STRANDA KOMMUNE SAKSPAPIR

Transkript

1 STRANDA KOMMUNE SAKSPAPIR SAKSGANG Styre, råd, utval Møte dato Saknr FAST UTVAL FOR PLANSAKER /18 Saksansvarleg: Rådmann Åse Elin Hole Saksbehandlar: Terje Systad Arkiv: K2 - L13 Arkivsaknr 18/6 Offentleg ettersyn av detaljplan for Grilstad Rådmannen si tilråding: 1. Planutvalet fremjar saka og legg henne ut til høyring og offentleg ettersyn etter plan- og bygningslova 5-2 og Planen vert lagt ut til offentleg ettersyn i seks veker FAST UTVAL FOR PLANSAKER Møtebehandling Vedtak samrøystes PLA- 022/18 Vedtak: 1. Planutvalet fremjar saka og legg henne ut til høyring og offentleg ettersyn etter plan- og bygningslova 5-2 og Planen vert lagt ut til offentleg ettersyn i seks veker. SAKSUTGREIING Bakgrunn for saka Grillstad har konkrete planar om utviding av sitt anlegg ved Ødegårdsvegen. På bakgrunn av det har dei behov for å utvide industriarealet til verksemda. Det har tidlegare vore planar om tilsvarande utviding for Grilstad. I 2011 vart det i næringsutvalet gjort vedtak om å omdisponere, og å dele frå om lag 8 daa jordbruksjord aust for Grillstad med tanke på utviding av verksemda den gongen. Sidan det omsøkte tiltaket ikkje vart gjennomført fall dispensasjonen vekk tre år etter vedtaket var gjort. Sidan førre dispensasjonen ikkje er gjeldande lenger har rådmannen bede Grillstad om å løyse utvidinga gjennom ein detaljregulering. Planforslaget

2 Forslag til detaljregulering for Grilstad er motteke frå Ose Ingeniørkontor AS. Planforslaget som skal behandlast, består av plankart i målestokk 1:1000 dagsett reguleringsføresegner dagsett planbeskriving Formålet med reguleringa Hovudformåla med planarbeidet er å legge til rette for: Utviding av eksisterande industriområde med tanke på planlagd utviding av bygg på 2000 m2 Omlegging av intern tilkomst frå Ødegårdsvegen som vil opne for meir utbyggingsareal og betre tilkomst. Betre tilrettelegging for kunde- og intern parkering frå Skaffarevegen. Betre transportlogistikk av varer ut og inn Leggje opp til høg utnytting for vidare utbygging av næringsområdet. Eigedomsforhold Heimelshavarar i området er Grillstad AS. Forhold til overordna planar Planforslaget er delvis i tråd med kommunedelplan for Stranda sentrum ( ) der det eksisterande industriområdet er sett av til næring Det resterande arealet er sett av til LNF Planforslaget medfører ei omdisponering av dyrka areal på om lag 8 dekar. Innkomne merknader til planoppstart I samsvar med føresegnene i plan- og bygningslova varsla OSE Ingeniørkontor alle partar som planarbeidet påverkar, om oppstarten av planarbeidet i brev og kunngjorde det i Sunnmøringen Det kom inn 6 fråsegner totalt. Dei følgjer saka som utrykte vedlegg. Hovudtrekka i merknadene er refererte nedanfor. Statens vegvesen, Har ikkje merknader. Årim, Har ikkje merknader. Mattilsynet, Har ikkje merknader NVE NVE rår til at ein følgjer NVE sine rettleiarar og verktøy ved utarbeiding av planen. Dersom planen har konsekvensar for NVE sine saksområder skal NVE ha tilsendt planen. Kommentar frå forslagsstillaren: Teke til vitande. Planen har følgjer for NVE sitt saksområde sidan det blir lagt opp til omlegging av bekk. Det blir rådd til at NVE frå tilsendt plandokumenta ved offentleg ettersyn Kommentar frå rådmannen: NVE vil få planen sendt på offentleg ettersyn. Det er gjort flaumberekningar og bekk/røyr skal dimensjonerast for ein 200 års flaum med klimapåslag. I tillegg skal bekken erosjonssikrast. Tiltaket er vurdert opp mot vassresurslova, og vurdert til å ha liten negativ

3 konsekvens. Større del av bekken som er tenkt å flyttast ligg allereie i dag i røyr og det er i liten grad knytt natur eller miljøverdiar til bekken. Omlegging til kanal vil kunne legge til rette for etablering av kantvegetasjon langs deler av bekken. Møre og Romsdal fylkeskommune, Industrianlegget har tilkomst langs Ødegårdsvegen som også er tilkomst til bustadområde og såleis trafikkert mellom anna av barn og unge. Planomtalen bør gjere greie for situasjonen, om utviding av anlegget fører til auka trafikk og risiko, og kva som eventuelt kan gjerast for å avbøte dette. Det er registrert eit automatisk freda kulturminne langs kommunal veg, og potensialet for fleire funn er høgt. Det er alt stilt krav og avtalt arkeologisk registrering i saka. Når registrering er gjennomført blir det teke kontakt for vidare dialog om planløysingar Kommentar frå forslagsstillaren: I planomtalen blir det gjort vurderingar om trafikk, barn og unge og konsekvensar eventuell auka trafikk vil medføre. Avklaring automatisk freda kulturminne vil bli gjennomført i dialog med fylkeskommunen, Stranda kommune og tiltakshava Kommentar frå rådmannen: Innspelet er godt nok kommentert av forslagsstillaren. Møre og Romsdal fylkeskommune Det er gjennomført arkeologisk registring for oppføring av nytt bygg ved Grilstad. Det er påvist automatisk freda kulturminne i nordleg del av planområdet, som ei utviding av alt kjent kulturminne langs Ødegårdsvegen. Rapport vil bli ettersendt så snart den ligg føre. Kulturminnet er førhistoriske dyrkingsspor, sannsynlegvis frå overgangen bronsealder- jarnalder. Dei representerer ein vanleg type kulturminne og det er sikra tilstrekkeleg dokumentasjon gjennom registreringsarbeidet. Det arkeologiske kjeldegrunnlaget vert ivareteke gjennom dei arkeologiske utgravingane langs Langlovegen/Øydgardsvegen. Fylkeskommunen vil vere innstilt på å gje løyve til inngrep når saka kjem til offentleg ettersyn. I plankartet skal det automatiske freda kulturminnet, inkludert sikringssona på fem meter, bli merka som RpBO#2, med føresegn; RpBO#2 Tiltak i høve planen er tillate. Kulturminnet ID er alt undersøkt, og det er ikkje stilt ytterlegare vilkår i samband med dispensasjonen. Kommentar frå forslagsstillaren: Innspel i fråsegner blir innarbeidd i plandokumenta. Kommentar frå rådmannen: Innspelet er godt nok kommentert av forslagsstillaren. Fylkesmannen i Møre og Romsdal (FM). Dagsett Fylkesmannen er generelt skeptisk til bit for bit nedbygging av landbruksjord og syner til Fylkestinget sitt vedtak for 2017 som omhandlar at ein ikkje skal omdisponere meir enn 200 daa i året for heile Møre og Romsdal fylke. Fylkesmannen meiner verksemda er uheldig plassert, då einaste reelle utviklingsmoglegheita er på landbruksjord. FM støttar tidlegare vedtak til næringsutvalet at matjorda skal takast vare på og nyttast til landbruksjord. Ein ser likevel at utviding av produksjonslokalet er av ein slik samfunnsnytte at omdisponering av landbruksareal til dels kan forsvarast. Matproduserande areal bør ikkje nyttast til parkering for kundar og tilsette. Fylkesmannen vil varsle motsegn om ikkje landbruksnæringa blir teke omsyn til i det vidare planarbeitdet. Kommentar frå forslagsstillaren: Det blir i planen teke omsyn til landbruksnæring så langt det er råd, men dersom. Grilstad skal kunne utvide i Stranda kommune, må det skje på dyrka mark. Plandokumenta legg opp til følgjande tiltak for å redusere inngrep i dyrka mark:

4 Det blir lagt opp til høg utnytting av næringsarealet, høg BYA og høgare byggjehøgde Det blir lagt opp til vidareføring av parkering på tak av nytt bygg. Endringar av interne vegar/parkering vil opne for meir utbygging som ikkje kjem i konflikt med dyrka mark Utvikling av næringsområdet vil vere med å styrke avsetning frå landbruket Kommentar frå rådmannen: Det er i tillegg lagt inn ei føresegn 5.8 om at overskot av matjord skal takast vare på og nyttast til matproduskjon. Andre aktuelle saker i området: Reguleringsplan for Ødegårdsvegen som grensar opp til detaljplan for Grillstad er under arbeid. Vurdering: Byggjeplanane Området er eit eksisterande industriområde som har ei klynge av industribygg. Ei utviding av Grillstad bryt såleis ikkje med den byggmassen som er der i dag. Industriområdet ligg i eit søkk i terrenget som gjer til at utvidinga ikkje vil bli like dominerande for nærliggande bustadhus. Det er i planen sett ei høgdegrense for siste byggetrinn på kote 104,5 m som tilsvara ei byggehøgde på omtrent 9 meter totalt og om lag 3 meter over Skaffarvegen. Dei andre bygga er planlagt lågare. Innkomne merknader Vurderinga av dei enkelte innkomne fråsegnene kjem fram av kommentarane ovanfor. Omfanget er ikkje stort, og merknadene bør kunne innarbeidast i planforslaget utan større problem. Born sine interesser Planen legg ikkje til rette for born og unge innafor planområdet. Ei utviding av verksemda vil kunne medføre auka varetransport langs Ødegårdsvegen og Skaffarvegen. Ødegårdsvegen blir i dag nytta av born til skule og fritid. Store deler av Ødegårdsvegen er i dag ikkje tilrettelagt for mjuke trafikantar, så det vil såleis vere uheldig med auka trafikk. For tida arbeidast det med ein reguleringsplan langs Ødegårdsvegen som skal sikre ei fortausløysing langs vegen. Arbeidet med fortau kan starte når planarbeidet med vegen er ferdig. Infrastruktur Planområdet grensar opp til og har samband med Ødegårdsvegen og Skaffarvegen. Det er ikkje spesielt tilrettelagt for offentleg vegsamband med tanke på gåande og syklande, men det arbeidast med ei fortausløysing langs Ødegårdsvegen. For best mogleg utnytting av arealet legg ein opp til parkering på taket av nytt bygg aust for dagens parkering. Grønstruktur Det er lagt opp til høg utnytting med 80% BYA. Sidan ein nyttar landbruksjord er det viktig å ha høg utnytting slik ein legg beslag på minst mogleg areal. Det er difor lite grønstruktur i planområdet. I føresegnene er det sett krav om matjorda skal takast vare på og nyttast i samband med matprodukjson. Konsekvensutgreiing Planforslaget er vurdert i samsvar med plan- og bygningslova 4-2 om konsekvensutgreiing, med

5 tilhøyrande forskrift. Tiltaket fell ikkje inn under oppfangskriteria i forskrifta og skal derfor ikkje konsekvensutgreiast. Naturmangfaldslova Planforslaget er i planomtalen vurdert i forhold til kapittel 2 i naturmangfaldslova. Det er ikkje registrert informasjon om sårbare artar eller naturtypar i planområdet. Elvedalen i austlege del av planområdet er vurdert til å kunne vere ein viktig biotop, men at planen medfører inngrep i ein liten del av bekken. Samla vurdering: Kommunen har fleire utfordringar i dette området. Det er ein interessemotsetnad mellom omsynet til jordvern og ønsket om utviding av Grillstad si verksemd. Skal Grillstad kunne utvide er ein avhengig av kunne nytte seg av tilgrensande jordbruksland. Omdisponering av jordbruksland har tidlegare vore vurdert av næringsutvalet i Som avbøtande tiltak har ein i planen lagt til rette for høg utnytting av arealet blant anna ved å legge parkeringsplassar på tak. Det er i tillegg krav i føresegnene om å ta vare på matjorda og nytte den til ny jordbruksjord. Utviding av verksemd vil kunne medføre auka trafikk hovudsakleg langs Ødegårdsvegen. Dette vil kunne vere ei ulempe med tanke på mjuke trafikantar og trafikkstøy langs vegen. For Ødegårdsvegen er det pågåande reguleringsarbeid for blant anna tilrettelegging av fortau så på sikt vil trafikkerheita bli betre. Vekt på at Grillstad er ein viktig arbeidsplass for Stranda er lagt til grunn for forslaget til vedtak i saka. Det er viktig at Grillstad kan trygge sine arbeidsplassar gjennom ei vidareutvikling av verksemda. Det er ikkje realistiske alternative plasseringar når det gjeld ei utviding av Grilstad på Stranda. Med bakgrunn i utgreiinga ovanfor tilrår rådmannen å sende detaljregulering for Grillstad på høyring, og leggje den ut til offentleg ettersyn. Vedlegg: Dok.dato: Vedlegg: Dok.ID planomtale_ pdf Detaljplan Grilstad -Stranda plankart_ pdf føresegener_ pdf oversending av plandokument til handsaming offentleg ettersyn Annonse detaljplan Grilstad Stranda_ pdf illustrasjonar_ pdf merknadsvurdering med fråsegner_ pdf sjekkliste ROS_ pdf Omlegging av bekk

6 Grilstad_HTnotat pdf Aktuelle lover, forskrifter, avtaler m.m. Plan og bygningslova 5-2 og 12-10