Alis. ALIS = allmennlege i spesialisering. Tilsvarande LIS: lege i spesialisering i spesialisthelsetenesta.

Transkript

1 Alis ALIS = allmennlege i spesialisering. Tilsvarande LIS: lege i spesialisering i spesialisthelsetenesta.

2 Utfordring Det har i lengre tid vore fokus på fastlegeordninga i kommunane som i stadig sterkare grad opplever sviktande rekruttering. Utfordringa har vore størst i distrikta, men me ser no tilsvarande utvikling i større byar og kommunar. Jfr VG sist veke. Årdal har tidlegare år hatt stor vikarbruk av legar, noko som ikkje har vore tilfredsstillande for korkje innbyggarar eller kommuneleiing og samarbeidande tenesteområde. Dei siste tre åra har me hatt stabil bemanning, men for lang ventetid på legetime. Årsakene til ventetida er fleire, men i hovudsak deltaking i legevakt med fri påfølgande dag, omfattande offentlege helseoppgåver og fråver knytt til deltaking i rettleiingsgrupper og kurs som lekk i spesialisering.

3 Kva ser me påverkar negativt rekrutteringa av fastlegar? 1. Nye krav til fastlegar om å vere spesialist eller i spesialisering, krav om eitt år i spesialisthelsetenesta. Må sjølv søkje utdanningsstillingar og dersom dei bur i distriktet oftast flytte. I sjukehus er spesialiseringa tilrettelagt. 2. Vanskeleg å få LIS- stilling i sjukehus, dei prioriterer eigne fagfelt. Bør vere øyremerkte stillingar i større omfang også for kommunane. 3. Krav til rettleiar kan vere vanskeleg å oppfylle i mindre kommunar. 4. Legevaktsbelastning. 5. Nye krav til kompetanse i legevakt, auka vaktbelastning for legar med bakvakt for dei som ikkje oppfyller krava. 6. Samhandlingsreforma med nye oppgåver til fastlegane. Ikkje følgt opp med styrking av fastlegeordninga i kommunane. 7. Nye «papir»- oppgåver, td sjukemeldingar til elevar i vidaregåande, forsikringssaker, oppfølging sjukemelde med NAV. 8. Kjøp av praksis kan vere dyrt for yngre legar som ofte er i ein etableringsfase. 9. Veksande krav til dokumentasjon og krav til samarbeid med andre kommunale tenesteområde. 10. Ønskje om å arbeide i eit større arbeidsfellesskap. 11. Fleire som ønskjer seg ordinær tilsetjing med fast løn, ikkje sjølvstendig næringsdrivande.

4 Kva har Årdal gjort? 1. Deltek i Recruit and retain-prosjektet UiT og har fått gode forslag til rekrutterings- og stabiliseringstiltak derifrå. 2. Har auka med ein legeheimel, der det var lagt til rette å velje mellom driftsavtale og fastlønn. Rekrutterte til fastlønsavtale og stimuleringstiltak med % av refusjonar. 3. Har god oppfølging av turnuslegar, har rekruttert dei til fastlegeordninga over fleire år, også ALIS. 4. Inngått interkommunalt samarbeid om legevakt, legevakt telefonsentral og KAD- senger i Sogn LMS, redusert vaktbelastninga. 5. Har legevaktbil til transport til og frå Lærdal. 6. Har ei definert målsetjing at ventetid til ordinær legetime ikkje skal overstige 2 veker, og har avsett plass til hasteoppdrag på timelista. 7. Etablert eit samarbeidsorgan for alle fastlegar der både politisk og administrativ leiing deltar, jamnlege møte har sikra god dialog, felles drøftingar og forståing for utfordringar og moglege løysingar. 8. Søkte og fekk plass i ALIS prosjektet saman med 10 andre kommunar i Sogn og Fjordane og Hordaland: Fem års løp der me i avtalen har lagt inn dette som grunnlag, må binde seg. Lengre fråver/permisjonar må takast att. Organiserte og felles rettleiingsgrupper. Organisert praksis i spesialisthelsetenesta. Fastløn. Tilskot per år, årleg til Bergen kommune som er administrativt ansvarleg for prosjektet, kommunane er arbeidsgjevar. Alle kommunar som deltek opplevde auka søkjartal til stillingane.

5 Andre moment Fastlønn og lønsavtalar kan framstå som dyrt, men bruk av vikar kan fort medføre utgifter på mellom per veke i godtgjering (brutto). I tillegg reiseutgifter, leigebil, bustad. Dårlegare tenester til innbyggarane og omfattande arbeid for å sikre at vikarane oppfyller formelle krav og ikkje har melde avvik knytta til praksis. Ved tildeling av turnusplass i distrikta må det stillast krav om førarkort for bil.