REGULERINGSENDRING FOR ORØYANE Høyringsframlegg til reguleringsplan for gnr. 36, bnr. 94, feste nr 2 i Aurland kommune 15. februar 2018
Prosjekt: Oppdragsgjevar: Utarbeidd av: Sakshandsamar: Reguleringsendring Flåm Hotell AS v/pål Drønen Postboks 42 5742 Flåm Mob.: 99 10 81 63 e-post: pal.dronen@vititflam.com Siv.ark. mnal Jarle Sandvik Postboks 55 5741 Aurland Tlf.: 57 63 31 73 Mob.: 412 00 594 e-post: ark.jsand@icloud.com Aurland kommune Ingunn B Skjerdal 5745 Aurland Tlf.: 57 63 29 11 Mob.: 959 84 646 Fax: 57 63 29 01 e-post: ingunn.skjerdal@aurland.kommune.no Forord I det etterfølgjande er det medteke ein omtale av planområdet og planløysning for reguleringsområdet. I omtalen er det gjort greie for verknader planen vil kunne få for ulike interesser og omsyn. I tillegg til planomtalen er det utarbeidd ROS-analyse for området. Denne er lagt til grunn for utarbeidning av planen. Aurland, 10. sept. 2015 Revidert Aurland, 15. febr. 2018 Jarle Sandvik Siv.ark. mnal Jarle Sandvik -1- Reguleringsendring
INNHALD Innleiing side 3 Omtale av planområdet 3 Tilhøve til eksisterande planar 4 Planområdet i dag 4 Landskap og naturmiljø 5 Markslag (bonitet), vegetasjon 5 Flora og fauna 6 Friluftsliv 6 Eksisterande bygningar på området 6 Tilkomst 6 Grunntilhøve 6 Planløysning 6 Kombinert føremål bustad/næring 6 Trafikktilhøve, køyreveg 6 Gangveg/gangareal 6 Grønnstruktur 6 Ras- og skredfare 6 Flaum - erosjon 7 Støy 7 Radonfare 8 Kommunaltekniske anlegg vatn og avlaup. Renovasjon 8 Reguleringsføreseger til reguleringsplan for Orøyane 10 Merknader til oppstartvarsel 12 Merknader i samband med 1. gongs utlegging til offentleg ettersyn 15 Siv.ark. mnal Jarle Sandvik -2- Reguleringsendring
Innleiing Siv.ark. mnal Jarle Sandvik har fått i oppdrag av Flåm Hotell AS å utarbeide reguleringsendring for gnr. 36, bnr. 94, feste nr. 2 Orøyane i Flåm i Aurland kommune. Utvalet for plan og utvikling i Aurland vedtok i møte 1. desember 2014 å starte ein reguleringsplanprosess for reguleringsendring. Føremålet med planarbeidet er å lage ein detaljreguleringsplan som legg til rette for bustad- og næringsføremål. Primært ynskjer ein å legge til rette for etablering av meir enn 10 brukseiningar som tilseier at tryggleiksklasse F3 må leggast til grunn i høve til flaum. Planarbeidet vart annonsert 9. januar 2015. Planarbeidet er utført av siv.ark. mnal Jarle Sandvik. OMTALE AV PLANOMRÅDET. Planområdet er på 4,6 daa, og omfattar eit område der det frå før står ein brakkerigg mellom Flåmsdalsvegen og Flåmselvi i Orøyane. Området har tilkomst via Flåmsdalsvegen som er kommunal veg. Tiltakshavaren ynskjer å regulere området til bustad- og næringsføremål. I tillegg er det i reguleringsplanområdet medteke eit grønnstruktur-område langs Flåmselvi. Siv.ark. mnal Jarle Sandvik -3- Reguleringsendring
Tilhøve til eksisterande planar I reguleringsplanen for Brekke Orøyane frå 1988 er storparten av planområdet regulert til industri. Eit belte langs elva er lagt ut til offentleg friområde. Planområdet i dag Planområdet ligg nær inntil Flåmselva som er eit verna vassdrag (verna i verneplan III). Den kommunale Flåmsdalsvegen går langs austre kant av området. Mot nord grensar området til Ægir Bryggeri sin eigedom med påståande industribygg. Sør for området ligg eit mindre lagerbygg tilhøyrande Folkehytta AS utleigt til Stavesvingen Røyr og Flis AS. Siv.ark. mnal Jarle Sandvik -4- Reguleringsendring
Landskap og naturmiljø Området er ei elveslette, og ligg eksponert mot Flåmselvi og Flåmsdalsvegen. Markslag (bonitet), vegetasjon Storparten av området er bebygt eller gruslagd for parkeringsplass. Kun eit belte langs elva er dekt av vegetasjon i form av gras og mindre buskvekstar. Markslagskart Siv.ark. mnal Jarle Sandvik -5- Reguleringsendring
Flora og fauna I datagrunnlaget for naturmangfald er det ingen registreringar for flora eller fauna i området. Friluftsliv Beltet langs Flåmselvi er i eksisterande reguleringsplan regulert til offentleg friområde med tanke på tilkomst for fiske. Tilkomst til friområdet går langs nordre kant av planområdet. Eksisterande bygningar på området På planområdet står i dag ei større bustadbrakke. Deler av denne vart sterkt skada under flaumen i oktober 2014. I nord-austre hjørne av området står det ein trafo. Tilkomst Planområdet har tilkomst via Flåmsdalsvegen som er kommunal veg. Grunntilhøve Grunnen i området består av morenemassar og elveavsetningar som inneheld sand, grus og stein. PLANLØYSNING Bustad- og næringsføremål Føremålet med reguleringsendringa er å legge til rette for oppføring av bustad- og næringsbygg. Det er ynskjeleg med god utnytting av området. Avgrensande faktorar for oppføring av bygningar er m.a. min 15 m avstand frå elva og 30 m frå senter jernbanespor. Trafikktilhøve, køyreveg Det vert ikkje lagt opp til endring av eksisterande kommunal veg Flåmsdalsvegen. Gangveg/gangareal Breidda på eksisterande fortau langs Flåmsdalsvegen kan utvidast til breidd 2m. Det er lagt til rette for gangtilkomst mellom vegen og grøntarealet langs elva av omsyn til fiske. Grønnstruktur Av omsyn til verneforskriftene for Flåmsvassdraget og ivaretaking av landskapsverdiane er eit 15 m breitt belte langs elva lagt ut som grønnstruktur. Eksisterande vegetasjonsbelte skal takst vare på. Arealet som frå før er utplanert og opparbeidd framfor eksisterande bygning kan nyttast som uteområde for bebuarane på området. Ras- og skredfare Ifølgje NGI-Rapport av 14. nov. 2012. Skredfarekartlegging Aurland kommune er området trygt i høve til ras og skred. Siv.ark. mnal Jarle Sandvik -6- Reguleringsendring
Flaum erosjon Det vart i slutten av mars 2016 foreteke lasarscanning av området. Med bakgrunn i denne er det laga ein ny terrengmodell. Det framgår av denne at det er endringar i terrenget i reguleringsplanområdet i høve til slik terrenget var ved lasarscanninga i 2009. Basert på den nye terrengmodellen har Norconsult AS utarbeidd nytt flaumsonekart i juni 2016 og dessutan for nedre del av Flåmsvassdraget i september 2016. Det er desse som no er lagt til grunn for det vidare planarbeidet. Etter TEK17 skal blant anna bygg med personopphald sikrast mot ein 200 års flaum (tryggeleiksklasse F2). For bygningar med meir enn 10 bueiningar og 25 personar skal tryggleiksklasse F3, 1000-årsflaum leggast til grunn. Som følgje av framtidige klimaendringar må det i tillegg leggast til eit klimatillegg anslege til 40% jfr. NVE sin rapport Hydrological projektions for floods in Norway under a futur climate frå 2011. 1000-års-flaum inkludert klimatillegg vil i følgje flaumsonekartet kunne stige til kote 5,8 m.o.h. Heile planområdet vil vere utsett for flaum. Området utgjer dessutan eit viktig flaumområde. Området er ikkje vurdert som særleg utsett for erosjon då elva her har vida seg ut og det er eit større flaumområde på motsett side. Det vert ikkje tillete å heve terrenget, då det vil redusere funksjonen som flaumareal. Nye bygningar kan eventuelt fundamenterast på søyler som gjev minst mogeleg motstand slik at vassmassane kan strøyme fritt under bygningane. For å sikre nye bygningar mot flaum, må bygningane dimensjonerast for å tole trykket frå vassmassane. Kjelder: - Notat av 22.06.2016 frå Norconsult. Flomsonekart Orøyane. - Notat av 15.09.2016 frå Norconsult. Flomsonekart i Flåm - NGI-rapport av 14.09.2016. Erosjonsvurdering. Faresoner for erosjon, Flåmselvi. Omsynssone for flaumfare er medtake i planen. Støy Reguleringsområdet ligg i nærleiken av Flåmsbana. Det er ikkje utarbeidd støysonekart for bana. Flåmsbana har ulik trafikk sommar og vinter. Det går ikkje nattog på bana. I perioden 1. mai 30. september er det 10 avgangar og 10 ankomstar mellom kl. 7.30 og 20.45. I oktober og april er det 6 avgangar og 6 ankomstar mellom kl. 8.35 og 18.45. I perioden 1. november 31. mars er det 4 avgangar og 4 ankomstar mellom kl. 8.50 og 18.45. Togtrafikk vil medføre lyd som forplantar seg gjennom lufta, luftlyd, og lyd som forplantar seg gjennom grunnen, strukturlyd. Støyen frå passerande tog er sterkt avhengig av hastigheit, kurvatur, trafikkmenge og vedlikehald av skinne og hjul og dessutan togtype og driveining. Tilleten maksfart forbi planområdet er 40 km/t. Normalt vert det køyrt i 40 km/t i retning frå Flåm stasjon og 30 km/t mot Flåm stasjon. Det er rett strekning forbi området. Det vert køyrt med moderne tog med El-18 lokomotiv (elektrisk) på Flåmsbana og det går ikkje godstog. Siv.ark. mnal Jarle Sandvik -7- Reguleringsendring
Overføring av strukturlyd er avhengig av grunntilhøva under skinnegangen og under bygningen. Grunnen i området består for det meste av sand og grus som er avsett langs Flåmselvi og delvis av utfylt tunnelstein. Dermed vil lydoverføring i grunnen vere vesentleg mindre enn dersom grunnen bestod av fjell eller leire. Fundamentering på pelar vil ytterlegare redusere lydoverføring gjennom grunnen. Med avstand meir enn 30 m frå skinnegangen vil strukturlyd normalt ikkje vere sjenerande under desse føresetnadane. Ekvivalent støygrense på uteplass og utanfor rom med støyfølsom bruk (soverom og opphaldsrom) er 58 db for togtrafikk. Dette er årsmiddelverdi som er avhengig av aktivitet gjennom heile året. Som hovudregel bør ikkje støynivået for eit enkelt driftsdøgn overstige dette kravet med meir enn 3dB maks 61dB. Maksimal støygrense utanfor soverom er 75 db. Dette er augeblinksverdi i det eit tog passerer. Figuren syner maksimalt lydnivå som funksjon av køyrefart for ulike togtypar. For passasjertog/el-18 vil maksimalt støynivå ved 40 km/t (som er maksfart på området) og toglengde 100m vere ca. 77-78 dba 10 m frå skinnegangen. Maksimal støygrense utanfor soverom er 75 db. Det indikerer at bygning 30 m frå skinnegangen vil ligge i yttergrensa av gul sone i eit støysonekart. Maksimalt støynivå gjeld berre dersom det er meir enn 10 togpasseringar om natta mellom kl. 22.00 og 06.00. Det går ikkje nattog på Flåmsbana, og kravet vil såleis ikkje verte gjort gjeldande. Høgste grenseverdi for innandørs ekvivalent lydtrykknivå (årsmiddelverdi) er 30dB (klasse C) for å kunne tilfredsstille kravet i plan- og byggjeforskriftene - TEK17. Vanlege vindaugskonstruksjonar i tre- og murveggar gjev normalt ein total lydreduksjon (forskjell mellom ute og innenivå) på 25 30 db. Når utandørs lydnivå ligg innanfor tilrådd verdi på 55 60 db(a), vert difor automatisk innenivåkravet på ca. 30 db(a) tilfredsstilt. Etter som bygning 30m frå skinnegangen mest sannsynleg vil ligge i yttergrensa av gul sone i eit støysonekart (ekvivalent støynivå 58 68dB), vil avbøtande tiltak kunne nyttast for å tilfredsstille forskriftskrava. a) Plassere uteopphaldsområde på motsett sida av bygningane. Siv.ark. mnal Jarle Sandvik -8- Reguleringsendring
b) Dimensjonere yttervegg i samsvar med krav til lydreduksjon. Radonfare Ved oppføring av nye bygningar for varig opphald (bygningar med bueiningar, publikum- og arbeidsbygningar) skal det gjerast førebyggande tiltak mot innstrøyming av radon i samsvar med TEK 10, 13-5. Omsynssone for radonfare er medteke i planen. Kommunaltekniske anlegg vatn og avlaup. Renovasjon. Renovasjon vert ordna gjennom avtale med Simas. Det må etablerast tilfredsstillande drenering slik at tiltak på området ikkje skal få negative konsekvensar for jernbanen. Plan for ivaretaking av overflatevatn skal foreligge saman med søknad om rammeløyve. Anlegg for overflatevatn skal vere ferdig før bygning på området vert teken i bruk. Planområdet er tilknytta offentleg vatn- og avlaupssystem. Hovudleidninga ligg området langs Flåmselvi. Byggjegrense skal vere 4 m frå leidning. Ny VA-leidning er planlagt nord gbnr. 36/94/2. Aurland kommune har gjeve løyve til å oppføre bygning 2 m frå eigedomsgrensa. Siv.ark. mnal Jarle Sandvik -9- Reguleringsendring
REGULERINGSFØRESEGNER TIL REGULERINGSENDRING FOR ORØYANE Føremålet med reguleringsplanen er å legge til rette for bustad- og næringsføremål. 1.0 Generelt. 1.1 Reguleringsføresegnene gjeld for det området som er merka av med reguleringsgrense på reguleringsplankartet i målestokk 1:1000, plannr. 1421-2014005. 2.0 Arealføremål Området er regulert til følgjande føremål: Pbl 12-5.1 BEBYGGELSE OG ANLEGG - Bustad- og næringsføremål - Energianlegg Pbl 12-5.2 SAMFERDSELSANLEGG OG TEKNISK INFRÅSTRUKTUR - Køyreveg - Gangveg/gangareal - Annan veggrunn grøntareal Pbl 12-5.3 GRØNSTRUKTUR - Grønnstruktur 3.0 Omsynssoner Pbl 12-6 (11-8 a) FARESONER - Flaumfare - Radonfare 4.0 Generelle føresegner 4.1 Nye bygningar innanfor reguleringsområdet må ha golvnivå på min. 5,8 m.o.h. av omsyn til flaumfare. 4.2 Det må etablerast tilfredsstillande drenering slik at tiltak på området ikkje skal få negative konsekvensar for jernbanen. Plan for ivaretaking av overflatevatn skal foreligge saman med søknad om rammeløyve. Anlegg for overflatevatn skal vere ferdig før bygning på området vert teken i bruk. 4,3 Dersom ein under arbeid skulle støyte på automatisk freda kulturminne (konsentrasjonar av trekol i undergrunnen eller i groper, steinsettingar eller samling av stein, samt våpen, reiskap og liknande i metall eller stein), må det visast varsemd og straks meldast frå til Sogn og Fjordane fylkeskommune ved Kulturavdelinga. Arbeidet må stoppast straks og ikkje iverksetjast att før Kulturavdelinga har undersøkt og frigjeve området. 5.0 Bustadføremål B/N1 Området omfattar areal som kan bebyggast med bygningar med bustad- og næringsføremål. 5.1 Området kan byggjast ut med bygningar til ein samla %-BYA på 68%. Bygningar skal plasserast i eller innanfor byggjegrensene med unntak for frittståande garasje/uthus mindre enn 50m2 som kan plasserast 1m frå Siv.ark. mnal Jarle Sandvik -10- Reguleringsendring
føremålsgrensa mot veg og eigedomsgrense. Største mønehøgd er kote 14,5 m.o.h. Største gesimshøgd er kote 12,5 m.o.h. 5.2 Bygningen skal vere tekt med taktekkings-materiale som ikkje reflekterer sollyset. Fargebruken skal vere dempa. 5.3 For kvar bustadeining større enn 50 m2 bruksareal skal det opparbeidast 2 parkeringsplassar og for kvar bustadeining mindre enn 50 m2 bruksareal skal det opparbeidast 1 parkeringsplass. For bustadbrakker tiltenkt sesongarbeidarar kan talet halverast. Tilhøyrande parkeringsplassar skal vere ferdig opparbeidde før bygning vert teken i bruk. 6.0 Energianlegg T1 omfattar eksisterande trafo. 7.0 Køyreveg V1 V1 omfattar del av kommunal veg Flåmsdalsvegen. 8.0 Gangveg/gangareal GV1, GV2. Område G1 omfattar eksisterande fortau langs Flåmsdalsvegen. GV2 er gangareal for tilkomst til grøntarealet langs elva. 8.1 Fortau G1 kan opparbeidast med breidd 2,0 m. 9.0 Annan veggrunn grøntareal. Området omfattar sideterreng for veg grøntareal. 10.0 Grønnstruktur Områda omfattar eit 15 m breitt belte langs elva. 10.1 Eksisterande terreng og vegetasjon skal i størst mogeleg grad takast vare på utan inngrep, med unntak av ordinær skjøtsel. Arealet som frå før er utplanert og opparbeidd framfor eksisterande bygning kan nyttast som uteområde for bebuarane på området. 11.0 Omsynssone - flaumfare H320, enkeltståande eller i kombinasjon med andre fareområde Området omfattar areal med fare for flaum. Området utgjer eit viktig flaumareal og vert ikkje tillete heva. 11.1 Ved oppføring av nybygg må golvnivå ligge på min. kote 5,8 m.o.h. 11.2 For å sikre nye bygningar mot flaum må bygningane dimensjonerast for å tole trykket frå vassmassane. Nye bygningar kan fundamenterast på søyler. Slike søyler gjev minst mogeleg motstand slik at vassmassane kan støyme fritt under bygningane. 12.0 Omsynssone - radonfare H330, enkeltståande eller i kombinasjon med andre fareområde Området omfattar areal med fare for innstrøyming av radongass i bygningar. 12.1 Ved oppføring av bygningar for varig opphald skal det gjerast førebyggande tiltak mot innstrøyming av radon i samsvar med TEK 17, 13-5. 12.2 Årsgjennomsnittet av radonkonsentrasjon i rom skal ikkje overstige 200 Bq/m3 i inneluft. Siv.ark. mnal Jarle Sandvik -11- Reguleringsendring
13.0 Omsynssone - frisiktsone H140 13.1 Frå avkøyrsla skal vere fri sikt 45 m i begge retningar frå eit standpunkt 4 m frå vegkant/skuler. 13.2 I frisiktsonene kan det ikkje plasserast sikthindrande anlegg eller terrengformer som er høgare enn 0,5 m over vegbana på tilliggande vegar. Einskildtre med høg stamme eller stolpar kan aksepterast. MERKNADER TIL OPPSTARTVARSEL Det er kome inn 5 merknader i samband med oppstarting av planarbeidet. Under følgjer ein gjennomgang av merknadane med kommentarar. Fylkesmannen i Sogn og Fjordane: Brev av 10.02.2015 Generelt - Føremålet med planendringa er å leggje til rette for utbygging til bustad- og næringsføremål. Det aktuelle området er i reguleringsplanen for Brekke Orøyane frå 1988 regulert til industri. - Av saksutgreiinga går det fram kva kommuneadministrasjonen meiner må utgreiast og vektleggast i planarbeidet, og det er gjeve råd til det vidare planarbeidet. Fylkesmannen meiner at det er gjeve gode føringar for planarbeidet, og har ikkje avgjerande merknader til kommunen sine føresetnader og råd. Natur og miljø - Ut frå kommunen si saksutgreiing legg fylkesmannen til grunn at verknadane planen vil kunne få for naturmiljø og naturmangfald vert gjort greie for i planomtalen. Dei føreset også at det i nødvendig grad vert lagt inn avbøtande tiltak i planen av omsyn til naturmiljø og landskap. Dei legg til grunn at eit belte langs elva vert sett av til grøntføremål. Kommentar: - I planen er det lagt vekt på å ta vare på ulike interesser og omsyn, m.a. planen sine konsekvensar for naturmiljø og landskap. Omsyn til landskap og vegetasjon er medteke i føresegnene. Eit belte langs elva vert sett av til grøntføremål. Beredskapseininga - For at kravet om ROS-analyse skal vere oppfylt, må det gjerast eit systematisk arbeid som gjev oversikt over risiko og sårbarheit. Funn og tilrådingar frå analysen skal følgjast opp og innarbeidast i planen. ROS-analysen kan knyte seg til arealet slik det er frå naturen si side, som t.d. flaum, skred eller radonstråling, samt menneskeleg aktivitet og bruken av arealet, t.d. plassering av bygg, anlegg, sårbare objekt eller infrastruktur. ROSanalysen må dessutan vurdere konsekvensar av klimaendringar, som t.d. auka nedbørsmengd, havnivåstigning og kraftig vind m.m. Siv.ark. mnal Jarle Sandvik -12- Reguleringsendring
- Det må gå tydeleg fram kven som har utført ROS-analysen, og kva kjelder som har vore brukte. Kommentar: Det er utarbeidd ROS-analyse. Funn og tilrådingar frå analysen er innarbeidd i planen. Landbruk Landbruksavdelinga har ikkje avgjerande merknader til oppstartvarselet. Sogn og Fjordane Fylkeskommune, Kulturavdelinga: Brev av 26.01.2015 - Sogn og Fjordane Fylkeskommune har i dag ikkje kunnskap om automatisk freda kulturminne i tiltaksområdet. Dei har såleis ikkje avgjerande merknader til planen når det gjeld omsynet til automatisk freda kulturminne. Dei ser likevel ikkje bort i frå at det kan ligge automatisk freda kulturminne i det området som søknaden gjeld. Vi ber difor om at tiltakshavar vert gjort merksam på følgjande: Tiltakshavar har plikt til å vise varsemd og til å straks melde frå til Sogn og Fjordane fylkeskommune ved Kulturavdelinga dersom ein under arbeidet skulle støyte på automatisk freda kulturminne, jfr 8, 2. ledd i Lov om kulturminne. Automatisk freda kulturminne kan i denne samanheng vere konsentrasjonar av trekol i under grunnen eller i groper, steinsettingar eller samling av stein, samt våpen, reiskap og liknande i metall eller stein. Kommentar: Ingen kommentar. Noregs vassdrags- og energidirektorat, Region vest: Brev av 20.01.2015 - Planområdet ligg i tilknyting til den verna Flåmselvi. Rikspolitiske retningsliner for verna vassdrag skal leggjast til grunn for planarbeidet. Det må leggast opp til ein arealbruk som ikkje reduserer verneverdiane knytt til vassdraget. - Planområdet kan vere utsett for flaum eller erosjon, noko som må vurderast i det vidare planarbeidet. Etter byggteknisk forskrift (TEK10) skal blant anna bygg med personopphald sikrast mot ein 200 års flaum. Framtidige klimaendringar kan medføre meir nedbør og større flaumar. NVE rapport 5/2011 «Hydrological projections for floods in Norway under a future climate» har estimert at storleiken på framtidas flaumar på Vestlandet vil auke med 20-40 %. NVE rår til at klimaframskrivingar blir lagt til grunn når ein skal sikre mot flaum. Eventuelt flaumutsett areal må leggast inn som ei omsynssone i plankartet jf PBL 12-6) og ha tilhøyrande føresegner som sikrar akseptabel tryggleik før utbygging kan finne stad. - Byggverk skal plasserast eller sikrast slik at det ikkje oppstår skade ved erosjon. Avstanden til erosjonsutsett elveskråning skal ikkje vere under 20 meter med mindre ein sikrar mot erosjon. Dersom elvekanten består av lett eroderbare massar bør ein vurdere større avstand til elveskråninga. Siv.ark. mnal Jarle Sandvik -13- Reguleringsendring
- Dei landsdekkande aktsemdskarta for snøskred i skrednett (www.skrednett.no) syner planområdet som potensielt utlaupsområde for snøskred. I NGI sine snø- og steinskredkart ligg det utanfor fareområde for snøskred. NVE vurderer dei gamle snøskredkarta frå NGI til å gje eit betre grunnlag for avgrensing av aktsemdområde for snøskred. Med mindre lokalkunnskap tilseier noko anna ser vi ikkje grunn for å krevje nærare utgreiing av skredfaren. Kommentar: For å sikre akseptabel tryggleik i høve til flaum er det medteke omsynssone for flaumfare i plankartet med tilhøyrande føresegner. Eit breidt belte langs elva er regulert til grønnstruktur med tilhøyrande føresegner, og verneverdiane knytt til vassdraget vert såleis ivaretekne. Jernbaneverket: Brev av 28.01.2015 - Dersom byggjegrensa kjem nærmare enn 30 meter frå jernbanelina (midtline i nærmaste spor) må det søkjast om dispensasjon frå Jernbanelova 10. - Då det skal regulerast til bustad, er det viktig å ivareta forhold knytt til støy, vibrasjonar og tryggleik i forhold til trafikken på Flåmsbana. Nærleik til sporet gjer at bygningar er utsett for støy, ristingar og strukturlyd m.m. Tiltakshavar må også sjå til at byngingar overheld tilhøyrande offentlege krav og forskrifter. Det er viktig at nødvendige tiltak mot støy og ristingar vert teke inn i føresegnene, og at det tydeleg går fram at det er utbyggar sitt ansvar at desse tilhøva vert tekne omsyn til. - Tiltaket må ikkje endre tilhøvet vedrørande avrenning mot jernbanen. Planen må sikre at overflatevatn vert teke hand om slik at det ikkje er fare for at utvasking og/eller andre endringar kan påverke jernbanen negativt. Likedan må planarbeidet sikre at eventuelle endringar i grunnvatnet ikkje vil medføre negative verknader for jernbanen. Kommentar: Byggjegrensa vert sett til 30 m frå jernbanelina. Byggteknisk forskrift set krav til utførelse av byggverk slik at tilfredstillande lydtilhøve vert sikra i byggverk og på uteopphaldsplass avsett til rekreasjon og leik. Det vil bli sett krav til drenering slik at tiltak på området, m.a. heving av terreng, ikkje skal få negative konsekvensar for jernbanen. Flåm elveeigarlag: E-post av 07.02.2015 Underteikna har fiskeretten på strekningen bak brakkeriggen i Aurøyadn og ber om at det vert teke omsyn til elva, fisken og fiskemulegheitene. Dvs at ein ikkje legg bygg og installasjonar for nær elva og ikkje har ei lyssetjing som øydelegg fisket. Fiskesesongen er kort og det må kunna leggjast til rette for at ein skjermar elva i denne perioden. Brakkeriggen var i si tid oppsett etter ein munntleg avtale m kommunen og den skade elva og fisket lir har aldri vore gjenstand for erstatning eller skjønn. I Differensiert forvaltningsplan for Flåmsvassdraget vedteken i kommunestyret 10.05.01 er den anadrome strekninga sett i klasse 1 der det i retningslinjene står: Siv.ark. mnal Jarle Sandvik -14- Reguleringsendring
Det må leggjast vekt på at inngrep ikkje skal redusere pedagogiske verdiar, friluftsverdiar og elva sin verdi som landskapselement og rekreasjonsområde. Inngrep må heller ikkje redusere tilhøva for laks og sjøaure. Reduksjon i tilkomst i og langs vasstrengen, eller reduksjon i opplevingsverdiar ( mellom anna i form av fiske) bør unngåast. Det er og viktig for heilskapsforståinga av vassdraget å bevare det velpleidde kulturpreget som ein finn i nedre del av dalen. Kommentar: Av omsyn til verneforskriftene for Flåmsvassdraget og ivaretaking av landskapsverdiane er eit 15 m breitt belte langs elva lagt ut som grønnstruktur. MERKNADER I SAMBAND MED 1. GONGS UTLEGGING TIL OFFENTLEG ETTERSYN Det er kome inn 2 merknader i samband med oppstarting av planarbeidet. Under følgjer ein gjennomgang av merknadane med kommentarar. Fylkesmannen i Sogn og Fjordane: Brev av 21.01.2016 Generelt Føremålet med planendringa er å leggje til rette for utbygging til bustad- og næringsføremål på eit areal som er regulert til industri. Fylkesmannen fremjar motsegn til planen inntil kommunen kan dokumentere at klimaendringar er tilstrekkeleg vurdert og teke omsyn til i planarbeidet, og inntil kommunen har vurdert om flaumsonekartlegginga frå 2009 kan leggast til grunn for arealplanlegging i området. Beredskap og samfunnstryggleik Manglande vurderingar i ROS-analysen Ved oppstart av planarbeidet spelte vi inn at ROS-analysen må vurdere konsekvensane av framtidige klimaendringar, som t.d. auka nedbørsmengder og meir intense nedbørsperiodar, og om desse endringane kan påverke risiko og sårbarheitsforhold i planen. Planområdet ligg i eit område der klimaframskridingane gir grunn til å forvente større flaumar. NVE tilrår at ein i slike område legg til grunn 40% auke i flaumvassføringa fram mot 2100. Vi meiner denne kunnskapen må leggjast til grunn for arealplanlegginga i området. ROS-analysen er basert på ei flaumsonekartlegging av flåmselvi utarbeidd av Norconsult i 2009. Vi kan ikkje sjå av planen at flumsonekartlegginga er oppdatert etter flaumen i oktober 2014. Vi er kjent med at flaumen i 2014 gjorde store skader og at elva kan ha avlagra masse i området ved planområdet. I etterkant er det gjennomført ei rekke tiltak i og langs elva oppstraums planområdet.vi sknar ei vurdering i ROS-analysen om flaumsonekartlegginga frå 2009 framleis kan leggjast til grunn for arealplanlegginga i området, eller om forholda i Flåmselvi kan ha endra seg i ein slik grad at det bør gjerast ny eller supplerande flaumsonelkartlegging for området. Siv.ark. mnal Jarle Sandvik -15- Reguleringsendring
Føresetnader for analysen Inndelinga som er nytta i ROS-analysen høver truleg godt for vurdering av risiko i verksemder og i driftssituasjonar. Den kan derimot gje eit feilaktig analyseresultst når den blir nytta ved vurdering av risiko knytt til arealbruk fordi(for) mange hendingar kan hamne i kategorien lite sannsynleg, og dermed ikkje verte tilstrekkelg analyserte. For vurdering av risiko knytt til arealbruk er det tenleg å operere med noko lengre tidsperspektiv for vurderingar av sannsyn. Mange kommunar nyttar ei slik inndeling: lite sannsynleg: sjeldnare enn ein gong per 100 år, mindre sannsynleg: ein gong mellom kvart 50. og 100. år, sannsynleg: ein gong mellom kvart 10. og 50. år, mykje sannsynleg: ein gong mellom kvart år og kvart 10. år, svært sannsynleg: kvart år. Vi trur denne inndelinga av sannsyn gir eit betre utgangspunkt for å vurdere risiko knytt til arealbruk. Fylkesmannen tilrår at kommunen går gjennom ROS-analysen på nytt og vurderer om inndelinga i sannsyn kan ha ført til at hendingar i analysen ikkje er tilstrekkeleg vurderte. Dersom konklusjonane i ROS-analysen vert endra ettter denne gjennomgangen, legg ein til grunn at funna vert følgt opp i tilstrekkeleg grad i plankart og føresegner før vedtak av planen. Natur og miljø Planområdet ligg ikkje meir enn 30 meter frå Flåmsbanen. Støy frå togtrafikken må vurderast i planomtalen, og det bør gå fram kvifor støy eventuelt ikkje er eit problem her. At planendringa opnar for bustadføremål såpass nær Flåmsbana tilseier i utgangspunktet at det bør gjerast ei støyvurdering, som grunnlag for å ta stilling til eventuelle behov for tiltak for å sikre bustadane for tilfredsstillande støytilhøve i samsvar med tilrådde grenseverdiar. Viss det skulle vere naudsynt med t.d. støyskjermingstiltak skal dette naturlegvis innarbeidast i plankartet og/eller i reguleringsføresegnene. Fylkesmannen ser det som positivt at det er sett av eit om lag 15 m breitt grøntbelte langs Flåmselvi, med krav om at ekssteradne terreng og vegetasjon i størst mogeleg grad skal takast vare på. Kommentar: Norconsult AS har i juni 2016 utarbeidd flaumsonekart og i september 2016 for nedre del av Flåmsvassdraget. Det er desse som no er lagt til grunn for det vidare planarbeidet. 40% auke i flaumvassføringa fram mot 2100 er medteke i desse rapportane. Det er teke omsyn til Fylkesmannen sine merknader vedrørande sannsynlegheitsgrad i ROS-analysen. Vurdering av støy frå togtrafikken er medteke i Ros-analysen. Norges vassdrags- og energidirektorat: Brev av 15.01.2016 NVE er i hovudsak nøgd med den måten planarbeidet har teke tak i problemstillingar knytt til flaum- og erosjonsfare. Dei har likevel nokre merknader: - Flaumen 2014 og arbeid i/langs elva kan ha medført at elveprofilet er endra. Siv.ark. mnal Jarle Sandvik -16- Reguleringsendring
Elva er masseførande og ein kjenner óg til at elva har avlagra masse i området ved planområdet. Aurland kommune bør vurdere om elva har like god kapasitet no som i 2009. - 200 års flaum er i Norconsult sin rapport frå 2009 berekna til 291 m3, noko som samsvarar godt med NVE sin flaumberekning i 2015 (NVE rapport 27/15). Flåmselvi ligg imidlertid i eit av dei områda som gir størst auke i flaumstorleikar fram mot år 2100. NVE rår til at det vert teke omsyn til venta klimaendringar. For Flåmselvi gir ein 40% auke i flaumvassføringa fram mot 2100 ein berekna 200 års flaum på 400 m3. Samla utgjer punkta over usikkerheit knytt til om flaumsonekartet for området gir svar på kva som er tilstrekkeleg tryggleik mot flaum i dag og framover i dei nye byggverka si levetid. Kommentar: Norconsult AS sitt flaumsonekart frå juni 2016 og for nedre del av Flåmsvassdraget i september 2016 er lagt til grunn for det vidare planarbeidet. 40% auke i flaumvassføringa fram mot 2100 er medteke i desse rapportane. Siv.ark. mnal Jarle Sandvik -17- Reguleringsendring