SAKSFRAMLEGG. Sakshandsamar: Inger B Liadal Arkivsak: 2016/40 Løpenr.: 242/2016

Transkript

1 ØRSTA KOMMUNE SAKSFRAMLEGG Sakshandsamar: Inger B Liadal Arkivsak: 2016/40 Løpenr.: 242/2016 Utvalsaksnr. Utval Møtedato Levekårsutvalet Ørsta formannskap Ørsta kommunestyre Saka gjeld: AUKE GRUNNBEMANNINGA PÅ INSTITUSJONANE, JAMFØR KOMMUNESTYREVEDTAK TILRÅDING TIL VEDTAK: 1. Kommunestyret vedtek å opprette slike årsverk i seksjon omsorg og rehabilitering ; a. 3,6 stillingar for sjukepleiar knytt til Korttidsavdelinga. b. 1 stilling ved Hjørundfjordheimen. c. 1 stilling ved Vartdal helsetun, Bufellesskapet. d. 1 stilling i både Solkroken og Buavdelinga. e. 2 stillingar ved demensavdelinga Bakketun. 2. Stillingane vert å finansiere ved forskottering revidert budsjett og vidare i økonomiplan/budsjett. 3. Stillingane vert å lyse ut straks.

2 Saksvedlegg: Auke grunnbemanninga på institusjonane, jamfør kommunestyrevedtak Uprenta saksvedlegg: Forbruk på lønspostane frå sett opp skjematisk. Samandrag av saka: Saka omhandlar vurdering av auka grunnbemanning i institusjon sett opp mot bruk av vikarmidlar. Saksopplysningar: Vedtak i kommunestyret Kommunestyret gir rådmannen i oppgåve å styrke grunnbemanninga på institusjonane ved å vurdere budsjettpostane for fast løn, vikar, overtid og innleige samla. Kommunestyret ber om sak snarast. Det er oppretta ei gruppe for å arbeide med dette og desse medlemmane er : Inger B Liadal seksjonsleiar Ingrid Mork einingsleiar Solkroken Dagrun Marøy einingsleiar Korttidsavdelinga Odd Magne Vinjevoll leiar Levekårsutvalet Hild Våge Fagforbundet Aud Winther NSF Det er halde 4 møter. Det er brukt tid på å få ei felles forståing for kva og korleis vikarutgiftene i seksjonen er nytta, og om noko kan brukast til faste stillingar. Vikarutgiftene er finansierte med inntekter frå sjukerefusjonar og budsjetterte postar som sjukevikar, ferievikar, vakante stillingar m.m. Vikarbyrå vert nytta hovudsakeleg ved sjukdom, men vert også nytta til å dekke opp vakante stillingar. Dette gjeld stillingar som vi ikkje har klart å gjere tilsetjingar i, dvs. gjerne små stillingsbrøkar i helgene og vikariat. Også i samband med ferieavvikling og behov for ekstrahjelp vert vikarbyrå nytta. Får vi auka grunnbemanninga vil det redusere bruken av vikarbyrå. Vi må også minne om at grunnbemanninga ikkje har vore auka formelt på svært mange år, sjølv om drifta er endra.

3 Vi har ikkje ein budsjettpost til innleige frå vikarbyrå, som kan gjerast om til faste stillingsheimlar. Dette fordi vi ikkje budsjetterer med midlar til vikarbyrå, men med midlar til fast løn, sjukevikarløn, ferievikarløn og ekstrahjelp. Foreløpig rekneskap for 2015 viser at det vart nytta 9,2 mill til kjøp av tenester frå Orange Helse, fordelt med kr 2,3 mill på HBO og kr 6,9 mill på institusjon. For 2016 har seksjon omsorg og rehabilitering fått ei ramme av K-styret der kr 150 mill skal nyttast til inntekter og utgifter knytt til løn. Av desse går ca 140 mill ut att i løn til faste tilsette, ulike tillegg, pensjon og arbeidsgjevaravgift. Dei resterande ti mill vert nytta til å dekke vikar ved fråvær (ferievikar, sjukevikar og ekstrahjelp). Desse ti mill kan enten nyttast på eigne tilsette, eller på vikarar frå vikarbyrå. Under budsjettprosessen i haust til budsjett 2016, kom avdelingane med nøkterne ønske - det meste er oppført i rubrikken til venstre under. Erfaring viser at det vert brukt årsverk utover dagens bemanningsplan som vist i oppsettet under. Dette er innleige enten av vikarbyrå, assistentar eller faglærte fast tilsette i deltidstillingar. Det fordeler seg slik i årsverk : Budsjettframlegg 2016 Tilråding no Vartdal helsetun 1 1 1,76 Hjørundfjordheimen (0,5 )* 1 2,8 Bakketun 3,79 2 1,79 Korttidsavdelinga 2,8 3,6 Buavdelinga 0,8 1 2 Solkroken 0,8 1 2 Totalt 9,69 9,6 11,35 Til økonomiplan/neste budsjett *Hjørundfjordheimen kom ikkje med ynskje i budsjettet, men ser i ettertid at dei må ha minst 50% st. for at turnusen skal gå i hop. Det er ei stor utfordringa å sikre fagleg forsvarleg bemanning på helg. Dei færraste ynskjer å arbeide fleire helgar, samstundes som vi har pasientar som har like stort behov for forsvarleg pleie og omsorg i helgane.. I møte om saka uttaler representantar for organisasjonane at dei vil delta aktivt for å finne løysingar på helgedekning, og er innforstått med at dette kan påføre den enkelte medarbeidar meir helgearbeid per år. På Korttidsavdelinga er det behov for høgare grunnbemanning enn der er pr. i dag då bebuarane her ofte kjem rett frå sjukehus og har høgare behandling og omsorgsbehov enn ved langtidsavdelingane. Denne avdelinga har derfor jamnleg innleige av sjukepleiarar frå vikarbyrå for å ha ei forsvarleg bemanning. Dette utgjer 2,8 årsverk. Det reelle behovet for å drifte avdelinga meir enn minimum er 3,6 årsverk.

4 Om ein oppbemannar Korttidsavdelinga, vil denne ekstra ressursen kunne nyttast på tvers av avdelingane på Ørstaheimen. Sjukepleiarane ved korttidsavdelinga skal kunne tilkallast til dei andre avdelingane ved behov. Einingsleiarane kan då vurdere behov for innleige og kva kompetanse. Dette er ei løysing som vil kunne gi nedgang i bruken av vikarbyrå. Einingsleiar korttidsavdelinga er positiv til forslaget. Bakketun er kommunen si spesialavdeling for demensomsorg. Her er store endringar i drifta då statlege institusjonar for deler av denne brukargruppa er lagt ned og kommunen har fått ansvaret. Bemanningsplanen er ikkje auka i høve dei nye utfordringane. Det vert no leigd inn slik at det er forsvarlege både for pasientar og tilsette, og er umogleg å drive utan, ifølge fagansvarleg i avdelinga. Solkroken og Buavdelinga er to somatiske langtidsavdelingar ved Ørstaheimen. Pasientgruppa har endra seg siste åra, til fleire sterkt pleietrengande, utan at bemanningsplanane har vorte styrka. Dei må ha 0,75 stilling kvar i denne omgang og 1 stilling seinare innarbeidd i økonomiplan/budsjett. Hjørundfjordheimen har som minimumsbehov ei 0,5 stilling. Dette er for å få ny turnus til å gå i hop. Dette er minimumsløysing og ikkje eit reelt løft. Turnusen har mange kortvakter som det er ynskjeleg å redusere. Her må det innarbeidast ein auke i økonomiplanarbeidet på minimum ei stilling. Vartdal helsetun har størst utfordringar i bufellesskapet, der det er behov for ei stilling for fagarbeidar no, og 1,76 i neste års økonomiplan/budsjett. Der vart i 2012, ved starten av Samhandlingsreforma, opna opp igjen sju rom til bufellesskap utan at bemanninga vart auka. Vurdering og konklusjon: Det er sett på bruken av vikar og vikarbyrå i dag og korleis gjere dette om til faste stillingar. Noko kan finansierast innanfor dagens drift då det allereie vert leigd inn, men må forskotterast. Bruk av vikarbyrå er finansiert av budsjettmidlar avsett til vakante stillingar, sjukevikar, ferievikar m.m. og refusjonar. Det er teke med dei stillingar vi faktisk brukar i dag og vidare ønske for å styrke avdelingane. Ved denne styrkinga er det forventa at bruken av vikarbyrå går ned. Hovudtillitsvalde i gruppa vil vere med å finne løysingar på helg, og er innforstått med at det kan føre til endra helgefrekvens. Gjeldande lovverk er utgangspunktet for utarbeiding av turnusar som til ei kvar tid skal sikre ei fagleg forsvarleg bemanning. Arbeidsgivar føreset at tillitsvalde og hovudtillitsvalde, i samsvar med føremålsparagrafen i Hovudavtalen, vil medverke til å finne løysingar som er tilpassa brukarane sine behov slik at tenesta vert forsvarleg og av god kvalitet. Ørsta, Wenche Solheim Rådmann Inger B Liadal seksjonsleiar

5