Fjell kommune Arkiv: 504 Saksmappe: 2017/ /2017 Sakshandsamar: Lene Takvam Dato: SAKSDOKUMENT

Fjell kommune Arkiv: 504 Saksmappe: 2017/848-29416/2017 Sakshandsamar: Lene Takvam Dato: 22.11.2017 SAKSDOKUMENT Utvalsaksnr Utval Møtedato 123/17 Komité for plan og utvikling 05.12.2017 99/17 Kommunestyret 14.12.2017 Detaljreguleringsplan for Landrovegen gnr 27/460 m.fl. - Polleidet. Ny slutthandsaming. Tiltakshavar: Vestsidevegen AS Samandrag av saka: Og Arkitekter AS har på vegne av Vestsidevegen AS utarbeidd framlegg til detaljreguleringsplan for Landrovegen, gnr 27/460 m.fl. Polleide (planid: 20130021). Planområdet er 20,9 daa, og ligg sør for skuleområdet på Ågotnes og aust for Valderhaug. Området er sett av til bustadformål (B7) i Kommunedelplan for Ågotnes 2013 2024. Planen legg til rette for oppføring av maks 70 bustadeiningar i 2-3 etasjar, leikeplassar, grøntareal, turveg og gangbru over Angeltveitvassdraget. Rådmannen tilrår at planen vert godkjend, med dei endringane som kjem fram av saksutgreiinga. Endringane ligg etter rådmannen si vurdering innanfor ramma av endringar som kan gjerast utan nytt offentleg ettersyn. Innstilling: Komité for plan og utvikling tilrår: I medhald av plan- og bygningslova 12-12, godkjenner kommunestyret detaljreguleringsplan for Landrovegen, gnr 27/460 m.fl. Polleide, med føresegner datert 22.11.17 og plankart/planskildring datert 27.10.17, med dei endringane som går fram av saksutgreiinga. Straume, den 22.11.2017 Steinar Nesse (s) Rådmann Bjørn Erik Kristiansen (s) konstituert Plan- og utbyggingssjef

Handsama i Komité for plan og utvikling - 05.12.2017: Innstillinga vart samrøystes vedteken. Tilråding i Komité for plan og utvikling - 05.12.2017: Komité for plan og utvikling tilrår: I medhald av plan- og bygningslova 12-12, godkjenner kommunestyret detaljreguleringsplan for Landrovegen, gnr 27/460 m.fl. Polleide, med føresegner datert 22.11.17 og plankart/planskildring datert 27.10.17, med dei endringane som går fram av saksutgreiinga. Handsama i Kommunestyret - 14.12.2017: Tilråding frå komité for plan og utvikling vart samrøystes vedteke. Desse hadde ordet i saka: Henning Ekerhovd Vedtak i Kommunestyret - 14.12.2017: I medhald av plan- og bygningslova 12-12, godkjenner kommunestyret detaljreguleringsplan for Landrovegen, gnr 27/460 m.fl. Polleide, med føresegner datert 22.11.17 og plankart/planskildring datert 27.10.17, med dei endringane som går fram av saksutgreiinga. Dokument vedlagt saka: A.Plankart, datert 27.10.17 B. Føresegner, datert 22.11.17 C. Planskildring, datert 27.10.17 D. Illustrasjonsplan 27.10.17 E. Snitt profil 22.02.16 H. Merknader og tiltakshavar sine kommentarar til merknadene. Saksopplysningar: Og Arkitekter AS har på vegne av Vestsidevegen AS utarbeidd detaljreguleringsplan for Landrovegen, gnr 27/460 m.fl. Polleide (planid: 20130021). Formålet med planarbeidet er å leggje til rette for konsentrert bustadbygging med lågblokkar. Planen legg til rette for oppføring av maks 70 nye bustadeiningar, 4 leikeplassar, grøntareal og parkering. Det vert også planlagt offentleg turveg og gangbru for kryssing av Angeltveitvassdraget.

Planprosessen Kommunen hadde oppstartsmøte for planarbeidet 07.01.2014. Oppstart av planarbeidet vart varsla i mai 2014. Planframlegget vart 1. gangs behandla i Komité for plan og utvikling den 12.04.2016, i sak 60/16, og låg ute til offentleg ettersyn i tida 12.08 23.09.2016. Det har vore god dialog mellom kommunen plankonsulent og kommunen etter høyringsperioden, for å løyse dei utfordringar som er omtalt, spesielt knytt til renovasjon og overvatn. Saka vart lagt fram for slutthandsaming i KPU 07.11.17, og det vart vedteken at det skulle innarbeidast rekkefølgjekrav til utbetring av Landrovegen (fv211) mellom avkøyringa til bustadområdet og krysset Landrovegen/Vestsidevegen. Eksisterande situasjon Planområdet er 20,9 daa, og ligg sør for skuleområdet på Ågotnes og nordaust for bustadfeltet på Valderhaug. Området er sett av til bustadformål (B7) i Kommunedelplan for Ågotnes 2013 2024 (KDP Ågotnes). Avkjørsel til planområdet vert frå Landrovegen i nord, og planen vil erstatte delar av eksisterande plan for Fv211- Ågotnes skule, Polleidet (27-div) PlanID: 20070003. Avgrensing av planområdet mot Angeltveitvassdraget vil erstatte delar av eksisterande plan for Valderhaug, Polleidet (27-5 m.fl.) PlanID: 20040007. Planframlegget Busetnad Det er planlagt konsentrerte småhus i form av rekkjer med låge bustadblokker på 2-3 etasjar + parkeringskjeller. Bygga inneheld mellom 8 og 24 bustadeiningar, kor dei lengste og høgste bygningane er plassert mot aust langs Vestsidevegen. Leike- og uteopphaldsareal Det er planlagt fire leikeplassar, der to areal (f_blk1 og 5) vert tilrettelagt for større born og unge (t.d. ballplass/skaterampe o.l.). I tillegg er to mindre leikeareal (f_blk2 og f_blk3-4) plassert sentralt i kvart sitt gardsrom. Desse skal nyttas til sandleikeplass og/eller leikeplass for mindre born. Leikeplassen (f_blk3-4) i sør vert delt i to av tursti, og lagar eit skilje mellom sandkasse og leikeapparat for litt større småborn. Grønstruktur og turveg Turveg o_gt1 knyt bustadene vest for Angeltveitvassdraget saman med bustadene i planområdet og vidare med skule- og idrettsområdet nord for planområdet. Det skal anleggjast gangbru over vassdraget i området o_vfs. Turveg o_gt2-4 gjev tilkomst frå Vestsidevegen. I tråd med kommunedelplanen sine krav vert det regulert turveg med universell utforming gjennom planområdet (o_gt1-4). Vegane skal opparbeidast med 3 meters breidde. Planområdet inneheld eksisterande offentleg fortau langs Vestsidevegen og Landrovegen (o_sf). I planframlegget vert det også lagt til eit kort strekk med nytt fortau på om lag 35 m, som knyt turvegen saman med fortau langs Landrovegen. Tilkomst til skuleområde vil gå via eksisterande overgangsfelt. Privat veg og parkering Ny avkøyring vert frå fv211 Landrovegen, mot nordvest i planområdet. Det er opna for maks 70 einingar i planområdet, med ei parkeringsdekning på 1,5 plass pr eining. Det er ikkje nok overflate parkering i området, og parkeringskjellar vert bygd dersom det vert naudsynt. Det er felles fortau (f_sf1) langs tilkomstveg f_skv1, og gangtilkomst som sikrar gangtilkomst til Vestsidevegen via f_ssg og f_sp2. Fortauet er knytt saman med dei offentlege turvegane. Det er krav til 1,5 p-plassar og 2 sykkelparkeringsplassar per bustad. Det er lagt opp til sykkelparkering i parkeringskjellar, samt på avsette areal på bakken. Det er opna for parkeringskjellar under bygg i aust. Dersom ein ikkje bygger ut parkeringskjellar, vert arealet for rampe med nedkøyring nytta som parkeringsplass. Dette vil ikkje gje like mange p-plassar som

parkeringskjellar. Ein konsekvens av dette kan være at det vert bygd færre einingar i BBB2 og BBB4. Vatn, avlaup og overvatn Det er utarbeidd VA-rammeplan for planområdet. Som følgje av arbeidet med denne er det avdekka at stikkrenner/kulvert under Vestsidevegen og Landrovegen ikkje er dimensjonert for å ta unna 200-års flom inkludert 40% klimapåslag. Flomveg vil i ein ekstremsituasjon gå via Landrovegen mot Kårtveitpollen, og ikkje gjennom planområdet. Ved eit brot i vegfylling på Vestsidevegen vil det kunne kome vatn inn i området, det er difor sett krav til flaumsikring av parkeringskjellarar (vasspumper). Det er også sett krav til flaumvoll i austlege randsone av planområdet og med forsterka flaumvoll i sør-austlege hjørne av f_blk5 og f_svg4 for å kunne splitte eventuelle vassmassar og leie dei i ufarleg retning. Dersom stikkrenner under Vestsidevegen og Landrovegen vert utvida og er det sett krav til utgreiing av konsekvensar for områda som ligg nedstraums. Støy Saman med ein støyskjerm langs fv210, vil plassering av bygga gjere uteområda godt skjerma for støy frå vegane; fv210, fv211 og fv561. Støyskjerming skal utførast i samsvar med støyrapport frå Sweco datert 26.06.2015. Naturmangfald Rundt planområdet er det registrert nokon artar av særleg interesse. Det er registrert eit hjortetråkk på vestsida av Angeltveitvassdraget og det er eit område for svarttrost samt yngleområde for raudlista svartstrupe, på austsida av Fv210 Vestsidevegen. I Angeltveitvassdraget går det sjøaure og laks, samt at det er registrert ei stor mengde gulål (raudlista) her. Offentleg ettersyn Planframlegget låg ute til offentleg ettersyn i tida 12.08 23.09.2016 og det kom inn merknader frå 5 offentlege instansar og 1 frå private. Ei kort oppsummering av merknadene og rådmannen si vurdering av desse følgjer nedanfor. Merknadene ligg i sin heilskap som vedlegg til saka. Statens vegvesen, merknad datert 02.09.2016 Statens vegvesen har gjeve råd og uttale i samband med utarbeidinga av reguleringsplanen. Dei har gjeve aksept for at det kan byggjast carportar eller liknande bygningar på arealet som er vist som parkeringsføremål mot fylkesveg 210 Vestsidevegen. Dei gjer også merksam på at det skal utarbeidast tekniske teikningar/ byggeplanar for alle tiltak som grensar mot fylkesvegane langs planområdet. Dette gjeld spesielt utforming av nytt kryss til planområdet. Planteikningane skal vere godkjend av Statens vegvesen før planen kan godkjennast av Fjell kommune. I samband med opparbeiding av kryss til planområdet og andre trafikktiltak på og ved fylkesvegane skal det opprettast ein gjennomføringsavtale med Statens vegvesen. Denne avtalen skal vere klar før det kan gjevast løyve til igangsetjing av arbeid med opparbeiding av tiltak innanfor planområdet. Før arbeid skal kunne setjast i gang på og langs fylkesvegane skal det utarbeidast ein skilt- og sikringsplan som skal godkjennast av Statens vegvesen. Tiltakshavar er gjort merksam på krav om gjennomføringsavtale, og tekniske teikningar er no utarbeidd og godkjent av vegvesenet. Felt o_svt1 i plankart er utvida litt for å få betre plass til å løyse skjering og sikt på ein god måte. Rådmannen tilrår at det i føresegnene vert sett følgjande krav: 3.1.2 Ved arbeid på og langs fylkesvegane skal det utarbeidast ein skilt- og sikringsplan som skal godkjennast av Statens vegvesen.» NVE, merknad datert 02.09.2016

NVE har ingen merknader til planframlegget. Fylkesmannen i Hordaland, merknad datert 13.09.2016 1. Fylkesmannen vil oppmode Fjell kommune om å setje klare føresegner for leikeområde f_blk1 slik at det vert eit tydeleg skilje mellom leikeplass og trafikkområde. Dette gjeld både med omsyn til trafikktryggleik, støy og støv. 2. I tillegg bør det omtalast korleis borna på tryggast måte kan kome seg til leikeplassen f_blk1 utan å gå i køyrevegen. Leikeområde f_blk1 ligg høgare i terrenget enn vegen. Planen sikrar gjerde mot skrent og støyskjerm mot veg. Andre sikringstiltak vil følgje av TEK10. Rådmanen vurderer difor området som godt sikra. Tilkomst til leikeområdet vert innarbeidd i illustrasjonsplanen med ein trasé i f_but1, og planføresegnene 2.2.1 får eit nytt ledd som omhandlar dette «Utomhusplanen skal vise trygg tilkomst for mjuke trafikantar til f_blk1 via f_but1» Sameiet Valderhaug KB, merknad datert 20.09.16 «1) Angeltveitvassdraget. Sameiet Valderhaug KB3 ber om at avstand på 25 meter fra elven overholdes med tanke på bebyggelse av bygninger. Andre inngrep nærmere elven enn 25 meter må ta betydelig hensyn til at det naturlige og rike miljøet i og ved elven skal bestå. Elven er viktig for fiskearter, og den er også en viktig rekreasjons-ressurs for beboerne i området. 2) Sameiet Valderhaug KB3 melder med dette sin interesse og ønsker å delta når plassering av broen over elven skal besluttes. 3) Sameiet Valderhaug KB3 er opptatt av sikker skoleveg for barna fra Valderhaug. Planen legger til rette for at skolebarna skal benytte den nye broen. For at broen skal være en trygg skoleveg, må veglys på plass. Sameiet KB3 forutsetter at veglys ved denne nye skolevegen inngår i /tas inn i planen, og bekostes og driftes av kommunen eller det nye feltet sin utbygger. 4) Sameiet Valderhaug KB3 mener at fotgjengerovergangen over Landrovegen, som brukes av skolebarn til/fra Valderhaug, får trafikkøkning slik innkjørsel til det nye byggefeltet er plassert. Vi ser behov for bedre sikring av overgangen med trafikklys. 5) Sameiet Valderhaug KB3 ber om at høyden på de nye bygningene blir holdt nede, for å beholde harmonien i området.» 1) Alle bygg er plassert meir enn 25 meter frå senterlinje vassdrag. Det ligg uteopphaldsareal innanfor 25-meterssona og leikeareal f_blk1 og f_blk3 ligg opptil og delvis innanfor sona. Desse areala inneheld ikkje bygningar. 2) Ved ein byggjesøknad vert naboar varsla, ettersom brua er av stor interesse for heile feltet er det naturleg at også sameige vert varsla. 3) Rådmannen er samd i at den offentleg gangvegen bør ha lys for å sikre at vegen er trygg og tilgjengeleg for alle grupper. Rådmannen tilrår at det vert sett krav om belysning på brua i føresegna 8.1 «Brua skal ha lys, god estetisk utforming, vere tilpassa omgjevnadene og ikkje ha reflekterande overflater.» Og i 7.1.1 «Turvegar o_gt1-4... Turvegar skal utformast for å gje universelt tilgjenge til areal sett av til uteopphald og leik. Turvegene skal opparbeidast med lys, fast dekke og med breidde på 3 m». Rådmannen tilrår også at det vert sett krav til fast dekke og breidde på 3 m for å sikre at kommunen har moglegheit til å gjennomføre vanleg vedlikehald. 4) Sjølve overgangen ligg utanfor planområdet, og kan ikkje regulerast i denne planen. Utforming av overgangsfelt og lysregulering vert ikkje bestemt av kommunen men av Statens vegvesen. Tiltak i området ligg inne i Kommunedelplan for trafikksikring 2017-2020, og vert følgd opp her. 5) Høgder er vist i plankart og illustrasjonsmateriale til plansaka. Det er lagt opp til 2-3 etasjar innanfor planområdet, og rådmannen meiner dette er godt tilpassa omgjevnadane og kva ein må kunne forvente i eit sentralt område. Rådmannen tilrår at det vert lagt inn ei krav i føresegnene 5.1.6 om at arkitektur og materialval skal være med på å bryte opp lange og einsidige fasadar. Hordaland fylkeskommune, merknad datert 19.09.16

Dei ber om at det vert sikra arkitektur og materialval som kan være med på å bryte opp lange og einsidige fasadar. Fylkeskommunen er positiv til turvegar, og bru over Angetveitvassdraget. Meiner også det er positivt dersom ein kan sikre så mykje av det naturlege terrenget som mogleg, der dette kan utgjere spennande opplevingar for barn. Hordaland fylkeskommune har ingen vesentlege merknader til planforslaget. Rådmannen tilrår at det vert lagt inn ei krav i føresegnene 2.2.4 om at støyskjermen skal brytast opp med vindauge eller andre element for gje estetisk variasjon, og at det i 5.1.6 vert sett krav om at arkitektur og materialval skal være med på å bryte opp lange og einsidige fasadar. FjellVAR Renovasjon: Vi ber om at utførande planleggjar tenkjer igjennom korleis det kan leggjast til rette for best mogeleg avvikling av bosshenting, til dømes med trafikksikker plassering av felles oppsamlingsplassar og gode snu areal for store bossbilar. Det bør vurderast å etablere nedgrave renovasjonsløysingar for bustadblokk. Avløp: Kapasiteten på avløpsreinseanlegget i område er sprengt, og nytt avløpsreinseanlegg må vere på plass før ein kan ta bustande i bruk. Vatn: Ei rekkje tiltak er gjennomført for å betre kapasiteten på levering av vatn til Ågotnes med mellom anna ny trykkaukestasjon. I løpet av 2016 vil leveringskapasiteten tilfredsstille dei vassmengda det planområde krev. Renovasjon: Det har vore arbeidsmøte mellom konsulent, Plan- og utbyggingssjefen og sakshandsamar i FjellVAR for å få til ein god renovasjonsløysing. Det vert lagt opp til ei samla renovasjonsløysing for heile området nordaust i planområdet, der f_bre1 var plassert til 1. gongs handsaming. f_bre2 er flytta opp hit, slik at det vert rom for alle fraksjonar her. På bakgrunn av dette er føresegner 5.3 revidert. Det er ikkje eit krav i KDP Ågotnes at område utanfor sentrumsområdet skal ha nedgrave renovasjonsløysingar. Det vart difor i utgangspunktet ikkje sett krav løysing i denne reguleringsplanen. I løpet av planprosessen er det imidlertid jobba mykje med Renovasjonsteknisk norm for Fjell kommune, og denne er snart klar for slutthandsaming. Rådmannen finn det difor naturleg at planen korrigerast slik at den er i samsvar med norma, der det vert sett krav om nedgrave løysing. Dette er også gjort i fleire andre planar, og ein tilrår difor at føresenene ver endra til følgjande: «5.3.1 Innanfor f_bre1-2 er det tillate med nedgrave avfallsanlegg og postkassar med skjerming/overbygning. Avfallsanlegg skal oppførast i samsvar med renovasjonsteknisk norm for Fjell kommune. Løysing for plast skal være i fellesanlegg. 5.3.2 Anlegg/skjerming/overbygning må ikkje kome i konflikt med frisiktsoner.» Vatn og avlaup: Tiltakshavar er orientert om situasjonen. Rekkefølgjekrav til kapasitet på vatn og avlaup er sikra gjennom plan- og bygningslova samt i føresegnene 2.2.6. Plan- og utbyggingssjefen har hatt god dialog med tiltakshavar og FjellVAR og Eigedomssjefen gjennom heile planprosessen. Spesielt overvatn har vore ein aktuell og utfordrande problemstilling. Etter vedtak i Komité for plan og utvikling den 12.04.2016 fekk tiltakshavar utarbeidd eit notat v/sweco 02.05.16 der det går fram at flomveg for Angeltveitvassdraget ved ein ekstremsituasjon vil gå via Landrovegen mot Kårtveitpollen, og ikkje gjennom planområdet som først antatt. Krav om utbetring av kulvertar er difor tatt ut. Etter dialog med FjellVAR og Eigedomssjefen har det kome fram at det kan være fare for at ein oppmagasinering mot Vestsidevegen vil føre til erosjon og undergraving av vegfyllinga, og dermed gje flomskadar i planområdet. Dette er innarbeidd i risiko og sårbarheits analysen (ROS

analyse) i planskildringa, og som følgje av dette vert det tilrådd avbøtande med krav til flaumvoll i føresegnområde #2 og i føresegna 2.2.6.3 «f_blk5 og f_svg4 skal ha flaumvoll i sørlege hjørne for sikring av bygg i felt BBB5 mot 200-årsflaum.» og 10.2 «Det skal etablerast flaumvoll / forsterka terrengform innanfor føresegnområde #2. Flaumvollen skal forsterkast i sør-austlege hjørne av f_blk5 og f_svg4 for å kunne splitte eventuelle vassmassar og leie dei i ufarleg retning.» Det vert også sett krav ( 10.1.1) til at ein eventuell parkeringskjellar skal flaumsikrast med vasspumper. Rekkefølgjekrava må også justerast som ein følgje av endringa: «3.2.4 Anlegg/infrastruktur knytt til vassforsyning og avlaup og overvatn, i høve til Detaljprosjekt for VA, jfr 2.2.6, skal vere utbygd.» Som følgje av arbeidet med overvatn og den kritiske situasjonen i området har det også kome innspel frå Eigedomssjefen om at det bør etablerast opent fordrøyningsmagasin som bremsar vassføringa før det går til elveløp/bekk. Lokal overvasshandtering bør brukast der det er mogleg slik at vassbalansen oppretthaldast tilnærma naturtilstand for grunnvassnivå, infiltrasjon, fordrøyning og vassvegar. VA- rammeplanen er difor revidert og fordrøyningsmagasin er innarbeidd i f_but3. Tiltaket er innarbeidd i føresegnene «2.2.6.4 Det skal anleggjast eit fordrøyningsmagasin i f_but3, jfr. VA-rammeplan med vedlegg. Illustrasjonsplan dagsett 02.11.2015, sist revidert 16.10.2017, er retningsgjevande for plassering» Det er i føresegnene 5.2.2 sett krav til at for kvar bueining skal det avsettast 75 m2 BRA til felles leike- og uteopphaldsareal, og 10 m2 privat uteopphaldsareal. Plassering og storleik på leike- og uteopphaldsareal er bestemt i plankartet, og kva leikeområde som er knytt til dei ulike byggeområda er bestemt i føresegnene 3.2.2. Rådmannen er redd for føresegn kan føre til at det i ein byggesak vert uklart kva som skal opparbeidast, og tilrår difor at krav til 75 m2 vert fjerna. Leike- og uteopphaldsareal vert dermed sikra opparbeid i si heilskap gjennom 3.2.2. Det er i føresegnene krav til at offentleg turvegar skal opparbeidast. Rådmannen tilrår at det også vert sett krav til opparbeiding av fortau langs Fv211 Landrovegen i samsvar med plankartet. Fortauet er i dag opparbeida, men må utvidast noko for å gje tilkomst til turvegen. Følgjene vert tilrådd endra i føresengene: «3.2.3 Turveg o_gt1-4 og o_sf skal opparbeidast i samsvar med plankart og 7.1 med universell utforming og ålmenn tilgjenge frå bru i o_vfs via felles uteareal til fotgjengarovergang over Fv211 og fortau langs Fv210.» Ved ein feil er det ikkje lagt inn rekkefølgjekrav til tilkomstvegar og tilhøyrande infrastruktur. Rådmannen tilrår at følgjande vert innarbeidd i føresegnene: «3.2.6 Parkeringsplassar skal vera ferdigstilt før det kan søkjast om bruksløyve for bustader i tilhøyrande område jf. 4. 3.2.7 Køyreveg f_sk1-2, fortau f_sf1-2 og gangareal f_sgg og anna veggrunn o_svt1-2 skal vera ferdig opparbeidd før det kan søkjast om bruksløyve. 3.2.8 Kommunaltekniske anlegg (t.d. post og renovasjon) skal vera ferdigstilt før det kan søkjast om bruksløyve.» Det er også gjort mindre tekniske rettingar og justeringar av føresegnene etter offentleg ettersyn. Endringane er drøfta med plankonsulent, og dei har uttrykt at kan godta endringane slik planen no ligg føre. Naturmangfald: Det går fram av naturmangfaldlova (nml) 7 at prinsippa i 8-12 skal leggast til grunn ved utøving av offentleg mynde. Temaet var derimot utfyllande omtalt ved 1. gangs handsaming av planen, og tiltak knytt til vassdraget er innarbeidd. Rådmannen kan ikkje sjå at det etter offentleg ettersyn er kome nye opplysningar som krev ny vurdering. Oppsummering:

Rådmannen tilrår at følgjande er endra etter offentleg ettersyn: Endring i plankart 1. Felt o_svt1 i plankart er utvida litt for å få betre plass til å løyse skjering og sikt på ein god måte. 2. Det vert lagt inn føresegnsområde for flomvoll i sør #2. 3. Renovasjonsområde f_bre2 vert sentralisert til f_bre1 for felles løysing. Endring i føresegnene 4. Nytt føresegn: 3.1.2 Ved arbeid på og langs fylkesvegane skal det utarbeidast ein skilt- og sikringsplan som skal godkjennast av Statens vegvesen. 5. 2.2.1 får eit nytt ledd «Utomhusplanen skal vise trygg tilkomst for mjuke trafikantar til f_blk1 via f_but1» 6. Endringar er utheva: 8.1 «Brua skal ha lys, god estetisk utforming, vere tilpassa omgjevnadene og ikkje ha reflekterande overflater.» Og i 7.1.1 «Turvegar o_gt1-4... Turvegar skal utformast for å gje universelt tilgjenge til areal sett av til uteopphald og leik. Turvegene skal opparbeidast med lys, fast dekke og med breidde på 3 m». 7. Nytt føresegn: «5.1.6 Arkitektur og materialval skal være med på å bryte opp lange og einsidige fasadar.» 8. Nytt føresegn: «2.2.4 Støyskjermen skal brytast opp med vindauge eller andre element for gje estetisk variasjon.» 9. Nytt/endra føresegn: «5.3.1 Innanfor f_bre1-2 er det tillate med nedgrave avfallsanlegg og postkassar med skjerming/overbygning. Avfallsanlegg skal oppførast i samsvar med renovasjonsteknisk norm for Fjell kommune. Løysing for plast skal være i fellesanlegg. 5.3.2 Anlegg/skjerming/overbygning må ikkje kome i konflikt med frisiktsoner.» 10. Nytt føresegn: 2.2.6.3 «f_blk5 og f_svg4 skal ha flaumvoll i sørlege hjørne for sikring av bygg i felt BBB5 mot 200-årsflaum.» «10.2 Det skal etablerast flaumvoll / forsterka terrengform innanfor føresegnområde #2. Flaumvollen skal forsterkast i sør-austlege hjørne av f_blk5 og f_svg4 for å kunne splitte eventuelle vassmassar og leie dei i ufarleg retning.» 11. Nytt føresegn: «10.1.1 Anlegg i kjellar skal flaumsikrast med vasspumper.» 12. Endringar er utheva: «3.2.4 Anlegg/infrastruktur knytt til vassforsyning og avlaup og overvatn, i høve til Detaljprosjekt for VA, jfr 2.2.6, skal vere utbygd.» 13. Nytt føresegn: «2.2.6.4 Det skal anleggjast eit fordrøyningsmagasin i f_but3, jfr. VArammeplan med vedlegg. Illustrasjonsplan dagsett 02.11.2015, sist revidert 16.10.2017, er retningsgjevande for plassering» 14. «3.2.3 Turveg o_gt1-4 og o_sf skal opparbeidast i samsvar med plankart og 7.1 med universell utforming og ålmenn tilgjenge frå bru i o_vfs via felles uteareal til fotgjengarovergang over Fv211 og fortau langs Fv210.» 15. Følgjande vert fjerna frå 5.2.2 «sett krav til at for kvar bueining skal det avsettast 75 m2 BRA til felles leike- og uteopphaldsareal,». Krav til opparbeiding vert korrigert i 3.2.2. 16. «3.2.6 Parkeringsplassar skal vera ferdigstilt før det kan søkjast om bruksløyve for bustader i tilhøyrande område jf. 4. 17. 3.2.7 Køyreveg f_sk1-2, fortau f_sf1-2 og gangareal f_sgg og anna veggrunn o_svt1-2 skal vera ferdig opparbeidd før det kan søkjast om bruksløyve. 18. 3.2.8 Kommunaltekniske anlegg (t.d. post og renovasjon) skal vera ferdigstilt før det kan søkjast om bruksløyve.» 19. 3.2.9 Fv 211 frå avkjørsel til planområdet og til krysset Landrovegen/Vestsidevegen skal utbetrast med same standard som veg regulert frå avkjørsel til skuleområde og vestover (sjå planid: 20070003-210 RP Fv211- Ågotnes skule, Polleidet (27-div)). Dei føreslegne endringane er innarbeidd i reviderte plandokument. Endringane som er gjort etter offentleg ettersyn endrar ikkje hovudformålet eller intensjonen med planen. Etter rådmannen si vurdering kjem endringane innanfor rammene av kva som kan endrast utan nytt offentleg ettersyn. Etter kva rådmannen kan sjå er føresetnaden for å nytta eigengodkjenning i samsvar med 12-12 i plan- og bygningslova tilstade.

Rådmannen meiner det reviderte planframlegget sikrar gjennomføring og etablering av ny busetnad på ein tilfredstillande måte, og vil difor tilrå at kommunestyret godkjenner detaljreguleringsplanen, med dei innarbeidde endringane som går fram av saka.