Barnehageåret

Transkript

1 Barnehageåret Til deg, som har vore her i lag med oss i år. Til deg som vil lese om kva vi har funne på og opplevd. Veldig kort oppsummert fine, våte, triste, kjekke, lærerike, rolige, tøysete dagar i Snøkrystallen småbarnehage. En plass med 11 små som set spor, STORE flotte spor i barnehagen og kanskje set Snøkrystallen spor hos dei små, vi håpar på gode, små og mange fine spor. I AUGUST var det tid for mange tilvenningsdagar. Det er mange små og store som skal bli kjent og få nye venner. Vi brukte dagane til små turar i nærmiljøet rundt barnehagen og til bli- kjent aktivitetar inne i barnehagen. Det er aktivitetar som at alle fekk male, vi tok bilde av alle og dei fekk plass i toget, vi lagde plakatar med bilde av alle barna, då kunne vi sjå og snakke dei. Foreldra fekk med seg ei bok, som skulle bli ei familiebok med bilde av familie, venner, kjente og kjære ting og kjæledyr. Vi song songar med namna til barna og alle fekk sette sine spor på barnehagen vår. Ungane skal bli trygg på faste rutinar og leik i barnehagen. I august hadde vi dagar med sol og varme sommardagar, då var vi ute heile tida og kosa oss i hagen vår. Og det var våte og kaldare dagar som minna oss om at hausten som skal kome. Men vatn er alltid kjekt for små vener i barnehagen. I august har vi dagar fulle med latter og gode kosar, men og tårer og trøst på både kjente og nye fang.

2 Snart var dagane gått og vi kom til SEPTEMBER. No var alle begynt å bli godt kjent. Vi gjekk litt turar til gatene rundt barnehagen. Der såg vi bilar, traktorar og båtar. Vi hadde fine regndagar, som vi brukte til å leike i søledammar, samle vatn i bøtter og blåse såpebobler. Skiftekleda fekk føter å gå på og vi blei våte, og meir våte etter kjekke leikestunder ute i regnværet. I september fekk første gjengen seg ein bibliotekstur. På biblioteket fekk dei utforska speil-tunellen og sjå i bøker. Og i operahuset er det god plass til å springe litt, og ete mat i kantina. Inne begynte vi å få taket på nye songar og fleire kunne være med på song og rørsle. Med mykje regn og våte dagar, var det tid for å lage leikeleire til ettermiddagsaktivitetar. Alle fekk vere med å røre, ha i farge og leike med den ferdige deigen.

3 I OKTOBER vart været litt anna igjen. Vi fekk mange tørre og fine dagar med sol og haustfargar. I hagen såg vi haustfargane og vi såg at fjellet vart gult rundt oss. I pil-hytta vart lauvet gult og hytta vart flittig brukt no. Dei små leika og studerte den og dei vaksne tok den i bruk til å fortelje eventyr, synge og prate. Vi fekk testa litt matematikk ute, når ungane bestemte seg for å snu eine barnebenken opp ned. Mange klatra oppi benken, og dei fann fort ut at man måtte sitte to og to på kvar side. Ein og tre blei velt. Kjekk leik med knall og fall, før ein måtte prøve på nytt. På menyen denne månaden laga vi grønsaksuppe, den kokte vi like godt ute på bålet, mens vi leika oss i det flotte haustværet. Men med kald temperatur i lufta og mange små, gjekk vi inn og åt maten. Då fekk vi ro og varme nok til å nyte den gode suppa ute. Ein roleg oktobermånad med leik, fint og tørt vær og tilvent barnegruppe gjekk mot slutten, og november kom fort. Med NOVEMBER fekk vi haust og vinter om kvarandre. Vi hadde snø, regn, sludd og storm på få dagar. Store søyler å plaske i når vi gjekk tur, slo alltid godt ann. Regnkleda blei flittig brukt og plutseleg vakna vi til vinter. Då fekk vi kjekke dagar med aking, leik og moro ute. Mot slutten av november starta vi på prosjekt hemmelege ting. Då var det julegåveproduksjon som stod i høgsete. Vi laga og litt adventskunst til å dekorere barnehagen med i desember. Alle fekk lage minst ein ting dei kunne gje i presang til mamma og pappa. I år laga dei små porselensskåler måla med klinkekuler og ein snøkrystall til å ha på juletreet i julegåve. Elles laga ungane flotte raude og lilla måla ark, dei vaksne klipte ut hjerte og vottar og så pynta vi treet i hagen med flotte raude hjerte og lilla vottar og lys når vi kom til desember. Også i november gjekk ein gjeng på biblioteket, siste gang før vinteren kom for fult.

4 Vi rakk og litt baking. På menyen denne månaden baka vi eplekake i starten av november og peparkaker i slutten av november. Stemningsmånaden i Snøkrystallen er DESEMBER. Då overraskar dei vaksne alle, med ein lilla barnehage i desember. Barnehagen var pynta med lys, glitter og lillapynt. På puterommet kom Blåfjell på plass og ungane leika og kose seg inne i Blåfjellhula. Ein dag var Blåfjell fult av puter og ein anna dag var der pianoteppe som laga musikk når vi gjekk på det! Vi trakk kalender kvar dag i desember og talde kor mange dagar det var til jul. Vi tenner lys og syng adventsongar og julesongar. Ute pyntar vi treet vårt med flott pynt og lys. Ute var vi heldige med snø og kalde vinterdagar. Då laga vi islykter og is-figurar som vi dekorerte med ute. Og lyktene av is fekk vi bruk for på adventskaffien ein ettermiddag for foreldra. Vi varma saft på bålet, serverte kaffi, mandarinar og barnehagelaga pinnebrød og peparkaker. I desember bytta ein snøkrystall barnehage, og ein ny snøkrystall kom til. I desember prøver vi å ha rolege dagar, med bøker, klossar, songar og leik ute. Vi gjer oss ferdig med å lage ting til desember allereie i november. På den måten får vi berre litt ekstra bonusaktivitetar i desember, som elles kan bli hektisk for mange barn. Vi var i Kyrkja på barnehagegudsteneste i lag med dei andre barnehagane. Også var det grautfest på menyen, der nissen var og sette frå seg ein kjelke full av små pakkar med salte skruar og nonstop sjokolade. I slutten av desember gjekk Karina ut i permisjon for ein lengre periode. Så i etter juleferien fekk vi bli kjent med nye folk på avdelinga.

5 I JANUAR fekk vi ny styrar i barnehagen, Cathrine blei fort populær og glei lett inn i vår barnehage med rutinar og barn. Vi gjekk mot lysare dagar, med solfest og lysare tider. Vi laga ei stor sol på veggen og song solsongar. Sola laga fine og rare figurar på veggane med skuggar og lys. Vi feira sola med fest, sola skein inn på veggen og vi åt solabollar med melis og gul saft. Herleg! Ved Eidselva er der mange svaner som overvintrar, treåringane fekk vere med ned og mate dei med gamle brød og skalkar. Ein periode i januar var isen som la seg på fjorden trygg. Treåringane fekk prøve seg litt ut på isen ved flytebrygga i småbåthamna. Isen var veldig spennande, den måtte både klappast, kjennast og smakast litt på. Alle la seg ned på magen for å studere og åle seg utover. Nokre prøvde å gå, men vintersko og vinterstøvlar er glatte på isen. Så det blei nokre fine landingar på bleierumper. Inne gjekk vi gang med å lage skriftspor. Songar og vers fekk komme på veggen som både ord og bilder. Nye bøker vart henta fram frå boda vår og det var kjekt. I lysekrona vår fekk alle forbokstavane våre plass, og det var kjekt. No kan vi peike på bokstavane til kvarandre. På badet fekk og skriftlandskapet komme fram, vi fekk mange do bøker. Det er bøker som har sin siste reis dit, før dei går i bosset. Veldig kjekt med lesestoff når vi sitt på potta. Skuffene våre på badet fekk bilde av kvart barn og namnet. Det er og med på å lære oss å kjenne namnet vårt. Sia mange barn ofte leikar på golvet og krabbar under stolane våre i barnehagen, har vi limt bilde frå bøkene om Makkus, veslefanten og Kanin. I januar har vi vore prisa med kaldt og flott vintervêr i store delar av januar. Is på leikeplassen har amputert uteleiken litt. Men vi har kosa oss på det området som har vore isfritt.

6 Plutseleg var FEBRUAR på plass. Og vi starta å ane at vi gjekk mot vår. I februar fekk vi både snø og sol, is i haugevis og regn. Og etter regnet kom nye frostperiodar. Vi fekk problem med frosne dreneringsgrøfter, det førte til tjukk is i heile hagen vår. Men etter kvart har den tina meir og meir før snøen igjen la seg oppå restane. Med sol på ettermiddagane har vi stort sett vore ute med mange timar i frisk luft og betre plass. På regnværsdagar har vi brukt dagane til leik på puterommet, dans og songstunder. Vi har lese bøker om Makkus og veslefanten og Gruffalo har vore spennande. Ein heil gjeng har vore med å male bilde til boka Gruffalo. Av maleria har vi laga ein teikneserie om Gruffalo. Maleria er frå barna og dei vaksne har klipt ut figurane før vi laminerte bilda. Vi rakk nesten ikkje å tenke på februar før vi var i gang med MARS, Ute har vi hatt litt vårkjensle, før vi plutselig sto opp til 40cm nysnø, og ti minusgrader. Kjempe kjekt!

7 Ungane måka, brøyta og kosa seg i puddersnø. Det lava ned med snø heile formiddagen. Dagen etter fekk vi sol og kaldt fint vær. Inne las vi bøker, nokre av bøkene har fått plass på ei snor i taket. Og vi har laga bøker som vi kan ha med på tur, dei er kopiert og laminert og er klare for både regn og ruskevêr. Vi gjekk nokre småturar med post til Else som av og til har vore vikar. Så har vi vore litt til enden av gata og leika på snuplassen med både søyler og is. I mars var påska innom for ein visitt. Vi laga flotte kyllingar og planta karse i glas. Ute i treet vårt hadde vi pynta med flotte måla egg, dei var laminert og tålte både sol, regn og snø. Egg i treet ute er tradisjon i snøkrystallen kvart år. Spesielt kjekt var det å følje med på frøa som spirte og vart til flott grøn kars på berre nokre dagar. Vi song om kyllingen i egget og gleda oss til påskeferien. Og tida fyker av gåre, dagane har vore lyse, lette, kalde og fulle av sol. Vips er APRIL på plass. Vi brukar dagane ute, vi er ute så snart vi kan. Etter ein tøff vinter for plenen vår, går vi ein del tur og deler av leikeplassen en del. Vi vil så gjerne ha grønt gras til sommaren og hausten, ikkje berre sand og gjørme. Bøtter, spadar og bilar er mykje i brukt. Nokre må skruast litt på og andre må køyre tunge lass når våren var på plass. Dei kostar og ryddar etter vinteren i lag med dei vaksne. No når det kom plussgrader og nattefrosten forsvann pynta vi ute med påskeliljer i eit par gamle barnestøvlar. Til stor forundring for ungane og glede for dei vaksne. I april fekk treåringane prøvt seg på å ete vårens og årets første måltid ute i barnehagen ein ettermiddag. Det var kjekt. Vi kosa oss i solveggen med matpakken vår. Vi fekk og nokre turar i april, på øvste svingen i Myklebuståsen, ser vi heile verda, i alle fall sentrum, med bilar og vegar og store køyretøy. Vi såg på fjorden som var speilblank og ein båt som låg i sola utpå fjorden.

8 I MAI fekk vi snø. Det var så store snøfnugg at ungane gret, når vi var ute. Vinterdressar, votter og varme klede måtte fram igjen. Barnehagen låg kvit, og vi laga spor og gjekk småturar i snøen. Heldigvis tina den fort, og vi fekk berre bakkar igjen. I mai har det vore mange helgedagar og lange helgar. På kvardagane har vi nytta dagane ute så sant været har vore bra. I starten av mai laga vi fullkornspasta i fløtesaus med kyllingkjøttbollar og grønskaer til. Alle kosa seg med maten og raskt var det tomt for både kjøttbollar og grønsaker! Det har vore lese bøker og mange songar har vore kjekke til å hoppa og danse litt. Plutseleg var vi klar for vårfesten som er tradisjon for kvart år. Då gjekk vi i tog i Eid sentrum i lag med alle dei andre barnehagane og alle skulekorpsa. Vel heime i barnehagen hadde ein liten gjeng steikt pizza, blanda saft og dekka bordet. Alle kosa seg med maten og sovna fort. Vi fekk is etter kvilen og det var godt. Vårfesten vart feira i sol og fint vårvær. Og mot slutten av mai fekk vi sol og varme, sommartempratur med leik unger hageslangen litt is og mykje solkrem! No går vi mot ei tid med små utflukter, og lengre turar. Nokre sluttar i barnehagen og nokre skal begynne å bli kjent på større avdelingar. I Snøkrystallen lagar vi klart til sommarfest som skal vere i slutten av juni. Då skal vi lage til ei lita utstilling og kose oss med pølser, frukt og saft. Alle som skal slutte får bilde cd og permen sin med mange fine skattar. Alle som skal vere med oss vidare får med seg sin del av kunstustillinga. Takk for i år alle saman! Mange spor er laga i Snøkrystallen også i år!