Skjåk kommune Plan, samfunn og miljø

Transkript

1 Skjåk kommune Plan, samfunn og miljø Arkivsak: 2015/604-1 Arkiv: M53 Saksbehandlar: Per Dagsgard Dato: Saksframlegg Utv.saksnr Utval Møtedato 36/15 Miljø- og næringsutvalet Ny forskrift om tøming av slamavskiljar og tette tanker m.v. - Skjåk kommune Saksutgreiing Skjåk kommune har innført tvungen septik frå private avløpsanlegg i Lovgrunnlag: Forureiningslova 26.(kommunal tømming av slam fra slamavskillere (septiktanker), privet m.v.) Kommunen skal sørge for tømming av mindre renseinnretninger som slamavskillere og samlekummer for avslamming av sanitært avløpsvann og overvann. Det samme gjelder for oppsamlingstanker med ubehandlet sanitært avløpsvann. I same lov er kommunen gjeve høve til å ta gebyr for å dekk inn kostnadane. Her blir sjølkostprinsippet lagt til grunn. Dvs. kommunen kan ikkje ta inn meir i gebyr enn dei faktiske kostnadane. I medhald av forureiningslovas 26 fastsette Skjåk kommunestyre i sak 15/1985 forskrift om innsamling m.v. av forbruksavfall og tøming av slamavskillere. Her heiter det: For eiendom med fast bosetting og med toalett tilknyttet slamavskilleren, skal slamavskilleren tømmes 1 gang pr. år. For eiendommer med fast bosetting uten toalett tilknyttet slamavskilleren og for fritidsbebyggelse, skal slamavskilleren tømmes hvert 3. år. Tette oppsamlingstanker tømmes hvert år eller oftere ved behov. Bakgrunn for at kommunen innførte forskrifta. Det er to hovedgrunner til at ein kommune innfører ei slik forskrift: 1. Hindre forureining 2. Det er nødvendig å tøme ein slamavskiljar for at slam ikkje skal kome inn i infiltrasjonsanlegget og tette dette, da må anlegget gravast opp og fornyast. Ein tredje grunn var at avløpsslam vart tømt privat og spreidd som gjødsel. Av helsegrunnar var det sterke innvendingar mot dette. (smittefare).

2 Ved innføringa av ordninga vart frekvensen for tøming av slamavskiller på eigedom med fast busetting endra til kvart 2. år. For fritidseigedomar er frekvens for tøming kvart 3. år. Det ser ikkje ut til at forskrifta har vore endra i tråd med det som har vore praktisert. Kommunen har også vorte bede om å vurdere kor ofte det er behov for å tøme slamavskiljare for fritidshus. I forskrifta frå 1985 var det ikkje teke med noko om tøming av feittavskiljare frå storkjøkken, dette er det behov for. Bakgrunn for tømefrekvens. Tømefrekvens er basert på faglege vurderingar. Lova seier ikkje noko om frekvensen men i den nasjonale forureiningsforskrifta heiter det i 12-13: Utforming og drift av renseanlegg Renseanlegget skal dimensjoneres, bygges, drives og vedlikeholdes slik at det har tilstrekkelig yteevne under alle klimatiske forhold som er normale for stedet der de ligger. Ved utformingen av anlegget skal det tas hensyn til variasjoner i mengde sanitært avløpsvann i løpet av året. Minirenseanlegg skal drives og vedlikeholdes i henhold til skriftlig drifts- og vedlikeholdsavtale, jf. vedlegg 2 punkt 2.3 til kapittel 11. Slamavskillere tilknyttet helårsbolig eller fritidsbolig skal tømmes helt for slam etter behov, ikke sjeldnere enn henholdsvis hvert andre og fjerde år. Kommuneadministrasjonen har sett på korleis dei andre kommunale lokale forskrifter i N- Gudbrandsdal er på dette området. Lesja, Dovre, Sel og Vågå har følgjande tømefrekvens: Fast busetting: Kvart 2. år Fritidsbustader: Kvart 4. år Tette tanker: Kvart år Feittavskiljare: Kvart år. Lom kommune har ikkje eiga forskrift men praksis har vore tøming kvart 2. år for bustader og fritidshus og kvart år for tette tanker. Vurdering. Rådmannen vi tilrå at at Skjåk legg opp til å endre gjeldande forskrift slik at den harmonerer med forskriftene til dei andre kommunena i N-Gudbrandsdal. Førehandsvarsel om at kommunen går igang med forskriftsarbeidet er kunngjort Forslag til ny forskrift: Heimel: Lov 13. mars 1981 nr. 6 om vern mot forurensninger og om avfall (Forurensningsloven) 26, 30 og 34. Kapittel I - Generelle reglar 1.Virkeområde

3 Forskrifta gjeld tøming og transport av slam frå slamavskiljar, Privet, tette tankar og feittavskiljar i området som inngår i pliktig tømeordning i Skjåk kommune. Forskrifta gjeld også gebyrplikt. 2.Definisjonar Som abonnent reknast eigar ( den som har heimel) av eigedom som er omfatta av den kommunale tømeordninga. Dersom eigedomen er festa bort for 10 år eller lengre, skal festaren reknast som abonnent om ikkje anna er avtalt. Det same gjeld når festaren har rett til å få festet forlenga, slik at den samla festetida er lengre enn 10 år. Som slam reknast alle typar avlaup frå hushaldning, fritidsbustader, bedrifter og liknande som er omfatta av kommunale reglar for separate avlaupsanlegg, og som er lagt under kommunal godkjenningsordning. 3.Pliktig tømeordning Kommunen skal tøme slamavskiljare, tette oppsamlingstankar og andre samleinnretningar for slam som er omfatta av forskriftene. Alle eigedommar i kommunen er omfatta av kommunal tømeordning, med unnatak av større avlaupsanlegg der løyve er gjeve av anna myndigheit. 4.Fritak Kommunen kan etter søknad frita eigedomar frå ordninga om eigedomen er ubebudd. Kapittel II - Tøming av slam frå slamavskiljar mv. 5.Abonnentens plikter Abonnenten skal sørgje for at anlegg som skal tømast, er lett tilgjengelege for tøming med bil. Snø, is, jord, osv. som ligg over kumlokk skal fjernast, og andre hindringar for fri tilkomst for renovatøren skal ordnast av abonnenten før tøming vert utført. Den som tømer anlegget har rett til å plassere naudsynt utstyr på eigedomen for å utføre oppdraget. Tilkomst frå tømebil til kum skal ikkje overstige 50 m frå der bilen kan plasserast. Sugehøgde frå botn i kum til tank på bil skal tilpasses sugeslangens lengde og ikkje overstige 6 m ved 25 m slangeutlegg til kum. Det må ikkje settast opp gjerde, murar, og liknande som gjer det vanskeleg å komme til med utstyr for tøming. Abonnenten plikter å koste utbetringar av feil og manglar ved anlegget som kommunen gjev pålegg om, slik at anlegget fungerer etter reglane i forureiningslova. Dersom abonnenten ikkje har klargjort slamavskiljaren eller slamtanken for tøming etter førehandsvarsling, der vegforhold eller andre hindringar medfører at tøming ikkje kan utførast, reknar ein anlegget som tømt når renovatøren har møtt fram for tøming. Gebyr blir utrekna som om anlegget er tømt på ordinær rute.

4 6.Tøming av slamavskiljar og tette tanker Varsel om når tømming av avløpsanlegg vert utført skal skje i god tid før tømming utføres. Varsel vert gjeve gjennom annonse i lokalavis og på heimesida, eller på annen måte som kommunen finn tenleg. Tømming skjer etter følgjande mønster (gjelder pr. eining): For eigedomar med fast busetnad skal slamavskiljaren tømast kvart 2. år. For fritidsbustader skjer tøming av slamavskiljar kvart 4. år. Alle tette tankar skal tømast kvart år (Både bustad og fritidsbustad). Ekstra tøming utover den bestemte ordninga må tingast og betalast av abonnent. Det er berre entreprenør som er godkjent av kommunen som har løyve til å tøme anlegg. Kommunen kan i særskilde høve bestemme annen tømmerutine for anlegg med spesiell utføring eller belastning. Tøming av anlegg skal utførast slik at brukaren ikkje unødig vert sjenert av støy og lukt. Anlegget skal vera forlatt i lukka stand, og grinder, porter og dører skal lukkast, eventuelt låsast. Renovatøren har rett til å kontrollere tanken, og påvise feil og manglar. Renovatøren skal sørgje for hygienisk tilfredsstillande reinhald av utstyr som vert nytta til slamtøming. 7.Tøming av feittavskiljare Feittavskiljare skal tømast kvart år, eller oftare dersom tilstanden tilseier det. Kommunen kan gå inn å kontrollere at funksjon- og drift av anlegget er tilfredsstillande, samt bestemme anna tømefrekvens. Eigar av feittavskiljar er sjølv ansvarleg for bestilling av tøming av sine anlegg. Berre entreprenør godkjent av kommunen har løyve til å tøme anlegget. Kopi av tømerapport skal leverast til kommunen. 8.Tøming av oljeutskiljar Avfallet kjem inn under forskrift 1. juni 2004 nr. 930 om gjenvinning og behandling av avfall (avfallsforskriften). Tøming av oljeutskiljar skal utførast med godkjent utstyr, og renovatør med nødvendig løyve frå myndigheitene. Eigar av oljeutskiljar er sjølv ansvarleg for å oppfylle dei tekniske og driftsmessige forskrifter som er gjeve av leverandør og SFT. Eigar må dokumentere tilstanden til oljeutskiljaren, eller betale for registrering av tilstand som blir utført ved kvar tøming. Kopi av rapporten skal den som tømer anlegget sende til kommunen. 9.Krav til køyrbar veg Som køyrbar veg reknast veg som har fri høgde på 4,0 meter, tilfredsstillande breidde, bæreevne, kurvatur, stigningsforhold og snuplass til å tåle køyring med tyngre lastebil. Vinterstid må veg og snuplass vera brøyta og om naudsynt strøydd for aktuelt tømeutstyr. Abonnentar med privat veg er ansvarleg for at vegen er køyrbar med utstyr for slamtøming. I tider med teleløysing skal renovatør ved ordinær tøming ta omsyn til vegstandard.

5 Kapittel III - Gebyr for tøming av avlaupsanlegg 10.Kven skal betale gebyr Abonnenten skal betale eit årleg gebyr til kommunen i medhald av gjeldande regulativ. Kommunen fastsett reglar for avrekning av storleiken på gebyr. Tøming av feittavskiljar og oljeutskiljar kjem ikkje under faste årlege gebyr til kommunen. I slike tilfeller skal økonomisk oppgjer skje direkte mellom eigar av oljeutskiljaren og den som utførar tøming. 11.Innkrevjing, renter mv. Septikgebyr/slamgebyr med renter er sikra med lovbestemt pant etter pantelova 6-1. Om renteplikt ved sein betaling og inndriving av avfallsgebyr gjeld reglane i lov 6. juni 1975 nr. 29 om eigedomskatt til kommunen 26 og 27 tilsvarande. Kapittel IV - Sluttpunkt 12.Skade på abonnenten sin veg eller eigedom Eventuelle krav om vederlag for ulemper eller skader i samband med tøminga må abonnenten rette direkte til transportøren. 13.Klager Vedtak som er fatta av hovudutvalet, eller andre delegerte myndigheiter i medhald av gjeldande forskrift, kan abonnenten påklage til kommunen si klagenemnd. 14.Brot på forskriftene Brot på forskriftene kan straffast med bøter etter forureiningslova 79 andre ledd. Forskrifta trer i kraft når kommunestyret har vedteke denne Frå same tid blir forskrift vedteke av kommunestyret for innsamling mv. av forbruksavfall, tøming av slamavskiljar, privet, tette tankar mv. Skjåk kommune, Oppland oppheva. Rådmannen si innstilling. Miljø- og næringsutvalet vedtek å leggje forslag til ny forskrift om tøming av slamavskiljare, tette tanker m.v. ut til offentleg ettersyn. Behandling i Miljø- og næringsutvalet Vedtaket var samrøystes Vedtak i Miljø- og næringsutvalet Miljø- og næringsutvalet vedtek å leggje forslag til ny forskrift om tøming av slamavskiljare, tette tanker m.v. ut til offentleg ettersyn.

6