REVIDERING AV AVFALLSFORSKRIFTA

Transkript

1 Ål kommune Arkivsak-dok. 16/ Saksbehandler Svein Furuhaug Saksgang Sektorutval for teknisk, næring og ressurs Kommunestyret REVIDERING AV AVFALLSFORSKRIFTA Saka vert avgjort av: Kommunestyret Vedlegg: Forslag til revidert Forskrift for avfallsbehandling i Ål kommune. Dokument i saka: Forslag til revidert Forskrift for avfallsbehandling i Ål kommune Saksopplysningar: Administrasjonen har saman med Hallingdal Renovasjon IKS revidert Forskrift for behandling av avfall i Ål kommune. Forskrifta er felles for alle kommunane i Hallingdal og Krødsherad kommune, og er tenkt vedteke likt i den enkelte kommune. Felles avfallsplan for Hallingdal og Krødsherad vart vedteke i KS-sak 61/16, saksnr. 15/ I løpet av 2017 går vi over frå sekkerenovasjon til avfallsdunkar. Dette fører til enkelte endringar i forskrifta også. Vesentlege delar av Forskrift for avfallsbehandling i kommunen er delegert til og vert følgt opp av Hallingdal Renovasjon IKS (HR). Det er forslag om endringar i følgjande paragrafar: 3 avsnitt 3: Forskrifta omfattar også permanent oppsett campingvogn med mindre kommunen etter skriftleg søknad har godkjent at avfallet vert levert som næringsavfall. 4 definisjon farleg avfall, oppsamlingseining og permanent oppsett campingvogn: - Farleg avfall: Avfall som ikkje enkelt kan behandlast saman med anna hushaldningsavfall eller næringsavfall fordi det kan føre til alvorleg forureining eller fare for skade på menneske, dyr eller miljø. Gjeld ikkje medisinar (til apotek), daude dyr (kadavermottak) eller ammunisjon/ eksplosiv/ 1

2 fyrverkeri (politiet). - Oppsamlingseining: Plastsekk for hushaldningsplast, plastdunk/ -behaldar med hjul, konteinar eller anna godkjent eining for å leggje avfall fram til kommunal henting. - Permanent oppsett campingvogn: Campingvogn som er privat eigd, og stilt opp på same oppstillingsområde i tre månadar eller meir. Campingvogn plassert på lagerplass og det kan dokumenterast at den ikkje er i bruk, vert ikkje rekna som permanent stilt opp. 6 første og andre avsnitt: - Ved levering til kommunen sitt bemanna lokale avfallsmottak skal det meldast frå når avfallet kjem frå næringsverksemd. - For næringsverksemd med restavfall som kan samanliknast med hushaldningsavfall, kan det gjerast avtale om abonnement lik hushaldningsavfall. 7 siste avsnitt: Farleg avfall skal ikkje blandast med anna avfall. Farleg avfall skal leverast på bemanna lokale avfallsmottak. Kommunen kan innføre andre ordningar, som innsamling i eigen henteordning eller bruk av mobile mottak. 8 første avsnitt: Abonnentar som har eige hageareal som er egna for bruk av kompost, kan gjera avtale med kommunen om heilårleg heimekompostering av våtorganisk avfall. Abonnentar som teiknar slik avtale, og dermed reduserer sin eigen avfallsmengde, kan gis redusert avfallsgebyr. 9 første og tredje avsnitt: - Alle oppsamlingseiningar vert levert abonnenten av kommunen. Dei vert registrerte på den einskilde eigedom, og skal ikkje flyttast ved endringar i eigar- eller festeforhold. - Kommunen kan påleggje den einskilde abonnent å auke volumet eller talet på oppsamlingseiningar om dette synest naudsynt for å sikre tilstrekkeleg sortering av avfallet, eller for å hindre at avfallet vert oppbevart eller disponert på ein uheldig måte. Dette vil føre til auke i abonnementskostnaden. 10 i vegstandardar og abonnentar med henteordning: - I periodar med is og snø må privat tilkomstveg, transportveg og hentestad vera tilstrekkeleg stikka/ merka, måka for snø, sandstrøydd og utan fare for takras o.l. Kommunen kan i slike periodar påby ei anna plassering av oppsamlingseininga enn kva som vert kravd resten av året. Tilkomstveg som renovasjonsbilen nyttar fram til hentestad skal vera køyrbar for større køyretøy og ha tilstrekkeleg snuplass. Vegen skal tåle akseltrykk på 8 tonn, ha vegbreidd på minimum 2,5 meter og fri høgde på minimum 4,0 meter (deriblant fri for vegetasjon innanfor køyrebanen i 4,0 meters høgde). 11 avsnitt 4 og for abonnentar med henteordning: - Farleg avfall skal fortrinnsvis leverast til lokalt avfallsmottak i oppsamlingseining (raud boks) som er merka med dette. - Det skal berre nyttast oppsamlingseiningar utlevert av kommunen. Alt avfall skal ligge i godkjent oppsamlingseining som ikkje er fylt meir enn at lokk på hjulbehaldar kan lukkast. Avfallet bør vera innpakka for å redusere problem med fastfrysing og lukt, men skal ikkje pakkast fastare enn at eininga kan tømmast utan problem. 12 henteordning, avsnitt 1 og 3: - Renovatøren er berre pliktig til å ta med avfall som er lagt i godkjent oppsamlingseining, og som vert nytta etter denne forskrift. Kommunen har ansvar for utplassering og vedlikehald av oppsamlingseiningar. 2

3 - Avfallet skal også hentast på faste og bevegelege heilagdagar som kjem på vekedagar. Unnateke er 1. juledag og 17. mai, desse vekene vert henta på neste virkedag. 13 andre, tredje, fjerde og femte avsnitt: - Abonnenten er ansvarleg for naudsynt reinhald av oppsamlingseining og vedlikehald av hentestad og tilkomstveg, samt for eventuelle skader på oppsamlingseiningane på grunn av lite hensiktsmessig plassering, feilaktig bruk, hærverk eller liknande. Kommunen avgjer når ei eining må reparerast eller fornyast, og utfører reparasjon og utskifting av utlevert utstyr etter behov. - Abonnenten er ansvarleg for avfallet fram til det er henta, deriblant sørgje for opprydding dersom avfallet kjem på avvegar før det er henta. - Abonnenten skal melde endringar i abonnementsforholdet til kommunen. Fram til kommunen har motteke melding om endringar skal abonnenten betale gebyr som tidlegare. 15 felles gebyrinndeling - Normalabonnement henteordning 140 l restavfall, 140 l glas/emballasjemetall, 240 l papir/ emballasjepapp/ kartong. Storabonnement med 240 l restavfall svarar til 50 % auke på normalabonnement. - Normalabonnement bringeordning - Hytterenovasjon - Heimekompostering gir reduksjon på normalabonnement (gjeld ikkje stølsbu-/ hytterenovasjon) - Ved endring av storleik på behaldar, vert gebyret endra tilsvarande ved neste termin. - Samarbeid om oppsamlingseining gjer det ikkje mogeleg med reduksjon i gebyret. Forhold til overordna plan: Forskrift for behandling av avfall i kommunen har heimel i Lov om vern mot forureining og om avfall (Forureiningslova). Samtidig tek forskrifta omsyn til tiltak og krav gitt i felles Avfallsplan for Hallingdal og Krødsherad. I felles avfallsplan for Hallingdal og Krødsherad er det mest omfattande tiltaket omlegging av henteordning frå sekk til hjulbehaldarar. Avfallsplanen skildrar i grunnlaget for endring av henteordning at renovasjonsbilar med eitt kammer kan nyttast. I arbeidet med revidering av forskrifta, samt i HR sin detaljplanlegging av nye innsamlingsruter, er det vurdert at bilar med eitt kammer ikkje vil gi god nok hentefrekvens for alle fraksjonane og heller ikkje vera fleksibelt nok ift usikkerheit med 14. dagars frekvens for henting av restavfall. Miljøkonsekvensar: Forskrift for behandling av avfall i kommunen er avgjerande for å oppnå ei god renovasjonsordning i kommunane som bidreg til å auke kjeldesortering og dermed auke avfallsmengda som kan gå til gjenbruk og gjenvinning, og samtidig bidreg til å hindre forsøpling og forureining. Helse-/miljø og beredskapstilhøve: Ikkje vurdert Økonomiske konsekvensar: I 12 kommunen sine pliktar er det i forslag til revidert forskrift lagt inn at kommunen pliktar å hente avfall også på faste- og bevegelege heilagdagar som kjem på vekedag. Unnateke er 1. juledag og 17. mai, men desse skal hentast på neste virkedag eller næraste laurdag. Dette 3

4 vil bety auka kostnadar til innsamling i samband med løn for arbeid på heilagdagar, eller ekstrakøyring på kvardagar eller laurdag. I 10 er det i forslaget til revidert forskrift lagt inn krav til at oppsamlingseiningane/ hjulbehaldarane hjå den einskilde abonnent skal plasserast innanfor ein gangavstand på 5 m frå vegkant. I gjeldande forskrift er kravet 20 m for sekk og 10 m for behaldarar. Dette er eit krav som er viktig for å halde innsamlingskostnadane så låge som mogeleg. Gangtida for renovatørane betyr mykje, og i eit praktisk/ teoretisk forsøk som Hallingdal Renovasjon IKS har utført viser måling av gangtid at forskjellen på 5 m og 10 m kan utgjere timeverk i året med utgangspunkt i abonnentar. I 3 verkeområde tydeleggjer ein i revidert forskrift at permanent oppsette campingvogner også vert omfatta av forskrifta og tvungen renovasjon, med mindre kommunen, etter skriftleg søknad, godkjenner at avfallet vert leveret som næringsavfall. Dette kan bety auka arbeidsmengde på kommunen sin administrasjon. Vurdering: Forskrift for avfallsbehandling i kommunane skildrar korleis renovasjonen skal utførast og kva krav som vert stilt både til kommunen, Hallingdal Renovasjon IKS som utfører tenestene og til abonnentane, og er avgjerande for å kunne gjennomføre renovasjonsordninga på ein god og lik måte for dei ulike typane abonnentar og i alle kommunane. Forskrifta gir og grunnlag for å kunne følgje opp og behandle avvik og klagar riktig og likt overfor alle abonnentar. Ei tydeleg forskrift gir også abonnentane, som gjennom pålagt renovasjon basert på sjølvkost betalar for ordninga, større moglegheit til å følgje opp om kommunen og Hallingdal Renovasjon IKS utfører tenesta etter bestemt renovasjonsordning. Nærare vurdering av enkelte endringar: 3 og 4 om permanent oppsett campingvogn. Det er gjort endring i 3 for at kommunane lettare skal kunne følgje opp korleis avfallshandtering frå permanent oppsette campingvogner blir gjennomført. Det er nå presisert at campingplassar, eller tilsvarande, må søkje kommunen om å sleppe renovasjon etter denne forskrift. Kommunen får då moglegheit til å verifisere at det er etablert ei godkjent ordning for alle typar avfall, og at eigarar/brukarar av permanent oppsette campingvogner ikkje misbrukar den kommunale ordninga. Ein dom i Gulating lagmannsrett av 5. juli 2010 har ein rettskraftig dom som gjeld permanent oppsette campingvogner. Dommen gir blant anna ein definisjon som er brukt i om henting av avfall på faste- og bevegelege heilagdagar som kjem på vekedagar. Når henteordninga tek i bruk hjulbehaldarar neste år, vil innsamlingsfrekvensen verte endra. Restavfall skal då berre hentast kvar 14. dag, og det er difor viktig at innsamlinga må gå føre seg når faste eller bevegelege heilagdagar fell på hentedagar for å unngå for lang periode utan innsamling. 15 skildrar med ein felles gebyrinndeling for kommunane. Dette gir moglegheit for lik differensiering i forhold til mengde avfall, og med tilsvarande differensiering av einingsprisar frå Hallingdal Renovasjon IKS. Det vil og kunne gi grunnlag for lik prising i kommunane. Rådmannen si innstilling: Sektorutval for teknisk, næring og ressurs vedtek at revidert Forskrift for avfallsbehandling i Ål kommune vert sendt på høyring i 6 veker. 4

5 Underskrift Tone Tveito Eidnes Rådmann Reidun Aaker drifts- og utviklingssjef 5