Samordna uttale med motsegn - offentleg ettersyn - Kvinnherad gnr. 154 bnr. 257 m fl - Opsonger - industriområde og bustadområde - detaljregulering

Transkript

1 Sakshandsamar, telefon Egil Hauge, Hege Brekke Hellesøe, Christian Johan Alstad, Vår dato Dykkar dato Vår referanse 2017/ Dykkar referanse 16/2913 Kvinnherad kommune Rosendalsvegen Rosendal Samordna uttale med motsegn - offentleg ettersyn - Kvinnherad gnr. 154 bnr. 257 m fl - Opsonger - industriområde og bustadområde - detaljregulering Fylkesmannen har mottatt reguleringsplan for Sunde industriområde i Kvinnherad kommune til offentleg ettersyn Vi viser til denne oversendinga og til seinare korrespondanse om dialogmøte og utsett svarfrist. Vi seier oss lei for at det, på grunn av uføresette tilhøve som kommunen er gjort kjend med, har teke lang tid å gje samordna uttale med møtereferat i saka. Bakgrunn Det går fram av oversendinga at planen skal gjenspeile røynda der planområdet har blitt omforma frå LNF og fritidsbustad til eit industriområde gjennom ei rekkje dispensasjonar, i tilegg til å leggje til rette for framtidig industriverksemd. Det vert opna for å etablere overnattingsplassar, bustad, kontor, næring samt landingsplass for helikopter innanfor planområdet. Planområdet er sett av til industri, LNF-område og fritidsbustad i gjeldande kommunedelplan for Husnesområdet I kommuneplanen som er under arbeid er området sett til næring og LNF. Om samordna uttale Vi viser til brev av frå Kommunal- og moderniseringsdepartementet (KMD) om vidareføring av statleg Forsøk med samordning av statlege motsegner til kommunale arealplanar. I denne saka har Fylkesmannen motteke førebels uttale med fleire aktuelle motsegnspunkt frå Statens vegvesen (SVV), som dei har bede om å få ta opp i eit dialogmøte med kommunen. Vidare har Hordaland Fylkeskommune (HF), i e-post av til Fylkesmannen vist til at sidan vegvesenet uttaler seg som vegadministrasjon for fylkeskommunen i fylkesvegsaker, ønskjer fylkeskommunen òg å vere til stades på eit eventuelt dialogmøte i denne saka. Etter ønskje frå kommunen vart difor SVV og HF begge inviterte med i den utvida dialogen om planen, jf. referatet nedanfor. SVV sine dialogpunkt SVV viser til at ein uttaler seg til planen med bakgrunn i rolla som vegadministrasjon for fylkeskommunen i fylkesvegsaker, og som statleg fagorgan med sektoransvar for samordna Fylkesmannen i Hordaland Postadresse: Postboks 7310, 5020 Bergen Besøksadresse: Statens hus, Kaigaten 9, Bergen Telefon: Kommunal- og samfunnsplanavdelinga Kontakt: Nettside: Org.nr:

2 areal og transportplanlegging, miljøulemper knytt til veg og vegtrafikk, trafikktryggleik, tilrettelegging for mjuke trafikantar og universell utforming. I uttalen som Fylkesmannen har motteke, vert det vidare peika på at det generelt er eit planframlegg som omfattar ulike føremål som kjem i konflikt med kvarandre. Det vert nemnd industri, lager, bustader, leikeplass og friområde. Følgjande konkrete punkt vert òg trekte fram: SVV er opptatt av at det skal vera trygt for mjuke trafikantar å ferdast i planområdet. Bustader og leikeareal i planområdet må sikrast mot støy og andre miljøulemper knytt til veg og vegtrafikk, og køyretøy knytt til industriføremålet må sikrast tilstrekkeleg framkome på dei interne vegane i planområdet. SVV finn tekniske manglar med plankartet som må rettast opp i. Desse er relatert til kryss ut i fylkesvegen, interne vegar i planområdet og byggjegrenser mot veg og elles i planområdet. SVV ynskjer å drøfta området BL_1 (etter siste revidert plankart). Me ynskjer meir informasjon om kva spesialavfall som skal lagrast her. Avfallet må ikkje få konsekvensar for mjuke trafikantar på gang og sykkelvegen eller køyrande på fylkesvegen, samt drift og vedlikehald. SVV ynskjer at det vert gjort ei vurdering av om gang og sykkelvegen bør ha ei generell universell utforming. I føresegnene må det koma fram at alt veganlegg knytt til fylkesvegen skal utformast etter våre handbøker. SVV viser elles til ein konstruktiv dialog med konsulenten under vegs. Dei har tidlegare uttrykt eit behov for endringar i ROS-analysen, som konsulenten har gjennomført. SVV ønskjer å sjå på dei ulike resultata som har kome fram i analysen i eit dialogmøte og minner elles om at det kan kome fram fleire forhold som dei ynskjer å drøfte i eit møte. Fylkesmannen si vurdering - dialogpunkt Elles har òg Fylkesmannen vurdert planframlegget i lys av eige medverknadsansvar innan mellom anna miljø, folkehelse, barn og unge, risiko og sårbarheit samt planjuridiske tema. Støy Planområdet ligg tett ved eit eksisterande industriområdet i tillegg til at det i planen opnar for meir industri og helikopterlandingsplass. Alt det indikerer at støy kan vere ei utfordring i planområdet. Støy er definert som forureining i forureiningslova, og er eit miljøproblem som rammar mange. Av retningslinjer for behandling av støy i arealplanlegging (T-1442/2012) går det fram at alle nye reguleringsplanar bør vise tilgjengeleg støysonekart innanfor planområdet på eigna måte. Det er vidare krav til at ein så tidleg som mogleg i planprosessen skal gjera støyfaglege utgreiingar, der støynivå vert talfesta i tabell og/eller i berekningspunkt i kart for representative høgder. I planen er det sett føresegn om at «det skal gjennomførast støymåling før og etter etablering av nye verksemder i planområdet, i samsvar med Forskrift om grenseverdiar for støy». Det er ikkje gjort nokon støyfaglege undersøkinga på noverande tidspunkt. Fylkesmannen meiner det gjer det umogleg å vurdere verknaden av planen, både for eksisterande bustader i område rundt, for nye bustader i planen og for eventuelle andre interesser i nærleiken. 2

3 Folkehelse og barn og unge Planskildringa inneheld ingen vurderingar om verknaden av planen for folkehelse og for barn og unge. Folkehelse og barn og unge sine interesser skal vere eit tema i alle planer. I denne planen er det opplagte problemstillingar knytte til plassering av bustad så nær opp til industri og næring, som gjer det særs viktig å vurdere verknadene grundig. Konsekvensutgreiing Kommunen har vurdert at det ikkje er naudsynt med ei konsekvensutgreiing. Fylkesmannen er ikkje samd i det. Planområdet skal brukast til mellom anna industri, helikopterlandingplass og bustader. Helikopterlandingsplass er eit tiltak som vert omfatta av forskrift om konsekvensutgreiing vedlegg II punkt 10d. Det er tiltak som skal vurderast nærmare jf. forskrift om konsekvensutgreiing 3. Det er heller ikkje opplyst kva type industri som skal kome her. Planen opnar for det mest, med nokre avgrensingar i føresegnene. Det er ikkje tillate å etablere verksemder med eksplosjonsfarleg eller særleg brannfarleg aktivitet i planområdet. Det står også at «Kommunen kan tillate etablering av veksemder som etter kommunen sitt skjønn ikkje kjem i konflikt med eksisterande verksemder eller på annan måte er til urimelig ulempe for omgjevnaden». Fylkesmannen meiner at det er for uklart kva type industri som kan kome her og at planen opnar for tiltak som er omfatta av KU-forskrifta. Fylkesmannen meiner at planforslaget kan få vesentleg verknad for miljø og samfunn, og at planen bør konsekvensutgreiast. Risiko og sårbarheit ROS-analysen syner fare for flaum i planområdet. Det er ikkje merka som omsynssone i plankartet. Det må gjerast jf. plan og bygningslova 4-3. Det er avdekka fleire risikoar i ROS-analysen og det er foreslått tiltak. Desse tiltaka må så langt som mogleg følgjast opp i føresegnene til planen. Vi kan ikkje sjå at ROS-analysen har tatt innover seg at det er lagt opp til helikopterlandingsplass i planområdet. Det må innarbeidast i analysen. Utvida dialog med kommunen Etter at kommunen vart gjort kjend med hovudinnhaldet i desse vurderingane frå statlege og regionale styresmakter, ønska Kvinnherad kommune eit dialogmøte om planen. Møtet vart halde den i Statens hus Bergen. Til stades Frå Kvinnherad kommune Odd Ivar Øvregård. Kjartan Thoresen. Ingo Bewer. Frå Statens vegvesen Carl-Erik Nielsen. Guri Finne Sognnæs. Frå Hordaland Fylkeskommune Eva Kathrine Taule. 3

4 Nina Gjester Hoel. Hans Christian Engum. Frå Fylkesmannen Lars Sponheim. Egil Hauge. Christian Johan Alstad. Tema som vart drøfta Kommunen orienterte om planen. Det har vore eit mål å få til ei planavklaring som legg fram framtidig bruk av areala i planområdet, basert på eksisterande verksemd. Kommunen gav utrykk for at ein er kjend med at det er mange planfaglege og komplekse utfordringar som må løysast i denne saka. Det vart føreteke ei noko overordna drøfting av hovudpunkta i SVV og Fylkesmannen sine innvendingar, slik dei går fram ovanfor. Konklusjon Fylkesmannen konkluderte i denne saka med at dialogen ikkje hadde ført fram og at det difor er naudsynt å fremje motsegn til planen slik han ligg føre, jf. grunngjevinga ovanfor. SVV sine motsegnspunkt vert ikkje avskorne av Fylkesmannen. Vi oppfatta at det var semje om at planen har såpass mange vesentlege manglar og avvik knytte til m.a. utgreiing av konsekvensar og verknader, at den ikkje let seg vurdere nærare no. Kommunen tok dette til orientering og gav utrykk for at ein vil innstille på å arbeide vidare med planen, i lys av dei motsegnspunkta som er gjort greie for i vurderinga ovanfor og i møte. Vi legg etter dette til grunn at det, dersom kommunen finn å ville gå vidare med planarbeidet, vil verte send på høyring eit nytt og endra planframlegg som kjem motsegnspunkta i møte. Dersom kommunen ønskjer det, vil SVV, HF og Fylkesmannen kunne gje råd om korleis dei einskilde motsegnene kan følgjast opp. Motsegna inneber som kjent at kommunen ikkje kan vedta planen. Skulle kommunen likevel kome til at ein vil ta planen opp til slutthandsaming, vil alternativet vere å be om formell mekling, jf. pbl 5-6. Med helsing Rune Fjeld assisterande fylkesmann Egil Hauge fagdirektør Brevet er godkjent elektronisk og har derfor inga underskrift. 4

5 Kopi til: Statens Vegvesen - Region Vest Postboks LEIKANGER Hordaland fylkeskommune Postboks Bergen 5