S we c o No r g e A S Org.nr: Hovedkontor: Lysaker

Transkript

1 W. Giertsen AS Nygårdsviken 1, støyvurdering av ny reguleringsplan. Oppdragsnummer I samband med planlegging av nytt næringsbygg i Nygårdsviken 1 er det utarbeida ein ny reguleringsplan som må støyvurderast. Reguleringsplanen dekker både veg og industri. Det planlagde bygget som skal oppførast vil generere meir trafikk på den regulerte vegen. Den auka trafikken vil gje ein auke i støy for omgjevnadane på ca. 3 db. Støysonekart for dagens situasjon samt framtidas situasjon er utarbeida. Bergen Sweco Norge AS Akustikk Utarbeida av Marita Sørbø Kontrollert av Bernt Heggøy 1 (14) S w e co Storetveitvegen 98 NO-5072 Bergen, Norge Telefonnummer Faks S we c o No r g e A S Org.nr: Hovedkontor: Lysaker M a r i t a S ø r bø Rådgjevar akustikk Avdeling brann - akustikk Mobil marita.sorbo@sweco.no

2 1 Innleiing 3 2 Lyduttrykk 3 3 Føresetnader og metode Føresetnader Metode 4 4 Grenser for støy Miljøverndepartementets planretningslinje, T Støyretningslinje T-1442, praktisering i Statens vegvesen Teknisk forskrift/ns Veg Dagens situasjon Framtidig situasjon 7 6 Industri Dagens situasjon Truck og tungtrafikk på området Ventilasjon Støy frå verkstad Båtanløp Kabelspoling Framtidig situasjon 10 7 Resultat Dagens situasjon Framtidig situasjon 11 8 Vurdering av støysituasjonen 12 9 Referansar 12 2 (14) NYGÅRDSVIKEN 1, STØYVURDERING AV NY REGULERINGSPLAN.

3 1 Innleiing Sweco Norge AS har fått i oppdrag av W. Giertsen AS å gjera ei støyvurdering i samband med ny reguleringsplan for Nygårdsviken 1. Rapporten ser både på dagens situasjon angåande støy og gjer vurderingar for framtidige forhold. 2 Lyduttrykk I rapporten vert følgjande sentrale faglege uttrykk nytta for støy: Ekvivalent lydnivå L Aekv : Gjennomsnittleg (energimidla) A-vekta lydnivå over eit visst tidsintervall, f.eks. 1 minutt, 30 minutt, 1 time, 8 timer eller 24 timer. Tidsvekta/døgnvekta ekvivalent lydnivå, L den : Døgnekvivalent A-vekta lydnivå der støybidraga i kveldsperioden (kl ) er gjeve eit tillegg på 5 db og støybidraga i nattperioden (kl ) er gjeve eit tillegg på 10 db. Utandørs støy i L den er, etter T , gjeve i ein frittfelt-posisjon. L night : Ekvivalent lydnivå i 8 timer natt (kl ). Maksimalt lydnivå (L 5AF ): A-vekta lydnivå målt med tidskonstant F (FAST) som vert overskriden av 5 % av hendingane i løpet av en nærare gjeven periode, dvs. eit statistisk maksimalnivå i forhold til tal på hendingar. Lydeffekt (L WA ) er eit A-vekta mål for totalt avstrålt lydenergi frå ei lydkjelde. Når lydeffekten er kjent, kan ein rekna lydnivået i ein ønska avstand frå kjelda, for eksempel i nabobusetnad eller inne i eit rom. 3 Føresetnader og metode 3.1 Føresetnader W. Giertsen AS er eigar av industriområdet i Nygårdsviken 1, Laksevåg, Bergen kommune. Området er vist med raud markør i Figur 1. I samband med planlegging av nytt industribygg på området er det utarbeida ny reguleringsplan som må støyvurderast. Reguleringsplanen inkluderer både industriområdet og den kommunale vegen ned til området. Støyvurderinga må difor dekke både industri og veg. Utrekningane og vurderingane er gjort med grunnlag i trafikkrapport, sosi-kart, reguleringsplanar og hamneinstruks mottekne frå oppdragsgjevar. Opus Bergen AS, som utarbeider reguleringsplanen på vegne av W. Giertsen, har sendt illustrasjonar av det planlagde bygget ( ). Det er gjort ei synfaring av området ( ). Kraemer Maritime AS har gjeve opplysingar om sine aktivitetar på området ( ). 3 (14) NYGÅRDSVIKEN 1, STØYVURDERING AV NY REGULERINGSPLAN.

4 Figur 1. Kartutsnitt som var kor det aktuelle området er plasser på Laksevåg, Bergen. 3.2 Metode Støyen er rekna etter gjeldande nordiske metode for ekstern industristøy 2 og vegtrafikkstøy 3 med rekneprogrammet CadnaA med ein reknemodelloppløysing på 15x15 meter. Det er nytta 4 m mottakarhøgd over terreng. Utrekningsverdiane gjeld i situasjonar med medvind frå støykjelda til omgjevnadane. Markflatene er sett til absorberande (1,0) på landområder, delvis absorberande (0,5) på industri og hamneområder og hard, reflekterande (0,0) over sjø. Industristøyen er lagt inn som ei såkalla arealkjelde som dekker heile industriområdet. Arealkjelda inneheld i praksis ei rekke enkeltkjelder med tilhøyrande lydeffekt og driftstid fordelt over døgn og år. Det er også rekna ut støysituasjonen ved ein verste dag, der ein båt ved kai er lagt inn som ei punktkjelde i tillegg til arealkjelda. 4 Grenser for støy 4.1 Miljøverndepartementets planretningslinje, T-1442 Planretningslinjene for støy (T-1442) gjeld ved etablering av nye bustadar eller annan støyfølsam arealbruk. Retningslinjene kjem også i bruk ved etablering av ny støyande verksemd, eller ved utviding eller oppgradering av eksisterande verksemd, føresett at endringa er så vesentleg at det vert kravd ny plan etter plan- og bygningsloven. 4 (14) NYGÅRDSVIKEN 1, STØYVURDERING AV NY REGULERINGSPLAN.

5 T-1442 tilrår at det vert vist to støysoner rundt viktige støykjelder, ei gul vurderingssone og ei raud restriktiv sone. Sonene skal vera eit signal til utbyggarar om at støy må vera tema i planar for ny støyfølsam busetnad (bustadar, fritidsbustadar, skular, barnehagar, mv) i området. Raud sone nærast støykjelda, viser eit område som ikkje er eigna til støyfølsame bruksformål, og etablering av ny støyfølsam busetnad skal unngås. Gul sone er ei vurderingssone, kor støyfølsam busetnad kan oppførast dersom avbøtande tiltak gjev tilfredsstillande støyforhold. Vanlig industristøy, som i denne saka, vert vurdert å tilhøyra kategorien utan impulslyd. Eksempelvis vil containeraktivitetar kunne vurderast å falla inn under kategorien industri, hamner og terminaler med impulslyd. Tabell 1 viser kriterier for inndeling i gul og raud sone. Grenser for veg og industri, hamner og terminalar er vist. Gul støysone Raud støysone Støykjelde Industri, hamner og terminalar Utandørs støynivå Utan impulslyd: L den = 55 db Med impulslyd: L den = 50 db Utand ørs støyni vå i nattpe rioden kl L night = 45 db L 5AF = 60 db Utandørs støynivå Utan impulslyd: L den = 65 db Med impulslyd: L den = 60 db Utandørs støynivå i nattperioden kl L night = 55 db L 5AF = 80 db Veg L den = 55 db L 5AF = 70 db L den = 65 db L 5AF = 85 db Tabell 1. Kriterier for soneinndeling. Alle tal er frittfeltverdiar. Tabell 2 viser tilrådde støygrenser som gjeld for eksisterande bustadar når nye industrianlegg og veg vert planlagd og for nye bustadar nær slike eksisterande anlegg. Grensene er identiske med yttergrense for gul sone, jf. Tabell 1. Støykjelde Støynivå på uteplass og utanfor rom med støyfølsam bruk Støynivå utanfor soverom, natt, kl Veg L den = 55 db L 5AF = 70 db 5 (14) NYGÅRDSVIKEN 1, STØYVURDERING AV NY REGULERINGSPLAN.

6 Industri, hamner og terminalar Utan impulslyd: L den = 55 db Med impulslyd: L den = 50 db L night = 45 db, L 5AF = 60 db Tabell 2. Tilrådde støygrenser ved etablering av ny støyande verksemd og bygging av bustadar, sjukehus, pleieinstitusjonar, fritidsbustadar, skular og barnehagar. Alle tal gjeve i db, frittfeltverdiar. Trafikken til og frå industriområdet følgjer kommunal veg. Det er anleggseigar (dvs. her kommunen) som står ansvarleg for utgreiing og ev. tiltak som er naudsynte pga. auka støy. Støyretningslinje T-1442 seier at anleggseigar bør oppdatere støysituasjonen viss det skjer vesentlege endringar i støyutsleppa. Eit tilrådd minimum for når karta bør reviderast er at ekvivalent støynivå er endra med 3 db eller meir. Eigar av industriområdet står ansvarleg for utgreiing og ev. tiltak som er naudsynte pga. støy frå industriområde og tilkomst frå offentleg veg. I dette tilfellet omfattar planen industriområdet og den offentlege vegen og den samla situasjonen vert vurdert uavhengig av dei nemnde tilhøva. 4.2 Støyretningslinje T-1442, praktisering i Statens vegvesen Statens vegvesen har laga ein rettleiar 4 for praktisering av T Rettleiaren omtalar ikkje nemnde situasjon, men gir ein del føringar i samband med utbetringar av eksisterande veg, m.a. miljø- og sikringstiltak. 4.3 Teknisk forskrift/ns Veg Støy frå nye tekniske installasjonar på planområdet skal ikkje gje støynivå ved eksisterande bustad som overskrider verdiar i Tabell 4 i NS klasse C. Prosjektering og bygging av nye bygg på området må ta omsyn til desse grensene. 5.1 Dagens situasjon Vegen som skal regulerast er tilkomstvegen til Nygårdsviken 1 frå Kringsjåvegen, dvs. delar av Nygårdsvikvegen og delar av Nygårdsviken. Figur 2 viser kartutsnitt kor vegstrekket er markert med grå og blå strek. Delar av vegen har fartsgrense 30 km/t (grå), medan det rette strekket har fartsgrense 50 km/t (blå). Vegen er også tilkomstveg til bustadar. Frå oppdragsgjevar er det motteke ein rapport 6 med trafikkanalyse for vegen som skal regulerast. Rapporten skildrar dagens situasjon og gjer vurderingar for framtidig trafikk. Trafikkteljingar på vegen gjev ÅDT = 425 kjt/døgn (rapporten seier VDT = 470 kjt/døgn, dvs. ÅDT = 0,9 x VDT = 425), og 11 % tungtrafikk. Antek her at den gjevne ÅDT gjeld heilt ned til Nygårdsviken 1. 6 (14) NYGÅRDSVIKEN 1, STØYVURDERING AV NY REGULERINGSPLAN.

7 Ein liten del av Kringsjåvegen er også inkludert i reguleringsplanen. Norsk vegdatabank lister ein ÅDT på 8500 kjt/døgn og 9 % tungtrafikk for denne vegen. Fartsgrensa er 50 km/t. 30 km/t 50 km/t 30 km/t 50 km/t Figur 2. Kartutsnitt som markerer vegen som skal regulerast (kart frå Framtidig situasjon I rapporten med trafikkanalyse vert prognosar for framtidig trafikk utrekna med grunnlag i erfaringstal for trafikk pr. 100 m 2 industriareal. Planforslaget for Nygårdsviken 1 seier ein auke i næringsareal på m 2 til totalt m 2. Erfaringstala gjev då at framtidig trafikk vert 980 kjt/døgn ÅDT. Ein reknar 10 % tungtrafikk i framtidig situasjon. For Kringsjåvegen vert det rekna 20 % auke til kjt/døgn og 9 % tungtrafikk for ein framtidig situasjon. 7 (14) NYGÅRDSVIKEN 1, STØYVURDERING AV NY REGULERINGSPLAN.

8 6 Industri 6.1 Dagens situasjon Totalt dekker området eit areal på m 2. Av dette er ca m 2 kaiområde/industriområde der det føregår aktivitetar som køyring med truck og lastebil, og andre aktivitetar som kan vera støyande for omgjevnadane. Figur 3 viser flyfoto av området der ein ser næringsbygga samt kaiområdet. I tillegg til tre dotterselskap av W. Giertsen AS er det 15 andre verksemder som leiger plass på området. Nokre av verksemdene leiger berre kontor og genererer ikkje noko støy på industriområdet. Andre verksemder driv blant anna med grossistverksemd, mekanisk arbeid, produksjon av undervassinstallasjonar og spoling av kablar og vaierar. Støyen kjem frå aktivitetar på kaiområdet/industriområdet, båtar som ligg ved kai og evt. opne dører inn til verkstader/industriareal. I dei følgjande delkapitla er støyen som vert generert ved dagens situasjon søkt skildra. Figur 3. Flyfoto som viser industriområdet Nygårdsviken 1. 8 (14) NYGÅRDSVIKEN 1, STØYVURDERING AV NY REGULERINGSPLAN.

9 6.1.1 Truck og tungtrafikk på området Kraemer Maritime AS avd. Bergen driv innan maritim forsyning og logistikk. I snitt har dei tunge køyrety inn på området per dag og står for hovudparten av tungtrafikken på området. Lossing og lasting av stykkgods skjer normalt innandørs slik at støy frå truck frå denne aktiviteten er liten utandørs. Støyen kjem hovudsakleg frå køyring og buksering av bilane på området. I utrekningane er det lagt inn 1 minutt buksering for kvar lastebil/trailer som kjem inn på området. Lydeffekten per bil i normal drift er sett til L WA = 101 dba. Verksemda lossar og lastar også offshorecontainerar per veke. Dette skjer utandørs 1-2 dagar i veka og vil generere noko støy frå truck utandørs. Dei andre verksemdene vil også operere truckar og generere tungtrafikk til området, og i utrekningane er det for alle verksemdene rekna at det er ein truck i drift to timar kvar dag og at det står ein lastebil på tomgang heile dagen. Lydeffekten til truck i arbeid og lastebil/trailer på tomgang er sett til høvesvis 100 db og 91 db. Kjølecontainerar i drift kan skje unntaksvis og dei er tekne med i utrekningane. Lydeffekten er sett til L WA = 93 db. Aktivitetane på området skjer på hovudsakleg på dagen, men unntaksvik kan det vera aktivitet også på kveldar og netter Ventilasjon Støy frå ventilasjon av bygningane er lagt inn som tre punktkjelder på bygget. Kvar av desse har lydeffekt L WA = 80 db Støy frå verkstad Ved synfaring av området var det ein del støy frå ei open dør inn til ein mekanisk verkstad. Lydane var av typen skjerebrenning og slag mot metall. I utrekningane er det rekna ein time med støy frå verkstad kvar dag. Lydeffekten er sett til 80 db Båtanløp Frå W. Giertsen er det opplyst tal på båtanløp ved kaien dei siste åra: 2011: 29 anløp 2010: 28 anløp 2009: ikkje opplyst 2008: 12 anløp 2007: 46 anløp 2006: 33 anløp 2005: 33 anløp 2004: 46 anløp 9 (14) NYGÅRDSVIKEN 1, STØYVURDERING AV NY REGULERINGSPLAN.

10 For 2010 og 2011 var gjennomsnittleg liggetid per anløp høvesvis 20 t og 30 t (då er to lange liggeperiodar på 13 og 16 døgn i 2011 ikkje teke med). Talet på liggedøgn per år vert høvesvis 23 og 33 (igjen utan dei to lange liggeperiodane) i 2010 og I denne rapporten reknar me 30 liggedøgn per år. Det er ikkje noko fast aktivitet som skjer i samband med båtane som ligg ved kai i Nygårdsviken. Dei kan vera der for lossing og lasting av gods, for enkelt vedlikehald av utstyr eller for andre føremål. Hamneinstruksane for kaien seier at båtar som skal ligge ved kai etter kl skal kople seg til landstraum. Om instruksane vert fulgt varierer, og i utrekningane er det forsiktig rekna at båtane ikkje er kopla til landstraum, men køyrer eige hjelpeaggregat som då vil vera hovudkjelda til støy frå båtane. Liggedøgna er rekna om til ein årsverdi per dag og støyen er rekna inn i arealkjelda. Lydeffekten frå båt er sett til L WA = 102 db. I verste dag -utrekninga er det rekna at hjelpeaggregatet går samt at det også føregår operasjonar med kran eller anna som generer støy slik at støyen vert høgare. I den utrekninga er det lagt inn ei punktkjelde ved kaien som representerer båten og lydeffekten er sett til L WA = 110 db Kabelspoling På området står det to kabelspolarar. Det er ikkje gjeve noko data på desse eller kor mykje dei er i bruk. Dei er ikkje teke med i utrekningane. 6.2 Framtidig situasjon For ein framtidig situasjon reknar vi at støyen på industriområdet er lik som i dagens situasjon bortsett frå mengda tungtrafikk på området som aukar slik det er gjeve i framtidig ÅDT for vegen ned til Nygårdsviken 1. Framtidig ÅDT er 980 kjt/døgn med 10 % tungtrafikk, dvs. 49 tunge køyrety ned på området kvar dag. 10 (14) NYGÅRDSVIKEN 1, STØYVURDERING AV NY REGULERINGSPLAN.

11 Figur 4. Illustrasjon som viser det planlagde bygget til venstre. Det nye bygget som er planlagt på området er større enn dei to rubbhallane som står der i dag, og er fire etasjar høgt. Maksimal byggehøgd er på kote +18 m. Figur 4 viser ein illustrasjon av det planlagde bygget. Arealkjelda som representerer støyen på industriområdet vert noko mindre enn ved dagens situasjon. Det nye bygget vil også skjerme for støy mot bustadane aust for industriområdet. 7 Resultat 7.1 Dagens situasjon Figur 5 viser støysonekart for dagens situasjon. Ca. 20 bustadar ligg i gul støysone. Alle bustadane ligg langs vegen. I ei verste dag -utrekning, der det er plassert ein båt ved kai, og denne er representert som ei punktkjelde med lydeffekt L WA = 110 db, kjem ca. 25 bustadar innanfor gul støysone. 7.2 Framtidig situasjon I den framtidige situasjonen er rubbhallane fjerna og erstatta av nytt næringsbygg. Aktiviteten på kaiområdet er den same, men trafikken på vegen er høgare. Ca. 30 bustadar ligg no i gul sone, auken i talet på bustadar i gul sone skyldast den auka trafikken på vegen ned til Nygårdsviken 1. I verste dag -utrekninga ligg no ca. 35 bustadar i gul støysone. Auken i tal på bustadar i gul sone er igjen knytt til den auka trafikken på vegen. 11 (14) NYGÅRDSVIKEN 1, STØYVURDERING AV NY REGULERINGSPLAN.

12 Støynivået aust for det nye bygget vil vera lågare enn ved dagens situasjon sidan det nye bygget vil skjerma meir for støy enn det dagens rubbhall gjer. 8 Vurdering av støysituasjonen Med dei føresetnadane som er gjevne vil ei utbygging i Nygårdsviken 1 gje ca. 3 db auka støy for dei næraste bustadane langs vegen ned til området. Auken kjem av den ekstra trafikken det nye arealet vil generere på tilkomstvegen. Endringar på meir enn 3 db er vurdert som vesentlege etter T Ca. 20 bustadar ligg i dag i gul støysone og ingen i raud støysone. I framtida vil talet på bustadar i gul sone auke til ca. 30. Eitt hus vil koma i raud støysone. Solsletten alders- og sjukeheim ligg ikkje i gul støysone i dag, men vil koma innanfor med den auka trafikken. Støyen frå sjølve industriområdet vil vera lik som i dag og støybelastninga frå industriområdet på eksisterande bustadar vil ikkje verta større. For bustadane aust for området vil støyen verta mindre grunna skjerming frå det nye bygget. Meir detaljert så ligg 11 bustadar i områder med støynivå db og 6 bustadar i områder med støynivå db i dag. I ein framtidig situasjon vil 16 bustadar ligge i områder med støynivå db, 12 bustadar i områder med db og eitt hus i eit området med støynivå 66 db. Ettersom den auka trafikken ikkje gir meir enn 3 db auke i støyen, dreier det seg ikkje om ein vesentleg auke, jf. T Ev. krav om støyisolering og -skjerming langs eksisterande veg vil primært vere knytt til om det vert gjort grep som gjev betre framkome for trafikken. Miljø- og sikringstiltak langs slik veg vil etter Vegvesenet sin policy kunne redusere krav om støyskjerming og -isolering av utsette hus. 9 Referansar 1 Retningslinje for behandling av støy i arealplanlegging, T-1442, Miljøverndepartementet, Environmental noise from industrial plants. General prediction method. Lydtek. Lab, Rapport 32, Lyngby, Håndbok 064: Nordisk beregningsmetode for vegtrafikkstøy. Statens vegvesen, Støyretningsline T-1442, praktisering i Statens vegvesen. Ref. 2004/ NS 8175 Lydforhold i bygningar lydklasser for ulike bygningstypar. Standard Norge (siste utgåve I 2012) 6 Trafikkanalyse Nygårdsviken, av Opus Bergen. 7 Epost-korrespondanse med Kraemer Maritime AS avd. Bergen, v Per Roald Grønbech (14) NYGÅRDSVIKEN 1, STØYVURDERING AV NY REGULERINGSPLAN.

13 Lden [dba] h=4m dba dba dba > 75 dba Figur 5. Støysonekart for dagens situasjon. 13 (14) NYGÅRDSVIKEN 1, STØYVURDERING AV NY REGULERINGSPLAN.

14 Ld [dba] h=4m dba dba dba > 75 dba Figur 7. Støysonekart for framtidig situasjon. 14 (14) NYGÅRDSVIKEN 1, STØYVURDERING AV NY REGULERINGSPLAN.