Trafikkvurdering Lunden, tilkomst frå Rådhusvegen

Transkript

1 NOTAT Oppdrag Regulering Lunden - trafikkvurdering Kunde Din Bustad eigedom Notat nr. 2 Dato 27/02/2018 Til Frå Kopi Din Bustad eigedom v/ Vegard Meland Håvard Parr Dimmen WSP v/oddhild Fausa Trafikkvurdering Lunden, tilkomst frå Rådhusvegen Planområdet for dei nye bueiningane i Lundenprosjektet er no utvida, og tilkomsten skal vere frå Rådhusvegen. Med utgangspunkt i den nye situasjonen har Rambøll gjort ei trafikkvurdering av planlagt ny tilkomstveg og kryss og kryssingspunkt. I dialog med kommunen har 4,0 meter vegbreidde og 2,5 meter fortau blitt nemnt som aktuell standard for den nye vegen. I vurderingane blir det gitt innspel til naudsynte og mulige tiltak for at det skal bli eit trygt trafikkmiljø i området. Som grunnlag er det nytta tilsendt informasjon og andre tilgjengelege elektroniske informasjonskjelder. Dato 27/02/2018 Rambøll Kobbes gate 2 PB 9420 Torgarden N-7493 Trondheim T Figur 1 Utklipp av skisse som viser utvida planområde Rambøll Norge AS 1/14 NO MVA

2 1. Vegstandard Tilkomsten til Lunden skal vere via ny kommunal veg som endar i kryss med Rådhusvegen. Rådhusvegen er regulert med 7,0 meters breidde. Den nye vegen er tidlegare innregulert i planen for Skaffarmarka. Tilkomstvegen kryssar også kommunal veg Bankgata som i kryssingspunktet er regulert som gang- og sykkelveg. I detaljplanen for Skaffarmarka var det mellom anna regulert inn 5 meter vegetasjonsskjerm mot sør, 7 meter veg (tilkomstveg til "F/K/T" og "Forretning"), og 3 meter til byggegrense mot nord. Det er ikkje vist "anna vegareal" (til dømes grøft eller fortau) langsetter den nye vegen i planen for Skaffarmarka. Figur 2 Utsnitt av detaljplan for Skaffarmarka Bankgata er ei viktig gang- og sykkelrute mellom sentrum og skulane som ligg like nord for E39. Dei fleste kommunale vegane i sentrumsområdet har 30 km/t fartsgrense, ei fartsgrense som også kan leggast til grunn for den nye vegen. 2/14

3 Figur 3 Fartsgrenser i området (NVDB-Vegkart) Det er ikkje registrert trafikkulykker med personskade i området etter Rådhusvegen er ein snarveg for E39-trafikken gjennom sentrum, men det er gjort tiltak for å hindre tungtrafikk i gata. Det er skilta med "Forbode for lastebil og trekkbil" med unntak for køyring til Rådhusvegen 30. Reguleringa er om lag frå kryss Flata i nord til kryss Postvegen i sør. I fylgje NVDB og i offisielle veglister er Rådhusvegen tillaten for 19,5 meter vogntoglengde og med aksellast 10 tonn / totalvekt 50 tonn. Sjåførar av tunge køyrety er pålagde å vere kjende med veglistene. Dagens situasjon kan medføre ulovleg køyring og / eller snusituasjonar med tunge køyrety. På grunn av forbodsskiltinga blei kryssavrundinga sørover mot Rådhusvegen gjort med liten radius i planen for Skaffarmarka. Hjørnetomta sør for E39 og vest for Rådhusvegen er no utbygd (bilforretning). Gjeldande plan viser ikkje tilkomst til tomtene (jf Figur 2), men det er naturleg at det blir tilkomst frå den nye planlagde vegen. Men fordi den nye vegen ikkje er bygd har verksemda i dag tilkomst frå Rådhusvegen, jf Figur 4. 3/14

4 Figur 4 Forretningsbygget med tilkomst frå Rådhusvegen. Det er innkøyring på "brei front" frå Rådhusvegen til bilforretning. Forretningsarealet lengst sør (mot vegetasjonsskjermen) blir mellom anna brukt til parkering. Etter at planen for Skaffarmarka vart godkjend har det blitt meir vanleg å etablere fortau / gs-veg langs slike vegar. Det har også blitt meir vanleg å nytte 30 eller 40 km/t som fartsgrense både på samlevegar og tilkomstvegar. Den kommunaltekniske veg- og gatenorma for Eid kommune (2011) viser ikkje fortau som del av sine standard vegprofilar. Statens vegvesen si handbok frå 2013, N100 "Veg- og gateutforming" har heller ikkje med så mykje om fortau og 30 km/t fartsgrense på samle- og tilkomstvegar. Den nye tilkomstvegen skal vere tenleg både for bueiningane i Lunden og for områda "Forretning" og "F/K/T" i planen for Skaffarmarka (jf Figur 2). Ein bør såleis legge til grunn ein vegstandard som gir rom for tovegstrafikk, og at minst ein stor og liten bil kan møtast utan for store problem. 4,0 meter køyrebane blir i så fall noko smalt. 4/14

5 Figur 5 Tilkomstveg A1, Svv handbok N100 Ålesund kommune har ein relativt ny veg- og gatenorm, og dei angir fylgjande standard for tilkomstveg med meir enn 25 bueiningar: Figur 6 Standard tilkomsveg, Ålesund kommune Ålesund kommune reknar 4,5 meter + 0,25 meter klaring til kantstein som minste breidde der ein må rekne med tovegstrafikk og møting. I alle normalar er 0,25 meter klaring til kantstein "obligatorisk". For samlevegar med busstrafikk har Ålesund kommune krav om 5,5 meter køyrebanebreidde. Der er det då tatt omsyn til at store køyrety treng meir breidde enn små. Dimensjonerande breidder, Svv hb N100: Personbil: 1,8 meter Buss / lastebil (inkl. brannbil med stige): 2,55 meter Både Figur 4 og Figur 7 gir ein klar indikasjon på at etablert forretning genererer ein del trafikk. I tillegg er den vestlege delen av forretningsområdet ikkje utbygd. Det vil venteleg også kunne bli noko trafikk frå F/K/T-området sjølv det her også er innregulert ein tilkomst direkte frå E39. 5/14

6 Figur 7 Bilparkering ved dagens bygg I samband med vurdering av krysset Gjerdevegen / Lotevegen (Rambøll, juni 2017) rekna ein om lag 180 bilturar per dag for dei 60 bueiningane i Lunden. Med bilforretninga og ved nyetablering på den ubygde tomta må ein rekne med at det blir minst 100 fleire bilar i døgnet aust for Bankgata. Ein kan gjere ei meir detaljert berekning ut frå utbygd areal / BYA, tal på parkeringsplassar og type verksemd, men eit tillegg på 100 turar per dag er eit forsiktig overslag. Tilråding: Frå Rådhusvegen til tilkomst til F/K/T-området bør vegen ha minst 4,5 meter breidde + 0,25 meter klaring til kantstein. 2. Breidde på gang- og sykkelareal Minste breidde på gang- og sykkelvegar er vanlegvis sett til 2,5 meter. Dette har også ei praktisk side med omsyn til at ein då kan klare seg med vanleg utstyr til snørydding mm. Etter trafikkreglane kan ein sykle på fortau dersom ein gjer det på den gåande sine premiss, noko som inneber at syklistar ikkje skal vere til hinder for gåande på fortauet. Sykling på smale fortau skaper utryggskjensle for den som går. Samstundes er det også relativt trygt å sykle i vegbanen dersom det er avgrensa med trafikk og lavt fartsnivå på biltrafikken. Ved sykling i køyrebanen vil ei brei gate framstå som "tryggare" enn ei smal gate. I praksis vil truleg eit vanleg fortau fungere fint i dette tilfellet. Dersom den nye vegen blir ein del av eit samanhengande sykkelvegnett bør ein gjere tiltak som betrar framkomsten for syklistane. I denne typen trafikkmiljø er det då relativt vanleg å skilje gåande og syklande på fortausarealet. Tilrådde breidder for gang- og sykkelareal etter mengde trafikk og prinsippskisse er vist i dei neste to figurane. 6/14

7 Figur 8 Gang- og sykkeltrafikk og tilrådde breidder, Svv hb N100 Tilråding: Fortauet bør ha 3,0 meter breidde. Denne breidda vil redusere mulige konfliktar med gåande. 3. Avkøyrsler og kryssingspunkt 3.1 Aust for Bankgata I det nye planen er det tenkt å etablere fortauet på sørsida av vegen, jf Figur 9 Figur 9 Planlagt fortau, forslag til avkøyrsler og gangfelt 7/14

8 Bygning og tilgjengeleg areal ved etablering av den nye vegen medfører at det nok er eit poeng at bilforretninga kan ha to tilkomstar. Ein bør no justere tilkomsten i samsvar med opphavleg plan slik at det ikkje er tilkomst direkte frå Rådhusvegen. Ein andre tilkomst kan etablerast i eigedomsgrensa med tomta i vest slik at dei får felles tilkomst. Eller ein kan velje å gi den ubygde tomta eigen tilkomst slik at det totalt sett blir tre tilkomstar på nordsida. Fortauet på sørsida bør følgje kryssavrundinga for å unngå for stor kryssingslengde. På austsida av Rådhusvegen kan det bli behov for å forlenge fortauet slik at det møter gangfeltet. Blir det for stor avbøying blir det oppfatta som ein omveg, noko som gir større fare for kryssing utanom gangfeltet. Kvaliteten på veglys i området bør kontrollerast. Dagens lysmast på austsida av nytt planlagt kryss må truleg supplerast. Eit ekstra tryggingstiltak er å etablere heva gangfelt. Det er ein god kombinasjon fordi Rådhusvegen allereie har 30 km/t fartsgrense. Eit heva gangfelt kan då erstatte fartshumpen som er etablert litt lenger sør i Rådhusvegen. Standard skilting og vegoppmerking for heva gangfelt er Vegoppmerking 1024 "Gangfelt" og 1027 "Fartshump", Skilt 516 "Gangfelt", forvarsel skilt 109 "Fartshump" med underskilt "Gangfelt". Figur 10 Siktkrav i uregulert T-kryss (Svv hb N100) Siktlinjer i krysset bør visast i plankartet. Med fartsgrense 30 km/t reknar ein stoppsikt Ls til 20 meter. For L2 er lengda 6 meter når sidevegen har døgntrafikk på over 100. Som omtala i kapittel 1 blei hjørneavrundinga mot sør planlagt med liten radius (9 meter) på grunn av at Rådhusvegen er stengd for lastebilar. For kommunal veg bør dimensjonerande køyrety vere minimum lastebil, og det inneber at større køyrety i høgresving vil kome over i nordgåande køyrefelt i Rådhusvegen. Ein kan framleis legge dette til grunn. Prinsippet er vist i Figur 11. 8/14

9 Figur 11 Køyremåte B (venstre) og C (høgre), Svv hb N Kryss med Bankgata og vidare vestover Vegen frå krysset med Bankgata til dei nye bueiningane er planlagt med fortau. Det er naturleg at ein etablerer veglys på strekninga. Det er lite annan busetnad som gir strølys, og då vil det vere behov for veglys. I kurva frå om lag krysset med Bankgata i retning bueiningane må ein ta høgde for naudsynt breiddeutviding. Statens vegvesen har eigen tabell for breiddeutviding på tofeltsveg, jf. Figur 12. Kommunen kan ha andre krav til breiddeutviding for kommunale vegar. Figur 12 Revidert tabell for breiddeutviding i kurver, SVV NA-rundskriv 2015/14 (revisjon av N100) Den nye vegen fører til 60 bueiningar i Lunden og til F/K/T-området. Vegen er planlagt med fortau. I krysset med Bankgata (som er gang- og sykkelveg) skal ein då i utgangspunktet ha vikeplikt og siktkrav etter dei retningslinjene som gjeld for veg som kryssar gang- og sykkelveg. Ut frå gjeldande regelverk er det gang- og sykkelvegen som har vikeplikt, og siktkrava er vist i Figur 13. 9/14

10 Figur 13 Siktkrav mellom gs-veg og veg der syklande på gs-vegen har vikeplikt, Svv hb N100 Lengda på 20 meter tilsvarar stoppsikt for 30 km/t. Dersom det er mange som syklar fort i Bankgata bør ein ha meir enn 8 meter sikt langs gs-vegen. Ein bør vere varsam med å etablere særskilt vikeplikt for bilvegen i krysset med Bankgata dersom ein ikkje samstundes legg denne reguleringa til grunn i fleire kryssingspunkt på den same gs-ruta. Med ordinær vikepliktsregulering kan ein forsterke merksemda til biltrafikken ved å nytte skilt 144 "Syklende", jf Figur 14. Figur 14 Skilt 144 med normalbestemmelsar for bruk, Svv hb N300 Dersom ein ynskjer å gi køyrevegen vikeplikt, kan det gjerast som vist i prinsippskissa i Figur /14

11 Figur 15 Prinsippskisse for veg med vikeplikt for gang- og sykkelveg, Svv hb V122 Ein kan uansett forsterke den valgde vikepliktsreguleringa ved å la "gjennomgåande veg" vere heva i høve til vegen som får vikeplikt. Ut frå NVDB / vegkart og flyfoto er det veglys også i denne delen av Bankgata. Ein bør kontrollere om dagens lysmast i kryssområdet gir tilstrekkeleg lys. Ved gangfeltet på E39 lenger nord viser nyare foto at det no er etablert intensivbelysning. Det er derimot ikkje registrert i NVDB. Standarden for det gangfeltet bør såleis vere bra. Tilråding: Vanleg vikepliktregulering. Gang- og sykkelvegen får vikeplikt. Sikttilhøve betre enn minimumskravet. Forsterka belysning i kryssingspunktet. Eventuelt: Legge ny veg litt høgare enn Bankgata (gang- og sykkelvegen). Tanken er at "litt motbakke" for syklistar vil skjerpe merksemda i krysset. 4. Andre tilhøve 4.1 Avrenning og snøopplag I dag nyttar bilforretninga heile arealet ned til vegetasjonsskjermen til si verksemd. Avrenning frå deira areal må endrast når den nye vegen blir bygd. Det vil gi nokre føringar for korleis avgrensinga mellom den nye vegen og bilforretninga (inkludert den ubygde tomta på vestsida) blir utforma. I tillegg til avrenning må ein også ta omsyn til drift- og vedlikehaldsproblematikk, mellom anna snøbrøyting. 4.2 Støy 11/14

12 I samband med planen for Skaffarmarka blei støy frå den nye vegen ikkje vurdert som problem for eksisterande busetnad på sørsida. Men det var litt omtale av støy frå luftbremser (tunge køyrety). Dei nye bueiningane vil gi meir personbiltrafikk, medan ein ikkje kan rekne med endra tungbiltrafikk i høve til tidlegare plan. Med fartsgrense (og fartsnivå) på 30 km/t vil ikkje farten medvirke til auka støy. Fortau på sørsida av vegen vil flytte trafikken lenger frå busetnaden sjølv om det blir behov for å redusere breidda på vegetasjonsskjermen / buffersona. Grense for vegtrafikkstøy ved fasade er 55 db. Ei grovvurdering basert på Nordisk berekningsmetode for støy, forenkla metode, gir ein indikasjon på kva støy vegtrafikken vil gi. Ein kan då legge inn ein del meir trafikk slik at det er ein viss margin i høve til kva aktivitet som er planlagt. Berekninga tek utgangspunkt i 10 meter avstand horisontalt frå senterlinja til vegen. Utgangspunkt for grov berekning: Flat veg, fartsgrense 30 km/t. Døgntrafikk lette: 400 Døgntrafikk tunge: meter horisontal avstand frå veg. 12/14

13 Figur 16 Figur 4.1 Svv hb V716 I Figur 16 ser ein at lette bilar kjem ut med om lag 47,5 db (blå), og tunge bilar med 51,5 db (raud). Differansen på 4 db gir eit tillegg på 1,4 db (grøn) i høve til høgaste verdi for tunge og lette køyrety. Før øvrige korreksjonar for avstand, terrengtype, høgdeforskjellar med meir får ein då 51,5+1,4=52,9 db. Med 500 lette og 100 tunge i døgnet blir verdien 53,2 db. I utgangspunktet vil då ikkje den nye vegen gi behov for støyreduserande tiltak for busetnaden sør for vegen. Det er vanskeleg å rekne støyreduserande effekt av vegetasjon. Ein tett buskvegetasjon på minst 5 meters djupne er angitt til å kunne gi inntil 2 db reduksjon. Ein har best støydemping når det er god vertikal plantefordeling og dominerande innslag av bartre. 4.3 Krysset E39 / Rådhusvegen Rundkøyringa har god kapasitet til å takle meir trafikk. Gjennomsnittleg døgntrafikk (ÅDT) på E39 er om lag 4000 vest for rundkøyringa og 3000 aust for rundkøyringa. Ei "normal" rundkøyring har ein kapasitet på over 1000 køyrety per time. I dette krysset bør det då ikkje vere kapasitetsproblem. 13/14

14 4.4 Veghierarki og gatenett Rådhusvegen framstår som ei hovudgate på Nordfjordeid som kunne ha vore forkøyrsregulert. Dersom ein må vere lokalkjend for å vere innforstått med kva gater som i praksis har forkøyrsrett er det ein indikasjon på at ein bør vurdere å forkøyrsregulere. Samstundes kan det vere lurt å gjennomgå vegnettet / gatenettet der ein definerer og prioriterer enkelte strekningar, til dømes ved å vere tydeleg på kva som er samlevegar og kva som er tilkomstvegar. Utan ei tydeleg rollefordeling kan det over tid bli ein del vegstengingar og einvegsreguleringar som løyser eit lite og svært lokalt problem, men som samstundes får større negative konsekvensar for eit større område i lokalmiljøet. 14/14