B B I B L I O T E K M E D D U G L E I K F O R F R A M T I D A STRATEGI FOR KOMPETANSEUTVIKLING I FOLKEBIBLIOTEK O G SKULEBIBLIOTEK I HORDALAND 2011-2015
Grafisk design og layout:a2g Grafisk, Hild F. Aase. Trykk A2G Grafisk Foto:ISTOCK.com ISBN:978-82-91679-73-8
FORORD Eit personale med brei og oppdatert kompetanse er ein avgjerande faktor for at biblioteka skal utføre sine samfunnsoppgåver og gje eit godt bibliotekstilbod. Innbyggjarane i Hordaland skal møte eit sørvisinnstilt bibliotekpersonale med brei og oppdatert kompetanse. Vi treng å synleggjere kva ressursar biblioteka tilbyr, ved å videreutvikle dei tilsette sin formidlingskompetanse i tale, skrift, digitalt og visuelt. Vi treng å få til samarbeid og nettverk som gir styrke og kontinuitet til formidlingsarbeidet i biblioteka. Vi treng å styrkje merkevaren bibliotek og omdømmet til biblioteka i fylket gjennom å auke kompetansen og danne faglege nettverk for deling av kunnskap og tenester. Vi treng å gjere bibliotektilsette i stand til å meistre bruk og brukaropplæring av: - informasjons- og formidlingssystema i bibliotek - overordna nasjonale tenester - nye media som dataspel og e-bøker - andre nyttige digitale verktøy for samhandling og kommunikasjon Vi treng å utvikle endringskompetansen hjå dei bibliotektilsette i fylket, og skape bibliotek med dugleik på innovasjonsprosessar. Gjennom Strategi for kompetanseutvikling i folkebibliotek og skulebibliotek i Hordaland 2011-2015, som vart vedteken i Fylkesutvalet i juni 2011, ønskjer Hordaland fylkeskommune å ta tak i desse utfordringane. Torill Selsvold Nyborg Fylkesordførar 3
VISJON Innbyggjarane i Hordaland skal møte eit sørvisinnstilt bibliotekpersonale med brei og oppdatert kompetanse. HOVUDMÅL Kompetansestrategien skal bidra til at biblioteka har den kompetansen som er naudsyn for å nå mål, møte nye utfordringar og levere gode tenester til innbyggjarane. Strategien skal bidra til auka motivasjon og læring, og gjere det mogleg for biblioteka å møte framtidige utfordringar. DELMÅL Kompetansestrategien for biblioteka i Hordaland skal : gje mål og retningsliner for satsing på kompetanse i folkebibliotek og skulebibliotek vise til kva kompetanseområde som er prioriterte, på kort og lang sikt vise til kva tiltak som skal iverksetjast innan dei ulike områda 4
PRIORITERINGAR Fylkesbiblioteket vil satse breitt på kompetanseutvikling, og gjennomføre kompetansehevande møte, kurs og konferansar på same måte som før. I tillegg skal det satsast på nokre prioriterte kompetanseområde, som svar på ønska som har kome fram i ei kartlegging av kompetanse og kompetansebehov blant bibliotektilsette i fylket. Dei er og sett i lys av dei utfordringane biblioteka møter om endring og utvikling, og dei krava til kompetanse dette fører med seg. Dei strategiske innsatsområda i planperioden er: FORMIDLING MARKNADSFØRING DIGITAL KOMPETANSE ENDRINGSLEIING/ENDRINGSKOMPETANSE Kvart område vil bli følgt opp i ein årleg handlingsplan. 5
FORMIDLING Formidling handlar om korleis bibliotek er aktive mellomledd mellom brukarar og fysiske og digitale samlingar. Å formidle er ei av dei lovpålagte oppgåvene til folkebiblioteka, og ei viktig oppgåve for skulebiblioteka. Formidlinga kan vere instrumentell; å fi nne svar på eit konkret praktisk spørsmål, eller ikkje-instrumentell; å skape lesaropplevingar og bidra til leselyst. MÅL Å synleggjere kva ressursar biblioteka tilbyr, ved å vidareutvikle dei tilsette sin formidlingskompetanse i tale, skrift, digitalt og visuelt. Å få til samarbeid og nettverk som gir styrke og kontinuitet til formidlingsarbeidet i biblioteka. TILTAK 1. Arrangere kurs med ulike tema: - munnlege presentasjonsteknikkar og bokprat - formidle til målgrupper ut frå alder - formidle til målgrupper ut frå interesser - litteraturarrangement og forfattarbesøk - litteraturgruppe/lesesirkel - formidling på nett - utstillingar og visuell presentasjon - Opening the book (eit britisk konsept for innreiing og formidling i bibliotek) 2. Setje spesielt fokus på kurs og metodar for å formidle e-bøker og andre digitale media. 3. Knyte formidlingstiltak til Bok til alle -bibliotek. Primo 2011 deltek 11 bibliotek i ordninga med å formidle bøker som er lette å lese, og ha kontakt med leseombod som les høgt for andre. 4. Utfordre biblioteksamarbeida til å lage formidlingsstrategiar, som kvart bibliotek kan tilpasse og bruke lokalt. RESULTATMÅL Kvart bibliotek har personale som meistrar å formidle i ulike media. Det fi nst formidlingsstrategiar som er i bruk. 6
MARKNADSFØRING/KOMMUNIKASJON Ei av dei lovpålagde oppgåvene til biblioteka er at verksemda skal vera utadretta, og tilboda skal gjerast kjende. Ved å satse på heilskapleg kompetanse på korleis vi møter brukarane i det fysiske og digitale bibliotekrommet, kan vi synleggjere bibliotek som viktige og aktuelle lavterskelarenaer, styrkje posisjonen og få fl eire brukarar. Marknadsføring handlar om å forstå brukarane sine behov, for så å tilby produkt og tenester som møter behova på ein måte som skil seg frå konkurrerande tilbod. MÅL Å styrkje merkevaren bibliotek og omdømmet til biblioteka i fylket gjennom å auke kompetansen og danne faglege nettverk for deling av kunnskap og tenester. TILTAK 1. Seminar om verdigrunnlag 2. Kursrekkje med innleiingar og verkstadar i tema som: - marknadsføring (merkevare, omdøme, marknadsføringsplan) - innreiing/utstilling/kampanje/visuell kommunikasjon/skilting - skriving for nett/bruk av sosiale media - bruk av media i profi lering - politisk arbeid/mediehandtering 3. Utvikle felles marknadsføringsstrategi/verdihandbok for heile fylket, som kvart bibliotek kan tilpasse og bruke lokalt. RESULTATMÅL: Felles verdihandbok for heile fylket som alle biblioteka i Hordaland kan bruke i marknadsføring. Marknadsføringsplanar for kvart biblioteksamarbeid med grunnlag i felles verdiar. 7
8
DIGITAL KOMPETANSE Digital kompetanse er summen av enkel IKT-dugleik, og meir avansert dugleik som sikrar ein kreativ og kritisk bruk av digitale verktøy og media. IKT-dugleik omfattar det å ta i bruk programvare, søkje, lokalisere, omforme og kontrollere informasjon frå ulike digitale kjelder, medan den kritiske og kreative evna også fordrar evna til evaluering, kjeldekritikk, tolking og analyse av digitale sjangrar og medieformer. MÅL Gjere - bibliotektilsette i stand til å meistre bruk og brukaropplæring av: informasjons- og formidlingssystema i biblioteket overordna nasjonale tenester nye media som dataspel og e-bøker andre nyttige digitale verktøy for samhandling og kommunikasjon TILTAK Kurs/verkstadar i samarbeidsregionane med tema som: administrasjon/publisering av programvare for nettstader ny katalogteknologi nasjonale tenester og korleis desse kan nyttast til fordel for bibliotekbrukarane sosiale media, dataspel m.m. RESULTATMÅL Flest mogleg bibliotektilsette i fylket ligg over nivået med grunnleggjande digital kompetanse. Dei er i stand til å tolke kva digitale hjelpemiddel og system som er nyttige for biblioteket.dei kan halde ved like og oppdatere eksisterande system, samt velje ut og ta i bruk nye måtar å organisere og formidle informasjon på. 9
ENDRINGSLEIING/INNOVASJONSKOMPETANSE Endringsleiing består i å leie gjennomføring av endringar, og er knytt til implementering og dei prosessar som skapar ein ny røyndom i organisasjonar. Med innovasjonskompetanse meinest evne til å utvikle idear, fi nne måtar å setje ideane ut i livet på, og å fullføre prosjekt. Entreprenørskap er ein del av denne kompetansen. MÅL Utvikle endringskompetansen hjå dei bibliotektilsette i fylket, og skape bibliotek med dugleik på innovasjonsprosessar. TILTAK 1.Studie for bibliotekleiarar og bibliotektilsette som gjev formalkompetanse i endrings- og innovasjonsprosessar retta særskilt mot bibliotek. Studiet skal gjennomførast i samarbeid med ein utdanningsinstitusjon. 2.Kurs og temadagar for bibliotektilsette om endringsleiing og med fokus på behovet for omstilling i sektoren. RESULTATMÅL Ein omstillingsdyktig folke- og skulebiblioteksektor i fylket, der fl est mogleg bibliotektilsette har kompetanse på endringsleiing og innovasjonsprosessar. 10
ORGANISERING OG ANSVAR Ein kompetanseutviklingsstrategi for biblioteka i Hordaland, vil vedkomme ulike aktørar. Det er følgjande forventningar til kva roller dei ulike aktørane skal ha: FYLKESBIBLIOTEKET SKAL: - vere leverandør av kurs og studietilbod, sjølv og i samarbeid med andre - marknadsføre aktuelle kurs og studietilbod - ha ein rettleiande og rådgjevande funksjon på kompetanseutvikling - kvalitetssikre kompetanseutviklingstilbod - stimulere til at dei interkommunale biblioteksamarbeida fungerer som klyngjer for kunnskapsdeling DET EINSKILDE FOLKEBIBLIOTEK SKAL: - leggje til rette for gode læringsmiljø - sikre at medarbeidarar kan nytte relevante kompetanseutviklingstiltak - bidra med tilgjengelige opplæringstiltak og dele kunnskap og erfaringar med andre bibliotek DEN EINSKILDE MEDARBEIDAR SKAL: - ta ansvar for oppdatering og utvikling av eigen kompetanse - tydeliggjere behov og følgje opp eventuell personleg utviklingsplan i samarbeid med leiar - bidra til kunnskapsdeling, kultur for læring og vere raus INTERKOMMUNALE BIBLIOTEKSAMARBEID SKAL: - arbeide for å fungere som klyngjer for kunnskapsdeling - arbeide for felles kompetanseutvikling - synleggjere kompetansebehov - gjennomføre kompetanseutviklingstiltak i samarbeid med fylkesbiblioteket 11
INNBYGGJARANE I HORDALAND SKAL MØTE EIT SØRVISINNSTILT BIBLIOTEKPERSONALE MED BREI OG OPPDATERT KOMPETANSE. Agnes Mowinckelsgate 5 5020 Bergen Tlf. 55 23 93 00 www.hordaland.no KONTAKT: Hordaland fylkesbibliotek Tlf. 55 23 93 76 fylkesbiblioteket@post.hfk.no www.hordaland.no/fylkesbibl