Sakspapir. SAKSGANG Utval Møtedato Saknr Utval for Drift og Samfunnsutvikling (UDS) /18

Transkript

1 Sakspapir SAKSGANG Utval Møtedato Saknr Utval for Drift og Samfunnsutvikling (UDS) /18 Arkiv: GBNR - 34/2, FA - L13, HistSak - 15/1786, KOM , PLANID Sakshandsamar: Sven Selås Kallevik Arkivsaknr: 16/ Gnr/bnr 34/2 og 67 Detaljregulering Kvernhusvika akvakulturområde - 1. gangs behandling Utgreiing: Saka omhandlar ei 1. gangs behandling av framlegg til detaljregulering av Kvernhusvika akvakulturområde på Toftøy. Dokument vedlagt saka: Dok.dato Tittel Dok.ID Planomtale Kvernhusvika akvakulturområde Føresegner Kvernhusvika akvakulturområde Plankart_Kvernhusvika akvakturområde_ _a Vedlegg 1. Konsekvensutgreiing Kvernhusvika akvakulturområde Vedlegg 2. Naboliste oppstart Vedlegg 3. Adresseliste offentlege innstansar oppstart Vedlegg 4. Kunngjeringsannonse oppstart Vedlegg 5. Vedteke planprogram 22.juni Vedlegg 6. Vedtakspapir planprogram saksnr 067_ Vedlegg 7. Illustrasjonsplan Vedlegg 8. Skredfarevurdering Vedlegg 9. 17_ Statens vegvesen aksept på avkøyrsle Planforslaget Forslag til detaljregulering av Kvernhusvika akvakulturområde er motteke frå Vik settefisk. Planforslaget som skal behandlast, består av plankart i målestokk 1:1000, datert reguleringsføresegner datert

2 planskildring Formålet med reguleringa Formålet med reguleringa er å leggje til rette for vidareutvikling av landbasert akvakultur på Toftøy. Eigedomsforhold Heimelshavarar i området er Vik settefisk AS. Forhold til overordna planar Planforslaget er delvis i tråd med arealdelen i kommuneplanen. Området er sett av til bygging med arealformål næring og LNF, omfanget av utbygging og utbygging i LNF-område stiller krav om reguleringsplan. Planforslaget medfører ikkje ei omdisponering av dyrka areal. Området består i hovudsak av jorddekt fastmark. Gjeldande reguleringsplan Det er ikkje gjeldande reguleringsplan for omsøkt område. Innkomne merknader til planoppstart I samsvar med føresegnene i plan- og bygningslova varsla plankonsulenten Multiconsult alle partar som planarbeidet påverkar, om oppstart av planarbeidet i brev og kunngjorde det i Vestnytt Det kom inn totalt 11 fråsegn. Fråsegn og merknader er lista i sin heilheit på side 33 i planskildringa. Med kommentarar frå plankonsulent. Nokon særskilde merknadar vert utbrodert under. Fråsegn frå Fylkesmannen i Hordaland, : Fylkesmannen er i utgangspunktet positiv til planframlegg som legg til rette for auka verdiskaping, næringsutvikling, innovasjon og vekst jf. Pbl 3-1 bokstav d. Fylkesmannen ser ikkje at meldinga om oppstart er i strid med nasjonale føresetnader og forventningar til arealpolitikken, men har likevel følgjande innspel til følgjande tema i meldinga om oppstart: ROS og TEK10, Klima og energi, Folkehelse, Friluftsliv, Strandsona og Naturmangfald. Kommentar frå forslagsstillaren: ROS og TEK 10: Det er utarbeidd rapport om rasfare i området. Krav om VA-rammeplan ved søknad om bygging er innarbeidd i føresegna. Klima og energi er vurdert i konsekvensutgreiinga. Folkehelse er vurdert i planomtalen, og friluftsliv med Toftøy Ø er omtalt og konsekvensar er vurdert. Planområdet er innanfor 100 metersbeltet, men areal mot sjø er teke ut. Nedbygging av strandsona er vurdert i konsekvensutgreiinga. Konsekvensar for naturmangfald er vurdert i konsekvensutgreiinga. Konsekvens for registrerte dyreartar i vatnet er vurdert i konsesjonssøknad om vassuttak, og planen endrar ikkje på tilhøva for desse. Ny avkøyrsle fører til eit mindre inngrep i område for elvesnell-starrsump-området, men det vert i liten skala og må gjerast for å få ei betre avkøyrsle. Kommentar frå rådmannen: Rådmannen vurderer fråsegn godt nok kommentert frå forslagsstillar. Når det gjeld ny avkøyrsle vil dette først bli aktuelt når produksjonen på anlegget når 5 millionar fisk årleg. Det vil då vere krav om regulering av ny avkøyring frå fv 561. Fråsegn frå Finn Tore Nilsen og Hilde Lysvold Nilsen, Føreset at sine interesser på fritidseigedommen vert teke omsyn til, og tiltak vert tilpassa

3 denne. Eigedommen er samlingspunkt for storfamilien, og har vore i familien si eige i 54 år. Eventuell ny bygningsmasse og andre tiltak må følgja gjeldande regler i pbl, og det må utførast tiltak mot sjenerande støy frå anlegget. Veg til fritidseigedommen vert anbefalt lagt utanfor anlegget. Forlenging av kai for bruk til anlegget føreligg det ingen avtale om. Har dialog med Vik Settefisk, og oppfattar at dei ønskjer å ta omsyn til hans interesser og fritidseigedom. Kommentar frå forslagsstillaren: Vegtilkomst til fritidseigedommen på 34/67 er sikra i føresegna ( 5.1.4). Det same er føringar for handtering av støy og avfall med lukt ( 2.7 og 2.5). Ein legg ikkje opp til etablering av nye bygningar aust for nyaste hall, anna enn oppgradering av pumpehus. Areal i sjø er teke ut av planen, og kai vert ikkje teke med i denne planen. Kommentar frå rådmannen: Innspelet er godt nok kommentert av forslagsstillaren. Fråsegn frå Kjersti og Kåre Toft (gnr/bnr 35/9), : Bakgrunnen for merknadene er trafikk i samband med at deler av Nordlavatnet vert brukt som badeplass for barnefamiliar og andre innbyggarar i kommunen, og generel auke i trafikk ved auka aktivitet på Vik Settefisk sitt anlegg. Parkering skjer på begge sider av fv 561 som har fartsgrense på 80 km/t. Det oppstår då trafikkfarlege situasjonar. Har følgjande forslag: - Opparbeiding av parkeringsplass i trekanten nord for Breivikavegen og aust for fylkesvegen. - Flytting av bom på tilkomstvegen til Vik settefisk sitt anlegg til forbi parkeringsplassen. - Flytting av busstopp mot nord for å sikre frisikt mot nord. Buss/busskur sperrer i dag for frisikt mot nord for bilar som køyrer ut frå Breivikavegen/ Vik Settefisk. - Det lagast eit venstresvingsfelt for avkøyrsel til Breivikavegen og Vik Settefisk. Påpeiker at det vert arbeidd med eit forslag til reguleringsplan for Dalekletten (gnr/bnr 35/277 m.fl). Forslår at ansvarsområdet mellom dei to planane ved avkøyring til Breivikavegen bør setjast mellom eksisterande gang-/sykkelveg og fv 561. Kommentar frå forslagsstillaren: Ein har halde møter med kommunen, og med grunneigar. Ein har ikkje kome til einigheit med grunneigar om utforming av avkøyrsle og parkeringsplassar, og har difor teke tilkomstvegen ut av planen. Denne må detaljregulerast på eit seinare tidspunkt. Kommentar frå rådmannen: Det har vore fleire møter og løpande kontakt mellom grunneigar, forslagsstillar og kommunen. Det har til no ikkje vore mogleg å semjast om ei løysing som er tilfredsstillande for alle partar. Løysing så langt blir å ta tilkomstvegen ut av reguleringsplanarbeidet. Gnr/bnr 35/9 vil soleis ikkje regulerast i denne omgang. Det vil kunne bli aktuelt med regulering dersom rekkefølgjekrav 3.1 oppfyllast. Det vil uansett vere krav om dokumentasjon om tilfredsstillande vegrett for tilkomst til akvakulturanlegget før ferdigstilling av reguleringsplanen. Det er i tillegg til nemnde merknader komme merknader frå Fiskeridirektoratet, Bergen og omland Hamnevesen, Fiskarlaget Vest, Kystverket, BKK, Hordaland Fylkeskommune, NVE og Statens Vegvesen. Ein har i dei aller fleste tilfella etterkomme merknader frå statlege- og regionale instansar. Andre aktuelle saker i området: Vik Settefisk fekk løyve (Hordaland Fylkeskommune) til å etablere anlegg for oppdrett av settefisk av laks og aure på lokalitet Kvernhusvika i Øygarden kommune. Kapasitet på 2,5 mill. stk. For meir informasjon om saka, ta kontakt med kommunen.

4 Vurdering: Byggjeplanane Området avsett til næring i kommuneplanen er utbygd med landbasert akvakulturanlegg. For å kunne vidareutvikle drifta er det heilt naudsynt å sette av eit større areal for å sikre ei føreseieleg framtid og moglegheiter for næringa å vekse. Det vil som regel alltid vere i forvaltinga si interesse å utvide eksisterande næringslokalitetar framføre å legge ut nye. Flyfoto Kvernhusvika akvakulturanlegg. Det er etter bildet er tatt etablert ein hall i forkant av settefiskanlegget.

5 Plankart for Kvernhusvika datert Innkomne merknader Vurderinga av dei enkelte innkomne fråsegnene kjem fram av kommentarane ovanfor. Leikeplasser Det er ikkje aktuelt med leikeplass i næringsområdet. Infrastruktur Tilkomst frå fv 561 på privat veg. Det er tvist om vegrett inn til næringsområdet. Det må settast som krav i vedtak at dokumentasjon på godkjend vegrett skal føreligge ved endeleg vedtak av plan. Kommunen kan ikkje godkjenne eit næringsområde utan godkjend tilkomst. Vik Settefisk meiner dei har vegrett fram til anlegget, og eig grunnen som anlegget står på. Tilkomstveg går frå fv 561 over gnr/bnr 35/9. Dei meiner det er inngått avtale med gnr/bnr 34/2 om tilkomstveg gjennom næringsområdet til utmarksteigane tilhøyrande denne eigedommen. Eigar av gnr/bnr 35/9 er ikkje samd i denne vurderinga og har motstridande oppfatning av vegretten. Ein har ikkje kome til semje med grunneigar av 35/9 om utforming av veg og avkøyrsle, og desse områda er difor teke ut av planen. Parkering skal løysast internt i næringsområde. Grønstruktur Det er ikkje sett av områder primært til grønstruktur. Ein har vald å trekke plangrensa vekk frå sjø. Det er satt av eit vegetasjonsbelte til Nordlavatnet på 3 meter. Konsekvensutgreiing Planforslaget er vurdert i samsvar med plan- og bygningslova kapittel VII «Konsekvensutredninger», med tilhøyrande forskrift. Tiltaket fell inn under oppfangskriteria i forskrifta og har derfor vorte konsekvensutgreidd.

6 Bakgrunnen for konsekvensutgreiinga er at planen legg opp til eit større næringsområde på meir enn 15 daa i eit område som i kommuneplanen er sett av til LNF-område. Resultat av utgreiinga er vist under i ein oversiktstabell med ein kort kommentar om konsekvens. Konsekvensutgreiing er utbrodert noko under, og lagt ved som vedlegg i sin heilhet. Tabell samanstilling av konsekvensar for kvart tema. Konsekvensar for: Næring: Auka verdiskapning og sysselsetjing i heile landet er hovudmålet i distrikts- og regionalpolitikken. Utbygginga vil styrka det lokale næringslivet og gje om lag 14 nye arbeidsplassar ved fullt utbygd anlegg. I tillegg vil ringverknader som kjøp av lokale varer og tenester i Øygarden kommune òg vere viktig for lokalsamfunnet og kommunen både i byggeog driftsfase. Positiv konsekvens (++) for næring. Veg og trafikksituasjon: Vik settefisk har avkøyrsle frå fylkesvegen like nord Nordlavatnet. Tilkomstvegen er privat, og er felles med Breivika hyttegrend den første delen frå fylkesvegen. Vegen deler seg etter kvart i to, der den sørlege strekninga går til Kvernhusvika. Vegen er ca. 4 meter brei. Leveranse av fôr skjer i dag med lastebil, og eksisterande avkøyrsle og veg er tilstrekkeleg for Vik settefisk slik produksjonen på anlegget er i dag. Det er 1-2 stk leveranse med større køyretøy til anlegget i veka. I planen legg ein til grunn at vegtilkomsten til eksisterande anlegg er tilstrekkeleg slik situasjonen er i dag. Vik Settefisk ser at ein ved utviding av produksjonen får meir trafikk til anlegget, og at ein då har behov for å utbetre avkøyrsla frå fylkesvegen. Dette vil skje når ein produserer 5 millionar fisk årleg. Eksisterande vegtilkomst til anlegget er tilstrekkeleg slik situasjonen er i dag. Auke i produksjon på anlegget vil føra til meir trafikk på vegen, og det er difor stilla krav til

7 utarbeiding av reguleringsplan for veg og avkøyrsle før ein kan produsera meir enn 5 millionar fisk årleg. Folkehelse: Planframlegget har liten påverknad på forhold knytt til folkehelsa. Ein hindrar ikkje vidare bruk av tilgrensande områder til friluftsaktiviteter, og ein legg til grunn at grenseverdiar for støy og lukt må følgjast ved utviding av anlegget. Det vert ikkje etablert gang- og sykkelveg langs tilkomstvegen, men trafikken på denne er samstundes så liten at det er mogleg å gå/sykle på vegen. Naturmangfald: Basert på registreringar i området, har naturmangfaldet middels verdi. Tiltaka i tråd med planen er vurdert til å ha liten negativ påverknad på naturmangfald i planområdet. Ein legg ikkje opp til tiltak som kan påverka registrert område med elvesnell-starrsump, eller areal i sjø. Ei samla vurdering tilseier at tiltaket får liten negativ konsekvens (i hovudsak knytt til fotavtrykket til sjølve utbygginga) for naturmangfaldet. Friluftsaktiviteter og born og unges interesser: Settefiskanlegg er av ein slik karakter at ein ikkje kan ha allmenn ferdsle inne på anlegget. Bakgrunnen for dette er i hovudsak tryggleiksomsyn og smittefare. Eksisterande verksemd innanfor planområdet gjer soleis at området i liten grad vert brukt til friluftsaktivitetar, og dei nye tiltaka vil ikkje endra på situasjonen. Utbygging vil ikkje hindra vidare bruk av vegen som turløype og som tilkomst til badeplass. Planen medfør ikkje direkte inngrep i det registrerte friluftsområdet Toftøy Ø. Dette ligg nord for planområdet, og vil kunna brukast som i dag. Strandsone: Det er eksisterande inngrep i strandsona innanfor planområdet, og ålmenta sin bruk av området er avgrensa. Planframlegget sin verknad for ålmenta si tilgang til området vil i liten grad verta endra i høve til dagens situasjon, då dei nye inngrepa i planområdet er konsentrert rundt dagens næringsverksemd. Bygging innanfor 100-metersbeltet frå sjø er likevel i strid med overordna prinsipp, og medfører negativ påverknad på strandsoneverdiane. Strandsona har høg prioritet, og stor verdi som rekreasjonsområde mm. Nedbygging av strandsona utan å legga opp til allmenn ferdsle er i strid med prinsipp som er lagt til grunn for byggeforbodet, og planen får soleis liten negativ konsekvens for strandsone. Landskap: Eksisterande settefiskanlegg ligg på om lag kote Dei høgste områda nord for planområdet ligg på ca. kote +45. Terrenget stig både mot nord og sør, noko som gjer at anlegget ligg godt skjerma med lite innsyn. Planområdet ligg med andre ord i eit avgrensa landskapsrom. Innsyn og fjernverknadar sett frå sjø er større. Eksisterande hall aust i området har ei høgd på 11,5 meter, noko som gjer at den er relativt godt synleg frå sjø. Fjernverknadane vert noko dempa av høgare terreng i nordaust og søraust.

8 Terrenghøgder i, og rundt, planområdet. Opning for utbygging i næringsområdet vil ha påverknad på landskapet i ulik grad. For å avgrensa den visuelle verknaden vil næringsområdet planerast på ulike nivå i det skrånande landskapet. Fokuset i planen har vore å utforme settefiskanlegget på ein arbeidseffektiv og god måte, men som vil gi nye skjeringar og større fjernverknad enn i dag. Planområdet sett frå nord. Utsnittet viser trapperinga av bygningane frå aust til vest. Ein har sett på krav om planering i ulike høgdenivå, slik at hallane kjem etter kvarande oppover terrenget. Hallane får ei maksimal mønehøgd på 12 meter over planert terreng. Hallen nærmast Nordlavatnet vil verta synleg frå vest (sjå figurar). Fjernverknadene vert likevel størst frå sjø. Inntrykket er noko dempa gjennom trappering i terrenget. Frå nord og sør vert fjernverknadene dempa av omkringliggjande terreng. Frå eksisterande tilkomstveg vert ikkje nye bygningar synelege, med unntak av hallen nærmast Nordlavatnet som vert synleg frå avkøyrsla frå fv På bakgrunn av at fjernverknadene vert dempa av eksisterande hall om omkringliggjande terreng vert påverknaden på landskapet vurdert til å vere liten negativ.

9 Sett frå vest, ved avkøyring frå fv Nordlavatnet foran bygning. Fjernverknad av nye bygningar sett frå vest, basert på planeringsnivå i planen og maksimale byggehøgder.

10 Frå søraust nye bygningar er skjult bak eksisterande hall og terreng. Frå høgast liggande punkt på tilkomstvegen. Hallane er skjult av terrenget. Planen får liten negativ verknad på eit landskap med middels verdi. Fjernverknadene er forsøkt dempa gjennom trappering av terrenget, men nye tiltak gjer at området vert meir synleg frå sjø. Samla vert konsekvensane for landskapet liten negativ, då fjernverknadene vert dempa noko av omkringliggjande terreng og eksisterande hall. I tillegg til nemnde er temaa sjøtilkomst og utfylling, kulturminne/kulturmiljø., sjøretta næring/aktivitetar, landbruk og klima og energi omtalt i vedlagt konsekvensutgreiing. Naturmangfaldslova Sjå side 24 i planskildring for heilskapleg omtale av planforslaget si verknad i høve til Naturmangfaldslova Ei samla vurdering etter 8-12 av naturmangfaldert i dag og konsekvensane av planframlegget tilseier at planframlegget i liten grad vil ha negativ effekt på naturmangfaldet i området. Samla vurdering: Landbasert akvakultur er ei næring i sterk vekst. Med å flytte meir og meir av heile

11 prosesskjeda frå rogn til slakteklar laks minskar ein forureining i sjø og smittefare for laksen. Ei utviding av Kvernhusvika akvakulturområde er noko kommunen stiller seg positiv til. Det vil vere ei vidareutvikling av eit eksisterande næringsområde og leggje til rette for vidare utvikling av ei næring i vekst. Veksande næringar gjer positive ringverknader for kommunen i form av auka sysselsetting og aktivitet. I generell planlegging så skal ein så langt som råd er unngå å byggje ned det som i kommuneplanen er satt av til LNF. Det gjerast likevel unntak i denne saka. Det er gjennom førebels reguleringsarbeid, og i utarbeida konsekvensutgreiing, stadfesta at utviding ikkje vil ha alvorlege negative konsekvensar for natur, miljø, strandsone, friluftsliv eller samfunnsinteresser generelt. Ein vel å leggje til rette for ei utvikling av ei lokal næring som har vekse seg for stor for området som er avsett i kommuneplanen og vil få betre forhold og føringar i ny reguleringsplan. Med bakgrunn i utgreiinga ovanfor tilrår rådmannen å sende planforslaget detaljregulering for Kvernhusvik akvakulturområde - Gnr/bnr 34/379, Toftøy på høyring og leggje det ut til offentleg ettersyn. Etter pbl skal ein reguleringsplan ligge ute til høyring og offentleg ettersyn i minst seks veker. Med mange offentlege helgedagar i kommande tida bør planen i utgangspunktet ligge ute lenger. Innstilling til vedtak: 1. Utval for drift og samfunnsutvikling (UDS) fremjar saka og legg henne ut til høyring og offentleg ettersyn i minst seks veker etter plan- og bygningslova 5-2 og Forslag til reguleringsplan består av: Plankart i målestokk 1:1000, Reguleringsføresegner, datert Planskildring, datert Rådmannen skal før sluttbehandlinga i UDS sørgje for at innhaldet i planen og framstillinga av han blir digitalisert og kvalitetssikra, og at eventuelle mindre suppleringar og justeringar blir gjorde. 3. Før det kan gjerast endeleg vedtak av plan skal det ligge føre godkjend dokumentasjon på vegrett til gnr/bnr 34/379. Behandling i Utval for Drift og Samfunnsutvikling (UDS) : Endringsframlegg Ottar Vik TVØ Utval for drift og samfunnsutvikling (UDS) fremjar saka og legg henne ut til høyring og offentleg ettersyn i minst seks veker etter plan- og bygningslova 5-2 og Forslag til reguleringsplan består av: Plankart i målestokk 1:1000,

12 Reguleringsføresegner, datert Planskildring, datert Endringsframlegget vart samrøystes vedteke Rådmannen sitt framlegg fall Vedtak i Utval for Drift og Samfunnsutvikling (UDS) - 026/18 Utval for drift og samfunnsutvikling (UDS) fremjar saka og legg henne ut til høyring og offentleg ettersyn i minst seks veker etter plan- og bygningslova 5-2 og Forslag til reguleringsplan består av: Plankart i målestokk 1:1000, Reguleringsføresegner, datert Planskildring, datert Siri Fahlvik Pettersen Rådmann Sven Selås Kallevik Sakshandsamar Dokumentet er elektronisk godkjent, og krev difor ingen signatur.