I dette dokumentet er merknader ved 1. offentlege ettersyn av kommunedelplanen for Beitostølsområdet refererte og oppsummerte.

Transkript

1 MERKNADER VED 1. OFFENTLEGE ETTERSYN I dette dokumentet er merknader ved 1. offentlege ettersyn av kommunedelplanen for Beitostølsområdet refererte og oppsummerte. Innhaldsliste Innhaldsliste... 1 MERKNADER FRÅ OFFENTLEGE INSTANSAR... 1 MERKNADER FRÅ PRIVATE:... 2 OPPSUMMERING AV MERKNADENE Gondolen i alt S5, Størrtjednliheisen Barneski-område S8-S Bustadområde Hytteområde Fritids- og turistføremål Forretningsområde (bilbasert handel) og næringsverksemd (industri) Turvegar Varmestover Kategoriar av LNF og hensynssoner Universell utforming MERKNADER FRÅ OFFENTLEGE INSTANSAR Merknadene frå Fylkesmannen i Oppland, Oppland Fylkeskommune og Statens vegvesen er lagt ved og ikkje refererte. Direktoratet for mineralforvaltning 07/ Direktoratet ber kommunen vurdere å setje av deponiområde for reine massar nærare utbyggingsområda i planen. Når det gjeld Ma1 og Ma2 bed dei om at det blir formulert eit krav om reguleringsplan før nye råstoffområde blir tekne i bruk eller eksisterande uttak blir vesentleg utvida. Vang kommune 07/ , 257 Merknader ved 1. gongs offentlege ettersyn. Referat og oppsummering. 1

2 Hovudutval for utvikling i Vang kommune ser det som positivt for utviklinga i Rauddalen at det er tenkt løysingar for å binde saman områda med gondol. Dei vil arbeide for innarbeide desse planane i sine arealplanar. Norges vassdrags- og energidirektorat (NVE) 07/ Kommunedelplanen bør skildre vassdraga sin fleirbruksverdi. Langs vassdraga skal det sikrast eit vegetasjonsbelte som motverkar flaum, avrenning og erosjon og gir plass for planter og dyr. Breidda på desse vegetasjonsbelta bør gå fram av føresegnene, og det bør vere krav om reguleringsplan for tiltak i denne sonen. NVE rår elles til at bekker og vassdrag ikkje bør lukkast men vere opne. Dette mop. planteog dyreliv, sjølvrensing, vatn som attraksjon for folk og fare for tilstopping og flaum. MERKNADER FRÅ PRIVATE: Erik og Kjell Arne Heggom 07/ Stølsjordet på deira eigedom gnr. 4, bnr. 2: Denne delen av eigedommen er foreslått til hytteområde H1 og LNF-område. Dei ynskjer området avsett til byggeområde for bustad då Kjell Arne Heggom ynskjer å busetje seg der. Dei ser ikkje behov for friområde på den vestre delen av eigedommen og ser det som urimeleg at dei må halde areal til eit friområde. Peter Paaske 07/ H1 og B3: Desse områda har tidlegare vore regulert til friområde. Dei vil no få bustadfelt mellom seg og høgfjellet, som vil redusere kvaliteten av deira område og endrar føresetnaden i høve til då dei etablerte seg. Området er rikt på dyreliv og det fins gamle hustufter i området. Paaske skildrar området som eit unikt naturområde. Unn og Ove Lange 07/ S5 og S3: Toppstasjonane på desse skiheisane vil bli ruvande og skjemmande. Saman med anleggsveg og kablar for elektrisitet vil dette gi store inngrep i verdifullt turterreng. Traseen S5 går over deira tilkomst til høgfjellet og vil redusere deira tilgang til turterrenget. Merknader ved 1. gongs offentlege ettersyn. Referat og oppsummering. 2

3 Ove Andersen, Nils A. Dale, Bjørn M. Clason, Jan Røvang, Bjørn Santi 07/ Fortetting av eksisterande hytteområde i Lie, Beito: I dette området ligg det 3-4 klynger med eldre hytter. Dei meiner planen burde opne for ei forsiktig fortetting og utviding. Områda er godt eigna for hyttebygging med flott utsikt. Ei forsiktig fortetting vil ikkje vere konfliktfylt i høve landbruksinteressene. Knuts Hyttegrend v/ Knut Dahle 07/ Gnr. 3, bnr. 6, Dalestølen: Forslaget til kommunedelplan seier at eksisterande reguleringsplan B.20 Dalestølen skal gjelde. På eigedommen 3/6 viser denne reguleringsplanen 5 hyttetomter, ei bustadtomt, eit 7 daa stort område for leiligheiter og større område med eksisterande stølsjorde og stølstun til landbruk og spesialområde bevaring. Planen viser også ei skiløype ved spesialområda. Dahle ber om at det blir opna for sal av leiligheiter i området regulert for leiligheiter, at jordet nærast Fv. 51 blir byggeområde for overnattingsverksemd, at delar av spesialområda blir avsett til fritidsbustader og at skiløypa i området blir lagt om. Han meiner at jordet og stølstuna har liten verdi både som landbruksareal og som estetisk og historisk element og ser det som urimeleg at han må halde friareal når han har fått lite utbyggingsareal sjølv. HB2, Knuts Hyttegrend: HB2 inneber tyngre, bilbasert handel på arealet der det i dag er ei bedrift med utleigehytter. Det inneber at hyttegrenda ikkje kan vidareutviklast og at eksisterande bygningsmasse ikkje kan nyttast til det aktuelle føremålet. Arealet kan ikkje realiserast til føremålet på lang tid. Dahle er svært skuffa over dette. Jostein Flo 07/ Tilkomst til turområde ved S5: Ved deira kjøp av hytte var lett tilgang til naturområda viktig. S5 med heis og farleg alpinbakke vil vanskeleggjere dette. Dersom denne blir realisert foreslår Flo at det blir oppretta ein turveg for Stakkstølie aust parallelt med og godt skjerma frå S5. Flo understrekar at han ikkje gir si støtte til heisen S5. Kjøp av hytte er ei viktig investering der familiehygge og friluftsliv er avkastinga, ikkje marknadsverdien. Nils og Mary Ann Nøbben 07/ Arealdisponeringar på gnr. 5, bnr. 2: Dei ynskjer ikkje turveg på sin teig på Liahøvda, sør for Bamselitednet og sør for miljøstasjonen. Dei ynskjer heller ikkje friområde sør for miljøstasjonen, då dette er god og lettdriven skog og tidlegare utslåttar. Dei teigane som held areal til hyttetomter, må også halde areal til turvegar og friområde. Dei er også sterkt imot industriområdet I1 på deira grunn. Det vil medføre tap av eit bustadhus som er i utleige noko som vil svekke ressursgrunnlaget for garden. Merknader ved 1. gongs offentlege ettersyn. Referat og oppsummering. 3

4 Den delen av BHSS2 som er på deira eigedom ynskjer dei avsett til bustadtomter. Nils og Mary Ann Nøbben og Nils Kolstad 07/ Campingplass C1 og turveg: Dei protesterer mot campingplassen C1 og turveg på deira teigar ved Øyangen. Desse areala er inngjerda beiteareal og ein del av innmarka til gardane. Delar av arealet er tidlegare dyrka. Ein eventuelle campingplass og/eller turstig vil gi problem med gjerde og grinder, vil medføre ferdsle inn på dyrka mark og tun, forsøpling av naturen og vil vere øydeleggjande for deira bruk av området til jakt og fiske. Foreslått campingplass vil også legge beslag på den mest lettdrivne skogen til gardane og vil kunne øydeleggje registrerte viktige biologiske biotopar. Beito skyttarlag v/styret 07/ Tiltak ved Beito skytebane: Planen inneheld nye hytteområde (H9-H10) og skiheis (S11) som kan kome i konflikt med skytebanen. Kommunen må sjå til at det blir utført støyvurderingar og at tiltak ikkje kjem i konflikt med sikringssonene til skytebanen. Bjørn Halvard Lykken 07/ Gondolen i alt. 2. Den foreslåtte gondolen vil skape støy og vil vere minst like dominerande visuelt sett som høgspentlina som bygdefolket, grunneigarane og kommunen hadde store motforestillingar mot. Lykken ber om at gondolen blir teke ut av planen. Heisen S8. Den foreslåtte heisen S8 vil gå gjennom eit område som i dag er stille og fredeleg og som er eit av dei få gjenverande område der orrfugl har tilhald. Området er også verdifullt for anna vilt som rype, hare, elg, rådyr og hjort. Han ber difor om at S8 blir teke ut av planen. Hyttefelta H8, H9 og H10 og heisen S11 vil ikkje kunne eksistere saman med skytebanen i Beito. Han ber difor om at desse områda blir tekne ut. Beito skule og grendehus. Dette er tenkt avsett til andre føremål enn skule. Kommunen fekk kjøpt tomta billig frå hans far under førestnad av at bruken skulle vere skule og grendehus. Lykken kan ikkje akseptere bruksendring. Guri Grønolen 07/ Gjeld gondolen i alt. 2: Ho uttrykker sin skarpaste motstand mot den planlagde gondolen i Beito. Det er berre få månader sidan kommuna arbeidde aktivt saman med bygdefolket i Beito for å unngå kraftledning i det same området. Argument som estetikk og omsyn til fugleliv vart sett fram med stor kraft. Tiltaket som kommunen no sjølv foreslår, vil i tillegg til dette gi Merknader ved 1. gongs offentlege ettersyn. Referat og oppsummering. 4

5 støyplage som vil ramme ei heil bygd, og gjere mange bustadeigedommar, inklusive hennar families, totalt ueigna som bustad. Lillian, Ole Øyvind og Erik Grønolen 07/ Samanbinding Beitostølen Rauddalen. Gondol eller skiheisar mellom Beitostølen og Rauddalen er feil løysing på transportbehovet mellom desse to stadene. Kostnaden er for høg, tidsbruken på å kome seg over blir for stor for dei andre alternativa enn gondol, og gondol som i alt. 2 er for konfliktfylt. Løysinga er utbetring av vegen og auka bruk av skyttelbuss. Hytteområde på gnr. 3, bnr. 18. Dei tek opp att tidlegare innspel om hyttetomter på øversida av eksisterande hytter ved Garli / Grønekinn, kalla Hi2b i innspelskartet og støttar foreslått H5 på eigedommen 3/18 med turveg mot Beitotjedn og ei enkel varmestove. Parkeringsplassen ved Garli. Det er stort behov for at parkeringsplassen ved Garli blir utvida og forskjønna og får toalett-bygg. To hyttetomter i H12b vil kunne finansiere dette. Garli Parkering og Service DA v/ Sigbjørn Evensen 07/ Toalettanlegg på parkeringsplassen ved Garli: Dei har drive parkeringsanlegget ved Garli i 20 år og ser at det er naudsynt å få sett opp eit toalettanlegg. Eit slikt anlegg vil ikkje kunne gå med økonomisk overskot, difor er ekstern finansiering naudsynt for å kunne realisere tiltaket. Nils og Thordis Stølen 07/ Gondolen i alt. 2: Denne vil kome nær deira bustadhus og gi sterkt nedsett livsmiljø for dei, andre fastbuande og andre. Kablar i lufta er til stor fare for store fuglar, og jordene og våtmarksområda i Beito er viktig leveområde for trane. Beitostølen Resort v/ Atle Hovi 07/ Alpin samanbinding Beitostølen Rauddalen. Den alpine samanbindinga i plankart alternativ 1 vil ta for lang tid og vere for kostnadskrevjande. Trenden i alpinindustrien er å knyte saman fleire alpinanlegg med direkte forbindelse; gondol. Dei som har lykkast i Norge er dei som har gjort nettopp dette. Gondol som vist i plankart alternativ 2 eller som vist i deira innspel, frå Stølstunet via området ved Beito skule til Rauddalen, er dei beste alternativa. Desse ville også gi ski inn, ski ut for store utbyggingsområde (L6/A6, Markahøvda, Stakkstølie, Bjødnabakkadn) utan at Størrtjednliheisen (S5) treng byggast. Kommunen bør kanalisere pålegg om bygging av skitrekk mot gondol framfor Størrtjednliheisen. Anna: Elles bør det leggast til rette for område med næringshage og ein må finne ei løysing for auka trafikk gjennom Beitostølen sentrum dersom Valdresflya blir vinterbrøytt. Merknader ved 1. gongs offentlege ettersyn. Referat og oppsummering. 5

6 Kommunen bør engasjere fagkompetanse for å finne ei løysing på alternativ veg / tunnel og for å kvalitetssikre kommunedelplanen mop. destinasjonsutvikling generelt. Anna Grønolen v/ Berit Gjevre 07/ Veg i Sentr1 : Anna Grønolen krev at vegen over hennar bustadeigedom 3/110 i Skjenhauglie blir fjerna frå alle kart. Den planlagde vegen går gjennom hennar bustadhus og denne trusselen øydelegg hennar livskvalitet. Utsikten eiendom v/ Ingebjørg Pålelien 07/ L4 er eit område som er utbygd med hytter og som no er foreslått til fritids- og turistføremål, dvs. utleigeverksemd. Pålelien er positiv til auka utnyttingsgrad, tyngre bebyggelse og utleigeverksemd i dette sentrumsnære området. Men planforslaget seier at ingen nybygg og tilbygg til eksisterande hytter kan skje utan ei omregulering til fritids- og turistføremål. Deira hytte har i alle år hatt varme senger og dei har planer om utviding, som hytte. For deira del ville forslaget til kommunedelplan då føre til ei verdiforringing og at eigedommen ville bli langt mindre nytta i lang tid inntil ein eventuell utbyggar ville kjøpe den opp. Harald Bøvre 07/ L4 består av eldre hytter der eigartilhøva er stabile og som blir mykje brukte av familiar på tvers av generasjonar. Bøvre har forståing for ynskjet om fleire varme senger nær sentrum men meiner kommunedelplanen med krav om omregulering til fritids- og turistføremål vil gi eit unødvendig konfliktnivå. Eigedommane blir bandlagte og kan ikkje vidareutviklast som funksjonelle fritidsbustader og verdien av dei eksisterande eigedommane med eksisterande bygningsmasse er høgare enn tomteverdien utleigeverksemd kan tåle. Og eigartilhøva er slik at ei god arrondering av leiligheitskompleks er vanskeleg. Bøvre ser ikkje føre seg at dette kan gjennomførast på ein hensiktsmessig måte utan at ein går vegen om ekspropriasjon. I praksis vil difor det foreslåtte føremålet for L4 ikkje kunne realiserast på lang tid. Effekten vil kun bli ein innlåsingseffekt for ei lang rekke hytteeigarar og vil kunne føre til forfall. Dersom kommunen ynskjer å opne for tung utnytting og utleigeverksemd i dette området, er den einaste farbare vegen kombinert føremål mellom utleigeverksemd og fritidsbustader, slik som gjennomført andre stader på Beitostølen. Eksempelvis kunne ein gi ein høgare utnyttingsgrad ved oppføring av utleigebygg enn ved oppføring av hytter. Einar Hegge 07/ /14 ved Bjelbølsstølen: Kommunedelplanen legg ikkje til rette for at gjeldande reguleringsplan for Bjelbølsstølen skal gjelde på hans eigedom 16/14 og søraustre del av 16/2, og det er ikkje angitt føremål i planen. Merknader ved 1. gongs offentlege ettersyn. Referat og oppsummering. 6

7 Inger Johanne og Per H. Christiansen 07/ Størrtjednliheisen, S5: Dei har hytte nær S5 i Bjødnabakkadn og gir full tilslutnad til brev frå Elin og Tor Hannibal Fossum, j.nr Størrtjednliheisen vil øydeleggje utsynet mot Jotunheimen og Bitihorn, utsynet som er eit av dei viktigaste marknadsføringselementa for Beitostølen. Og denne heisen vil i liten grad bidra til å styrke Beitostølen som alpin-destinasjon då bakkane er for slake. Beitostølen er innarbeidd som destinasjon innan world-cup og langrenn, og denne profilen må vidareførast. Jan Due 07/ Størrtjednliheisen, S5: Due har hytte nær S5 i Stakkstølie og gir full tilslutnad til brev frå Elin og Tor Hannibal Fossum, j.nr Størrtjednliheisen vil vere øydeleggande for hytteeigedommane inntil og for heile Beitostølen sitt utsyn og renomme. Hyttebrukarane på Beitostølen ynskjer rekreasjon og aktivitetar som fotturar og langrenn. Dersom dei hadde ynskt alpin og ski inn og ut hadde dei valt andre stader enn Beitostølen. Jan Storbraaten 07/ Tilkomstveg til B3: Planforslaget viser ein tilkomstveg over hans eigedom, nærast gjennom hytta. Han motset seg dette på det sterkaste og meiner Uksøvdvegen eller ein veg lenger søraust er betre alternativ. Knut Ivar Ødegården 07/ Han er positiv til hyttefelta på sin eigedom ved Tåbakke og Nørre Høvda og ynskjer å kome i gang med reguleringsplan. Han ynskjer også å regulere område Hi14 i Beito i innspelskartet. Tone, Jarle og Håvard Johansen 07/ Størrtjednliheisen, S5: Dei har hytte i Bjødnabakkadn og tiltreder brev frå Elin og Tor Hannibal Fossum, j.nr.186. Elin og Tor Hannibal Fossum 07/ Størrtjednliheisen, S5: Merknader ved 1. gongs offentlege ettersyn. Referat og oppsummering. 7

8 Dei har hytte i Bjødnabakkadn, inntil friområdet som er foreslått omdisponert til skiheisen S5 og alpin nedfart. Dei protesterer på det sterkaste mot at denne korridoren blir avsett til andre føremål enn den bruken som er i dag og som dei vart fortalt skulle vare ved då dei kjøpte si hytte. Alle som har hytte på Beitostølen har det felles at dei er glade i staden og trivst. Gjennomgangstonen er at grunnen til å velje Beitostølen er tur- og langrennsprofilen, i motsetnad til Geilo, Hemsedal og Trysil. Svært få vil bu like ved ein heistrase. Eventuell høgare marknadsverdi som følge av dette er uinteressant då ei hytte er noko ein har kjensler for og ikkje har kjøpt som ei investering. Fjernverknad: Utbygginga i Bjødnabakkadn er tung og har ofte vore brukt som døme i riksmedia på avskrekkande utbygging i fjellet. Det meste av horisontlina er likevel intakt, noko som er viktig for synsinntrykket frå området rundt Beitostølen, skistadion og vegbiletet lenger sør. Eit heisanlegg her med fjerning av vegetasjonen vil forstyrre utsikta mot Bitihorn, Beitostølens fremste varemerke i form av logoar og tv-overførte bilete, og gi ny næring til dei som ynskjer å framstille Beitostølen som eit skrekkeksempel på utbygging i fjellet. Fossum viser til forlenging av Carl-heisen som alternativ, jf. referat av merknad frå Beitostølen Vel, j.nr Tilkomst til turområda og nærføring: Vi viser her til referatet av merknad frå Steudel, j.nr Fossum nemner i tillegg problem med innsyn frå siheisar mot folk sine begrensa og mykje brukte uteområde. Informasjon: Fossum meiner elles hytteeigarane, som er den gruppa som blir sterkast berørt av denne kommunedelplanen, burde få lettare tilgang til informasjon. Få hytteeigarar les Valdres og følgjer med på kommunens heimeside. Gjennom annonser i aviser som Aftenposten, Dagens Næringsliv og Asker og Bærums budstikke ville kommunen nådd ut. Og alle som blir direkte berørt av planforslaget må kontaktast med brev. Inga K. Og Bjørn Johansen 07/ Størrtjednliheisen, S5: Dei eig hytte i Bjødnabakkadn og støttar fullt ut argumenta i brevet frå Elin og Tor Hannibal Fossum, jnr Bjørn Alstad Wangen 07/ , 245, 255, 261 Kommunen bør satse på å forskjønne sentrum før ein spreier seg utover. Gondolen i alt. 2: Wangen har hytte sør for foreslått bustadområde B6 og vil bli sterkt berørt av gondol, spesielt eit av alternativa som vist i innspelskartet. Alle tre alternativa (forslaget i alt. 2 og dei to innspel-alternativa) vil kome i konflikt med vilttrekk og vil påverke kulturlandskapet i Beito negativt. Han skildrar kulturlandskapet i Beito som unikt og som noko som må ivaretakast som motvekt til den hektiske og pulserande Beitostølen. Elles stiller han spøsmål ved økonomien i eit slikt prosjekt og foreslår elektriske bussar som alternativ. Merknader ved 1. gongs offentlege ettersyn. Referat og oppsummering. 8

9 S5. Han støttar motstanden mot denne og meiner S5 bryt med intensjonen med fjellgrensa. Vidare meiner han at konflikta mellom skiløypa grønn 1 og S5 ikkje har kome klart nok fram. A6/L6. Det er elgtrekk gjennom dette området og området B6. Han meiner elgtrekket er av meir enn regional verdi, dvs. langt viktigare enn det som går fram av viltkartet. Jørgen og Vigdis Høidahl 07/ S1: Dei har hytte i Sentr1, Skjenhauglie, inntil S1. Denne heisen vil kome i konflikt med bevaring av kulturminne, det eldste stølsmiljøet på Beitostølen og fleire hytteeigedommar, inklusive deira parkeringsareal. Det er ikkje fysisk plass til heisen og denne vil utgjere ein sikkerheitsrisiko for dei, naboar og andre brukarar av området. Det er ikkje lagt opp til parkeringsareal ved botnstasjonen og dei meiner det ikkje er grunnlag for ein heis utan parkeringsmoglegheiter. Vidare meiner dei at taubanetilsynet ikkje vil kunne gi konsesjon for ein heis her, jf. sikkerheitsrisikoen. S1 bør difor takast ut av kommunedelplanen. Rine E. og Sven Frebeg 07/ Bustadområde B2: Dei har hytte i foreslått bustadområde B2. Dei viser til at i forslag til reguleringsplan for Stølslie III for under to år sidan argumenterte kommunen for at dette arealet skulle vere hytteområde i samsvar med overordna struktur for bustad, hytte og stølsområde. Planen vart også lagt ut til offentleg ettersyn med dette føremålet. Dei aksepterer ei utvikling og ei fortetting i sitt område. Men ei omdisponering til bustader vil endre området sin karakter totalt og vere til stor ulempe for dei. Dei foreslår ei forsiktig fortetting med hytter og at Ukshøvdvegen blir nytta som tilkomstveg. Sigbjørn Evensen 07/ Kveto hytter: Hans areal gnr. 3, bnr. 953 med eksisterande utleigehytter er ikkje teke med som næringsareal. Han reknar med at dette kun er utegløymt og at det vil bli retta opp. Han er elles svært nøgd med at det blir lagt til rette for spreidd bustadbygging i Beito, noko som vil bidra til at bygda fortsatt blir ei levande bygd og ikkje transformert til ein hytteby. Beitostølen utvikling BA v/ Nicolay Flaaten 07/ Næringa på Beitostølen er samla sett positive til den ekspansive planen som er lagt fram. Enkelte aktørar har synspunkt på område som berører seg, og vil kome med eigne innspel på desse. Merknader ved 1. gongs offentlege ettersyn. Referat og oppsummering. 9

10 Medlemmene har vurdert alternativ 1 og 2 og kome fram til at alternativ 2 er det beste av desse. Ove Andersen 07/ Turvegar i Liahøvda-området: Han ynskjer ikkje dette på sin teig då det er hytter og bustader i område som ikkje ynskjer offentleg turveg i nærleiken. Delar av denne er også lagt på ein skogsbilveg som er i bruk sommar og vinter. Han er positiv til auka tilrettelegging for sommarbruk ved skistadion. C1 ved Øyangen. Han er positiv til C1 på sin teig, men skeptisk til offentleg turveg grunna alt utstyr han har i området i samband med Beitocampen og risiko for forsøpling. Hytteområde i Beito, Hi7 i innspelskartet. Han meiner dette er ei forsiktig utviding av eit eksisterande hytteområde. Det er uklokt av kommunen å legge til rette for at dei som ynskjer utbygging ikkje får det medan byggeområde blir lagt til grunneigarar som ikkje ynskjer det. H1 og B3. Han ynskjer to tomter på sin teig inntil desse områda og aksepterer ingen løyper over sin teig utan nærare avtale. Barnebakke ved skistadion. Både søkar og samarbeidspartnar ved dette tiltaket er skilærarar med kompetanse. Bergojordet som alternativ er for trangt. Anna: Elles er Andersen svært positiv til at det blir opna for spreidd bustadbygging i Beito. Gondol og Størrtjednliheisen vil båe gi skjemmande inngrep. Og han meiner kravet som blir sett fram frå hytteeigarar om 75 m buffer langs skiløyper gjer det vanskeleg å etablere skiløyper i det heile. Sameiene Hegge leilegheter 1 og 2, v/ styreleiarane 07/ Sentr2. Dette området er etablert med forretningsbygg og hotell (Bergo) og leiligheiter. I planforslaget heiter det at bygningsmassen kan utvidast under føresetnad av ma. at dei eldre bygga i området blir flytta. Sameigene har gjennomført kostbare restaureringsarbeid på desse eldre bygga og har stor nytte av dei, til overnatting og sosiale samver. Delar av tomta blir nytta til snødeponi, parkering og avfallscontainerar. Dei stiller seg svært skeptisk til denne delen av kommunedelplanen. Hytteeigarar ved Tåbakke 07/ Gjeld området rundt Tåbakke Brevet er underskrive av 14 hytteeigarar rundt Tåbakke. Merknader ved 1. gongs offentlege ettersyn. Referat og oppsummering. 10

11 Om området: Tåbakke er eit gammalt heimstølsområde. Ned mot fylkesvegen er det flate område med ein stor gammal slåtteteig, gammal torvproduksjon og gode beitetilhøve. Opp mot Tåbakkhøgde låg heimstølane og tre av dei eksisterande fritidseigedommane kan daterast til denne tida. Ved Tverråne finst spor av kvernhus. Samla sett må dette området karakteriserast som eit kulturlandskap med stor verneverdi. Eigarane av dei gamle heimstølane har prøvd å bevare dette preget og den utbygginga som har skjedd har vore beskjeden og i respekt for verdiane i området. I liene mot Tåbakkhøgda er det rikt dyreliv med orrfugl, rype og hare. På myrene lenger ned er det årvisst rugdetrekk og ein opplever ofte enkeltbekkasin, gauk og trane. Dette kjem ikkje fram av temakarta vedlagt planen. Forslaga til kommunedelplan: Planforslaga viser området som ein stor hytteby med skitrekk og nedfartar. Planen legg ikkje opp til å ta omsyn til å ta vare på dei historiske verdiane i området. Skitrekk og nedfartar vil gi støy og stor visuell ureining. Dyrelivet vil bli redusert. Den foreslåtte tilkomstvegen til områda H10 og H11 er ein gammal stølsveg som vil miste sitt preg og estetiske verdi dersom den blir vesentleg utbetra. Hytteeigedommar inntil denne vil få nærføringsulemper av dette og auka trafikk. Eignaheitsvurderingane viser negativ indeks for dei foreslåtte byggeområda H8-H12 dersom det ikkje blir alpin samanbinding mellom Beitostølen og Rauddalen via Tåbakke. Hytteeigarane meiner ei slik samanbinding vil vere ein tungvind og tidskrevjande måte å frakte skituristar på. I plankart alternativ 2 fell Tåbakke bort som mellomstasjon i denne samankoplinga. Dei rår til at området blir avsett til spesialområde med føremål bevaring. Informasjon: Hytteeigarane i området har ikkje vorte kontakta i planprosessen, trass i at planen legg til rette for store endringar i deira nærområde. Vegar er også planlagte inne på enkelte av deira eigedommar. Deira interesser er difor ikkje ivaretekne så langt i planarbeidet. Grete Hedalen og Vemund Skaret 07/ Dei driv Myhre Gård, besøksgard med ridning og har eigdom på Heimre Hedalsstølen og aust for planområdet. T1. Dei ser svært positivt på kommunens forslag om høve til tilleggsnæring i landbruket på Heimre Hedalsstølen. Utviding av planområdet. Dei ynskjer at Ole sameige skal ligge innunder den nye kommunedelplan. Slik kan ein sjå området i heilskap med all aktiviteten som er der i dag. Deira støl i Ole vart brukt som varmestove i år, noko dei ynskjer å fortsetje med. Kommunedelplanen si grense bør trekkast ned til og med Varpet igjen. Det er naturleg med ei utvikling i Skammestein i samband med nye Lidar skule. Merknader ved 1. gongs offentlege ettersyn. Referat og oppsummering. 11

12 Hedalen og Skaret ser utviklingsmoglegheiter for eigen gard og eiga verksemd, og ynskjer avklaring og forutsigbarheit rundt dette. For dei er turveg for alle, dvs. gåande, sykling, spark, ski og ridning, mellom Skammestein og Beitostølen viktig. Dette kan sjåast i sammenheng med tilkomst til Lidar skule frå Beitostølen. Knut Beito, Knut Ivar Ødegården og Nils T. Tørto 07/ Den nye kommunedelplanen skal ha eit langsiktig tidsperspektiv, noko dei som grunneigar set stor pris på. Som grunneigarar i nørre Beito ser dei positivt på at det er lagt ut store byggeområde også på grunnen til gnr 2. Dei har likevel følgjande merknader til framlegg til kommunedelplan: Gondol i alternativ 2: Dei finn det særs merkeleg at Øystre Slidre kommune kan stå for eit slikt framlegg, i lys av den haldninga kommunen la for dagen i samband med val av trase for overføringsline frå Kalvedalslina til Beitostølen. Det omstridde framlegget til luftline gjekk i om lag den same traseen der det no er framlegg om å etablere ein gondol. Ein gondol vil føre til større visuell forsøpling av Beitobygda enn det ei høgspentgate ville gjera. Gondolen kjem også ubehageleg nære fleire fastbuande og hytter. Dei bed politikarane i Øystre Slidre om å ta til fornuft og fjerne gondolen frå det vidare planarbeidet. Det må vera betre å satse på skibuss på ein utbetra veg mellom Raudalen og Beitostølen enn ein gondol til bortimot 200 millionar! Alpin samanbinding mellom Beitostølen og Raudalen og satsing på alpint ved Nørre Høvda: Dei syner til alternativ 1, der det er lagt opp til ei alpin samanbinding mellom Beitostølen og Rauddalen. Det er i følgje plankartet tenkt å nytte områda ved Blåhøvd og Nørre Høvda som ein mellomstasjon og eit tredje vekstområde for alpint. Det blir hevda at ei slik satsing vil føre til høgare tomteprisar i nye utbyggingsområde av di ein kan tilby ski inn/ski out for nye hytter. Dei ser ikkje bort frå at det kan vere rett, men mange ynskjer ikkje å ha hytte like inntil eit alpinanlegg. Eit alpinanlegg fører med seg støy under bruk, vedlikehald og preparering, samt visuell støy. Master, virar og stolar vil verke forstyrrande i synsfeltet i eit område som blir nytta meir og meir til rekreasjon og friluftsaktivitetar. Dei meiner at Tåbakke-området og dei omkringliggjande områda burde haldast fri for slike installasjonar. På generelt grunnlag meiner dei at Beitostølen bør vere eit område der ein satsar på heilårsturisme, fotturar, sykkel og langrenn, og då høver ei slik alpinsatsing dårleg. Dei er også uroa over korleis finansieringa av eit så stort alpinanlegg skal skje, dei har på ingen måte lyst til å bidra økonomisk til ei slik satsing. Det er sløsing med kapital og areal for å oppnå det same som ein skibuss kan klare langt billigare og på stuttare tid. Dei vil ikkje gå med på at det i denne kommunedelplanen blir sett av areal til skiheisar og nedfartsområde på deira grunn. Om ein likevel skal halde av areal for slike anlegg i framtida, kan dette bli utført ved å setje av naudsynte areal til jord- og skogbruksføremål no, og så kan ein ta spørsmålet opp til ny vurdering ved neste revisjon av kommunedelplanen. Rekkefølgjeføresegner og utbyggingsavtale: Av rekkefølgeføresegnene går det fram at korkje område H8, H9, H10, H11 eller H12 kan byggast ut før turveg frå Tverråne til eksisterande turvegnett aust for områda er opparbeidde Den aktuelle turvegen er om lag 1,5 km lang. Slik Merknader ved 1. gongs offentlege ettersyn. Referat og oppsummering. 12

13 teksten er formulert, vil det å laga denne turvegen vera ei tung bør for dei fyrste som freistar å koma i gang med utbygging i Tåbakke-området. Det er ikkje spesifisert kva standard denne turvegen skal ha, men slik turvegane er skildra i punkt 5.2 er det tale om noko ein må kunne samanlikne med ein ordinær grusveg. Dei ber om at det blir vurdert å heller legge til grunn eksisterande stigar og gamle reksler i dette området, i staden for å ta hol på urørt terreng. Ordlyden i rekkefølgjeføresegnene bør endrast slik at det blir utarbeidd ei liste over kva tiltak ein skal gjennomføre i medhald av denne kommunedelplanen, og at kvart utbyggingsområde betalar inn til ein konto etter kvart som dei kjem i gang med si utbygging. På dette viset vil kommunen kunne prioritere kva tiltak ein meiner bør bli utført fyrst, utan at ein er avhengig av å måtte vente på eit initiativ i nett dette området. Dei meiner også at ein bør utarbeide ein felles mal for kor mykje ei tomt eller leiligheit skal bidra med til fellesskapet. Dette ville gje alle utbyggarar ei god oversikt i høve til prosjektøkonomien. H12: Dei ser positivt på at kommunen har sett av eit høveleg stort framlegg til hytteområde ved Nørre Høvda, om lag i tråd med deira innspel til kommunedelplanprosessen ved varsel om oppstart. Dei har fått utført ei landskapsfagleg vurdering av dette området. Denne konkluderer med at foreslåtte byggeområde i hovedsak er godt arrondert men viser nokre mindre justeringar av formålsgrensene. Grunneigarane ber om at H12 blir justert i samsvar med dette. Nils Tormod Tørto 07/ H8: Gnr. 2, bnr. 5 er eigar av den nordvestre delen av H8. Som grunneigar er han godt nøgd med at dette området er føreslege i planen. Den eksisterande preparerte skiløypa i området er positiv for området, men det er uheldig at denne går midt i eit større potensielt utbyggingsområde. Lenger aust og nord finst ein god alternativ trase og han ber om at løypa blir flytt så langt nord mot bergkanten som mogleg. Midtre Hegge og Dale Grendelag v/ styret 07/ I2/MD2 og HB3: Dei ser det som positivt at kommunen ser på området rundt Mørken som eit potensial for utvikling. Utviding av planområdet. Dei ynskjer planområdet utvida sør til Varpet. Valfridom i bustadbygging, spreidd bustadbygging og bukvalitet er sett fram som viktige mål. Det er ikkje hus til sals eller til leige i Skammestein-området. Fleire unge par/familiar har sett seg om etter ein plass å bu i Skammestein, utan å lukkast. Med skula lokalisert her, meiner dei det er svært viktig å vere på offensiven når det gjeld bustadtomter. Dei minnar om at dette er presisert i eit avleda mål for kommunedelplanen og under mål for miljømessig bærekraft. Det vil også vere lettare å påverke Vegvesenet når det gjeld innpåkøyring på Fylkesveg 51, om området er med i kommunedelplanen. Merknader ved 1. gongs offentlege ettersyn. Referat og oppsummering. 13

14 God trafikksikring for dei mjuke trafikantane er i dag ein føresetnad for vidareutvikling av området. Gangveg og stigar må sjåast i samanheng med Beitostølen og skulen. Då er det naturleg at heile området er med i planen. Areal + v/ E. Sollien for Norske Fjellhytter AS 07/ Generelt sett er det viktig at kommunedelplanen legg til rette for byggeområde med maksimal utbreiing i høve til det ein kan sjå føre seg. Dette då det er sett store formalkrav til ei auke av byggeområde i ein reguleringsplan, medan det er enkelt å redusere storleiken av byggeområda til fordel for td. grøntstruktur. Utviding av H5 og H6. Norske Fjellhytter representerer eigedommane 3/10 og 3/49. Uforholdsmessig store delar av desse eigedommane er avsett til skiløype i reguleringsplanen for Markahøvda. I forslaget til kommunedelplan er store delar avsett til alpin (A5 og A6). Som ein kompensasjon for dette foreslår dei ei utviding av H5 og H6 mot skiløypa i aust. Dei viser i denne samanhangen til at i reguleringsplanen for Markahøvda ligg det til grunn eit prinsipp om 30 m avstand mellom skiløype og byggeområde i dette området. Forslag til nytt byggeområde ved Garli. Aust for parkeringsplassen på Garli foreslår Norske fjellhytter heile området mellom fjellgrensa og eksisterande byggeområde, inklusive P7, til byggeområde for hytter. Dette området ligg på eigedommen 3/469 som kom urimeleg dårleg ut då reguleringsplanen for Stakkstølie nord vart godkjent. Beito eiendom as v/ Berit Gjevre 07/ Dei er opptekne av å ivareta det som finst att av grøne areal og kulturperler i Beitostølen sentrum. Liastølen, Olabu, Beitolåven og alle hytter mellom Åsvegen og Jotunstogo (Skjenhauglie) må takast vare på. Gondolar og skitrekk i sentrum ville gi ei forverring. Levekårsnemnda og eldrerådet i ØS. kommune 07/ Tilrettelegging for gåande og turvegtilbod. Planen viser ein del av dette men dei forventar endå større fokus på dette emnet. Lågterskeltilbod som gode gangstigar, sykkelsigar, tilrettelagde rullestoltrasear og skiløyper i nærleiken av der folk bur eller ferierer er svært viktig. Og sidan planen ikkje legg opp til flytting av Fv. 51 gjennom sentrum, må mjuke trafikantar prioriterast i form av planfrie kryssingar både for skiløyper og gangvegstruktur. Det bør vere enklare og meir fristande å gå til butikk eller sentrum enn å køyre bil. Universell utforming. Dei forventar at det blir sett krav til universell utforming både når det gjeld enkeltbygg og infrastruktur. Busshaldeplassar tilpassa bevegelseshemma burde kome, spesielt i Beitostølsområdet der Helsesportsenteret er viktig. Beitostølen sin profil. Beitostølen sin profil er basert på arrangement som Ridderrennet, Worldcup, Fjellmaraton og ei mengd gode kulturarrangement. Det er moderate alpinløyper og Merknader ved 1. gongs offentlege ettersyn. Referat og oppsummering. 14

15 heile området har eit familievenleg preg. Ein bør leggje vekt på å behalde denne profilen og vektleggje naturopplevingar og fredelege omgjevnader når ein skal gjere avvegingar rundt vidare utbygging. Karen Strand Beito 07/ H2, H5 og H7. Som grunneigar er ho positiv til byggeområde i alle desse områda. Ho ynskjer også at hennar areal på øversida av Fv. 51 ved Garli kjem nedanfor fjellgrensa og at ei tidlegare frådelt tomt her blir byggbar. BH2. Ho er positiv til tomt for barnehage på sin eigedom her. Gondolen i alternativ 2. Då Eidsiva ville bygge høgspentline i det same området protesterte kommunane, reiselivet og grunneigarane. Alle var einige i at eit luftstrekk her ville øydeleggje Beito for turistar, fastbuande og dyreliv. Det er føremålslaust å no bruke tid på å drøfte ein gondol. Kampen er utkjempa og lokalsamfunnet vann! Ine Wigernæs 07/ Wigernæs rosar kommunens mål mop. langrennstrasear og friluftsliv, men finn ikkje at måletjingane er fulgt godt nok opp i planen og i praktisk handling. SP1. SP1 er i dag eit område som gir fantastisk utsyn. Det er lett tilgjengeleg tilkomst frå alle delar av Beitostølen med stikryss frå fire kantar. Området bør ikkje byggast ned. Gangvegstruktur. Det må bli enklare og meir innbydande å bruke ski, spark, sykkel og å gå til butikk, restaurant, vener, jobb osb. Langrenn. Oppkøyring av løyper med løypemaskin er energikrevjande og kostbart. Fylgjande bør ikkje vere mål: Oppkøyrte løyper inntil alle byggeområde Å auke omfanget av oppkøyrte løyper Planfrie kryssingar mellom skiløyper og vegar Men ein må prioritere langrenn ved å legge løyper til optimale trasear og planlegge slik at kryssingar mellom skiløyper og vegar ikkje skjer. Tilkomst på ski til skistadion må bli enklare Det må bli enklare oppstigning frå skistadion til rød 1 nord for B3. Dei to krevjande løypene mellom Beitostølen og Beito bør erstattast av ei mindre bratt og krevjande. Kryssinga mellom blå 1 og alpinanlegget A4 må gjerast meir sikker mot ulykker. John Ivar Lykken, Arne Lykken og Andris Knut Lykken 07/ Merknader ved 1. gongs offentlege ettersyn. Referat og oppsummering. 15

16 H11. Grunneigar av foreslått hytteområde H11 er ei sameige med fire heimelshavarar. Dei tre som står bak dette innspelet utgjer tre av desse fire. Dei foreslår å ta H11 ut av planen av fylgjande årsaker: 1. Området blir brukt til utmarksbeite. Fleire av grunneigarane er med på eit prosjekt for friskare geiter, og dei ynskjer å halde området smittefritt. 2. Det er mykje orrfugl i området 3. Ei opparbeiding av feltet vil gi store kostnader med generelt bratt og vanskeleg terreng, vegbru over Tverråne, vatn og avløp over Tverråne, nedgraving av høgspentlina i området og ny ledning for jordvatningsanlegg til sørre Lykkja. Utviding av hensynssone. Heile Lykken sameige og områda ved Kroktjednet og Smørkøll blir brukt til utmarksbeite for dyr som er på stølen. Ein bør vurdere å ta med dette i hensynssone for bevaring av kulturmiljø. H8-H12: Ved ei eventuell utbygging her ser dei ei mogleg konflikt med beitedyr på utmarksbeite. Gjerdeplikt og avklaring av rettar må løysast. Vegen frå 1/6 ned mot Tverråne og S12 vil kunne bli ei reksle for husdyr og gi tilsvarande problem i dette området. Vilttrekk og leveområde for elg og rype vil bli øydelagde av ei massiv utbygging i områda H8-H12. Sigrid Gjerdingen, Anders Gjerdingen, Anne Margrethe Skoglund, Otto Skoglund, Edvar Skoglund, Emly Skoglund, Silje Skoglund, Thomas Skoglund, Richard Haugen, Knut Ola Bakkene, Gerd Anny Bakkene, Ellen Gunhild Bakkene 07/ Turveg mellom Mørken og Beitostølen helsesportsenter. Ein turveg kan ikkje leggast til rette for sykling, gåing og ski kombinert med riding. Denne turvegen går gjennom urørt terreng og forlengelsen sør for planområdet ville gå rett forbi husa deira. Det ynskjer dei ikkje ma. grunna ulykkesrisiko ved trafikk til og frå husa og gardane. Og dei ynskjer ikkje riding i dette området. Gang- og sykkelveg langs Fv. 51 ville bli eit kortare, universelt utforma alternativ som ma. kunne lyssetjast og som ville bli langt meir brukt. Torstein Løksa, Knut Ola Bakkene, Elisabet I. Bakkene, Otto Skoglund, Richard Haugen, Edvar Skoglund, Bjørn Erik Odden Hålimoen, Erik Hålimoen, Thomas Skoglund 07/ Dei viser til allemannsretten og meiner at utanom heilt sentrumsnære område skal ikkje Øystre Slidre kommune legge til rette for fysiske tilretteleggingstiltak når det gjeld friluftsliv og andre aktivitetar. Dette vil vere i konflikt med aktiv støling og utøving av jakt. Viltkart og beitebrukskart må vere retningsgjevande for utbygging og andre naturinngrep. Hytteeigarar v/ liste 07/ Merknader ved 1. gongs offentlege ettersyn. Referat og oppsummering. 16

17 B5: Brevet er utarbeidd av styret i sameiget Feriehyttene og har 21 underskrifter. Dei meiner bustadområdet B5 vil forringe deira utsikt mot Slettefjell og gi meir trafikk og støy i området. Jan Ove Stølen 07/ Stølen foreslår at det blir lagt til rette for ein kafe på toppen av stolheisen. Denne heisen blir allereie nytta også sommartid i samband med akebanen, downhill-sykling og av turgåarar. Som grunneigar og huseigar har han følgjande merknader: Gondolen i alt. 2: Han er sterkt imot denne løysinga som vil forringe levemiljøet for fastbuande, berøre dyrka mark og krysse våtmarksområde med leveområde for ma. traner. Ecosign sin rapport som ligg til grunn for denne løysinga fokuserer berre på reisetid og byggekostnader. Konfliktpotensialet er ikkje vurdert frå deira side. Størrtjednliheisen, S5: Stølen meiner S5 bør forlengast mot nord for å gi ski inn/ut til Stakkstølie nord og Garli. Han legg ved to alternative forslag til kryssing mellom skiløypa grønn 1 og skiheisen S5 med nedfartar. Alpingjerde slik at alpinistar blir slusa og må setje ned farten er eit alternativ, det andre er planfrie overgangar. A6/L6: Byggegrensa bør utvidast til nord for Gjensidigehytta for å gi rom til evt. hotell i området. Beitostølen Vel v/ styret og underskriftsliste frå 191 hytteeigarar 07/ , 238 Hytteeigarane sitt perspektiv Beitostølen sine naturgitte føresetnader innbyr til tur og langrenn, familiar og skileik, helse og miljø. Dei aller fleste hytteeigarar har etablert seg i området av den grunn. Av hytteeigarane er det investert betydelege beløp og eigeninnsats med sjel og omtanke under denne føresetnaden. Desse verdiane ynskjer hyttefolket å ta vare på, og difor er Beitostølen Vel overtydd om at kommunen må tenke utviklinga annleis enn alpinsatsinga som planforslaget legg opp til. Hyttefolket samla er ein svært stor grunneier som også representerer bygde verdiar for mange milliardar kroner. Størrtjednliheisen, S5 Beitostølen er ikkje tent med den type rasering av grøntstrukturen som Størrtjednliheisen vil medføre på den sårbare skulderen i åssida. Det er destruktivt for Beitostølens ry for helse og langrenn og særs sjenerende for etablerte hytteområde. I tillegg til omfattande brukonstruksjon over RV 51 og gang/sykkelvegen, vil det gi kraftige naturinngrep der den alpine nedfarten vil krysse Beitostølens viktigaste turløype Grønn 1. Beitostølen Vel ser poenget med å redusere biltrafikk gjennom sentrum og vil framheve alternativet med forlenging av Carl-heisen i den allereie bandlagte traseen på nedsida av RV 51. I den foreslåtte gondol-traseen frå Carlheisen ned til A6/L6 kan det lagast ein heis. Då trengst ikkje S5, jf. konsekvensutgreiinga s 8. Merknader ved 1. gongs offentlege ettersyn. Referat og oppsummering. 17

18 Opprop og underskriftsaksjon: Gjennom aksjon og opprop to dagar i påska, vart det gjennomført ein dør til dør aksjon der dei samla underskrifter mot Størrtjednliheisen og alpin nedfart. I oppropet viser dei til nærføringsulempene og den uheldige fjernverknaden og viser til forlenging av Carl-heisen som eit betre alternativ. Og dei viser til at det aktuelle området var grøntareal då hytteområda vart etablerte. Resultatet vart 276 underskrifter frå 191 forskjellige hytter. Hovudtyngda av underskriftene ligg i Bjødnabakkadn, Stakkstølie sør og Møsasvøo. Men også Tjednbakkhaugen, Lomtjednlie, Haugsynlie, sentrale hytteområde, Stakkstølie nord og Garli er representerte. Beitostølen Vel har tidlegare nytta uttrykket massiv motstand om folk sin reaksjon. Det blir med dette dokumentert. Samanbinding Beitostølen-Rauddalen Beitostølen Vel ser behovet for betre kommunikasjon til Raudalen alpinanlegg. Men folk flest er sterkt i mot de skisserte gondolplanane og transportheisar. Ei utbedring av vegen frå Beito til Rauddalen bør ha høg prioritet, uansett langsiktige målsetjingar for annan type transport (heisar/gondol). Deira forslag er elektriske bussar i skytteltrafikk, som gir god signaleffekt, fleksibel kapasitet og sannsynlegvis ei langt rimeligare investering og drift. Pengar spart kan kanaliserast til andre fellesgode som ivaretek og styrkar Beitostølen sin profil. Byggeområda H1 og B3 H1 har vore regulert til friareal, men er no foreslått til hyttebebyggelse. Berre ein liten del av det tidlegare området gjenstår som friareal. At regulerte friområde blir omregulert til andre føremål, gir hytteeigarar liten forutsigbarheit ved val av hyttetomter. B3 vart teke ut av reguleringsplanen før siste utbygging av Stølslie på bakgrunn av massive protestar fordi området vart karakterisert som svært god beitemark og ut frå naturverninteresser. Både H1 og B3 er viktige viltbiotopar. Då barskogen har si utbreiingsgrense i dette området mot fjellet, bør skogvern også vere eit aktuelt tema. Ny hovedløype frå sentrum (Coop) og opp til fjells er teikna inn som ein smal korridor mellom H1 og B3. Dette er ikkje i samsvar med kommunens tidligare målsetjing om 75 meters breidd for grøne trasear. Samtidig er det viktig å bevare løypa opp Syvervegen. Byggeområda H5 H7: Beitostølen Vel er uenige i at området H5 H7 blir lagt ut til hyttebygging. Områda ligg i eit uberørt landskapsrom og delvis viltområde med vilttrekk. I tillegg blir det foreslått (i rekkefølgeføresegner) ein opparbeidd gangvegstruktur med universell utforming rundt Beitotjedn, som igjen vil øydelegge uberørt natur. Inngrepa i naturområda aukar i omfang og strekker seg ut mot urørte landskapsrom mot med tjernet. Myrlendte og opne område kan bli tørrlagte og vegeterte. Samstundes aukar omfanget av løype- og turnett som går i korridorar mellom hyttebebyggelsen. Anne-Mette og Arild Steudel 07/ Størrtjednliheisen, S5: Formelt: Øvre del av Størrtjednliheisen er vist i gjeldande kommunedelplan. Steudel meiner ein må sjå bort frå dette då denne planen ikkje er lovleg. Kommunen har ikkje drive ei aktiv opplysingsverksemd overfor allmenta slik lova krev. Også når det gjeld dette aktuelle Merknader ved 1. gongs offentlege ettersyn. Referat og oppsummering. 18

19 planforslaget kan det vere tale om sterkt berørte hytter som kommunen og Beitostølen Vel ikkje har nådd fram til i sitt informasjonsarbeid. Tilkomst til turområda: I enden av Ørrevegen mot den planlagde alpinnedfarten er dei bygd ei rampe inntil turstig som blir nytta av ein stor del av hyttefolket som tilkomst til turområda (jf. j.nr. 161). Eit friområde mellom hyttene i Rabbevegen og Ørrevegen tener same føremål. Konsekvensutgreiinga tek ikkje føre seg korleis denne turvegstrukturen skal ivaretakast dersom skiheisen med master og nedfartar blir iverksett. Problemet er omfattande då det også berører mange hytter høgare opp i Stakkstølie og Bjødnabakk-området. Denne turvegstrukturen går i ein gammal sti som gir fin naturopplevelse ma. gjennom område med vakker og sjeldan vegetasjon (kvitkurle og grønkurle). Risiko for ulykker er også eit element som må vurderast både med omsyn på dei nemnte turstigane og kryssinga mellom skiløypa grønn 1 og heis- og nedfartstraseane. Nærføringsulemper: Steudel er ikkje einig i at skitrekk med nedfart i nabolaget har den positive effekten at det blir lett tilgang til alpintilbudet og at marknadsverdien kan auke. Ingen vel Beitostølen ut frå omsynet til alpintilbodet. Dessutan skal dei fortsetje å bu her i fritida og ikkje realisere nokon salsgevinst. Nærføringsulempene er ikkje grundig nok behandla i konsekvensutgreiinga, mop. støy frå trekket på dagtid, frå preparering om natta, høgtalarar i mastene, skuterkjøring osb. Kommunen legg til grunn at tålegrensa for slikt ligg høgare i hytteområde enn for bustader. Situasjonen er snarare motsett, då heile ideen med ei hytte er å få fred og ro. I eit bustadområde må ein tåle meir av trafikkstøy og støy frå næringsverksemd. Manglande utgreiing av alternativ: Beitostølen Vel har i fleire samanhengar peikt på at forlenging av Carlheisen er eit alternativ utan så store ulemper som Størrtjednliheisen. Konsekvensutgreiinga er ufullstendig også på dette punktet. Fjernverknad: Heisen inneber eit så dramatisk naturinngrep at heile området sin karakter blir endra. Målformuleringane Miljøspørsmål skal også fokuserast i kvalitetsstandarder og utviklingsmålet er å sikre et attraktivt kulturlandskap blir tome fraser i denne samanhengen. Miljøvernmyndigheitenes synspunkt på heisen bør innhentast allereie no. Avstand mellom nye byggeområde og turvegar Ellers ber Steudel om at nye byggeområde ikkje blir lokalisert nærare turvegar og løyper enn m. Særlig viktig er dette langs grønn 1 som er innfallsporten til fjellet for svært mange. Ein får ingen naturfølelse utan nemnte minsteavstandar til hyttebebyggelse. Dette brev er sendt også etter oppfordring frå Liv og Einar Karud. Marit Gjærdingen 07/ Gjærdingen støttar brevet med jnr Aud Eva Bergo 07/ Merknader ved 1. gongs offentlege ettersyn. Referat og oppsummering. 19

20 Samanbinding Beitostølen-Rauddalen. Det er for optimistisk å tru at ei alpin samanbinding mellom Beitostølen og Rauddalen vil gi Beitostølen eit tilstrekkeleg løft til å kunne bli ein framtredande alpindestinasjon. Næringa på Beitostølen bør heller legge større ressursar i ringbuss. Og ein bør satse på det ein har gode naturgitte føresetnader for å bli god på. Gondolen i alt. 2. Dei aktuelle traseane vil gi nedsett levemiljø for fastbuande, vil redusere omfanget av aktuelle nye byggeområdet for bustader, vil berøre dyrka mark og vil forstyrre våtmarksområdet ved Øyangen. S5 og S1. Ski inn/ut vil vere positivt for Beitostølen. S5 og S1 er såleis gode strategiske grep. S2 og A2. Bergo er grunneigar av Bergo-jordet der heisen S2 er plassert. S2 og A2 vil vere i sterk konflikt med landbruksdrifta. I saksutgreiing og konsekvensutgreiing går det fram at planen ikkje viser tiltak på dyrka mark, noko som er feil når det gjeld Bergo-jordet. S2 ligg også for langt frå resten av alpintilbodet til å kunne gi god økonomi og stor nytteverdi av ein barne-skiheis. Og dei eldre bygga frå Sentr2 bør ikkje plasserast i A2 men i SP1 der det vil bli eit miljø. Bustadområde. Område B6 bør flyttast til nord for Klyppemyrhaugen og rundt Hansanetjedn. B5 bør gå ut som bustadområde og endrast til fritidsleiligheiter med sentrumsnære varme senger. Biovarmeanlegg. FV1 er plassert for nær busetnad og vil gi ulemper i form av tungtransport og røyk/damp. Tapet av effekt i rørledning er lite, difor bør eit slikt anlegg plasserast utanom det indre sentrum. Løyper og stigar. Som grunneigar er ho positiv til god kvalitet på gangvegar og løyper, men føreset at det ikkje blir så store buffersoner rundt desse at det blir opplevd som urimelege inngrep. Planfri kryssing med Beitestølsvegen bør flyttast frå Menkelie til Størrtjednlie slik at løypa kan gå nedanom S5 og S7. Utbyggingsavtaler. Utbyggingsavtalene bør ta høgde for at små, lokale aktørar med liten likviditet skal kunne vere konkurransedyktige. Likebehandling mellom grunneigarar må tilstrebast. Beito Fjellkompani AS v/ Øyvind Vonholm 07/ Turveg ved H2. Vonholm foreslår å flytte turvegen aust for H2 til eksisterande vegnett og til vestsida av H2. Gondolen i alt. 2. Området ved Carl-heisen er for trangt og for langt unna sentrum for basestasjon for gondol. Vonholm meiner dessutan gondolen er ei tvilsam investering som ikkje aleine vil gi nokon betring av alpintilbodet og ikkje gi større positiv effekt enn eit godt fungerande ringbuss-system. Eit betra alpintilbod får ein kun gjennom utvikling i Rauddalen og evt. Slettefjell. Han støttar merknaden frå Nils T. Tørto mfl., jnr. 197, og viser til at det ikkje er einigheit i Beitostølen Utvikling om å støtte gondolen, jf. jnr. 192 og 170. Merknader ved 1. gongs offentlege ettersyn. Referat og oppsummering. 20