Forskrift om tømming av avlaupsanlegg inkludert tette tankar og bestemmingar om betaling av gebyr, Hemsedal kommune, Buskerud.

Transkript

1 Forskrift om tømming av avlaupsanlegg inkludert tette tankar og bestemmingar om betaling av gebyr, Hemsedal kommune, Buskerud. KAP 1. GENERELLE VEDTAK 1.1 Føremål Forskrifta har som føremål å sikre miljømessig, økonomisk og helsemessig forsvarleg innsamling og transport av slam frå slamavskiljarar og sanitært avlaupsvatn frå tette tankar jf. forureiningslova Virkeområde Forskrifta gjeld tømming av slamavskiljarar og tankar for oppsamling av sanitært avlaupsvatn i heile kommunen der desse ikkje er knytta til offentleg avlaupsnett. Forskrifta fastset reglar for berekning av slamgebyr. Kommunestyret fastset årleg storleiken på gebyret. Tenester utover tømming, transport og behandling av slam og sanitært avlaupsvatn vert ikkje omfatta av denne forskrifta. Oljeutskiljarar, feittutskiljarar, oppsamlingstankar for industrielt avlaupsvatn eller liknande ikkjesanitært avlaupsvatn, vert heller ikkje omfatta av denne forskrifta. 1.3 Definisjonar Abonnent: tinglyst heimelshavar av eigedom som vert omfatta av den kommunale tømmeordninga. Dersom eigedomen er festa bort for 10 år eller meir, jf. festelova, kan festaren reknast som abonnent om ikkje anna er avtalt. Slamavskiljar/ septiktank: Ein eller fleire kummar for skiljing av slam frå sanitært avlaupsvatn. Tett tank: Ein tett kum for oppsamling av sanitært avlaupsvatn/svartvatn. Sanitært avlaupsvatn: gråvatn og svartvatn. Gråvatn: Avlaupsvatn frå kjøken, vaskerom og bad. Svartvatn: Avlaupsvatn frå toalett og urinal. Tømmeplan: Ruteplan, fastsett i samarbeid mellom renovatøren og kommunen, for å gjennomføre effektiv og rasjonell tømming av slam for eit større område. Ordinær tømming/tømmefrekvens: Planlagt tømming som skjer i samsvar med tømmeplan.

2 Ekstratømming: Tilleggstømming utanom fastsett tømmeplan. Naudtømming: Tilleggstømming som må utførast innan 24 timar. pe: Forkorting for personekvivalent, eit omgrep som brukast når ein skal berekne kor mykje avlaup som vert generert i eit område. Storleiken på avlaupsanlegget i pe bereknast på grunnlag av største mengde pr. veke som går til reinseanlegget eller utsleppspunkt i løpet av året. Pe bereknast som den mengda organisk stoff som brytast ned biologisk med eit biokjemisk oksygenforbruk målt over fem døgn, BOF5, på 60 g oksygen per døgn. Generelt gjeld: 1 person = 1 pe = 60g BOF5/døgn = størst belastning pr. veke gjennom året. Minireinseanlegg: Anlegg for reinsing av sanitært avlaupsvatn. Minireinseanlegg er i prinsippet ei mindre utgåve av store konvensjonelle reinseanlegg. Sentralt godkjent etter krav gjeve i Norsk Standard NS-EN KAP 2. TØMMEORDNINGA 2.1 Pliktig tømmeordning Kommunen skal sørge for tømming av slamavskiljarar, tette oppsamlingstankar og andre samleinnretningar for slam som vert omfatta av denne forskrifta. Alle eigedomar i kommunen som er omfatta av kommunens tilsynsmynde vert omfatta av ordninga. Dersom denne ordninga ikkje let seg gjennomføre, kan kommunen i einskildvedtak gjera unntak frå kommunal tømmeordning. 2.2 Pliktene til abonnenten Abonnenten skal sørge for tilfredsstillande tilgjenge, jf. 2.3, og for at anlegg som skal tømmast er lett tilgjengelege for tømming. Overdekking av kumlokk og liknande med snø, is, jord, osv. fjernast, og andre hindringar for fritt tilgjenge for renovatøren skal ordnast av abonnenten før tømming vert utført. Abonnenten pliktar å respektere entreprenørens rett til å plassere nødvendig utstyr på eigedomen for å utføre tømminga. I tilfelle der abonnenten ikkje har klargjort slamavskiljaren for tømming etter varsling på førehand, eller der vegforhold eller andre hindringar medfører at tømming ikkje kan utførast, pliktar abonnenten sjølv å bestille og betale for ny tømming så raskt som mogleg. Abonnenten er ansvarleg for at avlaupsanlegget er utført på ein slik måte og er i ein slik tilstand at anlegget fungerer i samsvar med forureiningslova (utsleppsløyve). Vidare skal alle endringar av tekniske installasjonar eller av anleggsutføringa eller endra bruk varslast og søkast om, jf. plan- og bygningslova 201 og forureiningsforskrifta 12-3 og Abonnenten pliktar å betale for utbetringar av feil og manglar ved anlegget. Eventuelle endringar i abonnementsforholdet skal straks meldast til kommunen.

3 2.3 Veg og tilgjenge Veg til slamanlegget må vera framkommeleg for tømmebilen. Det skal vera 3,5 m fri høgd og 3,0 m vegbreidde. Det skal takast omsyn til kva for årstid det er best å koma til for tømming i området der tømming vert utført. Utover dette har ikkje renovatør eller kommunen ansvar for skader på og vedlikehald av privat veg og plass, med mindre det kan påvisast aktløyse. Avstand frå oppstillingsplass for tømmebil til kum skal ikkje overstige 60 m frå der bilen kan plasserast (gjeld ikkje traktortømming/spesialbil). Sugehøgd frå botnen i kum til tank på bil skal tilpassast lengda på sugeslangen og ikkje overstige 8 m ved 25 m slange. For eksisterande fritidsbustader der tømmebil ikkje kan nyttast, skal det vera framkommeleg veg for traktor med vakuumtank fram til kum. For nye avlaupsanlegg vert krav til tilgjenge for tømmeutstyr bestemt gjennom utsleppsløyve. Det må ikkje setjast opp gjerde, murar og liknande som gjer det vanskeleg å koma til med utstyr for tømming. 2.4 Rettigheiter og plikter til den som utfører tømminga Entreprenøren har rett til å plassere nødvendig utstyr på eigedomen for å utføre tømminga, og føre attende rejektvatn frå avvatningsbil til slamavskiljar som tømmast. Arbeidet skal utførast slik at det ikkje oppstår unødig skade på veg eller eigedom. Tømminga skal verte utført slik at bebuarane ikkje unødig vert sjenerte av støy og lukt. Anlegget skal vera låst, grinder, portar og dører skal vera attlatne og eventuelt låste. Tømmeutstyr skal vera slik innretta at tømming og transport skjer på ein hygienisk og estetisk god måte. Tømming skal verte utført innanfor tidsrommet kl til måndag til fredag, unntaksvis laurdag til kl Dersom kommunen ynskjer det, pliktar entreprenøren å gjennomføre eit forenkla tilsyn under tømming, og varsle kommunen og abonnent om eventuelle avvik. 2.5 Varsel om tømming. Varsel om tømming av avlaupsanlegg vert å sende i god tid før tømming vert utført. Varsel til heimelshavar, anle ggseigar og/eller driftsansvarleg vert gitt på ein måte som kommunen finn hensiktsmessig. 2.6 Tømmefrekvens. Ordinær tømming skjer etter fylgjande mønster (gjeld pr. eining): Anlegg under 50 pe: For eigedomar med fast busetjing skal slamavskiljaren tømmast minimum kvart 2. år. For fritidsbustader skjer tømming av slamavskiljar minimum kvart 4. år. Anlegg med 50 pe og meir: Slamavskiljarar skal tømmast minimum kvart 2. år. Alle tette tankar vert å tømme minimum kvart år. (Både bustader og hytter). Minireinseanlegg vert å tømme i samsvar med driftsinstruks og utsleppsløyve. Kommunen kan ta minireinseanlegg ut frå kommunal tømmeordning.

4 Kommunen kan i spesielle tilfelle fastsetje annan tømmerutine, f.eks. at anlegg med spesiell utføring eller belasting skal ha hyppigare tømmefrekvens iht. utsleppsløyve. Kommunen sørger for tømming etter fastlagt tømmeplan. Abonnenten kan sjølv be om hyppigare tømmefrekvens, forutsett at det er mogleg å innarbeide dette i kommunen sin tømmeplan. All tømming utover den bestemte ordninga vert å bestille og betale av abonnent. Det er berre entreprenør som kommunen har avtale med som har løyve til å tømme anlegg. 2.7 Fritak Kommunen kan gje mellombels fritak frå den kommunale tømminga om det er ein eigedom der det ikkje bur nokon, og kommunen har motteke stadfesting frå autorisert røyrleggjar på at avlaupsanlegget er kopla ut og vassforsyning, som utsleppet gjeld, er avstengd. For at fritak skal verte gjeve etter kap. 3, må det verte fremja skriftleg søknad til kommunen. KAP 3. GEBYR 3.1 Utrekning av gebyr. Abonnenten skal betale gebyr til kommunen i samsvar med gjeldande gebyrregulativ, som vert vedteke årleg av kommunestyret. Det vert fastsett gebyr for følgjande: Ordinært tømmegebyr for slamavskiljarar og tette tankar Tilleggsgebyr for tømming med traktor eller spesialbil Handsamingsgebyr ved påslepp til kommunalt reinseanlegg Nekting av tilbakeføring av rejektvatn. Dersom anlegget ikkje er gjort klart til tømming jf. 2.3, fakturerer kommunen gebyr som om anlegget er tømt. Ekstratømmingar og naudtømmingar vert fakturerte direkte frå renovatør. Abonnenten skal betale gebyr for kvart anlegg. 3.2 Innkrevjing av gebyr, renter m.m. Kommunen krev inn gebyr til full dekking av kostnadene sine til renovasjonen. Gebyr med tillegg for løpande renter og kostnader er sikra ved lovbestemt pant etter pantelova 6-1. Om renteplikt ved for sein betaling og inndriving av avfallsgebyr gjeld reglane i lov 6. juni 1975 nr. 29 om eigedomsskatt til kommunane 26 og 27 tilsvarande. KAP 4. AVSLUTTANDE BESTEMMINGAR 4.1 Tilsyn. Kommunen skal føre tilsyn med at denne forskrifta vert følgd. Kommunen kan i denne samanhengen setje bort praktiske oppgåver knytt til kontroll av abonnenten si oppsamlingseining og tilhøyrande reinseløysing, utan at dette rokkar ved kommunen si formelle rolle som forureiningsmynde i slike saker.

5 4.2 Klage Vedtak i denne forskrifta kan påklagast dersom vedtaket er eit einskildvedtak, jf. forvaltningslova 2 b og forureiningslova 85. Klaga vert handsama etter regelverket i forvaltningslova, jf. kap. VI i forvaltningslova. Klaga vert å sende til kommunen. Dersom klaga ikkje vert tatt til følgje, skal ho leggjast fram for kommunen si faste klagenemnd. 4.3 Brot Brot på denne forskrifta kan verte straffa med bøter, jf. forureiningslova 79 andre ledd. 4.4 Iverksetjing Forskrifta er vedteke av kommunestyret og trer i kraft frå xx.xx. Samstundes vert forskrift 1. juli 2004 om tømming av slamavskiljarar, tette tankar, feitt- og oljeutskiljarar og vedtekter om betaling av gebyr, oppheva. Hemsedal, Buskerud.