Informasjon frå Bore skule skuleåret Nr 3 - Januar. Så tar me hoppet over til 2018

Transkript

1 Bore Nytt Informasjon frå Bore skule skuleåret Nr 3 - Januar Så tar me hoppet over til 2018 Enno eit år er lagt bak oss og me skal ta til på eit nytt halvår i skulen. Me ønskjer alle eit godt nytt år! For oss som skal leia og driva skulen, er det alltid ein del rutinar som går att frå år til år. Dette året vil me nok møta på ein del nye ting som vil prega halvåret og neste skuleår. - Det vil bli starta bygging av nytt bygg på skulen, noko som vil visa att på fleire måtar. - Hausten 2018 skal Vasshus skule og Bore skule bli sameina til ei avdeling (men framleis på to plassar). - I løpet av våren vil det bli tilsett ny rektor på skulen. Desse tinga vil naturleg nok ta mykje av tida vår og slik prega våren Les meir om dette.

2 Kommentaren: Eit skifte Bore Nytt s.2 Som antyda på forsida, så blir det ein del endringar i løpet av året. Me står på fleire område framfor eit skifte i skulen. Eit skifte som alt er i gang, er at alle elevar får læringsbrett til bruk i skulen og heime. Som me før har nemnd så vil dette føra til ei endring i undervisning og opplegg for elevane. Me har stor tru på at dette skal vera eit positivt skifte. Det næraste skifte etter dette er at skulen skal få eit nytt bygg. Det vil i første omgang føra til at me får det enno litt trongare i ein overgang. Men i neste omgang vil skulen få gode og tenlege rom og areal til undervisning og samlingar. Det vil for det meste gå ut over uteområdet og parkering i byggetida. At Vasshus skule og Bore skule skal inn under same leiing vil ikkje gjera utslag på driften av skulen i denne omgang. Men det vil vera eit skifte i krinsen at også Vasshus blir ein del av Bore skulekrins. Det neste som er i gang på nasjonalt nivå er utarbeiding av nye læreplanar for skulen. Dette vil heller ikkje i første omgang gjera så store endringar for elevane. Men lærarane er i gang med å setja seg inn i det som kjem i skulen i åra som ligg framfor oss. Det vil nok bli endringar som både elevar og føresette vil merka etter kvart. Det som ikkje blir endra er den satsinga me er inne i dette skuleåret. Under overskrifta tilpassa opplæring har me fleire delmål som me drøfter og arbeider med slik me starta hausten 2017.

3 FAU FAU er eit aktivt styre som arbeider for elevane og skulen. Dei har også i haust hatt fleire saker på programmet. Det som står framfor oss no er FAU sitt årsmøte som er sett til tysdag 20. mars. Vi ber om at de set av denne datoen. Samstundes gjer me merksame på at sjølv om det heiter årsmøte så er det ikkje «farleg» å møta opp. - For det første er representantar til FAU som regel ordna på førehand. - For det andre er det viktig å møta fram og få informasjon og kunne gje tilbakemelding på aktuelle saker. - For det tredje så er alltid møtet kombinert med eit aktuelt tema som er nyttig for alle føresette. Meir informasjon kjem seinare. Refleks og hjelmbruk I den mørke tida me er inne i er det viktig med refleks, og lys på sykkelen når dei bruker den. Me viser til FAU si side på heimesida der det er lagt ut ein demonstrasjonsfilm om refleks. Like viktig er det å hugse bruk av hjelm. Ikkje minst då det var glatt før jul såg me faren for skader ved fall. Ta godt vare på dei du er glad i. Foreldremøte For dei trinna som skal få læringsbrett er det sett opp informasjonsmøte 3. januar. Kl trinn Kl trinn Kl trinn Møta blir i musikkrommet. Bore Nytt s.3

4 Læringsbrett Så er me komne til neste steg på innføringa av læringsbrett i skulane i Klepp. Dei tre siste trinna på Bore skule vil få brett i løpet av januar månad. Bretta blir sett opp og levert ut i veke 2 og så startar elevane med opplæring i veke I februar vil altså alle elevane ha læringsbrett. Me ser fram til at alle klassane får det same høvet til å få bruke dette hjelpemiddelet og ha god tilgang til appar og nettressursar. Nybygg Det blei ein ekstra runde i forhold til nybygg då politikarane måtte godkjenna ein auke i budsjettet for prosjektet. Heldigvis ga dei si tilslutning til det som måtte til for at me skal få eit godt bygg med tanke både på areal og kvalitet. Det er gjort litt endringar på takkonstruksjonen slik at den første seksjonen på teikningen får eit tak lik dei to andre seksjonane. - Det blei også godkjent at bygget blir i teglstein - Arealet blei godkjent slik det var planlagt. Det betyr mellom anna at skulen får ein aula som vil romma alle elevane til samlingar. - Det blei og godkjent ein del andre kvalitetsmessige ting. Byggestart vil truleg bli i februar.

5 TRAFIKK Me har på heimesida skrive litt om det kaoset som av og til oppstår når privatbilar stoppar/parkerer ved skulen. Me har til no hatt av- og påstigningsfelt nedanfor skulen. Dette blir brukt, men i like stor grad blir «busslommen» og andre stader brukt. Dette er ikkje akseptabelt. Det er farleg for elevane og håplaust for bussane som skal koma fram. No må foreldre og elevar uansett læra seg nye rutinar for trafikk til og frå skulen. Når skulen etter kvart blir eit byggeområde, må all trafikk vekk frå området rundt skulen. Det vil bli anleggstrafikk til og frå området, noko som tilseier at me må halda elevane på trygg avstand. Dette betyr at - All gangtrafikk ned Verdalen til skulen må gå via Skulebakken eller Røsslyngvegen. - Av- og påstiging kan ikkje skje nedanfor skulen. - Bussen vil setja av elevane ved Røsslyngvegen. Parkering må me framleis ha plass til. Kommunen er derfor i gang med å skaffa erstatning for plassen med mister under bygginga. Uteområdet på skulen vil og bli innsnevra i byggeperioden. Området mellom ballbingen, Sør-i-garden og Verdalsvegen vil bli avstengt. Det betyr at elevane må bruka området søraust for skulen (ovanfor gymnastikksalen) noko meir enn før. Ballbingen vil vera tilgjengeleg som før, men vil nok bli stengt på sida ned mot vegen.

6 Bore skulekrins Vasshus skule og Bore skule skal frå hausten 2018 bli ein skulekrins. Det betyr at rektor på Bore skule blir rektor for begge skulane, utan at det blir nokre store endringar i første omgang. Det er berre felles leiing som blir innført dette året. Så blir elevane overført til Bore i I løpet av våren 2018 vil det bli starta eit samarbeid mellom Vasshus og Bore med tanke på samkøyringa av dei to skulane. Det kan vera aktuelt å få ein felles plan på nokre område for neste skuleår. Endringar i personalet Det vil ofte bli nokre endringar i løpet av eit skuleår. Me har hatt nokre sjukemeldingar i løpet av hausten, men har for det meste måtte ordna dette med tilfeldige vikarar (sjølv om nokre av dei har vore nokså faste). - Frå 1. desember har me fått ein ny miljøarbeidar. Marita Fiskebekk starta då som miljøarbeidar i skulen og SFO januar stater Bente Klingsheim som miljøarbeidar. Ho har tidlegare vore tilsett på Orstad skule. Ho overtek stillinga etter.. - Vibeke Oddane som har vore tilsett hos oss i mange år. Ho slutter for å gå over i stilling som helsefagarbeidar. - Kjartan Løvoll er også tilsett frå 1. januar som vikar for lærar som skal ut i permisjon. Det er no lyst ut stilling som rektor ved skulen frå Reidar Harberg blir då pensjonert og det må tilsetjast ny rektor.

7 TILBAKEMELDINGAR Hausten er tid for fleire undersøkingar. Dei nasjonale prøvane gir oss ei tilbakemelding på korleis elevane på 5. trinn står i lesing, rekning og engelsk. Dette året blei resultatet slik: REKNING Nivå 1 nivå 2 nivå 3 (høgaste nivå) Bore Klepp Rogaland Landet ENGELSK Bore Klepp Rogaland Landet LESING Bore Klepp Rogaland Landet I snitt er resultata nokså bra, men det er enkelte resultat me vil gå vidare inn i, både i fag og i enkelte klassar. Foreldreundersøkinga Me har på heimesida vår takka føresette fordi dei har følgt opp denne undersøkinga så bra. Deltakinga var svært bra 80 %. Her er nokre få tal: Trivsel 4,8 Motivasjon 4,8 Støtte frå lærar 4,9 Respekt frå lærar 4,9 Trygt miljø 4,8 Informasjon 4,1 Heim skule 4,8 Høgaste skår er 5,0

8 Elevundersøkinga har me ikkje fått studert nøye enno. Denne vil me også sjå nærare på for å drøfta kva som er bra og kva me kan utvikla vidare. Trivselsundersøking har me to gonger i året. Dette året har me bestilt programmet klassetrivsel.no. Dette gir oss høve til at kvar klasse på ein enkel måte kan ta ulike undersøkinger og straks få svara opp på skjermen. Me tok ei felles undersøking i haust, men har ikkje fått laga ei oppsummering for denne. Me skal ha ein ny til våren og håper at me då skal få laga ein oversikt over svara. Det viktigaste er uansett at den enkelte klasse/lærar følgjer opp sine resultat. Viktige notat Fridagar: Elevane har vinterferie februar Påskeferien er frå 26. mars til og med måndag 2. april. Mai blir dette året fullt av fridagar: 30.april og 1.mai 10. og 11. mai 17. og 18. mai 21. mai Me gjer og merksame på at elevane har kort dag 9. mai (til 11.45). Dei avspaserer då for Open skule 14/6 der elevane må møta kl Følg med på heimesida vår for å få med deg informasjon frå skulen.