STRANDA KOMMUNE SAKSPAPIR

Transkript

1 STRANDA KOMMUNE SAKSPAPIR SAKSGANG Styre, råd, utval Møte dato Saknr FAST UTVAL FOR PLANSAKER /18 KOMMUNESTYRET /18 Saksansvarleg: Rådmann Åse Elin Hole Saksbehandlar: Terje Systad Arkiv: K2 - L13 Arkivsaknr 17/22 Eigengodkjenning av detaljregulering for Svemorka nord Rådmannen si tilråding: 1. Detaljregulering for Svemorka nord med tilhøyrande reguleringsføresegner sist revidert og plankart sist revidert blir vedteken. 2. Vedtaket er gjort i medhald av plan- og bygningslova FAST UTVAL FOR PLANSAKER Møtebehandling Tilråding til kommunestyret samrøystes PLA- 021/18 Vedtak: 1. Detaljregulering for Svemorka nord med tilhøyrande reguleringsføresegner sist revidert og plankart sist revidert blir vedteken. 2. Vedtaket er gjort i medhald av plan- og bygningslova KOMMUNESTYRET Framlegg i møtet: Framlegg frå FrP v/martin Bostrøm: Utsett saka send til formannskapet som tar grensejusteringa på telefonmøte i løpet av uken. Bruk paragraf 13.

2 Framlegget fekk 2 røyster Møtebehandling Frank Sve, Ole Jørgen Sve, Bjørg Tulluan Sve og Einar Arve Nordang ugild i sak 016/18 Vedtak med 19 mot 2 røyster KOM- 016/18 Vedtak: 1. Detaljregulering for Svemorka nord med tilhøyrande reguleringsføresegner sist revidert og plankart sist revidert blir vedteken. 2. Vedtaket er gjort i medhald av plan- og bygningslova SAKSUTGREIING Utgreiing: Bakgrunn for planarbeidet er at Orkla Foods Norge As har behov for utviding av verksemda på eige industriareal i Svemorka. I første omgang har dei under planlegging eit bakeri og lager, samt ønskje om betring av logistikken i området. I samråd med administrasjonen i Stranda kommune har utbyggar tatt med nokre av nabotomtene for å få ein mest mogleg heilskapleg plan. Planen vidareføre hovudsakeleg trekka i eksisterande plan, men legg vekt på høgare utnytting av arealet. Planforslaget Forslag detaljregulering for Svemorka er motteke frå OSE Ingeniørkontor på vegne av forslagstillar Orkla Foods Norge AD. Planforslaget som skal behandlast, består av plankart sist revidert reguleringsføresegner sist revidert planskildring sist revidert Formålet med reguleringa/omreguleringa Formålet med reguleringa er å leggje til rette for utviding av eksisterande industriområde, vegtilkomst, næringsutvikling og sikring av grøntareal langs elva. Forhold til overordna planar Planforslaget er i tråd med kommunedelplan for Strandadalen ( ). Området er sett av til bygging med arealformål industriområde. Gjeldande reguleringsplan for området er Svemorka (1978) der reguleringsformålet er næring, veg og gangveg. Førstegongsbehandling Planforslaget blei førstegong handsama av Planutvalet i sak 092/17. Planutvalet vedtok å fremje saka, sende henne på høyring og leggje henne ut til offentleg ettersyn. Endringar etter førstegongsbehandling Som ledd i kvalitetssikringa av planforslaget, og for å rette seg etter høyringsfråsegner, er det gjort

3 mindre endringar. Dei viktigaste endringane etter førstegongsbehandling: Det er lagt til føresegn som skal forbetre tryggleiken i samband med LPG anlegg Byggegrensa langs Storelva er justert slik ein minimum har ein avstand til 20 meter frå elveskråninga. Det er justert på sona for erosjonssikring langs elva. Presisering av ordlyden for 8 som gjeld for rekkefølgjekrav for vegen forbi omsynsonssone H_350 Høyringsfråsegner Planforslaget blei lagt ut til offentleg ettersyn i perioden frå til I same periode blei forslaget sendt til fråsegn mellom anna til regionale myndigheiter, grunneigarar som forslaget ville få konsekvensar for, og tenesteområde i kommunen. Det kom inn totalt 7 fråsegner. Dei følgjer saka som utrykte vedlegg. Hovudtrekka i merknadene er refererte nedanfor. Statens vegvesen, datert Har ikkje merknadar til planframlegget. Mattilsynet, datert Har ikkje merknadar til planframlegget. Møre og Romsdal fylkeskommune, datert Har ikkje merknadar til eigengodkjenning. Fylkesmannen i Møre og Romsdal, datert Reguleringsplanen legg opp til høgare utnytting av eksisterande areal som også er sett av til næring i kommunedelplanen og gjeldande reguleringsplan. Det er sett av breiare sone med grøntareal mot Storelva og Engesetelva. FM har ikkje vesentlege merknadar til planframlegget. Orkla Foods Norge, datert Det er utarbeida risikovurdering for eksisterande LPG-anlegg langs regulert kommunal veg (H_350_2). Konklusjonen i risikovurderinga er: «For anlegg, vei og trafikktetthet som beskrevet over, og med følgende risikoreduserende tiltak lav fartsgrense på vei forbi anlegget fysiske kollisjonsbarrierer ved anlegget stengning av vei forbi anlegget under fylling av tank vurderes risikobidraget fra ny vei forbi LPG-anlegget på Svemorka til å være akseptabelt.» Føresegn for omsynssone for LPG-anlegget blir endra/oppdatert, for omsynssone H_350_2 blir det lagt til: «Det blir synt til risikobetraktninger for LPG-anlegg Svemorka, datert , med følgjande risikoreduserande tiltak: låg fartsgrense på veg forbi anlegget fysiske kollisjonsbarrierer ved anlegget stengning av veg forbi anlegget under fylling av tank»

4 Optimar, datert Stiller seg i utgangspunktet positiv til framlagt plan. For å leggje til rette for næringsutvikling på eiga tomt, blir det føresett at regulerte vegar ikkje blir plassert nærare inn på tomt gnr./bnr. 27/54. Med tanke på siktog byggjeliner vil det om mogleg være ønskeleg å trekkje veg i aust lenger vekk frå tomta. Vegar skal byggjast innanfor formålet som synt i plankartet til detaljplan Svemorka nord. Det er ikkje tilrådeleg å trekkje veg lenger aust, nærare lausmasseskråning. Aust for gnr./bnr. 27/54 ligg regulert veg slik den er bygd. Etter dialog med Stranda kommune er det ønskeleg å sikre ein buffer på om lag 20 m mot lausmasseskråning elv frå bygg/mogleg bygg. Ved delar av BN3 er det frå byggjegrense til kant skråning elv om lag 18 m. I plankartet blir byggjegrense justert slik at det blir 20 m frå kant skråning til byggjegrense. NVE, datert Generelt rår NVE frå å byggje ut område som treng sikring for å oppnå tilstrekkeleg tryggleik. Ein pådreg seg eit ettersyns- og vedlikehaldsbehov over lang tid der kostnadar og ansvar kan vere utfordrande å plassere og følgje opp. Dersom elvebreidda er erosjonsutsett skal det vere ei tryggleikssone mellom bygningar og toppen av lausmasseskråninga over elva som er minst like brei som høgda frå elva og til toppen av skråninga. Sona må ikkje vere smalare enn 20 m. I plankartet blir byggjegrensa justert for delar av BN3, slik at det er minst 20 m frå lausmasseskråning til byggjegrense, for å få tryggleikssone som ikkje er smalare enn 20 m. I føresegnene blir det sett krav om regelmessig oppsyn av elvene langs planområdet for å vurdere eventuelle teikn på erosjon og rotvelt. I notat erosjonssikringstiltak Svemorka_HT er det gjort vurderingar for elvene langs planområdet, utdrag av desse blir lagt inni planomtalen. Kommentar frå rådmannen: Det er gjort ei vurdering av erosjonsfaren langs Engsetelva og Storelva. Langs Engsetelva må ein større del av planområdet sikrast mot erosjon. Storelva er vurdert til å vere stabil med tanke på erosjon. Administrasjonen har lagt til grunn at det skal vere ei buffersone på byggegrense til kant av elveskråning på minimum 20 meter slik ein stetter krava i TEK17. Det vil vere grunneigar som er ansvarleg for ettersyn og vedlikehald av sikringsanlegg tilhøyrande eigen eigedom. I plandokumenta er det gjort vurderingar knytt til flaum- og erosjonsfare langs både Storelva og Engsetelva. Flaumfaren i byggeområdet er vurdert som liten grunna stor høgdeskilnad, medan det er konkludert med trong for erosjonssikring langs delar av Engsetelva. Planframlegget har rekkjefølgjekrav til at erosjonssikring er gjennomført før det vert gjeve byggjeløyve i område BN1. I Notat erosjonssikringstiltak Svemorka_HT er det gjort vurderingar for korleis elvesikringa skal gjennomførast. Det blir i føresegnene synt til notat for elvesikringa. Rekkjefølgjekrav i føresegnene om erosjonssikring er knytt til bruksløyve, ikkje byggjeløyve. Erosjonssikringa kan skje parallelt med utbygging. Det er regulert omsynssone for flaum, slik NVE les det er det uklart kva flaumnivå denne representerer, jamfør føresegnene 6.4. I ROS-analysen er det opplysningar om flaumfaren som er i strid med regulering av omsynssone for flaum. Motstridande eller uklare opplysningar bør ryddast ut av plandokumenta.

5 I notat erosjonssikringstiltak Svemorka_HT er det gjort vurderingar for 200-års flaum. Med bakgrunn i vurderingane er det lagt opp til at sikringstiltak skal gå om lag 3,5 m opp frå elvebotnen, inklusiv 0,5 m fribord. Det blir synt til tabell 4 i vedlegg til notatet. Høgder i tabell er NN1954. Det er i tillegg vurdert at sikring av Engsetelva skal skje for ei gitt strekning, profil P9 til P4 i figur vedlegg 5. Planomtalen blir oppdatert med utfyllande opplysningar frå notatet. I føresegnene skal det opplysast kva strekning som skal erosjonssikrast. ROS-analysen skal oppdaterast slik at plandokumenta ikkje er motstridane/uklare. I følgje føresegnene er det opna for erosjonssikring innanfor omsynssone H_320 flaumfare. Kommunen bør vurdere om det er tilstrekkeleg, eller om det også kan bli naudsynt å nytte meir av arealet regulert til grønstruktur. Sikringstiltaka et skildra i vedlegg til plandokumenta, men det ligg ikkje føre plan eller teikningar på korleis dei skal gjennomførast. Det manglar også vurderingar av tiltaket i høve Vassresurslova (vrl), jamfør krav om kant vegetasjon. I plankartet blir omsynssone H_320 flaumfare blir justert slik at det vil mogleg å gjere flaumsikringstiltak innanfor sona, i tillegg til nødvendig framføring av gravemaskin. På grunn av delvis bratt terreng langs elvebreidda blir omsynssone stipulert for å gjere det mogleg å byggje flaumsikring langs elvebreidda minst 3,5 m høgare enn djupålen av elva og areal for framføring av nødvendige maskiner. I planomtalen blir det gjort vurderingar etter vrl; Ved legging av VA-leidningsnett i skråninga mot Engsetelva har vegetasjon langs elva vorte fjerna. I samband erosjonssikring av Engesetelva skal det leggjast til rette for naturleg etablering av kantvegetasjon ved nytte stadeigen masse på topp av erosjonssikring. Føresegnene blir endra med at det skal leggjast til rette for reetablering av vegetasjon. Reetablert vegetasjon vil vere med å stabilisere og sikre skråninga mot Engsetelva. Kommentar frå rådmannen: Det er i planen sett av ei sone med grønstruktur langs vassdraga. Erosjonssikringstiltak som må stå i samanheng med vassdraget vil medføre at noko av kantvegetasjonen nærast elva blir fjerna. Over tid vil ein del av kantvegetasjonen kunne etablerast på nytt. Planframlegget byggjer på gjeldande reguleringsplan og kommunedelplan, som er frå 1978 og Klimaframskrivingar tilseier at det vil bli hyppigare episodar med styrtregn og difor hyppigare og større flaumar i alle vassdrag. Med bakgrunn i alderen på desse planane og NVE sitt generelle råd om å unngå utbygging som treng sikring for å oppnå tilstrekkeleg tryggleik, meiner NVE at det er rett å stille spørsmål om kommunen har gjort vurderingar på om planlagt utbygging er det mest framtidsretta alternativet. Kommentar frå rådmannen: Stranda kommune har få areal som er heilt fri for naturfare. For industriarealet i Svemorka er det gjort vurderingar på flaum- og erosjonsfaren. Det er i planen lagt opp til sikringstiltak basert på faglege innspel som skal gje tilstrekkeleg tryggleik. Slik rådmannen ser det vil det vere fornuftig å vidareutvikle eksisterande industriareal så lenge tryggleiken er i varetatt. Vurdering: Innkomne merknader Vurderinga av dei enkelte innkomne fråsegnene kjem fram av kommentarane ovanfor. For å rette seg etter høyringsfråsegner er gjort mindre endringar i planen. Endringane er å sjå på som mindre endringar med få negative konsekvensar for dei det gjeld. Rådmannen vurderer det til at det ikkje er trong for nytt offentleg ettersyn.

6 Motsegner Det er ikkje varsla motsegner til planen frå fylkeskommunen, nabokommunar eller statlege fagmyndigheter der saksområdet blir påverka. Kommunestyret kan dermed vedta reguleringsplanen. Samla vurdering: Planforslaget er godt gjennomarbeidd og varetek nødvendige omsyn. Det er ein interessemotsetnad mellom omsynet til kantvegetasjon langs vassdrag og behovet for erosjonssikring. Avbøtande tiltak er å legge til rette for etablering av naturleg kantvegetasjon etter at sikringsarbeidet er ferdigstilt. Utbygginga av Orkla nær elveskråninga vil krevje erosjonssikring. All type sikring vil over tid krevje ettersyn og vedlikehald. Dette er eit ansvar som ligg til tiltakshavar. Ideelt sett bør ein bygge på stader der det ikkje er behov for sikringstiltak. Svemorka er eit eksisterande industriareal der det i dagens er lagt ned store investeringar i form av næring og infrastruktur. Det er difor naturleg å legge til rette for vidare industriutvikling på eit eksisterande industriareal, så lenge det ikkje går på kostand av tryggleiken. Området har fått ei fagleg vurdering på kva som skal til for at tryggleiken skal i varetakast, og råda er innarbeid i planen. Planen legg opp til føreseielege rammevilkår for vidare utvikling av Svemorka, noko som vil vere av stor betyding for næringslivet og kommunen. Vekt på at Svemorka er eit eksisterande industriområde, der ny plan legg til rette for vidare utvikling med stor samfunnsnytte er lagt til grunn for sluttbehandling og forslag til vedtak i saka. Med bakgrunn i utgreiinga ovanfor tilrår rådmannen at planforslaget detaljregulering for Svemorka nord blir vedteke. Vedlegg: Dok.dato: Vedlegg: Dok.ID Detaljplan Svemorka nord planomtale_ pdf Detaljplan Svemorka nord - framlegg føresegner_ pdf Detaljplan Svermorka nord plankart_ pdf Detaljplan Svemorka nord - sjekkliste ROS_ pdf Detaljplan Svemorka nord - P merknadsvurdering offentleg ettersyn_ pdf Detaljplan Svemorka nord - framlegg føresegner_ pdf Aktuelle lover, forskrifter, avtaler m.m. Plan og bygningsloven 12-12