Øystre Slidre kommune kommunedelplan for Beitostølsområdet - høyring

Transkript

1 Øystre Slidre kommune 2940 Heggenes Dykkar referanse Dato Vår referanse 2008/ RBO Sakshandsamar Runa Bø, tlf Øystre Slidre kommune kommunedelplan for Beitostølsområdet - høyring Vi viser til brev mottatt 16. mars 2010 med høyring av kommunedelplan for Beitostølsområdet. Vi viser og til e-post av 16. april 2010 der Fylkesmannen fekk utsett uttalefrist. Kommunedelplanen legg til rette for bustadbygging inntil eksisterande bustadområde, og sentrumsfunksjonar og fortetting i sentrum av Beitostølen. Planen legg vidare til rette for alpin samanbinding mellom Beitostølen og Rauddalen, og hytteutbygging på Beitostølen og ved Tåbakke Blåhovda. Med nye og allereie regulerte områder, gir kommunedelplanen ein reserve på 50 bustader og 70 leilegheiter til bustadføremål, og 250 hytter og 500 leilegheiter til fritidsføremål. Det er lagt fram 2 alternativ til nytt plankart. Skilnaden mellom alternativa er plassering av skitrekk (S8 og S3) og taubane som koplar saman alpinanlegga på Beitostølen og i Rauddalen. Generelt Kommunen har vald å leggje kommunedelplanen ut til høyring, men peiker samstundes på at planen med føresegner og konsekvensutgreiing er mangelfull. Planutkast med konsekvensutgreiing er slik Fylkesmannen vurderer det ikkje fullstendig nok til å kunne vedtakast etter første høyring, og har etter dette motsegn til at planen blir sluttbehandla slik han no er utgreidd og utforma. Merknadene nedanfor inneheld innspel til vidare plan- og utgreiingsarbeid samt signal om motsegn og mogleg motsegn (der utgreiingsgrunnlaget ikkje er godt nok til å gi endeleg signal om motsegn). Konsekvensutgreiing Konsekvensutgreiinga er førebels uoversiktleg og ufullstendig. Fleire nye tiltak i planen er ikkje omtalt, som til dømes C1 ved Øyangen og V2 ved Tutjednet. Det er difor ikkje mogleg å ta endeleg stilling til alle dei konkrete tiltaka i planforslaget. Fylkesmannen tek atterhald om at den endelege konsekvensutgreiinga kan gi grunnlag for motsegn til tiltak som vi ikkje har fanga opp på dette stadiet i planprosessen. Fylkesmannen viser elles til Naturmangfoldlova sine miljørettslege prinsipp for offentlege avgjerder, og ventar at desse blir brukt i det vidare kommunedelplanarbeidet. Planføresegner Føresegner til planen må strukturerast betre slik at det går klart fram kva som er juridisk bindande føresegner og kva som er retningsliner til planen. I merknadene nedanfor er berre eit fåtal føresegner kommentert. Fylkesmannen vil gje ei samla uttale til planføresegnene når dei er meir gjennomarbeidd. Besøksadresse: Statens hus, Storgata 170, 2615 Lillehammer Postadresse: Postboks 987, 2626 Lillehammer Telefon: Telefaks: E-post: postmottak@fmop.no Org.nr:

2 Plankart Reguleringsplan for Grønolslie er ein av dei reguleringsplanane som framleis skal gjelde. I plankartet er det avsett ny alpintrase og skiheis som går gjennom planområdet for reguleringsplan for Grønolslie, i eit område avsett til spesialområde naturvernområde. Det er ikkje mogleg å ha to motstridande planar som gjeld samtidig for eit område. Fylkesmannen har motsegn til at det blir vedteke to motstridande planer for same område Plankartet må elles rettast opp i tråd med gjeldande nasjonal produktspesifikasjon for arealplan. Oppdatert versjon av denne ligg på Miljøverndepartementets heimesider på: Siste versjon er datert 17. mars I denne versjonen er det mellom anna sett ny farge for areal avsett til fritids- og turistføremål. Statens Kartverk Hamar tilbyr kontroll av arealplanar. Fylkesmannen tilrår at kommunen bruker dette tilbodet slik at feil og manglar i plankartet kan lukast ut. Samordna areal- og transportplanlegging og klimaomsyn Fylkesmannen viser til Rundskriv T-5/93 frå Miljøverndepartementet Rikspolitiske retningslinjer for samordna areal- og transportplanlegging der det heiter: Arealbruk og transportsystem skal utvikles slik at de fremmer samfunnsøkonomisk effektiv ressursutnyttelse, med miljømessig gode løsninger, trygge lokalsamfunn og bomiljø, god trafikksikkerhet og effektiv trafikkavvikling. Fylkesmannen viser og til Statlig planretningslinje for klima- og energiplanlegging i kommunen fastsett 4. september Denne slår fast at kommunene gjennom planlegging og øvrig myndighets- og virksomhetsutøvelse skal stimulere og bidra til redusjon av klimagassutslipp. Eit viktig grep for å redusere utslipp frå mellom anna transportsektoren er å utvikle transportsparande arealbruksmønster, noko kommunane kan oppnå gjennom si arealplanlegging. Energi og klimaplan for Øystre Slidre kommune blei vedteken i april Her er det slått fast at om lag halvparten av klimagassutsleppa i Øystre Slidre kjem frå vegtrafikken. I kapittel 8 om strategi og tiltaksområde, er det nedfelt kriterium som skal utredast ved val av areal til bustadføremål. Her er mellom anna transport eit viktig tema. I forslag til ny kommunedelplan er det lagt inn fleire nye områder for fritidsbustader ved Blåhovda Tåbakke (H8-12). I dette området er det frå før 2 hytteområde, innafor reguleringsplan for Lykkjetjednet og reguleringsplan for Tåbakke, samt nokre enkelthytter. Planforslaget legg opp til at ca. 420 daa blir lagt ut til nye byggjeområde. Ei storstilt ubygging i dette området vil skape ein satellitt i forhold til hovudtyngda av hyttefelt som er knytt til Beitostølen med sentrumsområde. Hytteeigarar i dette området vil være avhengig av transport til Beitostølen for å bruke dei sentrumsfunksjonane som ligg der, handel, serveringsstader m.m., og til dei to alpinanlegga slik heissystemet er bygd opp i dag. Etablering av eit stort utbyggingsområde ved Blåhovda Tåbakke vil føre til ei auke i interntransport i Beitostølsområdet. Det skal svært gode grunnar til for å etablere ein slik satellitt (som til dømes at det ikkje finst andre alternativ for utvikling av reiselivsområdet). Fylkesmannen kan ikkje sjå at det er lagt fram slike grunnar i det planmaterialet som er utarbeidd til no. Det ser tvert imot ut til å vere gode reservar for fritidsbustader knytt til sentrumsområdet, og dei nye alpinområda i Blåhovda Grønolshovda ser av planmaterialet heller ikkje ut til å vere avgjerande for vidare utvikling av Beitostølsområdet. Fylkesmannen ønskjer å signalisere at klimaomsynet må leggjast til grunn i kommunal planlegging, og da spesielt i samband med revidering av overordna planar. Vi ber om at kommunen gjer ei vurdering av framtidig utbyggingsmønster i Beitostølsområdet sett i eit klimaperspektiv. Av konsekvensutgreiinga bør det gå fram kva for tiltak som kan vere aktuelle å gjennomføre for å redusere interntransporten innafor planområdet, og dermed bidra til reduserte klimautslipp. Med ei så massiv utbygging som kommunedelplanen legg til rette for, ventar vi og at kommunen ser på transportauken inn til Øystre Slidre og Beitostølen frå omkringliggande kommunar og fylke. Fylkesmannen er skeptisk til ei satelittutbygging ved Blåhovde Tåbakke og varslar mogleg motsegn til fritids- og alpinføremål i dette området, av klimaomsyn. 2

3 Biologisk mangfald Noreg har som mål å stanse tapet av biologisk mangfald innan 2010, og det er gitt nasjonale føringar om å unngå inngrep i trua naturtypar og sikre at trua artar blir oppretthalde på livskraftige nivå jf. St.meld. nr. 26 ( ) Regjeringens miljøvernpolitikk og rikets miljøtilstand og St.meld. nr. 42 ( ) Biologisk mangfold. Den nye naturmangfoldlova som trådde i kraft 1. juli 2009 har forsterka desse føringane gjennom forvaltningsmål for ivaretaking av artar og naturtypar, og krav til generell varsemd. Lova stiller nye krav til kommunane når det gjeld å ta omsyn til naturverdiar mellom anna i planarbeid. Det er utarbeidd eige temakart for naturtypar til kommunedelplanen, som viser svært viktige (A), viktige (B) og lokalt viktige naturtypar registrert i Naturbase. I plankartet er lokalitetar med svært viktige og viktige naturtypar vist med omsynssone for bevaring av naturmiljø etter PBL 11-8 c. Myrområda nord for Øyangen er registrert som viktig naturtype, men er ikkje vist som omsynssone. Fylkesmannen tilrår at også dette området blir avsett som omsynssone. Det er ikkje gitt retningsliner til omsynssona. Fylkesmannen ventar at det blir utarbeidd slike retningsliner som seier korleis ein skal ta vare på verdiane innafor omsynssona. Fylkesmannen viser til kartlegging av biologisk mangfald og raudlisteartar i lia frå vegen Beito- Rauddalen til Tverråne, og temakart som blei utarbeidd på oppdrag frå Øystre Slidre kommune i 2005 i samband med behandling av utbyggingsplanar i Rauddalen. Kartlegginga og temakartet må leggjast til grunn når ein no vurderer nye inngrep i området. Fylkesmannen kan ikkje sjå at det er vist til denne kartlegginga i konsekvensutgreiinga. Tiltak som har konsekvensar for særskilte naturverdiar: I området Blåhovda Grønolshovda er det lagt inn nye areal for idrettsanlegg (alpin). Alpinnedfartar og ein heistrase (S10) går gjennom omsynssone for bevaring av naturmiljø i eit område kor det er registrert naturtypar av regional og nasjonal verdi. I det same området er det registret fleire raudlisteartar, i hovudsak lavartar, i kategoriane sårbar, nær trua og sterkt trua. I konsekvensutgreiinga er det sagt at ein gjennom reguleringsplanar må finne ei plassering av trasear som ivaretek verdiane i området. Alpinnedfart sørover ned frå Gønolshovda går gjennom eit område som i gjeldande reguleringsplan for Grønolslie er avsett til spesialområde - naturvernområde. I følgje plankartet skal denne reguleringsplanen framleis gjelde. Alpinnedfarten slik den er vist i plankartet er i strid med gjeldande reguleringsplan. Det er ikkje mogleg å ha to motstridande planar som gjeld samtidig for eit område. Sjå også merknader under punktet plankart. Sør for Grønolshovda er det lagt inn eit nytt byggjeområde til fritidsføremål H13. Dette byggjeområdet ligg innafor det området sør for Grønolshovda som blei kartlagt i 2005, i samband med utarbeiding av reguleringsplan for Grønolslie. Ved behandling av denne reguleringsplanen gav Fylkesmannen klare signal om at ein berre ønska å opne for ei avgrensa utbygging i dette området på bakgrunn av dei viktige biologiske verdiane her. Plankartet viser ein framtidig hovudturveg langs Rauddøla. I følgje føresegner til planen kan hovudturveg opparbeidast til tidleg-skiløyper og heilårs turvegar for forgjengarar og sykkel. Fylkesmannen ventar at omsynet til dei biologiske verdiane blir lagt til grunn ved opparbeiding av turveg i dette området. Fylkesmannen meiner at nye tiltak i området Grønolshovda Rauddøla vil kunne medføre store negative konsekvensar for viktige biologiske verdiar. Konsekvensutgreiinga gir ikkje grunnlag for å trekkje endelege konklusjonar slik denne er lagt fram no, og Fylkesmannen ventar at det blir gjort grundigare vurderingar for dette området, mellom anna med utgangspunkt i dei kartleggingar som er gjort i samband med behandling av tidligare utbyggingsplanar i dette området. Fylkesmannen varslar mogleg motsegn til S10, A7 og H13 på grunn av omsynet til dei biologiske verdiane i området. I alternativ 1 til plankart er det vist skitrekk (S8) mellom A6/L6 og dei nye hyttefelta ved Blåhovda. Hensikta med skitrekket er å få til ei samanbinding av alpinanlegga på Beitostølen og i Raudalen. Stolheisen går gjennom eit område med fjellbjørkeskog, som er registrert som naturtype i kategorien 3

4 viktig. I området som S8 kryssar er det registrert førekomst av elfenbenslav, ei raudlisteart som er sterkt trua (EN). I følgje konsekvensutgreiinga skal det ikkje opparbeidast nedfartar i området heistraseen går gjennom, og det einaste inngrepet blir heismastene. Trevegetasjon kan takast vare på med unntak av heistraseen. Fylkesmannen føreset at kartlegging av artsførekomstar i området blir lagt til grunn ved plassering av nye trasear. I alternativ 2 er det lagt inn taubaneforbindelse (gondol) mellom Raudalen og Beitostølen sentrum. Taubanetraseen kryssar over myrområda nord for Øyangen. Området er registrert som naturtype rikmyr, i kategori viktig. Myrområda nord for Øyangen, på båe sider av Rauddøla er registrert som yngleområde for trane. Den nordre delen av Øyangen er og registrert som rasteområde for andefuglar. Fylkesmannen viser til Olje- og energidepartementets behandling av klage på NVE sitt konsesjonsvedtak for ny 132kV leidning (luftline) mellom Rauddalen og Beito i I departementets vurdering er det lagt vekt på dei naturgitte forholda i området, og da særskilt våtmarksområdets betyding for fugl. Gondolbana i alternativ 2 er foreslått lagt gjennom det same område som kraftleidningen i ovannemnde sak. Kommunen har førebels ikkje teke stilling til alternativet og det er ikkje vurdert/utgreidd avbøtande tiltak i høve til naturverdiar og landskap. Fylkesmannen varslar mogleg motsegn til forslag om å leggje trase for gondolbane over myrområda nord for Øyangen, av omsyn til naturverdiar og landskap i dette området. Vi viser og til våre vurderingar av dette tiltaket under eige punkt om landskap. Landskap Som følgje av ratifiseringa av Den europeiske landskapskonvensjonen og St.meld. nr. 26 ( ) Regjeringens miljøpolitikk og rikets miljøtilstand, er krava til landskapsomsyn ved planlegging av fritidsbusetnad skjerpa. Det er eit nasjonalt mål at utbygging av fritidsbusetnad skal skje med vekt på omsynet til ressursbruk og estetikk, og ein bør unngå utbygging i snaufjellet og skoggrensa. Nye byggjeområde og nye skitrekk/taubane vil ha til dels store konsekvensar for landskapet i Beitostølsområdet. Fleire av dei nye tiltaka i kommunedelplanen ligg i eller grensar til snaufjell. Både S8 i alternativ 1 og ny gondol i alternativ 2 vil krysse område med avgrensa inngrep frå før og vil bli godt synlege nye element i landskapet. Fylkesmannen ber kommunen gjere ei grundig vurdering av landskapsverknad, og leggje til grunn dei konsekvensar dette mellom anna vil ha for Beitostølsområdet som reiselivsprodukt. Ny stolheis S5 går gjennom sentrumsområdet på Beitostølen, og dermed gjennom eit område som er tett utbygd frå før. Bilete/animasjon som er lagt ved konsekvensutgreiinga viser at også S5 vil bli eit market landskapselement. Øvre del av S5, med kryssing av rv 51, ligg allereie inne i gjeldande kommunedelplan, og nedre delen av heistraseen er avsett til alpin i gjeldande plan. Landbruk og kulturlandskap Når det gjeld nye arealdisponeringar så viser Fylkesmannen til St.meld.nr. 26 ( ), Regjeringens miljøpolitikk og rikets miljøtilstand som seier at det er viktig å sette klare grenser for mellom anna hyttebygging, næringsutvikling og landbruk. Stølar er spesielt nemnt i St.prop. nr. 70 ( ) ved oppretting av regionale miljøprogram. Her er det sett i gang tiltak for å styrke støling for å ta vare på kulturlandskapet. Omsynet til jordvern og kulturlandskap skal stå sentralt i all planlegging. Kommunen har vidareført dette i planprogrammet, med mål om aktivt landbruk og aktiv støling utanom sentrum. Det er og eit mål å etablere klare grenser mellom landbruk, bustadområde og turisme. Elles er det vist til Valdres Natur- og Kulturpark sitt handlingsprogram som ein del av måla i planprogrammet. Omsynssona for bevaring av kultur og naturmiljø bør utvidast slik at den går rundt områda i nord-aust (T1, T2, B2, B3, H1 og SP1). Dette er viktig med omsyn på støling som har ei ekstensiv arealutnytting, der det ofte blir store konfliktar når hytte- og bustadbygging kjem for nær. Ei buffersone mellom landbruksinteresser og andre interesser vil vere naudsynt for å kunne drive aktiv støling. Område for vern av kulturmiljø er område som er definert som stølsområde gjennom stølsprosjektet. Her er kartfesta fire eksisterande stølslag der dei viktigaste verdiane er kort omtala. Eksisterande rettar og plikter må omtalast, dersom desse kulturmiljøa skal kunne drive aktiv setring. Dette er ein føresetnad for å dempe framtidige konfliktar. 4

5 Fylkesmannen meiner at fjellgrensa må stå fast slik at det ikkje blir lagt opp til utbygging lenger opp mot snaufjellet enn i dag, jf. brev av 30. januar Fylkesmannen tilrår at denne grensa blir markert på plankartet. Det er ikkje lagt fram oversikt over tomter som er disponible på dei eldre byggjefelta. For å få ei høg utnytting av disponible areal er det viktig at det ikkje er for god tilgang på nye areal. Vi viser til merknader ved oppstart 30. januar 2009, der vi etterlyste ei arealoppgåve. Det er no utarbeidd men oppgåva viser berre samla arealbruk til hovudføremåla. Det er trong for ei meir detaljert utgreiing over kor mykje dyrka og dyrkbar mark, samt produktiv skog og andre areal som går med for kvart område. Det er lagt fram ein plan med ein planreserve frå 22 til 38 år. Årsaka til den store planreserven er grunngjeve med at det er vanskeleg å realisere tiltaka ut frå plankrav, grunnlagsinvesteringar, grunneigartilhøve og privatøkonomiske tilhøve. Det er lagt ut til nye byggefelt i sentrum B4, B5 og B6. Desse felta har god arealutnytting og Fylkesmannen har ingen merknadar til desse felta. Fylkesmannen har tidlegare varsla motsegn til reguleringsplan i området som no er markert som bustadfelt B2, B3 og hytteområde H1 (sak 46/2008). Desse områda var tekne ut av planen og reguleringsplanen blei godkjend. Etter ei samla vurdering ser ikkje Fylkesmannen at det er naudsynt å ta i bruk byggjeområde B2, B3 og H1. På bakgrunn av målsetjinga om aktivt landbruk, levande stølar og kulturlandskap, samt god arealutnytting vil Fylkesmannen varsle motsegn til områda B2, B3 og H1. Planføresegner som har særskild verknad for landbruk/kulturlandskap: 4.2.1, Stølspark SP1 er definert som LNF-område, men vi kan ikkje sjå at der er heimel i pbl 11-5, 11-7 og til å definere dette som landbruks-, natur- og friluftsområde. Ber om at det blir brukt annan SOSI kode ved framstilling av kartet , Tilleggsnæring, T1 og T2 Her bør ein vise til heimel i pbl 11-5,11-7, og Landbruk Pluss slik at det er høve til å sjå korleis desse stølane kan utvikle seg i framtida. I forslaget til juridisk bindande tekst står det at: innan desse områda kan det byggjast ut for tilleggsnæring i landbruket med lokale for overnatting, servering og utsal Når omgrepet byggjast ut blir brukt, ser vi for oss ei større endring av stølen. Dette er ikkje i tråd med LNF-føremålet. Ei betre formulering her vil vere Med bakgrunn i eksisterande bygningsmasse kan det blir drive tilleggsnæring med servering, utsal og overnatting i mindre skala. Vassdrag Vatn og innsjøar innafor planområdet er i plankartet avsett til bruk og vern av sjø og vassdrag. Det er ikkje utarbeidd føresegner til dette arealføremålet. Av omsyn til natur- og friluftsverdiar knytt til vassdraga bør kommunen fastsetje ei byggjegrense mot vassdrag, og definere kor brei denne skal vere. Byggjegrense mot vassdrag kan gis juridisk verknad som føresegn til LNF-føremålet, jf. PBL nr. 5. Fylkesmannen tilrår at føresegner om byggjeforbod mot vassdrag i kommuneplanens arealdel blir vidareført i kommunedelplanen. Same paragraf i PBL gir heimel for føresegner for å sikre kantvegetasjon langs vassdrag, i samsvar med regler om dette i vannressurslova. Fylkesmannen tilrår at det blir utarbeidd føresegner til LNFområda som sikrar kantvegetasjonen inntil 6 meter frå vassdraget. I plankartet er det avsett areal til campingplass i eit område ned til Øyangen (ca. 160 daa). Fylkesmannen kan ikkje sjå at eventuelle konsekvensar av denne etableringa er vurdert i konsekvensutgreiinga. Ut frå flybilete over området kan det sjå ut som om delar av området er opparbeidd med bålplassar m.m. Konsekvensutgreiinga må gjere greie for kva for aktivitet som finst i området i dag, og korleis ei framtidig næringsetablering vil påverke denne aktiviteten. Ved etablering av campingplass, utleigehytter m.m. i nærleiken til Øyangen må det takast omsyn til dei verdiane som er knytt til vassdraget. Allmenta sin tilgang til vassdraget må sikrast, og det må ikkje 5

6 gjerast inngrep som skadar naturverdiane i strandsona. Fylkesmannen tilrår at det blir sett ei byggjegrense mot vassdraget innafor området, for å ivareta naturverdiar og friluftsinteresser. INON inngrepsfrie områder Inngrepsfrie naturområde er ein unik ressurs i seg sjølv. I tillegg har områda stor betyding for nasjonal arv og identitet, naturopplevingar, friluftsliv og biologisk mangfald. I St.meld. nr. 39 ( ) Friluftsliv ein veg til høgare livskvalitet, blir det peika på at det er spesielt viktig å ta vare på inngrepsfrie område og dei kvalitetar ein finn i desse områda. Vidare gjennom St.meld. nr. 26 ( ) Regjeringas miljøpolitikk og rikets miljøtilstand, har regjeringa gitt viktige arealpolitiske føringar for mellom anna landskapsomsyn i arealplanlegging og bygging i snaufjell og i inngrepsfrie naturområde. Det er eit nasjonalt mål å bevare store samanhengande naturområde, og inngrepsfrie naturområde står i ei særstilling. I forslag til kommunedelplan er det avsett areal til fritids- og turistføremål varmestove V2, ved Tutjednet. I følgje føresegner til planen kan varmestova ha serverings- og overnattingsverksemd. Maksimal storleik er 200 m 2 BYA, og det skal ikkje leggjast til rette for infrastruktur som bilveg, straum, vatn og avløp. V2 ligg mindre enn 1 km frå grensa til INON-område med 1-3 km til tekniske inngrep. Oppføring av ei varmestove her vil forskyve denne grensa, og såleis redusere INON-området. Areal avsett til varmestove ligg dels i snaufjell og dels i bjørkeskog. Tilrettelegging for kommersiell verksemd inne i fjellet vil føre med seg behov for transport av varer m.m. Fylkesmannen ventar at konsekvensar av ei slik etablering blir teke med i konsekvensutgreiinga. Fylkesmannen meiner det er i strid med nasjonale føringar å leggje til rette for nye tiltak i fjellområda som reduserer inngrepsfrie områder, og varslar mogleg motsegn til V2. Samfunnssikkerheit og beredskap Fylkesmannen er nøgd med at heile planområdet, inkludert eksisterande byggjeområde, no er vurdert ut frå risiko- og sårbarheit. Vi er og nøgd med at radon er teke inn som eit tema i konsekvensutgreiinga. Men vi saknar planføresegner om radon og krev at radon blir teke inn anten som generelle føresegner for byggjeområde eller som føresegner om rekkjefølgje. Krav til minimumstiltak går fram av ny Byggteknisk forskrift om strålingsmiljø 13-5 radon gjeldande frå 1. juli Fylkesmannen kan ikkje sjå at konsekvensutgreiinga inneheld ei vurdering av brannfare, jf. innspel om dette i e-post av 20. november Beitostølen sentrumsområde blir vesentleg fortetta med utbygging av leilegheitsbygg, bustader, fritidsbustader, næringsbygg med vidare. Vi saknar vurderingar omkring tilfredsstillande tilkomst for brann- og redningsressursar jf. Byggeforskriftene (TEK 7-28) og om tilfredsstillande tilgang til sløkkjevatn jf. Forskrift om brannforebyggende tiltak og tilsyn. Vi vil og peike på trongen for riktig dimensjonering av kulvertar for brann- og redningsressursar i ski inn og ski ut områda. Faresonar er vist på plankartet med lik SOSI-kode for både skytebane og ras/skred. Vi ber om at plankartet blir utforma slik at det går fram kva som er skytebane og kva som er ras/skredområde. Fylkesmannen har motsegn til planen inntil det er utforma tilfredsstillande planføresegner om radon og inntil det blir gjennomført ei vurdering av brannfare (tilkomst for brann- og redningsressursar og tilgang på sløkkjevatn). Nærmiljø, barn og unge I konsekvensutgreiinga blir det framheva at tilrettelegging for gang- og sykkelvegar, bilfrie miljø og turstigar til alle nye byggjeområde er prioritert i planen og at alle nye bustadområde har god tilgang til trygge og varierte område for leik og aktivitetar. Dette er positivt. Ei innvending i høve til planlagd bustadbygging er at føresegnene for universell utforming er lite konkrete. Det er særleg viktig å gi konkrete føresegner for utforming av leilegheiter og uteopphaldsareal. I eit turistsatsingsområde som her er det i tillegg viktig å leggje godt til rette for barn og unge i hytte-/leilegheitsområda samt å syte for universell utforming av turistområda, jf pilotfylkesatsinga i Hedmark og Oppland, satsingsområde Utvikling av universelt utformede reiselivsdestinasjoner. 6

7 Dei skisserte alternativa for planlagd utbygging av skiheis og gondol er omfattande. Desse vil kunne påverke bustader og nærmiljø både ved nærføring og auka biltrafikk i område med lite trafikk frå før. Med auka utbygging i området blir det ekstra viktig med fokus på trafikktryggleik. Hytteutbygginga inneber auka trafikk langs Beitovegen og Beitestølsvegen, og vegane må sikrast for mjuke trafikantar. Det er eit mål at barn og unge skal kunne gå eller sykle til og frå skule og fritidsaktivitetar. Tilgang til gang- og sykkelvegar må gjelde gamle som nye bustadområde. I bustadområda Sentr1 og ved Stølslie (B1-B3) må det sikrast at det er nok areal der barn og unge kan utfolde seg og skape sitt eige leikemiljø (jf. rundskriv T-2/08 om barn og planlegging). Det er elles positivt at sektorsjef for skule og barnehage er oppnemnd som barns representant i planarbeidet og er medlem i intern referansegruppe for kommunedelplanarbeidet. Avsluttande merknad Kommunedelplanen legg til rette for byggjeområde som etter kommunen si vurdering dekkjer utbyggingsbehovet i mellom 20 og 30 år framover. Kommunen seier vidare at fleire av områda kan vere vanskelege å realisere av ulike årsaker. Fylkesmannen ber kommunen vurdere om det er riktig å leggje ut så store nye byggjeområde, og viser til vår uttale ved planoppstart der det mellom anna blei sagt at: Fylkesmannen peiker til slutt på at det bør vere ein viss realisme i til dømes planar som samanbinding mot Raudalen før dei gir føringar for arealplanlegginga i form av nye byggjeområde. Fylkesmannen minner i denne samanhengen om at det ikkje skal leggjast inn større utbyggingsareal i kommunedelplanen enn det er trong for i planperioden. Konsekvensutgreiinga viser at det ligg dels store reservar allereie inne i gjeldande plan, og Fylkesmannen kan ikkje sjå at det da er grunn til å fråvike statlege føringar ved utlegging av nye område. Vi tilrår at kommunen gjer ei nærare vurdering av kva for utbyggingsområde som skal prioriterast, med utgangspunkt i dei merknader som kjem inn i samband med høyring av planforslaget. Kristin Hille Valla Runa Bø plankoordinator Kopi: Oppland fylkeskommune Statens vegvesen, Region øst 7