Hardanger folkemuseum Agatunet Ingebrigt Vik museum Voss folkemuseum Hardanger fartøyvernsenter Kunsthuset Kabuso Granvin bygdetun Kvam bygdetun

Transkript

1 Hardanger folkemuseum Agatunet Ingebrigt Vik museum Voss folkemuseum Hardanger fartøyvernsenter Kunsthuset Kabuso Granvin bygdetun Kvam bygdetun Strategisk plan Vedtatt av styret i Hardanger og Voss museum

2 Innhold INNLEIING OG FORANKRING... 3 VISJON OG OVERORDNA MÅL... 5 SAMFUNNSROLLE... 5 MUSEUMSFAGLEGE STRATEGIAR... 6 A. Forvalting... 6 B. Forsking og kunnskapsutvikling... 7 C. Formidling... 8 D. Fartøyvern... 9 ORGANISASJON OG LEIING...11 RULLERING

3 INNLEIING OG FORANKRING Strategisk plan er eit overordna dokument for Hardanger og Voss museum (HVM). Planen er eit grunnlag for alle temaplanar, femårige handlingsplanar, årsplanar og budsjett ved museet. Strategisk plan legg rammene for all aktivitet ved museet, og skal brukast aktivt. Planen gjeld frå budsjettåret Museum arbeider med fem F-ar fartøyvern, forvalting, forsking, formidling og fornying. I denne planen er ikkje fornying trekt ut som eige felt, men fornying av museet går igjen i heile planen. I planen er omgrepet «relevant» ein gjengangar. Dette er eit omgrep som har fått større plass i museumskvardagen den siste tida, og som gjerne vert brukt når ein snakkar om nye arbeidsmåtar og -område for musea. Både nasjonalt og internasjonalt ser me at museum endrar seg, slik òg samfunnet endrar seg. Slik me bruker omgrepet, heng det tett saman med signala om at «museene må endre seg fra det hegemoniske og ekskluderende mot det demokratiske og inkluderende» (Kulturrådet/Holmesland august 2013). Det er i dette perspektivet musea kan gjera seg relevante, altså når dei verkeleg vert museum for alle. HVM har lenge vore sterke på formidling. Det skal me framleis vera, men i denne planperioden dempar me ambisjonane på formidlingsfeltet, og aukar i staden satsinga på to andre f-ar forvalting og forsking. Desse to områda har ei tid vore nedprioriterte, og det er difor eit mål at me dei neste åra skal koma opp på eit meir akseptabelt nivå. Skal me få teke litt av etterslepet her, må det altså gå ut over formidlinga. Mengda av formidlingstiltak vert reduserte i planperioden, likevel utan at den museumsfaglege kvaliteten på formidlinga vert lågare. Planen har høge ambisjonar på mange felt, men det er ikkje tenkt at alle skal arbeida med alt til ein kvar tid. Dette vert seinare systematisert i handlingsplanar og årsplanar. HVM får driftsstøtte frå kommunane i Hardanger og Voss, Hordaland fylkeskommune og Kulturdepartementet. I tillegg får me faste driftsmidlar frå Riksantikvaren til fellestenester på fartøyvernfeltet. Sjølv om musea driv med armlengds avstand til styresmaktene, har alle tilskotsgjevarane forventingar til oss. Desse kjem til uttrykk i offentlege dokument og tildelingsbrev. Dei viktigaste styringsdokumenta for HVM er det årlege tildelingsbrevet frå Kulturdepartementet, St.meld nr. 49 (Framtidas museum), Hordaland fylke sin regionale plan for museum (Musea i samfunnet), og Nasjonal verneplan for fartøy Utover i planen tek me med nokre av dei føringane tilskotsgjevarane legg på oss. Tiltaka som er skildra i planen kjem heile tida i prioritert rekkjefølgje. 3

4 Som vedlegg til strategisk plan skal det koma eit oversyn over satsingsområde for dei mange besøksstadene våre. Dette oversynet vert utarbeidd våren

5 VISJON OG OVERORDNA MÅL Visjonen til ei verksemd skildrar det viktigaste verksemda vil oppnå. Visjonen til Hardanger og Voss museum er Gode opplevingar å bryne seg på. Dei overordna måla for Hardanger og Voss museum i planperioden er desse: 1. HVM skal tene samfunnet gjennom forvalting, forsking og formidling av materiell og immateriell kultur i fortid og notid. 1. HVM skal i tillegg til å driva museum, drifta eit nasjonalt fartøyvernsenter og Kunsthallen Kabuso. 2. HVM skal vere ei samla verksemd med klare faglege retningar. Besøksstadene skal vera komplementære, ikkje overlappande. 3. HVM skal vere ein tydeleg samfunnsaktør. 4. HVM skal vere ein relevant institusjon med fokus på fornying 5. HVM skal fylgja ICOMS etiske regelverk. SAMFUNNSROLLE Føringar Sjølve samfunnsrolla eller samfunnsoppdraget for musea ligg i å utvikle og formidle kunnskap om menneska si forståing av og samhandling med sine omgjevnadar. I dette ligg stor fagleg fridom og samtidig utfordringar for musea i å definere og avgrense kva som er relevant og viktig i eit samfunnsperspektiv. Dette er eit faglig kjernespørsmål i musea som krev kontinuerlig analyse og refleksjon (Framtidas museum, side 145) Å ha tolkingsnøklar til fortida gjev makt, og med det følgjer ansvar for musea til å ta del i den kritiske offentligheita med spørsmål om fortid, samtid og framtid (Musea i samfunnet, side 5). Mål a. HVM skal vere ein synleg og viktig aktør som deltek aktivt i samfunnsliv både som lagspelar og som samfunnskommentator. b. HVM skal gje innsikt og forståing av samtida mellom anna ved å vise dei lange historiske linjene. c. HVM skal ha mot til å vere kritiske og slik utfordre etablerte sanningar. 5

6 Prioriterte tiltak 1. Forståinga vår av samfunnsrolla skal vere førande for alle prosjekt, programmering og arrangement ved HVM. 2. Me skal delta aktivt i eit avgrensa tal nasjonale museumsnettverk, og delta i nasjonale fora der museumspolitikk vert formidla og skapt. 3. Me skal etablera ein arena for samfunnsdebatt med årlege arrangement, og museet skal delta aktivt på dei debattarenaene som alt eksisterer. 4. Museet skal i planperioden ta del i internasjonale prosjekt. 5. Aktivitetane ved HVM skal sjåast i samanheng med og differensierast opp mot dei andre musea og kulturinstitusjonane i regionen. 6. Samfunnsrolla og fornyinga ved HVM skal evaluerast minimum ein gong i året, og før kvar budsjettrullering. MUSEUMSFAGLEGE STRATEGIAR A. Forvalting Føringar Samlingane ved musea skal tryggjast og takast best mogleg vare på for ettertida og gjerast tilgjengelege for publikum og forsking. Viktige delmål vil vera gode sikrings- og bevaringsforhold samt prioritering og koordinering av samlingane (Framtidas museum:149). Det må kome eit auka fokus på samlingane til musea, og ei sterkare prioritering av arbeidet med den immaterielle kulturarven og samtidsdokumentasjon (Musea i samfunnet: 7) Mål a. HVM skal samla inn, bevara, vidareføra og sikra både materielle og immaterielle kulturminne, med særleg vekt på tradisjonelle handverk frå fortid og samtid frå regionen. b. HVM skal, på bakgrunn av ein utfyllande oversikt over samlingane, koordinere, prioritere og vurdere avhending av eksisterande samlingar. c. HVM skal i planperioden drive ein restriktiv innsamlingspolitikk. d. HVM skal forvalta samlingane gjennom aktiv bruk av digitale verktøy, både når det gjeld registrering, koordinering og tilgjengeliggjering. 6

7 Prioriterte tiltak knytt til forvalting av materiell kulturarv 1. Det skal utarbeidast ein forvaltingsplan innan medio Planen skal gje eit fullstendig oversyn over alle samlingane, og vera eit grunnlag for prosessen med prioriteringar. 2. Det skal utarbeidast ein fullstendig oversikt over dei antikvariske bygningane og fartøya ved museet. Planen skal innehalda vedlikehaldsprioriteringar og vurderingar av verdi, også med tanke på eventuell avhending. 3. Arbeidet med ein koordinert innsamlingsplan skal ta til i Prioriterte tiltak knytt til forvalting av immateriell kulturarv 1. I planperioden skal det utarbeidast ein forvaltingsplan for immateriell kulturarv. 2. Handlingsboren kunnskap skal forvaltast gjennom faktisk produksjon og aktive handverkarar. 3. Det skal arbeidast for å sikre ivaretaking av tradisjonsfag gjennom opplæring og rekruttering av handverkarar i dei tradisjonsfaga me i dag forvaltar. 4. Museet skal i samarbeid med Hordaland fylkeskommune og andre aktuelle partar etablera eit Hardingfelesenter. B. Forsking og kunnskapsutvikling Føringar Forsking og kunnskapsutvikling er eit naudsynt fagleg grunnlag for innsamling, dokumentasjon og formidling. Eit delmål vil vere auka forskingssamarbeid, både i museumsnettverket og mellom musea og forskingsmiljø i kunnskapssektoren (Framtidas museum:152) Musea skal vere kunnskapsbaserte. Dei skal drive med forsking og kunnskapsutvikling. (Musea i samfunnet: 7) Mål a. HVM skal drive forsking og kunnskapsproduksjon med utgangspunkt i eigne samlingar og fagfelt. b. HVM skal drive forsking og dokumentasjon av samtida. c. HVM skal drive forskingssamarbeid med eksterne FOU-miljø og dei nasjonale museumsnettverka. 7

8 Prioriterte tiltak i planperioden 1. Det skal leggjast til rette for frikjøp for forsking på eigne samlingar og fagfelt. 2. Det skal i planperioden arbeidast med dokumentasjon av og forsking på minst to av handverksfaga me i dag forvaltar. Arbeidet skal publiserast. 3. Det skal til ei kvar tid arbeidast med eit samtidstema som er aktuelt for regionen. Formidlinga skal tilpassast prosjektets eigenart. 4. Det skal lagast katalog/artikkel til dei store eigenproduserte utstillingane. 5. Det skal publiserast minimum ein fagartikkel i eksterne tidsskrift i året. C. Formidling Føringar Musea skal nå publikum med kunnskap og opplevingar, og være tilgjengeleg for alle. Det inneber målretta tilrettelegging for ulike grupper og aktuell formidling som fremjar kritisk refleksjon og skapande innsikt (Framtidas museum: 154). Kunnskapen skal kome samfunnet til del, den skal formidlast. Eit viktig satsingsområde er nettbasert formidling (Musea i samfunnet, side 7). Mål a. HVM skal driva kunnskapsbasert formidling av samlingane og fagområda våre. b. HVM skal vere i dialog med eit breitt publikum, ikkje minst med vekt på å vere ein arena for toleransetrening. c. Formidlinga ved HVM skal ta utgangspunkt i samfunnsrolla vår, og vere aktuelle og relevante for våre brukarar. d. HVM skal driva meir digital formidling. Tiltak knytt til digital formidling 1. Det skal lagast ein plan for den digitale satsinga, der me mellom anna definerer innhald, kanalar, og publikumsgrupper for satsinga. 2. Me skal styrkja den digitale kompetansen hjå dei museumsfagleg tilsette, og setja av tid og ressursar til å følgje opp satsinga. 3. Nettsida til HVM skal vera oppdatert og ha eit godt fagleg innhald. 8

9 4. Samlingane ved museet skal leggjast ut på Digitalt museum og andre relevante digitale plattformar. 5. Det skal jamleg postast innlegg på sosiale medium, både som marknadsføringskanal og som formidlingskanal. 6. Det skal jamleg vere ei vurdering av kva digitale kanalar som skal vere i aktiv bruk. Tiltak knytt til generell formidling 1. Det skal arbeidast med minimum eit årleg formidlingstiltak knytt til mangfald og inkludering. 2. HVM skal ha minst ei ny forskings-/kunnskapsbasert utstilling kvart år. 3. Basisutstillingane ved dei store besøksstadane skal fornyast og vere aktuelle og relevante både i form og innhald. 4. Det skal utarbeidast eit samla undervisningstilbod til skulane i Hardanger og Voss. Undervisningsopplegg skal tilpassast læreplanane. Minst eitt opplegg skal til ein kvar tid ha fokus på samtidsaktuelle problemstillingar. 5. HVM skal ha faglege arrangement, gjerne i samarbeid med andre. Alle besøksstadane skal ha eitt til to årlege arrangement som vender seg til eit ålment publikum. 6. Museet skal vere til stades på aktuelle festivalar og nasjonale arrangement. Reiseliv 1. Reiselivssatsinga til museet skal evaluerast i Museet skal samarbeida med Reisemål Hardangerfjord, Destinasjon Voss og NCEtourism om marknadsføring og produktutvikling. 3. Det skal arbeidast systematisk opp mot både lokale turistkontor og gruppemarknaden. 4. Det skal arbeidast systematisk med publikums- og brukargruppeundersøkingar med tanke på å forstå brukarane våre og nå nye målgrupper. D. Fartøyvern Føringar Fartøyvernsentrene skal ha en tydelig rolle i vernefeltet. De er en viktig kunnskapsressurs og er utfyllende til det frivillige engasjementet (Riksantikvaren sin visjon for fartøyvernsentra, Nasjonal verneplan for fartøy). 9

10 Tilskuddet skal primært bidra til i finansiere stillinger knyttet til dokumentasjonsarbeid i forbindelse med istandsettingsarbeider på fartøyer som Riksantikvaren gir tilskudd til. Videre kan midlene brukes til generell rådgivning, opplæring og kompetanseoppbygging ved senteret og overfor eksterne fartøyeiere (Tildelingsbrevet frå Riksantikvaren. 2013) Mål a. HVM skal vere ein tydeleg og fagleg sterk aktør på fartøyvern- og kulturminnefeltet i Noreg. b. HVM skal med profesjonalitet og kvalitet levere eit breitt spekter av tenester til tradisjonelle -og verneverdige fartøy. Ein skal tilføre vernefeltet kunnskap- og kompetanse gjennom arbeid med dokumentasjon, tilstandsvurdering, kalkulasjon og oppdrag på verna og freda fartøy, nybygging av båtar og fartøy. c. HVM er ein kommersiell aktør på vernefeltet, og kan ta oppdrag på prosjekt som ikkje er støtta av Riksantikvaren, og prosjekt som ikkje er direkte knytt til fartøyvern. d. Fartøyvernavdelinga ved HVM skal vera internasjonalt anerkjent for å ha spisskompetanse innan sine fagfelt. Prioriterte tiltak 1. Vidareutvikla den interne prosjekthandbok, både for prosjektgjennomføring, dokumentasjon og «standard praksis» for utvalde handverksteknikkar. 2. Utvikla eit godt arkiv og delemagasin for fartøydokument, foto og opplysningar. 3. Arrangera og ta del i interne og eksterne seminar knytt til istandsettingsprosjekt, og andre tema vi arbeider med og som fell inn under våre satsingsområde, gjerne i samarbeid med bygningsvern. 4. Publisera bøker og artiklar basert på eiga forsking og dokumentasjon, og laga gode rapportar med lett attkjenneleg utforming. 5. Vera synleg deltakar på mange felt, som t.d. kurs, seminar, internett og media. 6. Halde fram med tidsskriftet Fartøyvern og utvikle dette vidare. 7. Levere gode tenester internt i HVM 8. Følgje med på prosjekt som vert lyst ut, delta på synfaringar og anbodskonkurransar. 9. Ha ein god avtale med lokalt sagbruk, evt. som medeigar/drivar 10

11 ORGANISASJON OG LEIING Føringar Gjennom fagleg utvikling, nytenking og profesjonalisering, skal musea vere oppdaterte og aktuelle i alle deler av si verksemd, vere solide institusjonar og ha ein aktiv samfunnsrolle. Eit delmål vil vere å utvikle digital forvalting og formidling (Framtidas museum:158) Mål a. HVM skal vera ein robust og effektiv organisasjon som hentar ut faglege gevinstar gjennom spesialisering og komplementære ansvarsområde. b. HVM skal vere ein attraktiv arbeidsplass der dei tilsette har reell medverknad på arbeidskvardagen, og vert sett og verdsette for arbeidet dei gjer. c. HVM skal vere ein organisasjon som er prega av tillit, raushet og vilje til endring. d. HVM skal ha ein sunn økonomi. e. HVM skal vera ei miljøfyrtårn- og IA-verksemd. f. HVM skal samarbeida med og leggje til rette for vennelag og frivillig innsats. Prioriterte tiltak 1. HVM skal gjennomføra ei organisasjonsendring som svarar på utfordringane museet i dag møter. 2. Korleis fartøyvernavdelinga skal vera organisatorisk knytt til HVM skal avklarast i fyrste halvdel av planperioden. 3. IKT-kompetansen skal styrkast gjennom nytilsetjingar og målretta kompetanseheving. Satsing på IKT skal vere systematisk og målretta på alle verksemdsområder 4. Me skal gjennomføra ei kompetansekartlegging og styrka manglande kompetanseområde gjennom kurs og/eller vidareutdanning av tilsette. 5. Me skal styrkja organisasjonen gjennom utvikling av leiar- og medarbeidarskap. 6. For å sikra at Hvm er ein attraktiv arbeidsplass skal dei tilsette ha stor grad av medverknad, fagforeiningane skal vere ein samarbeidspartnar og ressurs, ein skal arbeide for ein heiltidskultur og gjennomføra årlege lønnspolitiske drøftingar. 7. Økonomien skal styrkast gjennom fokus på eigeninntekter og eigenkapitalavkasting. 8. Det skal innførast eit samla planleggings- og oppfylgingsverkty for alle deler av drifta. Det skal utviklast eit system for målstyring av alle verksemdsområde, med fornuftige, tilpassa og legitime målvariablar. 11

12 9. Det skal arbeidast systematisk i avdelingane, og i AMU med HMT, fyrtårnarbeid og IA tiltak og oppfylging. 10. Museet skal driva ei aktiv satsing på frivillig arbeid, og leggja til rette for at dei ulike museumslaga ein gong i året får møte kvarandre. RULLERING Planen har eit 5-års perspektiv og skal rullerast etter halvgått tid. Handlingsplanane skal rullerast årleg i samband med utarbeiding av årsbudsjett. 12