Sakspapir. SAKSGANG Utval Møtedato Saknr Utval for Drift og Samfunnsutvikling (UDS) /17

Transkript

1 Sakspapir SAKSGANG Utval Møtedato Saknr Utval for Drift og Samfunnsutvikling (UDS) /17 Arkiv: GBNR - 51/3, FA - L12, HistSak - 15/1682, KOM Sakshandsamar:Øyvind Lunde Arkivsaknr: 16/ Detaljreguleringsplan for naust og småbåthamn, Rotevågsøy - ny handsaming Kort om saka: Det er motteke forslag til detaljreguleringsplan for naust og småbåthamn på gnr/bnr 51/3 og 51/12 på Rotevågsøy. Dokument vedlagt saka: Dok.dato Tittel Dok.ID Overs. dokument Fiskarlaget Vest Fylkesmannen Gnr/bnr 51/3 Rotevågsøy - Reguleringsplan for naust og båthamn - planmateriale - Føresegner Havnevesenet Hordaland Fylke Illustrasjonsplan Kystverket Plankart-A3-L_ Planomtale Profiler Vegvesenet Planforslaget Forslag til detaljreguleringsplan er motteke frå plankonsulent Dig Plan AS på vegne av forslagsstillar Magne Harkestad. Storleiken på planområdet er 9.4 dekar. Planforslaget som skal behandlast, består av Plankart, udatert Reguleringsføresegner, udatert 1

2 Planomtale, datert / Formålet med reguleringa Formålet med reguleringa er å leggje til rette for naust og småbåthamn, samt tilhøyrande parkering. Eigedomsforhold Planområdet ligg på gnr/bnr 51/3 og 51/12. Forhold til overordna planar Planforslaget er i hovudsak i tråd med arealdelen i kommuneplanen. Området er i denne planen sett av til bygging med arealformål naust og småbåthamn. Det er stilt krav om reguleringsplan. Reguleringsforslaget viser likevel parkeringsplass i LNF-område med opning for spreidd bustadbygging. Dette arealet er ikkje klassifisert som dyrka mark. Reguleringsområdet omfattar ikkje heile det området som det er satt reguleringskrav til i kommuneplanen. Utsnitt av kommuneplan

3 Gjeldande reguleringsplan Området er i dag ikkje regulert. Innkomne merknader til planoppstart Plankonsulent varsla oppstart av planarbeidet Det er opplyst mottak av 6 merknadar. Merknadane er samanfatta og kommentert på følgjande måte i kapittel 11 i planomtalen: Frå fylkesmannen i Hordaland datert 14/ Rår til at svaberga og sandbotnen vert ivareteke i størst mogeleg grad. Understreker at parkering ikkje er eit føremål som høyrer heime i strandsona. Minner om krav om vurdering i høve naturmangfaldslova og ROS-analyse. Risikoreduserande tiltak skal gå fram av føresegnene. Forslagstillar meinar at planen i hovudsak er i samsvar med overordna planar er ikkje i strid med nasjonale føringar for arealpolitikken. Dei andre føringane er teke til etterretning og lagt til grunn for planarbeidet. Store delar av svaberga vert dekt av ny kaifront og fundament for nausta. Sandbotnen ligg for det meste lenger nordvest enn planområdet. Parkeringsplassen er lagt på sørsida av adkomstvegen, lengst vekk frå strandsona. Den ligg no i LNF spreidd bustadbygging, men var naudsynt i høve krav om parkering for båtplassar og naust. Frå Hordaland fylkeskommune, regionavd. Datert 5/ Vektområde vil vere: Areal- og transport Arkitektur og estetikk Barn og unges interesser Friluftsliv Landskap Kulturminne og kulturmiljø Strandsone Minner om at planområdet ligg tett inntil det regionale friluftsområde Nordreosen/Nordra Straumsundet der det er viktig at ein har omsyn til allmentas tilkomst og tilgjenge. Ber om at konsekvensane for friluftsliv og strandsone vert skildra i det vidare planarbeidet. Fjern- og nærverknaden for landskapet må omtalast. Det aktuelle planområdet kan på grunnlag av topografiske høve og høgde over havet ha eit visst potensiale for funn av automatisk freda kulturminne, moglegvis steinalderbuplassar. Arealet er av begrensa storleik, og dei vurderer ikkje funnpotensialet for å vere så høgt at dei prioriterar denne saka for ytterlegare terrengundersøkingar. Sjøfartsmuseet melder at dei ikkje har kjennskap til marine kulturminne i planområdet, og har ingen merknader til planarbeidet.

4 Allmenta får betre mogelegheit til tilkomst til sjø med denne planen. Landskap vert omtalt i denne planomtalen og arkeologisk gransking kan gjennomførast. Konsekvensar for friluftsliv, barn og unge og strandsone vert omtalt i denne planskildring. Frå statens vegvesen, Region Vest, datert 28/ Har ikkje vesentlege merknader og kan ikkje sjå at reguleringsplanen vil koma i konflikt med deira interessar. Rår til trafikksikre løysingar for bilistar og mjuke trafikantar. Mjuke trafikantar er ivareteke med eigne gangtraseear. Håndbok100 er norm for geometrisk utforming av interne vegar. Frå Kystverket datert 9/ Gjer merksam på at det er gjennomført utdjuping av Støbergstraumen for å sørgje for betre seglingslei for fiskefartøy. Reguleringsplanen er ikkje venta å kome i konflikt med denne aktiviteten. Minner om at tiltak i sjø er søknadspliktig etter hamne og farvasslova og at rette myndigheit her er Bergen og Omland Havnevesen. Vi tek merknaden til etteretning Frå Bergen og Omland havnevesen datert 18/ Kan ikkje sjå at planen vil koma i konflikt med interesser dei er sett til å ivareta. Ber om at det vert teke inn i føresegnene krav om å søke hamnevesenet om løyve ved tiltak i sjø. Føresegnene vert utvikla i samråd med kommunen. Frå Fiskarlagets servicekontor AS, avd. Vest datert 22/ Ber om å avgrensa forureining og fortøyningane frå småbåthamnen mest mogeleg. Det er registrert kaste- og låssettingsplass søraust for reguleringsområdet. Det kan føre til at det vert drive fiskeriverksemd, inklusiv lysfiske med aggregat i sjøområda ved reguleringsområdet både dag og nattestid. Forureining vert omtalt i planskildring. Fiskarlaget må varslast ved eventuell sprengning på sjøbunn. Andre aktuelle saker i området: Det pågår ikkje byggjearbeid i dette området. Vurdering: Byggjeplanane Det kan førast opp maksimalt 13 naust med ei brukseining i kvar av desse. Det er vist to delområde for naustbygging (10+3). Ikkje meir enn 4 naust i rekke. Maksimal mønehøgde er 5.5 meter, med 40 m2 som maksimalt bebygt areal. I tillegg er det planlagt for 4 fellesnaust. Maksimal mønehøgde er 7.0 meter, med 80 m2 som maksimalt bebygt areal. Alle nausta er planlagt med saltak, og takvinkel mellom grader. Det kan dimensjonerast for 60 båtar i området for småbåthamn.

5 Det er lagt opp til forholdsvis stor konsentrasjon i utbygginga, med mange naust og båtplassar på forholdsvis lite areal. For å kunne dekke parkeringsbehovet er det planlagt parkeringsplass for 35 bilar i LNFområde like ved. Det synes uheldig å etablere ein parkeringsplass på ca. 900 m2 i strandsona, og i strid med arealføremålet i kommueplanen. Reguleringsforslaget omfattar ikkje heile området avsett til naustføremål og småbåthamn med reguleringskrav i kommuneplanen. Austre del er ikkje teken med i reguleringsforslaget. Omåråde med krav til detlajreguleringsplan i kommuneplanen har eit areal på ca dekar på land og i sjø. Medan planområdet i reguleringsforslaget har eit totalareal på 9 dekar. Av dette er ca 900 m2 parkeringsareal i LNF område. Kommuneplanen har ikkje fastsett krav til at ein må regulere heile området vist til naust/småbåthamn i heilskap. Men med tanke på å oppnå dei beste heilskaplege løysningane for området, er det likevel uheldig at ikkje heile området vert regulert samstundes. Administrasjonen tilrår likevel under tvil at planforslaget vert lagt ut til offentleg ettersyn slik det ligg føre. Når planforslaget vert lagt ut til offentleg ettersyn vil ein på bakgrunn av mulege innspel kunne gjera ei totalvurdering av planen. Innkomne merknader Plankonsulenten har samanfatta og vurdert mottekne fråsegn til varselet om oppstart av planarbeidet. Det er ingen sterke innvendingar mot planarbeidet. Infrastruktur Vegar i planområdet er private. Det går ein eksisterande veg gjennom planområdet. På eine sida av denne er det gjort forslag om regulering for naust og småbåthamn. På motsett side av vegen er det vist regulering av parkeringsplass tilknytt naustområdet og båthamna. Administrasjonen er som nemnd noko negativ til føreslegne parkeringsplass. Grønstruktur Det er ikkje lagt særleg vekt på planlegging av samangengjande grønstruktur i planområdet. Mindre område er avsett til dette føremålet. Planområdet er likevel lite, med mooderat behov for grønstruktur. Konsekvensutgreiing Planforslaget er vurdert i samsvar med plan- og bygningslova kapittel VII «Konsekvensutredninger», med tilhøyrande forskrift. Tiltaket fell ikkje inn under oppfangskriteria i forskrifta og skal derfor ikkje konsekvensutgreiast. Naturmangfaldslova Plankonsulenten har vurdert planforslaget som tilfredsstillande i forhold til krav i naturmangfaldslova. Administrasjonen har ingen innvendingar mot dei vurderingane som er gjort. Samla vurdering: Administrasjonen har merknader til at det nok vert planlagt for høgare utnytting enn det kommuneplanen synes å opne for. Ein har ikkje klart å dekke parkeringsbehovet internt i det byggeområdet vist på kommuneplanen. Det er planlagt ein forholdsvis stor parkeringsplass i tilknytt LNF-område. Høg konsentrasjon av utbygging i regulerte område kan likevel dempe presset på tiltak i strandsona elles i krinsen.

6 Reguleringsforslaget burde ha omfatta heile området med krav til detaljregulering i kommuneplanen. Det er planlagt noko utfylling/kaietablering i sjø utover det området som er avsett for småbåthamn i kommuneplanen. Administrasjonen har ingen vesentlege innvendingar mot dette. Det bør etablerast murt synleg kaifront. Det framgår at det er grunt i sjøområdet, og at det er aktuelt å utføre sprengingsarbeid. Reguleringsplanen burde hatt nærare vurderingar av omfanget på dette. Rådmannen tilrår med dei betenkningane som er gitt i saka at planforslaget vert lagt ut til offentleg ettersyn slik det ligg føre. Saksdokument: Vedlegg: 1. Plankart 2. Reguleringsføresegner 3. Planomtale Instilling til vedtak: Utval for drift og samfunnsutvikling fremjar saka og legg planforslaget ut til høyring og offentleg ettersyn etter plan- og bygningslova 5-2 og Forslag til detaljreguleringsplan er motteke frå plankonsulent Dig Plan AS på vegne av forslagsstillar Magne Harkestad. Utvalet står fritt til å vurdere forslaget på nytt etter offentleg ettersyn. Behandling i Utval for Drift og Samfunnsutvikling (UDS) : - Foreslått av - Framlegg frå Ottar Vik, TVØ UDS utsett saka då den ikkje er i tråd med intensjonen i kommuneplanen. Framlegget vart samrøystes vedteke. Vedtak i Utval for Drift og Samfunnsutvikling (UDS) 090/16 UDS utsett saka då den ikkje er i tråd med intensjonen i kommuneplanen. Behandling i Utval for Drift og Samfunnsutvikling (UDS) : Tilleggsforslag Foreslått av Ottar Vik TVØ Planforslaget om enkeltnaust er ikkje i samsvar med intensjonen i kommuneplanen for småbåthamn og naust på Rotevågsøy. I intensjonen til kommuneplanen for dette området er det felles naust og naustbodar, i tillegg til småbåthamn. UDS vedtek at planforslaget må endrast slik at det imøtekjem intensjonen i kommuneplanen for dette området.

7 UDS vil presisere at fellesnaustet kan oppførast med BYA på maksimalt 80 m2. Det kan etablerast naustbodar på inntil 5 m2. Det kan maksimalt etablerast 60 bodar i planområdet totalt. Tilleggsforslaget vart samrøystes vedteke. Rådmannen sitt framlegg fall. Vedtak i Utval for Drift og Samfunnsutvikling (UDS) 098/16 Planforslaget om enkeltnaust er ikkje i samsvar med intensjonen i kommuneplanen for småbåthamn og naust på Rotevågsøy. I intensjonen til kommuneplanen for dette området er det felles naust og naustbodar, i tillegg til småbåthamn. UDS vedtek at planforslaget må endrast slik at det imøtekjem intensjonen i kommuneplanen for dette området. UDS vil presisere at fellesnaustet kan oppførast med BYA på maksimalt 80 m2. Det kan etablerast naustbodar på inntil 5 m2. Det kan maksimalt etablerast 60 bodar i planområdet totalt. Innstilling til vedtak/tilråding: Behandling i Utval for Drift og Samfunnsutvikling (UDS) : Framlegg til vedtak Ottar Vik TVØ Utval for drift og samfunnsutvikling fremjar saka og legg planforslaget ut til høyring og offentleg ettersyn etter plan- og bygningslova 5-2 og Forslag til detaljreguleringsplan er motteke frå plankonsulent Dig Plan AS på vegne av forslagsstillar Magne Harkestad. Utvalet står fritt til å vurdere forslaget på nytt etter offentleg ettersyn. Framlegget vart samrøystes vedteke Vedtak i Utval for Drift og Samfunnsutvikling (UDS) - 024/17 Utval for drift og samfunnsutvikling fremjar saka og legg planforslaget ut til høyring og offentleg ettersyn etter plan- og bygningslova 5-2 og Forslag til detaljreguleringsplan er motteke frå plankonsulent Dig Plan AS på vegne av forslagsstillar Magne Harkestad.

8 Utvalet står fritt til å vurdere forslaget på nytt etter offentleg ettersyn. Siri Fahlvik Pettersen Rådmann Øyvind Lunde Sakshandsamar Dokumentet er elektronisk godkjent, og krev difor ingen signatur.