3. Informasjon frå rektor: Fysak og TL og tilbakemelding om FAU sin kontakt med arbeidsgruppa i «Tett på».

Transkript

1 INNKALLING TIL FAU-MØTE, Torsdag 27. oktober 2016 KL.19.30, SÆBØ SKULE, Kantina. Både representant og vara er innkalla 1.Trinn 2.Trinn 3.Trinn 4.Trinn 5.Trinn 6.Trinn 7.Trinn Marte Kristin Merkesdal og vara May Sissel Hopsdal Evelyn D. Askeland og vara Bente Marås Solveig Elvik og vara Randi Sagstad Solfrid Lunde Dawson og vara Jimmy Amundsen Kjetil Hole og vara Lars Mæhle Kjetil Oen og vara Ole Johan Ingebrigsten Gunnhild Soltveit og vara Gunn T. Haukeland Sak: 1. Godkjenning av innkalling/saksliste 2. Referat frå sist 3. Informasjon frå rektor: Fysak og TL og tilbakemelding om FAU sin kontakt med arbeidsgruppa i «Tett på». 4. Diskutere temakveld for foreldre og personalet 5. Gjennomgang av løypemelding frå prosjektet «Tett på «(sjå vedlegg). FAU kan med utgangspunkt i denne melde eventuelle spørsmål og ynskjer tilbake til arbeidsgruppa. 6. Ymse ( meld sak inn til leiar om nokon har noko på ymse) Med helsing Solveig Elvik

2 Referat frå møtet Velkommen til FAU møte. Desse møtte: 1. klasse Marte Kristin Merkesdal, Karina Kvalheim Martinussen 2. klasse Evelyn Askeland 3. klasse Solveig Elvik 4. klasse Solfrid Lunde Dawson 5. klasse Lars Mæle 6. klasse Kjetil Oen 7. klasse Gunnhild Soltveit Skulen ved Rolf Sandstad, Kari Mette Ulvatn Bø PPT ved Unni Helle Nordberg Desse var invitert til å orientere om spørsmål reist i sist FAU- møte. Orientering: Karina Kvalheim Martinussen har tatt over som vara i FAU for May Sissel Hopsdal i 1. klasse Sak 1 og 2 : Innkalling og referat godkjent Sak 3: Informasjon om prosjektet «Tett på». Hadde gruppemøte i prosjektet like etter like etter haustferien. PPT seier at dei har hatt ei undervegs vurdering, difor er meldinga som den er denne gang. Vanleg vil dei ønske å fortelje om kva dei har gjort og kva dei skal ha vidare. Lærarane skulle orientere om deira erfaring så langt. Det er i all hovudsak positive tilbakemeldingar. Rektor seier det er ønskeleg at elevane kjem med tilbakemelding i framtida. Trine frå Statped er den som har hovudansvaret med stasjonsundervisning. Tove har hatt ansvaret for dei overordna tiltaka. Tove er også den som rådgjer i forhold til enkeltelevar. Laupemeldinga: Statped viser lærarane heilt konkret korleis dei skal gjere eit undervisningsopplegg. Dei modellerer det læraren skal modellere til elevane. Så viser læraren det, kopierer læraren framgangsmåten til elevane. Til dømes, dei har gått heilt tilbake til basis når det gjeld åtferd. Korleis ein snakkar og korleis ein går. Dei klassane som i hovudsak er med i prosjektet er 2. klasse, 5. klasse og 7. klasse. Når det gjeld stasjonsarbeidet er det positive tilbakemeldingar frå lærarane, dei får tid til å sjå kvar einskild elev. Undervisinga er tilpassa kvar elev sitt nivå. Rektor seier at dei har fått behalde ekstra ressursar som vart satt inn i vår av andre årsaker. Behovet for ekstra bemanning er framleis til stades fordi om behovet er annleis. Dette er til stor hjelp i stasjonsarbeidet. Det er difor høg vaksen tettleik i klasserommet fordi om det ikkje er vaksen på kvar stasjon. Stasjonen med lærar dreier seg i all hovudsak om lesetrening. Gruppene er delt inn etter meistringsnivå. Dei andre stasjonane enn lesetrening er automatiseringsarbeid, øve skrift anten for hand eller på PC. Antal grupper, stasjonar varierer etter klasse størrelse. Skulen har eit inntrykk av at det er blitt rolegare i kantina. Det svingar, men det er eit inntrykk av at det er mindre uvelkommen støy. Tidlegare har ein hatt utfordring med ein del som svinsar rundt. Det er styrt bordplassering, med faste aldersblanda grupper. Det vert endra 2-3 gonger i halvåret. Rammene er størrelsen på borda, og det er i år ein vaksen på kvart bord. Det siste effektivt for auka kontroll i kantina. Fokus skal vere rundt bordet, ein skal ikkje ta omvegar og drøle når ein skal å forsyne seg. «Stilleteiknet» frå «Tett på» opplegget vert og brukt i kantina, slik at ein ikkje får tilleggs støy i form av «hysjing» og tilsnakk. Dei vert minna om rutinar kvar dag før dei går til kantina. Elevane er blitt meir medvitne eiga åtferd. Det er framleis ikkje på ønska nivå då ting tek tid. Det er eit måltid og det skal vere sosialt, det er ikkje eit mål at det skal vere heilt stille i kantina, men at det skal vere ro nok til at det er triveleg. Arbeid med sosialt samspel i klassane: Det vert arbeida med A.R.T. ein time kvar veke for heile småskulen i amfiet. Det vert presentert med rollespel. Neste veke skal det vere «å gje kompliment». Det har tidlegare vore å presentere seg sjølv, og det å presentere andre. Dramatisering vert opplevd som effektivt i å formidle bodskap og få barna til å reflektere.

3 Tilpassa opplæring i stasjonsundervisning: Det er lærar på 2. trinn som orienterer i FAU. I 2. klasse opplever ein at undervisninga er meir strukturert enn kva det hadde vore utan. Det frigjer tid til å ha tid kvar enkelt elev. Lærarar seier elevane opplever undervisinga som forutsigbar. Undervisinga skjer i samsvar med deira forventingar. Dei forstår opplegget. Lærarane oppfattar dette som nyttig. Klasseleiing i stasjonslæringa: Læraren er oppteken i hovudstasjons med leseutviklingsarbeid. Dei andre stasjonane deler ein eller to assistentar som har oppsyn med gruppene som i hovudsak arbeider aleine. Det vert ikkje rapporter om problem ved at det grupper som har lite vaksen kontakt. Gjennomføring i dei ulike klassane: På noverande tidspunkt er det hovudsakleg implementert i lese og skrive undervisning. Det er lesenivået til elevane som er avgjerande for gruppeinndeling. I 7. klasse var det i starten eit ambisiøst opplegg, som er justert ned. For at opplegget ikkje skal gå på bekostning av andre fag, har ein fletta inn andre fag ved å flette dei inn i stasjonsundervisinga. I 5. klasse likar læraren opplegget med stasjonsundervisning. Det er effektivt for leseutvikling. I 2. klasse trekker læraren fram at det er svært eigna til å frigjere tid til kvar einskild elev, og gje nivå tilpassa undervising. 3. og 4. klasse har tatt til å nytte stasjonsarbeid. FAU representant spør om dette er eit tiltak for å få bukt med ein situasjon, eller om det er ein metodikk som skal nyttast i framtida. Er dette eit prosjekt som kommer til å gå over? Kari Mette likar å undervise i ein slik struktur og ser for seg at dette er noko ho kjem til å fortsette med. Ho ser på gruppe undervising med fokus på samarbeid som eigna undervisningsmetode i ein open skule. Oppfordringa frå FAU om meir informasjon og tettare kontakt med prosjektgruppa er velkommen hjå skulen og PPT. Skulen kan ikkje svare på Statped sine vegne, men dei kan vidareformidla spørsmål FAU og foreldre måtte ha, og gje svar på spørsmåla. FAU representant kjem med innspel og oppmoding om å ha fokus på: Grunnleggande ferdigheiter. Relasjonskompetanse hjå dei vaksne på skulen. Klasseroms leiing. Anna informasjon frå rektor: -Nye lekestativ vert montert innan 2 veker -Det er snart tid for konferansetimar. Visma skal brukast. Det er ikkje opna allereie. På-loggings info vert sendt ut på ny. -Elev og foreldre undersøking er tilsikta å komme i månadsskifte november og desember. Siste frist er i januar. Det vil verta gjennomført foreldreundersøking hos alle foreldre for kvart einskild barn. Det vert gjort telefon undersøking for høgast mogeleg deltaking slik at undersøking vert gyldig. Spørsmåla skal hentast frå UDIR. Elevundersøkingar og psykososialt miljø: Det er gjennomført elevundersøkinga «Spekter» ein ikkje anonym undersøking i frå klasse. Der elevane skal rapportere for dei andre, og ikkje hovudsakleg seg sjølv. Dette er eit nyttig verktøy for lærarane som då kan arbeide om dette klassevis. Undersøkinga vert nytta kvart semester. Hyppig «yr.no» undersøking i dei minste klassane. Der dei skal krysse av på sol, overskya eller regn etter korleis dei har opplevd skuledagen. Dette er ikkje starta opp enda. Ein ser for seg at undersøkinga vert halden ein gonger pr veke over fleire veker.

4 Trivselsleiar ordninga: Nokre foreldre og barn har stilt seg kritisk til ordninga. Dette var oppe sist møte. Kari Mette informerer: Det vert snakka i klassa om kva ein TL skal vere. Dei skal vere ein elev som er vennleg, ein som opptre respektfullt, og ein som aldri har mobba. Deretter vel elevane to stykk som dei meiner fyller desse kriteria. Det er i utgangspunktet dei som får flest stemmer som vert vald, men læraren kan modifisere for å unngå uheldige utslag. Dei som er TL reiser på kurs saman med læraren. Sist var det i Radøyhallen. Der fekk dei informasjon av TL representant om kva oppgåva inneber. Dei rullerer på arbeidsoppgåvene. Alle skal ha fri to dagar kvar veke. Fredag er det ikkje TL aktivitet. No om hausten arrangerer TL aktivitetar både inne og ute. Aktivitetar vert annonsert i Kantina. Det hender at det er aktivitetar som ikkje får oppslutning. Det er fleire foreldre og elevar som opplever utvelgelsesprosessen skulen praktiserer, som urettferdig. FAU stilte spørsmål om innføring av ei ordning med rullering, slik at alle får sjansen til å prøve seg. Foreldre har rapportert at det er elevar som ønskjer å vere med som har fått beskjed om at dei ikkje får, fordi dei ikkje fyller kriteria, og at det er elevar som har slutta å søke opptak, då dei har gjeve opp å bli vald. FAU representant lurer på om skulen ser negative sider med ordninga, og om dei kan problematisere rundt dette. Skulen meinte dei hadde gode rutinar for val av TL, og stiller seg uforståande til spørsmålet. Kari Mette presiserer at rullering strider mot prinsippa i opplegget då ein TL må vere ein elev som har vist seg eigna. Det skal ikkje vere for alle. Foreldre problematiserer rundt dette med likebehandling, samt alle goda som dei som er TL får, at det dreier seg mykje om Pizza og Badeland som motivator for å ta på seg oppgåva. Det kjem også opp dei kommersielle aspekta ved TL ordninga. Skulen informerer om at dei betalar for å vere med i TL ordninga. Dette er eit privat foretak, men skular over heile landet kjøper tenester hjå selskapet. Det er og mogeleg at skulen kan halde ordninga sjølve, då skulen har deltatt på kurs i fleire år no, og har god kjennskap ti linnhaldet. Dette får ein komme attende til. Det finnes alternative metodar for å velje TL i programmet, noko som skulen skal vurdere, samt gjere greie for til neste gang. Foreldre kan lese meir om TL ordninga på Fysak: 2009 ny forskrift om at barn i 5-7 skulle til saman ha 76 timer med fysisk aktivitet. Kriteria var at det skulle vere i tillegg til gym og ordinære frikvarter. Det skulle heller ikkje vere vaksenstyrt. På Sæbø vert det gjennomførd med at ein utvida «store-fri» med 20 minuttar, to dagar i veka, og slik tilpassa seg lengre skuledagar som kom med ending i bussruta. Dei brukar TL aktivitetane som del av opplegget. Det kan hende at det ikkje er slik at alle dei eldste elevane som faktisk deltek på desse TL aktivitetane, og slik sett ikkje deltek i Fysak ordninga som er obligatorisk. På Sæbø er ordninga og eit tilbod til alle elevane, og ikkje berre dei øvste trinna, noko som då kompenserer for at det ikkje er strengt oppmøte. Rektor rapporterer og at tidelgare hadde utfordringar når Fysak var styrt av assistentar, då assistentane ofte ikkje har same autoritet som lærarar, og at det difor var elevar som nekta å delta. Deltakinga i «Fysak» som del av elevstyrt TL aktivitet skal skulen kartlegge, da Fysak er «obligatorisk». *informasjon om dette i eige skriv frå rektor etter referatet, sjå vedlegg Mat og Helse: Mat og helse er ikkje det same som det tidlegare faget heimkunnskap. Det er ulike emne som i opplæringsplana skulen må sikre innsikt i, og ein kan gjere dette i forhold til å knytte desse emna inn i andre opplegg og fag. Den tradisjonelle delen, hovuddelen vert gjennomførd på 6. trinn med 3 timar undervising annankvar veke. Mat ute er del av faget. To gangar for kvar gruppe vert det laga mat ute på bål og storm kjøkken. Julebakst i juleverkstaden dekker pensumet høgtids mat. Det spørsmålet i FAU hovudsakleg knytte seg til var bruken av kantine ordninga i dette faget og om det var i strid med gratisprinsippet i skulen. Skulen informerer om at det tatt ca. 10 minutt av kantinetida kvar veke som undervisningstid til å lære barna om ernæring og sunt kosthald. FAU presiserer at skulen ikkje må bryte med gratisprinsippet for undervisning, da kantine ordninga er delvis

5 foreldre finansiert. Møtet fortsette så utan skulen og PPT tilstades. Sak 4: Årets foredrag: FAU arrangerer ikkje foredrag for foreldra dette skuleår, da FAU ikkje har midlar til dette. Det vert diskutert gratis løysingar: At ein forsøker å nytte den kompetanse som allereie finnes i kommunen, eller andre offentlege organ som kan halde foredrag utan kostnad. Det var ønskeleg med informasjon om «nett-vett» i forhold til dei appar og digitale arenaer som er dei mest aktuelle blant barna akkurat no. Kva kan ein gjere i staden for? Aktivitetsdag for heile skulen, felles med barn, foreldre og tilsette var trekt fram. FAU skulle vere initiativtakar og ansvarleg for dette. «Spis i lag» var her ei ordning som vart trekt fram. Vi oppmodar foreldre til å delta og komme med innspel. Sak 5: Innspel til «Tett på «samt skule-heim samarbeidet og informasjonsflyt ( desse punkta må sjåast i samanheng): «Tett på - løypemelding»: Dei foreldre som har barn i «tett på» klassane opplever at dei har fått grundig gjennomgang av opplegget og at elevane gjer positive tilbakemeldingar på stasjonsundervisning-metoden. FAU set pris på at vi opplever god kommunikasjon med skulen og prosjektgruppa dette skuleåret. Heim skule - samarbeid: Ein ønskjer at skulen sender aktuell informasjon om at begge foreldre får informasjonen i dei familiane som har to heimar. Foreldre opplever i varierande grad informasjon om skulekvardagen til barna. Det er rapportert om manglande månadsrapportar. Nokre foreldre foreslår innføring av Fredags-mail som praktisert ved RUS. Det vert igjen drøfta kva terskel skulen skal ha for å informere heimen, om ulike episodar som oppstår. Dette var sentralt i utfordringane foreldre meldte om sist skuleår. Skal vere individuelt tilpassa, foreldre definert, eller om skulen skal sette ein felles minste standard den skal halde seg til. Dette ynskjer FAU å komme attende til i neste møte. Sak 6: Ymse Jostein Skråmestø og Solberg Scandinavian AS ved leiar Thomas Svanevik har donert 5000,- til FAU. Bakgrunnen for dette er at Solberg Scandinavian AS på Olsvollstranda tar prøver av fisk, skalldyr og skjell frå Austesundet, både nord ved Holmesundet, utanfor Olsvollstranda og nede i Alverstraumen. Dei siste åra er det Jostein som har vore "fiskaren" med sin båt som ligg ved Askeland. I år har ein berekna summen til kr ,- og dei vil gjerne gje den til FAU ved Sæbø skule og ein vonar pengane kan brukast til å styrka eit godt miljø ved skulen, til beste for elevar, foreldre og skuleleiing. FAU takkar for dette. FAU vil sikre at pengane må brukast til konstruktive tiltak for skulemiljø, og vi øyremerka pengane til dette. 17. Mai 17. Mai komitéen vert konstituert i deira neste møte. Alle klassekontaktane har allereie møttest og laga ein førebels plan. Det er likevel FAU som skal stå som arrangør, og FAU ønskjer referat frå 17. Mai komitéen sine møter undervegs. Alle pengane til FAU skal gå inn til 17. Mai komitéen som i år stiller utan start kapital i den nye ordninga der FAU arrangerer aleine. FAU har i overkant av Kr: ,- i dag. Referent Solfrid D. Lunde Vedlegg:

6