Kommuneretta næringsutvikling - statusrapport, evaluering og vidare arbeid

Transkript

1 Side 1 av 5 Saksframlegg Saksbehandlar: Birte Tuxen Bø, Næringsavdelinga Sak nr.: 15/ Kommuneretta næringsutvikling - statusrapport, evaluering og vidare arbeid Fylkesdirektøren for næring rår hovudutval for plan og næring til å gjere slikt vedtak: 1 Statusrapport og evaluering av prosjekt kommunal næringsutvikling vert teke til vitande. 2 Fylkesrådmannen får fullmakt til å disponere 1,5 mill kr til kommuneretta næringsutvikling, avsett i budsjettet for 2015 under tenesteområde 7015 nyskaping. 3 Fyllesrådmannen får fullmakt til å disponere kr til planlegging og oppstart av nye tiltak innan plantema nyskaping, jf midlar avsett i HPN-sak 43/14. 4 Avsette midlar i sak 56/14 (kr ) vert ståande disponible for nye tiltak innan plantema nyskaping, og disponert av hovudutval for plan og næring. 5 Restmidlar på kr vert tilført utviklingsfondet for næring. Vedlegg: Prosjekt kommunal næringsutvikling statusrapport og evaluering Andre dokument som ikkje ligg ved: SAKSFRAMSTILLING 1. Bakgrunn for saka Vil vil i denne saka gjere greie for prosjektet kommunal næringsutviklig, som no vert avvikla som prosjekt. Store deler av innsatsen vert likevel vidareført som ei driftsoppgåve i regi av fylkeskommunen si næringsavdeling. Dette som ei oppfølging av verdiskapingsplanen. I denne saka vil vi gjere greie for status og evaluering av prosjektet kommunal næringsutvikling. Dette med tanke på vidareføring av innsatsen ber vi om fullmakt til å disponere dei budsjettmidlane som alt er avsette til kommuneretta næringsutvikling. 2. Nærare om prosjekt kommunal næringsutvikling Litt om prosjektet

2 Side 2 av 5 Fylkeskommunen v/næringsavdelinga, Innovasjon Norge, Fylkesmannen si landbruksavdeling og kommunane har gått saman om prosjekt kommunal næringsutvikling. Fylkeskommunen har helde prosjektleiar og prosjektansvarleg, og teke dei tyngste taka i gjennomføring av prosjektet. Den daglege koordineringa av innsatsen i fylkeskommunen har skjedd i ei kommunegruppe i næringsavdelinga, og det er trekt veksel på dei andre samarbeidande aktørane etter behov. Prosjekt kommunal næringsutvikling er eit prosjekt som skal setje kommunane og næringsapparatet betre i stand til å arbeide med næringsutvikling. Tyngda av innsatsen er difor retta inn mot kompetanseheving og samlingar for næringsmedarbeidarar i kommunar og næringsselskap. Og styrking av dialogen og samarbeidet mellom dei ulike aktørane som arbeider med næringsutvikling. Prosjektet kom skikkeleg i gong i Innsatsen vert avslutta som prosjekt om kort tid, men store deler av innsatsen vert vidareført som ei driftsoppgåve i regi av fylkeskommunen si næringsavdeling. Dette i samarbeid med dagens samarbeidspartar. Prosjektet er no inne i sluttfasen og det er difor gjennomført ei evaluering av prosjektet for å sjå om vi har nådd måla. Vi syner i den samanheng til vedlagde notat om status og evaluering. Vi vil no følgjeleg gjere greie for statusen som eit grunnlag for å justere den innsatsen som skal vidareførast. Måla med prosjektet Prosjektet kommunal næringsutvikling er bygd opp av tre tema: organisering, kompetanse og verkty og kommunikasjon der hovudmålet for heile prosjektet er: «Styrke førstelinjetenesta i sitt næringsutviklingsarbeid slik at dei kan gje etablerarar og lokalt næringsliv eit betre tilbod». Hovudmålet skal nåast gjennom: 1. Ei betre organisering av arbeidet med næringsutvikling på kommune- og regionnivå Større fagmiljø med auka stillingsressursar i minst ti kommunar i løpet av prosjektperioden 2. Auka kompetanse og auka merksemd rundt næringsutvikling på kommunalt nivå og betre verkty for næringsutvikling Alle i målgruppa skal ha fått eit kompetanseløft i løpet av prosjektperioden Utvikle betre verkty for målgruppa for å betre næringsutviklingsarbeidet 3. Betre kommunikasjon mellom lokalt og regionalt nivå og betre samhandling og kommunikasjon ut frå regionale aktørar skal vere hovudkanalen for informasjon relatert til nærings- og gründerarbeid Ha gode nettverk og treffpunkt for tiltaksapparatet og regionalt nivå Stutusrapport og evaluering Som det framgår av vedlagde notat er det gjennomført ei evaluering. Som ein del av dette er det også henta inn svar frå 23 næringsmedarbeidarar, som har formidla sitt inntrykk av tiltaka i prosjektet. Vi har merka oss tilbod som vi må vurdere å justere. Men jamt over får vi gode tilbakemeldingar på tiltaka i prosjektet. Dette styrkjer oss i trua på at store deler av tiltaka bør vidareførast, slik det er lagt opp til i verdiskapingsplanen. Med tanke på evalueringa syner vi til vedlagde notat, og vi vil i HPN-møtet også orientere nærmare om både prosjektet og evalueringa av dette. Prosjektansvarleg har lagt statusrapport og evaluering fram for styringsgruppa for prosjektet. Denne styringsgruppa har vore samansett av leiarar frå Innovasjon Norge, Fylkesmannen si landbruksavdeling, næringsavdelinga til fylkeskommunen og ein representant frå kommunane/ks. Styringsgruppa sa seg tilfreds med den framlagde statusrapporten og evalueringa.

3 Side 3 av 5 Litt om innsatsen i 2014 I 2014 vart det gjennomført tiltak om lag som planlagt i handlingsplanen for Rekneskapen syner eit litt lågare kostnadsnivå enn budsjettert. I 2014 har vi vidareført satsinga på etablerarkurs i alle regionane. Førstelinjetenesta (kommunane og næringsselskapa) er viktig i rekrutteringsarbeidet for å få opp talet på etablerarar i fylket. Kompetanspåfyll for næringsapparatet er derfor ei viktig satsing i prosjektet. Det vart gjennomført ein del korte kurs, i tillegg til eit høgskulekurs innan næringsutvikling. Nytt i fjor var satsinga på utviklingsverktyet «program for småbedrifter mindre enn 10 tilsette», og det nemnde høgskulekurset. Satsinga på marknadsføring av driftig.no på skjermar i ventehallen på alle flyplassane i fylket og på ekspressbåtane var også nytt i fjor. Driftig.no har også vorte marknadsført på skjermane ved Høgskulen i Sogn og Fjordane. Litt om økonomien i 2014 Prosjekt kommunal næringsutvikling budsjett og rekneskap Budsjett Revidert budsjett Rekneskap 2014 Diverse kostnadar Lønn og reise Etablerarkurs Kompetanse og verkty Tiltaksforum Kommunebesøk Driftig.no Sum Revidert budsjett er tilpassa lågare bidrag frå Innovasjon Norge og Fylkesmannen si landbruksavdeling. Budsjettet for driftig.no tok høgde for lønsmidlar. Det er ikkje ført lønsmidlar på driftig.no i 2014, og forbruket er følgjeleg betydeleg lågare enn budsjettert. 3. Kommuneretta næringsutvikling vidareføring av innsatsen Vidareføring av innsatsen Evalueringa syner at prosjekt kommunal næringsutvikling har vore eit rimeleg vellukka prosjekt. Og innsatsen bør i stor grad vidareførast, slik som det er lagt opp til i verdiskapingsplanen. Det er tidlegare laga ein årsplan for 2015, som hovudutvalet har teke stilling i samband med eiga sak om verdiskapingsplanen. Og det er i budsjettet for 2015 sett av vel 2,5 mill kr til plantema nyskaping som det kommuneretta næringsarbeidet ligg under. Store deler av den innsatsen som har lege i prosjektet vert vidareført av fylkeskommunen si næringsavdeling, i samråd med dagens partnarar. Den daglege aktiviteten vert framleis driven av ei kommunegruppe i fylkeskommunen si næringsavdeling. For å sikre dialogen med dei andre partnerane vert det etablert ei gruppa der det også er med fagfolk frå Innovasjon Norge, Fylkesmannen si landbruksavdeling og det kommunale næringsapparatet. Budsjett for 2015 Kommuneretta næringsarbeid - budsjett 2015 Budsjett

4 Side 4 av 5 Etablerarkurs og grundersamlingar Kurs og samlingar - kompetanse Tiltaksforum Driftig.no Andre kostnader Sum Ei vidareføring av det kommuneretta næringsarbeidet er ovanfor budsjettert til 1,5 mill kr for I årsplanen for 2015 er det tidlegare budsjettert med lønsmidlar i samband med ei prosjektstilling. Denne mellombelse prosjektleiarstillinga er no avvikla i denne omgang. Men vi vil snarleg vurdere behovet for å styrke arbeidsinnsatsen innan dette området. Under plantema nyskaping er det sett av vel 2,5 mill kr for 2015, til kommuneretta næringsutvikling og nye tiltak innan plantema nyskaping. Administrasjonen ber om fullmakt til å disponere 1,5 mill kr av desse til å vidareføre dei nemnde aktivitetane innan kommuneretta næringsutvikling. Plantema nyskaping i verdiskapingsplanen Plantema nyskaping i verdiskapingsplanen femnar om adskilleg meir enn det kommuneretta næringsarbeidet: alt frå integrering av arbeidsinnvandrarar til leverandørutvikling, innkjøpsstrategi og tilrettelegging for gjennomgangsbustadar. Vi skal vidare utvikle næringsapparatet til å arbeide meir oppsøkande, og vere betre rusta til å hjelpe fram nye næringar. Vi skal arbeide med bedrifter og etablerarar sin tilgong til risikovilleg kapital. Dette berre som døme innanfor det vidtfemnande plantema nyskaping. Når vi treng midlar til nye aktivitetar innan plantema nyskaping kjem vi attende til hovudutvalet med eigne saker om dette. Før vi kjem attende med eigne saker kan det oppstå behov for å nytte midlar i samband med planlegging og oppstart av aktivitetar. Og det kan oppstå kostnader i samband med å setje partnarar i gong med sin del av oppfølgjinga. Vi ber følgjeleg om fullmakt til å bruke midlar til å slike føremål, som då kan nyttast i fall det er behov for det. Ev bruk av ei slik fullmakt vert å rapportere til hovudutvalet i ettertid. Disponible midlar og restmidlar frå tidlegare Prosjektet dreg med seg restmidlar på kr , og dette har samanheng med lågare kostnader. For å sikre ei framtidig finansiering vart det i 2014 gjort følgjande løyvingar: - Sak 43/14: avsett kr til ei ev forlenging av prosjektet kommuneretta næringsutvikling - Sak 54/14: sett av kr til iverksetjing av tiltak innan plantema nyskaping i verdiskapingsplanen Vi legg til grunn at restmidlar på kr vert tilført utviklingsfondet for næring, som hovudutvalet disponerer. Vi legg vidare til grunn at dei avsette midlane i sak 43/14 (kr ) kan nyttast til planlegging og oppstart av nye tiltak innan plantema nyskaping, og at administrasjonen får fullmakt til å bruke av desse midlane. Dei avsette midlane i sak 56/14 (kr ) vert framleis ståande til tiltak innan det vidtfemande plantema nyskaping. Desse midlane vert disponert seinare på grunnlag av eigne saker til HPN. 4. Konklusjon Evalueringa syner at prosjekt kommunal næringsutvikling har vore rimeleg vellukka. Store deler av innsatsen vert vidarført, i samsvar med verdiskapingsplanen. Administrasjonen får fullmakt til

5 å disponere avsette midlar til ei vidareføring av arbeidet, og noko midlar til planlegging og iverksetjing av nye tiltak innan plantema nyskaping. Side 5 av 5