Postadresse: Fylkeshuset, 6404 Molde Besøksadresse: Julsundveien 9 Telefon 71 25 80 00 Telefaks: 71 25 87 21 e-post: post@mrfylke.no www.mrfylke.no ARBEIDSNOTAT ref. Nordmørskonferansen 2008 Av Heidi-Iren Wedlog Olsen 29.01.2008 Universitetet Møre presentasjon av funn frå spørjeundersøkingar På oppdrag frå Møre og Romsdal fylke har Sentio Research Norge AS gjennomført to spørjeundersøkingar i Møre og Romsdal, retta mot befolkninga og næringslivet i fylket. Bakgrunnen for undersøkingane er fylkesdirektøren sitt innlegg på Nordmørskonferansen 2008 Universitetet Møre kan det bli ein realitet? Undersøkingane er gjennomført som telefonintervju og respondentane har svart på ulike påstandar vedrørande høgare utdanning, høgskolane si rolle i denne samanhengen og behovet for eit universitet i fylket. I befolkningsundersøkinga er det intervjua i alt 500 personar, i tidsperioden 26. og 27. november 2007. Bedriftsundersøkinga vart gjennomført i desember 2007. Her svarte i alt 111 bedriftsleiarar. Innbyggjarane og universitetet Møre befolkningsundersøkinga I undersøkinga vart respondentane bedt om å ta stilling til fire ulike påstandar om høgskolane i fylket. Desse var: Det er viktig for meg at vi har et godt tilbud innen høyere utdanning i fylket Høgskolene i fylket spiller en viktig rolle for mine muligheter til å ta etterutdanning og øke min kompetanse Høgskolene i fylket bør samarbeide om å få status som universitet, slik det for eksempel er gjort i Stavanger Det er viktig for Møre og Romsdal å få sitt eget universitet (Sentio, nov. 2007) Resultata i undersøkinga viser at nærare 97 % respondentane er heilt eller delvis einig i påstanden om at det er viktig å ha eit godt tilbod innan høgare utdanning i fylket. Litt over 70 % ser høgskolane som sentrale for moglegheitene til å ta etterutdanning/kompetanseauke. Like mange uttrykker at det er viktig at høgskolane samarbeider om å få universitetsstatus og at fylket bør få sitt eige universitet. Særleg kvinnene og høgare aldersklasser ser høgskolane som sentrale for deira moglegheiter til etterutdanning og kompetanseheving. Undersøkinga viser også at det er eit
skilje mellom dei over og under 30 år i høve til vurderinga av viktigheita av å ha eit godt tilbod innan høgare utdanning i fylket. Regionmessig er det fleire på Sunnmøre og Nordmøre som vurderar det som viktig at fylket får sitt eige universitet, og at høgskulane samarbeider om universitetsstatus. Bedriftene og universitetet Møre bedriftsundersøkinga I undersøkinga vart respondentane bedt om å ta stilling til følgjande tre påstandar: Min bedrift/organisasjon har behov for personale med universitetsutdanning (dvs. mer enn 4-årig høgskoleutdanning). Det er viktig for min bedrift/organisasjon at vi får et universitet i Møre og Romsdal. Høgskolene i Møre og Romsdal bør samarbeide om å få status som universitet, slik det for eksempel er gjort i Stavanger (Sentio, des. 2007). Resultatet frå undersøkinga viser at 72 % av dei spurde er heilt eller delvis einig i påstanden om at høgskolane bør samarbeide om å få status som universitet. Samtidig er det 40 % som gjev uttrykk for at deira bedrift har behov for personale med universitetsutdanning. Like mange gjev uttrykk for at det er viktig for deira bedrift at vi får eit universitet i fylket. Undersøkinga viser dermed at sjølv om berre 4 av 10 av respondentane gir uttrykk for at deira bedrift har behov for personale med universitetsutdanning, så er det 7 av 10 som er einig i at høgskolane bør samarbeide om å få universitetsstatus Undersøkinga viser vidare at det i særleg grad er to kategoriar blant bedriftene som etterspør folk med universitetsutdanning; små bedrifter med 1 5 tilsette og bedrifter med 50 eller fleire tilsette. Det er også desse bedriftene som er mest einig i at det er vitkig for Møre og Romsdal å få eit eige universitet. Ser vi nærare på bransjar som er sentrale næringar i høve til sysselsetting i fylket (sjå Fylkesstatistikk 2007), er det 47 % som er heilt eller delvis einig i påstanden om at mi bedrift har behov for personale med universitetsutdanning. Innanfor varehandel og transport og kommunikasjon er denne andelen klart lågare. Ser vi på forretningsmessig tenesteyting, som er ei næring i vekst, men kor fylket ligg klart lågare enn landet elles, er det 63 % som gir uttrykk for at dei har behov for personale med ei slik utdanning. Og sjølv om eit mindretal av respondentane innanfor desse fire bransjane gir uttrykk for at det er viktig for deira bedrift/organisasjon at Møre og Romsdal får eit universitet, gir fleirtalet uttrykk for at høgskolane i fylket bør samarbeide om å få universitetsstatus.
Oppsummert Resultata frå undersøkingane er interessante. Majoriteten av respondentane gjev uttrykk for at det er viktig å ha eit godt tilbod innan høgare utdanning i fylket. Det er særleg kvinner og høgare aldersklassar som ser høgskolane som sentrale for deira moglegheiter til etterutdanning og kompetanseheving. Befolkningsundersøkinga viser dessutan at det er over 70 % som er einig i påstanden om at høgskolane bør samarbeide om å få universitetsstatus. Talmaterialet viser vidare at 41 % er heilt eller delvis einig i det er viktig for deira bedrift å få eit universitet i fylket. Dette er lågare enn tala frå befolkningsundersøkinga. Det er særleg to kategoriar blant bedriftene som har behov for personale med høgare utdanning og som vurderar det som viktig at fylket får sitt eige universitet; dette er bedrifter med 1 til 5 tilsette og bedrifter med fleire enn 50 tilsette. På bakgrunn av dette er det derfor verdt å leggje merke til at så mange som 72 % av bedriftsleiarane er heilt eller delvis einig i at høgskolane må samarbeide om å få status som universitet. Dette er svært likt resultatet frå befolkningsundersøkinga, kor denne andelen var på 73 %.
Innbyggjarane og universitetet Møre Kjelde: Sentio, nov. 2007 1
Innbyggjarane og universitetet Møre (forts) Kjelde: Sentio nov. 2007 2
Innbyggjarane og universitetet Møre (forts) Kjelde: Sentio nov. 2007 3
Innbyggjarane og universitetet Møre (forts) Kjelde: Sentio nov. 2007 4
Bedriftsleiarane og universitetet Møre Kjelde: Sentio, des. 2007 5
Bedriftsleiarane og universitetet Møre (forts) Kjelde: Sentio des. 2007 6
Bedriftsleiarane og universitetet Møre (forts) Kjelde: Sentio des. 2007 7