SAKSFRAMLEGG. Saksbehandler: Odd Arve Rakstad Arkiv: 026 G00 Arkivsaksnr.: 12/572-2

Transkript

1 SAKSFRAMLEGG Saksbehandler: Odd Arve Rakstad Arkiv: 026 G00 Arkivsaksnr.: 12/572-2 Prosjekt Sogn lokalmedisinske senter, Lærdal. Rapport forstudie og vidareføring TILRÅDING: Leikanger kommunestyre gjer vedtak om å delta i fase to i prosjektet Sogn LMS i samsvar med tilrådingane frå forstudien. I dette ligg at kommunen vil delta i arbeidet med å greie ut og konkretisere 1. Pasientretta oppgåver lokalisert til Lærdal sjukehus 2. Pasientretta oppgåver som er geografisk uavhengige 3. Kompetanse, system og IKT-oppgper som er geografisk uavhengige Kommunestyret sluttar seg til deltaking i følgjande delprosjekt: - Delprosjekt 1: Interkommunal legevakt, akutt- og intermediære senger - Delprosjekt 2: Fagnettverk for ulike diagnosegrupper - Delprosjekt 3: Standardiserte pasientforløp for ulike pasientgrupper Kommunestyret gjev rådmannen fullmakt til til å godkjenne detaljert prosjektplan utarbeid av Lærdal kommune ved oppstarten av forprosjektfasen. Kommunestyret er budd på å sette av midlar til det vidare arbeidet om dette skulle vise seg naudsynt ved eit seinare høve. DOKUMENT: Sluttrapport forstudie i prosjektet «Sogn LMS», dat april 2012 Uttale frå rådet for funksjon- og rørslehemma, dat (ligg i saksutgreiinga) SAKSUTGREIING:

2 Innleiing: Leiekanger kommune har tidlegare engasjert seg i fase 1 forstudien i prosjektet Sogn Lokalmedisinske Senter (Sogn LMS). Kommunestyret er beden om å ta stilling til deltaking i fase to av prosjektet. I saksutgreiinga gjer me informasjon om bakgrunnen for samhandlingsreforma, og kva nye oppgåver og ansvar kommunane får som følgje av reforma. Dernest omtalar me mandatet for prosjektet og dei ulike prosjektfasane. Vidare følgjer omtale av arbeidet som er utført i forstudien og konkrete planar for forprosjektet. Avslutningsvis vert det gjort ei vurdering om deltaking i forprosjektet. Samhandlingsreforma Samhandlingsreforma trådte i kraft Reforma byggjer på Stortingsmelding nr. 47 Samhandlingsreformen: Rett behandling på rett sted til rett tid der regjeringa peikte på 3 hovudutfordringar i helsevesenet: 1. Pasientane sine behov for koordinerte tenester vert ikkje godt nok ivareteke 2. Tenestene er i for lita grad retta mot å avgrense og førebygge sjukdom 3. Demografiske endringar og endringar i sjukdomsbilete gjev utfordringar som kan true samfunnets bereevne på sikt For å møte desse utfordringane legg reforma til grunn at det skal skje ei endring i tenestene som vert gjeve til innbyggjarane og at ein skal flytte oppgåver frå spesialisthelsetenesta til kommunehelsetenesta. Den nye kommunerolla medfører nye oppgåver, auka økonomiske ressursar til kommunane, fokus på heilskapstenking med vekt på førebygging og behandling på lågaste effektive omsorgsnivå og eit forpliktande avtalesystem mellom kommunar, samarbeidande kommunar og helseføretak. For kommunane medførte reforma frå eit kommunalt medfinansieringsansvar for spesialisthelsetenesta ved at kommunane skal betale 20 % av kostnaden ved behandling i spesialisthelsetenesta for enkelte diagnosar og pasientgrupper samt økonomisk ansvar for utskrivingsklare pasientar frå dag 1 med ein døgntakst på kr. Vidare vil kommunane frå få plikt til å kunne tilby døgnopphald ved øyeblikkeleg hjelp. Reforma vil vere krevjande for kommunane å gjennomføre og i Stortingsmelding nr. 47 vert det framheva at det vil vere trong for interkommunalt samarbeid for å løyse nokre av desse utfordringane. Dette er årsaka til at kommunane starta prosjektet Sogn LMS. Prosjektet mandat, fasar, innhald og deltaking Våren 2011 gjorde regjeringa vedtak om å legge til rette for etablering av eit Lokalmedisinsk senter (LMS) knytt til sjukehuset i Lærdal. Lærdal kommune formulerte eit prosjekt med mål å greie ut, planlegge og bygge eit LMS for befolkninga i Sogn knytt til sjukehuset. Den grunnleggande tanken er å få i gang prosessar og samarbeids-tiltak på tvers av kommunane i Sogn, med utgangspunkt i den kommande samhandlingsreforma. I dette ligg utvikling av tilbod før, i staden for og etter opphald på sjukehus.

3 Prosjekt er delt i tre fasar forstudie, forprosjekt og hovudprosjekt - med avgjerdpunkt mellom kvar fase. I forstudien kartlegg me utgangspunkt og problemstilingar samt avklarar kva kommunane kan og vil vere med på. I forprosjektet går me eitt steg vidare og konkretiserer mulege løysingar basert på avklaringane i forstudien. Endeleg kjem hovudprosjektet som går på å realisere det som kjem fram i forstudien. Som vertskommune for sjukehuset inviterte Lærdal kommunane i Sogn til å delta i prosjektet. Balestrand valde å vere observatør, medan dei andre kommunane takka ja til deltaking i fyrste fase, forstudien. Nærare om forstudie og forprosjekt Forstudien vart gjennomført i september 2011 mai Målet var å kartlegge og avklare kva oppgåver kommunane kan løyse sjølve og kva oppgåver det kan vere føremålstenleg å samhandle med andre om. Dernest har me kartlagt ulike organisatoriske løysingar for eit slikt senter, kva løyvingar kommunane har fått i samband med reforma og korleis eit LMS kan finansierast. Basert på utført arbeid i forstudien er det utforma sluttrapport og tilrådingar for kva oppgåver kommunane kan arbeide vidare med i neste prosjektfase. Forprosjektet skal etter planen starte i august 2012 og gå fram mot våren/sommaren I denne fasen er målet å greie ut oppgåver, organisering og finansiering nærare, konkretisere ulike løysingar og førebu etablering av Sogn LMS. Fasen vil munne ut i ein sluttrapport og ei tilråding til kommunestyret i dei ulike kommunane. Ut frå sluttrapporten og tilrådingar for etablering må kommunestyra ta stilling til vidare deltaking. Kvar kommune kan velje å seie ja til deltaking på nokre eller alle tenester som vert lagt inn i senteret, eller nei til vidare deltaking.. Siste prosjektfase er hovudprosjektet der ein skal realisere dei tilrådingane som forprosjektet har tilrådd og etablere eit LMS i Lærdal. Nærare om forstudien Prosjekteigar i forstudien er dei deltakande kommunane, med Lærdal kommune er prosjektansvarleg. Til å styre prosjektet er det sett ned ei styringsgruppe beståande av rådmenn frå dei ulike kommunane, brukarrepresentant og Samhandlingssjef i Helse Førde HF. Vidare har prosjektet hatt ei arbeidsgruppe som har vore samansett av fagpersonar innanfor helse og omsorg i kommunane og representantar frå Helse Førde HF. Arbeidsgruppa har gjennomført analyser, kartlegging og drøftingar. Arbeidsgruppa sine tilrådingar i høve til kva ein bør arbeide vidare med i eit forprosjekt er oppsummert i kapittel 5. Konklusjonen er at kommunane bør ta hand om basisfunksjonane i eigen kommune. Samhandlingsreforma er likevel så krevjande å gjennomføre at ein konkluderer med at ein bør samarbeide innanfor fleire område. Styringsgruppa har prioritert kva område dei ynskjer å vurdere nærare i neste prosjektfase. Det vidare utgreiingsarbeidet bør gå i tre spor:

4 Pasientretta oppgåver som er geografisk avhengige av lokalisering i eit LMS ( legevakt, akutt- og intermediære senger) og Pasientretta oppgåver som er geografisk uavhengige som t.d. fagnettverk for ulike diagnosegrupper. System, IKT og kompetanse oppgåver som er geografisk uavhengige. Eit døme på slike oppgåver er etablering av standardiserte pasientforløp for ulike pasientgrupper. Dette betyr at ein vil utforme retningslinjer, rutinar, malar og sjekklister for korleis ein skal følgje opp ulike pasientar. Målet er å styrke kvaliteten i tenesta, legge til rette for betre interaksjon mellom ulike tenestenivå og fange opp forverringar på eit tidleg stadium. Dette gjev rom for å setje i verk føreålstenlege tiltak for å avgrense og førebygge innlegging på sjukehus. Status for Lærdal sjukehus og tenester frå Helse Førde Arbeidsgruppa og prosjektleiinga har vore i god dialog med Helse Førde HF om kva tenester og tilbod dei vil satse på framover ved Lærdal sjukehus. Helse Førde HF har fleire prosjekt i relasjon til lokalsjukehuset i Lærdal. Ny medisinsk klinikk er eit prosjekt som har som mandat å sikre moderne, kunnskapsbaserte og trygge helsetenester i medisinsk klinikk. Målet er å utforme ei robust medisinsk avdeling ved sjukehuset i Førde og ved dei to lokalsjukehusa. Vidare er dei i gong med utredning av etablering av pasienthotell ved Lærdal sjukehus og dei ynskjer å styrke og vidareutvikle tilbodet av polikliniske tenester ved lokalsjukehuset. Gjennom dialogen med helseføretaket er uvissa kring lokalsjukehuset avklara. Det er tydeleg at Helseføretaket satsar på eit livskraftig lokalsjukehus med gode tenester til innbyggjarane i regionen også i framtida. Planar for forprosjektet Også i forprosjektet står kommunane som prosjekteigar og Lærdal kommune som prosjektansvarleg. Etablert organsiering med ei overordna styringsgruppe og arbeidsgruppe samt ulike delprosjekt for dei ulike oppgåvene som skal nærare utgreiast vil bestå. Nokre tilpassingar må det bli litt avhengig av kva kommunane vel å bli med på vidare eller ikkje. Styringsgruppa vil ha same samansetting som i forstudien med rådmennene, brukarrepresentant og representant frå Helse Førde HF som deltakarar. Arbeidsgruppa blir sett saman av fagpersonar frå helse og omsorgstenestene i kommunane og Helse Førde HF. Gruppa skal vere ansvarleg for å koordinere arbeidet og gje faglege tilrådingar til styringsgruppa. Someit utgangspunkt ser me føre oss tre delprosjekt: - Delprosjekt 1: Interkommunal legevakt, akutt- og intermediære senger - Delprosjekt 2: Fagnettverk for ulike diagnosegrupper - Delprosjekt 3: Standardiserte pasientforløp for ulike pasientgrupper Deltakarane i delprosjekta vil vere fagpersonar frå kvar enkelt kommune, og der det er behov fagpersonale frå Helse Førde HF og utdanningsinstitusjonar. Når me veit kven som vert med å kva, vil me kunne lage ein konkret plan for arbeid og rorganisering. Konkret organisering vil bli sett når me veit kven som vert med på kva. For å spreie arbeidsbelastninga kan delprosjektansvar bli delt mellom kommunane.

5 Finansiering Prosjektet har motteke 5 mill kr i tilskot i statsbudsjettet for Midlane må nyttast til utgreiing og etablering og kan ikkje nyttast til investering eller drift. Midlane vil dels gå til prosjektleiing og dels til frikjøp av ressursar i forhold til gjennomføring av ulike delprosjekt. Prosjektet har såleis eiga finansiering slik at prosjektet i utgangspunktet ikkje medfører kostnadar for kommunen utover eigeninnsats frå eigne medarbeidarar. Samstudnes sit me ikkje på alle svar no. Kommunane må difor vere budde på å legge inn ei avgrensa ekstra finansiering i form av tilskot til det samla budsjettet. Når det er avklara kven som vert med på kva, vil Lærdal kommune som prosjektansvarleg utforme ein detaljert prosjektplan for forprosjektet. Uttale frå «Rådet for menneske med nedsett funksjonsevne Leikanger» Leikanger sitt Råd for menneske med nedsett funksjonsevne har i møte gjevi slik uttale til saka: «Råd for menneske med nedsett funksjonsevne ser det som viktig å ha pasienten i fokus. I tillegg er det viktig å forebygge og håndtere tilfeller lokalt. Både kronikere og akutte hendelser. I forhold til plassering i Lærdal ser en det som naturlig mht utstyr og tilgjengelig sjukepleierressurs. Ellers ville ein vurdert ei meir lokal lokalisering. Rådet ingen merkander til tilrådingane.» Vurdering Både arbeids- og styringsgruppa har opplevd forstudien som ei nyttig førebuing til samhandlingsreforma. Deltaking i prosjektet har auka kompetansen i den kommunale organisasjonen og ein har fått gjennomført faglege vurderingar av kva ein er i stand til å løyse i eigen regi og kva oppgåver som det kan vere klokt å samarbeide med andre om. Vidare deltaking medfører at kommunane må sette av naudsynt med tid for relevante fagpersonar til deltaking i prosjektet. Det vil også vere trong for ei sterkare koordinering i kvar kommune. Delprosjektansvar vil bli fordelt mellom dei deltakande kommunane og kommunen må vere budd på å ta eit slikt delansvar. Det er rådmannen si vurdering at kommunen bør vere med vidare i trinn to forprosjektfasen. Årsaka til dette er todelt. For det fyrste vil ei slik deltaking gje kommunen auka kunnskap om samhandlingsreforma og kommune vil vere betre rusta i høve gjennomføring av reforma. For det andre vil kommunane på nokre område ha behov for å samarbeide med andre kommunar i regionen om gjennomføring av amhandlingsreforma. Vidare deltaking vil bidra til å styrke eigen kompetanse, eigne tenester og leggje til rette for samarbeid med andre kommunar på dei områda der ein har utbyte av det. For resultat av og innhald i prosjektet vil det vere ei føremon om flest muleg av kommunane vert med vidare på alle dei elementa som er tilrådde frå forstudien.

6 I forstudien har me konkludert med at sjølv om ein kommune planlegg etablering av eigne tenester så kan det vere lurt å nytte enkelte tenester ved eit LMS. Likeeins er det klart at ein vil få auka kunnskap om korleis ein skal stette krava som samhandlingsreforma medfører ved å delta i alle delprosjekta. På same måte vil deltaking i dei ulike delprosjekta også kunne gje nytting informasjon og innspel til ulike måtar å løyse oppgåvene på.