BILAG 1 KRAVSPESIFIKASJON INNSAMLING OG TRANSPORT

Transkript

1 BILAG 1 KRAVSPESIFIKASJON INNSAMLING OG TRANSPORT Innhald 1 GENERELT OM OPPDRAGET OPPDRAGET OG KONTRAKTSOMRÅDET OMFANG AV ARBEIDET AVGRENSINGAR VED GJENNOMFØRING AV ANDRE OPPDRAG ARBEIDSKRAFT TIL ARBEIDET MOTTAK, BEHANDLING OG ADMINISTRASJON AV KLAGER KUNDESYSTEM OG KRAV TIL BILTERMINALAR PÅ RENOVASJONSBILAR VEGNETT OG TILPASSING AV KJØRETØY MINIMUMSKRAV TIL YTRE MILJØ OG HELSE, MILJØ OG TRYGGLEIK (HMT) PROFILERING PÅ KJØRETØY, UTSTYR OG PERSONELL HENTEAVSTAND HANDTERING AV OPPSAMLINGSEININGANE LEVERING TIL MOTTAKS- / BEHANDLINGSANLEGG ENDRING AV MOTTAKS-/BEHANDLINGSANLEGG OMTALE AV OPPDRAGET INNSAMLINGSSYSTEM HUSHALD OG FRITIDSBUSTADER MEIR OM GLAS/METALL UTDELING AV POSAR FOR MATAVFALL OG SEKKAR TIL PLAST INNSAMLING FRÅ NEDGRAVDE EININGAR TENESTER SOM SKAL PRISAST SOM OPSJONAR GENERELT OPSJON UTPLASSERING AV BEHALDARAR FOR GLAS/METALL OPSJON INNSAMLING FRÅ NÆRINGSKUNDAR Separat innsamling av blanda papir og glas/metall Innsamling av restavfall frå næring med ei deling av arbeidsmengda med oppdragsgjevar Innsamling av restavfall frå alle næringskundar OPSJON RENOVASJON AV UTSIRA OPSJON EKSTRA TENESTER AVREKNA ETTER MEDGÅTT TID INFORMASJON OM BILAG BILAG 3A GRUNNLAGSDATA BILAG 3B UTFYLLING AV PRISSKJEMA MV BILAG 3B INKLUDERT I EININGSPRISANE I PRISSKJEMA Albaran AS Side 1 av 15

2 1 GENERELT OM OPPDRAGET 1.1 Oppdraget og kontraktsområdet Oppdraget omfattar innsamling av ulike fraksjonar frå HIM-kommunane Bokn, Etne, Haugesund, Tysvær og Vindafjord. Kommunane utgjer eitt felles kontraktsområde. Følgjande fraksjonar inngår i kontrakten: Restavfall, våtorganisk avfall, blanda papir, plastemballasje (plast) og glas- og metallemballasje (glas/metall). Tabell 1: Innbygggjarar og geografi i HIM-kommunane Kommune Innbygg. Areal, km2 Andel busett i tettstad Bokn % Etne % Haugesund % Tysvær % Vindafjord % SUM / gj.snitt % Innbyggjartal og demografiske data er henta frå SSB, oppdatert pr For nærare informasjon om dei ulike fraksjonane, dagens ruteopplegg mv. vert det vist til internettsidene Det vert likevel presisert at desse internettsidene ikkje er ein del av kontrakten, men er berre til informasjon i tilbodsfasen. Det kan bli sett i verk endring av kommunegrensene i HIM-kommunane i løpet av kontraktsperioden. Det er usikkert kva geografisk område som eventuelt vert råka, og om dette eventuelt får konsekvens for denne renovasjonskontrakten. Ut frå det ein veit pr. i dag er det kommunane Bokn og Etne som er mest usikre, men det kan også kome til kommunar, som t.d. Sveio. Uansett omfang vert dette regulert i høve til vilkåra om endringar i denne kontrakten. Innsamling av avfall skal som hovudregel skje på virkedagar, og skal ikkje startast opp før kl. 0700, og skal vere avslutta seinast kl. 1900, dersom ikkje oppdragsgjevar gjev pålegg om anna, eller anna vert avtala, t.d. i samband med innkjøring av heilagdagar. 1.2 Omfang av arbeidet Leverandøren tek på seg ansvaret for at ytingane hans er komplette i høve til føremåla og spesifikasjonane i kontrakten, og arbeidet vil såleis omfatte alle aktivitetar som er nødvendige for å oppfylle krava i kontrakten, sjølv om alle ikkje er nemnt spesielt i kontrakten. Det er såleis leverandøren sitt ansvar å gjere seg kjent med alle tilhøve som er relevante for oppdraget, som t.d. vegstandard, lokalisering av standplasser, transportavstandar osv. Leverandøren kan seinare ikkje krevje rett til kontraktsendringar eller ekstra kompensasjon av noko slag ut frå tilhøve som har vore reelle, eller kunne ha vore registrert før innlevering av tilbodet, eller som kunne eller burde vore oppdaga av leverandøren eller nokon leverandøren svarar for, men som ikkje er blitt særskilt regulert i kontrakten. Albaran AS Side 2 av 15

3 At oppdragsgjevar ikkje har merknader til eller godkjenner/samtykkjer i leverandøren sitt arbeidsopplegg, fritek ikkje leverandøren for ansvaret hans etter kontrakten. 1.3 Avgrensingar ved gjennomføring av andre oppdrag Leverandøren har på same kjøretøy og rute ikkje høve til å samle inn avfall frå andre enn oppdragsgjevaren sine kundar. Leverandøren kan heller ikkje nytte faste kjøretøy knytt til kontrakten på oppdrag for eigne kundar utan at han på førehand har henta inn skriftleg godkjenning om dette frå oppdragsgjevar. Gjennom oppdraget har oppdragsgjevar eksklusiv rett til å disponere heile nyttelastvolumet til kjøretøyet, også utover det som til vanleg vert nytta i kontrakten. 1.4 Arbeidskraft til arbeidet Oppdragsgjevar føreset at eit normalt ansiennitetsprinsipp vert lagt til grunn ved tilsetjing av personell som skal gjennomføre oppdraget. Leverandøren skal alltid syte for å ha ein tilstrekkeleg stab med kvalifisert personale til å utføre arbeidet. Dette gjeld både renovatørar og leiing/administrasjon. Det vert føresett at leverandøren sin avdelingsleiar, eller tilsvarande, innan oppstart av oppdraget skal ha leiarerfaring og tilstrekkelege datakunnskapar. Kravet om datakunnskapar gjeld også den som skal fungere som vikar for avdelingsleiar. Renovatørane som utfører oppdraget skal innan oppstart ha relevant erfaring, og i tillegg ha relevant datakompetanse til å utføre oppdraget, t.d. i høve til å melde avvik, ta imot beskjedar mv via bilterminalar. Leverandøren pliktar også å ha reservekapasitet ved sjukdom, feriar mv. Slikt personale skal også vere kvalifisert for arbeidet, jf. krava over. Leverandøren pliktar å gjennomføre naudsynt opplæring av personellet, inkl. vikarar, som skal utføre arbeidet. Leverandøren skal i tilbodet gjere greie for korleis krava til kompetanse er tenkt tilfredsstilt. 1.5 Mottak, behandling og administrasjon av klager Oppdragsgjevar har ansvar for mottak av meldingar og klager frå kundane. Oppdragsgjevar vil handsame dette og formidle vidare tilhøve som leverandøren i samsvar med kontrakten er pliktig til å utføre, rette opp mv. Leverandøren skal kunne dokumentere at han innan oppstart av oppdraget har eit system for mottak av klager/meldingar. Leverandøren skal straks melde lukking av avvik og andre meldingar elektronisk til oppdragsgjevar. Inntil systemet med bilterminalar kjem i full drift, skal desse meldingane kommuniserast via e-post. For mottak av meldingar og klager skal leverandøren vere tilgjengeleg på mobiltelefon, e-post og eventuelt web-basert meldingssystem frå kl. 08:00 til kl. 15:00 kvar virkedag. Personell som tek imot meldingar og klager skal kunne norsk språk skriftleg og muntleg språk i samsvar med Europarådet sitt nivå C1. Albaran AS Side 3 av 15

4 For avvik som ikkje vert retta korrekt første gongen, jf. m.a. punkt 12, bilag 2, må leverandøren ha beredskap for å straks rette opp dette. Oppdragsgjevar nyttar ProAktiv som kundedatabase. Her kan leverandøren etter kvart (truleg i løpet av 2017) knyte seg opp via et WEB-grensesnitt for å få oversikt over klager og liknande. Leverandøren skal nytte dette som administrasjonsverktøy for å rette opp avvik, og kvittere ut desse som utført. Kundar skal varslast om avvik ved bruk av avvikslapp eller tilsvarande. Kopi av avviksmeldinga skal straks sendast oppdragsgjevar elektronisk på avtalt måte. Oppdragsgjevar vil utforme og produsere avvikslappane som skal nyttast. Meldingar/klager frå kundar som kan løysast på staden, skal straks rettast opp av leverandøren, og slike feil og manglar må ikkje varslast til oppdragsgjevar. Dersom det vert usemje mellom leverandøren og kunde, skal oppdragsgjevar varslast. Ein føresetnad for at leverandøren sitt syn på konflikten kan bli akseptert av oppdragsgjevar er at tilhøva, der dette er relevant, kan dokumenterast fotografisk på digitalt format der rett dato og klokkeslett er avmerka. Dersom leverandøren tek imot spørsmål eller får tilbakemelding frå kundar som ikkje er dekka av over ståande, skal desse straks vidareformidlast til oppdragsgjevar. Leverandøren skal utføre oppdraget på ein serviceinnstilt og venleg måte overfor kundane. Dette gjeld også oppretting av feil og manglar. 1.6 Kundesystem og krav til bilterminalar på renovasjonsbilar Oppdragsgjevar nyttar ProAktiv Renovasjonssystem frå Norconsult som kundesystem. Det er eit krav at leverandøren nyttar bilterminal på dei kjørerutene som oppdragsgjevar til ein kvar tid bestemmer. Oppdragsgjevar leverer naudsynt software til desse terminalane, som i tida før tilbodsfrist er Norsk Navigasjon sitt GPS rute- og rapporteringssystem. I tida før tilbodsfrist er slike bilterminaler innført på næringsbilane, som ikkje inngår i hovudoppdraget, og på nokre hushaldsruter. Oppdragsgjevar arbeider mot å klargjere/kvalitetssikre alle kjørerutene for bilterminaler, men dette vert ikkje fullført innan oppstart av kontrakten. 1.7 Vegnett og tilpassing av kjøretøy Leverandøren skal utføre innsamling frå dei same standplassane som det vart utført innsamling i perioden fram til tilbodsfrist, dvs. at leverandøren må rekne med å nytte vegnettet som er naudsynt for å oppfylle dette. I tillegg skal følgjande vegar køyrast (desse vert merka spesielt i bilag 6): Frå kryss ved RV 734 Årvik. Frå endepunkt RV 739 Stokkadalen. Frå endepunkt RV 514 Aukland. Vegnettet som skal nyttast kan vere både Europa-, riks-, fylkes-, kommunale eller private vegar. Leverandøren må sjølv gjere seg kjent med standplassar, vegnettet og kjøreavstandar, og ut frå dette tilpasse kjøretøya til dei lokale tilhøva. Til dømes kan dette medføre at det på ein del av vegnettet må nyttast mindre bilar, eller at leverandøren kan ha fordel av bilar med firehjulstrekk. Leverandøren står fritt til å velje type kjøretøy, Albaran AS Side 4 av 15

5 men kan i ettertid ikkje hevde at dei valte biltypane ikkje kan nyttast på vegnettet nytta i perioden før tilbodsfrist. Kjøretøy og utstyr skal tilpassast avfallsfraksjonane som skal samlast inn. T.d. skal rommet der avfallet vert oppbevart (aggregatet) vere lukka og tett. Spesielt skal avrenning frå avfallet hindrast. Desse to vilkåra gjeld likevel ikkje for eventuelle mindre tilbringarbilar nytta i oppdraget. Ved overgang frå innsamling av våtorganisk eller restavfall til ein annen fraksjon, skal det fjernast avfall frå kammeret innvendig slik at neste fraksjon, t.d. papiret ikkje vert ureina/tilgrisa av restavfall eller våtorganisk avfall. Ved tipping av to-kammer bil, skal ikkje fraksjonen som er tippa ureinast av fraksjonen i det andre kammeret. Kjøretøya må også tilpassast tipplassen på leveringsstaden (mottaks-/behandlingsanlegget). Minst ein av bilane nytta ved gjennomføring av oppdraget skal vere utstyrt med vinsj og vekt. Vekta på den aktuelle bilen skal ha same nøyaktighet som ei chassisvekt klasse IIII etter FOR nr "Forskrift om krav til ikke-automatiske vekter". Vekta inkludert vegeprogram, skal etter montering være godkjent for kjøp og sal med ein maksimal feilmargin på ± 5 kg for registrert vekt på 100 kg. Ved registrering av vekt skal vekta og andre tømedata registrerast via bilterminalen. Oppdragsgjevar avgjer kva oppsamlingseiningar som skal vegast og kva tilleggsopplysninger og avvik som skal registrerast. Manglande veging, t.d. dersom vektsystemet er ute av funksjon eller det vert vege feil på ein eller fleire bilar, gjev oppdragsgjevar rett til å krevje dagmulkt etter frist b), punkt 20.2, NS Minimumskrav til ytre miljø og helse, miljø og tryggleik (HMT) Alle bilar > 3,5 t som vert nytta ved gjennomføring av kontrakten skal oppfylle utsleppskravnivå i samsvar med minimum Euro 5 og ha montert alkolås. Ved eventuell fornying av kjøretøyparken undervegs i kontraktsperioden, skal nye kjøretøy vere i samsvar med siste gjeldande euroklasse. Renovatørane skal ha arbeidsklede/uniformering, «godkjent synlighetstøy», i felles fargar og profil, og leverandøren skal syte for at uniformeringa vert halde rein og i orden. Renovatøren skal også nytte relevant verneutstyr, til dømes vernesko. Elles er det krav om at leverandøren ved gjennomføring av oppdraget skal ha implementert HMT tiltak i samsvar med kapittel 5 i NS 9432:2014; «Avfall Tilrettelegging av renovasjonsløsninger og utførelse av innsamling.» I tilbodet skal det kommenterast korleis desse tiltaka er tenkt implementert. 1.9 Profilering på kjøretøy, utstyr og personell Leverandøren må innrette seg etter oppdragsgjevaren sine ønskje når det gjeld profilering (dekor/merking) av bilar, personell og utstyr. Alle bilar > 3,5 t som vert nytta ved gjennomføring av kontrakten skal vere lakkert og profilert slik som vist i bilag 4, dvs. med fargane RAL 7035 og RAL Om ikkje anna er avtalt, gjeld dette også ved utskifting av bilar i løpet av kontraktsperioden. Leverandøren vil få plass til å profilere eige firma under vindauge på bildør. Albaran AS Side 5 av 15

6 Profil/dekor/farge på bilar skal godkjennast på førehand av oppdragsgjevar, og skisse av profil/dekor/farge skal leggjast fram for oppdragsgjevar i samsvar med tidsplanen i punkt 6.3 i konkurransegrunnlaget. Leverandøren sine bilar skal ha ei overflate på desse flatene som gjer at montering/fjerning av plakatar / lakkering kan skje på ein effektiv måte. Ved eventuell endring av profil i kontraktsperioden skal oppdragsgjevar koste dette, men der det vert føresett at leverandøren stiller bilene til disposisjon ved ei eventuell utskifting. Profileringa vil då skje utanom tidspunkt for ordinære ruter, t.d. i løpet av ei helg. Oppdragsgjevar skal varsle leverandøren minimum 2 veker på førehand ved montering av profil. Leverandøren er ansvarleg for å vedlikehalde oppdragsgjevar si profilering på bilane slik at den til ei kvar tid vert oppfatta som rein og ryddig. Kjøretøya skal også framstå som reine. Dersom profileringa får skadar utover det som kan forventast av normal slitasje, og dette ikkje vert dekka av leverandørgarantien, er leverandøren ansvarleg for å utbetre dette. Så snart kontrakten vert avslutta, eller ved sal av utstyret, pliktar leverandøren å fjerne oppdragsgjevar sine profilelement frå utstyret kostnadsfritt for oppdragsgjevar Henteavstand Leverandøren skal hente oppsamlingseiningane på dei same standplassane som månadene før tilbodsfrist. Det skal reknast ein maksimal henteavstand på 7 m, rekna frå standplass til der som renovasjonsbilen enkelt kan stoppe for å utføre tøming. Breidden av eventuelle fortau og gang- og sykkelvegar kjem i tillegg til dei 7 metrane, t.d. ved eventuelt fortau på 1 m fram mot standplass, vert maksimal henteavstand 8 meter. Det må også takast høgde for at for at enkelte gangvegar inn mot standplassar kan ha trinn og nivåskilnader. Inkludert i einingsprisen er også ekstra henteavstand for kundar som t.d. av helsemessige årsaker ikkje klarer å bringe oppsamlingseininga til kjøreveg. Henteavstanden kan då vere opptil 30 m, og vil ikkje omfatte meir enn 2 % av det totale talet på oppsamlingseiningar i kontraktområdet. Leverandøren skal likevel hente og tømme alle oppsamlingseiningar på hentedagen sjølv om nokre av dei står utanfor oppgjeve maksimale henteavstand, jf. bilag 2, punkt 10. Dersom visse kundar stadig vekk plasserer oppsamlingseininga utanfor normal henteavstand, skal kunden og oppdragsgjevar varslast, jf. bilag 5. Dersom det oppstår hindringar under tøming, skal desse så langt det er råd kunne løysast på ein fleksibel måte. Eit døme på hindringar som må påreknast, er låste portar og parkerte bilar. Dersom ei fleksibel løysing ikkje er praktisk mogeleg, skal kunden og oppdragsgjevar straks varslast, jf. punkt Handtering av oppsamlingseiningane Ved tøming av behaldar / konteinar, skal desse tømast heilt. Behaldaren / konteineren som vert tømt, skal returnerast til standplass og skal plasserast på same måte som då den vert henta. Det vil m.a. seie at behaldaren ikkje skal hindre sikt, alle lok skal vere på plass, og alle oppsamlingseiningar som før tøming var låst også skal låsast. Leverandøren skal etter tøming også nytte eventuelt etablert sikring for å hindre at behaldaren kjem på avvegar under sterk vind m.v. Eventuelt spill frå tøminga skal fjernast. Leverandøren skal ved feilsorteringar følgje dette opp i samsvar med oppdragsgjevar si til ein kvar tid Albaran AS Side 6 av 15

7 gjeldande prosedyre for dette, inkludert varsling til kunde, jf. bilag 5. Evt. låsing, lukking av grinder mv, skal også inkluderast i einingsprisane for innsamling. For oppsamlingseiningar på 4 hjul, dvs. frå 660 liter og oppover, har leverandøren ansvaret for å setje på bremsen igjen ved tilbakesetjing, sjølv om kunden ikkje har gjort dette ved plassering av behaldaren på standplass. For større oppsamlingseiningar (660 l eller større) må leverandøren før tøming sjå til at det ikkje er personar eller levande dyr i oppsamlingseininga. For denne typen behaldarar skal også tøminga skje så skånsamt som mogeleg, slik at ikkje behaldaren vert øydelagt. Sjølv om det normalt er brøyta, skal tøming av oppsamlingseininga utførast sjølv om tilgangen til eininga er hindra av snø, eller at det er glatt rundt standplassen. Leverandøren må såleis vinterstid vere utstyrt med spade, kost mv. Dette vilkåret gjeld dersom oppsamlingseininga i rimeleg grad er dekka av snø. Dersom det må skje omfattande snørydding før tøming, må oppdragsgjevar varslast i samsvar med NS 9430, punkt Skade på materiell eller eigedom skal omgåande varslast til oppdragsgjevar, i tillegg til kunde der dette er relevant. Eventuelt skadd hjul/aksling eller hengsle til lok på behaldar skal straks skiftast. Leverandøren skal såleis ved gjennomføring av oppdraget ha med seg reservedelar til to-hjuls behaldarar. Leverandøren er ansvarleg for alle skadar på tredjemanns person eller eigedom som skuldast leverandøren. Alle materielle skadar (på gjerde, hagar mv.) skal innan 3 veker utbetrast til same standard som før skaden oppstod, eller erstattast på annan måte etter avtale med eigar. Ved overskriding av denne fristen kan oppdragsgjevar på leverandøren si rekning sjølv syte for utbetring av skaden. Lukka avvik skal straks meldast til oppdragsgjevar. Leverandøren skal rapportere eventuelle feil i kunderegisteret, slik som t.d. feil oppført volum, tal behaldarar mv Levering til mottaks- / behandlingsanlegg Leverandøren skal syte for innsamling og levering til det mottaks-/behandlingsanlegg som oppdragsgjevar bestemmer, og innanfor den normale opningstida dersom anna ikkje er bestemt for dei spesifikke leveringsstadane. Avfallet skal tippast/lossast på den staden som mottaks- /behandlingsanlegget bestemmer. Eventuell omlasting skal skje utan ekstra kostnadar for oppdragsgjevar. Alle omlastingsstasjonar skal på førehand godkjennast av oppdragsgjevar. Det er følgjande aktuelle mottaksanlegg: Albaran AS Side 7 av 15

8 Tabell 2: Mottaks-/behandlingsanlegg Mottaks-/ behandlingsanlegg Toraneset, Vindafjord: Årabrot, Haugesund: Norsk Gjenvinning AS, Torvastad (Storasundvn 141). Fraksjon Restavfall og våtorganisk avfall og glas/metall. Glas/metall og eventuelt restavfall Blanda papir og plast Opningstider Måndag - fredag: Kl. 08:00 15:00. Måndag - fredag: Kl. 08:00 15:00. Måndag - fredag: Kl. 08:00 15:30 Glas/metall kan leverast Toraneset, Årabrot eller begge stader. Leverandøren vil få høve til omlasting av våtorganisk avfall på Årabrot. Ved eventuell omlasting stiller berre oppdragsgjevar areal til disposisjon, leverandøren må syte for væsketette konteinarar med lok. Oppdragsgjevar kan nekte omlasting dersom denne skapar lukt eller andre driftsproblem. Leverandøren må også syte for å jamleg plukke spill og spyle vekk eventuelt søl som oppstår ved omlastinga. Leverandøren kan få levere restavfall til Årabrot, men då mot ein kostnad på kr. 150 pr. tonn kreditert oppdragsgjevar. Levering skal primært skje innan opningstida, men leverandøren kan etter nærare avtale med oppdragsgjevar få levere til Toraneset og Årabrot utanom opningstidene, og kan såleis få kort for automatisk veging. Men eit vilkår for å få godkjenning til dette, er at kontraktsavfallet vert tippa på tilvist stad, t.d. i kontainerar, og at kontainarane vert tildekka på tilfredsstillande måte. Oppdragsgjevar har full rett til å nekte levering utanom opningstidene dersom leveringa ikkje skjer i samsvar med retningslinene frå oppdragsgjevar. Utanom opningstidene skjer likevel all kjøring inne på området på leverandørens eige ansvar, også med omsyn til brøyting og strøing Endring av mottaks-/behandlingsanlegg Dersom det aktuelle mottaks-/behandlingsanlegget vert stengt for levering, eller oppdragsgjevar endrar leveringssted, medfører dette endringar i leveringsrutinane. Leverandøren må såleis rekne med mellombels eller permanent transport til eit anna mottaksanlegg. Ved permanent endring av leveringsstad (det vil seie at leveringa skal skje i minimum 3 månader), skal dette varslast 2 månader på førehand. Elles gjeld inga varslingstid. Permanent eller mellombels omdirigering gjev rett til pristillegg-/frådrag, men berre dersom transportavstanden endrar seg meir enn +/- 10,0 km (ein veg), og det i kontrakten ikkje er einingsprisar for levering til det aktuelle anlegget. Transportkostnadene vert då justert opp eller ned etter kr/tonn*km rekna frå «tyngdepunkt» i kvar kommune, og på grunnlag av transportfaktorar gjeve i prisskjema. Dokumenterte meirkostnader til eventuelle bompengar eller ferjer som følgje av endra lokalisering skal derimot godtgjerast i tillegg til justeringsfaktoren. Albaran AS Side 8 av 15

9 Justering av transport skal reknast ut frå følgjande tyngdepunkt : Aksdal i Tysvær kommune. 2 OMTALE AV OPPDRAGET 2.1 Innsamlingssystem hushald og fritidsbustader Frå hushaldskundar og fritidsbustader i dei 5 kommunane skal følgjande fem fraksjonar samlast inn separat: 1. Restavfall Dvs. avfall som ikkje kan gjenvinnast. Innsamling kvar 2.veke, dvs. 26 gonger årleg. Innsamlinga inkluderer ikkje konteinarar. 2. Våtorganisk avfall Dvs. lett nedbrytbart våtorganisk avfall som matavfall, planterestar og liknande. Innsamling kvar 2.veke, dvs. 26 gonger årlig. Bleier/bind er definert som restavfall. Innsamlinga av våtorganisk avfall inkluderer også nokre hundretals næringskundar, og i Haugesund har nokre av desse innsamling kvar veke eller oftare heile året. 3. Plast Mjuk og hard plastemballasje som samlast inn i gjennomsiktige perforerte knytesekker med volum på omlag 140 l. Innsamling kvar 4.veke, dvs. 13 gonger årleg. Hushaldskundar får utdelt ca. 15 sekker pr. år. Innsamlinga av plast skal vere inkludert i einingsprisen for innsamling av papir. Dvs. at einingsprisane for papir skal inkludere innsamling av behaldar for papir og sekk(ar) for plast. Same kunde kan såleis plassere ut meir enn ein sekk pr. henting. 4. Blanda papir Dvs. vanleg papir som t.d. aviser, blader, reklamemateriell, i tillegg til kvit og brun kartong, inkludert drikkekartong. Innsamling kvar 4.veke, dvs. 13 gonger årleg. 5. Glas / metall Skal samlast inn i behaldar med lok-i-lok, jf også punkt 2.2. Det skal gjevast alternative prisar på tre ulike hentefrekvensar; Kvar 8.veke, dvs. i gjennomsnitt 6,5 gonger i året, kvar 10 veke (5,2 gg) eller kvar 12.veke (4,3 gg).oppdragsgjevar vil velje innsamlingsfrekvens innan utgangen av Oppstart av innsamlinga av glas/metall vert frå Det er eit krav at fraksjon 1 5 skal hentast på same vekedag for same kunde. I tillegg til våtorganisk avfall som nemnt over, vil hovudoppdraget også omfatte innsamling frå nokre næringskundar ute i distriktet av dei andre fraksjonane, men då med same tømefrekvens som for hushald og fritidsbustader. Talet oppsamlingseiningar frå næring inngår i talgrunnlaget saman med hushald og fritidsbustader i bilag 3a. Leverandøren plikter også ta med seg laust eller emballert restavfall som er plassert innanfor en radius på 5 m frå kvar oppsamlingseining. Denne tenesta gjev ikkje rett til pristillegg. Ved meir omfattande opprydding (meir enn ca min. pr. punkt), kan leverandøren få godtgjort for meirarbeidet etter medgått tid, jf. punkt 3.5, dersom avviket vert dokumentert med biletdokumentasjon, og leverandøren grovt har gjennomgått avfallet for å sjå om det er dokumentasjon på den skuldig for forsøplinga. Omfanget / prosedyra for det siste må avtalast nærare mellom partane på førehand. Albaran AS Side 9 av 15

10 Kundane kan som tillegg levere restavfall i sekker som er godkjent av HIM. Sekkane er spesielt merka, og vert plassert ved sida av vanleg oppsamlingseining på tømedag. Sekken skal samlast inn på første ordinære rute for restavfall og vert avrekna på grunnlag av antalet registrert i leverandøren sin bilterminal eller på annan avtalt måte. 2.2 Meir om glas/metall Glas/metall skal samlast inn i behaldar (140, 240 og 660 liter) på hjul påmontert gravitasjonslås og loki-lok. Behaldarane skal handterast skånsamt ved tøming av behaldar slik at ein så langt som råd unngår nedknusing. Det same gjeld ved lossing av bil på mottaket. Prosedyrar for dette vert også ein del av tildelingskriteria innan kvalitet, jf. punkt 4.2 i konkurransegrunnlaget. Dersom innsamlinga skjer med komprimatorbil, skal ikkje komprimeringa på bil nyttast, og innmatinga må vere skånsam for å hindre nedknusing. Ved innsamling med komprimatorbil, skal ikkje vekta pr. lass vere meir enn 4,0 tonn ved ein volumkapasitet på 22 m3. Ved lågare volumkapasitet på bilen, vert verdien for maksimal vekt pr. lass redusert tilsvarande. Til dømes ved eit påbygg med nyttelast 18 m3, vert maksimal vekt 3,3 tonn pr. lass. Større metalleiningar (over ca. 160 mm), og avfall som ikkje er glas/metall-emballasje, skal så langt som råd utsorterast og leggjast til sides; Ved opning av lok før tøming, dersom behaldaren ikkje har gravitasjonslås. Etter tøming i renovasjonsbil. Ved lossing av renovasjonsbil på mottak, jf. også prosedyra i bilag Utdeling av posar for matavfall og sekkar til plast Aktiviteten gjeld følgjande aktivitetar: Utdeling av 1 2 rullar med totalt ca. 160 stk. bioposar til kundar som leverer våtorganisk avfall. Utleveringa skal skje 1 gong i året. I same tidsrom skal det delast ut 1 stk. rull med ca. 15 perforerte knytesekkar av plast på ca. 140 l for plastemballasje til kvar kunde som leverer denne avfallstypen. Posane/sekkane skal leggjast på behaldar eller på annan stad etter avtale med oppdragsgjevar. Leverandøren kan sjølv velje korleis han vil utføre utleveringa (med eigen bil, samstundes med tøming mv). Tenesta skal inkludere henting av rullane hjå oppdragsgjevar sit hovudlager på Toraneset. Det vert teke atterhald om å endre utleveringsmåte, der det mest aktuelle alternativet er at kvar kunde melder frå om behovet for nye rull med bioposar eller sekkar ved å knyte ein tom pose eller sekk på ein av behaldarane. Dette vil seie at leverandøren på kvar innsamlingsrute må ha med seg ein del ruller med bioposer og sekkar for utdeling. Rullane skal leggjast i pose, på behaldar eller på annan stad etter avtale med oppdragsgjevar. 2.4 Innsamling frå nedgravde einingar I tida før tilbodsfrist er det ingen lokalitetar med nedgravde konteinarar i HIM-kommunane. Dette vert likevel truleg etablert på fleire lokaliteter, og på kvar lokalitet kan det bli opptil ca. 5 fraksjoner, dvs. minst 5 nedgravde einingar. Albaran AS Side 10 av 15

11 Type nedgravde einingar tenkt nytta, vert kvar på ca. 5m3, skal vere godkjend av HIM, og må tømast med eit to-krok-system. Desse skal truleg tømast etter dei sama frekvensane som for behaldarkundane. Eventuelt avfall plassert ved sida av eininga av same fraksjon, skal også samlast inn. Så lenge det totale talet lokaliteter med nedgravde einingar er mindre enn 50 stk totalt i HIMkommunane, skal innsamlinga avreknast etter medgått tid, der oppdragsgjevar bestemmer, eventuelt godkjenner rutemønsteret, og der tida vert rekna med Årabrot som utgangspunkt, om ikkje anna er avtalt. Ved eventuelt fleire lokalitetar enn 50, vert oppdraget avrekna pr. tøming. 3 TENESTER SOM SKAL PRISAST SOM OPSJONAR 3.1 Generelt Ved bestilling eller avbestilling av opsjon(ar) skal leverandøren innordne seg etter dette. Dersom ikkje anna er spesifisert, skal leverandøren varslast skriftleg med minst 4 veker før opsjonen kan startast opp eller avsluttast. Oppdragsgjevar står fritt til å bestille tenester prisa som opsjon frå andre leverandørar utanom kontrakten. Ein kontrakt på grunnlag av denne tilbodskonkurransen kan ikkje berre omfatte opsjonstenester, men må følgje oppdraget. Prisskjema er i vedlagte regneark. 3.2 Opsjon Utplassering av behaldarar for glas/metall Aktiviteten gjeld utplassering av behaldarar for glas/metall til hushaldskundar og fritidsbustader i alle HIM-kommunar, ca stk. behaldarar. Utplasseringa skal truleg skje hausten 2017, men leverandør vil ved eventuell tinging av opsjonen bli varsla minimum 4 månader på førehand. Leverandøren skal lage framdriftsplan og leggje denne fram for oppdragsgjevar for godkjenning seinast 45 dagar før oppstart. Tenesta vert avrekna pr. behaldareining og inkluderer henting av umonterte behaldarar på Årabrot / Toraneset, utkjøring til kunden sin bustad, montering av lokk og hjul og eventuelt montering av klistrelappar el.l. med merking av behaldaren. Behaldarar som skal plasserast ut i Haugesund kan hentast ved Årabrot, medan behaldarar som skal utplasserast i dei andre kommunane kan hentast på Toraneset. Oppdragsgjevar lagar ordreliste i e-format for utdelinga, og kvar utsetjing skal kvitterast ved bruk av bilterminal, handterminal eller tilsvarande. 3.3 Opsjon Innsamling frå næringskundar Innsamling frå næringskundar vert førebels gjennomført som eigenregi, men kan av ulike grunnar vere ein aktuell teneste tilknytt hovudoppdraget. I tida før tilbodsfrist er innsamlinga frå næringskundar gjennomført med to stk. ein-kamra kjøretøy med vinsj, og tre personar. Følgjande fraksjoner vert samla inn: - Restavfall - Blanda papir inkludert nokre sekkar med emballasjeplast (ikkje plastfolie) - Glas / metall (førebels berre den eine ruta) Albaran AS Side 11 av 15

12 Oppsamlingseiningane er i hovudsak avfallsbehaldarar, men det er nokre få konteinarar. I løpet av kontraktsperioden vil truleg ein eller fleire av dei tre personane som utfører innsamling av næringsavfall gå av med pensjon eller tilsvarande. Disse stillingane vil truleg ikkje bli erstatta av HIM. Det vert også forventa ei auke i kundegrunnlaget i dei komande åra. Med bakgrunn i dette vil truleg denne innsamlinga gradvis bli overført til ein ekstern aktør. Haugesund utgjer ca. 65 % av innsamla tonnasje, medan BETV kommunane (Bokn, Etne, Tysvær og Vindafjord) utgjer ca. 35 %. Årleg køyrelengde i Haugesund utgjer ca km/år og medan BETV kommunane utgjer ca km/år. Ut frå dette vert det bedt om pris på følgjande uavhengige opsjonstenester avrekna pr. tonn avfall. Innsamlinga av næringsavfall kan enten omfatte teneste nr. 1 (3.3.1), nr. 1 og nr. 2 (3.3.2), eller nr. 1 og nr. 3 (3.3.3): Separat innsamling av blanda papir og glas/metall Separat innsamling av blanda papir både i Haugesund og BETV-kommunane, i tillegg til glas/metall i Haugesund. Rutene skal køyrast kvar veke både for blanda papir og glas/metall. Innsamlinga av blanda papir inkludere innsamling av nokre knytesekkar for emballasjeplast som kan leggjast i same kammer som papiret. Leverandøren skal telje og registrere på avtalt måte talet på slike sekkar frå kvar kunde, og sortere ut plastsekkane ved tipping. Blanda papir med noko plast utgjer samla sett ca. 300 tonn/år, der Haugesund utgjer ca. 65 % av mengda. Ut frå kundegrunnlaget ved tilbodsfrist er tidsbruken ca. 1 dag på ruta i Haugesund med sidemann, og ca. 1 dag i BETV-området utan sidemann, men det må forventast ei viss effektivisering av denne innsamlinga. Køyrelengda i tida før tilbodsfrist er ca. 75 km pr. veke på ruta i Haugesund, og ca. 180 km pr. veke i BETV-kommunane. Glas/metall frå Haugesund vert kjørt ein gong i veka, og med innsamla mengde på ca. 150 tonn/år ut frå kundegrunnlaget ved tilbodsfrist. Ruta har ei totallengde på ca. 45 km pr. veke. Ut frå kundegrunnlaget ved tilbodsfrist omfattar ruta ca. 2,5 4 timar med sidemann. Ein del av volumet vert overført til hushaldsrutene frå , men på grunn av ein forventa auke av næringskundar, vert truleg volumet om lag uendra Innsamling av restavfall frå næring med ei deling av arbeidsmengda med oppdragsgjevar Denne tenesta er aktuell å bruke dersom oppdragsgjevar utfører eigenregi berre med 1 bil. Ved eit slikt tilfelle vert det føresett at leverandøren på sine ruter samlar inn restavfall frå næringskundar både i Haugesund og BETV-kommunane, og at arbeidsmengda vert fordelt om lag likt mellom oppdragsgjevar sin bil og leverandøren. Elles vil oppdragsgjevar så langt det er råd tilpasse sine ruter til leverandøren sitt ruteopplegg. Det er ønskjeleg at restavfallet som vert samla inn vert levert Toraneset, men ved eventuell levering til Årabrot, gjeld dei same vilkåra som i hovudoppdraget, dvs. kr. 150 pr. tonn kreditert oppdragsgjevar, jf. punkt Albaran AS Side 12 av 15

13 Tenesta vert avrekna pr. tonn. Restavfallet frå Haugesund utgjer ca tonn ved kundegrunnlaget før tilbodsfrist, medan tilsvarande mengde frå BETV-kommunane utgjer ca. 950 tonn Innsamling av restavfall frå alle næringskundar Denne tenesta er aktuell å bruke dersom oppdragsgjevar sluttar heilt med eigenregi, og leverandøren får ansvaret for innsamling av restavfall frå alle næringskundar. Elles gjeld dei same vilkåra som for tenesta i punkt Ved eventuell bestilling for kvar av opsjonstenestene over, vil leverandøren bli varsla minimum 6 månader på førehand, og seinast 6 månader før engasjementet skal stoppe. 3.4 Opsjon Renovasjon av Utsira Dette gjeld innsamling av avfall frå ca. 200 hus- og fritidsbustader, i tillegg til nokre få næringskundar. Innsamlinga skjer etter same frekvens som i HIM- kommunane; Rest- og matavfall kvar 2. veke, og papir og plast kvar 4 veke. Renovatøren er avhengig av ferje ut på morgonen (i tida før tilbodsfrist kl 08:00) og inn på ettermiddagen (i dag kl. 12:30). Ferja tek 1 time og 15 min kvar veg. Avfallsmengdene vil ha sesongvariasjonar, og i 2014 var det i gjennomsnitt følgjande mengder pr. runde: 0,9 tonn matavfall, 1,4 tonn blanda papir, 2,0 tonn restavfall og 0,2 tonn plast. Ut frå erfaringa så langt er det med bil og sjåfør mogeleg å gjennomføre innsamlinga mellom dei aktuelle ferjetidene, sjølv om avfallsmengdene er på sitt maksimale. Det skal gjevast pris pr. tømerunde med to-kammer bil uavhengig av fraksjonar, og som skal inkludere alle kostnader, inkludert ferjekostnader. Dersom innsamlinga må gjennomførast på laurdagar eller heilagdagar, og dette ikkje skuldast leverandøren, vert leverandøren godtgjort med tillegg i samsvar med prisskjema for denne opsjonen. Det siste gjeld t.d. ved innsamling laurdag/sundag som skuldast pålegg frå oppdragsgjevar, eller som skuldast at ferja ikkje var i drift på den planlagde tømedagen. Ved eventuelt bestilling skal leverandøren foreslå ein tømekalendar i samsvar med standard tømefrekvens som skal godkjennast av oppdragsgjevar på førehand. Ved eventuell bestilling vil leverandøren bli varsla minimum 4 månader på førehand, og seinast 4 månader før engasjementet skal stoppe. 3.5 Opsjon Ekstra tenester avrekna etter medgått tid I kontraktsperioden vil HIM vurdere å tinge følgjande oppdrag som skal avreknast etter medgått tid: A. Innsamling av restavfall i behaldar i ekstraveker frå utvalde samleplassar i distriktet, ca. 15.juni 15.august. I tida før tilbodsfrist er omfanget av dette omlag 3 dagsruter pr. veke for sjåfør og bil, ca. 6 veker om sommaren. Oppdraget kan eventuelt også gjennomførast på laurdagar dersom dette passar i høve til dei ordinære tømetidspunkta. B. Innleige av ein to-kamra renovasjonsbil med sjåfør frå leverandøren i samband med mobil innsamling, som er eit tilbod for levering av grovavfall frå kundar med lang avstand til næraste gjenvinningsstasjon / avfallsmottak. Utstyret skal då parkerast 1 2 timar på kvar lokalitet på ettermiddagstid eller laurdag. I 2015 vart dette gjennomført 4 gonger på 4 lokalitetar, dvs. 12 ettermiddagar og 4 laurdagar. I tillegg til leverandøren stiller HIM med skåpbil med personell og ein konteinarbil med hengjar og sjåfør. Det må påreknast litt for- og etterarbeid. Albaran AS Side 13 av 15

14 C. Vikarleige av renovasjonsbil utan sjåfør, berre sjåfør eller berre sidemann i samband med drifta i eigenregi D. Andre ekstratenester ved behov, t.d. leige av bil utan sjåfør, innsamling frå festivalar mv. Oppdragsgjevar kan tinge kvar av desse aktivitetane uavhengig av kvarandre. For aktivitet A og B vil leverandøren bli varsla minimum 3 månader på førehand, og seinast tre månader før engasjementet skal stoppe. For aktivitet C og D vert varslingstida ei veke, eller etter nærare avtale. Tenestene vert avrekna etter tidsbruk på det enkelte oppdrag, der det er høve til å differensiere timeprisane etter når på døgnet tenesta vert gjennomført. Inkludert i timeprisane skal være alle kostnader i samband med oppdraget. I tillegg til einingsprisane dekkjer oppdragsgjevar ferjebillettar og bompengar etter satsar med full rabatt, dersom dette ikkje er dekka inn av andre einingsprisar i kontrakten. Leverandøren vil ikkje få betalt for tidsbruk i samband med tekniske problem, eller andre forseinkingar som skuldast leverandør. Oppdragsgjevar står fritt til å definere arbeidsomfanget av oppdraget, og partane skal avtale på førehand kor stor andel av oppdraget som lyt gjennomførast utanom normal arbeidstid. Det vert bedt om alternative einingsprisar på enten berre komprimatorbil med sjåfør, eller der sidemann er med. 4 INFORMASJON OM BILAG Bilag 3a Grunnlagsdata Under fliken "bilag3a" er samla relevante grunnlagsdata. Det vert presisert at avfallsmengdene kan variere både over året og frå år til år. 4.2 Bilag 3b Utfylling av prisskjema mv Skjema i vedlagte excel-ark kan fylles ut manuelt eller i excel. Det er berre dei gule felta som skal fyllast ut. Utskrift av skjema skal leggjast ved tilbodet. Det vert teke atterhald om feil i formlar / referansar i pristabellane. Ved eventuelle feil er det dei gjevne einingsprisane som vert lagt til grunn. Tall, verdiar og annen informasjon utfylt av oppdragsgjevar, skal ikkje endrast av tilbydaren. For opsjonar er nokre av mengdene grovt stipulert for å kunne få fram ein stipulert årskostnad. Desse mengdene er generelt usikre, og representerer ikkje det forventa nivået. Skjema gjeld grunnlaget for vurdering av tildelingskriteria om kvalitet. Der skal gule felt fyllas ut, i tillegg til at det på eigne dokument skal gjevast ein utfyllande omtale knytt til kvart punkt som der er lista opp. Det vert likevel presisert at punkta i skjema ikkje er utømmande, slik at tilbyder gjerne kan supplere med fleire opplysningar som er relevante i forhold til tildelingskriteria. 4.3 Bilag 3b Inkludert i einingsprisane i prisskjema Der det ikkje er nemnt noko anna, skal alle prisar, summar og einingsprisar inkludere alle kostnader til leverandøren i samband med utføring av arbeidet, inkludert men ikkje avgrensa til - delar og materiell/utstyr (halde av leverandør), forbruksmateriell, generalkostnader (inklusive administrasjon og Albaran AS Side 14 av 15

15 arbeidsleiing) sentralt og for oppdraget, skattar og avgifter og forteneste. Dvs. at tilbydar må inkludere alle sine påreknelege kostnader ved utfylling av skjema, sjølv om ikkje alle kostnadselement og arbeid / ytingar er nemnde i detalj i konkurransegrunnlaget. Dersom det viser seg å vere behov for auka ressursinnsats for å gjennomføre oppdraget, skal leverandøren auke ressursbruken utan ekstra kompensasjon. Dette gjeld t.d. ekstra ressursinnsats ved eventuelt plunder og heft i oppstartsfasen. Dersom tilbydar meiner at nokre av kostnadene ikkje naturleg kan knytast til skjema, må kostnadene tydeleg kvantifiserast og spesifiserast i tilbodsbrevet. Tilbyder skal fylle ut alle postar i tilbodet. Prisene skal vere i kroner (NOK) eksklusive meirverdiavgift. Det er alltid einingsprisane i avtalen som vert lagt til grunn ved avrekning. Om ikkje anna er spesifisert gjeld einingsprisane (lista er ikkje uttømmande): uansett avfallsmengde og fyllingsgrad i oppsamlingseiningane, uansett når på døgnet arbeida vert utført, uansett vekedag arbeida vert utført, uansett når på året arbeida vert utført, uansett mengde arbeid pr. arbeidsoperasjon. Albaran AS Side 15 av 15