Sakspapir. SAKSGANG Utval Møtedato Saknr Utval for Drift og Samfunnsutvikling (UDS) /17

Transkript

1 Sakspapir SAKSGANG Utval Møtedato Saknr Utval for Drift og Samfunnsutvikling (UDS) /17 Arkiv: GBNR - 40/165, FA - L12, KOM Arkivsaknr: 16/ Sakshandsamar:Øyvind Lunde Gnr/bnr 40/165 endring av reguleringsplan for Blomvåg skule - Planlegging av barnehage Utgreiing: Tveit Arkitektkontor as har fremja forslag til endring av reguleringsplanen for området ved Blomvåg skule. Forslagsstillar er NLM Barnehage Øygarden AS. Det er fremja forslag om å regulere for oppføring av ny barnehage like nordvest for skulen. Området er i gjeldande reguleringsplan regulert til føremålet skule. Dokument vedlagt saka: Dok.dato Tittel Dok.ID Gnr/bnr 40/165 Blomvåg ny barnehage - Reguleringsplan rev.planskildring Planskildring Gnr/bnr 40/165 Blomvåg ny barnehage reguleringsendring - Plankart, føresegner og illustrasjonsplan datert Plankart vwx Ill. plan Reg.føresegner Blomvåg-Illustrasjon frå søraust Blomvåg-Illustrasjon frå nordaust Planforslaget Forslag til endring av reguleringsplanen for Blomvåg skule vart først motteke frå Tveit Arkitektkontor AS den Forslagsstillar er NLM Barnehage Øygarden AS. Føremålet med reguleringa Føremålet med reguleringsendringa er å leggje til rette for oppføring av ny barnehage. 1

2 Til grunn for planarbeidet ligg følgjande vedtak fatta av Øygarden kommunestyre i møte , sak 24/16: 1. «Kommunestyret vedtek at det vert bygt to private barnehagar ved Blomvåg skule og i Breivik, Svanevågen med mål om ferdigstilling innan Rådmannen får fullmakt til å gå i forhandlingar med NLM-barnehage i Øygarden AS om bygging og drift av barnehage ved Blomvåg skule. Utganspunktet er at kommunen sel tomt til føremålet og at utbyggjar tek ansvar for naudsynt reguleringsarbeid og tilrettelegging av infrastruktur. 3. Rådmannen får fullmakt til å gå i forhandlingar med Norlandia barnehagene AS om bygging og drift av barnehage i Breivik, Svanevågen, der utbyggjar tek ansvar for naudsynt reguleringsarbeid og tilrettelegging av infrastruktur. 4. Kommunestyret vedtek at NLM-barnehage i Øygarden AS og Norlandia barnehagene AS kan overta drifta av Tjeldstø -, Breivik -, og Terna barnehage avdeling Toftøy når planføresetnader for dei nye barnehagane er avklart og naudsynte forhandlingar er gjennomført, i tråd med reglane for verksemdsoverdraging i AML Det er ein føresetnad at tilsette i dei kommunale barnehagane får vidareført sitt arbeidsforhold hos ny arbeidsgjevar på like eller betre vilkår som kommunen tilbyr. 6. Forhandlingsresultata som omfattar alle forhold, inkludert økonomiske konsekvensar, vert lagt fram for kommunestyret for handsaming og godkjenning. Flyfoto over området (2010) Forhold til overordna planar Aktuelt område for barnehage i Blomvåg er i gjeldande kommuneplan vist med føremålet offentleg eller privat tenesteyting. Dette føremålet omfattar areal og bygningar for ulike formar for privat og offentleg tenesteyting, bl.a. barnehage.

3 Utsnitt av kommuneplanen ved Blomvåg skule. Gjeldande reguleringsplanar Det er ein gjeldande reguleringsplan for området vedteken av kommunestyre Reguleringsplanen med føresegner viser det aktuelle området avsett som byggeområde for offentlege bygningar skule. Det er utarbeidd ein illustrasjonsplan til reguleringsplanen, denne viser skulen og plan for uteområde til denne. Gjeldande reguleringsplan for Blomvåg skule planid Godkjent av Øygarden kommunestyre

4 Utsnitt av reguleringsplan for 300 kv kabel. PlanID Utsnitt av reguleringsplan for Blom bustadfelt, vedteke endra av Øygarden kommunestyre PlanID

5 Utsnitt av gjeldande reguleringsplan for Høgeseta bustadområde. Vedteken av Øygarden kommunestyre Plan ID Innkomne merknader til planoppstart Tveit Arkitektkontor AS varsla oppstart av planarbeidet med uttalefrist Øygarden kommune er orientert om mottak av følgjande uttalar: Avsendar - Dato Off.instansar statleg/fylkeskommunal: Fylkesmannen i Hordaland, E - post Statens Vegvesen, Region Vest, Brevpost Hordaland fylkeskommune, Brevpost datert Kommunale/Interkommunale instansar BKK Nett AS, Brevpost Private Nydal Bygg Eftf.AS Brevpost Einar Dale E-post Åge Blom, Brevpost Tveit Arkitektkontor AS har samanfatta og kommentert uttalane på følgjande måte: Statens Vegvesen Region Vest, brev av : Vegvesenet ber om at desse tema vert tekne omsyn til i planprosessen: -Plassering og utforming av naudsynte tiltak knytt til fylkesveg(kryss, avkøyrsler, busslommer og tilbod for mjuke trafikantar). Byggjegrenser til fylkesveg Vegtrafikkstøy Tekniske teikningar i samsvar med Statens Vegvesen sine handbøker Kommentar frå planleggjar: Det er i utgongspunktet ikkje aktuelt å gjere endringar i krysset til planområdet og utforming av kollektivterminalen. Ut frå ynskje frå vegvesenet om å flytte gang- og sykkelvegen langs fylkesvegen min.5m bort frå fylkesvegen der gong- og sykkelvegen krysser krysset til

6 planområdet og kollektivterminalen vil plankartet bli endra i samsvar med dette. Der vil bli krav til støyrapport og tiltak i samsvar med denne for bygging av barnehage og tilhøyrande uteareal mot nord. Kommentar frå administrasjonen: Innspelet er i hovudsak godt nok kommentert av forslagsstillaren. Administrasjonen har etterlyst tekniske teikningar slik vegvesenet krev. Forslagsstillar meiner endringane er så små at det ikkje bør vera krav til tekniske teikningar i dette tilfellet. Dette vart teke til følgje. BKK Nett AS, brev av Har høgspenningsnett i planområdet over bakken og under bakken nær planområdet. Ber om at det vert sett av plass til å etablere ny nettstasjon i området. Kommentar frå planleggjar: Plass til nettstasjon er vist på plankart, plassert slik at den og kan forsyne ei evt. utbygging på byggjeområde undervisning. Byggjeforbudsbeltet langs høgspennings luftledning på 7,5m frå senter leidningstrasé vert vist på plankart som H370 Høgspent - faresone Kommentar frå administrasjonen: Innspelet er godt nok kommentert av forslagsstillaren. Nydal Bygg Eftf.AS, brev av Meiner i sin merknad at gjeldande reguleringsplan må oppdaterast ut frå trafikksituasjonen i dag, spesielt med omsyn til støy og kryssing av fylkesveg. Meiner barnehagen vil medføre økt trafikk som kryssar hovudvegen frå busstopp og eksisterande bebyggelse og at dette resulterer i meir trafikk som kryssar fylkesvegen enn det som er lagt til grunn for rekkefylgjekrav for Gbnr.40/181 på austsida av fylkesvegen. Ut frå dette meiner ein i merknaden at der må takast med rekkefylgjekrav om bygging av gangveg over fylkesvegen før midlertidig bruksløyve/ferdigattest kan gjevast. Kommentar frå planleggjar: Rekkefylgjekravet som ligg føre i gjeldande reguleringsplan for Blom sentrum blei gitt ut frå å gje trafikksikker tilkomst frå bustadområda austsida og til skuleområdet innafor dette planområdet. Dette rekkefylgjekravet er ikkje oppfylt på dei nærare ti åra som er gått sia nemnte plan blei vedtatt. Enten det er til skulen eller barnehagen ein har trong for trafikksikker tilkomst er det utbygginga på andre sida av fylkesvegen som gjer at der er trong for trafikksikker overgang, uavhengig av tal på dei som nytter denne overgangen som uansett naturleg vil variere over tid. Å påleggje rekkefylgjekrav i ein annan plan på grunn av at dette ikkje er utført av dei som har fått krav om å utføre det ikkje har gjort det dei har fått krav om meiner ein er ein urettvis måte å fråskrive seg ansvar på. Kommentar frå administrasjonen: Innspelet er godt nok kommentert av forslagsstillaren. Administrasjonen meiner det ikkje er grunnlag for rekkefølgjekrav til gangbru over fylkesvegen knytt til oppføring av ny barnehage. Føresegner kan berre pålegge rekkefølgjekrav i «nødvendig utstrekning». Einar Dale E-post av

7 Innspel til planarbeidet som går på dokumentasjon av den gamle skulevegen frå vest og opp til skuleområdet. Deler av den er framleis synleg i terrenget og det vert understreka at denne bør takast vare på og brukt vidare. Kommentar frå planleggjar: Sjølv om den gamle skulevegen ikkje har formell status som kulturminne meiner ein at det er sers viktig at den vert tatt med i planendringa, vist på plankartet som ein sti som skal bevarast og tatt med i bestemmelser at denne skal opprustast slik at den framleis kan fungere som ein god gangsti fram til skulen og barnehagen frå vest. Kommentar frå administrasjonen: Innspelet er godt nok kommentert av forslagsstillaren. Åge Blom Brev av Kartskisse og opplysning om at Øygarden kommune ikkje eig Gnr.40 Bnr.143. Kommentar frå planleggjar: Ein liten del av denne eigedomen ligg inne i planområdet og er regulert som før til undervisningsformål. Eigedomstilhøve, evt. endring av desse må takast opp direkte mellom heimelshavar og Øygarden kommune. Kommentar frå administrasjonen: Innspelet er godt nok kommentert av forslagsstillaren. Evt. spørsmål om endring av eigedomsforholdet må vurderast som eiga sak. Andre aktuelle saker i området: Det pågår ikkje anna byggearbeid i planområdet. Vurdering: Byggjeplanane I følgje planskildringa er dette intensjonen med planframlegget: Forslag til ny detaljreguleringsplan vert fremma på grunnlag av at Øygarden kommunestyre har vedteke at forslagstillar skal få overta tomt innan planområdet for oppføring av barnehage med uteareal. Barnehagen skal drivast som del av kommunen sin samla barnehagedekning og Øygarden kommune tildeler plasser i barnehagen som dermed fungerer på same vis som øvrige kommunale barnehagar. Innkomne merknadar Vurderinga av dei enkelte innkomne fråsegnene kjem fram av kommentarane ovanfor. Omfanget er ikkje stort, og merknadene bør kunne innarbeidast i planforslaget utan større problem. Trafikk og parkering Det har vore møte og annan kontakt undervegs mellom plankonsulent/forslagstillar og kommunen for å drøfte ulike løysningar ved planforslaget. Bl.a. har forhold som gjeld trafikktryggleik, tilkomst, parkering og område for levering/henting av ungar vore sentrale tema. Dette i tillegg til plassering av sjølve barnehagen. Det vil bli ein del trafikkauke inn i området når barnehagen vert teken i bruk. Derfor er det lagt vekt på sikre gangvegar/fortau samt sikre stadar for mjuke trafikantar å krysse bilveg

8 internt i området. Løysningar for parkering og hente/bringe område for elevar er også planlagt med tanke på trafikktryggleik. Det er regulert fortau på sørsida av kollektivanlegget, slik at ein bind gangvegen langs med fylkesvegen saman med gangveg til område for skule/barnehage. Teknisk infrastruktur Der er i dag offentleg VA-anlegg i gangveg langs fylkesveg 561. Der er utbygd sekundærnett som forsyner planområdet, og dette kan evt. forsterkast med oppgradering/ny trafo dersom det skulle vera trong for det. Det er veglys langs tilkomstvegen til skulen. Grønstruktur Det er store og gode grøntområde tilknytt skulen og barnehagen. Grøne verdiar er planlagt ivareteke. For barneskulen som nabo vil endringa medføre at utearealet vert mindre. Det meste av arealet som vert tatt i bruk til barnehage er utmarksareal som i dag ikkje er opparbeidd uteareal og mindre brukt som uteareal for skulen. I samband med utbygginga kan evt. uteareal sørvest for skulen tilretteleggjast betre for uteaktivitetar som ballspel etc. Dette er vist på illustrasjonsplan. Vidare er det vist plassering av bygg for syklar med tak over som evt kan plasserast nær skulen på høveleg stad. Støy Det er utfordringar knytt til støy på barnehageområdet frå veganlegg like ved. Kravet er at ein skal følgje krav i forureiningslova og dei støyretningslinene som er gjeldande. Det er tenkt etablering av støyskjerm som avbøtande tiltak mot støy. Det skal utarbeidast ein støyrapport som grunnlag for denne ved søknad om bygging av barnehagen. Støyvarselkart laga av Statens vegvesen. Utarbeidd etter Miljøverndepartementet sine retningslinjer for behandling av støy i arealplanlegging (T-1442). Støyvarselkartet viser berekna raud (Lden>65dB) og gul (Lden>55dB) støysone langs fylkesvegen i området:

9 Konsekvensutgreiing Planforslaget er vurdert i samsvar med plan- og bygningslova kapittel VII «Konsekvensutredninger», med tilhøyrande forskrift. Tiltaket fell ikkje inn under oppfangskriteria i forskrifta og skal derfor ikkje konsekvensutgreiast. Naturmangfaldslova Det er gjort tilfredsstillande utgreiing i forhold til kapittel 2 i naturmangfaldslova. Samla vurdering: Med bakgrunn i utgreiinga ovanfor tilrår rådmannen å sende planforslaget på høyring og leggje det ut til offentleg ettersyn. Rådmannen vurdere dette så langt som ei mindre reguleringsendring. Innstilling til vedtak: 1. Utval for drift og samfunnsutvikling (UDS) fremjar saka og legg planforslaget ut til høyring og offentleg ettersyn etter plan- og bygningslova 5-2 og Det er gjort forslag om å endre gjeldande reguleringsplan for Blomvåg skule slik at det kan førast opp barnehage nordvest for skulen. Følgjande skal leggjast ut til høyring: Plankart datert Føresegner datert Planskildring datert Illustrasjonsplan datert vert retningsgjevande for tiltak i området. Planforslaget kan leggjast ut til høyring når det ligg føre feilfrie SOSI-filar. 2. UDS vurderer dette så langt som ei mindre endring av gjeldande plan. Nærare vurdering av planprosess vil verte gjort med grunnlag i uttalar til planforslaget. Behandling i Utval for Drift og Samfunnsutvikling (UDS) :

10 Innstillinga vart samrøystes vedteke Vedtak i Utval for Drift og Samfunnsutvikling (UDS) - 036/17 1 Utval for drift og samfunnsutvikling (UDS) fremjar saka og legg planforslaget ut til høyring og offentleg ettersyn etter plan- og bygningslova 5-2 og Det er gjort forslag om å endre gjeldande reguleringsplan for Blomvåg skule slik at det kan førast opp barnehage nordvest for skulen. Følgjande skal leggjast ut til høyring: Plankart datert Føresegner datert Planskildring datert Illustrasjonsplan datert vert retningsgjevande for tiltak i området. Planforslaget kan leggjast ut til høyring når det ligg føre feilfrie SOSI-filar. 2 UDS vurderer dette så langt som ei mindre endring av gjeldande plan. Nærare vurdering av planprosess vil verte gjort med grunnlag i uttalar til planforslaget. Siri Fahlvik Pettersen Rådmann Øyvind Lunde Sakshandsamar Dokumentet er elektronisk godkjent, og krev difor ingen signatur.