Tilbakemelding på nasjonalt tilsyn i Vinje kommune i høve forvaltningskompetanse - avgjerder om særskild tilrettelegging

Transkript

1 Vinje kommune Rådmannen FYLKESMANNEN I TELEMARK Postboks SKIEN Sakshands. Saksnr. Løpenr. Arkiv Dato ANDERSSA 2016/ /2017 SA Tilbakemelding på nasjonalt tilsyn i Vinje kommune i høve forvaltningskompetanse - avgjerder om særskild tilrettelegging 1. Innleiing Fylkesmannen har hatt tilsyn i Vinje kommune med to hovudtema - Forvaltningskompetanse avgjerder om særskild tilrettelegging i Vinje kommune og Skulens arbeid med elevane sitt arbeidsmiljø på Rauland skule. Undersøkingane har vore på skulenivå ved Rauland skule. Det er òg innhenta døme på avgjerder frå dei andre skulane i kommunen: Åmot skule, Øyfjell oppvekstsenter og Edland skule. Vinje kommune har det overordna ansvaret for at krava i opplæringslova blir etterlevde, jf. opplæringslova første ledd. Me er kjent med at tilsynet har avdekt brot på regelverket. Vinje kommune hadde høve til å uttale seg om den førebelse rapporten om forvaltningskompetanse, men me valde å ikkje kome med innvendingar. Det er tydeleg at Vinje kommune må lage nye rutiner for å få til ein heilskapleg og god praksis som er i tråd med lovverket. Vinje kommune valde å gje ein del tilbakemeldingar på den andre rapporten som handla om skulens arbeid med elevanes læringsutbytte. Dette gjekk mellom anna på form, val av skule for tilsyn og tilbakemeldingsdialogen. Likevel er det klart at Vinje kommune har hatt godt utbytte av tilsynet, då me ser at Vinjeskulen og då i dette høve Rauland skule, må jobbe med å betre rutinane for å sikre betre læringsutbytte. Vinje kommune er ein tonivåkommune med einingsleiar/skulesjef på kvar av dei fire skulane. I tillegg har me eit administrativt nivå med assisterande rådmann som skulefagleg ansvarleg og eigar. Skulesjefane samarbeider tett og har eit utgangspunkt i Vinjeskulen som ein felles paraply som også skal vere ein pedagogisk tenketank. Skulane skal ha like reglar, rutiner og målsettingar men skal samstundes dyrke eigenart. Elevane skal få så like føresetnader for læring og trivsel som råd om dei går på den eine eller andre skulen i kommunen vår. I arbeidet med å tette lovbrota har det heile tida vore eit fokus på at det er Vinjeskulen som må vidare og få betre rutiner. Om ikkje all funn på Rauland ville ha skjedd på dei andre skulane, så er det eit klart uttalt ynskje frå alle skuleleiarane og skuleeigar at me i samarbeid skal skape betre praksis for heile Vinjeskulen. Tilsynet har vore fast tema på dei månadlege skuleleiarmøta frå august 2016 og fram til no. I tillegg har me hatt fleire temamøte der me har jobba saman for å finne dei gode løysingane som sikrar elevanes rettar etter Opplæringslova og ikkje berre for å tette avvika i tilsynet. Skulefagleg ansvarleg i Vinje kommune og konstituert skulesjef på Rauland skule har i fellesskap hatt ansvar for å drive dette arbeidet med god assistanse frå dei andre mellom møtepunkta. Dette har vore gode prosessar Vinjeskulen tek med seg inn det vidare utviklings- og kvalitetsarbeidet som kontinuerleg må gå føre seg. Vinjevegen 192, 3890 Vinje Tlf Fax postmottak@vinje.kommune.no Bankgiro Organisasjonsnummer

2 I denne tilbakemeldinga frå Vinje kommune vel me av praktiske årsaker å bruke oppsettet frå Fylkesmannens endelege tilsynsrapport og difor også direkte avskrift der me meiner dette er fornuftig. Me kommenterer berre dei punkta me har fått avvik på, sjølv om me i Vinjeskulen jobbar med forbetring på alle punkta. 2.2 Tema for tilsyn Temaet for tilsynet er skulens forvaltningskompetanse i avgjerder om særskild tilrettelegging av opplæringa. Det overordna formålet med det nasjonale tilsynet er å medverke til at elevar får eit godt utbytte av opplæringa. For å sikre at dette gjeld for alle elevar, er elevar med behov for særskild tilrettelegging gjevne eigne rettar i opplæringslova. Særskild tilrettelegging for elevar inneber avvik frå det ordinære opplæringstilbodet og krev enkeltvedtak etter lova. Hovudpunkt i tilsynet var: Generelle saksbehandlingsreglar for enkeltvedtak Enkeltvedtak om spesialundervisning Enkeltvedtak om særskild språkopplæring Tilsynet skal medverke til at kommunen som skuleeigar syter for at skulen : 1. tek vare på elevens rettstryggleik gjennom å involvere elevar og foreldre i vurderingane før skolen tek avgjerder om avvik frå det ordinære opplæringstilbodet 2. fylgjer reglane for innhald i enkeltvedtak 3. syter for å vurdere og kartleggje elevens behov på ein fagleg forsvarleg måte 4. gjer vedtak som gjev gode føringar for å leggje til rette innhaldet i opplæringa 3. Generelle sakshandsamingsreglar for enkeltvedtak Vedlagde Kommunal prosedyre for arbeidet med å sikre god sakshandsaming i høve rettslege krav til enkeltvedtak (vedl 1) er vedteke som grunnlag for alt arbeid med enkeltvedtak i Vinjeskulen. Denne prosedyren skal kommuneadministrasjon og skuleleiing gå gjennom to gonger årleg for å sikre kvalitet i arbeidet fyrste gong på skuleleiarmøte Vinje kommunes tilsvar på Fylkesmannens undersøkingar og vurderingar I tilsynet vart det avdekt at Rauland skule hadde to minoritetsspråklege elevar med særskild norskopplæring. Skulen hadde ikkje fatta enkeltvedtak i saka og kunne heller ikkje vise til rutinar for kva ein skal gjere når skulen tek i mot elevar med mogleg rett til særskild språkopplæring og eller andre rettar som til dømes teiknspråk eller punktskrift. Vinjeskulen har no utvikla eit nytt rutineskjema knytt til minoritetsspråklege barns rettar til særskild språkopplæring kalla Kommunal prosedyre for kartlegging av minoritetsspråklege barns utvida rettar til opplæring (vedl 2). Vinje Kommune nyttar no Udir sin mal for Enkeltvedtak om særskild språkopplæring. Me vil på førespurnad ettersende døme på dette i nye enkeltvedtak våren Vinje kommunes tilsvar på Fylkesmannens konklusjon om generell sakshandsaming for enkeltvedtak Utarbeiding og innføring av ny prosedyre for god sakshandsaming skal no sikre at me har prosessar kring arbeidet med å fatte enkeltvedtak som syter for at me fylgjer dei rettslege Side 2

3 krava som gjeld. Dette sikrar me som tidlegare gjennom desse fem punkta og med eit særleg fokus på punkt 5, då det i tilsynet ble avdekt lovbrot som innebar at enkeltvedtaka ikkje innehaldt informasjon om mottakars rett til å sjå saksdokumenta. 1. Elevar og foreldre skal bli varsla før det blir gjort enkeltvedtak om avvik frå det ordinære opplæringstilbodet 2. Førehandsvarsla skal gjere greie for kva saka gjeld, og kva forhold rundt eleven som er grunnlaget for vedtaket 3. Enkeltvedtaka skal innehalde grunngjeving for vedtaket ved å vise til heimelen. Ein skal vise til sakkunnig vurdering for faktiske forhold som er lagde til grunn, og kva for omsyn som er vektlagde. Skulen skal vurdere når det er behov for å klargjere kva lovregelen inneheld, og ikkje berre vise til paragrafen. Skulen skal vise til sakkunnig vurdering for faktiske forhold, og vedtaket skal seie noko om kva for omsyn som er vektlagde i avgjerda. 4. Enkeltvedtaka inneheld informasjon om høve til å klage, klagefrist, klageinstans og framgangsmåte ved klage 5. Enkeltvedtaka skal ha med informasjon om retten til å sjå saksdokumenta. 4. Enkeltvedtak om spesialundervisning Vedlagde Kommunal prosedyre for arbeidet med å sikre dei rettslege krava til enkeltvedtak om spesialundervisning (vedl 3) er vedteke som grunnlag for alt arbeid med enkeltvedtak i Vinjeskulen. Denne prosedyren skal kommuneadministrasjon og skuleleiing gå gjennom to gonger årleg for å sikre kvalitet i arbeidet fyrste gong på skuleleiarmøte Vinjeskulen skal bruke Udir sin mal for enkeltvedtak om spesialundervisning. I Vinjeskulen skal ein heretter ikkje nytte uttrykket spesialpedagogisk hjelp. I vedtak og rapportar er den gjeldande norma i grunnskulen spesialundervisning, medan ein når det ikkje er snakk om ein rett til spesialundervisning gjerne omtalar dette som tilpassa opplæring - som alle barn i Noreg har rett til. 4.2 Vinje kommunes tilsvar til Fylkesmannens undersøkingar og vurderingar Av tilsynet kjem det klart fram at presisjonsnivået på enkeltvedtaka som har blitt fatta ved dei fire skulane i Vinje kommune har vore for dårleg. Som nemnd skal Vinjeskulen no bruke Udir sin mal for enkeltvedtak om spesialundervisning. Skuleleiinga i Vinje har auka kompetansen sin på lovverket når det gjeld dette arbeidet og har laga rutiner for korleis me skal fylgje dei rettslege krava til denne typen enkeltvedtak. Strukturert og konsekvent bruk av denne malen og prosedyren for arbeidet med enkeltvedtak samt auka kompetanse vil sikre kvalitet på enkeltvedtaka om spesialundervisning. Såleis vil Vinje kommune tette avvika i punkt 4 i tilsynet. 4.3 Vinje kommunes tilsvar på Fylkesmannens konklusjon om Utarbeiding og innføring av ny prosedyre for god sakshandsaming skal no sikre at me har prosessar kring arbeidet med å fatte enkeltvedtak som syter for at me fylgjer dei rettslege krava som gjeld. Auka fokus på området, samarbeid i skuleleiarkollegiet, samarbeid i spes.ped-teama på skulane og tettare samarbeid med PPT med eigne kontaktpersonar på kvar Side 3

4 skule og deltaking på skuleleiarmøte kvart halvår skal sikre at framtidige prosessar og enkeltvedtak skal halde mål. Me skal bruke nemnde prosedyrar og malar med utgangspunkt i UDIR, slik at me fylgjer lovverket. Me vil på førespurnad ettersende døme på dette i nye enkeltvedtak fatta våren Foreldre / elevar over 15 år gjer samtykke før det blir sett i gang utgreiing av behovet for spesialundervisning 2. Foreldra/eleven har høve til å uttale seg om innhaldet i ei sakkunnig vurdering før enkeltvedtak om spesialundervisning eller ikkje blir fatta 3. Elevar som etter sakkunnig vurdering har behov for spesialundervisning, skal ha eit enkeltvedtak 4. Enkeltvedtaka om spesialundervisning skal vise eventuelle avvik frå sakkunnig vurdering 5. Enkeltvedtaka om spesialundervisning skal vise tydeleg omfang av spesialundervisninga, opplysningar om innhald og organisering og kompetansekrav for dei som skal gjennomføre opplæringa. 5. Enkeltvedtak om særskild språkopplæring Som nemnd tidlegare i kapittel 3.2 har Vinje kommune utvikla, vedteke og teke i bruk Kommunal prosedyre for kartlegging av minoritetsspråklege barns utvida rettar til opplæring. Dette arbeidet skal dessutan gå hand i hand med arbeidet Kommunal prosedyre for arbeidet med å sikre god sakshandsaming i høve rettslege krav til enkeltvedtak. Som for enkeltvedtak om spesialundervisning skal alle skulane i Vinje no auke presisjonsnivået på kartlegginga av og prosessen med å fatte enkeltvedtak om særskild språkopplæring for nykomne elevar utan norsk eller samisk som morsmål. Desse hovudprinsippa for særskild språkopplæring ligg no til grunn for arbeidet på dette området: Elevar som har rett til særskild språkopplæring, skal ha eit enkeltvedtak Enkeltvedtaket skal innehalde opplysningar om omfanget av opplæringa, kva for læreplanar eleven skal følgje og organiseringa av opplæringa Det må til eit enkeltvedtak om stans i særskild språkopplæring når eleven blir overført til den ordinære opplæringa 5.2 Vinje kommunes tilsvar på Fylkesmannens undersøkingar og vurderingar Vinje kommune hadde ikkje utarbeidd og teke i bruk felles retningsliner/rutiner for arbeidet med kartlegging av elevar og utarbeiding av enkeltvedtak som gjeld særskild språkopplæring då tilsynet vart gjennomført hausten Dei fire skulane hadde ulik praksis for både kartlegging av elevanes rettar til særskild språkopplæring og ulik kvalitet på enkeltvedtak og undervisning som vart gjeve desse elevane. Vinje kommune har no utarbeidd og teke i bruk nye prosedyrar og malar for å sikre arbeidet både fagleg og rettsleg. Alle fire skulane skal no ha eit heilskapleg arbeid etter same mal som truleg vil gje høg kvalitet på både kartlegging, enkeltvedtak og opplæring. Dei tre kulepunkta i kapittel 5 vil vere overordna rettesnor for dette arbeidet i tida som kjem. Side 4

5 5.3 Vinje kommunes tilsvar på Fylkesmannens konklusjon om enkeltvedtak om særskild språkopplæring Vinje kommune ser at arbeidet med kartlegging av rettar og behov for særskild språkopplæring, enkeltvedtak knytt til dette arbeidet og sjølve opplæringstilbodet trong ein skikkeleg gjennomgang. Me har difor som tidlegare påpeikt i tilsvaret, utvikla og teke i bruk nye rutinar og malar for dette arbeidet no i vinter. Me vil på førespurnad ettersende døme på dette i nye enkeltvedtak om særskild språkopplæring fatta våren Oppsummering av Vinje kommunes tilsvar på Fylkesmannens tilsyn på Forvaltningskompetanse - avgjerder om særskild tilrettelegging Vinje kommune gjennom administrasjon og skuleleiing har som fylgje av tilsynet gått gjennom planar, rutiner, malar og det faktiske arbeidet med særskild tilrettelegging i grunnskulen i vår kommune. Det har vore utfordrande og tidkrevjande men heilt klart nyttig. Me har fått på plass nye prosedyrar og skjema som skal hjelpe oss i dette viktige arbeidet. Både administrasjonen og skulane har auka forvaltningskompetansen sin på området og har difor gode høve til å sikre elevar og føresette i grunnskulen god tilrettelegging både fagleg og rettsleg. Med helsing Jan Myrekrok rådmann Anders Sandvik assisterande rådmann, skulefagleg ansvarleg Brevet er sendt elektronisk og har difor ingen signatur. Vedlegg: Side 5