Kommunedelplan for Beitostølsområdet. Konsekvensutgreiing. - jf. planprogram vedteke 18/ Mars

Transkript

1 Kommunedelplan for Beitostølsområdet Konsekvensutgreiing - jf. planprogram vedteke 18/ Mars 2010 Øystre Slidre kommune - 1 -

2 Innhaldsliste 1 Enkel planskildring Enkel konsekvensutgreiing Einskilde byggeområde Samla utbyggingsomfang Foreslåtte skitrekk og alpine nedfartar Barns interesser Risiko og sårbarheit Vedlegg: Bilete og 3D-animasjonar over skitrekk og gondol Eignaheitsvurdering av einskilde byggeområde Vurdering av andre innspel om byggeområde 1 Enkel planskildring Planforslaget sin hovudstruktur er slik: Tilrettelegging for utbetring av langrenns- og turvegnettet og aktivitetsområde ved vatn. Bustadområde i sentrum (B4-B5) og inntil eksisterande bustadområde ved sentrum (B1-B3 og B6) Høve til spreidd bustadbygging i Beito og Lykkja Sentrumsfunksjonar i sentrum. Fortetting. Tilrettelegging for ski inn, ski ut. Nytt større alpin- og leiligheitsområde med servicefunksjonar og alpinparkering i Størrtjednlie (A6/L6) sørvest for sentrum, der alpinområda heng saman med sentrum. Hytteområde i utkanten av dette i vest (H3). Tilrettelagt for ski inn, ski ut. Høve for alpin samanbinding til Rauddalen, med Tåbakke-Blåhøvda som viktig mellomstasjon med alpin (A7) - og store hytteområde (H8-H13) tilrettelagt for ski inn, ski ut. Trafikken til og frå nye byggeområde kan skje utanom sentrum, langs Beitovegen eller Finntøppvegen. Nye parkeringsplassar fangar opp alle innfartsårer til alpin-områda slik at lite av alpin-parkeringa treng skje i sentrum. Forlenging av eksisterande hytteområde på sørsida av Rv. 51 mot nordvest (H5-H7). Alle nye byggeområde skal ha turveg og skiløype inntil Fjellgrensa i gjeldande kommunedelplan, som skal vere ei langsiktig utbyggingsgrense mot fjellplatået, består. Unntaka er at grensa er endra noko ved båe endane. Det er to alternative forslag til plankart. Skilnaden mellom alternativa er at alternativ 2 legg til rette for gondol frå Beitostølen til Rauddalen gjennom Beito og skitrekk for barn ved skistadion. Dette inneber også at byggeområde H2 og skitrekket S8 utgår. Alternativ 1 legg til rette for fylgjande nye byggeområde i tillegg til byggeområda i gjeldande plan: - 2 -

3 Leiligheitsområde Hytteområde Bustadområde Bustad leiligheiter Sum daa Ca sum einingar Planen viser Skjenhauglie (Sentr1) og området rund Bergo hotell- Hegge leiligheiter (Sentr2) for sentrumsutvikling (bilfrie miljø og multiple føremål), nokre område (HB1-HB2) mellom Beitostølen handelshus og Stølstunet som mogleg konvertering frå hytte og leiligheitsområde til forretning (bilbasert handel) og eit område ved Øyangen (C1) som ferie- og fritidsområde (mogleg camping- og aktivitetsområde). I Skjenhauglie (Sentr1) er det eit betydeleg langsiktig utbyggingspotensial for leiligheiter, hotell, bustader, forretningar og servicebygg. Men utbyggingspotesialet i dette området er uendra i høve gjeldande plan. Forslaget legg til rette for mange byggeområde som det ikkje har kome innspel på frå næringa eller grunneigarane. Dette gjeld alle bustadområde unnateke B1, sentrumsområda, forretningsområda( HB1-HB3), Områda for tenesteyting barnehage (BH1-BH2), område C1, og ein del av hytteområda ved Tåbakke (H8, H9, H11, H13) og Garli (H7 og del av H5). Planen legg til rette for 11 nye skitrekk i tillegg til det som er heimla av føremålet i A4 og A6/L6. Alternativ 2 har 11 nye skitrekk og ein gondol. Berre S1, S5, skitrekk ved skistadion og gondolen er resultat av innspel frå næringsaktørar. Planen viser ingen nye tiltak på dyrka mark og ingen nye byggeområde innan kulturmiljøet for stølane. Når det gjeld det som er att av eldre kulturmiljø på Beitostølen, er eit større samanhengande stølsmiljø sikra gjennom reguleringsplan for B20 Dalestølen (mellom HB2 og SP1), som fortsatt skal gjelde. Andre eldre bygningsmiljø i sentrum er fragmenterte, og vi opnar for å kunne samle slike bygg i ein stølspark, SP1. Fellesgode som turløyper og aktivitetstilbod er tenkt gjennomført gjennom føresegner om felles planlegging, rekkefølgeføresegner og utbyggingsavtaler. Planforslaget er ekspansivt i denne fasen. Vi har ein lang planhorisont for å sikre dei viktige føremåla bustadområde, sentrumsfunksjonar, forretningar, alpinområde og skitrekk og ferieog fritidsområde. 2 Enkel konsekvensutgreiing 2.1 Einskilde byggeområde Vi viser til vedlagt eignaheitsvurdering for konsekvensutgreiing av dei einskilde byggeområda for fritidsbustader, ferie- og fritidsføremål og bustader. I denne er også innspel og nokre andre område vurderte. 2.2 Samla utbyggingsomfang I gjeldande plan og regulerte område har vi fylgjende reserve: - 3 -

4 Leiligheitsområde Hytteområde Bustadområde Bustad leiligheiter Ca sum einingar Utbyggingstakt i i planområdet har vore om lag slik: Leiligheiter Hytter Bustader Bustad leiligheiter Tal einingar årleg i Med fylgjande utbyggingstakt gir forslaget til kommunedelplan (jf. tabell i kap. 1 ovanfor) og eksisterande planreserve utbyggingsmoglegheiter i fylgjande tal år: Leiligheiter Hytter Bustader Bustad leiligheiter Utbyggingstakt tal einingar årleg framover Tal år samla planreserve Av dette kan det synast som planen legg til rette for utbygging som strekker seg langt utover planperioden sin tidshorisont. Men planen viser store område som er vanskelege å realisere på kort sikt av ulike årsaker: Leiligheiter og hotell: Om lag halvparten av dei stipulerte leiligheitene er i Skjenhauglie (Sentr1) der grunneigartilhøva med mange eksisterande små hytteeigedommar gjer at det kan gå lang tid før realisering av leiligheiter. Ein stor andel er også i Størrtjednlie (A6/L6) som er tungt å realisere grunna store krav til felles planprosess og grunnlagsinvesteringar i skitrekk mv. Hytter: Halvparten av arealet tilhøyrer grunneigarar som ikkje har kome med innspel. Fleire av desse er truleg ikkje interesserte i utbygging no. Bustader: I mesteparten av desse areala yskjer grunneigarane utbygging til hytter eller leiligheiter for fritidsmarknaden grunna høgare råtomtpris. Dei kan vurdere det som rasjonelt å avvente utbygging og søke å få avsett areala til hytteområde ved seinare høve. 2.3 Foreslåtte skitrekk og alpine nedfartar Heisar og gondolar har visuelle ulemper og kan i tillegg ha ulemper for nabolaget i form av støy og innsyn. Fjernverknad For å minimere fjernverknaden bør skitrekk og nedfartar i størst mogleg grad lokaliserast til dalar og søkk i landskapet medan åsryggar bør unngåast. Slike installasjonar er ein del av eit reisemål men er framandelement og bør ikkje bli dominerande i bygdemiljø som Beito og Lykkja. Dei eksisterande skiheisane på Beitostølen er plasserte i ein stor kvelv i landskapet, i kjerna av reisemålet og er slik sett gunstige. S1, S2 og S4 ligg i same kvelven. Vedlagt er fleire bilete og tredimensjonale animasjonar som illustrerer S5 og S8. I desse er høgdesetjinga tilnærma rett, medan tiltaka nok er meir framtredande og tydelege på bileta enn det som faktisk ville bli tilfelle. Dei tredimensjonelle animasjonane har førebels dei ulempene at verknaden av vegetasjon ikkje er med og dei er baserte på 25 m grid, noko som gjer at mange detaljar i landskapet ikkje kjem med

5 Naboskap Skitrekk og gondol har visuelle ulemper og gir støy og innsyn mot hytter og bustader inntil. I høve kvalitetar som ro og fred og privatliv kan ulempene vere svært store, spesielt til tider då folk oppheld seg mykje utandørs. Heisar med heilårs bruk eller gondol gir såleis langt større ulemper enn skitrekk som berre går om vinteren. Skitrekk med nedfart i nabolaget har den positive effekten at det blir lett tilgang til alpintilbodet ( ski in ski out ). For fritidsbustader kan denne effekten vere betydeleg og gi auka marknadsverdi, medan effekten er meir tvilsam for bustader. Ein rein transportheis eller ein gondol har ikkje denne positive effekten. Såleis er det stor skilnad på heisar med heilårs bruk og reine skitrekk, transportheis og heis med nedfart, og fritidsbustad og bustad. Ein gondol inntil bustader er såleis langt meir konfliktfylt enn eit skitrekk med nedfart inntil hytter. Referanse teknisk eignaheit Eksisterande trasear på Beitostølen og i Rauddalen har følgjande data: Ola-ekspressen: Lengd: 638 m, topp-punkt: 1020 moh, høgdeskilnad: 119 m, gjennomsnittleg fall: 19 %. Stolheisen: Lengd: 745 m, topp-punkt: 1032 moh, høgdeskilnad: 128 m, gjennomsnittleg fall: 17 %. Knausen-sentrum: Lengd: 1149 m, topp-punkt: 1100 moh, høgdeskilnad: 199 m, gjennomsnittleg fall: 17 %. T-krok Rauddalen: Lengd: 1268 m, topp-punkt: 1055 moh, høgdeskilnad: 343 m, gjennomsnittleg fall: 27 %. Stolheis Rauddalen: Lengd: 1288 m, topp-punkt: 1025 moh, høgdeskilnad: 316 m, gjennomsnittleg fall: 24 %. S5, Størrtjednliheisen Lengd: 1310 m, topp-punkt: 1032 moh, høgdeskilnad: 209 m, gjennomsnittleg fall: 16 %. Den delen av heistraseen som ligg ovanfor kryssinga med turveg ligg også inne i gjeldande kommunedelplan. Når det gjeld fjernverknad har S5 ei svært lite gunstig plassering oppå ein markert rygg. I tillegg må traseen krysse riksvegen, noko som inneber at det må vere ein konstruksjon med 5 m fri høgd over riksvegen og at terrenget på yttersida av denne må løftast tilsvarande. Traseen og heisen vil bli eksponert og dannar horisont sett frå sentrum. Mest framtredande blir fjernverknaden frå områda ved skistadion og ved Beitotjednet. Dei visuelle ulempene av tiltaket blir reduserte gjennom at områda rundt er bebygde frå før og horisontlina allereie er broten av bebyggelse. Når det gjeld naboskap er det 15 hytteeigedommar inntil traseen, heilt inntil området som er foreslått avsett til idrettsanlegg (nedfart) og m frå sjølve heistraseen. Tre av desse er inntil botnstasjonen. Heisen vil også ha effektar for rundt 30 andre hytteeigedommar inntil. Då hyttene vart etablerte var traseen sett av til LNF-område. Hytteområdet på nedsida av riksvegen, Møsasvøo, var i etableringsfasen då gjeldande kommunedelplan vart godkjent og det vart opna for alpintrase her. Gjennom den innleiande planfasen er det målbore sterk kritikk frå hytteeigarane i området og velforeninga. Likevel kjem dette i kategorien skitrekk - 5 -

6 med nedfart inntil hytteområde, som vi reknar som mindre konfliktfylt av di området vil få ski in ski out. Størst ulemper får truleg ein hytteeigedom inntil det området som må fyllast opp på nedsida av riksvegen. Denne eigedommen er foreslått avsett til fritids- og turistføremål. I gjeldande plan kryssar heisen ikkje skiløypa grøn 1, som er vurdert som Beitostølens viktigaste skiløype der folk kjem seg snøgt ut i det som blir opplevd som urørt natur. I dette planforslaget vil turvegen kryssast av heis og nedfartar og naturopplevinga frå turvegen blir klart redusert. Størrtjednliheisen (S5) blir Beitostølens lengste nedfart med størst høgdeskilnad, har ingen svært bratte eller for slake parti og går i ein trase med flott utsikt. Heisen er vurdert som nøkkelen for utvikling i Størrtjednlie (A6/L6) og er viktig for reguleringsplanområdet for Markahøvda der reguleringsplanen som har vore ute til offentleg ettersyn viser om lag 200 nye hytter og eit areal på ca 25 daa til leiligheiter. Denne utviklinga bidreg i sin tur til auka alpintilbod og barneaktivitetar nær sentrum, avlastar biltrafikken i sentrum og gir stort utbyggingspotensial. Den øvre og mest konfliktfylte delen i høve fjernverknad og naboskap er dessutan allereie avklara i gjeldande plan. Heisen er ein lekk i ei eventuell alpin samanbinding mellom Beitostølen og Rauddalen. S6 Utgår som eiga nemning i planen. Er innlemma i føremålet i A6/L6 S7 Lengd: 586 m, topp-punkt: 916 moh, høgdeskilnad: 101 m, gjennomsnittleg fall: 17 %. S7 er godt skjerma bortsett frå topp-punktet. Topp-punktet er inntil eit utsiktspunkt på den viktige turvegen, grøn 1 og reduserer naturopplevinga i denne løypa. Botnpunktet er omgitt av hytter. Tre av desse hyttene er nærare enn 100 m unna, den næraste 50 m. Heisen bidreg til eit større alpinområde ved Størrtjednlie og større andel av byggeområda med god ski in ski out. Området ved heisen er godt teknisk eigna for alpint. S8 Lengd: 2460 m, høgaste punkt: 916 moh. S8 er tenkt som ein transportheis båe vegar, eventuelt gondol. Det inneber at det ikkje skal opparbeidast nedfartar i samband med denne og at trevegetasjonen kan takast vare på utanom sjølve heistraseen. Traseen er lagt oppå platået ovanfor Beito slik at han i liten grad er synleg frå dei offentlege vegane og bebyggelsen der. 3D-animasjonane syner dette. Unntaka er der traseen kryssar tverrgåande dalar og søkk og vil bli synleg over kortare strekk. Frå nord er situasjonen annleis. Frå dei eksisterande hytteområda i Stakkstølie, riksvegen i området, reguleringsplanområdet for Markahøvda, eksisterande og foreslåtte turvegar mellom Størrtjednlie og Beitotjednet blir traseen eksponert, fleire stader mot horisont. Bortsett frå høgspentlinene, som går fram av plankarta, framstår området som urørt i dag. Hyttene i reguleringsplanområdet for Lykkjetjednet ligg tettast inntil traseen, med to hytter inntil 90 m frå

7 S8 er ein lekk i ei eventuell alpin samanbinding mellom Beitostølen og Rauddalen og er vurdert som det minst konfliktfylte og mest kostnadseffektive tiltaket for å binde saman Størrtjednlie og Tåbakke-området alpinmessig. Eit alternativ til S8 er tre skitrekk med sklitrasear mellom. To av desse ville måtte gå ned til bygda i Beito og alle tre med nedfartar ville bli noko eksponerte mot bygda. Området er teknisk eigna for alpint men transporttida mellom Størrtjednlie og Tåbakke ville bli forlenga og løysinga ville bli langt dyrare. S9 Lengd: 522 m, topp-punkt: 934 moh, høgdeskilnad: 97 m, gjennomsnittleg fall: 19 %. Denne heisen er synleg frå delar av Beito men er, bortsett frå ved toppunktet, plassert i eit dalsøkk og vil i liten grad bli eksponert mot horisont. Hyttene i reguleringsplanområdet for Lykkjetjednet ligg tettast inntil traseen. Næraste hytte ligg inntil 75 m frå heistraseen og 25 m frå arealet foreslått sett av til idrettsanlegg (nedfart). S9 er ein lekk i ei eventuell alpin samanbinding mellom Beitostølen og Rauddalen og vil gi ski in ski out i reguleringsplanområdet for Lykkjetjednet som ikkje er ferdig utbygd. S10 Seksjon nord: Lengd: 1117 m, topp-punkt: 918 moh, høgdeskilnad: 205 m, gjennomsnittleg fall: 18 %. Denne heisen er tenkt som ein stolheis i to seksjonar, der den sørre delen er transportheis begge vegar som må fortsetje inn i Vang kommune og Rauddalen. Traseen på Øystre Slidresida er godt skjerma og ligg langt frå eksisterande hytter og bustader. Men denne og nedfartane går gjennom ei hensynssone for bevaring av naturmiljø der det er påvist verneverdiar av regional til nasjonal verdi. Det må til nærare undersøkelsar, gjennom reguleringsplan-prosessen, for å finne optimal plassering av trasear for ivareta desse verdiane i størst mogleg grad. Artsmangfaldet i området inkluderer lyselskande planter som ikkje nødvendigvis blir negativt påverka av opne trasear dersom dette blir gjort rett. Alpintrasear påverkar ofte lokalklimaet ved at kaldluft blir drenert nedover langs desse. Truleg vil ikkje denne effekten gjere seg gjeldande her i særleg grad, då området er ein enkelt topp der det dannar seg langt mindre kald luft enn på eit større fjellplatå. S10 er ein lekk i ei eventuell alpin samanbinding mellom Beitostølen og Rauddalen og vil gi ski in ski out i reguleringsplanområdet for Grønolslie som ikkje er utbygd og det foreslåtte H13. Området langs S10 og mot S9 er godt teknisk eigna for alpin. Alternativ til S8, S9 og S10 Heisane S8, S9 og S10 kan erstattast av ein gondol med mellomstasjon ved Lykkjetjednet. Lengda av denne gondolen inklusive parsellen i Vang kommune ville vere 5300 m. Denne ville gjere samankoplinga mellom Størrtjednlie og Rauddalen meir effektiv. Ulempene er større kostnad og den vil ikkje bidra til ski in ski out i reguleringsplanområdet for Grønolslie og H12 og H13. S11 Lengd: 532 m, topp-punkt: 925 moh, høgdeskilnad: 89 m, gjennomsnittleg fall: 17 %

8 S11 vil gi ski in ski out i store delar av områda H8, H9 og H10. Tiltaket er i fareområdet ved Beito skytebane og måtte avstemmast i forhold til bruken av skytebanen. S12 Lengd: 803 m, topp-punkt: 918 moh, høgdeskilnad: 138 m, gjennomsnittleg fall: 17 %. S12 er synleg frå Lykkja, jf. vedlagt bilete og nedre delen av traseen er lokalt viktig naturtype (C) mop. biologisk mangfald. Heisen vil gi ski in ski out i H12. Området langs denne er godt teknisk eigna for alpin. Heisen mogleggjer ei utviding av alpintilbodet mot lisida aust og nord for Lykkja dersom det er ynskjeleg på lang sikt. Gondolen i plankart alternativ 2 Lengd: 4600 m. Mellomstasjon med mogleg av- og påstigning ved Størrtjednlie. Når det gjeld fjernverknad vurderer vi inngrepet i landskapsrommet i Beito med sitt kulturlandskap som konfliktfylt. Kommunen, Vang kommune, eit samla reiseliv og grunneigarane i området gjekk nyleg sterkt imot eit forslag om ei høgspentlinje i luftstrekk i delar av det same området. Når det gjeld naboskap har vi fylgjande situasjon: Nærast Beitostølen (i Menkelie) går traseen mellom fleire hytter, men i ein trase som har vore avsett til alpin i kommunedelplanar og reguleringsplanar i lang tid. Når vi kjem ned til Beito er traseen under 100 m frå tre bustadhus og fem hytter. Næraste bustad ligg 25 m unna. Gondoltrasear så nær bustader blir vurdert som svært konfliktfylt. Traseen er også konfliktfylt i høve til viltinteresser i myrområdet nord for Øyangen. Området er viktig hekkeområde for trane. Ein gondol frå Beitostølen sentrum til Rauddalen bitt saman Beitostølen og Rauddalen på ein effektiv måte med overfartstid på 13 minutt og er ynskjeleg frå heisselskapet si side. Det vil i følgje heisselskapet løfte alpinproduktet opp ein divisjon. Med mellomstasjonen med av- og påstigning ved Størrtjednlie og nedfart med planfri kryssing av riksvegen i traseen for S5 kan delar av Bjødnabakkadn, Stakkstølie, Markahøvda og Størrtjednliområdet utviklast med tilnærma ski in ski out funksjon utan at Størrtjednliheisen (S5) treng byggast. Barneskiheis ved skistadion i alternativ 2 Lengd: ca 200 m, høgdeskilnad: ca 30 m, gjennomsnittleg fall: ca 15 %. Forretningsideen er basert på at det er behov for eit betre alpintilbod for barn, og at ein ynskjer auka bruk av parkeringsplassar og bygningsmasse ved stadion-området. Ein del av world-cup-traseen for langrenn, som er lite i bruk utanom dei store arrangementa, kan nyttast til nedfart. Innvendinga mot forretningsideen er at ein barneskiheis må samlokaliserast med resten av alpinproduktet både med tanke på nytten og opplevinga for brukarane og økonomien i anlegget. Det er ikkje mogleg å kople dette arealet saman med resten av alpintilbodet. Den aktuelle heisen og nedfarten er også for bratt for nybyrjarar og har same vanskegrad som eksisterande skitrekk og nedfartar i sentrum. Kommunedelplan forslaget legg til rette for andre sentrale og gode barneski-område både i A3/A4 (inntil dagens botnstasjon i sentrum), A2 (Bergojordet) og A6/L6 (Størrtjednlie)

9 Konfliktpotensialet ved tiltaket er: Landskapsrommet ved Øbbørtjedn blir opplevd som forholdsvis urørt. Området kan utviklast som eit heilårs friområde og aktivitetsområde ved vatn. Omfattande biltransport blir nødvendig til og frå anlegget. Tiltaket vil kunne ta unna noko av marknaden for tilsvarande ønska tiltak nær sentrum. Det at det både er konflikter og er høgst tvilsamt om tiltaket er økonomisk drivverdig gjer at vi i utgangspunktet vil frårå tiltaket. Denne er likevel vist i plankart alternativ 2 slik at vi kan få kommentarar ved offentleg ettersyn. 2.4 Barns interesser Sektorsjef for skule og barnehage er oppnemnt som barns representant i planarbeid og er medlem i intern referansegruppe for kommunedelplanen. Barnefamiliar er definert som den viktigaste kundegruppa for reisemålet Beitostølen. Næringssatsinga i planen dreier seg difor i høg grad om å legge til rette for gode miljø og gode attraksjonar for barn. Utslag av dette er tilrettelegging for gang- og sykkelvegar, bilfrie miljø og turstigar til alle nye byggeområde. Dei foreslåtte nye bustadområda har alle god tilgang til trygge og varierte område for leik og aktivitetar. Einast i Sentr1 kan dette vere ei utfordring som må ivaretakast gjennom reguleringsplanarbeidet. Ved utviding av bustadområda ved Stølslie (B1-B3) må ein ta omsyn til eksisterande leikområde i reguleringsplanarbeidet. Trafikk Mange barn lenger sør i kommunen og i andre kommunar bur i kort avstand til riksveg 51. Riksvegen er allereie med dagens trafikkmengd ueigna å ferdast langs for barn, men dei må opphalde seg ved denne ma. ved av- og påstigning av skulebuss. Meir byggeområde og høve for meir aktivitet og fleire tilreisande til Beitostølen gir auka biltrafikk og medfølgande auka ulemper og minka tryggleik. I planområdet er det berre eksisterande bustadfelt i Stølslie og dei foreslåtte B1-B3 som soknar direkte til riksvegen. Der er det opparbeidd gang- og sykkelveg-struktur og gjeldande reguleringsplan legg til rette for busshaldeplass utanom riksvegen. Planforslaget med hytteområde ved Tåbakke inneber også auka trafikk langs Beitovegen og Beitestølsvegen. Det gir ulemper for barn som bur langs desse vegane. Det regulerte bustadfeltet Beitohagin ligg ved Beitovegen

10 3 Risiko og sårbarheit Vi ser fylgjande relevante område når det gjeld risiko og sårbarheit: Flaum, ras og radon. Flaum Planområdet har ingen store vassdrag og topografien er gunstig utan store flater inntil elve- og bekkeløp og liten risiko for at vassdrag skal skifte løp. Størst vassføring har elva Rauddøla og Øyangen. Ved kombinert 1000-årsflaum og dambrot ved Olevatn (nørre i Vang) er vasstanden ved Øyangen berekna til kote 679. Føresegnene forbyr oppføring av bygg til varig opphald i denne sonen. Dei nedre delane av område H13 ved Rauddøla må undersøkast nærare i denne samanhengen. Alle nedslagsfelt til vassdrag i planområdet er berekna ut frå 1 m høgdekoter. Større nedslagsfelt og nedslagsfelt inntil bygge- og aktivitetsområde er lista opp nedanfor. Nedbørfelt Byggeområde inntil Liter / sek ved km 2 1 mm nedbør / time Topografi mot byggeområde Andel myr i nedslagsfelt % Tverråne 10.9 H11, eksisterande 3017 Gunstig 20 Lykkjetjednet 0.4 P6 107 Utsett 20 Bekk ved tilkomstveg H8 0.1 H8 41 Tilkomstveg utsett 10 Pyttingtjedn 3.1 H8 868 Gunstig 20 Bergaåne 3.4 H3, H4, eksisterande i Beito 938 H3 gunstig, obs. ved opparbeiding av tilkomstveg. H4 og eks. litt usikker 20 Hansanetjedn 3.0 B6, eksisterande 831 Gunstig 15 Øbbørtjedn 0.8 Aktivitetsområde 231 Gunstig 15 Bamselitjedn 4.1 Eksisterande aktivitetsområde 1141 Utsett 15 Oleåne ved Javnin 25.9 Ingen H3, H4 og H5 medfører drenering av noko myrområde (anslagsvis 20 daa) i nedslagsfeltet til Bergaåne. Ingen foreslåtte alpinområde er i nærleiken av vassdraga. Ras Område med over 30 0 helling og område som etter NVE sine kart er utsette for steinsprang og nedslag er avsette til fareområde i planen. Vi ser ikkje at ras er nokon fare i eksisterande eller foreslåtte byggeområde eller samferdsleliner i planen. Radon Statens strålevern har i 2009 vedteke å endre sine tilrådingar for radon. Strålevernet tilrår at tiltak alltid bør utførast når radonnivået i eitt eller fleire oppholdsrom overstig 100 Bq/m 3 og at radonnivå alltid skal være lågare enn ei maksimumsgrense på 200 Bq/m 3. I Beito og på Beitostølen kjenner vi til 16 gjennomførte målingar. Gjennomsnittleg nivå på desse er ca 75 Bq/m 3. Høgste kjente verdi er 337 Bq/m 3 i Beito og 191 Bq/m 3 på Beitostølen. Nett no pågår ei større undersøking som vil gi betre data om dette

11 Dette viser at radon er ei problemstilling i området og må takast omsyn til. Det er ikkje mogleg å måle radonnivå før bygg er bygde. Kommunen stør seg til strålevernet som tilrår radonforebyggende tiltak ved all nybygging for å sikre eit så lågt radonnivå som mogleg