Budsjett 2013/økonomiplan Arbeidsdokument 4/12

Transkript

1 Side 1 av 16 Fylkesrådmannen Finansutvalet Sakshandsamar: Eli Nes Killingrød E-post: eli.nes.killingrod@sfj.no Tlf: Vår ref. Sak nr.: 12/ Gje alltid opp vår ref. ved kontakt Internt l.nr /12 Dykkar ref. Dato LEIKANGER, Budsjett 2013/økonomiplan Arbeidsdokument 4/12 Som varsla i arbeidsdokument 3/12 gjer den seine framlegginga av statsbudsjettet at arbeidsdokument 4/12 vert utsendt rett i forkant av finansutvalsmøtet 15. oktober. Fylkesrådmannen har som følgje av dette førebudd ein presentasjon av hovudpunkta i dokumentet til møtet i finansutvalet. Finansutvalet skal etter planen saldere budsjett 2013/økonomiplan i dette møtet. Hovuddokumenta til salderinga er presentert for finansutvalet tidlegare. Alle arbeidsdokument og hovudutvala sine budsjettsaker er distribuert gjennom politikarløysinga i OneNote og er vidare tilgjengelege på fylkeskommunen si heimeside under Budsjett 2013/økonomiplan (klikkbart felt på høgre side på hovudsida sfj.no ). I dette arbeidsdokumentet vil fylkesrådmannen: Presentere aktuelle saker/tema som har innverknad på den økonomiske balansen med ei nærare vurdering av o Statsbudsjettet sine verknader o Andre saker som har salderingskonsekvensar o Samla salderingsutfordring Komme med framlegg til ei saldering av budsjett 2013/økonomiplan Innleiingsvis vert det gjeve ei kort oppsummering etter møtet i finansutvalet 26. september. Avslutningsvis presenterer fylkesrådmannen vidare arbeid med budsjettframlegget fram mot endeleg vedtak i desember. 1 OPPSUMMERING ETTER MØTET I FINANSUTVALET Finansutvalet slutta seg i hovudsak til fylkesrådmannen si samla vurdering tilråding til budsjett 2013/økonomiplan ved å gjere slike vedtak i høve: Investeringsbudsjettet: Det vert gjort slike endringar i førebels investeringsprogram og tilhøyrande finansieringsprogram: Fylkeshuset Askedalen LEIKANGER Tlf.: Faks: Bankgiro: postmottak.sentraladm@sfj.no Org.nr.: NO MVA

2 Side 2 av 16 o Tilleggsløyving på Flora vidaregåande skule vert førebels løyst innafor gjeldande investeringsprogram i samsvar med tilråding til FT i oktober. a vert oppdatert i samsvar med endeleg vedtak i FT. o Det vert reservert 5 mill. kr ekskl. mva. i 2013 til vidare arbeid med dei to kulturprosjekta; fellesmagasinet og Gulatingsstaden. Løyvinga vert finansiert via bufferfondet. o Det vert reservert 3,7 mill. kr ekskl. mva. til finansiering av investeringsbehov i samband med skulebruksplanen. Løyvinga vert finansiert via bufferfondet. Førebels investeringsplan for fylkesvegar med tilhøyrande finansieringsplan vert lagt til grunn for det vidare arbeidet med budsjett 2013/økonomiplan Finansutvalet sluttar seg til at ei eventuell auke i investeringsnivået må finne andre finansieringskjelder enn auka låneopptak. Finansutvalet sluttar seg til at førebels finansieringsløysing på rassikringsprosjektet «fv. 337 Veitastrondsvegen ved Bjødnabakken» vert lagt til grunn i det vidare arbeidet med budsjett og økonomiplan. Ev. må prosjektet drøftast nærare med Luster kommune, jf. FT sitt vedtak av juni Bufferfondet og bruk av lokale inntekter til drift: Bufferfondet skal vere ei sikring mot framtidige endringar i fylkeskommunen sine rammeføresetnader. Nivået på bufferfondet vert sett til 70 mill. kr. Nivået på lokale inntekter til driftsføremål vert sett til 100 mill. kr årleg. Tiltaket «ekstraordinær nedbetaling av gjeld» vert reversert. Disponering av eventuell «overskotskapital» i høve fastsett minimumsnivå på bufferfondet vert avgrensa til første året i planperioden. Midlane kan disponerast til tiltak i heile planperioden. Disponerte midlar vert flytta til eigne aktivitetsfond for høvesvis drifts- og investeringstiltak. Driftsbudsjettet: Tilrådde endringar som følgje av tertialrapport 2/12 vert førebels innarbeidd i budsjett 2013 og tilhøyrande økonomiplan. a vert oppdatert i samsvar med endeleg vedtak i FT. Fylkesrådmannen kjem attende til nye vurderingar av skatt og rammetilskot når statsbudsjettet er kjent. Dette er følgt opp gjennom pkt 3.1 i dette dokumentet. Tilrådde justeringar på kapitalutgiftene vert innarbeidd i budsjett 2013/økonomiplan Prognosen for lokale inntekter pr. 4. september 2012 vert lagt til grunn for det vidare budsjettarbeidet. Finansutvalet opprettheld avsettinga på 20 mill. kr årleg til å møte auka pensjonskostnader i planperioden. Løns- og prispott vert auka med 1,0 mill. i økonomiplanperioden.

3 Side 3 av 16 Fylkesrådmannen kjem attende til løns- og priskompensasjonen for 2013 etter framlegging av statsbudsjettet. Dette er følgt opp i pkt 3.3 i dette dokumentet. Sluttsalderinga av budsjett 2012/økonomiplan på bufferfondet vert teken inn att i den samla salderinga av komande budsjett/økonomiplan. Finansutvalet sluttar seg til at skisserte omprioriteringar vert innarbeidd i forvaltningssektoren sine rammer for planperioden. Finansutvalet sluttar seg til at skisserte omprioriteringar vert innarbeidd i tannhelsesektoren sine rammer for planperioden. Finansutvalet tok fylkesdirektørane sine saksframstillingar til orientering. Særutskrifter frå hovudutvalshandsamingane vart lagt fram i møtet. Kulturutvalet og Samferdsleutvalet hadde avvikande vedtak på enkelte punkt. Finansutvalet ba fylkesrådmannen vurdere desse tilrådingane nærare. Dette er følgt opp i pkt 6 i dette dokumentet. Finansutvalet slutta seg til dei tilrådde rammestyrkingane på sektornivå med unnatak av tilnærminga i høve Hafstad Idrettspark. Her vart det ytra ynskje om å vurdere ei løysing der tilskotet i mindre grad ramma kultursektoren si ramme. Det var også ynskje om å auke tilskotsnivået. Fylkesrådmannen kjem med eit justert opplegg i høve Hastad Idrettspark og ramma til kultur i punkt 6 i dette dokumentet. Fylkesrådmannen si tilråding i høve «Praksisopplæring maritime og marine fag redusert tilskot» vert førebels lagt til grunn for det vidare arbeidet med budsjett og økonomiplan. a vert oppdatert i samsvar med fylkestinget sitt vedtak i saka. Finansutvalet støttar MRS sin søknad om økonomisk støtte med 0,1 mill. kr. Tiltaket vert finansiert via potten «Fylkesutvalet til disposisjon» i For å dekke inn administrative kostnader knytt til det nye bussanbodsregimet, vert samferdsleramma nedjustert med tilsvarande beløp. Innsparingskravet vert fasa inn i takt med kontrahering av anbodskontraktane. Auka kostnader som følgje av nye spesifikasjonskrav på bussparken vert finansiert innafor samferdsleramma. Det vert førebels føresett at kostnader til drift av terminalar vert løyst innafor eksisterande samferdsleramme. Finansutvalet tok orienteringa om auka Dagmarkostnader til vitande. Finansutvalet tek kontrollutvalet sitt framlegg til eige budsjett 2013/økonomiplan til vitande. Udisponert overskot i perioden vert førebels reservert i høve statsbudsjettet for 2013.

4 Side 4 av 16 2 BUDSJETTPRINSIPP I KOMANDE PLANPERIODE I dette punktet vil fylkesrådmannen gje ei kort oppsummering av dei sentrale budsjettprinsippa finansutvalet har vedteke skal leggast til grunn i budsjettarbeidet. Desse prinsippa må vere gjeldande fram til finansutvalet eventuelt opphevar dei gjennom nye vedtak. Lokale inntekter: o Utbytte frå F1 Holding AS skal tilsvare selskapet sine realiserte utbytte frå Fjord1. o 100 mill. kr årleg frå lokale inntekter til driftsføremål Bufferfond: o Minimumsnivået på bufferfondet er sett til 70 mill. kr og skal vere ei sikring mot framtidige endringar i rammeføresetnader o Eventuelt overskytande kapital på bufferfondet første år i planperioden kan disponerast til tiltak i heile planperioden o Disponering av overskytande kapital på bufferfondet skal avsetjast til høvesvis aktivitets- og investeringsfond. Investeringar: Drift: o Ev. auke i investeringsnivået må finne andre finansieringskjelder enn låneopptak. o Rassikringsprosjekta prioritert i eigen rassikringsplan (mot dei statlege rassikringsmidlane) skal ikkje lånefinansierast. o Driftsrammene skal haldast (samla sektorrammer) o Samferdsle skal finansierast innafor samferdsle sektoren kan sjå på utfordringane innafor sektoren samla (gjeld budsjetteringsfasen, ikkje oppfølgingsfasen). o Alle statlege løyvingar innafor kultursektoren skal «løysast» ut o Avdragsføresetnader er 30 år på fylkesveginvesteringar og 17 år på bygginvesteringar. Finansutvalet sluttar seg til at ovenståande prinsipp vert lagt til grunn for budsjett- og økonomiplanarbeidet i fylkeskommunen. Prinsippa skal takast inn i fellesdelen i budsjett- og økonomiplandokumentet. 3 FELLESINNTEKTER OG UTGIFTER I dette punktet vil fylkesrådmannen gjere greie for nye anslag på fellesinntekter og -utgifter som følgje av framlegget til statsbudsjett. 3.1 Rammetilskot og skatt vurdering etter statsbudsjettet

5 Side 5 av 16 Utrekning av rammetilskot og skatt for 2013 bygger på høvesvis folketal pr 1. juli 2012 og 1. januar Folketalsgrunnlaget for tildeling av rammetilskot er såleis kjent, men for skatteberekningane må ein nytte stipulerte tal. I arbeidsdokument 2/12 gjorde vi greie for forventa folketalsutvikling basert på SSB sine framskrivingar. Med bakgrunn i denne framskrivinga la vi til grunn eit folketal pr. 1. januar 2013 på Faktisk folketal pr 1. juli er på , og veksten første halvår har berre vore på 240 personar. Skal vi nå det prognostiserte folketalet, må vi ha ein folkevekst på 652 personar siste halvår Faktiske tal viser at folketalsveksten her i fylket var høgare 1. enn 2. halvår i fjor. Fylkesrådmannen vil difor tilrå å nedjustere folketalsprognosen pr. 1. januar 2013 til Ein har då føresett lik vekst i 1. og 2. halvår Dette folketalet er lagt til grunn i dei vidare utrekningane av skatt og rammetilskot. Tabellen under viser hovuddelane i utrekningane av dei frie inntektene. Utrekningane baserer seg på KS sin reknemodell for skatt og rammetilskot. Tala er i mill. kr: Frie inntekter 2013 Sum rammetilskot ekskl. inntektsutjamning 1 594,3 Inntektsutjamning (skatt) 34,8 Skatt 522,6 Sum frie inntekter etter statsbudsjettet 2 151,7 Nivå frie inntekter i A-dok 2 (2012-kr) 2 077,0 Auke i frie inntekter 74,7 Til omrekning av kroneverdi (Kommunal deflator 3,3%) 68,5 Netto auke i frie inntekter 6,2 Tabellen syner at skatt og rammetilskot i 2013 til saman gjev oss ein vekst på 75 mill. kr i høve til føresett nivå i arbeidsdokument 2/12. Legg ein til grunn regjeringa sitt anslag på samla løns- og prisvekst (kommunal deflator) på 3,3 % går om lag 68,5 mill. kr av desse midlane til å dekke omrekning av budsjettrammene til 2013-kroner. Tek ein utgangspunkt i berekna skatt og rammetilskot i arbeidsdokument 2/12 vil såleis nettoauken med staten sine løns- og prisføresetnader vere på 6,2 mill. kr i Som følgje av varsla nytt inntektssystem frå 2014 vil tala etter 2013 vere svært usikre. I dette dokumentet har vi difor rekna ut veksten i skatt og rammetilskot for 2013 og føresett den same veksten i dei tidlegare prognosane for skatt og rammetilskot i perioden (jf a.dok 2/12). Rammetilskot og skatt vert justert i tråd med nye prognosar etter framlegg til statsbudsjett Regionale utviklingsmidlar frå KRD Inneverande års budsjett har ei ramme på KRD-midlane på 97,060 mill. kr. Dette beløpet har KRD seinare nedjustert til 96,77 mill. kr, utan at vårt budsjett er tilsvarande nedjustert. I framlegg til statsbudsjett er ramma for regionale utviklingsmidlar frå KRD for 2013 sett til 96,0 mill kr. Dette er 0,77 mill. kr mindre enn faktisk tildeling i 2012, og 1,1 mill. kr lægre enn budsjettert nivå for 2013.

6 Side 6 av 16 Midlar til kommunale næringsfond held seg stabilt på 18,5 mill. kr, medan midlar til omstillingsarbeid i kommunane går ned frå 9 mill. kr til 8 mill. kr. Plan og næring får i utgangspunktet ei bruttoramme uavhengig av løyvinga frå staten, men fylkeskommunen får ei salderingsutfordring som følgje av inntektssvikten. Salderingsutfordringa utgjer 3,2 mill. kr om ein justerer 2012-nivået med forventa løns- og prisvekst for Når denne salderingsutfordringa skal dekkast inn meiner fylkesrådmannen følgjande tilhøve må vektleggast: Staten legg ikkje opp til prisjustering i si tildeling av midlar. I gjeldande budsjettopplegg er det førebels ikkje fordelt KRD-midlar til andre sektorar enn plan og næring. Ut frå dette meiner fylkesrådmannen at det er naturleg at plan og næring må ta noko av inntektssvikten i KRD-midlane. Fylkesrådmannen rår til at plan og næring får ei ramme som er lik det nominelle nivået i Dette betyr at ein aukar det fylkeskommunale bidraget til regional utvikling frå 24,2 mill. kr til 25,3 mill. kr. Budsjetterte KRD-midlar for 2013 må nedjusterast med 1,1 mill. kr. Nivået for 2013 vert vidareført i planperioden. Plan og næring si ramme i økonomiplanperioden vert vidareført nominelt uendra. 3.3 Løns- og prisvekst I framlegg til statsbudsjett er det føresett ein lønsvekst på 4% og ein prisvekst på 1,9% i For kommunesektoren er dette vekta saman i ein så kalla kommunal deflator på 3,3 % der lønsveksten er vekta med om lag 70 % og prisveksten 30 %. Forventa løns- og prisvekst i kommunesektoren vert kompensert gjennom rammetilskotet etter denne satsen. Lønsvekst Lønsforhandlingane i 2012 er i hovudsak gjennomført. Kostnadane med desse ser ut til å bli om lag 25,5 mill. kr i 2012 og heilårsverknad i 2013 vert 41,0 mill. kr. Overhenget inn i 2013 vert ut frå dette 15,5 mill. kr. Årsaken til at overhenget er så stort, er eit høvesvis dyrt oppgjer og at verknadsdatoen for kapittel 4 er seint på året. I statsbudsjettet er det føresett at årslønsveksten frå 2012 til 2013 vert 4 %. Dette vil utgjere om lag 30 mill. kr på vår lønnsmasse. Korrigert for lønsoverhenget vil det dermed måtte avsetjast 30-15,5 = 14,5 mill. kr til lønsoppgjera som kjem i Prisvekst Gjennom kommunal deflator får vi kompensert for ein prisvekst på 1,9 % i gjennomsnitt for alle utgifter utanom eigne lønskostnader. Kommunesektoren sin oppgåveportefølje står overfor ei anna prisutvikling på fleire område. Vi har ansvar for oppgåveproduksjon innan både samferdsle, kultur og veg der vi kjøper tenestene utanfor eigen organisasjon. Desse tenestekjøpa er svært «lønstunge», og det er difor ikkje nok å justere tenestekjøpa med 1,9% om ein skal oppretthalde aktivitetsnivået.

7 Side 7 av 16 Ved prisjustering av sektornivået har fylkesrådmannen i utgangspunktet lagt til grunn 1,9 %, men for veg og kollektiv er det gjort eigne vurderingar. Dette på grunn av at sektoren er bunde opp i store kontraktar som legg føringar for utgiftsnivået i I tillegg er einskilde postar uttrykt eksplisitt i statsbudsjettet. Dette gjeld mellom anna kultursatsingar, tilskot til fagskulen og KRD-midlar. Desse postane får si prisjustering direkte gjennom at vi avset beløpet statsbudsjettet legg opp til. Desse postane er omtalt i eigne avsnitt i arbeidsdokumentet. Behovet for styrking av driftsbudsjettet vert etter dette slik: Prisomrekning for renter og avdrag (netto auke) 3,5 Prisjustering på sektornivå: Fylkesvegar, jf. rammene i statsbudsjettet 18,0 Kollektivbudsjettet 11,0 Andre postar 7,0 Lønnstillegg 2012 overheng 15,5 Avsett til nye lønnstillegg i ,5 Sum 69,5 Som nemnt ovanfor er pris- og lønsveksten ut frå ein samla deflator på 3,3 % rekna ut til 68,5 mill. kr. På grunn av at einskilde postar i tabellen ovanfor har fått ei noko høgare prisjustering enn føresett i deflatoren, tilrår fylkesrådmannen at vi aukar avsettinga med 1,0 mill. kr i høve dette nivået. Nettoauken i statsbudsjettet på 6,2 mill. kr. vert dermed redusert til 5,2 mill. kr. Det vert sett av 69,5 mill. kr til løns- og prisvekst ved omrekning av driftsbudsjettet til 2013-kr. 4 SEKTORSPESIFIKKE TEMA I STATSBUDSJETTET I dette punktet gjev fylkesrådmannen ei kort oppsummering av dei viktigaste sektorspesifikke problemstillingane i statsbudsjettet som har innverknad på vårt budsjett. 4.1 Opplæring Fagskuleutdanning Regjeringa tilrår at Sogn og Fjordane fylkeskommune får tilført 12,113 mill. kr fagskuleutdanning i Dette er 1,037 mill. kr meir enn fjorårets statstilskot. Auken skuldast auke i tal studentar ved Fagskulen i Sogn og Fjordane. Fylkesrådmannen tilrår at Fagskulen i Sogn og Fjordane vert styrka tilsvarande. Løyvinga til Fagskulen i Sogn og Fjordane vert styrka med 1,037 mill. kr.

8 Side 8 av Tannhelse Tannhelsekontroll for eldre Gjennom statsbudsjettet legg regjeringa opp til å styrke budsjettet med 40 mill. kr på landsbasis til tannhelsekontroll for eldre, med verknad frå andre halvår Det går ikkje fram av statsbudsjettet korleis desse midlane skal fordelast. Fylkeskommunen har ikkje fått tilført midlar som følgje av ordninga, men dersom tilbodet skal gjevast frå den offentlege tannhelsetenesta, vil det utfordra oss på personalressursar. Finansutvalet tek den førebelse orienteringa til vitande. 4.3 Plan og næring Kompensasjon for differensiert arbeidsgjevaravgift Fylkeskommunen får årleg tilskot gjennom denne ordninga, som har blitt nytta gjennom foreininga INU-FSF. Vi ser at ordninga på landsbasis vert redusert med om lag 12 %. Truleg vert store deler av reduksjonen knytt til to andre fylker, men tilskotet vert ikkje kjent før på nyåret Ordninga gjeld ut 2013, og det er usikkert om kompensasjonsordninga vil halde fram etter dette, og kva form ei eventuell vidare ordning vil ha. Verdiskaping i fjellområda Kommunal- og regionaldepartementet legg opp til ei satsing over fem år for å styrke grunnlaget for næringsutvikling og verdiskaping i fjellområda. Midlane skal nyttast til innsats på tvers av fylkeskommunane. I 2013 er det sett av 10 mill. kr. Innretninga på ordninga er ikkje klar endå. Som del av det nasjonale fjellregionsamarbeidet vil truleg Sogn og Fjordane vere i posisjon til å kunne vere med å nytte seg av desse midlane. Reorganisering av reiselivsnæringa Nærings- og handelsdepartementet har sett av 15 mill. kr. til ei incentivordning for reorganisering og effektivisering av reisemålsselskapa i landet. Truleg vil reisemålsselskap i fylket vere i posisjon til å søkje om tilskot til arbeidet med større reisemålsselskap. Retningsliner for ordninga er ikkje klare endå. SIVA verkemiddel og satsing gjennom Innovasjon Norge Det blir mindre auke i nasjonale ordningar som inkubatorsatsing, næringshagesatsing og i Innovasjon Norge sine nasjonale rammer. Bygdeutvikling Gjennom oppretting av regionale bygdeutviklingsprogram frå 2013 skal ein større del av verkemidla forvaltast regionalt. Fylkesmannen skal i samarbeid med regional partnarskap utarbeide ein samla, overordna strategi i dei regionale bygdeutviklingsprogramma i kvart fylke. Bulyst Regjeringa gjer framlegg om å løyve 35 millionar kr til tilskotsordninga Bulyst. Programmet skal støtte opp om lokale og regionale utviklingsprosjekt, som fremjar bulyst i heile landet, og skaffe ny kunnskap om kva som skapar bulyst. Lokal samfunnsutvikling i kommunane (LUK) Regjeringa gjer framlegg om å løyve 30 millionar kr til tiltaket i Satsinga, som fylkeskommunane har ansvar for å sette ut i livet, skal utvikle kommunane sitt arbeid med å

9 Side 9 av 16 planlegge, mobilisere, samarbeide og gjennomføre utviklingstiltak, for på det viset å bidra til meir attraktive lokalsamfunn. Finansutvalet tek orienteringa om statsbudsjettet sine tilskotsordningar på området plan og næring til vitande. 4.4 Kultur Fleire av kulturinstitusjonane våre som får tilskot over statsbudsjettet får realauke i det statlege tilskotet. I tråd med avtaler vil dette også krevje auke i det fylkeskommunale (og kommunale) tilskotet. Samla sett er auken i statlege tilskot på om lag 4 mill. kr, noko som krev ein auke i dei fylkeskommunale løyvingane på om lag 2,3 mill. kr. 1,5 mill. kr ligg inne i økonomiplanen, slik at konsekvensen av statsbudsjettet, om dei ulike institusjonane skal kunne nyte godt av heile det statlege tilskotet (og utan at kommunane vert påført kostnader utover det som ligg i dagens avtaler) er ein auke i dei fylkeskommunale løyvingane på 0,8 mill. kr. Fylkesrådmannen gjer i det følgjande greie for tilskota for den enkelte institsjon. Knutepunktfestivalar: Norsk Country Treff får ein auke i det statlege tilskotet på 0,44 mill. kr. Dette medfører ein auke i det fylkeskommunale tilskotet på 0,22 mill. kr. Førdefestivalen får ein auke i statstilskotet på oppimot 0,6 mill. kr. Dette fører til auke i det fylkeskommunale tilskotet på omlag 0,3 mill. kr. Musea i Sogn og Fjordane: Musea i Sogn og Fjordane får ein auke i det statlege tilskotet på 2,4 mill. kr. Auken er grunngitt med planer for markering av grunnlovsjubileet (0,4 mill. kr), innflytting i nybygg, vedlikehald av eksisterande bygningar, forvaltning av samlingar og konsolidering (2 mill. kr). Fylkeskommunen har sett av 1,5 mill. kr i økonomiplanen for å ta høgde for auke i tilskotet til Musea i Sogn og Fjordane f.o.m når dei tek over drifta av Norsk Kvernsteinsenter i Hyllestad. For å matche den statlege auken i tilskotet til Musea i Sogn og Fjordane (inkludert Norsk Kvernsteinsenter), og sett opp mot forventa kommunale tilskot, er det trong for oppunder 1,6 mill. kr frå fylkeskommunen; dvs inntil 0,1 mill. kr utover det som er sett av i økonomiplanen. Konsolideringsavtalen mellom Musea i Sogn og Fjordane og Norsk Kvernsteinsenter er grunnlaget for deler av auken i statstilskotet til Musea i Sogn og Fjordane. Det er styret for Musea i Sogn og Fjordane som fordeler både det statlege og det fylkeskommunale tilskotet vidare ut på dei enkelte avdelingane; inkludert Norsk Kvernsteinsenter. Det er også forventa eit kommunalt tilskot til drifta ved senteret. Scenekunst: Sogn og Fjordane teater får ein auke i det statlege tilskotet på om lag 0,5 mill. kr. Dette medfører ein auke i det fylkeskommunale tilskotet på i underkant av 0,2 mill. kr. For Opera Nordfjord er den statlege auken på om lag 0,1 mill. kr, noko som krev ein auke i det fylkeskommunale tilskotet på 0,035 mill. kr. Sektorramma for kultur vert auka med 0,815 mill. kr årleg for å løyse ut auka statstilskot til kulturinstitusjonar i fylket. Auken er inkludert løns- og prisvekst på desse postane. Finansutvalet tek elles orienteringa til vitande.

10 Side 10 av Samferdsle Rassikring Det er ført opp 550,8 mill. kr til rassikringstiltak på fylkesvegnettet samla for heile landet i statsbudsjettet for Det er i proposisjonen sagt at fordelinga mellom fylka skal vere i tråd med det som er lagt til grunn i tilskotsprogrammet Løyvingane i tilskottsprogrammet er lagt til grunn for vårt arbeid med budsjett for Finansutvalet tek orienteringa om nivået på rassikringstiltak i statsbudsjettet til vitande. 5 ANDRE SAKER 5.1 Bufferfond endringar som følgje av tertialrapport 2/12 I arbeidsdokument 3/12 vart det vist til at vi hadde ein prognostisert overskotskapital på bufferfondet i 2013 på 19,3 mill. kr. Gjennom handsaminga av arbeidsdokumentet vart 15 mill. kr av desse midlane disponert til ulike tiltak. Resterande midlar på 4,3 mill. kr vart vist til som mogleg finansieringskjelde for å justere fylkesrådmannen si tilråding i høve m.a. Hafstad Idrettspark. Gjennom arbeidet med tertialrapport 2/12 ligg det no an til at dette overskotet vert redusert frå 4,3 mill. kr til 0,9 mill. kr. Dette har samanheng med at: FU tilrår 0,2 mill. kr til Olden - Innvik Fylkesrådmannen tilrår å dekke inn ein auka svikt i prognostiserte konsesjonskraftinntekter i 2012 på 3,2 mill. kr (tilleggssak til tertialrapport 2/12). Dette betyr at «overskotslikviditeten» på bufferfondet for 2013 er disponert. Skal nye tiltak få si løysing via bufferfondet, må det i praksis skje ved ei omdisponering frå alt innlagde tiltak. Finansutvalet tek orienteringa om endringar i bufferfondet til vitande. 5.2 Uttalar frå Eldrerådet og Rådet for funksjonshemma Med grunnlag i arbeidsdokument 3/12 har Eldrerådet og Rådet for funksjonshemma gjeve uttale til fylkeskommunen sitt budsjettarbeid. Uttalane følgjer som vedlegg 1 og 2. I tillegg har Rådet for eldre og funksjonshemma i Gaular Kommune kome med ei fråsegn i høve ev. innsparing på tilskot til serviceskyssen. Fråsegna følgjer som vedlegg 3. Finansutvalet tek framlagde uttalar frå Eldrerådet og Rådet for funksjonshemma, samt fråsegn frå Rådet for eldre og funksjonshemma i Gaular kommune, til vitande.

11 Side 11 av Kontrollutvalet sitt budsjettframlegg I arbeidsdokument 3/12 vart KU sitt framlegg til eige budsjett handsama. Det kom ikkje merknader til framlegget. Innarbeidinga av framlegget gjev nokre små avvik i høve tidlegare rammer Salderingseff. -0,030-0,030-0,030 0,120 KU sitt framlegg til budsjett 2013/økonomiplan vert innarbeidd i det økonomiske opplegget. 5.4 Tilpassing av ny politisk kontoplan etter KOSTRA og fullmaktstruktur Framlegg til ny politisk kontoplan I arbeidsdokument 2/12 fekk fylkesrådmannen aksept for å tilpasse den politiske kontoplanen til den statlege KOSTRA-rapporteringa vi er pålagt å nytte på administrativ side. Føremålet med tilpassinga er å få samsvar mellom den administrative og politiske kontoplanen og å betre den samla forståinga av budsjett- og rekneskapsarbeidet. Framlegg til kontoplan organisert etter KOSTRA følgjer som vedlegg 4. I den nye strukturen vert omgrepet programområde erstatta med KOSTRA-område, medan tenesteomgrepet framleis vert nytta. Organiseringa legg vekt på at det skal vere ei synkron kopling mellom budsjett og rekneskap, og kontoplanen er difor gjennomgåande strukturert etter inndelinga i KOSTRAkontoplanen. Konvertering av gjeldande budsjettreglement Gjeldande budsjettreglement tek utgangspunkt i den gamle kontoplanen ved delegering av økonomiske fullmakter til FU, hovudutvala og fylkesrådmannen. I vedlegg 5 presenterer fylkesrådmannen eit «konvertert» budsjettreglement tilpassa det nye framlegget til politisk kontoplan. Hovudmålsetjinga har vore å oppretthalde dei fullmakter som ligg i dagens reglement. Framlegg til endringar i fullmaktene presentert i neste punkt vil bli innarbeida i dette oppsettet i den grad finansutvalet sluttar seg til fylkesrådmannen sine tilrådingar. Budsjettreglementet legg opp til at fylkestinget skal vedta budsjettet på KOSTRA-område (tilsvarande dei gamle programområda). Talet på KOSTRA-område er fleire enn talet på programområde i den gamle kontoplanen. For å oppretthalde fullmaktsstrukturen som ligg i dagens budsjettreglement legg difor fylkesrådmannen opp til at hovudutvala - på nokre område - kan sjå fleire KOSTRA-funksjonar i samanheng. Desse unntaka frå hovudprinsippet går fram av «konvertert» budsjettreglement i vedlegg 5. Vurdering av fullmaktsendringar Hovudutval for samferdsle utviding av fullmakt Ved handsaming av arbeidsdokument 2/12 vart det stilt spørsmål ved om hovudutvalet for samferdsle (HS) burde få utvida si fullmakt til å kunne sjå heile samferdslebudsjettet i samanheng,

12 Side 12 av 16 mot dagens struktur der det er fylkestinget som må vedta omdisponering mellom fylkesveg og kollektivområdet. Bakgrunn for dette innspelet var at HS mangla handlingsrom ved handsaming av den årlege «rutekjøpssaka» i februar. Ramma til kjøp av kollektivtenester er då fastsett og i stor grad bunden opp. Utvalet vil såleis ikkje ha høve til å opprette nye ruter utan å kutte i andre. Fylkesrådmannen kan ikkje tilrå at HS får høve til å disponere fritt mellom veg og kollektiv. Dette vil i praksis bety at hovudutvalet kan omdisponere vegvedlikehaldsmidlar til nye bussruter. Slik fylkesrådmannen vurderer det, vil dette føre til at utvalet kan gjere disposisjonar som bind opp framtidige fylkesting dels ved at nye ruter vil krevje varige omdisponeringar frå vegvedlikehaldet til kollektiv og dels ved at ei slik omdisponering på sikt vil kunne medføre behov for akutt ekstraordinært vedlikehald på vegnettet. I tillegg vil ei slik utviding av hovudutvalet si fullmakt ha praktiske konsekvensar. I leveranseavtalen med Statens vegvesen vert bruken av heile fylkesvegbudsjettet regulert. Med grunnlag i denne avtalen vert vegvedlikehaldsmidlane bunde opp i ulike bindande driftsavtalar. Det er difor vanskeleg å gjennomføre omdisponiering mellom vegvedlikehaldet og kollektiv i eit budsjettår. Fylkesrådmannen meiner at ein kan bøte noko av det manglande handlingsrommet i høve rutekjøpssaka ved å framskunde prosessen med å få innspel frå kommunane på ruteopplegget før budsjettet blir endeleg vedteke i desember. Dette gjev utvalet ein noko større moglegheit til å vurdere endringar som ein del av budsjettprosessen. Formalisering av administrativ fullmakt Dagens budsjettreglement legg opp til at dei vidaregåande skulane har resultatoverføring på alle sine ansvarsområde. I dette ligg implisitt at rektorane har høve til å sjå tildelte beløp frå dei ulike tenestene i samanheng i løpet av eit budsjettår. Dette har også vore praktisert i dagens struktur, utan at det har vore spesifisert i budsjettreglementet. Fylkesrådmannen tilrår difor at det vert teke inn eit nytt vedtakspunkt i budsjettreglementet slik: «For å få ei tenleg drift på skulane og betre utnytting av ressursar får fylkesrådmannen fullmakt til å sjå budsjetta for tenestene 5100 Utgifter til lokale 5150 Forvaltning og fellesutgifter 5200 Pedagogisk leiing mv 5210 Utdanningsprogramma ved den einskilde skule, i samanheng». Administrativ fullmakt - krisesituasjonar I gjeldande budsjettreglement vert det opna for at fylkesrådmannen kan setje i verk turvande mellombelse strakstiltak i samband med ras, flaum og liknande uventa hendingar. Fylkesrådmannen ynskjer at denne fullmakta vert utvida slik at det også er høve til å sette i verk strakstiltak med økonomiske konsekvensar i høve andre typar krisesituasjonar, om dette vert naudsynt. Ei slik fullmakt kan knytast opp til aktivering av kriseleiinga i organisasjonen. Med bakgrunn i dette tilrår fylkesrådmannen at det vert teke inn eit nytt vedtakspunkt slik:

13 Side 13 av 16 «Fylkesrådmannen får mynde til å sette i verk tiltak i ekstraordinære situasjonar der kriseleiinga er operativ. Kriseleiinga disponerer inntil 0,500 mill. kr. til naudsynte tiltak om situasjonen krev det. Det aktuelle hovudutvalet eller eventuelt fylkesutvalet skal snarast mogleg informerast om iverksette tiltak. Dei økonomiske konsekvensane av tiltaka skal i størst mogleg grad søkjast finansiert innafor den aktuelle sektoren sine rammer». Ny kontoplanstruktur vist i vedlegg 4 vert lagt til grunn for det vidare arbeidet med framlegg til budsjett 2013/økonomiplan Finansutvalet sluttar seg til budsjettreglementet vist i vedlegg 5 justert for tilrådde endringar i dette punktet. 6 SALDERING - NY TILNÆRMING 6.1 Justert salderingsopplegg på samferdslesektoren Hovudutval for samferdsle gjorde i møtet 25. september følgjande endringar i høve til fylkesdirektøren si tilråding i budsjettsaka (HS-sak 44/12): Auke i takstane på buss og båt med 4 pst. i staden for 3 pst. som var tilrådinga. Ikkje innføre kommunal eigendel på Trygt heim for ein 50-lapp og Lokale transporttiltak for ungdom (LTU) Ikkje auke prisen på Ungdomskort blir vidareført på 350 kr. Redusere Serviceskyss med 10 pst. og utfordre kommunane på kommunal eigendel Redusere midlar til drift og vedlikehald med 1,350 mill. kr (finansieringskjelde) I Finansutvalet var det ein diskusjon kring forståinga av tilrådinga knytt til Serviceskyss og verknaden av auke i billettprisar utover 3. pst i høve til avtalane på kollektivområdet. Fylkesrådmannen har i etterkant vurdert at ein auke i billettpris på buss med 4 pst. vil gi 3,6 pst auke i inntektene på grunn av at ein må legge til grunn ein viss «avvisningseffekt» som følgje av høgare billettprisar. I høve til auka i billettprisar på båt vil fylkesrådmannen med bakgrunn i avtalane med operatørane ikkje tilrå auke utover 3 pst. Dette dels fordi inntektseffekten er avgrensa og dels fordi det er ikkje er semje om tolking av korleis effekten skal delast mellom operatør og fylkeskommunen. I gjeldande salderingsopplegg ligg det inne ei løyving til Serviceskyssen på 2 mill. kr i Dette er om lag 0,8 mill. kr under nivået i 2012 (bortfall av statstilskot). Dette vil føre til tilsvarande redusert tilbod i høve til dagens nivå. Fylkesrådmannen tolkar finansutvalet slik at det ikkje er aktuelt med kommunal medfinansiering. I høve til LTU og Trygt heim for ein 50-lapp er det lagt inn finansiering som vidarefører ordningane på dagens nivå utan kommunal medfinansiering.

14 Side 14 av 16 Nokre av finansutvalsmedlemmer tok til orde for at det kunne aksepterast ein viss auke i prisen på Ungdomskort. Fylkesrådmannen oppfatta ikkje at det var fleirtal for ei slik tilnærming og har difor ikkje gått vidare med dette. Ut frå føringane i finansutvalet legg no fylkesrådmannen opp til å justere salderingsopplegget for samferdslesektoren som vist i tabellen under. Tabellen viser justeringane i høve tilrådinga i budsjettsaka/arbeidsdokument 3/12: Tiltak LTU-ordninga 0,3 0,3 0,3 0,3 Trygt heim for ein 50-lapp 0,4 0,4 0,4 0,4 Serviceskyss 0,0 0,0 0,0 0,0 Ungdomskort 1,0 1,0 1,0 1,0 Buss takstauke -0,6-0,6-0,6-0,6 Drift og vedlikehald (fylkesveg) -1,1-1,1-1,1-1,1 Sum Finansutvalet sluttar seg til justert salderingsopplegg for samferdslesektoren. 6.2 Ny tilnærming Hafstad idrettspark I arbeidsdokument 3/12 tilrådde fylkesrådmannen at det vart løyvd 10 mill. kr til Hafstad Idrettspark fordelt over 3 år ( ). Løyvinga vart tilrådd finansiert ved ei omprioritering innan sektorramma til kultur med 2 mill. kr i 2014 og 2,5 mill. kr kvart av åra 2015 og Resterande beløp på 3 mill. kr vart tilrådd finansiert ved bruk av «overskotskapital» frå bufferfondet. HK spelte inn at dei var usamde både i løyvingsnivået som var lagt på prosjektet, og med at deler av løyvinga var finansiert innafor kultursektoren si ramme. Innspelet vart drøfta i finansutvalet, og fylkesrådmannen noterte seg følgjande signal: Vurdere om det var mogleg å auke løyvinga til prosjektet noko Vurdere om sektoren si «eigenfinansiering» kunne reduserast noko. Med bakgrunn i diskusjonane i finansutvalet har fylkesrådmannen no justert tilnærminga til Hafstad Idrettspark slik: Samla løyving til prosjektet vert auka med 2,5 mill. kr til 12,5 mill. kr. Kultursektoren si «eigenfinansiering» vert redusert med 2,5 mill. kr. Endringane vert finansiert ved å disponere 5,0 mill. kr av salderingsoverskotet i Finansutvalet sluttar seg til justert løyvings- og finansieringsløysing i høve Hafstad Idrettspark.

15 Side 15 av 16 7 OPPSUMMERING - TILRÅDDE ENDRINGAR Tilrådde endringar i dette arbeidsdokumentet kan oppsummerast slik: Ubalanse etter a.dok 3-4,4-1,2-1,3 27,8 ar i a.dok 4: Kontrollutvalet - endring i ramme iht vedtak i KU -0,03-0,030-0,030 0,120 Justering etter statsbudsjettet Endring i skatt og rammetilskot -74,75-74,75-74,75-74,75 Løns- og prisvekst 69,46 69,46 69,46 69,46 Kultur- utløysing av statstilskot 0,82 0,82 0,82 0,82 KRD-midlar - nedjustering av statleg løyving 1,06 1,06 1,06 1,06 Auke i løyving til fagskulen 1,04 1,04 1,04 1,04 Salderingseffekt - ny skisse Hafstad idrettspark (12,5 mill.kr) 5,00 Ubalanse etter a.dok 4-1,76-3,60-3,70 25,58 Tabellen viser at det etter innarbeiding av tilrådingane i dette arbeidsdokumentet ligg an til eit mindre salderingsoverskot dei 3 første åra i planperioden og eit stort salderingsunderskot siste året. I lys av usikre økonomiske rammeføresetnader etter 2013 og det store salderingsunderskotet i 2016 vil fylkesrådmannen tilrå at salderingsoverskota dei 3 første åra vert reservert for å møte utfordringane etter Om finansutvalet likevel vil disponere midlane i 2013, vil fylkesrådmannen tilrå at sektoren plan og næring vert prioritert. Bakgrunn for dette er at sektoren ikkje får fullt ut priskompensert si ramme (pga. manglande prisjustering av KRD-midlane), og at sektoren har teke ei relativt stor belastning ved å finansiere ¾-deler av tilrådd tilskot til Kalvøya fiskerihamn.

16 Side 16 av 16 8 VIDARE ARBEID På møtet i finansutvalet 15. oktober må finansutvalet ta stilling til endeleg saldering av budsjettframlegget. Med bakgrunn i salderinga vil administrasjonen ferdigstille tekstdokumentet som skal danne grunnlag for den vidare politiske handsaminga av framlegget. 7. november: Finansutvalet vedtek budsjettframlegget. Utkast til tekstdokument vert førelagt finansutvalet. Finansutvalet vil får høve til å gjere justeringar i dokumentet. Framlegget vert vedteke ved å legge til grunn utarbeidd tekstdokument med ev justeringar. 26. november: Politikardag. Om det er ynskjeleg kan politikardagen nyttast til å gje partigruppene felles informasjon om budsjettframlegget. 27. november: Hovudutvalshandsaming 28. november: Fylkesutvalshandsaming 12. desember: Fylkestingshandsaming Med helsing Tore Eriksen fylkesrådmann Eli Nes Killingrød økonomisjef Vedlegg 1. Uttale frå Fylkesrådet for eldre Budsjett arbeidsdokument 3/12 2. Uttale frå Fylkesrådet for funksjonshemma Budsjett/arbeidsdokument 3 3. Fråsegn frå Rådet for eldre og funksjonshemma i Gaular kommunme vedk. evt innsparing på tilskot til serviceskyssen 4. Kontoplan organisert etter KOSTRA 5. Budsjettreglement etter ny kontoplan Kopi til: Fylkestinget Fylkesrådmannen si leiargruppe Budsjett-teamet