Søknad om støtte til Skaparhuset ein arena for læringslivet

Transkript

1 saksframlegg Dato: Referanse: Vår saksbehandlar: /2019 Øyvind Tveten Saksnr Utval Møtedato Kultur-, næring- og folkehelseutvalet Søknad om støtte til Skaparhuset ein arena for læringslivet Bakgrunn Aktørar frå ulike deler av innovasjonsmiljøa i Møre og Romsdal har gått saman med ønskje om å utvikle Skaparhuset i Ulstein kommune, og søkjer no om støtte til utvikling og etablering. Partnarane i Skaparhuset ønskjer å etablere ein arena for innovasjon og livslang læring, der næringslivet, kommunane og utdanningssektoren skal møtast for læring på tvers av sektorane, som grunnlag for innovasjon og omstilling. Rapporten frå forprosjektet ligg med som vedlegg. Forprosjektet vart initiert av NCE ikuben og gjennomført utan offentleg støtte. Det er NCE ikuben som står som formell søkjar, men Skaparhuset Ulstein er under stifting, og eventuell støtte frå fylkeskommunen vil gå til den nye stiftinga. Frå søknaden: «SKAPARHUSET skal vere ein arena for innovasjon og livslang læring, der næringslivet, offentleg sektor og utdanningssektoren møtast på like vilkår for gjensidig læring som grunnlag for innovasjon og omstilling. Næringslivet treng kontinuerleg omstilling for å styrke si internasjonale konkurranseevne. Kommunal sektor har eit tilsvarande innovasjonsbehov for å kunne levere eit sterkt aukande tenestevolum. Fagfornyinga i skulen krev tverrfaglegheit, teknologi og arenaer for prøving og feiling.» Bakgrunn for søknaden Det er stort behov for omstilling og innovasjon i både kommunar, næringsliv og i utdanningssektoren. Næringslivet på Søre Sunnmøre er knytt til maritim næring, og heile næringa er midt inne i ei stor omstilling. Mykje av næringslivet som var leverandørar inn mot petroleumsindustrien, har på kort tid måtte finne nye marknader. Sjølv om fleire har lukkast bra med dette, slit mange med lønsemda i overgangen. Heilt nye kundar, andre verdikjeder og endra logistikk, gjer at mange bedrifter fortsatt opplever krevjande tider. Kommunane har også eit stort behov for innovasjon for å kunne levere kommunale tenester med rett kvalitet og omfang, samstundes som ein skal halde seg innanfor stramme offentlege budsjett. Demografiske trekk, med ei kraftig auke i talet på eldre, vil særleg utfordre kommunane sin tenesteproduksjon framover. Utdanningssektoren, heilt frå grunnskulen til høgskular og universitet, vert utfordra på å vere ein relevant leverandør av kompetanse til arbeidslivet. I både grunnskule og vidaregåande opplæring vert det gjennomført ei fagfornying frå hausten Dette føreset meir djupnelæring, meir tverrfaglegheit og læringsarenaer som i større grad gir rom for teknologi og praktisk utprøving.

2 Våren 2020 kjem ei stortingsmelding om arbeidslivsrelevansen i høgare utdanning, og ekspertutvalet for etter- og vidareutdanning leverte sin rapport i juni Markussen-utvalet foreslår ei rekkje grep retta mot utdanningsinstitusjonar, arbeidslivet og den enkelte arbeidstakar for å få til meir etter- og vidareutdanning i tråd med behovet i arbeidslivet. Forprosjekt Forprosjektet for etablering av Skaparhuset vart leia av NCE ikuben ved prosjektleiar Kjersti Kleven. Ulstein kommune, Ulstein vidaregåande skule, NCE ikuben, Protomore kunnskapspark og Høgskulen i Volda har vore partar i forprosjektet. Maritim Forening for Søre Sunnmøre (Mafoss) og Ålesund kunnskapspark (ÅKP) har også vore med i prosjektgrupa for forankring i næringslivet og koordinering med eksisterande aktørar i regionen. Forprosjektet konkluderer med at ÅKP vert med som formell partnar i Skaparhuset. I forprosjektet har ein gjennomført intervjurundar og møter med sentrale aktørar i grunnskulen, lærarar på Ulstein vidaregåande, Høgskulen i Volda og bedrifter. I tillegg vart det gjennomført ein workshop med 20 deltakarar frå bedrifter, kommunen og Mafoss der ein arbeidde med identifisering av felles behov, forslag til løysingar og innspel til korleis næringslivet kan medverke til, og bruke, arenaen. Konklusjonane frå forprosjektet er at partnarane skal medverke til etablering av ein felles arena for kompetansebygging og innovasjon i Ulsteinvik. Arenaen skal vere ein open møteplass mellom utdanning og arbeidsliv, der ein løyser reelle problem, lærer gjennom praktisk uttesting, lagar prototypar, møter nye teknologiar og utviklar talent. Det viktigaste i arenaen er skaparverkstaden, som forprosjektet konkluderer bør vere utstyrt med manuelle og digitale verktøy. Målsetting for Skaparhuset Målet for prosjektet er å etablere Skaparhuset i sentrum av Ulsteinvik. I løpet av prosjektperioden skal det leggast eit grunnlag for permanent drift av Skaparhuset med ein berekraftig forretningsmodell for langsiktig drift. Søknaden viser til at det å bygge kompetanse og omdøme for ein slik arena tek tid, og viser til erfaringar frå ProtoMore innovasjonslab og Blue Innovation Arena. Søknaden viser til at Skaparhuset kan bygge på erfaringane og dei verktøya som partnarane har, og dette er ein klar fordel for prosjektet. Effektmål Det overordna effektmålet for Skaparhuset er å få til ei unik samansmelting mellom skule og arbeidsliv. Skaparhuset skal vere ein stad der ein tek med seg utfordringar som skal løysast i samarbeid. I Skaparhuset møter ein ulike kompetansar som skal til for å løyse problemet. Skaparhuset skal nyttast av skule og næringsliv kvar for seg, men den viktigaste effekten som prosjektet ønskjer å skape er ein arena der ein i større grad også løyser utfordringar i lag. Kodeklubben, som i dag brukar Ulstein Arena, vil også vere ein aktiv brukar her. Til saman blir dette eit miljø som vil utfordre og viske ut eksisterande sektorgrenser, noko vi trur kan gi viktige nye erfaringar både for innovasjon og læring. I Skaparhuset er ein meir opptatt av den enkelte sitt bidrag, enn om ein er elev, ingeniør, helsearbeidar, lærar eller «gamer».

3 I forprosjektet har prosjektgruppa snakka med og kartlagt ulike liknande aktørar, men ikkje funne denne gjensidigheita mellom næringsliv og skule som Skaparhuset har ambisjon om å skape. Prosjektgruppa trur utfordringane som både næringsliv og offentleg sektor står framfor må løysast på nye måtar, og at det trengs tverrfagleg kompetanse. Ønskte effektar for utdanningssektoren: Entreprenørskap/skaparglede hos elevane Relevans i utdanninga Kjennskap til kompetansebehovet i arbeidslivet Levande nettverk mellom skule og næringsliv Ønskte effektar for næringslivet og kommunane: Talentutvikling og rekruttering Skaparkraft Styrka innovasjonsevne Nye modellar for livslang læring/etter- og vidareutdanning (EVU) Spin-offs i eksisterande bedrifter og nyetableringar Styrka internasjonal konkurranseevne Ønskte effektar for akademia: Forsking på praksisfeltet (til dømes læring og utdanning, helse og omsorg, innovasjonsmetode, organisasjonsutvikling, leiartrening) Relevante og brukartilpassa tilbod innan EVU Metodeutvikling Overføring av "Ulsteinmodellen" for etterutdanning av lærarar, utvikla av Ulstein Kommune og Høgskulen i Volda, til andre kommunar Ønskte effektar for klyngeaktørane og næringsforeiningane: Klyngene opplever større bruk av eksisterande tilbod gjennom større nærleik til bedriftene. Vekselverknad tilbake til klyngeorganisasjonane, der prosjekt frå Skaparhuset blir større hovudprosjekt hos klyngene. Fornying av tilbod og tenester som resultat av større nærleik til medlemsbedriftene Aktivitetar i prosjektet Aktivitetane i prosjektet er definert for å kunne lukkast med etableringa av Skaparhuset. Prosjektet vil etablere arbeidsgrupper for gjennomføring av fleire av aktivitetane: Utforming av lokalet og kartlegge behov for utstyr Forankring i næringslivet Engasjere prosjektressursar Kommunikasjon Etablere og utvikle samarbeidsrelasjonar Planlegge og starte opp drifta I perioden fram mot påske 2020 vil det handle om planlegging, sette i stand lokala og oppstart. Fram mot sommaren 2020 vil ein gå over i meir rein driftsfase.

4 Tenester frå ÅKP-systemet som kan plasserast i Skaparhuset når bedrifter frå Søre Sunnmøre er med: Hoppid.no Samlingsbaserte program for gründarar og entreprenørar ÅKP Idelab og ÅKP Scaleup Kurs- og seminarverksemd I tillegg har ÅKP-systemet infrastruktur som kan vere aktuelt å legge til Skaparhuset. VR-lab gjennom Digicat - Norsk katapult. MIT Disiplined Entrepreneurship for grunnskule, vidaregande skule, næringsliv og offentlege verksemder. NCE ikuben vil nytte Skaparhuset som møteplass for sine deltakarbedrifter på Sunnmøre. Ein vil i samarbeid med Protomore legge kurs og aktivitetar inn mot innovasjonsmetodikk til Skaparhuset, til dømes kurs i Design Thinking. Prosjektorganisering Plana er å etablere Skaparhuset som ei foreining, men organisasjonsforma vil bli vurdert nærare som ein del av prosjektet. Kjersti Kleven vil vere prosjektleiar med 40 prosent stilling, finansiert av NCE ikuben. Målet er å finansiere personalressursar i totalt ei heil stilling, inkludert Kjersti Kleven. Styringsgruppa: NCE ikuben: Kjersti Kleven, prosjektleiar ProtoMore: Ragna Brenne Bjerkeset, prosessleiar ÅKP: Robert Voldnes, seniorrådgivar Mafoss: Jan Tormodsæter, dagleg leiar Ulstein Næringsforum: Daniel Garden, dagleg leiar Ulstein Kommune: Gry Osnes Nordal, kommunalsjef for oppvekst Eigarmøte: NCE ikuben: Hilde Aspås, dagleg leiar Protomore: Finn Amundsen, dagleg leiar ÅKP: Oddbjørn Hatløy, seniorrådgivar Mafoss: Jan Tormodsæter, dagleg leiar Ulstein Næringsforum: Daniel Garden, dagleg leiar Ulstein kommune: Verner Larsen, rådmann

5 Økonomi Kostnadsplan Tittel SUM Andre kostnader Arrangement Driftsutstyr Forsikring Honorar fagressursar Husleige Investering lokale Investering utstyr Kontorinnreiing Personalkostnader Reisekostnader Straum og off avgifter Sum kostnad Dei største kostnadane i prosjektet er husleige, investering i lokale og utstyr, og personalkostnadar knytt til prosjektleiing og personalressursar.

6 Finansieringsplan Tittel SUM Andre bankar, Norsk katapult etc Husleige kontorfellesskap Husleigegaranti Ulstein kommune Høgskulen i Volda forpliktelse i Inntekter arrangement Leige for bruk Ulstein v.g. skule Leige for skulebruk Ulstein kommune Mafoss forpliktelse i Møre og Romsdal fylkeskommune NCE ikuben forpliktelse i Næringslivet ProtoMore forpliktelse i Sparebanken Møre UNF forpliktelse i ÅKP forpliktelse i Sum finansiering Fylkeskommunen er søkt om å gå inn med 1,75 mill. kroner, og dette utgjer i underkant av 30 prosent av totalkostnadane. I søknaden presiserer søkjar at støtta frå fylkeskommunen skal gå til utviklingsarbeid og til etablering av aktivitetar. Sparebanken Møre er søkt støtte til utstyr og lokale. Andre finansieringskjelder: Andre bankar, DIGICAT-Norsk Katapult; Potensiell kjelde for finansiering av utstyr og utforming av lokalet. Bedrifter; utstyr. To bedrifter har i forprosjektet signalisert at dei har utstyr som kan plasserast i Skaparhuset til felles bruk. Fleire har signalisert at økonomisk støtte til kjøp av utstyr er aktuelt å kome tilbake til. Stiftingar som støttar ny kompetanse og teknologiformidling; research pågår. Husleige kontor; Leigetakarane til kontorfellesskapet tek med seg si gamle husleige. Kontorleige frå inkubatorar etc. kjem i tillegg. Betaling for bruk; Ulstein kommune og UVS vil betale for fast tilgang for skulane. Dei andre eigarane forpliktar seg til aktivitet for eit minimumsbeløp i prosjektperioden. Andre sin bruk kjem i tillegg. Ulstein Kommune har stilt ein husleigegaranti for prosjektperioden.

7 Vurdering Slik fylkeskommunen ser det, er det tre hovudmålgrupper for Skaparhuset; Næringslivet, kommunane og utdanningssektoren. Skaparhuset skal nyttast til å skape samarbeid og læring på tvers av sektorar, tilpassa behovet for dei ulike målgruppene. Behovet for omstilling og innovasjon i kommunane og næringslivet er stort. Fylkeskommunen meiner at næringslivet på Søre Sunnmøre har eit særskilt behov knytt til den utfordrande situasjonen spesielt i maritim næring. Omstillinga etter nedturen i petroleumsrelatert industri har vore ekstra tung. Mykje kapital og mange arbeidsplassar er borte, og det er lite som tyder at denne perioden er over. Både utdanningssektoren og verdikjedene i industrien er i endring, og ein legg no opp til insentivordningar og andre grep for å få til meir samarbeid mellom skulane og arbeidslivet. Det er eit spesielt trykk på å auke arbeidet med etter- og vidareutdanning i kombinasjon med å stå i jobb. Utdanningssystemet skal muleggjere at vi kan gå frå «lære først og så jobbe» til å «lære heile livet og jobbe samtidig». Tettare kontakt mellom utdanningsinstitusjonane og arbeidslivet er ein føresetnad for å lukkast i dette arbeidet. Ulstein kommune fekk støtte frå fylkeskommunen i arbeidet med Teknologiskulen Ulstein. Vidare fekk Ulstein vgs støtte til eit prosjekt som har resultert i eit eige løp på Teknologi og innovasjon, som vart starta opp hausten Skaparhuset kan gi eit viktig bidrag for å utvikle utdanningstilboda i tråd med behovet i arbeidslivet. Satsinga på Teknologiskulen Ulstein har allereie gitt eit svært viktig tilbod om etterutdanning av lærarar, utvikla av Høgskulen i Volda i tett samarbeid med Ulstein kommune. Høgskulen i Volda er no i dialog med fleire kommunar på Sunnmøre om det same tilbodet. Campusane våre er viktige nav i innovasjonssystemet i Møre og Romsdal. Prosjekt som klynger og inkubatorprogram er også lokalisert på eller nært campusane. Desse prosjekta skal ikkje berre sørve bedriftene som ligg tett på campusane, men i heile Møre og Romsdal. Geografiske avstandar mellom campusane og bedriftene kan av og til vere ei utfordring. Slik fylkeskommunen ser det, vil aktivitet i regi av klyngeprosjekt og kunnskapsparkar nærare bedriftene vere eit godt grep. Fylkeskommunen meiner vidare at det er svært positivt at ÅKP og Protomore/NCE ikuben saman står bak satsinga i Ulstein. I søknaden vert det også vist til at ein ønskjer at satsinga i Ulstein skal ha vekselsvirkningar tilbake til eigarane, gjennom at prosjekt som kjem opp i Ulstein også kan bli tatt vidare og løfta gjennom andre aktiviteter frå desse innovasjonsmiljøa. Den demografiske utviklinga i Møre og Romsdal dannar eit viktig bakteppe for behovet for innovasjon i kommunale tenester. Søknaden viser til uttale frå rådmannen i Ulstein kommune som seier at det berre innanfor helse og omsorg vil vere behov for 80 prosent auke i bemanning fram mot 2040, om kommunen skal levere tenester som i dag. Kommunane må tenkje nytt kring korleis dei skal løyse sine tenester, og her vil eit tettare samarbeid med næringslivet vere viktig. Ulstein kommune har jobba godt med sentrumsutvikling over tid, i tett samarbeid med fylkeskommunen sitt tettstadprogram. Ulstein kommune har vore opptatt av å styrke sentrum, til dømes er etablering av Ulstein arena eit viktig grep for å gi meir aktivitet i sentrum. Partane bak Skaparhuset har sett som ein føresetnad at dei skal ligge lett tilgjengeleg og medverke til eit levande sentrum.

8 Fylkeskommunen meiner søknaden om å etablere Skaparhuset i Ulstein treff svært godt på mange utfordringar som dei tre hovudmålgruppene har. Samstundes er ei slik etablering ikkje utan risiko, og det må leggast ned eit stort arbeid for at Skaparhuset skal få dei effektane ein ønskjer. Det ligg risiko i at innhaldet i Skaparhuset ikkje treff godt nok på behova i målgruppa, slik at Skaparhuset ikkje oppfattast som nyttig nok. Samstundes krev det investering av tid og økonomiske ressursar for å faktisk ta i bruk Skaparhuset og tenestene som innovasjonsmiljøa legg til rette for. Utan betalingsvilje vil prosjektet mislykkast. Dette er ei viktig satsing også for aktørane i innovasjonsmiljøa, som er med å dele på risikoen for etableringa. Desse aktørane har eit stort ansvar for at Skaparhuset blir vellukka. Saman har eigarne og samarbeidspartane i prosjektet ressursar og kompetanse til å kunne ta ut effektane av prosjektet, og fylkeskommunen meiner difor Skaparhuset har gode sjansar for å lukkast. Fylkeskommunen er søkt om å gå inn med 1,75 mill. kroner i prosjektet, som utgjer i underkant av 30 prosent av dei totale kostnadene. Slik fylkeskommunen ser det er dette eit høgt beløp, og vi vurderer at det er riktig at søkjar utfordrar dei andre eigarane og samarbeidspartnarane om å ta ein noko større del av kostnadane, og innstiller på at vi støttar prosjektet med inntil 1,5 mill. kroner. Forslag til vedtak: Kultur-, næring- og folkehelseutvalet løyver prosjektet «Skaparhuset ein arena for læringslivet» ei støtte på 1,5 mill. kroner frå Fylkeskommunalt tiltaksfond ramme 58. Støtta vert avgrensa til inntil 24 prosent av totale kostnadar, og føreset fullfinansiering. Ottar Brage Guttelvik fylkesrådmann Bergljot Landstad regional- og næringssjef Vedlegg 1 Søknad - Skaparhuset 2 Forprosjekt Skaparhuset