsel som bestemt i pkt. 7.2 innan rimeleg tid etter at oppdragsgjevaren fekk eller burde ha fått kjennskap til hindringa, kan han krevje erstatta tap som kunne vore unngått om han hadde fått meldinga i tide. 8.2 Leverandøren sin tilbakehaldsrett Leverandøren kan ikkje halde tilbake ytingar som følgje av misleghald frå oppdragsgjevaren si side. Dette gjeld likevel ikkje dersom misleghaldet er vesentleg. 8.3 Andre misleghaldsverknader Andre misleghaldsverknader følgjer av dei alminnelege reglane i lov om kjøp av 13. mai 1988 nr. 27 (kjøpslova). 9 Fritak frå kontraktsplikter (force majeure) 9.1 Partane kan få fritak frå sine kontraktsplikter etter denne kontrakten i tilfelle der det inntreff hindring utanfor partane sin kontroll som ein ikkje med rimeleg skjønn kunne vente at han skulle ha teke omsyn til på avtaletida, eller skulle ha unngått eller ha overvunne følgjene av i relasjon til oppfyllinga av éin eller fleire kontraktsplikter. 9.2 Fritak frå kontraktsplikter set som vilkår at den råka parten utan ugrunna opphald gir den andre parten melding om hindringa, og at pliktene difor ikkje gjeld. 9.3 Fritaket frå kontraktsplikter for den råka parten gjeld så lenge den ekstraordinære situasjonen varer. 10 Overføring av rettar og plikter Overføring av kontrakten eller delar av han kan berre finne stad etter skriftleg samtykke frå oppdragsgjevaren. Dersom leverandøren fusjonerer eller fisjonerer, har oppdragsgjevaren rett til å heve kontrakten med det same. 11 Endring, stansing og avbestilling 11.1 Dersom oppdragsgjevaren etter at kontrakten er inngått, har behov for å endre krava til yting eller andre føresetnader for avtalen på ein slik måte at tenesteytingas karakter eller omfang blir annleis enn avtalt, kan oppdragsgjevaren be om endringsavtale. Ved krav om endringar kan leverandøren krevje justeringar i vederlag eller tidsplanar dersom han sannsynleggjer eit grunnlag for slike justeringar. Krav om justert vederlag eller tidsplan må setjast fram seinast samtidig med at leverandøren svarer på oppmodinga frå kjøparen om endringsavtale. Oppdragsgjevaren kan krevje at tenesteytinga blir redusert eller auka inntil tilsvarande 20 prosent av vederlaget for heile tenesteytinga. Prisen skal i så fall endrast i tråd med reduksjonen eller auken. Leverandøren kan ikkje krevje kompensasjon for slik eventuell reduksjon. Er partane ueinige om beløpet som skal leggjast til eller trekkjast frå vederlaget, eller andre konsekvensar som følgje av endringa, skal leverandøren likevel setje i verk endringa utan å vente på endeleg løysing av tvisten. Side 5 av 6

6 11.2 Oppdragsgjevaren kan krevje at gjennomføringa av tenesteytinga blir stansa mellombels. Kravet skal setjast fram skriftleg. Det skal opplysast når tenesteytinga skal stansast, og når ho er planlagd teken opp att. Ved mellombels stans skal oppdragsgjevaren erstatte følgjande: a) Leverandørens dokumenterte kostnader knytte til omdisponering av personell b) Andre direkte kostnader som leverandøren blir påført som følgje av stansinga 11.3 Oppdragsgjevaren kan avbestille tenesteytinga med tretti 30 dagars skriftleg varsel. Reduksjon av tenesteytinga på inntil 20 prosent av vederlaget for heile tenesteytinga blir rekna som endring og ikkje avbestilling. Ved avbestilling før tenesteytinga er fullført, skal oppdragsgjevaren betale følgjande: a) Det beløpet leverandøren har til gode for allereie utført arbeid b) Leverandørens dokumenterte kostnader knytte til omdisponering av personell c) Andre direkte kostnader som leverandøren blir påført som følgje av avbestillinga 12 Reklame Leverandøren må innhente førehandsgodkjenning frå oppdragsgjevaren dersom han for reklameformål eller på annan måte ønskjer å gi offentlegheita informasjon om kontrakten ut over å oppgi leveransen som generell referanse. 13 Tvistar Dersom det oppstår tvist om tolkingar eller rettsverknad av vilkåra, skal det søkjast løyst ved forhandlingar. Fører forhandlingane ikkje fram innan avtalt tid, seinast innan fire veker etter det første forhandlingsmøtet, skal dei ordinære domstolane avgjere tvisten. Rettskretsen til oppdragsgjevaren er verneting. Tvistar som gjeld kontraktsinngåing, -oppfylling og/eller -tolking, skal avgjerast etter norsk rett. Side 6 av 6