Vang reguleringsplan Vang sentrum høyring

Transkript

1 Vang kommune Tyinvegen Vang I Valdres Dykkar referanse 17/5771 Dato Vår referanse 2017/ GGA Sakshandsamar Gaute Gangås, tlf Vang reguleringsplan Vang sentrum høyring Fylkesmannen er positiv til områdeplanlegging for Vang sentrum, og intensjonane med planarbeidet er i tråd med regionale og nasjonale føringar. Eit sentralt tema i planen er å finne eigna område til ulike typar busetnad. Fylkesmannen meiner det er ein mangel ved planen at det ikkje er laga ei oversikt over behov for bustadar sett i samanheng med eksisterande tomtereserve og tomtereserve som er under planlegging i nærområdet. Fylkesmannen har ut frå jordvernomsyn motsegn til bustadområde B1. Vidare har vi motsegn fordi omsynet til støy og samfunnstryggleik ikkje er godt nok ivareteke i planforslaget. Vi viser til oversending 29. september 2017 med høyring av områderegulering for Vang sentrum. I tillegg viser vi til våre innspel i samband med oppstart av planarbeidet. I 2014 vart det gjennomført ei moglegheitsstudie for Vang sentrum. Denne har vore utgangspunkt for forslaget til områderegulering. Moglegheitsstudien peika på at - E16 bør gå gjennom Vang sentrum, med nedsett fartsgrense og tydeleg gateutforming, - det vil vere viktig å utvikle ein strandsti langs Vangsmjøsa, - det er etterspørsel etter bustadar i sentrum og meinte det er meir enn god nok plass til dette i sentrum. Det vart m.a. peika på store areal langs E16. Føremålet med planarbeidet er å leggje til rette for vidare utvikling av Vang sentrum. Med utgangspunkt i moglegheitsstudien, har planarbeidet har hatt mål om å sikre utvikling av sentrum i Vang i tråd med retningslinene i Oppland fylkeskommune sin regionale plan for attraktive byer og tettstadar leggje til rette for attraktive buområde og varierte bustadtypar i tilknyting til sentrum oppheve planen for E16 på fylling i Vangsmjøse og integrere trase for E16 i ny plan legge til rette for strandsti langs Vangsmjøse innanfor planområdet Store delar av planområdet er i kommuneplanen avsett til område der eksisterande reguleringsplanar framleis skal gjelde. Elles er delar av planområdet avsett til LNF-område. I samband med planarbeidet, er det vurdert om det er hensiktsmessig å vidareføre arealbruken i eksisterande reguleringsplanar i områdereguleringa. I nokre tilfelle er arealbruken vidareført, medan den andre gongar blir erstatta med ny arealbruk. Det vart vurdert at områdereguleringa måtte konsekvensutgreiast, og det er utarbeidd planprogram for konsekvensutgreiinga. Besøksadresse: Gudbrandsdalsvegen 186, 2619 Lillehammer Postadresse: Postboks 987, 2604 Lillehammer Telefon: Telefaks: E-post: fmoppost@fylkesmannen.no Org.nr:

2 Vurdering av bustadområde Vurdering av bustadområde har vore viktig for arbeidet med områdereguleringa. Kapittel 6 i planskildringa omhandlar verknader av planforslaget og konsekvensutgreiing når det gjeld bustadar. Her blir det sagt at det i dag er mangel på bustadar i Vang kommune. Det blir vist til Fylkeskommunen sin bustadkartlegging som peika på eit behov for 7 bustadar (2 einebustadar, 1 småhus, 4 leilegheiter) i kommunen årleg i perioden Vidare blir det vist til ei undersøking utført av Innovangsjon i 2014 som viste at av dei som ønskjer bustad i Vang, ønskjer 51 % småbruk eller større tomter, 28 % ønskjer seg rekkjehus eller leilegheit, medan 12 % ønskjer bustad i tradisjonelle bustadfelt. Planskildringa viser til at det ikkje er mange leilegheiter, spesielt ikkje i Vang sentrum, på marknaden. Innanfor planområdet er det generelt få bustadar tilgjengeleg. Det finst likevel nokre ledige einebustadar og einebustadtomter utanfor Vang sentrum. Det blir sagt at det innanfor sentrumskjernen blir viktig å leggje til rette for rekkjehus, 2-mannsbustadar, fleirmannsbustadar og leilegheiter. Planforslaget omfattar område avsett til reint bustadføremål, område avsett til kombinert føremål busetnad/forretning, område avsett til kombinert føremål bustad/forretning/kontor og område avsett til kombinert føremål bustad/tenesteyting. Dei fleste områda er vidareføring av tidlegare utbyggingsområde med moglegheit for høgare arealutnytting ved å opne for meir konsentrert busetnad, bygging i fleire etasjar og eventuelt bygging på eksisterande parkeringsplassar. Når det gjeld bustadområde B1, er dette ei utviding av eit tidlegare regulert bustadområde der utvidinga er på dyrka areal. Like eins består område for bustad/tenesteyting BT3 av ikkje utbygd jordbruksareal, men arealet er i gjeldande reguleringsplan avsett til offentleg busetnad. Landbruk Konsekvensutgreiinga i planskildringa viser til at Vang sentrum i dag er omkransa av jordbruksareal der store delar består av fulldyrka jord som har stor verdi. Planforslaget legg til rette for nedbygging av jordbruksareal. Delar av dette arealet er allereie avsett til utbyggingsområde i eksisterande reguleringsplanar, medan andre delar er avsett til LNF-område. Til saman blir 29,7 daa areal som no blir dyrka, avsett til utbyggingsføremål. Gjeldande reguleringsplanar avset 27,5 daa areal som no blir dyrka til jordbruksareal. Differansen mellom dyrka areal avsett i planforslaget og dyrka areal avsett i eksisterande reguleringsplanar blir då 2,2 daa. Fylkesmannen har analysert desse tala nærare. I eksisterande reguleringsplan for E16 blir det omdisponert noko dyrka areal langs Vangsmjøse på austsida av Vang sentrum. Planforslaget avset dette arealet til LNF-føremål. Ut frå arronderinga, vurderer Fylkesmannen dette arealet som vanskeleg å drive. Tilbakeføring til LNF-føremål gjer at berekna differanse mellom dyrka areal avsett i planforslaget og dyrka areal avsett i eksisterande reguleringsplanar blir såpass lågt. Ser ein nærare på jordbruksareal på noverande LNF-område som blir nedbygd ifølgje planforslaget, ligg vesentlege delar innanfor bustadområde B1. Analysert i InnlandsGis, er samla areal her om lag 17 daa. Mesteparten av dette arealet blir foreslått omdisponert. Mellom bustadområde B1 og E16 blir det avsett ei stripe dyrka areal på om lag 6 daa til LNF-område, dvs. ei byggjegrense på 50 meter langs E16. I planskildringa blir det peika på at ein med dette tek vare på ein del av det karakteristiske landskapsbiletet i Vang med jordbruksareal tett innpå sentrum. Vidare blir det sagt at 50 meter byggjegrense gir moglegheit til å drive jordbruk på området. Fylkesmannen vil peike på at inneklemt jordbruksareal med slik storleik i framtida kan bli vanskeleg å drive rasjonelt. I tillegg kan det bli press på å få omdisponert slikt areal. Jordvernet har vore framheva i fleire stortingsmeldingar, rundskriv og brev frå departementet over fleire år. I Stortinget sitt vedtak 8. desember 2015 vart jordvernstrategien vesentleg forsterka ved at 2

3 det vart satt mål om at omdisponering av dyrka jord skulle reduserast gradvis til 4000 dekar/år innan Konsekvensen er at nye areal med dyrka areal ikkje kan avsettast til utbyggingsområde utan at behov er dokumentert og potensialet for fortetting er utnytta. Dersom omdisponering blir akseptert, må det i tilfelle sikrast ei høg arealutnytting. Dette samsvarer med Statlige planretningslinjer for samordnet bolig-, areal- og transportplanlegging som seier at potensialet for fortetting og transformasjon bør nyttast før nye område for utbygging blir tatt i bruk. Planforslaget legg opp til fortetting ved å opne for meir konsentrert busetnad, bygging i fleire etasjar og eventuelt bygging på eksisterande parkeringsplassar innan planområdet. Fylkesmannen ser positivt på dette. Vi vurderer likevel at planføresegna ikkje sikrar høg arealutnytting på godt nok vis. Planføresegna har gjennomgåande ikkje krav til minimum % BYA for utbyggingsområda og det er heller ikkje satt krav til minimum tal bueiningar innan dei ulike områda. Planforslaget omfattar heller ikkje oversikt som viser pårekneleg tal bueiningar i dei områda der det bli opna for fortetting. Når det gjeld behov for bustadar, blir det vist til Fylkeskommunen sin bustadkartlegging som peika på eit behov for 7 bustadar pr. år for heile kommunen. Kommunen har fleire område i nærleiken til planområdet som anten er opna for bustadbygging eller er under planlegging. Ved oppstart av planarbeid for Krøsvoldhaugadn bustadområde, ga vi i brev dagsett 15. september 2017 innspel om at ny busetnad i Krøsvøldhaugadn ikkje må gå på kostnad av talet på bustader i sentrum. Vi peika på at fortettingspotensialet i sentrum bør utnyttast før det eventuelt leggjast til rette for bustadar utanfor sentrum. Dei ulike planprosessane som er i gang kan føre til eit stort tomteoverskot, med låg og fragmentert utnytting av alle planområda som resultat. Ein slik utvikling er uheldig. Fylkesmannen meiner det er ein mangel ved planen at det ikkje er laga ei oversikt over behov for bustadar sett i samanheng med eksisterande tomtereserve og tomtereserve som er under planlegging i nærområdet. Fylkesmannen aksepterer ikkje at dyrka areal blir avsett til bustadområde utan at behov for nye bustadar er dokumentert og potensialet for fortetting er utnytta. I tillegg kan vi ikkje akseptere at høg arealutnytting ikkje er sikra. Med bakgrunn i jordvernstrategien i Prop. 127 S ( ) har Fylkesmannen motsegn til bustadområde B1. Støy Støy er ei utfordring i Vang sentrum, og den viktigaste støykjelda er E 16. Det er i forbindelse med kommuneplanen for Vang kommune utarbeidd støysonekart for E16 gjennom Vang. Støysonekartet er brukt som utgangspunkt i arbeidet med områdereguleringa. Kartet viser at mindre delar av Vang sentrum ligg innanfor raud støysone og større delar av sentrum ligg innanfor gul støysone. Planforslaget legg opp til vidare utvikling av Vang sentrum delvis innanfor område som er råka av gul støysone. Det er i arbeidet med områdereguleringa ikkje gjennomført støyberekningar, men det er i reguleringsføresegna satt krav om dokumentasjon av støynivå i samband med byggjesak. I Retningslinje for behandling av støy i arealplanlegging (T-1442/2016) er gul støysone ei vurderingssone der kommunane bør vise aktsemd med å tillate etablering av bygg med støyømfintleg bruk. Det skal ved utarbeiding av reguleringsplan gjennomførast ei støyfagleg utgreiing som synleggjer støynivå ved ulike fasadar på dei aktuelle bygningane og på areal til opphald utandørs innanfor gul støysone. I utgangspunktet bør det berre gis løyve til slike bygg dersom man gjennom avbøtande tiltak tilfredsstiller grenseverdiane fastsett i retningslinene. 3

4 I planprogrammet for planen heiter det at det ved tiltak innanfor gul sone skal gjennomførast støyberekningar som viser støynivå inne og ute ved bygget sine fasadar og uteareal. Utrekningane skal og vise tiltak mot støy dersom grenseverdien i T-1442 blir overskride. Det er Fylkesmannens oppfatning at planen ikkje følgjer opp planprogrammet på ein tilfredsstillande måte. I dette tilfellet er planen ein områdereguleringsplan. Ein områdereguleringsplan definerast som eit eigna planverktøy til å legge rammer for vidare planlegging, utvikling og bygging. Fylkesmannen kan difor akseptere at det utarbeidast ein områdereguleringsplan utan at det er føreligg ein støyfagleg utgreiing, og utan at relevante avbøtande tiltak er innarbeidd i planen. Men føresetnaden for dette er at det i områdeplanen blir innarbeidd eintydige planføresegner som sikrar at omsynet til støy blir godt nok ivareteke i detaljplanlegging og byggjesakshandsaming. Fylkesmannen meiner at omsynet til støy ikkje er godt nok ivareteke i planforslaget. Krava i Retningslinje for behandling av støy i arealplanleggingen (T-1442) er ikkje oppfylt, og planen følgjer ikkje opp planprogrammet for tema støy på ein tilfredsstillande måte. Det er eit nasjonalt mål å redusere støyplaga med 10 prosent innan 2020 jf. St.meld. nr. 26 ( ) Regjeringens miljøvernpolitikk og rikets miljøtilstand. Med bakgrunn i dette er det uheldig å opne for detaljregulering av byggjeområde med støyømfintleg bruk i gul støysone utan krav om støyfagleg utgreiing og krav om at eventuelle naudsynte avbøtande tiltak skal innarbeidast i detaljreguleringsplanar. Fylkesmannen har difor motsegn til områdereguleringsplan for Vang sentrum. Motsegna kan imøtekomast på følgjande måte: For dei byggjeområda i planen som er råka av gul støysone, og som det er sett krav om detaljregulering: Det må i reguleringsføresegna for desse områda fastsetjast plankrav om støyfagleg utgreiing og konkretisering av avbøtande tiltak. Det bør og visast til overordna regelverk. For dei byggjeområda i planen som er råka av gul støysone, men som det ikkje er sett krav om detaljregulering: Planføresegna som er sett i 5.5 i høyringsdokumentet kan vidareførast for desse områda. Dette kan til dømes gjerast ved at dei innarbeidast som ei føresegn for dei enkelte områda. Alternativt kan løysinga som er vist i høyringsdokumentet vidareførast, med ei felles føresegn for omsynssone støy. Det må i så fall presiserast at føresegna gjeld dei områda der det ikkje er krav om reguleringsplan. Fylkesmannen tilrår at støygrensene i størst mogleg grad blir talfesta i reguleringsføresegna, til dømes på denne måten: "Alle bueiningar skal ha støynivå lågare enn 55 db L den på uteplass og utanfor rom med støyfølsam bruk. Utanfor soverom skal maksimalt støynivå i nattperioden (23-07) ikkje overstige 70 db L 5AF." I områdereguleringsplanen er det sett krav om ein detaljreguleringsplan for E16-traseen gjennom sentrum. Vi går ut frå at dette er/blir avklart med vegvesenet. Støy vil vere eit naturleg sentralt tema i dette planarbeidet, og bør innehalde avbøtande tiltak som kan ha positive verknader for Vang sentrum. I og med at det er E 16 som er hovudkjelda til støy, hadde det vore det beste om detaljreguleringsplan for traseen, med oppdaterte støyberekningar og relevante avbøtande tiltak, hadde vore utarbeidd før områdereguleringsplanen. Fylkesmannen har ikkje oversikt over kor langt fram i tid ein slik planprosess ligg, og vi ser det difor ikkje naturleg å gjere fleire vurderingar omkring dette no. Vi minner om at det i Retningslinje for behandling av støy i arealplanlegging og er tilrådingar om støygrenser ved etablering av nye støykjelder, som til dømes veganlegg. Samfunnstryggleik ROS-analysen omfattar ikkje vurderingar omkring overvatn og fare for auka tilførsel av vatn til bekken som renn gjennom planområdet i sør. Ved ny utbygging som inneber tettare flater må slike 4

5 vurderingar gjerast for å unngå moglege konsekvensar for anten liv/helse, kritisk infrastruktur/ samfunnsfunksjonar eller materielle skadar. I dette høvet må verknaden av planlagde tiltak i BF 2 og BT 7 vurderast når det gjeld overvatn og mogleg auka utslepp til bekken med konsekvensar for omkringliggande areal. Vurdering av vassdragskryssingar og behovet for tilstrekkeleg dimensjonering er og ei sentral vurdering som må med. Dette handlar om tilpassing til eit klima i endring. Fylkesmannen saknar ei slik vurdering i ROS-analysen. I plankartet er det teikna inn faresone flaum som omsynssone, med 20 m på kvar side av sidevassdraget. Det er knytt planføresegn til sona, som hindrar byggjetiltak før tilstrekkeleg sikkerheit er dokumentert. Her må ein vise til TEK 17 og ikkje TEK 10. Det er ikkje stilt krav om detaljregulering for byggjeområda BF 2, BT 7 og BBH der bekken renn igjennom. Byggjeområda ligg innanfor omsynssone for flaum, men utan at det er stilt krav om detaljregulering for vidare utgreiing av moglege sikringstiltak. Fylkesmannen meiner då at krava om sikkerheit etter byggteknisk forskrift ikkje er følgde opp. Vi meiner og at det må stillast konkrete krav om dimensjonering av moglege vassdragskryssingar for å unngå moglege negative hendingar som kan påverke flaumtryggleiken for omkringliggjande areal (jf. byggteknisk forskrift). Vidare meiner vi at planen må ha ei føresegn som gjeld handtering av overvatn. Oppsummering av motsegner ut frå samfunnstryggleik: ROS-analysen: ROS-analysen er ikkje fullverdig på grunn av manglande vurderingar omkring overvatn og auka flaumfare knytt til sidevassdrag. Krav om fordrøying av overvatn og/eller bruk av flaumvegar må vurderast. Planføresegner: - det manglar krav om detaljregulering for byggjeområdane BF2, BT7 og BBH - det manglar ei planføresegn for handtering av overvatn (sjå - det manglar ei generell planføresegn om vassdragskryssingar for heile planområdet med krav om utforming og dimensjonering for ein 200-års flaum med klimapåslag (min.1.2). Grunnlaget for motsegnene er DSBs retningsliner for Fylkesmannens bruk av motsegn for å ivareta samfunnstryggleik i arealplanlegginga, ref. kapittel 4. Kriterium for motsegn under reguleringsplanar. Fylkesmannen vurderer at planen ikkje følgjer opp nasjonale og vesentlege regionale føringar, jf. sikkerheitskrav i Byggteknisk forskrift for nye byggjetiltak. Planen har ikkje vurdert risiko- og sårbarheit godt nok i ROS-analysen om overvatn/flaum. Det medfører ei manglande planføresegner for samfunnstryggleik i planen. Med helsing Sigurd Tremoen Runa Bø fagdirektør Etter våre rutinar er dette brevet godkjent og sendt utan underskrift. Kopi til: Oppland fylkeskommune Postboks Lillehammer 5